لقاء كـ،ـ،ـ،ـارثي
فضل….وانا يا نادين لو في اي حاجه اتصلب اي وقت
نلدبن….متقلقوش والله
قاموا كلهم و سلموا عليهم قرب فضل من نعيمه باس راسها بحب
فضل….بهمس هتصل عليكي اول ما اوصل يا عمري
نعيمه…بهدوء سوق براحه
فضل….حاضر مش محتاجه اي حاجه مني
نعيمه….سلامتك يا قلبي
باس راسها تاني و مشي
ايمي….هتصل عليكي بكره قبل ما اجيلك لو محتاجه حاجه قوليلي
نعيمه….لا متجيش اقعدي اتهدي شويه في بيتك بقي نودي معايا
ايمي….تصدقي انا غلطانه
نعيمه….بضحك اه في عروسه بتفرك كده طول الوقت انا لو مكانك هقعد شهر مشوفش بني ادمين
ايمي….ناهو البركه فيكم يا واطين يلا خدي بالك منها يا نودي
نادين….حاضر والله
سلمي….نوني متمسكيش اي حاجه بايدك و لا تحاولي خالص و ارتاحي يا قلبي.هعدي عليكي.بكره قبل الشغل
نعيمه…ماشي يا قلبي
الكل اتحرك و مشيوا وسابوهم لوحدهم .
نادين….قومي بقي يلا تعالي اغيرلك هدومك دي و بعدين اكلك يا لهوووووي المكرونه
نعيمه….بضحك متخافيش سلمي قفلتها
نادين…انا نسيتها خالص
نعيمه….لا خلاص اتقفلت متقلقيش.
نادين….طيب يلا قومي خليني اساعدك
نعيمه…..يلا و تعالي خدي حاجه ألبسيها.
نادين….يلا
………………
ايه….انت هتمشي
سلامه….ايه اجي ابات معاكي
ايه….بتتريق طيب يلا امشي
سلامه….في ايه يا بت يلا اخلصي حسان واقفلكم
ايه….طيب باي
سلامه….خدي هنا تعالي
قربت منه تاني
ايه….نعن
سلامه….انتي مالك مبوزه كده ليه
ايه….مفيش
سلامه….اجي اوصلك عشان زعلانه و مقموصه طبعاً زي الاطفال
ايه….لا روح يلا مع عسال
سلامه….طيب بجد مش زعلانه يعني انا اللي خدتك من المحل انهارده و كنتي معايا و اكيد عيزاني اوصلك
ايه….لا بجد خلاص روح الوقت متأخر
سلامه….طيب هكلمك لما اوصل
ايه…اوك باي
سلامه….يويو
ايه….نعم
سلامه…بحبك
ايه… بابتسامه هاديه وانا كمان باي
سلامه….باي يا حبيبي
……………..
الكل ركب و مشي.
رشيد…اظن كده مبقاش في اي حجاه و علي رأي وليد نروح بقي نعمل شهر العسل و نسافر ولا ايه
ايمي….بابتسامه مستعجل اوي
رشيد…اوي اظن انا كده عداكي العيب
ايمي….اللي يشوف كده يقول انك كنت مأجل عشان صاحبتي بس ماهو صاحبك كمان في الحوار
رشيد….حلو و خلاص هما اتجوزوا نروح بقي نفصل كام يوم قبل ما يخلصوا علي بعض
ايمي….بضحك بعد الشر عليهم
رشيد…بس قوليلي حاسس يعني انك مبسوطه يعني باين اه انك زعلتي من اخر جملتين ليله قالتهم و حسيت انك اتاثرتي بيهم بس كمان حاسك مرتاحه
ايمي….زعلت عشان حسيت بوجعها حسيت من كلامها انها اتصدمت فينا و خذلناها و خوننا ثقتها فينا بس كمان واثقه انها لما تهدأ و تفكر بعقل هتفهم هي بصراحه معاها تزعل مش هنكر اصل فكرة الامر الواقع دي رخمه بس والله احنا بنحبها اوقات البني ادم في عز غضبه مبيبقاش عارف الصح من الغلط في ناس بتقول ان اللي بره الوجع او القصه مش بيحس باللي بيمر بيها وده حقيقي بس كمان في اوقات الشخص لما بيكون ضايع و فاقد التركيز اللي بره لو قريب منه اوي بيقدر ياخد بداله قرار ليه مش صغيره و عقلها يوزن بلد بس في غضبها بجد صعبه و بشعه و بتاذي نفسها قبل ما تأذي غيرها
اما بقي اللي مخليني مبسوطه ابتسمت بهدوء يعني فرحت كده لما شوفتها في بيتها اخيراً و جنب عشري فرحت لما سمعتها بتتكلم كويس و حسيتها كده عروسه زي القمر كنت هموت و اخدها في حضني وبصراحه اتفاجئت من هدوئها و اللي خلاني حاسه ان ده مش الهدوء اللي يسبق العاصفه اني شوفت في عينها رضا و راحه وسعاده
رشيد…بابتسامه صحيح ايه النظرات والابتسامات اللي كانت بينكم دي انا توقعت بصراحه انها تقلب عليكي انتي اول واحده
ايمي…..بابتسامه جميله و حب واضح انا وليله في بينا كيميا رهيبه يا رشيد بنفهم بعض من عنينا بتعرف اذا كنت مبسوطه او لا بتعرف لو في حاجه جوايا عايزه اقولها و متردده لما ببصلها وابتسم تفهم اني عيزاها و انا كمان بفهمها ليله توقعت ان انا اللي فكرت الفكره دي لان هي عارفه اني فاهمه دماغها بس هي اتصدمت ان نادين صاحبة الفكره
رشيد….بضحك بس معاكي حق هي فعلاً بتفهمك و عرفت ان انتي اول واحده وافقتي نادين و انتي بجد فضلتي ساكته بتسمعي و عجبتك
ايمي….بضحك فهماني نظره ليله و ضحكها ليا عرفوني انها مبسوطه بس بتكابر لسه عزة نفسها مسيطره عليها حاولت تخبي ده بس كمان حاولت تريحني عشان اريح البنات و اطمنهم
رشيد….بتحبيها اوي كده يا ايمي
ايمي…..يا خبر ابيض بحبهااااا دي ليله يا رشيد بص هو الموضوع مش حكايه حب في الوقت اللي احنا فيه ده صعب اوي تلاقي صاحبه بجد سند دي كلمة قليله عليها انا اعرف ان الصحوبيه بين الشباب اقوي بكتير
رشيد….حصل البنات بردوا بيبقي في بينهم غيره و نفسنه و حتي لو بيحبوا بعض بحس ان في جزء جواهم مش سالك
ايمي….جداااااا بجد بص يا رشيد مش ليله بس عشان اكون صادقه انا ربنا رزقني بخمس بنات بعتبرهم زي امنيه امنيه اختي وبحبها اوي و مليش غيرها بس صدقني لو قولتلك اني بحب البنات قد حبي لاختي يمكن حب الاخوات مختلف بس انا من كتر ما بحبهم مبقدرش افرق بينهم و بين امنيه و ده حقيقي كلهم ليهم مواقف معايا ماتنسيش كل واحده فيهم ليها فضل عليا حتي ايه الصغيره ميغركش ان في فرق سن بينا و انها مرووشه و مجنونه بس بجد في اي موقف بحتاجها فيه بلاقيها اينعم ربنا خد من عقلها شويه بس هب جدعه طيبه حنينه بريئه
رشيد….ايه دي انا بموت فيها بجد
ايمي…..تجنن بجد سلمي كمان ليها مواقف معايا متتنسيش نادين مواقفها كتيرررر اوي و يمكن بسبب نادين احنا حياتنا اتغيرت هي حقيقي دماغ و دناغها حلوه و جدعه اوي سيبك بقي من انها لخمه و بتتوتر و تحسها هي كمان بريئه بس بردوا هي في الجد مبتشوفش نوني بقي كارثه اينعم مدب و بتبهدل الدنيا بس غلبانه اوي علي فكره قلبها طيب يمكن لما زعلتها هي و سلمي نعيمه سهل تتراضي سلمي بتفضل مقموصه شويه
رشيد…مع اني بحس العكس
ايمي….لا والله هي سلمي كيوت وقمر و طيبه وهبله جدا بس اقصد يعني ميغركش الصوت العالي والعصبيه و الغشوميه اللي بتبقي فيها اوقات هي هبله من جوه اوي
اما بقي ليله بالنسبالي في حته تانيه لوحدها فهماني فهماها بتريحني و بريحها عشان شبه بعض فا بناخد بعض علي قد عقلنا فاهمني
رشيد…..بضحك بقولك ايه انا توقعت عشري يفتح و هو واخد سكينه في صدره دماغه مفتوحه
ايمي….بضحك والله و انا كمان بس الحمد لله يعني حتي عشري طمني كان ساكت وهادي و عمال يداري في وشه من الضحك هو كمان يعني علي حسب احساسي كده الدنيا بينهم هتهدأ متقلقش
رشيد….ربنا يهديهم و نفرح بيهم قريب جوز البلطجيه اللي تعبونا معاهم دول علي راي وليد عمالين زي اللي بنجري وراهم في صحراء المهم قولتي ايه علي موضوع السفر
ايمي….بابتسامه تجنن قولت يلا بينا
رشيد….بابتسامه طيب ايه احجز و لا محتاجه وقت لسه تظبطي الشغل فيهم
ايمي….لا متقلقش احجز خلاص انا بكره باذن الله هشوف الدنيا هتمشي ازاي يعني البنات ومحمود اللي فاضي فيهم بقي يتابع الشغل
رشيد….طيب تمام خلينا نفصل بقي شويه
ايمي…..بحب حقك و بعيظاً بقي ان عشري كان شاغلك زي ليله بالظبط بس بجد انا مش عارفه اقولك ايه اتحملت الفتره اللي فاتت كتير و ده خلاني احبك اكتر
رشيد….بابتسامه لا يا شيخه و انتي مكنتيش بتحبيني اكتر
ايمي….لا مش كده بس يعني عريس جديد و ملحقتش تفرح و مرينا بايام صعبه و مشاكل و بجد انت كل يوم كنت بتثبتلي اكتر انك قد المسؤوليه و بحبك اوي
رشيد….بضحكه تجنن انا بقول ادوس بنزين عشان نوصل بسرعه
ايمي….بضحك مش اوي كده بدل ما نوصل علي الجنه
رشيد….بضحك احنا فعلاً هنوصل علي الجنه
ضحكت ايمي و شبكت صوابعها في ايده و نامت علي كتفه.
…………………
عند.عشري و ليله خلص عشري كل حاجه بره شال البهدله والتدمير اللي هو عملوا و حاول علي قد ما يقدر ان البيت يرجع بره مترتبت تاني
راح بهدوء علي الطرقه كانت ليله نايمه علي الكنبه وحاطه ايدها الاثنين تحت راسها بس مش نايمه
سمعت صوت المفتاح بيتفتح
قامت بسرعه فتحت الباب و سمعت قفل باب اوضته قبل ما تفتح
خرجت بهدوء راحت علي بره البيت كان مترتب بس التدمير واضح الشاشه بايظه و التربيزات متدغده حتي الخشب نفسه اتكسر و النيش اللي كان كله تحف مش باقي منه غير كام تحفه محصلهمش حاجه والباقي فاضي مفيش غير خشب.
كانت مضايقه و حزينه هي عارفه عشري قد ايه بيحب البيت و قد ايه تعب فيه قربت من الكرتون اللي جنب الباب كان مليان زجاج قعدت جنب الكرتون علي ركبها و فضلت تعيط مبقتش عارفه هي بتعيط ليه اصلاً تعبت من العياط و من حالة الحزن تعبت من وجعها و وجعه و من كل حاجه بعد ما كانت اسعد واحده في الدنيا مع عشري بقوا هما الاتنين اتعس اتنين
اما عشري فا بعد ما دخل الاوضه و سمعها فتحت توقع انها هتفتح عليه بس لما مفتحتش افتكر الزجاج اللي بره و لانه عارف ان ليله نفسياً مش احسن حاجه خاف عليها كان مخبي السكاكين منها مش خوف منها خوف عليها و خاف لما تعرف خبر جوازهم بالطريقه دي تعمل حاجه في نفسها.
حتي مفتاح الروف خباه منها عارف انها مش ممكن تفكر بالطريقه دي بس كمان حب انه يأمنها علي قد ما تقدر فتح الباب بسرعه و خاف تمسك الزجاج ولا تعمل حاجه في نفسها هو كمان تفكيره كان مش متزن و من خوفه عليها مكانش ضامنها خرج بسرعه لمحها من بعيد من علي اول الطرقه قاعده ضهرها للباب جنب الكرتون و باصه في الارض و بتعيط و مش حاسه بيه
مشي بهدوء و راح عليها اول ما حست بيه رفعت وشها لمحته مسحت دموعها بسرعه
قرب منها ونزل قدامها كان قاعد علي الهواء ساند علي كعبه و بصلها
عشري….بهدوء قاعده كده ليه يا ليله
بصتلوا بهدوء و نزلت دموعها مسحتها بسرعه و مردتش
عشري…..بتعيطي ليه ؟ خايفه مني يا ليله
هزت راسها بلأ
عشري….بابتسامه هاديه طيب قومي من الارض
مسك كفها و قام و سحبها بهدوء مشيت معاه زي المغيبه و راح بيها علي الكنبه قعد و قعدها جنبه
عشري…..بهدوء انا اسف يا ليله مكانش لازم انفعل او اعمل كل ده بس غصب عني والله العظيم انا اول مره اشوف في عينك خوف مني بس انا عمري ما اذيكي يا ليله صدقيني اسف علي كل اللي بوظته ده بس كان جوايا غضب كبير مش منك ولا من كلامك قد ما كان من نفسي انا اللي غلطت و انا اللي وصلتنا لكل اللي احنا فيه ده بس اوعدك كل حاجه هتتصلح انا مش مسامح نفسي يا ليله علي وجعك و حزنك و دموعك اللي مش بتقف من فتره مش مسامح نفسي علي الاسبوع اللي كنتي فيه من غيري مش مسامح نفسي علي حجات كتير اوي المفروض ان الوقت اللي احنا فيه ده كان يبقي احلي ايام بنعيشها بس حتي دي انا مقدرتش اسعدك بيها كنت بتمني ان يوم دخولك البيت ده يكون بالفستان الابيض كنت بتمني اشوف بس ضحكتك و سعادتك بس مقدرتش وجعتك معترف بس كمان صدقيني عمري ما قصدت اوجعك جايز وجودك هنا غصب عنك بس انا عارف يا ليله اني لو فتحتلك الباب ده و سيبتك انتي بردوا مش هتبقي مرتاحه لان انا واثق ان زي ما وجودك فارق في حياتي وجودي كمان فارق في حياتك احنا شبه بعض يا ليله حتي حبنا مش مختلف حبنا لبعض واحد و بنفس الدرجه مهما قولتي انك مش بتحبيني قلبي هيرفض يصدقك عشان في يوم من الايام نفسك اللي كان بيخرج في حضني كان كله راحه و مستحيل القلب اللي حب و النفس اللي خرج مرتاح يكرهه بسهوله لو كرهتيني مكنتش فرقت معاكي و لا نزلتي دمعه و لا تعبتي انا نفسي طويل معاكي يا ليله و هفضل جنبك و هحارب عشان ارجع ثقتك فيا و ارجع ليله لقلبي من تاني مسك كفها باسه بحب
عشري….تصبحي علي خير يا بنت قلبي.
قام بهدوء و سابها وراح علي اوضته و هي دموعها مش بتقف كلامه طمنها و ريحها و خلي قلبها سعيد بس وجعها اكتر بعد كل اللي حصل و بعد كلامه عن وجعه منها و من اهانتها كمان هو اللي بيصالحها و بيحاول يراضيها.
مسحت دموعها بهدوء و قامت دخلت الاوضه نامت علي الكنبه و اتغطت.
………….
في صباح يوم جديد صحيت ليله راحت غسلت وشها و رجعت بصت علي الساعه لقت الساعه اربعه العصر اتصدمت انها نامت كل ده و استغربت انه مدخلش شافها ولا صحاها قلقت لا يكون فيه حاجه او تعبان قربت بسرعه من الباب فتحت لقت الباب مقفول فضلت تفتح و تقفل في الاوكره بسرعه و بعدين خبطت علي الباب و هي بتنادي عليه
ليله….عشرررري عشررررري
في الخارج..
علي….بضحك اهي المجنونه بتاعتك صحيت يلا يا محمود انت و سليم خلينا نمشي بقولك ايه
عشري….بضحكه تجنن قول
علي….كفياكم تكسير يا ابن ابوي الفلوس مش بنلاقيها في الشارع انا بدأت احس انكم بتعلوا علي بعض مين يكسر اكتر
عشري…..بضحك لا خلاص مفيس تكسير كده اتعادلنا بقينا واحد واحد
سليم….بضحك بقولك ايه انا مش رايح تاني اجيب شاشات الراجل صاحب المحل داخ علي ما لقي في فرع تاني نفس المقاس
محمود….بضحك و انا مش عارف اقول ايه لصاحب الورشه بتاعت الزجاج يا اخوي الراجل بيقولي هو في جن في بيت الاستاذ محمد كل شويه البيت يتكسر
عشري…..بضحك قولوا صرفناه خلاص
سليم…..بقولك يا اخوي الشاشات دي خساره انا بفكر يعني نصلحها و نحطها في الكافيهات و لا ايه رايك
عشري…..لو هتنفع صلحها
علي….و هنبقي نزود نسبتك من تمن الشاشات دب صعبت عليا لو فضلت كده هتفلس
عشري…بضحك ما تجمع علي حسي فلوس و تخلص يا علي بقولكم ايه ابويا وامي ميعرفوش اي حاجه عن كل ده
علي….متقلقش ستر و غطاء عليك بس يعني صارحني مرتك بخير و لا التكسير ده كان علي دماغ بنت الناس
عشري…عيب يا علي تعرف عني كده بخير مفيهاش خدش و بعدين مش شايف يدي مربطه كيف اللي بيعزفوا
ضحكوا عليه
محمود….طيب يلا روح انت وافتحلها و اي حاجه تانيه متبقاس تتصل بيا
عشري….بتبيع اخوك يا محمود ده انا بقول عليك القلب الطيب
محمود….ما انا اخاف المره الجايه التكسير يبقي علي راسي انا.
عشري….بضحك لا متقلقش
علي….يلا هدوا بقي اللعب و روقوا
عشري….ماشي تسلموا يا غاليين
علي….الله يهدي سركم و يبعد عنكم الشر سلام عليكم
عشري…بابتسامه عليكم السلام
سليم….سلام يا اخوي
عشري….سلام يا سليم
محمود….اي حاجه كلمني
عشري…..بابتيامه حبيبي يا حوده منحرمش
خرجوا و قفلوا وراهم و سمع صوت الاسانسير راح بهدوء علي ليله اللي عماله تخبط
فتحلها و سحب المفتاح
ليله….انت قافل عليا ليه؟ و ليه مش بترد ؟ انت كويس
عشري….بهدوء معلش كان في رجال بره قفلت عشان متخرجيش و انتي مش عامله حسابك يلا روحي افطري فطارك جاهز علي البار
سابها و دخل علي الاوضه و قفل وراه
بصتلوا باستغراب واقف قدامها كويس و بيتعامل عادي كأن ايده سليمه و هادي خالص ركزت في كلامه .
ليله….بهمس رجاله ايه؟
خرجت بره بهدوء و بصت بصدمه قويه علي منظر البيت ده لو ساحر مش هيعمل كده الشاشه سليمه و النيس كل زجاجه متركب و في تربيزتين صغيرين جداد مختلفبن شويه عن اللي كانوا موجودين بس ماشين مع البيت حتي التحف اللي كانوا حوالين التلفزيون موجوده صحيح مش نفس اللي اتكسروا بس المكان رجع زي مكان النيش بس ناقصه التحف الكرستال اللي كانت فيه بس هو سليم و البيت مترتب و نضيف وهادي و الكرتون مش موجود و حتي بتاع الشاشه الجديده مش موجود و فاتح الشاشه علي القران
هزت راسها كانت حاسه انها بتحلم او لسه نايمه استغربت عمل كل ده امته و ازاي .
ابتسمت بهدوء و راحت بسرعه علي الاوضه بتاعته خبطت بس مردش خبطت تاني ولما مردش فتحت الباب سمعت صوت المايه جاي من الحمام عرفت انه بياخد شاور
خرجت و قفلت وراها و رجعت تاني تبص مش مستوعبه بصت علي الباب لاقيته محضرلها فطار راحت بهدوء شغلت مكنة القهوه و عملت كل اللي قال عليه و عرفت تستخدمها.
حطت القهوه علي البار و راحت تاني خبطت عليه.
عشري…..ايوه
ليله….ممكن ادخل
فتح الباب بهدوء و هو بينزل التيشرت وبصلها
عشري….خير
ليله….هو انا محتاجه افهم بس هو بيحصل ايه بره؟
عشري…ايه اللي بيحصل
ليله….ازاي الببت رجع زي ما كان عملت كل ده امته انت لو ساحر مش هتعمل كده و بعدين انت ماضي عقد مع بتوع الزجاج و الاجهزه الكهربائيه
ابتسم عشري بهدوء
عشري….لا مش ماضي عقد ولا حاجه كل الحكايه اني رجعت كل حاجه زي ما كانت
ليله….ايوه امته وازاي يعني الشاشه دي صلحتها امته و كل ده اتغير امته
عشري….الشاشه جديده و الصنايعيه جم خدوا مقاسات الزجاج و جابوه ركب في ثانيه و التربيزات جديده مستغربه ليه انا رجعت البيت زي ما كان اكيد مش هنقعد في البيت وهو كده
ليله…..ايه انت بتتاجر في الاثار ولا ايه انت لو لاقي فلوسك في بنك الحظ مش هتعمل كده و بعدين مش خايف اكسرلك حاجه ولا انرفزك و تكسر انت
عشري….بابتسامه سابها وخرج كسري براحتك و نرفزيني براحتك
خرجت ليله وراه و هي مبتسمه بهدوء
عشري….المهم تكوني مرتاحه بس يعني متطمنيش اوي كده كل ده هيتخصم من قايمتك يا عروسه ماهو انا مش لاقي فلوسي في الشارع ولا في بنك الحظ علي رأيك
بصلها وابتسم بهدوء في يوم واحد شاشتين داخلين علي 300 الف
بصتلوا بهدوء و ابتسمت وهي رافعه حاجبها
ليله…..اللي معاه قرش محيره تسمع عن المثل ده و بعدين يعني كان لتزم تعمل حسابك علي ميزانيه التكسير دي
عشري….بضحك قعد و مسك الريموت متقلقيش عامل حسابي معاكي من جنيه لمليون
ليله….بنظره تحدي تجنن تمام يعني لسه قدامنا حوالي 700 الف
عشري…لا احسبي صح الشاشات لوحدنا 300 الف غير الزجاج و الكريستالات و التحف و التربيزات
في يوم واحد داخله علي نص مليون يا بت المارديني
ليله….بابتسامه والله محدش ضربك علي ايدك انت اللي جبته لنفسك
قدامك فرصه تراجع نفسك انا زعلي بيكلف
عشري….بنظره تجنن يبقي بلاها مليون هكتبلك شيك مفتوح
ابتسمت ليله و راحت قعدت علي البار و ادتلوا ضهرها و فطرت وهي مبسوطه جداً
وللحديث بقيه……
