جاسمين

بعد مرور نص ساعه
في منزل رأفت الباشا
هناء كانت هتتجنن و تعرف ليه ملك مرجعتش لحد الوقت وليه محدش فيهم اتصل وقال اللي حصل معاه مسكت موبايلها واتصلت علي رافت
رأفت ايوه يا هناء ايه حد كلمك
هناء لا يا رأفت وبصراحه انا مش قادره استني و عشان كده بكلمك الوقت انا هتصل بيهم يا رأفت مش قادره اتحمل بصراحه خليني علي الاقل اعمل نفسي بشوف المكان عجب امجد ولا لأ
رأفت طيب يا هناء اللي يريحك المهم متسأليش عن اي حاجه انتي بس ركزي في صوت ملك انتي عارفه لما بتكون متوتره بيبان عليها و يمكن هي تحكيلك من نفسها
هناء طيب تمام متقلقش هعمل كده
رأفت طيب شوفي كده واطمني و كلميني عرفيني ايه اللي حصل
هناء تمام هرجعلك تاني
قفلت هناء معاه واتصلت علي ملك
ملك امجد دي مامي الحق
امجد عادي جدا ردي عليها و خليكي طبيعيه و ركزي في صوتها شوفي بتتصل عشان تسأل او قلقانه ولا صوتها عادي
ملك طيب طيب احمممم ابتسمت ملك عشان تحاول تغير نبرة صوتها هاي ماميييي
هناء بتركيز هاي يا روحي ايه الاخبار
ملك تمام جدا
هناء انتي فين كل ده مرجعتيش ليه
ملك انا لسه مع امجد
هناء ااا امجد هو مراحش علي شغله
ملك لا مراحش تقدري تقولي كده اني خليته ياخد اجازه انهارده
شاورلها امجد عشان تفتح الاسبيكر
امجد عاجبك اللي بنتك بتعمله ده
هناء ايه حصل ايه
امجد مصممه افضل معاها واقضي معاها اليوم
هناء هو انتوا مرحتوش تشوفوا الجاليري
امجد لا روحنا و كله تمام المكان حلو جدا بس احنا الوقت في مطعم وبناكل
ملك وهيدخلني سينما كمان
هناء باستغراب سينما !
امجد ردي انتي بقي علي بنتك بقولك ايه انا هنفذ كل طلباتها انهارده عشان كده كده البوم باظ وضيعت وقتي بس يكون في علمك دي اخر مره
ملك بضحك عاجبك كده يا مامي بذمتك هو يلاقي حد احلي مني يخرج معاه
هناء بابتسامه ارتباك ربنا يخليكم لبعض يا روحي اكيد طبعا مفيش حد احلي منك
ملك حبيبتي يا مامي
هنا خلاص يلا روحوا اتبسطوا انا بس قولت اشوف عملتوا ابه في موضوع الجاليري
ملك لا كله تمام متقلقيش
هناء يعني انتوا كويسين
ملك اه يا مامي بخير الحمد لله
هناء بارتباك ماشي يا روحي خلوا بالكم من نفسكم
ملك اوك يلا باي
هناء باي يا حبيبتي
بصت ملك لامجد
ملك باين علي صوتها انها مرتبكه ولا انا بيتهيألي عشان مركزه
امجد لا واضح جدا من صوتها انتي مش بيتهيألك مامي بتتصل عشان تطمن شافت اننا اتأخرنا عليها و محدش فينا اتكلم فقالت تتكلم هي و يمكن كمان تكون متفقه مع بابي ده مش بعيد لو اتصلتي بيها الوقت تلاقي موبايلها مشغول وبتكلمه
ملك استني كده اجرب و لو رن هقولها ڠصب عني دوست علي الاتصال
اتصلت ملك وبصت لامجد
ملك ده مشغول يا امجد فعلا
امجد بابتسامه مش قولتلك واضح كده ان في حاجه كبيره بينهم واكيد هعرفها
ملك ربنا يستر