لقاء كـ،ـ،ـ،ـارثي
لقاء كارثي
أميره أسامه
صاحبة البطل الواحد
. البارت الثالث والستين .
…………………….
قبل كام ساعه..
بعد ما ليله قالت اخر كلمتين لعشري
ودخلت علي الاوضه و رزعت الباب
الساعه سبعه جات و مخبطش عليها و لا قالها يلا عشان تكلميهم فضلت قاعده مستنيه لحد سبعه و نص بردو مفيش قبل ما تيجي علي 8 بخمس دقايق خرجت بهدوء و السيجاره في أيدها كان قاعد مركز مع مصارعه اول ما لمحها رفع عينه بهدوء و بصلها من غير ولا كلمه و قفت علي اول الطرقه و بصتلوا.
ليله….خير قولت الساعه سبعه هنكلمهم و الوقت بقت ثمانيه
عشري….لسه متجمعوش قدامهم شويه لما يتجمعوا اكيد هيبعتوا
ليله….امممم تمام نسيبهم يتجمعوا
ادتلوا ضهرها و مشيت خطوه
عشري….ليله
وقفت و مبصتش
عشري….الاكل جاهز من بدري و كده انتي داخله علي يومين من غير اكل
سابته ومشيت من غير حتي ما ترد غمض عينه بغيظ و هو بيعض علي شفايفه.
عشري…..يصير خير يا ليله يصير خير يساويها المولي.
دخلت ليله الاوضه قعدت علي الكنبه و حطت رجل علي رجل و كملت سيجارتها كانت متوقعه يجي وراها و يتعصب بس هو لحد الوقت عاملها صدمه في رد فعله هي اكتر واحده عارفه ان عشري خلقه في مناخيره و بيتعصب و سريع الغضب علي قد حبه و حنيته بس عضبه سريع زيها لكن لحد الوقت هي ملاحظه انه متحمل فوق طاقتها كل ما نحاول تلاقيله مبرر بقلبها
يرجع عقلها يفوقها و يوقولها ماهو لازم يكون كده لانه غلط معاكي و لانه عامل مضيبه و متجوزك من غير علمك و عارف ان الغضب والعصبيه من حقها هي مش من حقه فا ترجع تاني ثابته علي موقفها و تلغي قلبها خالص..
كانت حاسه ان هي نفسها تاخد شاور طويل و تقوم تهدأ بس كل ما تبص علي الحمام تحس انها بتاخد شاور في الاوضه.
ليله….بهمس مسموع بكل غيظ ايه اللي انت مهببه ده ناقص ادخل اعملك عرض في سينما احنا فين الخصوصيه يا بني ادم الربايه معدتش عليك لحظه.
سكتت شويه و هي باصه علي الحمام بتركيز ضيقت عينها و شيطانها اشتغل
ليله….بهمس لا ماهو اكيد النظام ده ليه حاجه غير الفضيحه دي
حطت السيجاره في بوئها وقامت دخلت علي الحمام نورت النور و فضلت تبص في كل مكان الحمام من بره في اوضه النوم اللي يبص عليه يلاقي وراء الزجاج علي طول الچاكوزي و قدام في الوش كبينه الشاور و علي جنب الحوض و التويلت راحت جنب الچاكوزي تبص بهدوء لمحت زرار علي جنب بيطلع و ينزل كان مرفوع نزلته لقت ستاره إلكترونيه بتنزل بهدوء تغطي الزجاج ابتسمت بشر
ليله….حلو كده راحت بصت علي باب الحمام من جوه كان في في الاوكره مفتاح بتلف و بتقفله براحتها مش مفتاح بيتشال قفلت و جربت تفتح من الاوكره مفتحش فا اخيراً بدأت ترتاح
خرجت بهدوء و قررت تروح تجيب غيار و تدخل تاخد شاور براحتها و قررت ان الستاره تفضل نازله كده خرجت بصت من بره لقت مفيش حاجه باينه خالص
ليله….ابقي وريني يا اللي متربتش هتوفني ازاي
دخلت علي الدريسنج و فضلت تبص في هدومها لحد الوقت مركزتش ولا شافت في ايه و مفيش ايه
كان في ترنجات كتير من بتاعتها و كاشات شتوي قصيره فضلت تقلب في الهدوم و بصت كمان علي الهدوم الجديده بس قررت متلبسش غير من حاجتها اختارت ترنج لونه بني غامق شمواه او قطيفه بياخد شكل الجسم كان ليه سوسته من قدام و علي الكمر بالظبط و فيه تحته قطعه كب لونها ابيض بديل للبرا و البدي
طلعت شراب و بعدين راحت فتح الباب السحري ده بتاع الجزامه خدت لكلوك لونه بني شبه الكوتش الهاڤ بوط بس هو لكلوك بيت
خدت لبسها و فوطه و دخلت علي الحمام قفلت علي نفسها من جوه و قررت تاخد شاور براحتها فضلت جوه شويه حلوين فصلت خالص
و بعدين نشفت و حطت كريماتها و حاجتها علي جسمها و بعدين لبست و خرجت بهدوء علي الكنبه نشفت رجلها و لبست الشراب و اللكلوك و بعدين دخلت علي الدريسنج نشفت شعرها بالاستشوار كويس و ظبطته كان لونه يجنن بعد كده بصت علي الميك اب بتاعها تشوف ايه اللي اتبقي منه بعد كمية التكسير اللي كسرتها دي و عملت ميك اب خفيف بس يجنن و هادي خالص قفلت الچاكت شويه عشان متبقاش بالقطعه اللي تحت زي البرا بس مقفلتش السوسته اي يادوب نص فا صدرها كان باين من فوق و التاتو و اتعمدت تبينه عشان تضايقه..
بعد ما خلصت و ظبطت نفسها حطت من البرفيوم اللي بتحبه و بعدين خرجت علي بره خدت السجاير و الولاعه و لعت سيجاره و خرجت علي بره و هي حطاها بين ايدها.
لمحته ساند راسه علي وراء و رافع رجله الاتنين علي التربيزه و مربع ايده و ساكت خالص و بيتفرج علي المصارعه لسه
بصلها بهدوء و عينه كان فيها ابتسامه تجنن هي نفسها كان شكلها يجنن عروسه بجد ريحتها كانت سبقاها و طلعتها خطفت قلبه قبل عينه جابها من تحت لفوق في ثانيه حاسس انه بيحلم و هو شايفها قدامه بتتحرك في الشقه و كأنه حلم كان مستنيه مش مهم متعصبه مضايقه راضيه او رافضه بتتكلم معاه او مبتردش المهم انها قدامه و بخير وحشته فوق ما تتخيل وحشه الكلام معاها و دلعها طول الوقت و شقاوتها و حشه حضنها و لمسه ايديها و حشه حجات كتير مفتقدها بس هو راضي كفايه انها قدامه.
عينه كانت عليها بتراقبها في صمت خرجت من الطرقه بمشيتها المايعه اللي جابته الارض دخلت قدامه بهدوء علي المطبخ سكت و دعي من قلبه تكون رايحه تاكل بس وقفت قدام مكنة القهوه بس معرفتش تشغلها النوع اللي عندها مش زي اللي عنده بس كرامتها كانت اكبر من انها تطلب منه يجي يشغلها و هو كان لامحها من بعيد محتاسه و مش عارفه بتشتغل ازاي سابها و قرر يعمل زيها و يشوف هتقولوا ولا لا بس كان عارف انها مش هتقولوا عشان عنيده
و قررت فعلا انا متقولوش بدأت تدور علي كنك هي عارفه انها لمحت كنك و هي بتدور علي سكينه تفتح بيها الباب بس مش فاكره فين المطبخ كبير اوي و هي لسه مش حافظه مكان اي حاجه فضلت تفتح درفه درفه و تدور و هو باصصلها و ساكت بس مبتسم لحد ما لقت كام كنكه خدت منهم واحده و طلعت كوبايه مش فنجان حطت البن في الكنكه و حطت المايه و قلبت و حطت الكنكه علي النار وطت عليها النار و فضلت واقفه خلصت سيجارتها طفتها بهدوء و استنت القهوه و بعدين حطتها في الكوبايه براحه طلعت بوش و تجنن خدتها حطتها علي البار و طلعت علي الكرسي ضهرها ليه و كان باين شويه قربت الطفايه و ولعت سيجاره تانيه سندت كوعها علي البار و فضلت ساكته خاااالص بتشرب القهوه و السيجاره بهدوء.
الساعه كانت تسعه و نص و لسه بردوا محدش اتصل ولا هو اتصل قدامها بحد بس سكتت و قالت تشوف اخرتها ازاي كل ده متقابلوش و لا هما خايفين و بيتهربوا و هو عارف و مش راضي يقولها.
اما هو فا نسي المصارعه اللي كانت شاده انتباها و عينه كانت مركزه علي البطل الحقيقي اللي قاعده من غير رحمه قدامه عماله تكفي السيجاره بهدوء و تطلع نفس بهدوء و حشه اوي نفس السيجاره اللي كانت بتسحبه منه كان هاين عليه يقوم ياخدها في حضنه قلبه عمال يقوله قوم احضنها من ضهرها و ريحني و عقله يقوله متستعجلش سيبها براحتها
كل واحد فيهم كان قاعد في حرب بس قرر انه يوقف الحرب دي شويه و يقوم ينكشها شويه حتي لو هتتخانق معاه تتعصب ترد عليه رد رخم المهم يسمع صوتها .
قام بهدوء و راح عليها دخل المطبخ و لف بقي من جوه البار عينه في عينها بصتلوا بنظره قويه و ثابته كانت حاطه رجل علي رجل و السيجاره بين شفايفها و عينها في عينه مبعدتهاش.
عشري…..بهدوء ليله انا هموت من الجوع
كلمته دخلت في قلبها و حست انه جعان بجد عامل زي الطفل اللي رايح يقول لامه انه جعان بان علي عينها لثانيه التأثر بس رجعت ابتسمت بسخريه و هي بتنفخ الدخان
ليله….اعملك ايه يعني ايه اقوم اسخنلك و اقوم بدور الزوجه الصالحه وانا مالي
عشري….لا يا ستي مش عايزك تقومي بدور الزوجه الصالحه ولا عايزك تسخني او تجهزي ولا حتي تقومي من مكانك انا عايزك تاكلي عشان اكل
ليله….بابتسامه هو انت راهن اكلك علي اكلي
عشري…يعني حاجه زي كده انا كمان مكلتش من امبارح و جعان بس مش هاكل غير لما تاكلي
ليله….يبقي هتموت من الجوع
عشري….ايه ناويه تضربي عن الطعام
ليله….ولو مكنتش ناويه اعتبرني نويت لو بجد هتموت من الجوع يبقي مش هاكل
عشري…يعني عيزاني اموت يا ليله؟
ليله….بصتلوا بغضب بسيط الاعمار بيد الله
عشري….بتنهيده جيبتي القساوه دي كلها منين يا ليله؟
ليله….البركه فيك انت و كل اللي وثقت فيهم
عشري….طيب ممكن تأجلي اي تسميع كلام ليا الوقت لاني بجد دايخ جداً و حاسس اني لازم اكل بجد
ليله….وانا مش مسكاك علي فكره كل البيت بيتك متتكسفش
عشري…..مش هتاكلي يعني
ليله…..لا يا عشري لا اكلك و لا بيتك يلزموني و هقولهالك تاني انا هنا غصب عني مش بمزاجي و لو هموت مفيش حاجه هتتفرض عليا عايزني اكل ابعت اي حد من العصابه بتاعتك يجيبولي فلوسي و حاجتي
عشري….تمام يا ليله يبقي هنموت انا وانتي من الجوع عشان لو هتموتي بجد مش هتصرفي علي نفسك جنيه واحد.وانتب علي ذمتي ده انا معملتهاش قبل ما اخطبك حتي هعملها وانتي مراتي و فرضنا جبتلك حاجتك متخيله يعني انك هتدفعي تمن اكلك انتي اتهبلتي في عقلك
ليله….ولا حتي هدفعلك يا عشري اي حاجه اشترتها مش همد ايدي عليها انا هطلب من بره اللي انا عيزاه
عشري….والله
ليله…..اه والله ايه مش مصدقني
عشري….طب اظبطي يا ليله عشان مكسرش دماغك دي الوقت
خرج و سابها و راح قعد مكانه بره
ابتسمت بهدوء و سكتت مردتش عليه.
خلصت قهوتها و قامت بهدوء و بعدين سمعت صوته بغيظ زي العيال الصغيره
عشري….علي فمره بقي القهوه دي بردوا بفلوسي هي و السجاير
بصتلوا بغيظ و معرفتش ترد عليه بس كانت حاسه انها لو فضلت بصاله هتضحك فا بعدت وشها عنه و راحت حطت الكوبايه في الحوض و بعدين خرجت علي بره.
ليله……الساعه داخله علي عشره خير هفضل مستنيه كتير
عشري….قولتلك لما يتجمعوا هنبقي نتصل عليهم
ليله….وهما هيتجمعوا فعلاً يا عشري و لا خايفين يتجمعوا
عشري….والله انا زيي زيك مستنيهم لما يبعتولي هبقي اعرفك
ليله…..تمام يا عشري و انا مستنيه
راحت وقفت قدام الشباك كانت حيطه كبيره كلها زجاج بتبص علي الشارع الجو قدامها هادي كله مساحه واسعه عربيات رايحه جايه و شجر وزرع و انوار بسيطه جو شتوي يجنن فضلت واقفه شويه و بعدين راحت قعدت علي الكرسي بزهق هي بردوا مش متعوده علي القاعده دي لا بتخرج لا بتشتغل لا معاها البنات لا الموبايل و ملهاش خالص في التلفزيون وحتي التلفزيون هو جايب مصارعه و بيتفرج.
سرحت شويه و قررت تضايقه قامت بهدوء مسكت الريمود و حولت بصلها بهدوء بس هي عملت عبيطه و مبصتش حولت كانت عماله تحول و مش عارفه اصلا القنوات المصارعه كانت علي رقم سبعه فضلت تطلع لحد 200
لمحت فيلم اجنبي سابته شويه و اول ما حست انه اندمج حولت لقناه تانيه كان عليها فيلم بردوا اكشن ضرب و جري و عربيات بتطير اندمج و بمجرد ما اندمج حولت
بصلها بغيظ و كان عارف انها بتضايقه.
عشري….ايوه و بعدين مش هنثبت علي اي حاجه
بصتلوا بنظره سخريه و مردتش
عشري….بهمس اللهم طولك يا روح
لقت فيلم قديم اوي فا سابته بص علي الفيلم بملل و سكت بس ركز معاه شوره لان مفيش غيره و بمجرد ما حست انه بدأ يركز
حولت تاني غمض عينه بتماسك و قام وقف و مشي من قدامها خالص علي الطرقه كان رايح الاوضه
بصت ليله علي التربيزه لقت الموبايل بتاعه ابتسمت بشر قامت بسرعه علي التربيزه مسكته
لقته خارج تاني من الطرقه و قرب منها بابتسامه فيها شر اقوي من شرها و خد من ايدها الموبايل
بصتلوا بغيظ و حبت تستفزه كان واقف قدامها بالظبك
ليله….بإبتسامه تحدي اوقات بيبقي شعور حلو لما تلمح في عين خصمك خوفه منك
عشري….بضحكه تجنن و بنفس نبرة التحدي صدقيني لو خايف يبقي خايف عليكي مني انتي مش قدي يا ليله انا لو سايبك تلعبي فا ده بكيفي انما لو حطيتك في دماغي انتي عارفه ان اللعب هيكون ليا لوحدي
ليله….بأبتسامه سخريه ثقتك في نفسك بتضحكني اوي
عشري….حلوه الثقه بس الاحلي مين يضحك في الاخر
ليله….طب لما انت جامد اوي كده ما تجرب تسيبني العب معاك بطريقتي و انت جمد قلبك و متخافش عليا منك اصل في كل الاحوال قدك ما تخليك جامد مره و خليك انت كمان قدي ايه خايف احبسك تاني
.ابتسم عشري و هز راسه شمال و يمين بقلة حيله عض علي شفابفه و ضيق عينه وبصلها
ليله….بأبتسامه تجنن غمزتلوا خايف صح ؟! قول متتكسفش بس انا مش عيزاك تخاف هي صحيح قاعدة البورش و السجن حاجه تزهق و تختق بس متخافش المرادي مش هتبقي لوحدك هيبقي معاك عزوه كبيره و اولهم اخويا و خد بالك انا بردوا جدعه كل زياره هتلاقيني قدامك انت وهما بعيش وحلاوه و سجاير فرط و اكله ترم بيها عضمك متقلقش هيبقي وراك مره بميت راجل يا عشري
عشري….بضحك انا في ضهري مره برجالة العالم مش قلقان
بصتلوا بهدوء و سكتت
عشري….بس قوليلي انا عارف ان لسانك طويل بس مكنتش اعرف زفر كده و كنتي بتضايقي لما اقول اي لفظ ايه اللي اتغير لسانك بقي عايز قطعه ليه يا بت المارديني
ليله….ماهو من عاشر القوم اربعين يوم البركه فيك
عشري…..بابتسامه ليله
ليله… بابتسامه تحدي خير
عشري….والله العظيم جعان اوي و ذنبي في رقبتك
سابها و دخل علي جوه
بصتلوا بغيظ و تأثر و قلبها هيموتها عشانه افتكرت لما قالتله انها جعانه و الدنيا بتمطر و مش في اي مكان تطلب منه اكل و معرفتش تاكل مع البنات من الاكل اللي طلبوه مهانتش عليه و جالها في عز المطر نزلها بهدومها و اكلها في العربيه و بقي يفتلحلها الاكل
غمضت عينها بغضب من نفسها و منه و قعدت علي الكنبه رجعت راسها لوراء و رفعت رجلها علي التربيزه و فضلت ساكته رجعت تقلب تاني في التلفزيون جابت قناه اغاني و سابتها
الوقت كان بيعدي و هو مختفي بقاله شويه مش عارفه بيعمل ايه كل شويه تميل بجسمها تبص علي الطرقه و ترجع.
لحد ما سمعت صوت الباب بيتفتح
خرج عشري لابس بنطلون اسود و تيشرت اسود حمالات عضلاته كلها باينه و علي كتفه تيشرت بكم خرج بهدوء و راح علي المطبخ بصت عليه من بعيد كان بيحط من الترمس قهوه عربي و مسك التمر كل واحده و بعدين مسك راسه فضل يضغط عليها قلبها مكانش قادر يتحمل اكتر من كده هي هتموت من الجوع و حاسه بيه بس مش قادره تحس انها اتنازلت عنيده لدرجه متتوصفش و هو حافظها كويس .
خرج بهدوء علي بره حط القهوه علي التربيزه و وقف لبس في دراعاته التيشرت و بعدين دخل راسه التيشرت كان قافش عليه و شكلوا يجنن راح بهدوء رفع شويه حراره الدفايه الجو كان تلج و رجع قعد بهدوء ولع سيجاره و حط ايده علي وشه فضل يدعك جنب راسه بهدوء حست ان عشري مش تمام بس مش عارفه تعمل ايه او تقوله ايه و قررت لو قالها تاني علي الاكل تسكت و توافق عشان هو ياكل .
و لعت سيجاره تانيه و فضلت ساكته و مستنياه يعترض حتي علي السجاير الكتير دي بس سكت او بمعني اصح مكانش قادر يتكلم.
قررت هي اللي تنكشه.
ليله…احممم عشري
شال ايده و بصلها بهدوء.
ليله….الساعه 11
عشري….ليله انا مش عارف هيتصلوا امته صدقيني
ليله….تمام بس ياريت انت تكلم اي حد فيهم و تبعت فضل او حد من اخواتك يجيبوا اللي قولتلك عليه انا مش ناويه اضرب عن الطعام كتير لاني مش ناويه اتعب تاني كانت بتحاول تنكشه بأي طريقه عشان توافق علي اللي هيقولوا و يقوم ياكل
عشري….ليله شوفي انا سايبك براحتك اعملي اللي انتي عيزاه بس موضوع انك تصرفي علي نفسك ده مش هيحصل
ليله….يعني ايه ؟
عشري….يعني اللي سمعتيه يا ليله فا بلاش نتعب بعض كتير و خلينا نخرج موضوع الاكل و الشرب من غضبك عليا انا نفسي طويل معاكي زي ما قولتلك بس عشان انتي تقدري تقاومي و يبقي نفسك طويل معايا لازم تاكلي هتاخدي حقك مني ازاي و انتي مش قادره تصلبي طولك و اقولك لو انتي اللي كسبتي الحرب دي يا ليله في الاخر ابقي ادفعيلي تمن اكلك و شربك و لو خلصتي عليا ابقي طلعيهم صدقه علي روحي و لو انا اللي كسبت الحرب يبقي خلصت و متدفعيش حاجه او اقولك هاخدهم منك بس مش حساب او تمن لاكلك و شربك هنمشبها رهان يا ليله ايه رأيك
ليله….رفعت حاجبها يعني ايه رهان؟
عشري…..لو فضلتي عانده و بتحاربي فيا و كسبتي الحرب اعملي اللي قولتلك عليه و لو انا اللي كسبت الحرب و رجعتك لحضني با ليله بردوا هاخد منك تمن اكلك و شربك بس هاخده تمن رهان اني رجعت قلبك ليا قولتي ايه
بصتلوا بهدوء و مردتش هتموت و تقولوا موافقه مش عشان تاكل عسان باكل هو بس بردوا مش عايزه هي اللي تقول موافقه عزة نفسها وكرامتها واقفين علي مناخيرها
عشري….بهدوء طيب خلينا نقول ان السكوت علامة الرضا ماشي يا بت الحلال ناكل بقي و لا هنحارب علي معدة فاضيه
رجعت ضهرها لوراء و هي بتتنهد و حطت السيجاره في بوئها
قام عشري بهدوم وقف ومستناش ردها عشان مترجعش في كلامها راحت بهدوء علي المطبخ حط من الاكل في طبقين بشكل يجنن و بعدين دخلهم الميكرويڤ و حط السلطه في اطباق صغيره وحط شوكه و معلقه ليها و شوكه و معلقه ليه و فضل واقف لحد ما الاكل سخن حطهم علي البار كل طبق علي صنيه خشب و جنب الطبق شوكه و معلقه و مناديل وطبق السلطه وكوبايه مايه
خرج من المطبخ بهدوء راح عليها سحب السيجاره من ايدها طفاها بصتلوا بسرعه و من غير ما يديها فرصه لاي رد فعل مسكها من كفها قومها سحب الكرسي بأيده التانيه و قربها من الكرسي
عشري….اطلعي
بصتلوا بغضب و من جواها مبسوطه اوي
عشري….بنظره تجنن يلااااااااا
طلعت ليله بهدوء قعدت
سحب الكرسي اللي جنبها و طلع عليه هو كمان و فضل باصص قدامه ثواني مستنيها تاكل عشان ياكل
بصلها بنظره حاده.
عشري….امسكي معلقتك وكلي ولا خايفه اكسب الرهان و بتفضلي تموتي من الجوع اهون
بصتلوا بغضب و استفزاز و بعدين بصت قدامها و مسكت المعلقه
ابتسم بهدوء عارف انه لما بيستفزها التحدي اللي جواها بيزيد وفي كل الاحوال هو كسبان انها كلت و وافقت علي الاقل تبدأ تتعامل عادي و تاكل وقت ما تحب عشان متتعبش منه.
بدأت تاكل بهدوء الاكل كان عاجبها اوي بس مكانتش عايزه تحسسه ان اكله حلو فا فضلت تاكل في صمت هو كمان بص قدامه و بدأ ياكل من غير ما يبصلها عشان متوقفش اكل.
كان جعان جداً بس كان مبسوط اكتر انها كلت اخيراً بعد وقت بسيط سابت معلقتها و مسكت المايه تشرب لفت نفسها عشان تنزل مسك الكرسي بسرعه بدراعه فا معرفتش تنزل بصلها بهدوء
عشري…..كملي اكلك
ليله….وسع ايدك
عشري….كملي طيب اكلك
ليله….بقولك وسع انا كلت
عشري….ده اكل ده خلصي و كلي
ليله….علي فكره انا قعدت و كلت و بما اني كلت يعني اكيد شبعت مش هقوم جعانه
عشري….بهدوء بس انتي مكلتيش كتير يا ليله علي الاقل كملي عشان حرام الاكل ده يترمي
ليله….قولتلك شبعت خلاص ممكن اقوم بقي
عشري….بهدوء اتفضلي بألف هنا
بصتلوا و مردتش عليه و سابته و راحت تغسل ايديها
كمل اكلوا و بعدين قام بهدوء شال الاطباق ..
خرجت خدت علبة السجاير و راحت تعمل قهوه تاني هو كان واقف ينضف المكان و غسل الاطباق و بعدين غسل ايده و راح خد الفنجان بتاعه و الترمس حطهم بره علي التربيزه و رجع تاني علي المطبخ كانت هي واقفه جنب القهوه
عشري….بصلها بهدوء عارف انك مش هتطلبي مني عشان ليله هانم مبتحبش تحسس حد انها عايزه منه حاجه خصوصاً لو مش طيقاه المكنه دي غير بتاعتك و بتفكي الدراع ده كده و بتسحبيه لتحت بتحطي البن و تغطيه و ترجعي تاني الدراع و تكبسيه كويس و دوسي علي الزرار اللي وراء اللي مكنتيش واخده بالك منه ده و بعدين تدوسي علي الزرار ده و الزرار ده و تشوفي عايزه تشربيها ساده ولا فرنساوي ولا بأي طريقه و بعدين بتضغطي هنا و انتي حاطه كوبايتك طبعاً وبس كده
ليله….بابتسامه استفزاز مسألتكش
بصلها و ضحك ضحكه هاديه و سابها و خرج
لفت ضهرها و بصت علي القهوه و هي مبتسمه عارفه انه حافظها و عارف انها مكانتش هتطلب منه
خلصت قهوتها و بعدين خرجت علي بره و لعت سيجاره في الوقت ده كان الشباب ضحكوا وهزروا و قرروا انهم هيتصلوا بيهم عشان يخلصوا.
فا بعت رشيد رساله لعشري.
طلع عشري موبايله و فتحه و شاف رساله رشيد..
رشيد….عشري احنا كلنا موجودين عند نعيمه رجعنا خلاص لو هتقدروا تفتحوا الوقت يلا احنا جاهزين
بص عشري لليله
عشري….ليله الشباب متجمعين و معاهم و ليلد و بيقولوا انهم جاهزين خلاص ايه هتكلميهم ؟
ليله…..اكيد يلا ابعتلهم قامت من الكرسي قعدت علي الكنبه جنبه و السيجاره كانت في ايدها
عشري….تمام مسك عشري الموبايل و بعت لرشيد انهم هيتصلوا علي الشات الوقت.
عشري…..طنش السيجاره خالص بصلها بهدوء ليله
ليله….نعم
عشري…..ارفعي السوسته
بصتلوا بهدوء و نظره استغراب
عشري….خير ايه البصه دي
ليله….انت مالك و مال السوسته يا ابنس بلاش الثقه دي
عشري….بغضب بسيط انا مش اببببببنك و ارفعي السوسته لو عايزه تكلميهم
بصتلوا بغضب بسيط و توتر من نظرته
عشري….يلاااااا
رفعت ليله سوستة الچاكت بغضب
ليله….تمام كده ممكن تتصل بقي
عشري…..تمام
ثبت الموبايل علي التربيزه و اتصل علي الشات رشيد الوحيد اللي قبل من عنده و هما كلهم كانوا قاعدين علي وشوشوهم ابتسامه توتر بيحاولوا يداروا بيها اللي هيحصل و ده عند البنات و وليد
اتفتح الشات و ظهروا قدامها و اول ما شافوها غصب عنهم قلبهم دق خوف بقي توتر قلق من لسانها او رعب من رد فعلها المهم انهم للحظه حسوا انهم قدام امهم و عاملين عامله عينهم كانت بعيد عن الشات لمحوها في الاول و بعدوا عينهم
كانوا قاعدين جنب بعض و نادين شبه مستخبيه في ضهر عسال
و كل بنت قاعده جنب شاب و وليد قاعد علي كرسي سلامه قاعد علي ايد الكنبه و ايه جنبه في الكنبه
اول حاجه لمحتها ليله كانت وشوشهم و ملامحهم تاني حاجه لمحتها البيت اول مره يتجمعوا في بيتها هي و نعيمه ياأما بيتقابلوا عند نادين يا المطعم يا مؤخراً عند ايمي و كلام عشري معاها ان كلهم هيروحوا عند ايمي الساعه سبعه.
و تالت حاجه لمحتها ملامح نعيمه الحزينه و ايدها اللي مربوطه
عشري….مساء الخير يا جماعه اخباركم ايه؟
ردوا كلهم تمام..الحمد لله… بخير…
عشري….اخبارك يا وليد
وليد….بهدوء تمام يا عشري انتوا بخير
عشري….الحمد لله كله تمام الف سلامه عليكي يا نعيمه
بصت ليله بهدوء علي عشري و رجعت بصت تاني علي الشات
نعيمه….بهدوء الحمد لله
عشري….ايدك عامله ايه الوقت؟
نعيمه….بخير يا عشري
عشري…..بنات شباب كلكم تمام
ردوا بهدوء و استنت ليله عشري سكت و هما سكتوا طفت السيجاره من ايدها و نفخت اخر نفس
رشيد…بهدوء و ابتسامه هاديه احمم اخبارك يا ليله
ليله….بابتسامه مش مفهومه اذا كانت هاديه ولا ده الهدوء الي بيسبق العاصفه تمام يا رشيد انت كويس
رشيد…بخير
ليله….الحمد لله يارب ديماً حسان فضل سلامه عسال اخباركم ايه تمام
ابتسم سلامه و سكت
حسان…..الحمد لله
فضل….تمام يا ليله
عسال…..لو انتي بخير احنا بخير يا ليله
ليله….بابتسامه لا انا بخير جداً و زي الفل ايه مش باين عليا. احمممم ازيك يا وليد اخبارك ايه يا ابن امي
ابتسم وليد بهدوء كان ساند راسه علي كفه
وليد….بأبتسامه جميله انا بخير يا ليله انتي اللي عامله ايه
ليله….انا انا زي الفل عروسه عقبال بناتك يا اخويا عقبال كده ما تفرح بيهم بس تبقي فرحه بقي تليق بيهم يعني متجوزين زي خلق الله لابسين فستانهم الابيض حاضرين كتب كتابهم مبسوطين بيضحكوا داخلين بيتهم لاول مره برضاهم كملت بابتسامه يستنوك كده انت و امهم و انتوا رايحين تزوروهم لاول مره متبقاش مكالمة ڤديو كول يبقي معاهم مفتاح بيتهم في ايدهم
المهم انت كويس يا اخويا
بصلها وليد كان عارف انها بتسمعه كلام بهدوء فا ابتسم و ضحكه ضحكه هاديه وهز راسه عارف لسانها الطويل
وليد…..بخير يا غاليه
ليله….بابتسامه طيب الحمد لله يارب ديماً بصت علي البنات خيرررر مالكم يا بنات ساكتين يعني و هادييين ومالكم منزلين راسكم كده ليه لا لا عيب ارفعوا راسكم ده انتوا عاملين بطولة مشرفه
ابتسمت ايمي و ضحكت غصب عنها لما لمحت سلامه حط ايده علي وشه و ضحك و الشباب كلهم نزلوا وشهم لتحت و ابتسموا
ليله….بابتسامه ايوه كده اضحكوا و مش عايزه اشوف راسكم لتحت ابداً و لا انتوا شايفين ان اللي عملتوا ده حاجه تخلي الواحد يتكسف و يحط عينه في الارض .
احممممم ازيك يا ايمي ازيك يا خبره
ضحكت ايمي بهدوء و بصتلها
ايمي…بخير انتي بخير
ليله….انا زي الفل و حشاني والله
نظراتهم لبعض و ابتسامتهم و كلامهم بعينهم كان عامل حاله من الاعجاب.و عشري جنبها حطت دراعه علي الكنبه و ساند راسه و مبتسم
ايمي….بضحكه تجنن انتي اكتر
ليله…..مبسوطه بيكي اوي ده بجد بس ليا عتاب عليكي
ايمي….بنظره تجنن خير
ليله….غمزتلها و ابتسمت مش عيب يا خبره تبعتولي هدومي ناقصه ده انا حتي عروسه يعني كان لازم يكون فيها حاجه كده ولا كده
عشري…..بصوت هامس ليييييله
ليله….بصتلوا وابتسمت مالك زعلان ليه بقول حاجه عيب ده عشانك يا عريس
بصلها بنظره حاده وسكت
ليله….احممم خلينا في المهم اخبارك يا دكتوره يا عاقله
سلمي….بهدوء ابتسمت تمام انتي كويسه
ليله…انا ؟؟ ضحكت بسخريه زي الفل عقبالك انتي وحسان كده
اخبارك يا ايه تصدقي بالله انتي الوحيده اللي انا مشفقه عليها كيوت كده و طيبه اه والله مش بتريق انتي عارفه انا بحبك و بخاف عليكي قد ايه بس نصيحه طول ما انا مش جنبك بلاش تقعدي مع الاربعه دول لوحدك اصل دول قادرين اااه والله اسمعي مني قادرين و انتي مش قدهم
خبوا وشهم و سمعت صوت ضحكات من الكل
نعيمه هانم شريكتي في حياتي و بيتي و صاحبتي و اختي اللي مقدرش انام غير لما اطمن عليها تعرفي اكتر حاجه مفرحاني اني مبقتش شايله همك كنت عامله فيها ام و كل ما اقلق اروح اغطيكي انا من رأيي بقي تسرعي في موضوع جوازك انتي و فضل عشان تلاقي حد يهتم يغطي و يأكل و يشرب و يهتم بدل ما انتي معوره نفسك كده خيررررر سكينه دي ولا كسرتي كوبايه و انتي بتغسليها اصل عرفاكي بتقرفي تمسكي الاطباق و تغسليها و انا مش موجوده طبعاً هااا سكينه و لا زجاج يا نعيمه هانم
بصتلها نعيمه بحزن و عيطت زي الاطفال.
نعيمه….بدموع اتحرقت
بصتلها ليله بصدمه و سكتت نزلت نعيمه راسها لتحت و فضلت تعيط و فضل حط كفه علي راسها
ليله….بنظره وجع معرفتش تتحكم فيها يعني ايه حرق.
فضلت نعيمه تعيط بهدوء و سكتت
ليله…..ما تردي
ايمي….وقع علي ايدها مايه مغليه و احنا معاها من بدري في المستشفي حرق درجة ثالثه و لسه جايين من شويه عدت علي خير
سكتت ليله مش عارفه تقول ايه بصت لعشري بغضب و بعدين بصتلهم تاني.
ليله….امممم طيب الحمد لله طيب بتعيطي ليه عشان شايفه انك اتسرعتي لما وافقتيهم ما انا لو معاكي مكنتيش قربتي من المطبخ صح ولا بتعيطي عشان الحرق واجعك يا نعيمه
عسال…بهدوء ليله ااا نعيمه تعبت اوي انهارده و ربنا يكون في عونها الحرق كان صعب جداً فا عشان خاطرها بس فوتي نعيمه من تحت ايدك الوقت
ليله…..لا خالص نعيمه و البنات وانتوا واخويا كلكم فوتكم من تحت ايدي اصلاً متخافش انا مبعضش يا عسال بس ياريت يا نعيمه توصفيلهم وجع الحرق قد ايه متعب و مميت اوصفيلهم بكل دقه حاسه بأيه يمكن يممممكن تقدري توصفيلهم الوجع اللي في قلبي منكم كلكم.
حسان….اااا ايه ده لا لحظه معلش ليله انتي بتتكلمي كويس؟
بصوا كلهم لبعض بصدمه و ركزوا فعلاً انها بتتكلم كويس حتي وليد اميمه مقالتلوش حاجه الصبح و لا كلمتوا.
ايمي….بصدمه صح ليله انتي كويسه
ليله….بابتسامه بصت لعشري ايه ده انت مقولتلهمش يا راجل ودي حاجه تتنسي مش تفرحهم بالبطوله اللي عملوها خليهم علي الاقل يحسوا انهم فعلاً عملوا حاجه صح و ميحسوش بتأنيب الضمير خليهم يثقوا ان قرارهم كان صح فعلاً و الله براڤو عليك يا حسان لاحظت و خدت بالك اه يا حسان انا بخير و زي الفل البركه فيكم جميلكم كلكم علي راسي بس طبعاً جميل البنات و اخويا اكبر .
و جميل نادين بقي كوووووم تاني خالص استخبت نادين اكتر في كتف عسال و كلهم ضحكوا حتي عشري
ليله….بابتسامه تجنن خير يا نادين بقيتي تستخبي وراء عسال الوقت بتسخبي مني انا ؟؟ده انتي الوحيده اللي مينفعش تستخبي يا شيخه ده انتي عامله بطوله تستاهل انك ترفعي راسك عليها و دخلتي فيا جون عالمي كنت بقول ان شيطاني كافر ضحكت بهدوء و بصتلها ده الشيطان طلع تلميذك يا نادين تصدقي بالله لما عرفت يا نادين بلعبتكم دي اول حد فكرت فيه ايمي
ايمي….بضحك ظلمتيني
ليله….بابتسامه اه والله بس معلش يابخت من بات مظلوم يا ايمي بس بردوا انتي مش مظلومه اوي اقطع دراعي ان ما كنتي انتي اول واحده في البنات سمعت فكره نادين و فضلت ساكته و مبسوطه وايدت الفكره
ابتسمت ايمي و حطت ابدها علي وشها وسكتت
ليله….بابتسامه هزت راسها عيب حفظاكم المهم يعني ان نادين و ايه استبعدتهم تماماً اه والله طول عمر امي تقولي خافي من الطيب و الساكت و الهادي و من اللي دماغه شغاله علي طول بيطلع منه افكار تقوم بلد وتقعدها و انتي الشهاده لله كل ده ينطبق عليكي يا نادين..
فكرتي و خططتي واقنعتي و نفذتي و ماشاء الله الكل الككككل حتي اختي الغلبانه وافقتك لا بصراحه شابوووو بجد ..
علي فكره انا مش زعلانه منك ارفعي راسك ولا زعلانه من اي حد و ده من قلبي والله طبعاً انتوا مستغربني صح كملت بضحك اكيد فاكرني هتصل بيكم و اشتم و ازعق و ابهدل و اطلع بشبشب ايمي المشهور لا لا خااااالص اللعبه عحبتني صراحه و انا بشجع اللعبه الحلوه اينعم انا مليش في اللعب القذر بس يلا بما انكم لعبتوا فا نلعب
شبااب الكلام ده براكم انتوا موفقكم بالنسبالي نفس موقفي منكم لما خبيتوا مع عشري كدبته وهرجع اقولها تاني انتوا صحاب فا بره عنكم كل ده ..
انا لعبي هيبقي مع عشري و وليد و البنات مع عشري عشان مصمم يعالج الغلط بغلط و نفس الكلام علي وليد و يزيد علي وليد بقي انه اخويا سندي اللي قبلها علي اخته لما قولتلك يا وليد عقبال ما تفرح بالبنات بس بفرحه مختلفه كان سهل عليا اقولك تفرح بيهم بنفس الطريقه بس قلبي مش هيطاوعني عشان انت عارف بناتك عندي ايه
اللي واجعني يا وليد ان مهما كانت الطريقه اللي اقتنعت بيها و وافقت بيها و شوفتها صح بالنسبالي لو نفس الظروف دي كانت بنت من بناتك فيها عمرك ما كنت هتوافق
تصدق بالله انت يا شيخ مهونتش عليا يوم ما زعلتك في بيتي جيتلك تاني يوم و راضيتك و قضبت معاك يوم ميتنسيش خلتني ندمت علي اليوم ده والله انت عارف لو كنت سيبتك زعلان مني و عملت نفس العمله دي فيا كنت اديتك عذرك وقولت ما هو عارفني و احنا مش بنتكلم فا مش قادر يقنعني غير بالطريقه دي بس المشكله اننا اتصالحنا و اتكلمنا و قولتلك خليك جنبي لاول مره كنت اطلبها لاني كنت حساها بس لو اعرف انك هتخليك جنبي بالطريقه الرخيصه دي مكنتش قربت
وليد… ليله اسمعيني
ليله…..بابتسامه لا خلاص بقي اسمع اؤه فات وقت الكلام ياراجل انتوا مش نفذتوا خلاص و بقيت حرم محمد عشري خلص الكلام.
اما البنات بقي فا صدمتي فيكم لا ليها علاقه بعشري ولا بوليد ولا حتي اخواتي عارفين ليه لان انتوا اقرب ليا من نفسي جايز اوي تكونوا بتحبوني و عملتوا كده عشان مصلحتي عارفين ان دماغي جزمه قديمه كل ده حقكم بس مش من حقكم ابداااااا ان انتوا تاخدوا قرار مصيري زي ده في حياتي ابدااااااا عشان دي حياتي انا عشان الوجع كان وجعي انا انتوا فكرتوا ان ده حب بس انا مش شيفاه كده انا شيفاه خيانة امانه ضحكتوا عليا و غفلتوني استغليتوا الحاله اللي كنت فيها و كملتوا لعبتكم مضتوني علي ورق وانا واثقه فيكم ثقه عمري ما حطيتها غير فيكم انتوا طول عمري مفتحه و باخد بالي من كل كبيره و صغيره بس عمري ما عملت كده معاكم كنت بمشي وراكم وانا مغمضه صح يا نادين عمري ما قولتلك لا علي شغل عمري ما رفضت اي فكره عمري ما راجعت وراكي بختم وببصم و بمضي و انا مغمضه عمر ما الشك دخل في قلبي من ناحيتكم
بس يلا ماهو البني ادم عشان يتعلم لازم باخد علي وشه ميت قلم يفقوقوا من الغفله اللي كان فيها.
عموماً انا مش هطول عليكم اكيد عندكم افكار حلوه الشيطان مستنيكم تنفذوها بس قبل ما اقفل معاكم عابزه اقولكم كلمتين اسمعهم كويس يا وليد انا عمري ماوطيت راسي لاي مخلوق ولا عمري صغرت نفسي و لا عمري قبلت الاهانه طول عمرها زي الشوك في جسمي مبتحملهاش اللي خلاني اصاحبكم و احبكم لان انتوا الوحيدين اللي قبلتوني علي عيوبي كلها اه ما انا فيا عيوب كتير معترفه بيها عيوب محدش كان بيتحملها حتي اقرب الناس ليا الكل كان بيبعد عني اللي بيخاف من لساني و اللي بيخاف من رد فعلي واندفاعي بس انتوا اتحملتوني و دي شهادة في حقكم
بس تقريباً حبي ليكم نساكم اني مش انا اللي يتغدر بيا ولا بتعمل فيا كده انا مبسوطه بلعبتكم اوي والله و كيفتني عشان شربتها و قولتلكم انا بشجع اللعبه الحلوه..
وليد….اتفاقك مع عشري مش اخر المطاف بينا انت عارفني يا ابن امي يارب اقعد هنا اسبوع اتنين عشره سنه هفضل علي وضعي اوعي تفكر انت وهما ان الوقت زي ما نادين فهمتكم هيهدي ليله لا خااللص
انا بالي طويل و محدش يلوي دراعي او يجبرني اعمل حاجه مش عيزاها او يفكر يلغيني ابتسمت ابتسامه تجنن و غمزتلهم يوم ما هخرج من هنا صدقوني هحبسكم
انت و عشري و البنات
ايمي….بضحك هتحبسينا يا ليله؟
ليله….بضحك طبعاً ده اقل واجب تزوير واخطتاف و جواز بالاجبار ده احنا هنعيش مع بعض رحله تجنن كلها مغامرات و ربنا يكفيكم شر واحده قادره لما بتتغفل اتفاقك مع عشري يا وليد حتي لو مكانش تم كنت بردوا هعمل كده يعني في كل الاحوال قريب يا ابن امي هسجنك و انت وعشري ابقوا سلوا بعض و طبعاً البنات مش هوصيكم خدوا بالكم من بعض جوه اللبس الابيض هيجنن عليكي يا نادين .
وانتي يا نعبمه حاولي تعالجي ايدك بسرعه عشان السجن يجيب المرض اصلاً ايدك هتبوظ جوه لو ملحقتيش تعالجيها
كده نقدر نقول واحد صفر ليكم خدوا ساتر بقي عشان الفتره الجايه هحط في شباككم اجوان بالكوم
سلام يا حلوين.
قفلت الاتصال في وشهم و مسكت سيجاره و لعتها و راحت قعدت علي الكرسي في وش عشري بنظره غضب..
ليله….هو انت كنت عارف من بدري وانا بسألك هما فين كل ده ان نعيمه اتحرقت ؟
عشري….بصلها بهدوء و ابتسامه هاديه لما سألتيني اول مره وقولتي انهم اتأخروا بعتلهم و الكل وقتها كان عند ايمي و مكانش ناقص غير نادين و عسال و نعيمه و هما اللي كانوا معاها لما اتحرقت و بعدين الباقي جريوا عليها لما عرفوا و عرفوني انهم مش هينفع يتجمعوا ونفتح معاهم الوقت
ليله…..طب وليه مقولتليش سايبني ليه عماله اقول انهم بيهربوا مني و لا انت خلاص اتعودت علي الكدب ياعشري.
عشري….ليييييله مش كل موقف هيحصل هتقولي كدب انا مكدبتش
ليله….ومقولتليش ليه لما انت مش بتكدب؟
عشري….كنتي هتعملي ايه مثلاً ؟
ليله….بغضب يعني ايه هعمل ايه كنت هروحلها طبعاً؟
عشري…تروحيلها و انتي زعلانه منها و منهم كلهم و امبارح كنتي بتقوليلي بكرهك و بكرهكم كلكم و الوقت بتهدديها بالحبس
ليله…. زعلي منهم حاجه و ان واحده فيهم يحصل فيها حاجه وانا مش جنبها دي حاجه و دي حاجه تانيه و بعدين انت مالك انت اروح ولا مروحش ازعل ولا افرح هااااا انت مالك انت تقول و تعمل اللي عليك و خليك مره واحده صريح و سيب رد فعلي ده ليا انا ليه بتحكموا علي تصرفاتي بجد مبقتش فهماااااكم.
عشري….انا محكمتش علي تصرفاتك بس كلهم معاها هتروحي انتي تعملي ايه ؟
ليله…يا سيدي انت مالك مش هعمل بس علي الاقل اكون جنبها اشوفها اعرف فيها ايه؟
عشري….عشان تكوني جنبها بجد ولا عشان تلاقيها فرصه و تهربي مني تاني؟
ليله…اااااااه يعني انت معرفتنيش عشان كده صح خوفت اهرب منك تاني مش بقولك جبان يا عشري انا لما حبيتك يا عشري حبيتك عشان حسيت انك قوي شبهي مش بتخاف من اي حاجه بتواجه و بتقف قدام اي موقف مهما كان اللي هتواجهه ايه بس مكنتش اعرف انك ضعيف كده خوفت اول مره تواجهني بكدبك و بخيانتك عشان متخسرنيش ده علي حسب كلامك بس لا يا عشري انت مخوفتش عشان متخسرنيش انت خوفت عشان مبتحبش حاجه تضيع من ايدك و الوقت انت خوفت تقولي عشان مهربش منك راضي علي نفسك اني اقعد في بيتك بالغصب مع انك عارف اني لا طيقاك ولا طايقه بيتك هاااا راضيها علي رجولتك يا عشري ولا عادي المهم مضعش من ايدك انت خواف و جبان و ضعيف و مش رااااااجل
حدف عشري من قدامه الفنجان بالترمس بالطفايه بالسجاير و ضرب برجله التربيزه بعيد بصتلوا بصدمه و خافت قام من مكانه و راح علي الكرسي اللي هي قاعده عليه مسك بايده الاتنين ايد الكرسي و بصلها وهو مايل عليها بغضب رجعت راسها لوراء وهي مغمضه عينها و بتحاول تتمالك اعصابها وتتفادي غضبه
مسك دقنها بغضب
عشري…..انتي مش حاجه يا ليله ؟؟ و بيتهيألي لفظ زي ده ميطلعش من واحده قويه و عندها شخصيه زيك لو شايفه انك مجرد شئ انا خايف يضيع من ايدي و شايفه اني راجل مبيحبش يخسر اي حاجه فا انتي غلطانه مينفعش تقللي من نفسك انا خوفت و جبان و ضعيف لو ده هيرضي غرورك و تحبي تسمعيه كل شويه اديني اهو بعترفلك بيهم و بنفسي بس انا خوفت اخسر انسانه حبيتها من كل قلبي خوفت من انسانه عارف انها بمجرد متعرف اني خاطب هتفكر اني خاطب برضا و سعاده و هتبعد خوفت عشان عارف موقفك من الكدب مكانش عندي اي حل احافظ عليكي بيه غير اني اكدب الكدب بيضايقك تمام انتي صح بس انا كمان عمري ما حببت الكدب طول عمري بقول للأعور انت اعور في عينه طول عمري ما بقبلش حد يستغفلني او يحور عليا لاني صريح و بحب اتعامل بالمثل المره الوحيده اللي قررت فيها اني اكدب يوم ما قلبي اختار ست و اتعلق بيها و خاف يخسرها و الست دي انتي يا ليله انتي الست اللي كنت ضعيف قدام خسارتها
محمد عشري اللي بيقعد وسط رجاله و عشاير و الف راجل يستقبله و الف راجل يخدم عليه و ميرفعش عينه فيه يا ليله اتبهدل و اتمرمط و اتقل بيه و رضي عشان طاوع قلبه سمعت منك اوسخ كلام و سكت قولتي بعلو حسك اني مش راجل و مش دكر و اني بجح و فاجر و وسخ وكداب و ضعيف و جبان قدااااام الكل و سكت و بلعتها و قولت مش مهم دي ليله يا عشري فوووووق
أقبل و حط لسانك في بوئك انت اللي غلطت و انت اللي وجعتها بس انا غلطت قبل كده كتير و مش ملاك بس عمري ما قبلت بإهانه قبلتها منك انتي يا ليله عشان حبيتك بجد عشان مش قادر اتخيل اني اكمل حياتي من غيرك عشان لما اختفيتي اسبوع و خوف البنات و كلامهم ان المده معاكي ممكن تبقي اطول متحملتش و مقدرتش اقنع نفسي انها كده خلاص خلصت و ان وجودك في حياتي الفتره دي كان مجرد حلم وصحيت منه لا يا ليله انتي كنتي حلم بس انا حققته و قولتهالك و هقولها تاني انتي مش هتخرجي من حياتي غير بموتي حتي لو غصب عنك اه عمرك ما اتغصبتي علي حاجه بس هتتغصبي عليا يا ليله عشان مش بعد ما حبيتك الحب ده كله تختفي من حياتي لو انتي شايفه انك حاجه انا مش حابب تضيع من ايدي فا اااااه يا ليله لو هضيع اي حاجه من ايدي انتي الحاجه الوحيده اللي مش هسيبها تضيع لو عيزاني اضيعك شيلي حبك من قلبي قبل ما تمشي خليني لما اشوفك تبقي قدامي هواء مش نفس بتنفسه لو فاكره يا ليله ان التكسير و التخريب و الاهانه و البهدله دي هتفرق معايا و هتخليني اكرهك مش هكرهك يا ليله شدها من اديها بغضب و قفها قدامه بصتلوا بتوتر و هي مش بتنطق مسك الطفايه اللي كانت جنبها علي الكنبه و حطها في ايدها بغضب يلااااااااا اكسري يا ليله اكسري ميهمكيش يلااااااا
ليله….بخوف و توتر و قلق عليه مش منه عشرري اسكت خلاص
عشري….ليه اسكتتت؟؟؟ يلا انا اللي بقولك مش انتي كارهه البيت كسري فيه خدي حقك مني لو ده اللي هيخليكي ترتاحي يا ليله و ترجعي لحضني اعملي كده اقولك علي حاجه انا كمان كارهه البيت زيك بالظبط كسررررري مستنيه ايه مطلعه عييييييين امي معاكي ليييييه بتيجي عليا عشان بحبك يا ليله هااااا فاكره لما تكسري كده انا هقول لا خلاص كل واحد فينا يروح لحاله دي جايه عليا بخساره طب يلا خليها تخررررب مسك من ايدها الطفايه و بكل غضب و وجع حدفها تاني علي الشاشه
ليله….بصدمه عشرررررري
مشي عشري من قدامها و راح علي كل حاجه تقابله دغدغها كان في نيش بسيط كله تحف تجنن جابه بأيده علي الارض كسر في تربيزات زجاج و خشب مرحمش و هي واقفه تصرخ و تحاول تهديه خلاص كان ضاع و مش في وعيه.
عشري….كسررررررررررري يلاااااااا
سابها ودخل علي جوه وهي وراه و شايفه الدم بينقط من ايده في الطرقه كلها دخل علي اوضه النوم
ليله…..عشري كفااااااايه كفاااااايه بقولك
عشري….بغضب مش دي الاوضه اللي مضيقاااااكي مش دي الاوضه اللي قالتلك اننتا اشتريناها سواااااا
ليله….لا لا لا عشرررري
ضرب بكل غضب الكنبه اللي بتنام عليها برجله و في لحظه اتقلب كيان الاوضه و قبل ما يكسر زجاج الحمام بعدت ايده مجاش في الزجاج
خرجت تاني علي بره و هو ماشي يحدف و يكسر في كل حاجه تقابله
عشري……مش ده البييييييت هااااا مش ده اللي انتي كرهااااااه اكرهي كل حاجه يا ليله كل حاجه بس انا لا انا لا يا ليله عشان انا بحبك بجد
وقفت ليله تعيط بصدمه
قعد عشري علي حرف الكرسي سند ايده علي ركبه ايده اللي اتعورت كان ساندها لتحت الدم بينقط من صوابعه و التانيه حاطتها علي جبهته و بيضغط علي راسه بقوه.
وقفت تبص عليه هدي بس ايدي مش عارفه فيها ايده كلها دم و غرق الدنيا دم حتي الحيطان و الطرقه و كل حاجه لمسها اتبهدلوا.
وقفت مصدومه في مكانها دموعها نازله متوقعتش ان عشري يعمل كده
قربت منه بهدوء و هي خايفه منه و في نفس الوقت خايفه عليه.
قعدت علي ركبها بهدوء جنبه ومدت ايدها براحه تمسك كفه لمست صوابعه و بعدت ايدها خافت من رد فعله بس لما لاقيته ساكت مسطت كفه بسرعه كانت متعور خالص عقل صوابعه و هو قابضها وبيكسر بيها متبهدله و كف ايده كله جروح و معصب ايده من فوق كله جروح و قطعات بسيطه
ليله….بهدوء و صوت بيحاول يطلع عشرري اااا انت متعور جامد ايددك ااا فيها جروح تقريباً محتاجه خياطه
اتنهد عشري و بعد كفه عنها و هو بينطر الدم من ايده شال ايده التانيه من علي وشه و بصلها بصتلوا بتوتر و رجعت وشها لوراء.
عشري…..بهمس بسيطه متخافيش انتي فيكي حاجه
هزت راسها بلأ وهي دموعها نازله
ليله…بس ايدك محتاجه دكتور
عشري…..بهدوء ابتسم ابتسامه شبه معدومه متخافيش انا تمام
ليله…اااا طيب قوم حتي معايا اغسلها عشان لو فيها ازاز تاني طيب اكلم علي او محمود او اي حد من اخواتك
عشري….ليه متخافيش انا بخير
قام بهدوء و هي قامت بسرعه وقفت بعيد و هي بصاله
راح علي الحمام اللي في الاوضه عنده و هي راحت وراه بهدوء فضلت واقفه علي الباب دخل علي الحمام و قفل عليه
دخلت هي كمان اتحركت بهدوء في الاوضه بتاعته كانت عايزه تطمن عليه و تخبط بس كانت صريحه مع نفسها حالة الغضب اللي هو فيها دي لو طلعت عليها هيقتلها
قربت بهدوء عشان تخبط قبل ما تخبط فتح الباب وقفت متسمره في مكانها و عينها عليه هو كمان حس انها خافت اول مره اصلا يشوف ليله خايفه بجد.
عشري….بهدوء ابتسم متقلقيش انا كويس
بصت علي ايده
ليله….كويس ايه ايدك فيها قطع وجروح كتير
عشري…..لا بسيطه
خرج علي بره و راح جاب مطهر و بلاستر و حجات يلفها علي صوابعه عشان يعرف يتعامل بأيده و هي وراه بهدوء .
عشري….خلي بالك تدوسي علي حاجه.
مشيت وراه وهي بتبص علي الارض خد الحاجه و راح قعد علي الكنبه و فضل يحط مطهر بالقطن علي ايده
كانت مركزه مع وشه ملامحه كان باين عليها الالم.
ليله…ااا اساعدك
عشري….لا انا تمام
قامت بهدوء من جنبه بقت تبص علي البيت و علي الشاشه اللي لسه ملحقتش تشتغل و التكسير اللي حاصل مش عارفه تبدأ منين قربت بهدوء من الارض تشيل الزجاج
عشري….ليله ابعدي
ليله…..الزجاج في كل مكان
عشري….انا هنضف كل حاجه ابعدي بقولك
ليله….عشري ايدك بايظه هتنضف ازاي انا هنضف
خد نفس طويييييل و قام مسكها من دراعها و خدها في ايده
ليله….عشري بتعمل ايه عشري سيب ايدي خافت منه وهو ساحبها بغضب علي اوضتها وللحظه تخيلت انه هيكمل باقي غضبه فيها هي فا اتوترت بجد و خافت اكتر
ليله….عشري انت بتعمل ايه عشررري؟
عشري….بهدوء امشي متخافيش
ليله….انت موديني فين عشري اقققف
دخلها الاوضه و قفل عليها و طلع المفتاح من جيبه قفل بالمفتاح
عشري…..بهدوء من بره الباب ليله لما انضف بره هبقي اطلعك
ليله….عشري افتتتتتح افتح بقولك طيب خليني أساعدك
سابها و مشي و مردش عليها.
فضلت تخبط علي الباب شويه سابها
بصت هي علي الاوضه كان مدمرها مش مخلي اي حاجه في مكانها
مشيت بهدوء حاولت ترفع الكنبه لسه مستردتش كامل صحتها بس حاول و عدلتها و رفعت عليها المخدات عدلت السجاجيد و التربيزه اللي وقعها.و الكرسي اللي كان جنب الكنبه و راحت بهدوء رجعت كل حاجه علي السرير تاني و فضلت ترزح وتيجي في الاوضه لحد ما ظبطتها زي ما كانت كان في دم في كل مكان لمسه علي الحيطان و علي الخشب راحت بهدوء جابت فوطه صغيره و حطتها تحت المايه و خرجت فضلت تنضف المكان كله و راحت بهدوء لمت من الارض التحفه اللي كسرها وهو عايز يكسر زجاج الحمام فضلت تلم في كل حاجه وهي دموعها نازله
و بعد ما خلصت راحت تاني علي الباب فضلت تخبط و تنادي عليه.
ليله….عشررررررري افتح بقوووولك عشري افتح يا عشري.
فضل عشري بره يلم الزجاج كله و يرميه في كرتونة التلفزيون ايده كانت وجعاه بس عشان كان غضبان و واصل لدرجه مش حلوه فا كان وجعه اللي جواه اكتر بكتير من وجع ايده.
اللي وصل عشري للحاله دي كلام ليله معاه و يمكن عشان هو شبهها اوي و كرامته عنده غاليه فا اتوجع لما بين ضعفه قدامها و احتياجه ليها
اتوجع لما اتعصب بالطريقه دي و خرج اللي جواه في وشها اتوجع و هو بيفكرها بكل كلمه جرحته منها رغم انه عارف ان هي معاها حق في زعلها بس كمان هو راجل و اتحمل كتير بيحاول يعرفها انه مكانش قاصد و كلامها ليه بيخليه يحس ان هي معاها حق و انه غلط خوفه من انه يخسر ليله مكانش طبيعي لا بالنسباله ولا بالنسبالها هو كان مصدوم من نفسه انه بقاله فتره بيحاول يعتذر بضعف و هي مصدومه من حبه ليها يمكن كانت واثقه في حبه بس انه يكون واصل للدرجه دي في حبها كانت كبيره اوي
و محدش فيهم هما الاثنين كان عارف ان اللي حصل بينهم ده هيقوي علاقتهم ببعض اكتر بكتير مما يتخيلوا..
فضلت تخبط و تنادي عليه كتير لحد ما تعبت و راحت قعدت علي الكنبه
……………
اما عند البنات و الشباب
فا بعد ما قفلت في وشهم الريأكشن العام كان ضحك علي صدمه علي زعل علي خوف من رد فعل ليله.
ايه….بهدوء طيب هي ليله بجد ممكن زعلها مننا يخليها تعمل حاجه زي دي؟
سلمب….والله ما بقيت عارفه يا ايه ليله مصدومه فينا الوقت فا مقدرش اتوقع ايه اللي في دماغها جايز عشان الموضوع لسه في الاول وجايز تكون فعلاً مش طيقانا
ايمي….بأبتسامه بالعكس انا شايفه ان ليله بخير.
حسان….بقولكم ايه من خلال معرفتي بليله احب اقولكم انها مش هتعمل حاجه
نعيمه….يبقي متعرفهاش يا حسان
حسان….جايز اكون معرفهاش قدكم بس اللي عرفتوا عن شخصية ليله في الفتره البسيطه دي انها علي قد ما هي في غضبها صعبه علي قد ما هي بجد جدعه و مستحيل تأذي حد منها
نادين….سيبك من الاذيه يا حسان بس هتاخد موقف
حسان….ليله لو خرجت من بيت عشري وهي ناسيه كل حاجه لعشري من قلبها بجد و نجح عشري في انه يداوي جرحها هتنسي اي موقف لاي حد و خدوها مني اللي بيحب بجد سواء راجل او ست بيشوف الدنيا قدامه حلوه وخلاصة الكلام ليله جرحها او اللي صحي جرحها عشري
و اللي قدار يداوي جرحها عشري بيتهيألي يا نادين فكرتك كانت صح ليله خفت بمجرد ما اتقفل عليهم باب محدش فينا عارف ايه اللي حصل بينهم و خصوصا لما عرفت اكيد اتجننت اتعصبت غضبت خرجت كل اللي جواها و ارتاحت و ده خلاها رجعت تاني زي ما كانت
رشيد….حسان معاه حق علاجها كان اول خطوه اللي جاي بقي في نفسيتها بتاع عشري و انا واثق ان ليله هترجع احسن ما كانت
فضل…..ايه يا عم وليد رأيك ايه
وليد….بضحك راي انها لو مرجعتش هتنفخ
ضحكوا كلهم علي وليد
وليد…طيب بصوا نتكلم جد اللي حصل مننا ده علي قد ما كان صح علي قد ما في نسبة جنان وغلط جنان في المجاذفه و غلط في الطريقه انا واثق مليون في الميه ان لو ليله كانت خدت وقتها كانت رجعت وحنت وسامحت بس كمان الصح في اللي احنا عملناه ان انا عارفها كويس بنت كلب دماغها لعنه عندها استعداد تاخد وقتها في الزعل وقت طويل خصوصا لو من حد بتحبه و الوقت ده لو كان طول جايز كان يحصل في حجات تبوظ الدنيا استفزاز منهم لبعض غضب عصبيه مواقف تخلي العلاقه تتوتر اكتر فا وجودهم مع بعض و جوازهم كان حل في النهايه مفيش بيت مفيهوش مشاكل يمكن مشاكلهم في البدايه احسن كتير ما تبقي مشاكل في نص العلاقه هما الوقت هيخلصوا الزعل كله عشان لما يصفوا او بمعمي اصح عشان لما ليله تصفي المشاكل هتروح و اللي جاي هيبقي افضل بكتير ..
انا جايز اتضايقت من كلامها اللي كانت بتقوله بضحك و هي قصداه ليله فاكره اني فرطت فيها و بعتها ولو حد من ولادي في نفس الموقف مكنتش عملت كده يمكن هي معاها حق بس ده مش معناه انها رخيصه عندي بالعكس انا عشان حافظها كويس مخدتش وقت معاكم في اقناعي بالفكره ليله عنيده فوق ما تتصوروا حبها صعب و وجعها اصعب ليله لما حد بيوجعها و هو مبيفرقش معاها بتاخد حقها تالت ومتلت و مبتزعلش بس لما تزعل اوي و تشوفوها في الحاله دي تعرفوا ان اللي زعلها غالي علي قلبها و خلوني اتكلم عن زعلها مني انا بلاش عشري ليله مش بتكرهني رغم انها طلعت القطط الفطسانه فيا و ظهرتني قدام الكل بصوره بشعه في عز غضبها بس صدقوني علي قد ما يبان كلامها صح علي قد ما انا كمان مكنتش غلطان معاها او مكنتش اقصد الغلط ده.
بس هي مفيش احن من قلبها صدقوني هتصفي و هتنسي و كل اللي حاصل الفتره دي هيبقي ذكري
سيبكم بقي يا بنات من كل الكلام اللي اتقال ده عابزكم كده تروقوا و تفوقوا لنفسكم موضوع ليله و عشري خد مننا وقت طويل و استنزفز كل طاقتنا اجنا كنا عاملبن زي اللي بيجري في صحراء لا الصحراء بتخلص و لا هو عارف يبطل جري فوقوا لنفسكم و حياتكم
ليله خلاص اتقفل عليها هي و عشري باب واحد خلونا بقي نسيبهم مع نفسهم يخلصوا مشاكلهم لوحدهم يصفوا بهدوء و يتعاتبوا و انتوا يا بنات انتوا و الشباب شوفوا دنيتكم و ابدأوا يلا شوفوا هتعملوا ايه في اللي جاي عشان نفرح بيكم انتوا كمان نعيمه اختي عندها قلب مش عند حد و لو انتوا حافظينها كويس هتعرفوا انها كانت هتتجنن لما شافت نعيمه
حسان…..حصل يا وليد صدمتها لما عرفت انها اتحرقت بانت علي عينها و عينها فضحتها يمكن سمعتك يا نعيمه كلام رخم بس انا واثق انها كانت هتتجنن عليكي
نعيمه….عارفه والله ليله عشرة كبيره نايمه صاحيه معاها و عمرها ما اتحنلت اي حاجه علي واحده مننا
ايمي….حتي بصتها لعشري كانت غريبه انا كنت فكراها عرفت منه بس لما اتفاجئت بصتلوا
وليد….و انت يا عم رشيد خد الغلبانه دي بقي من ايدها وروحوا كملوا شهر العسل اللي مكملش ده و افرحوا واطمني يا ايمي ليله خلاص بقت بخير
عسال……وليد معاه حق يا ايمي انتي و رشيد ملحقتوش خالص تفرحوا سافروا و غيروا جو و اتبسطوا و متقلقوش انا عارف عشري كويس ادام لياه بقت معاه مش هيسيبها تخرج غير و هي راضيه و رجعاله بنيه صافيه و قلب صافي و متقلقيش يا نودي كل الكلام اللي ليله قالته ده مش من قلبها و بعدين احنا نحمد ربنا لان هي خلفت كل توقعاتنا وزي ما هي قالت احنا حقيقي كنا فاكرين انها هتزعق هتبهدل في الكل بس معملتش كده
حسان….بابتسامه بيني وبينك انا كنت مقلق شويه من لسانها بس بصراحه يعني ولا مره ليله تخطت حدودها ابداً
وليد….يلا الحمد لله علي كل اللي حصل نفوق بقي و نسيبها تهدي براحتها و انتوا انسوا هلاص احنا عملنا الصح نركز بقي في حياتنا و شغلنا و حياتكم اللي جايه و ان شاء الله نفرح بيها بجد قريب اوي الف سلامه عليكي يا نوني ربنا يتم شفاكي علي خير يارب انا هقوم بقي عشان اتأخرت اوي.
حسان…..انا كمان همشي يلا يا سلمي خلينا نمشي بقي
رشيد….واحنا كمان هنمشي
ايمي….نودي هتباتي مع نعيمه
نادين….اكيد طبعاً مش هسيبها الفتره دي خالص
فضل…..نادين خلي بالك منها
نادين…..متقلقش عليها
عسال…..حبيبي مش عايزه تروحي تاخدي هدوم او تجيبي عربيتك
نادين…لا مش مهم الوقت هلبس اي حاجه منها و بكره ابقي اروح اخد العربيه و اجيب كام حاجه و ارجع
عسال….طيب لو احتاجتي حاجه كلميني
