تعاهدنا

وجريوا بيها عالمستشفي وهي بتصرخ من الوجع.

……

وصلوا المستشفي وخدوها من ادهم بسرعه ثواني

والدنيا اتقلبت وساره بتصرخ وبتقول اتصلوا علي جوزي

ومصممه انهم يمسكوا ادهم عشان تاخد حقها منهم

ساره…بصريخ ابوس ايدكم الحقوا ابني ابوس ايدك يا

دكتور انا تعبت انا وجوزي عشان الحمل ده يتم ارجوك

اعمل اي حاجه.

الدكتور….متقلقيش ان شاء الله خير.

ساره….متسيبهوش هو اللي م*وت ابني هو اللي ض*ربني

.في بطني حق ابني هاخده منك يا ادهم حتي لو فيها م*وتي

جريوا بيها علي اوضه العمليات قعد ادهم وحط ايده

علي راسه مش مستوعب اللي بيحصل وبيحاول يفتكر

ض*رب ساره ازاي هو مكانش في وعيه من كتر أستفزازها

فيه مش قادر يتذكر اي حاجه عن عنفه معاها كل الحكايه

مسكها من شعرها وض*ربها بالقلم زقت ايده

ووقعت عالارض وهي بتصرخ وماسكه بطنها.

لكن مكانش يعرف ان من البدايه ساره كانت

مستنياه يكلمها ويجي عشان يقابلها مكانش يعرف

انها مدبره كل خطتها بأحترافيه تامه ومجهزها

حبايه تسقط البيبي ومقرره تستفز فيه لحد ما يفقد

اعصابه كانت مستنيه منه رد فعل بسيط جدا عشان

تنفذ خطتها وتوديه في داهيه.

بعد وقت بسيط جه ادم بيجري هو وامه وابوه

كان عامل زي المجنون لما بلغوه ان ساره في المستشفي

اتفاجئ اول ما شاف ادهم لكن مركزش مع وجوده اوي

جري عليه يسأله.

ادم….ادهم ادهم ساره مالها يا ادهم حصلها ايه

حسن….حصل ايه يا ادهم وفين ساره

ادهم…بدون وعي شاور علي اوضه العمليات.

جوه لسه مخرجتش

وقبل ما يخلص جملته اتفتح باب غرفه العمليات

وخرجت ساره علي الترولي وهي فايقه وبتعيط

جري عليها ادم وحسن ورقيه. وفضل ادهم واقف

مش بينطق.

ادم….ساره ساره حبيبتي ايه اللي حصلك

طمني يا دكتور ساره مالها انا جوزها

دخلوا علي الغرفه اللي كانت هتقعد فيها

الدكتور….للاسف المدام جات وهي بتنزف جامد

جدا وتقريبا البيبي كان ميت يعني مكانش في اي حاجه

في ايدي اقدر اعملها البقاء لله شد حيلك

ادم….بحزن ابني مات

ساره…بصريخ وقفت ادم مصدوم صدمه عمره.

ادهم م*وت ابننا يا ادم اخوك قتل ابني اللي تعبنا

لحد ما ربنا رزقنا بيه.. سامحني يا ادم كان نفسي

أفرحك بس مش بأيدي ادهم ض*ربني في بطني

وقتل ابننا .

حطت رقيه أيدها علي بوئها بصدمه😱

وبص حسن لادهم وهو مش مصدق نفسه😳

اما ادم فا مسك في الكرسي كان هيقع