جاسمين

في الموقع الخاص بشركة الانتاج
مازن كان بيحاول يركز في الشغل علي قد ما يقدر و كان بيحاول يظهر انه طبيعي جدا كان بيتعامل عادي مع خالد لكن بيحاول يبعد عنه عشان ميحتكش بيه كان جواه صوت طول الوقت بيشجعه علي اذية خالد مكانش طايقه ولا كان طايق وجوده كل ما يفتكر اللي عمله مع بيري دمه بيغلي و كان حاسس كمان ان هو سبب كبير في كل اللي بيحصل في حياتهم عشان كده كان بيحاول يتلاشي خالد ويتجاهل الصوت اللي جواه
قرب خالد منه بعد ما ساب المهندسين
خالد ايه يا مازن مالك شكلك زهقان
مازن لا عادي كنت بكتب بس شويه ملاحظات
خالد طيب قولي صحيح امبارح مجتش ليه كلمتك كتير و مردتش اتصلت علي البيت طنط فاتن اللي ردت وقالت انك خرجت من بدري للشغل ابتسم و هو بيغمزله قولت بس يبقي كان عندك معاد خاص
مازن معاد خاص الصبح
خالد و هو المعاد الخاص بيفرق اذا كان صبح او ليل
مازن لا مفيش الكلام ده انا كنت جاي بس الكاوتش بتاع العربيه اتخرم و الاستبن كان فاضي فا خدت وقت و اتبهدلت شويه و معرفتش اجي
خالد طب مردتش عليا ليه كنت جيتلك او بعتلك حد يساعدك و يظبط كل حاجه
مازن ابدا كنت فاكر انها بسيطه بس للقيت الدنيا خربانه و عموما مش مستاهله عدت خلاص شايلك للكبيره
خالد وانا مستني يا سيدي يلا بينا نكمل
مازن يلا

في منزل سهر
سهر اه يا روحي متقلقيش انا بخير والله
بيري يعني مفيش اي
—
قلق
سهر لا مفيش اطمني
بيري طيب هما ليه لسه واقفين
سهر والله يا بيري ما عارفه المهم ان وقفتهم دي مش بتضرني
بيري المهم خدي بالك من نفسك و اقفلي الباب كويس والشبابيك وكل حاجه
سهر قافله متقلقيش انتي بس و متوتريش نفسك
بيري اصلا مفيش حاجه بتحصل متوترش يا سهر كل حاجه حواليا توتر وتقلق
سهر احنا لحد الوقت في امان وبعدين انتي كمان في امان ولازم تطمني و تبطلي خو…..ف متقلقيش يا بيري
بيري بحاول والله يا سهر اصلا بقيت عامله زي الاطفال بمجرد ما بقعد لوحدي بټرعب
سهر ليه فين فريد
بيري خرج
سهر راح فين
بيري مش عارفه مقالش هو اصلا مش طايق نفسه و مش عارفه ايه اللي حصله متعصب و مش طايق كلمه مني
سهر فريد شايل حمل كبير اوي يا بيري وبعدين كل اللي بيحصل الفتره دي يخلي اي بني ادم طبيعي يتوتر و يبقي اعصابه مشدوده
بيري انا عارفه بس هو اليومين اللي فاتو كان كويس معرفش ايه اللي حصله انهارده
سهر الجو كان مو…تر انهارده جدا وبعدين تعالي هنا انتي مالك مركزه ليه مع الراجل هااا اعترفي بسرعه
بيري ايه انا لا خالص هركز معاه ليه انا بتكلم عادي يعني و بعدين انتي اللي سألتي خرج فين
سهر اه مجرد سؤال طلعتي كل اللي جواكي
بيري لا عادي يعني هيكون في ايه بلاش تلميحاتك الغريبه دي انا بتكلم معاكي مش اكتر اصلا قعدتي لوحدي و الحابسه اللي انا فيها دي خنقتني بجد يا سهر حاسه اني هطق
سهر لا بقولك ايه اجمدي كده و اتحملي شويه انا عارفه انك مش متعوده علي الحپسه دي بس احنا مضطرين يا بيري
بيري عارفه يا سهر اديني قاعده اهو وساكته اما نشوف اخرتها
سهر ان شاء الله كل حاجه هتعدي يا روحي و هنرجع احسن من الاول
بيري يارب يا سهر مفيش اخبار من مازن ومريم بعد ما رجعوا
سهر لسه مكلمتهمش و لا حتي هما كلموني
بيري لا يكون في حاجه
سهر لا بس مريم اكيد في البيت ومش هعرف اكلمها احنا اتفقنا هي تكلمني لما تبقي لوحدها و مازن كمان اكيد في الشغل زي ما قولتله
بيري تمام لو حد فيهم كلمك و طمنك طمنيني
سهر ماشي يا بيري
بيري يلا روحي عشان اموله متحسش وابقي سلمي عليها
سهر حاضر يا روحي يوصل لو احتجتي حاجه كلميني
بيري حاضر يلا باي
سهر باي
نزلت سهر علي تحت لمحت والدتها واقفه في المطبخ وبتزين كيك
سهر بأبتسامه الله الله ايه الجمال ده كله
امل عجبتك
سهر هو انتي بتعملي حاجه وحشه يا اموله
امل انا قولت انا اقوم اعمل صنيه كيك كده حلوه اصل بكره اتفقت انا و طنطك مفيده و طنطك عزه هنتقابل عند سميره بقالنا كتير اوي مقعدناش مع بعض ولا خرجنا سميره قالتلنا تعالوا عندي نقعد شوبه مع بعض
سهر اااااه افهم من كده ان الكيك مطلعش لينا
امل ودي تفوتني يعني عملتلك واحده مخصوص بس لسه مخرجتش في الفرن تطلع بس وتبرد و هغرقهالك شكولاته و اهو لو روحتي بكره لبيري خديلها منها هي كمان بتحب الشكولاته
سهر ربنا ما يحرمني منك يا ست الكل
امل ولا منك يا حبيبتي مټخافيش انا مقدرش انساكي ابدا
سهر عارفه طبعا يا روح قلبي طب قوليلي مش هتروحوا ليه النادي
امل والله تحنا اتفقنا علي كده بس سميره اصلا تعبانه بقالها اسبوع جنبها هيموـ,ـتها و طلعت الكلي تعباها شويه قالتلنا طب تعالوا عندي و قولنا فرصه نروح نطمن عليها ونقعد شويه مع بعض
سهر الف سلامه عليها روحي و اتبسطي وغيري جو انا عارفه انك لتبقي مبسوطه معاهم
امل محترمين و عشرة كام سنه
سهر ربنا يجمعكم علي خير ديما ابقي سلمي عليهم
امل الله يسلمك
سهر بس ابقي خدي بالك من نفسك ايه رايك اوصلك
امل لا مش مستاهله انا هطلب اوبر يوصلني خليكي انتي في مشاويرك و عشان لو هتروحي لبيري
سهر طيب وفيها ايه اوصلك عند بيت طنط سميره وامشي
امل طب وعلي ايه ما العربيه بتاخدني من قدام البيت هي دي اول مره
سهر خلاص زي ما تحبي المهم وانتي راجعه اركبي بردوا اوبر علي طول وارجعي
امل يعني هروح فين وبعدين مالك انتي اول مره تأكدي عليا كده هو في حاجه يا سهر انا مش عرفاها
سهر حاجه حاجه ايه
امل يعني حاسه انك قلقا……نه او خاېفه من حاجه اوعي يكون في حد بيهددك يا سهر بعد موضوع وقف البرنامج والتحقيق
سهر ټهديد ايه و خو…ف ايه انتي دماغك راحت لبعيد ليه كده لا طبعا مفيش اي حاجه و بعدين انا لازم حد يهد…..دني عشان اخاڤ عليكي تصدقي انا غلطانه اني قلبي عليكي
امل بابتسامه لا والله مش قصدي انا قولت اطمن بس ان كل امورك تمام
سهر كل اموري زي الفل متقلقيش يا ست الكل و بعدين عايزه ايه من واحده فاضيه وقاعده من شغلها اما بس ارجع شغلي تاني و الاقي حاجه تشغلني و مش هتسمعي صوتي تاني
امل يارب صوتك ديما موجود يا حبيبتي
سهر و يخليكي ليا يا ست الكل
امل يلا روحي بقي شوفي كده فيلم نتفرج عليه علي ما اطلع الكيك واجيلك
سهر بس كده من عيوني