تعاهدنا

وبعد كده نزفت والله ما جيت جمبها يا اخويا

دي مريضه .

ساره….بأنهيار اخرس انت كداب انت وسهام بتاعتك

دي كدابين لعبتوها عليا عشان مفضحش عهد واقول

اني شوفتها مع كذا شاب واخر مره كان واحد بيبوسها

وانت عملت كده عشان مفضحكش مع ادم و اقوله علي

نظراتك و لمساتك ليا وكلامك القذر صدقني يا ادم

من يوم ما عرفتك ومفيش راجل غيرك دخل حياتي

انت كنت كل حاجه بالنسبالي فكر يا ادم واوعي تصدقه

عشان هو اخوك انا عمري ما كنت سعيده غير معاك

واظن اني قدرت اسعدك بكل الطرق ولو بحبه زي

ماهو بيقوله كنت عملت كل ده من غير ما اتجوزك

لو هو رافضني قبل جوازي منك زي ما بيقول يبقي

جوازي منك مكانش ينفع لانه هيرفض اكتر بس هو كداب

انا مش هسيبك يا ادهم هندمك علي كل كلمه قولتها

في شرفي هندمك علي م*وت ابني اللي اتمنيته من

الدنيا انا وادم هندم سهام وعهد عاليوم اللي

فكروا فيه انهم يدمروا حياتي ويشاركوك في جريمتك

دي .

ادهم….يوم ما تلمسي شعره من عهد هتكون نهايتك

يا مريضه عهد اشرف من الف زيك.

ادم….بغضب لا انت اكيد اتجننت وض*ربه بكل قوته

في وشه جري عليهم حسن ورقيه وهي بتعيط

علي الحال اللي وصلوله ولاده

ادم…..بغضب هقتلك بأيدي يا ادهم هقتلك ياقذر.

مسح ادهم الدم اللي نزل من مناخيره وشفايفه

ومسك نفسه عشان ميخسرش اخوه اكتر من كده

وكل نظراته كانت متوجهه لساره بغضب

حسن….ايه خلاص مبقاش ليكم كبير بقيت زي قلتي

رقيه بتعب مسكت قلبها …الحقني يا حسن

مسكها حسن بسرعه وجاب ادم كرسي قعدها.

ادم….بدموع ماما انا اسف حقك عليا والله ما أقصد

سامحيني انتي وبابا غصب عني انا قلبي جواه نار

انا بم*وت يا امي والله بم*وت.

حسن…بغضب ابعد عنها😡

ادهم….امي امي حقك عليا صدقيني يا امي انا مش

كداب صدقيني كل كلمه قولتها هي اللي حصلت

وشاهد عليها ربنا.

حسن…بغضب قولت ابعدوا عنها

ادهم….وقف ومسح دمعه خانته وبص لساره بغضب

اي حاجه حصلت بسببك هتندمي عليها ياساره

كل يوم عدي عشته في مرار بسببك هردهولك

اضعاف اي موقف قذر حطتيني فيه مع اخويا

هندمك عليه.. وقبل ما امشي عشان الكل يبقي

شاهد انا هخرج من هنا هروح علي طنط سهام

وهتجوز عهد انهارده.. وياستي لو انا بضايقك

وحطك في دماغي زي ما بتقولي اديني هريحك

مني خالص وربنا هيهديني اتمني يهديكي انتي

كمان عشان لو محصلش صدقيني م*وتك هيكون