تعاهدنا

قد ايه حضرتك مظلومه وملكيش اي ذنب في وجعي

حتي لو كان في سبب بتحاولي تخبيه زي ما الكل قال

فا ده مش مبرر ليكي ابدا ولا هو سبب يخليني اسامحك

حتي لو عرفت السبب الحقيقي وصدقيني مهما كان

السبب عمري ما هقدر اسامحك ابدا عارفه ليه

طول عمرك بتربيني علي الصراحه وبتربيني علي ان

انا وحضرتك صحاب ولازم نتصارح مع بعض بكل

حاجه..لكن أكتشفت اني كنت عايشه في كدبه كبيره

أكتشفت ان حضرتك مكنتيش قد تربيتك ليا علمتيني

حاجه وعملتي عكسها اصدقك ازاي بعد كده اثق

فيكي ازاي ..حضرتك كسرتي كل حاجه حلوه بينا

بأيدك وجعتي قلبي وعلي ايدك عرفت يعني ايه كسره

ده انتي حتي مكفكيش كل ده صممتي اني اخرج مع

عاصم ولما سمعت كلامك صورتيني معاه وبعتي الصور

لأدهم مش مكفيكي اني كسرته ورفضته عشانك لا بعتيله

صورتي عشان توجعي قلبه زي ما وجعتي قلبي وكسرتيه.

سهام….بدموع عهد صدقيني انا مبعتش صور

عهد….مش هتفرق كتير في كل الحالات مبقتش اقدر

أصدقك.

سهام……ولما انتي شيفاني ظالمه اوي كده ممشتيش ليه

وروحتي لادهم معملتيش ليه زي ما قالك يا عهد

وروحتي اتجوزتيه..

عهد …عشان للاسف لسه محتفظه جوايا بشويه حجات

أتربيت عليها اولهم اني مينفعش أغضبك مهما حصل

مينفعش اقف قدامك عشان اتعلمت اني اسيب كل

حاجه مهما كانت روحي فيها قصاد اني ارضي امي

وانا عملت كده سبت اكتر حاجه غاليه عندي عشانك

كسرت قلبي عشانك دوقت الوجع وطعم المرار عشانك

اتحرمت من الحب اللي ربنا رزقني بيه عشانك.

سهام…..بدموع روحي لأدهم يا عهد انا اللي بقولك

لو ده هيرجعك احسن من الاول روحي وانا مش هزعل

بس توعديني انك تسامحيني لو عرفتي السبب الحقيقي

عهد….بصتلها بنظره كسره وابتسمت ..حتي دي كمان

مقدرش اعملها لاني اتعلمت ان امي وابويا راسهم تكون

مرفوعه.. أرجوكي سبيني لوحدي وأخرجي

رجعت تاني بصت علي الشباك مكان ما شافت ادهم اخر

مره وهو ماشي..

هزت سهام راسها بحزن وخرجت وهي لسه مصممه

تتماسك ومتعترفش لعهد بأي حاجه لحد ما تعرف

هيوصلوا لأيه مع ساره

….

في الكافيه..

وصل ادهم زي المجنون نزل من عربيته ودخل بسرعه

كل ده تحت نظرات ساره وأبتسامه الشر اللي مصاحباها.

دخل ادهم بص حواليه بغضب بيدرو عليها واول ما عينه

وقعت عليها راح زي المجنون عليها.

وقعد قدامها.

كانت ساره حاطه رجل علي رجل وبصاله وهي مبتسمه