تعاهدنا

لحقه ادهم بسرعه وبصله بنظره حزن وهو بيهز

راسه بلأ .

زقه ادم بعيد وهو باصلله بغضب.

الدكتور…..المدام من وقت ما جات وهب بتقول

نفس الكلام وانا كنت ناوي ابلغ لكن بما ان هو اخو

حضرتك فا هسيب حرين الأختيار ليك انا موجود في

مكتبي بعد اذنكم.

ادم كان واقف باصص لأدهم ومش مع الدكتور خالص

ساره….بدموع عايزه حق ابني يا ادم رجعلي

ابني يا ادم.

ادم….وهو باصص لادهم ليه عملت كده ليه

قولي عملت فيك ايه عشان توجعني بالشكل ده

ادهم…ادم صدقني انا معملتش حاجه انت عارفني

كويس انا اخوك يا ادم.

ساره….متصدقهوش يا ادم هو عمره ما فكر انك

اخوه طول عمره مستكتر كل حاجه عليك مراتك

وابنك وحبي ليك.

ادهم….كدابه متصدقهاش يا ادم هي اللي….

قاطعه ادم…اخرس مش طايق اسمع صوتك هي

احسن منك الف مره هي اللي دارت عليك وعلي

وساختك كتير هي اللي كانت بتحاول تبعد عنك

وانت مش سايبها في حالها هي اللي كنت باجي

عليها واقولها معلش اخوية صغير وطايش

وتسكت عشاني فالاخر تيجي وتم*وت ابني

كنت مسافر تقدر تقولي جيت ليه وامته تقدر تقولي

كلمت مراتي من ورايا ليه عشان تقابلها

كلمتني وعرفتني انك كلمتها وطلبت تقابلها

عشان توصل لعهد رساله عن طريقها وهي وافقت

عشان صعبت عليها عرفتني انها هتشوفك

عشان تحاول تصلح حاجه بينكم ومع ذلك انت

نيتك كانت وسخه هي كلمتني وأستأذنتني لانها

عمرها ما خبت عليا حاجه انت بقي يا اخويا

يا ابن امي وابويا قابلت مراتي من ورايا ليه

انا قولت ربنا هداك وفكرت انك بتحب عهد فعلا

وعامل كل ده في نفسك عشانها

لكن مكنتش اعرف انك زباله اوي كده

ادهم….انا يا ادم معقول تكون شايفني بالصوره

دي قدرت تعملك غسيل مخ انا مجتش جمبها

هي اللي صرخت واترمت في الارض وقالت اني

ض*ربتها في بطنها بس وحيات غلاوتك عندي

ملمستهاش

ساره….كداب مسكني من شعري وض*ربني بالالم

وض*ربني في بطني والكافيه كله شاهد

كل ده ليه عشان صعب عليا وحاولت انبهه عن عهد

وقذارتها مصدقنيش واتعصب ومد ايده عليا

ادهم…محصلش محصلش كدابه والله العظيم كدابه

متصدقهاش با بابا انا لا يمكن اعمل كده صدقيني

يا امي كدابه….ادم ..ادم انت عارف انت غالي عندي

قد ايه كل ده كدب وحيات ربنا انا جاي هنا من

امبارح الصبح وقابلت ماما وبابا وكنت نازل في فندق

وحكيتلهم علي كل حاجه كنت مخبيها بقالي كتير