لقاء كـ،ـ،ـ،ـارثي
لقاء كارثي
أميره أسامه
صاحبة البطل الواحد
. البارت الرابع والستين .
…………………….
في منزل نعيمه و ليله..
نادين…..أتفضلي يا طنط
نجود…..بردوا طنط
نادين….بضحكه جميله طيب اقول ايه
نعيمه….قوليلها جوجو او نوجا اللي يعجبك
نادين….لا يبقب جوجو بقي عشان منتلغبطش نوجا امك و جوجو حماتك
نجود….بابتسامه يلا زي بعضه قوليلي انتي اخبارك ايه
نادين….انا تمام والله
نجود…..ايه هانت و هنفرح قريب و لا لسه شويه؟
نادين… بابتسامه يعني هو لسه شويه بس هانت بردوا
نجود….نجهز الفساتين يعني
نادين…..اه جهزيها طبعاً مستنيه ايه
نجود….بس خلاص انا هجهز اول واحده
ضحكوا كلهم بهدوء.
نادين….اااا طيب انا هدخل جوه شويه لو احتجتوني نادي عليا يا نوني
نعيمه….ماشي يا قلبي
نادين….بعد اذنك يا جوجو
نجود….اتفضلي يا عمري و تسلم ايدك
نادين….بضحك بارب تعجبك بس انا مليش في القهوه اوي
نجود….لا حلوه و بوش كمان
نادين….بالف هنا يلا بعد اذنكم
ولعت نجود سيجاره.
نجود….جميله نادين
نعيمه….اه نودي سكر تعبت معايا اوي والله من اول يوم
نجود….ربنا يخليكم لبعض و انتي مش تخلي بالك ده فضل بيقولي ان ايدك اتدمرت
نعيمه….اه والله يا جوجو انا اصلا قلبي بيوجعني كل ما اتخيل منظرها و بصراحه خايفه اوي تفضل معلمه
نجود….في كريمات تجميل كتير متقلقيش و بعدين مش مهم الشكل المهم انك بخير احمدي ربنا
نعيمه….لا طبعاً اكيد الحمد لله بس انا كنت بموت والله امبارح و جع كام ساعه مش بيهدأ لا بمايه بارده ولا هواء ولا اي حاجه انا تقربباً اتحرقت علي الساعه خمسه ونص محستش اني ارتاحت شويه غير عشره كده او لما رجعنا
نجود…..بس كويس ان احنا في شتاء الحرق ده لو كان في صيف مكنتيش هتتحملي
نعيمه….لا صيف ايه انا اصلا بشرتي حساسه جداً الشمس بتدمرني في العادي ما بالك بقي حرق
نجود….انتي ازاي مخدتيش بالك
نعيمه….والله مخدتش بالي ان الفوطه اتشبكت في الحامل و بعدين بتحرك بعشم عارفه لما تتشبكي في مسمار وانتي ماشيه و ترجعي فجأه انا عملت كده بالحله بس الحمد لله عدت
نجود…..الف سلامه يا قلبي عمك فضل بيقولك الف سلامه عليكي و البنات بيسلموا عليكي انا خلعت منهم و من ولادهم قولت اجي اقعد معاكي شويه في رواقه
نعيمه…..بابتسامه انا فرحت والله اوي لما فضل قالي انك جايه و بعدين ايه كل ده تعبتي نفسك ليه
نجود….تعب ايه انتي بنتي يا عبيطه انا بقي صحيت قولت لفضل تعالي وديني كان هو لسه صاحي قالي انا عندي كام مشوار شغل مش هعرف خليكي اخر النهار اخدك وانا رايحلها قولتله لا ابوك بيبقي طلع مش هعرف فا جيت مع السواق
نعيمه…..يا عمري تسلميلي يارب
نجود…..انتي معرفتيش ماما ليه
نعيمه….ماما لو عرفت هتصمم اني اروح اقعد معاها لانها مش هتقدر تسيب بابا واخواتي و انا بصراحه امبارح مكنتش طايقه نفسي و الله من الوجع كنت بدعي اني اموت لو الوجع مش هيهدأ شويه
نجود…..بعد الشر ماقوليش كده
نعيمه….لو روحت بقي مش هعرف و بصراحه انا بقالي كتير متعوده ان ليا بيت و انا وليله كنا لوحدنا فا مكنتش هقدر و طبعاً لو عرفت هتبقي قلقانه و كل شويه هتتصل و هتزعل اني مش هروح فا خليها عشان متقلقش حرام اخف بس شويه و اعرفها
نجود…ان شاء الله يكمل شفاكي علي خير صحيح متعرفيش اي حاجه عن ليله
نعيمه….بضحك لياه بقت معاكم بتسأليني انا
نجود…بضحك والله ما اعرف حاجه عنها من يوم ما وصلت و محمد مانع اي حد يطلع الوقت خالص غير لما تهدأ
نعيمه…..هي امبارح كلمتنا كانت بتحاول تكون هاديه بس بصراحه انا حاسه انها زعلانه
نجود….بصي هو حقها انا في البدايه لما عرفت قولت طب ليه محمد قالي ان ليله طبعها صعب محمد ابني مش محمد عشري
نعيمه….تمام
نجود….فا بس قالي ليله صعبه و مش هتهدأ و تسكت غير بالطريقه دي بصراحه انا لسه معرفش ليله اوي بس يعني عي لذيذه و تدخل القلب و جدعه و تتحب بصراحه فا حسيت انه الموضوع مش حلو في حقها ليه يعني يحصل كده هي حقها تزعل و تغضب و تضايق و تاخد وقتها و اكيد هتفهم يعني مش صعبه لدرجه انها تقفل دماغها و تنهي الموضوع علي الاخر كده.
نعيمه….بصي هي ليله زي ما قولتي جدعه و تتحب و تدخل القلب و لذيذه و عشريه بس حقيقي فضل مكدبش ليله طبعها صعب اوي اوي اوي عنيده لابعد حد ممكن تتخيليه و عندها الدنيا في كفه و كرامتها في كفه تانيه خالص فا الموضوع كان صدمه ليها يعني كلام مريم معاها صدمها و بعدين هي فهمتها انها كانت مخطوبه ليه حتي قبل خطوبة ليله و عشري بحاجه بسيطه كدبت عليها و ليله من صدمتها في عشري سابت الدنيا و مشيت غير بقي الكلام اللي قالته ليها واهانتها في مامتها الميته و قلبت لما رجعت علي وليد و بعدين ليله طول عمرها مهما تتوجع بتعدي و تكتم جواها فا الموضوع ده جالها بقي متحملتش
نجود….انفجرت
نعيمه….بالظبط و اقناعها بقي كان شبه مستحيل خلاص تربست دماغها وليله عندها مشكله مع الكدب تقدري تقولي كده عقدة طفوله.
نجود….يعني ايه عقدة طفوله.
حكيتلها نعيمه كل حاجه نجود اتصدمت.
نجود….يا قلبي عليها طب ماهو حقها يا ناس و بعدين دي كانت طفله وقتها انتي عارفه يا نعيمه هحكيلك حاجه صغيره زمان قبل ما نيجي علي القاهره كنت وقتها انا عندي حوالي سبع سنين كان في ست يعني قريبة ابويا هي وقتها كانت شابه حوالي 23 سنه يعني اكبر مني ب16 سنه كانت امي تعبانه و ابويا و الكل معاها و سابوني عندها هي كانت مش متجوزه يومها انا عيشت اسوء ثلاث ساعات في حياتي كانت بتزعق و تتعصب و خوفتني قالتلي متتنقليش من مكانك و علي فكره انا كنت هاديه اوي يعني تسبيني في مكان متحركش منه بالسعات ميغركيش اني بقيت شحنونه كده حتي وانا جده
ابتسمت نعيمه بهدوء.
نجود….المهم هي كانت منضفه الشقه بقي و فكرت اني عيله صغيره فا هتعمل شقاوه بس خوفتني بطريقه غبيه اوي و هي الله يهديها كانت غبيه اصلاً في طريقتها يومها بقت و هي متعصبه تقول انا مالي يجيبوا عيال و يرموهم ناقصه قرف انا مقولتش علي فكره لامي بعدها بس عايزه اقولك منستش طريقتها و غباوتها السنين مرت و عايزه اقولك هي قريبه مننا هي الله يديها الصحه لسه عايشه بس في سيناء كل فين وفين لما بشوفها تاخدني بالحضن و اتغيرت كتير بس مش قادره انسي
مش عشان قلبي اسود بس الطفل يا نعيمه مستحيل ينسي كلمه وجعته مستحيل ينسي نظره خدي بالك الطفل ذكي بيعرف مين بيحب و مين بيكره من عينه و ده كان موقف لكن ليله موقفها كان اصعب تخيلي بتتهمي طفله بجريمه طبيعي متنساش اي كلمه او وجع او اتهام طبيعي تفضل متأثره و متستغربيش ان العقده دي ملازماها لحد الوقت
ده غير ضغوط الحياه نفسها اللي عاشتها زي ما بتقولي وعلاقتها بوالدها و اهله لا صراحه حقها و يارب محمد يقدر ينسيها كدبته دي بس والله مش عشان هو ابن اخويا يا نعيمه محمد بيحبها بجد وشاريها احنا كلنا اصلا قبل ما يخطب مريم كنا فاقدين فيه الامل كملت بضحك انتي عارفه السبب الاساسي اللي خلي محمد يوافق ايه
نعيمه…..ايه
نجود…..بضحك في مره اتفتح الموضوع و هو رافض و يقول لما الاقي نصيب و مش عارفه ايه فا عشري اخويا قاله بتلقائيه انت عندك مشكله تمنعك من الجواز يا ولدي
ضحكت نعيمه و نجود
نجود…بضحك والله محمد يومها بقي يضحك و يقوله انت بتقول ايه فا بعدها مفيش كام يوم لما قاله علي مريم وافق حسيت انه انه وافق عشان يثبت بس لابوه انه تمام
نعيمه…..بضحك يعني وافق عشان يخلص من التهمه دي
نجود…..بضحك اه والله ماهي متتفهمش غير كده فاهو محبهاش انا مشفتهوش في عمري كله بيحب يمكن عاكس ارتبط بس مش ارتباط اللي هو قوي لا خالص بس حب ؟لا هو محبش غير ليله وده بجد والله
نعيمه….انا عارفه والله انه بيحبها و هي بتحبه هي بس اتجرحت و الموضوع اتطور شويه عارفه انها حالياً مضايقه مننا بس كمان اكيد هتروق
نجود….لا متقلقيش هتروق امينه مصممه تقول والله ليله اتحسدت و خدت عين عماله تشيل و تنكت في نفسها تقولي انا قولتلها يوم الحنه بتاعت ايمي اقعدي كفايه هتتحسدي
نعيمه….بابتسامه والله معاها حق تعرفي ان بجد ليله بتتحسد بجد من كلمه هي و البت سلمي الاتنين لو حد قالهم اي كلمه عن حاجه معينه لازم يحصلهم حاجه
نجود….في ناس كده حقيقي نجمها خفيف زي ما بيقولوا و الحسد مذكور في القرآن جايز والله يكون حسد و ليله ماشاء الله عليها بجد تتحب و حضورها بيلفت الانتباه حتي لو معملتش حاجه
نعيمه….دي حقيقه فعلاً ربنا يهديهم يارب و يسعدهم و يبعد عنهم اي حاجه وحشه
نجود….يارب و نفرح بيهم قريب و نفرح بيكي انتي كمان ايه مش ناويه بقي انتي و الاستاذ محمد
نعيمه…..بضحك رفعت ايدها انا اتحرقت
نجود….بضحك لا هنستني عليكي تخفي و بعدين مش هتتجوزي بأيدك الجواز عايز حجات تانيه
ضحكت نعيمه بإحراج و فضلوا يتكلموا ويضحكوا في حجات كتير.
……………….
في المحل عند ايه..
وصل سلامه قدام المحل ركن بهدوء و نزل قرب من المحل و فتح صوت الاغاني كان عالي جداً كانت حاطه الكلب علي التربيزه موقفاه علي رجله و ماسكه ايده بترقص بيه سلو
ضحكت سلامه بهدوء و فضل باصص عليها شويه و هو ميت من الضحك مكانتش شيفاه ولا حست بيه من الصوت
سلامه….بضحك بتعملي ايه يا اخرة صبري
اتخضت أيه و سابت الكلب نزل برجله علي التربيزه بصتلوا و قلبت وشها بسرعه كأنها زعلانه
ايه…..انت ازاي تدخل من غير ما تعمل صوت
سلامه….بابتسامه خير قطعت خلوتك انتي و ابن الكلب ده اتهبلتي يا ايه بترقصي مع الكلب سلو
ايه…..ااااا انا انا كنت بعدلوا حاجه في رجله بحلقله
سلامه….بضحك يابت انا وقاف بقال كام دقيقه بتغني للكلب يا بت و بترقصي في حضنه
ابتسمت ايه غصب عنها و بعدين قلبت وشها بزعل
ايه….انت عايز ايه انت الوقت
سلامه….بضحك لا يا شيخه قلبتي وشك الوقت و افتكرتي انك زعلانه كنتي مهيصه الوقت انتي و الواطي ده وجيت انا طبيت عليكم في وقت غلط.
ايه…..و انت مالك انت ارقص معاه و لا ابوسه من بوئه حتي
مسكها من قفاها و فضل يوديها وبجيبها و هي بتضحك
سلامه….تبوسي مين من بوئه يا بت هااااا ده انا معملتهاش
ايه….بضحك خليك مؤدب و قولي عايز ايه في يومك الاسود ده ورايا شغل انا مش فضيالك
سلامه….وفاضيه لابن الكلب ده
ايه….بابتسامه حاولت تخفيها اه و انت مالك
سلامه….طيب كويس اوي خليه بقي ينفعك هاااا و يبقي يجيبلك هو بقي الحجات الحلوه اللي كنتي عيزاها و يلا اروح انا ارجع اللي في العربيه ده
سابت الكلب و رمت مكنة الحلاقه من ايديها و هي بتضحك ضحكه عببطه قربت من سلامه بسرعه
ايه….لا استني انعل ابوه ابن كلب خد هنا
سلامه….بضحك بعد عنها ابعدي اياكي تلمسيني بشعرك و ريحتك دي
ايه…..شمت نفسها والله واخده شاور الصبح
سلامه…..شاور ايه بقي ريحتك بقت كلابي تقرف الله يقرفك
ايه….اعمل ايه الكلب مستحماش و لا حلق بقاله اكتر من سنه
سلامه….ليه صاحبه كان في غيبوبه
ايه…..لا كان عنده اكتئاب و مكانش مهتم بيه
سلامه….بسخريه اكتئاب اهو فاق متأخر الكلب اللي جاله اكتئاب
ايه….اه والله غلبان اوي عرفت بقي كنت برقصه ليه عشان افكه شويه
سلامه….بغيظ تفكيه هااا قرب و هو عامل كأنه هيضربها بالبوكس و تبوسيه من بوئه طب هيجيلك نفس ازاي
ايه….بضحك ماهو انا لو كنت لاقيت حد.ابوسه مكنتش روحت للكلب
سلامه….بضحك لاااااااا انسي ده انا بعد المنظر ده مش هحط ايدي معاكي في طبق واحد مش بس مش هبوسك
ايه….بضحك اخس عليك بتقرف مني
سلامه…..لا العفو ده انا بضرب نفسي ميت جزمه اني جيت اصالحك و انا اصلا مش عارف بصالحك ليه
ايه…..عشان زعلتني يا حبيبي و المفروض كنت تصالحني امبارح و تجيبلي حاجه حلوه مجبتليش و ضحكت عليا و كمان موصلتنيش يعني المفروض تصالحني مرتين
سلامه….يابت يا مفتريه ما انا قولتلك اجي اوصلك قولتي لا روح
ايه…..لا ما انت قولتها عزومه مراكبيه لو عايز تيجي مش هتسأل وبعدين يعني الاهتمام ميتطلبش
مسكها تاني من قفاها و هو بيضحك
سلامه…..امال مين اللي قالي اجيب الحاجه الحلوه هاااا مين اللي طلب اصالحه و انا مش غلطان اصلا
انتي يابت ماسكه عليا ذله ماسكه عليا شيكات قفشاني في وضع محل لا سمح الله
ايه….بضحك حركه كمان و هقع منك انت بترج بيبسي هفور في وشك و بعدين يعني بتسمع كلامي ليه ولا انت عشان غلطان
سلامه….بصحك ماهو اللي هيجنني اني مش غلطان و مش عارف بسمع كلامك ليه
ايه….غمزلتوا بضحكة شقيه قول قول متتكسفش عشان بتحبني صح
ابتسم و هو باصصلها بقرف
سلامه….للأسف اه بتنيل بحبك
ايه….قربت منه طب قولي جايبلي ايه
سلامه…ارجعييييي اوعي تمسكيني ده سويت شيرت عسال لو شم فبه ريحة كلاب هينفخنا احنا الاتنين
ايه….طب ما تتلم و تحترم نفسك و بطل شحاته بقي و البس لبسك الاثري اللي مبيتحركش من مكانه ده
سلامه….بضحك خليكي في حالك و تعالي يلا خدي حاجتك عشان اغور من ريحتك انتي و الواطي ده
ايه….بضحك لا بقولك ايه احترم نفسك الكلب نفسيته تتعب
سلامه….بصلها و هو بيضحك خدي يابت تعالي يا ام نفسيه
ايه….بضحك خلاص والنبي
سلامه…..قال نفسيه قال طب يتكسف علي دمه بريحته دي
ايه….حبيبيييييي الوقت يبقي قمر و ريحته سكر
سلامه…..طب وريحتك يابت هرجع وربنا
ايه…..بضحك لا احترم نفسك هعيط بجد.ريحتي وحشه
سلامه….اااااه نسيت ما انتي عندك جيبوب انفيه هتشمي ازاي لا تعالي بره في الهواء شويه و بعدين و ادخلي شمي بعد كده بقي
ايه….طب بقولك ايه اسكت هرجع خلاص روح استناني بره خمسه و جيالك
سلامه…..طب يلا اخلصي.
خرج سلامه وسابها جابت الجروف و المقشه شالت الشعر كله اللي اتقص و رمته و بعدين خدت الكلب حطته في البانيو وشغلت عليه المايه و رشت معطر في الجو و شغلت الشفاطات اللي كانت نسياها و غسلت ايديها و بعدين خرجت.
كان واقف ساند علي العربيه بيشرب سيجاره خرجت و هي عينها علي العربيه بابتسامه شقيه
ايه…..ايه فين ؟
سلامه….بنظره ابتسامه و قرف في الكنبه وراء
راحت بسرعه عشان تفتح
سلامه….لااااا استني متلمسيش العربيه بالعفريته بتاعت الميكانيكي دي
ايه….بضحك علي فكره معاملتك ليا مش عجباني
سلامه….ليكي عين تتكلمي يا بجحه علي رأي ليله
فتح العربيه و جابلها شنطه كارتون فيها علبه فيها كب كيك شكله يجنن و عصير و بيبسي
ايه….بشهقه زي الاطفال ايه ده كب كيك امسك كده
طلعت العلبه كان باصص عليها و مبتسم خدت منه الشنطه حطت الايد بتاعتها جوه كفها و مشيت و سابته و هي بتفتح العلبه
سلامه….بضحك خدي يا بت هنا خدي يا قليله الذوق انتي يا بت خدتي مصلحتك مني و ماشيه
ايه….بضحح والله نسيتك
سلامه….بضحك طبعاً يا طفسه ما المصلحه خلصت طب سلمي حتي
ايه….بضحك مش نسيتك والله فكراك جاي ورايا
سلامه….لا يا ستي انا ماشي
ايه….لا ماشي ايه خليك شويه و النبي
سلامه….عندي شغل والله انا قولت اعدي عليكي في السريع كده
ايه….وحياتي و حياتي
سلامه…..طب ابعدي متلمسنيش
ايه….بضحك طيب مش هلمسك ادخل بقي
سلامه…يابت الريحه جوه هتخليني ارجع والله ده انتي لو قاصده تطفشي الزباين مش هتعملي كده
ايه…لا خلاص والله رميت الشعر و نضفت و رشيت معطر و نقعت الكلب في البانيو كمان يا لهووووووي الكلب
دخلت جري علي جوه
سلامه….بضحك نقعتي الكلب يعني ايه دخل وراها و هو بيضحك
ايه مات ولا لسه
ايه….لسه لسه بقولك ايه اديني عشر دقايق بس هخلصه و اجيلك حرام عشان ميبردش
سلامه….طب ننجز بدل ما اجي اموته
ايه….حاضر اوعي تاكل الكب كيك بتاعي
سلامه….لا متخافيش مش هلمسه اصلاً بقولك ايه انا مش شايف عندك كلاب يعني
ايه….حضرتك ده اخر كلب
سلامه….اخر كلب ايه الساعه خمسه هتخلصي بدري كده
ايه…يا ابني هو انا مش قولتلك كل المواعيد بدري انهارده انا شغاله من الساعه عشره الصبح
سلامه…رفع حاجبه و قام من مكانه راحلها كانت واقفه ضهرها ليه و بتحمي الكلب قفشها من قفاها نعم ياروح يا امك انتي نازله من عشره و مقولتيش ؟
ايه….اااااه شعري والله قولتلك قولتلك
سلامه….قولتيلي امته ؟ انتي بتستغليني يا بت
ايه…..بضحك طب شوف موبايلك والله بعتلك مسدچ عشان صعبت عليا اصحيك
سلامه….فين ده استني بص في الرسايل طب الرساله دي عشره و نص و انتي قولتي جايه هنا من عشره يعني صاحيه من قبلها كمان مقولتليش ليه و انتي نازله
ايه…..لا بقولك ايه انت خدت عليا اوي احمد ربنا اني قولتلك انا بصحي من النوم بردانه و مش قادره اتنفس من الجيوب الانفيه و ببقي هموت وانام
سلامه….انتي يابت بتعلي صوتك لا تعالي هنا قفشها من كتفها.
ايه….بضحكو الله يا سلامه ايدي فيها مايه هحطها عليك و هيبقي يومك مهبب
سلامه….حطيها عشان اجيبك من شعرك و احميكي انتي و المعفن ده مع بعض
ايه….بضحك بقولك ايه شعري اتقطع في ايدك يا اللي منك لله
سلامه….احسن في حد يشتغل شغلانه زب دي و مسيب شعره كده ده انتي عايزه تحلقي زي الكلب عشان شعرك يطلع علي نضافه
ايه…..طب بقولك ايه في توكه في شنطتي هاتها و تعالي حطهالي خليك جدع
سلامه…..جدع و معاكي اعوذ بالله
راح جابلها التوكه و بصلها
سلامه….اعمل ايه
ايه…..اي حاجه انت هتعمل فيها كوافير
سلامه….بضحك مسكها من شعرها يابت قصي لسانك ده كف واحد يرقدك
ايه…..ااااه ياغبي و الله يا سلامه هغرقك بالمايه
سلامه….طب لفي
رفع شعرها و عملها كحكه و حطلها التوكه
ايه….انا هروح اقصه عشان نرتاح كلنا
سلامه….طب جربي كده تيجي جنبه
ايه….هو شعرك ولا شعري انا مالك
سلامه….انا مالي لا بقولك ايه احنا مش نافعين مع بعض انا هفسخ الخطوبه دي بدل ما اقتلك
ايه….قفشتوا من كتفه خطوبه ايه اللي تفسخها ده انا اروح فيكم في ستين داهيه
سلامه….لااااااااا السويت شيرت ااااه قلبي ده عسال هياكلني علقه يا اللي منك لله سيبي يابت
ايه…..احسن تستاهل
سلامه…..انا راجل وسخ عشان جيتلك
ايه…..بضحك لا انت قمر بقولك ايه تيجي نتصالح
سلامه….اااا لا مخاصمك انا
ايه….بقولك هنتصالح
سلامه…..بضحك طب انتي بتبرقيلي كده ليه خلاص موافق
ايه….طب ما كان من الاول لازم يعني العيب الحمرا
سلامه….ماشي يا عم العنيف
ايه….رفعت الكلب حطته في مكان التنشيف يلا علي بره يا كابتن عشان اغير
سلامه….مش لما الاستاذ يخلص
ايه….خلص خلاص هينشف بس و بعدين احطله برفيوم
سلامه….ما تعمليلو مساچ احسن
ايه….بضحك ما انا مسچته و احنا بنتخانق يا مغفل و مخدتش بالك
سلامه…..بتقرطسيني يابت
ايه….ايه هنتخانق تاني احنا لسه متصالحين
سلامه….لا خلاص
ايه….طب يلا بره
سلامه…..ليه اشمعني الكلب
ايه….بضحك سؤال بس انت ليه بتقارن نفسك بيه غيران منه ليه يعني انا كان معايا حق لما سميت الكلب سلامه
سلامه….وديني يا ايه لا هجيب بومه و اسميها ايه
ايه….بردوا هتبقي قمر
سلامه…..جتك القرف في حلاوتك اخلصي بسرعه
ايه…طب اوعي تيجي
سلامه….لا ماتشرطيش عليا
ايه….مش بتشرط بحذرك
سلامه….اعوذ بالله انا رايح اكل الكب كيك كله
ايه….طب ايااااااك
راحت بصت علي الكلب كان نشف شويه جابت البرفيوم حطتله في شعره و ظبطته وسابته شويه كمان و راحت وقفت غيرت غسلت ايديها و وشها و بعدين لبست باقي هدومها سابت شعرها و ظبطته و بعدين راحت جابت شنطتها حطت برفيوم و حطت روچ هادي وبعدين خرجت الكلب ركبتله الطوق و السلسله وراحت علي بره حطته في البيت بتاعه
ايه….ايه رأيك موزه مش كده
سلامه….اتوكسي من دقيقه ريحتك كانت طالعه
ايه….وربنا ما ريحتي دي ريحة الكلب بس خلاص بقينا قمر انا وهو
سلامه….بضحك انا بردوا اللي بقارن نفسي بالكلب
ايه….بضحك معلش بقي الدم بيحن للشغلانه و سع كده وبلاش رغي عايزه اكل
سلامه….بغيظ كلييييي يمكن اخلص منك و مسمعش صوتك و يلا اخلصي عشان تروحي خليني امشي
ايه….مش لما صاحبه يجي ياخده الاول
سلامه…..وجاي امته عم المكتئب
ايه…المفروض يجي الوقت بس علي فكره انا مش مروحه انا رايحه اشوف نوني
سلامه…..انتي يابت مهمشاني ليه هاااا عشان طيب معاكي مثلاً ليه مبعرفش انا يومك هيمشي ازاي انا قولت اني ماسكه عليا شيكات
ايه….بضحك لا والله بس يعني بالعقل كده اكيد هروح اطمن عليها
سلامه….معلش انا متخلف معنديش عقل.
دخل عليهم شاب شعره كبير اوي و لابس تيشرت اوڤر سايز نازل لاقبل ركبته بشويه و عليه چاكت كت و بنطلون و كوتشي رباطه مفكوك من فرده.
قامت ايه جابتله الكلب و فرجته عليه و اتكلمت معاه ثواني و بعدين حاسبها ومشي
سلامه…..بصدمه نهار اسود هو ده صاحب الكلب
ايه….اه هو
سلامه…..ده خو اللي عايز يستحمي و يحلق مش الكلب هو فيه ايه
ايه…بضحك مش بقولك عنده اكتئاب
سلامه….يخربيته سنه محماش الكلب طب هو بمنظره ده مستحماش من امته
ايه…..بضحك وانا ايش عرفني انا كنت معاه في الحمام خليني اكل بقي
سلامه….كلي يا طفسه انا قايم ماشي
ايه….لا استني والنبي خليك معايا شويه هقعد اكل لوحدي يرضيك
سلامه….خديهم و روحي كلي مع نعيمه و نادين انتي ايه ظروفك اسكيت و لا عربيه
ايه….لا ركب نضاره ماهي العربيه بره اهي
سلامه….طب قومي يا ام لسان طويل اقفلي و انا معاكي خلينا نمشي
ايه…..طب ما تجيب بوسه و انت زي القمر كده
سلامه….بقرف بوسه في عينك ده انا مش هلمسك سنه
ايه….احسسسسن انت تطول وسع كده
قامت دخلت علي جوه قفلت المحابس و الغاز و كل حاجه و خرجت خدت الفلوس من المكتب و بعدين قفلها المحل راحت حطت العلبه جنبها في العربيه
سلامه…..كلميني لما توصلي
ايه….مش مكلماك مش قرفان مني متكلمنيش
سلامه….بضحك والله هجيبك من شعرك في وسط الشارع و نمسك في خناق بعض
ايه….بضحك انا رأيي نفسخ الخطوبه عشان دي كده علاقه قذره
سلامه….بابتسامه تجنن سوقي براحه
ايه….ماشي و انت كمان و ميرسي يعني يا سلومتي علي الكب كيك
سلامه….سلومتك ماشي يا ام لسان طويل بحبك يا جزمه
ايه….مش هتجيب بوسه
ابتسم سلامه بحب و ثدقرب بسرعه باسها في خدها
ايه….بصدمه يخربييييتك ما كنا جوه يا فضيحه
سلامه….بضحك يلا اركبي
ايه….طيب بحبك
سلامه….وانا بموت فيكي
ركبت ايه و هي مبسوطه قفلها الباب و طبطب علي شعرها بحب
سلامه…..يلا باي
ايه….باي يا روحي ولاااا ولااا يا موووز
سلامه بصلها وهو بيضحك و بيعملها مجنونه بأيده
ايه…..خد ياااالااااا هتروح مني فين هجيبك
حدفاها بوسه ابتسمت ايه بحب ركب و اتحركوا هما الاتنين.
……………..
في منزل ايمي و رشيد..
رشيد….يعني انتي مش هتروحي الوقت
ايمي….لا هروح المطعم لازم اظبط كل حاجه قبل ما نسافر و اشوف الشغل هيمشي ازاي هخلص و اعدي عليها بليل
رشيد….يعني مش هتروحي معايا بالعربيه
ايمي….لا يا حبيبي عشان لو وصلتني علي المطعم هضطر اخد اوبر لنعيمه و انا بصراحه مش عايزه اركب اوبر
رشيد….لا خلاص خليكي بعربيتك و انا هخلص الشغل و ابقي اشوفك فين بقولك ايه هنبقي نتعشي بره تمام
ايمي….زي ما تحب يا عمري بس ابقي اكد عليا هتحجز امته
رشيد….ماشي هحجز و اقولك و يارب الاقي معاد قريب
ايمي….ماشي يا عم المستعجل
رشيد….طيب يلا بينا
ايمي….هعمل قهوتي و اطلع وراك روح انت بس اربط الاستاذ كوبر اللي بره ده
رشيد….صحيح فكرتيني ابقي عرفي ايه بقي عشان لو هتاخده الكام يوم بتوع السفر دول
ايمي….هقولها متقلقش
رشيد….تمام يا حبيبي تعالي هاتي بوسه
قربت منه ايمي باسته بحب و بعدين سابها وخرج
دخلت ايمي عشان تعمل قهوه و قفت بهدوء و ابتسمت افتكرت ليله و هي بتقولها يا خبره
مسكت موبايلها و اتصلت علي عشري و قررت ترخم عليها
كانت ليله في اوضتها في الوقت ده من بعد ما فطرت دخلت مخرجتش من اربعه لحد سته
اتصلت رن علي طول مكانش قافله.
عشري…بابتسامه خيرررر
ايمي….بضحك والله المفروض انا اللي اقول خير هي فين
عشري…في الاوضه جوه
ايمي….طب بما انك لوحدك طمني عليك عملت فيك ايه
عشري….بضحكه تجنن لا متقلقيش كله تمام لسه فيا الروح
ايمي….طيب طمني حاسس ايه
عشري…..بضحك والله يا ايمي مع صاحبتك مفيش احساس و لا توقع انا عايش مع مفجأه غير متوقعه
ايمي….بضحك عيني عليك يا عشري
عشري…..بضحك دعواتك بصي هي خدت الصدمه و بهدلت الدنيا علي الاخر اول يوم و صحيت امبارح غلبتني لحد ما كلت بس طبعاً هي مكلتش بهدوء كده غصب بردوا عايزه تجيب فلوسها و تطلب اكل مش عايزه تاكل من البيت ولا من اي حاجه جايبها
ايمي….بضحك يا مفتري احمد ربنا انها جات علي كده
عشري…..ما انا سكت المهم يعني هديت و كلمتكم توقعت انها تروقكم بس عدت علي خير الحمد لله و انهارده هي صاحيه هاديه مش عارف بقي دي هدوء حقيقي ولا وراء كارثه
ايمي….بضحك اسمع مني متديلهاش الامان ده الهدوء اللي بيسبق العاصفه
عشري…..انا قولت كده الله يطمنك يا شيخع
ايمي….طيب بقولك ايه هي بتعمل ايه؟
عشري…والله يا ايمي انا مش عارف هي بقالها حوالي ساعتين في الاوضه لا طلعت منها ولا ليها صوت مش عارف بقي بتاخد شاور نايمه عندها اجتماع مع ابليس بيتفقوا ازاي يخلصوا عليا الله اعلم
ايمي….بضحك طب بقولك ايه ما تديهالي
عشري….بضحكه عاليه ما بلااااش متهزقتيش كويس عايزه تاخدي الطريحه لوحدك بتنكشبها ليها بيطلع علي عين امي في الاخر
ايمي….بضحك والله يا عشري طالبه معايا نكش و حشتني بنت الجزمه و بصراحه بحب نكشي فيها
عشري…..بضحك مش هترضي تكلمك دي امبارح اديتكم واحده سمير سمكره و قفلت الموبايل في خلقتكم
ايمي….بضحك لا والنبي قولها كده و جرب
عشري…طب اسمعي متعصبيهاش ها خليكي عاقله انا معاها لوحدي
ايمي….بضحك احيييييه عليا انت خايف منها بجد لا بقولك ايه فوق كده شويه
عشري….بضحك ماهو اللي ايده في المايه ما هي متغاظه من الكل بس مفيش غيري قدامها
ايمي…متخافش و الله انا هروق عليها بطريقتي اطلع منها انت بقي احنا لينا طريقه خاصه
عشري…..ماشي طب استني
ايمي….استني انت هقفل و اتصل ڤديو
عشري…بضحك ناويه علي ايه ما بلاش وشك الله يبارك بعمرك
ايمي….بضحك اقفل بس.
قفلت ايمي بسرعه و رجعت اتصلت بيه ڤديو كول.
ايمي….يلا روح
عشري…..استني الله يستر خليكي معايا رقولك ايه هعمل كتم للصوت كفايه قلة قيمه بقي
ايمي….ماتت علي نفسها من الضحك طيب اعمل ميووت
عمل عشري ميووت و هو ماشي يضحك بهدوء فضل ماشي في الطرقه الطويله قرب من الباب خبط بهدوء مردتش و لا كان في صوت
فتح الباب بهدوء مكانتش موجوده في الاوضه راح علي الدريسنج كانت واقفه بضهرها لابسه بنطلون جلد و مش لابسه من فوق غير البرا
و لسه بتكمل لبسها اول ما سمعت صوته بصت بوشها بسرعه من غير ما تلف
عشري….بتوتر بعد عينه عنها ااااا اسف انا خبطت علي فكره بس مردتيش عموماً ايمي اتصلت و عيزاكي هتكلميها ولا ايه؟
ليله….اااا تمام سيب الموبايل بره علي الكنبه و انا جايه
عشري….طيب خلصي لبس و تعالي بره
ليله….ايه خايف تسيب الموبايل؟
عشري….بابتسامه تجنن اه خايف و يلا خلصي و تعالي
خرج و سابها ابتسمت بهدوء و بصت علي طيفه و بعدين طلعت بدي بكم اسود في فتحات من اول الكم لحد الكتف و ليه فتحه صغيره بتتلبس في الصباع و قصير مبين بطنها لبسته وقعدت ظبطت شعرها
و حطت روچ و بلاشر خفيف
و بعدين حطت برفيوم و خرجت علي بره بهدوء.
عشري كان بيضحك هو و ايمي و بعدين رفع وشه فا ايمي سكتت بسرعه عرفت انها جات.
قربت منه بهدوء مدت ايدها تاخد الموبايل كتمت الصوت و بصتلوا و هي رافعه حاجبها و مبتسمه ابتسامه تحذير.
ليله…..مره تانيه لو فتحت عليا الاوضه من غير نا اقولك ادخل هزعلك
عشري….بابتسامه بصلها من فوق لتحت براحه شويه علينا هشووووف ايه يعني معندكيش حاجه تتشاف
ليله رفعت حاجبها اكتر و ابتسمت وهي بتهز راسها
ليله….تمام اوي اثبت بقي علي موقفك.
خدت الموبايل و بعدت عنه راحت علي البار حطت الموبايل قدامها و فتحت الصوت.
ايمي….بابتسامه استفزاز هاي لولي
ليله…..بابتسامه غيظ هاي
ايمي….اخبارك
ليله….زي الفل انتي تمام
عشري كان قاعد بعيد و عمال يضحك بهدوء .
ايمي….انا تمام كنت بس متصله بيكي عشان اعرفك اني بعد بكره مسافره او بعد بعده لسه مش متأكده رايحه السويد اقضي شهر العسل قولت اسألك لو محتاجه حاجه
ضحك عشري من بعيد وحط ايده علي وشه
رفعت ليله عينها بابتسامه غيظ لعشري و بعدين بصت لايمي
ليله….امممم شهر العسل لا يا قلبي روحي تروحي و ترجعي بالسلامه
ايمي….بضحك يعني مش عايزه حاجه اجيبهالك من هناك قولي متتكسفيش انتي لسه عروسه
ليله….عضت علي شفابفها و ابتسمت بغيظ سلامتك بس قوليلي هتسافري عشان خلاص اتطمنتي عليا ولا قررتي تسيبي البلد و هربانه
ايمي….بضحك و اهرب ليا عليا تنفيذ حكم
ضحك عشري و قام بهدوء خد السجاير من البار و ولع سيجاره و وقف يعمل شاي
ليله….لا خالص معاكي حق هتهربي ليه روحي اتبسطي و افرحي يا عروسه اهو بردوا تعيشيلك يومين حلوين ذكراهم تهون عليكي نومة البورش
ايمي و عسري الاتنين ضحكوا و هي ابتسمت بهدوء و غيظ
ايمي…..صح انا عشان كده قولت اسافر اغير جو و بعدين محدش عارف بقي الواحد هيقعد في الحبس قد ايه الحق اخد نفسي
ليله….حقك ده اللي هيتعدم بيسألوا نفسك في ايه عشان بس تعرفي اني جدعه و بنت اصول
ايمي….بضحك طيب قوليلي لسه مش عارفه هتروحي فين في شهر العسل يا عروسه
ليله….ضحكت و هزت راسها شمال و يمين و بعدين بصتلها لا متقلقيش دي اخر حاجه افكر فيها شهر العسل بتاعي هقضيه بطريقتي اصل انتي مش متخيله حلاوه المنظر اللي بفكر فيه و انتوا كلكم قدامي في القفص ده عندي بالدنيا لا شهر عسل بقي ولا بتاع الابيض والازرق هياكلوا منكم حته
ايمي….بضحك طيب بقولك ايه انا مليش في العيش و الحلاوه يعني لو نحيبيلي توست و عسل او نوتيلا يبقي كملتي جميلك
ليله…..لا انا مش هجيبلك توست انا هجيبلك حاجه تانيه
ضحكت ايمي بصوت عالي و عشري فضل واقف ساكت بس بيضحك من قلبه
ليله….ايه عرفتي ؟
ايمي…..لا معرفتش قولي انتي؟
ليله….لا معلش خليها مفجأه بقي عشان محدش يقولي لسانك بقي طويل و زفر
ايمي….طيب بقولك ايه هو انا لو جيت اشوفك هتطرديني
ليله….بضحكة حماااس اطردددك يا نهار اسود ده هنشيلك علي راسي بتقولي ايه بس ده بيت اختك اللي غفلتيها سكتت ثواني و بصتلها وهي بتستحلفلها و ديني يا ايمي لو شوفتك لا هجيب منك عيال
بخ عشري الشاي من بوئه و فضل يضحك و ايمي ماتت علي نفسها
خبت ليله وشها و هي بتضحك بهدوء فضلوا يضحكوا مش قادرين يفصلوا و هي بتحاول تكتم ضحكها و ضحكة عشري جوه قلبها.
ايمي….ااااااه و الله هموت من الضحك يعني انا مش هاين عليا اسافر من غير ما اشوفك عايزه تعملي فيا كده
ليله…..لا يا حنينه سافري و هسيبك لرشيد بلاش انا
ايمي….بضحك هو انا عارفه انك واطيه و قليلة الادب بس مش كده يعني
ليله….خليها عليكي و بعدين اتعلمت منك يا خبره
ايمي…..لولي انا بحبك اوي
بصتلها و سكتت و فضلت عينها في عين ايمي ثواني
ليله….وانا مش بحبك
ايمي…كدابه يابت عينك قالت وانا كمان عموماً ماشي متحبنيش انا قولت بس اتصل ارخم عليكي و استفزك شويه عشان وحشني النكش معاكي و قولت يعني اشوفك لو بجد محتاجه حاجه
ليله…..امممم طيب سيبنا من النكش بقي لو طلبت منك حاجه هتجبيها ولا الجدعنه معدتش علي واحده فيكم
ايمي….عيب عليكي اطلب يا قمر
ليله….امممم طيب انا عايزه كذا حاجه من البيت عندي هبعتلك رساله لو جبتيهم كلهم يا ايمي هخف عليكي شويه مجبتيش او جبتي حاجه ناقصه هبدأ بيكي
ايمي….خير يا موووزه عايزه ايه
ليله….عايزه حاجتي موبايلي و فلوسي الڤيز بتاعتي معرفش هي مع مين
عشري….بصلها خيررر مش اتفقنا
بصتلوا بتحدي و تجاهلت كلامه و كنلت مع ايمي
ليله….وعايزه اللاب توب بتاعي و شوبه لبس هقولك عليه
ايمي….بضحك خروج و لا بيت ولا نوووووم يا عروسه
ليله…رفعت حاجبها و بصت لعشري بابتسامه و ماله هاتي نوم ما هو بردوا مينفعش عروسه تقعد بترنجات
عشري….بضحك ايمي كنسلي ها وروحي يلا شوفي اللي وراكي
ليله….سمعتي اللي قولتلك عليه يا ايمي اللبس اللي هنا بتاعي مش كفايه
ابمي….مش كفايه ايه عشري جايبلك حجات كتير
ليله….مليش علاقه باللي جابه انا عايزه لبسي اللي انتوا جيبتوا مش كفايه او اللي سرقتوا بالعقل بمعني اصح عشان مخادش بالي ان في حاجه ناقصه بس يلا بما انه بقي امر واقع فا انا محتاجه حجات كتير من حاجتي و عايزه كل الميك اب و البرفيوم بتاعتي بصت لعشري وابتسمت و متنسيش اللانچيري يا ايمي عيب حاجه زي دي تفوتك
ايمي…..بضحك حبيبي يا عشري و الله قلبي بيتقطع عليك يا جدع
عشري….بضحك ايمي اتكلي علي الله عشان مجيش انا اللي اققل في وشك انهارده متحبيش حاجه هااا
ايمي….لا معلش بقي مقدرش ارفضلها طلب و بعدين دي عرضت عليا عرض انها هتخف عليا شويه
ليله….مالك مضايق ليه ؟
بصلها عشري بابتسامه غيظ
عشري….وهضايق ليه جيبيلها يا ايمي اللي هي عيزاه بس لا تليفون ولا فلةس و لا لاب توب
ليله…..ايمي روحي جهزي اللي قولتلك عليه و ابقي خلي نعيمه تديهم لفضل اكيد هيروح يتطمن عليها
ايمي….بضحك ماشي باي يا عشري باي يا عريس
عشري….بضحك الله ياخد عشري
ايمي….باي يا لولي
ليله….باي يا عشرة عمري
ابتسمت ايمي و ضحكت و بعدين قفلت.
بصت ليله لعشري
ليله….خير معترض ليه ؟ هو انت بجد قررت اني اتحبس هنا ويتمنع عني كل حاجه
عشري….اولاً انتي هنا مش محبوسه
ليله….امال انا هنا ايه ؟
عشري…..هنعتبر انك في اجازه في مصحه لحد ما ربنا يهيدكي
ليله…اممم مجنونه انا بقي و بشد في شعري طب روق يا عشري عشان متشوفش الجنان اللي علي حق
عشري….غمزلها بابتسامه وريني
ليله…..عشري انا مش بهزر انا عايزه حاجتي و بعدين انا زهقت عندي شغل محتاجه اخلصوا علي اللاب
عشري….البنات بيخلصوا كل حاجه بدالك
ليله….تمام يتحرق الشغل عابزه موبايلي عايزه حاجه تسليني
عشري…..حاجه تسليكي و لا تحبسينا بيها انسي الموبايل الوقت خالص لما احس انك رجعتي لعقلك و مش هتتصرفي اي تصرف من غير عقل هجيبهولك انما الوقت انا عارف مش هتفكري
ليله….امممم يبقي انت بتعاملني علي اني مجنونه صح
عشري….مش جنان بس عارفك لسه الغضب عاميكي
ليله….علي فكره يا عشري انا ممكن امثل عليك واقنعك اني تمام و رضيت و وافقت و افاجئك
عشري….صح انتي صح بس انا مش غبي هعرف
ليله….وهتعرف ازاي هااا
عشري….لا ماهو انا عارف ليله بتاعتي و عارف لما ترجع هتبقي عامله ازاي ماهو انا بردوا راجل و الراجل بيحس و بيفهم و اقدر اعرف ليله بتاعتي رجعتلي و لا لسه زي ما هي
ليله… امممم طب و بعدين ؟
عشري…..خير
ليله….هو ايه اللي خير انا زهقانه يا عشري مش متعوده علي القاعده في البيت و لو قعدت بيبقي بمزاجي انما انا محبوسه بجد و مش بس كده حتي شغلي مش عارفه اعملوا مش معايا موبايل اقلب فيه و لامعايا حاجه تضيع وقتي
عشري…..ليه يا قلبي البيت الطويل العريض ده مش لاقيه حاجه فيه تسليكي
ليله…اممم عندك حاجه انا مش شيفاها البيت ده كله انا مش بستخدم فيه عير الاوضه و ده غصب عني و المطبخ انت حتي قافل الروف فوق يا اخي ده انت مش سايبلي مفتاح اقفل عليا من جوه و احس اني براحتي مفيش حاجه تتعمل اتخنقت بجد
عشري…..بسيطه اتكلمي معايا
ليله….مبتكلمش معاك
عشري….ايوه صح اممم طيب اتفرجي علي التلفزيون
ليله….انت عارف كويس اوي اني مليش في التلفزيون
عشري….ليه مش كنت بتتابعي المسلسلات علي النتفيليكس بتاعك ده كله حاجه هنا موجوده صحيح انا شايل تليفون البيت بس في نت متقلقيش
ليله…..انا مش بتفرج علي تلفزيون و لو اضطريت اضيع وقتي في مسلسل فا بشوفه علي الموبايل يا عشري اللي انت مش راضي حد يجيبه لا هو ولا اللاب توب و بعدين يخربيت ام الشاشه اللي جيبالك جنان دي انا ملاحظه ان حتي مش بتفتحها جايبها ليه
عشري….بابتسامه صح بقولك ايه انتي كسرتي واحده و انا كسرت واحده تيجي نكسر دي مع بعض
بصتلوا و ضحكت غصب عنها و بعدت عينها
عشري….بنظره تجنن اضحكي چعل ربي ما حدا يضحك غيرك
ابتسمت و قلبها دق من كلمته و بعدين رجهت بصتلوا وهي ايديها في وسطها و رفعه حاجبها
ليله….خد بالك انا بدأت اشك في شغلك و فيك انت شخصياً انت لو سارق الفلوس دي هتصعب عليك خير سلاح و لا مخدرات
عشري….بضحك مش مهم بس يعني شايف انها قضيه جديده جايز تفيدك في حبسي
ليله….صح براڤو هعمل كده اطمن
عشري….يصير خير
ليله…..طيب انا هفضل هنا لحد امته؟ عشان بس ابقي عارفه
عشري….لحد ما موت يا ليله انتي هنا في دارك يعني اقامه دايمه مش اقامه مؤقته
ليله…..والله و الاقامه الدايمه دي هفضل فيها علي نفس الوضع
عشري….والله دي في يدك
ليله…..طب عشري انا عايزه اخلص
عشري…..تخلصي كيف مني يعني؟ لاه البدو و الصعايده كيف المسيحين معندهمش طلاج يعني ارضي بنصيبك و قسمتك يابت الناس
ليله….بابتسامه امممم ارضي غصب و هبلعها بس ده مؤقتاً متفرحش اوي لحد ما احبسكم انما ارضي و انا بالوضع ده
عشري….وماله الوضع ده يا بنت الناس اقولك تعالي نروح نلعب جوه في غرفة الجيمينج
ليله…..هو انت ليه بتجمع نفسك معايا ده اولاً ثانياً العب ايه طاوله و بلياردوا و بلايستيشن صاحبك انا علي القهوه
عشري….ايوه طبعاً صاحبي
ليله….صاحبك هااا طب احترم نفسك بقي عشان مقلبش بجد
عشري….بضحك مش انتب اللي بقتولي طب بلاش لعب ايه رأيك ندخل نتفرج علي فيلم في غرفة السينما جوه اظن ملكيش حجه في افلام جديده نازله تخبل
ليله….بأبتسامه شر صحيح انا ازاي نسيت الشاشه دي
عشري….بصدمه ابتسم لا وحياة امك كاه الا دي يطيح فيها قلبي
ليله…..بابتسامه رفعت حاجبها خير مش كان فداكي الدنيا كلها
عشري….بضحك طيب هتستفادي ايه الشاشه بعني عصبتك اللي عصبك و ضايقك واقف قصادك مال ناس ده يا بت الناس
بصتلوا و هي علي وشها ابتسامة غيظ و سكتت
عشري…..يلا جربي واسمعي الكلام وكل ما هتبقي عاقله هنعمل حاجه جديده
ليله…..هو ليه هننعمل هااا ليه حاطت نفسك معايا هو انا لو دخلت اصلاً انت هتيجي معايا
عشري….يا ستي مش هاجي هلتص لو هتتبسطي لوحدك روحي انتي
وانا هقف اعمل الغدا لحد ما تتفرجي براحتك
بصت بسرعه علي ايده و اتوترت
عشري…..بابتسامه عادي علي فكره انك تطمني و تسألي علي يدي لو زعلانه عليا اوي كده
ليله…..زعلانه علي مين اخر همي اصلاً
عشري…..زين يابت الاصول زين
ليله….امممم طيب تمام روح شغلها
عشري….عيوني تعالي
راح عشري علي غرفة السينما شغل النور و شغل الشاشه و بدأ يجيب افلام كتير نازله جديد راحت هي قعدت قدام و حطت رجل علي رجل
فتح السماعات العاليه الغرفه اصلا كانت زي الاستوديو كاتمه للصوت عشان تدي نفس احساس السينما
بصلها بهدوء بتحبي الرعب ولا الاكشن ولا الرومانسي انا بقول رومانسي
ليله…..بصتلوا بطرف عينها لا شكراً لا رومانسي ولا اكشن
عشري…..قلبك ميت يعني طيب يا ستي نجيب رعب يكش يارب تخافي و تنامب بليل في حضني
ابتسمت بهدوء ورفعت حاجبها
ليله….انت عارف لو حضرت جن يا عشري هرمي نفسي في حضنن و مش هقرب منك
عشري….قرب منها و هي قاعده و سند بكفه علي ايد الكرسي و اللي خلقك يا ليله ما هرتاح غير لما تطلبي حضني و بنفسك
ليله….بضحكه تجنن عشم ابليس
عشري….وديني يا ليله لا هخليكي تبعتي ابليس ذات نفسه يتحايل عليا
ليله….بضحكه عاليه كماااان يتحايل عليك لا ده انت جنون العظمه عندك عالي اوي يا عشري مسألتش عن ليله ولا ايه و بعدين انت فاكر اني لو عايزه احضنك مش هعمل كده
عشري…..وهو انتي فاكره ان الحضن اللي حلفت انك تطلبيه يا ليله خو حضن عادي لا و حياة غلاوتك اللي جوه قلبي لا هخليكي تطلبي اكتر من الحضن
ليله…رنة الضحكه و بصتلوا لا بجد النرجسيه عندك بنت كلب يعني كمان مش حضن ايه فاكرني هاجي اقولك يلا عشان مش قادره بتحلم يا عشري
عشري….بضحكه تجنن و شرف الغاليه ما هرتاح يا ليله غير لما تيجي و تطلبي
ليله….و ياتري بقي عايزني اطلب عشان تقول لا فاكر يعني كده هترتاح طب ما انا ممكن ارضي غروروك الوقت واقولك يلا
عشري….لا يلا الوقت مش هترضي غروري يا ليله بس يلا البي انا مستنيها من ليله بتاعتي هترضي غروري
ليله….امممم طب حلو اوي الكلام ده مستعده علي فكره بس ياتري بقي هتفضل صاين الاتفاق اللي بينك و بين اخويا يا عشري و لا هتضعف و تخونه اوعي تجرب تلعب مع ست يا عشري عشان انتوا الرجاله قدام سلاح الست بتسلموا و بترفعوا الرايه
عشري….بضحكه تجنن لو في ظروف تانيه بعترف اني ارفع الرايه واسلم بس عشري ميخونش اتفاق لو هيموت
ليله….بأبتسامه طب خوفت ليه يا عشري لما طلبت اللبس من ايمي
بصلها و ضحك بهدوء و هو بيجز علي سنانه
ليله…بضحكه تجنن هااا رد لما انت جامد اوي كده يلا خلينا نشوف مين فينا يا عشري اللي هيروح للتاني بس انا بقولهالك اهو انا عن نفسي مستعده اجي علي نفسي واقرب و مش عشان ارضي غرورك عشان اختبرك صبرك
عشري…..بابتسامه طب وليه هتستفادي ايه؟
ليله…..بضحك مش من كام دقيقه كنا بندور علي حاجه تسليني و طلبت مني نلعب بيتهيألي اللعبه دي بالنسبالي مسليه اكتر مش حلفت انك هتجيبني يا عشري و حلفت بشرف الغاليه انا بقي هأمن علي حلفانك بس متبقاش تزعل و انت جايبه لنفسك
عشري….بضحك هتتبسطي يعني
ليله…جداااااااااا هتبسط وانا شيفاك هتموت ومش قادر
عشري….حلو وانا قدك يا ليله و قد شيطانك الكافر يا بنت قلبي و حياتك ما هتهز غير بعد ترجعي لحضني بجد و تدخلي بيتك بفستانك الابيض
ليله….بأبتسامه حلو هنشوف مع ان يعني الجواب باين من عنوانه بصت علي جسمه بجرأه و غمزلتوا ايه النظام ده انت من الكلام بس سلمت نمر يا شيخ العرب
بصلها بغيظ و ضحك و بعدين بعد عنها شغلها الفيلم و خرج بسرعه
فضلت ليله تضحك بهدوء حطت ايدها علي قلبها
ليله…..مش هسيبك يا عشري يا انا يا انت بحبك اه بس حقي هاخده بهدوء و هنلعب مع بعض كتير اوي
خرج عشري علي بره كان مبتسم بس متوتر جداً عرقان ضربات قلبه سريعه
عشري…..بهمس يا بنت الجزمه ده هقتلك اقول ايه انا لايمي الوقت اتصل اقولها متجيبش اللبس هتفهم ايه دي اقول ايه بس يا ليله..
راح علي الاوضه بتاعته خد غيار و دخل خد شاور عشان يفوق بعدين خرج من الاوضه لقاها جايه من الطرقه عليه و بتبتسم
عشري….انتي روحتي فين
ليله….بابتسامه جريئه كنت بجيب السجاير انت بقي خدت شاور ليه مش كنت لسه واخد ضحكت وسابته واقف قبل ما يرد عليها دخلت وقفلت وراها
عشري…..بأبتسامه يصير خير يا لياه يصير خير
راح علي المطبخ من كتر ما هو كان متوتر و مش علي بعضه قرر ميعملش اكل اصلاً لان اولاً ايده و جعاه ثانياً مش مركز كان مبسوط جداً و عجبته لعبة لياه رغم انه معترف انه مش قدها بس كان مبسوط لانه شايفها مبسوطه و فرحانه بانتقامها منه…
مسك موبايله اتصل علي محمود و طلب منه يبجيلوا اكل بس بعد ساعتين و قفل.
و راح عمل قهوه ليها و خد صنيه خشب حط فيها شيبسي و بسكوت و شيكولاته و بيبسي و مايه و مكسرات و خد واحدة ريد بول ليه و بعدين خد القهوه وراح عليها .
فتح الباب ابتسمت ليله و السيجاره في ايدها و ركزت مع الفيلم قرب منها و بصلها بابتسامه تجنن
عشري…..الخدمه هنا خمس نجوم
ابتسمت ليله و خدت القهوه منه .
كان جنبها بين الكرسين جزء مربع زي تربيزه لازقه في الكراسي سابلها الصنيه و بعدين خد الريد بول و بصلها
عشري….لو يعني مفيهاش ازعاج ممكن اروح اقعد علي الصف التاني و اتفرج
ليله….بابتسامه خالص اتفضل و لو تحب علي الصف جنبي ورايا براحتك
ابتسم عشري و ضحك
عشري…..لا شكراً لا جنبك ولا وراكي انا هروح اقعد هناك
ليله…بضحك خايف مني ولا ايه
بصلها و سابها و راح قعد في الصف اللي جنبها و اتقلبت الايه بدل ما هي اللي تبقي خايفه منه بقي هو اللي خايف منها
ابتسمت بهدوء و سندت راسها لوراء و ركزت مع الفيلم و هي بتشرب السجاير هو كمان في الاول كان مش مركز بس بعد كده ركز و الاتنين اندمجوا مع الفيلم.
………………….
في منزل نعيمه
قبل و صول ايه بشويه نجود مشيت دخلت ايه سلمت علي نادين و نعيمه و اطمنت عليها كلنت احسن كتير نفسياً بس ايديها كانت شاده عليها اوي ايه قعدت تضحكها وتهزر معاها و خلت نادين تروح تجيبلهم بيبسي
وقعدوا الثلاثه ياكلوا الكب كيك جنب بعض علي الكنبه و متدفين في بعض ايه في النص و نادين علي جنب و نعيمه علي الجنب التاني عشان ايدها تبقي لبره و متتخبطش
نعيمه….انا عايزه ادوق من اللي في ايدك دي
ايه…هي الكحكه في ايد اليتيم عجبه ما اللي في ايدك حلوه
نادين…..طب انا عايزه ادوق اللي مع نوني
ايه….بضحك ايه يا جدعان طفاسة اهلكم دي ايه ده الله هي فيها ايه من جوه بتاعتك يا نودي عايزه ادوق
ضربتها نعيمه بكوعها بضحك
نعيمه….ماهو كان ايه طفاسة اهلكم دي
ايه….بضحك طب تيجي ندوق بعض؟
نادين….انا ادوق الاول بتاعت نوني
نعيمه….وسعي كده لوراء دوقيها خلاص هي عينها فيها
نادين….بضحك اه والله عيني فيها كلها شوكلت
نعيمه…..هاتي ادوق يا ايه
ايه….دوقي كده تحفه بجد فظيعه
نادين…..خدي يا يويو بتاعتي انا خدت بتاعت نعيمه خلاص
نعيمه….بت هاتي بتاعتي
نادين….لا خلاص
ايه….طب دةقيني اللي بتتخانقوا عليها دي كده
داقتها ايه و بصت لنادين
ايه….اتوكسي بتاخدي الشوكلت و بتسيبي التوت ده جامده
نعيمه….طب دوقيني كده
ايه….لا في ايه عينك ليه راشقه في اللي باكل منه
سندت نعيمه راسها علي ايه و هي ميته من الضحك
ايه…..مش معقول امسك الريد ڤيلڤيت تاخدها ادوق التوت تاخدها طب انا هدةق امته
نعيمه….بصي اتلمي عشان انا مريضه و من حقي ادوق
ايه….لا بصي انا مش جيالك بزياره الكب كيك ده سلامه جابهولي ليا هاااا سلامه يعني خطيبي انا شاركتكم فيه من اصلي و مش من اصلي اوب خدي بالك انا كنت ناويه اقعد وافرش في المحل بس اللي منه لله قالي لا يلا قومي و روحي كليه مع نوني و نودي
الاتنين كانوا ميتين من الضحك علي طريقتها
نادين….طب علي فكره بقي سلامه ده قمر واحسن منك عايزه تاكلي من غيرنا
ايه….اه عادي علي فكره طب اتفضلي شاورت علي نعيمه في ايدها بتاعتك و بتاعتي و انتي واخده بتاعتها وانا عماله اتفرج عليكم.
نادين….بضحك طب ما في ثلاثه غيرهم يا طفسه
ايه….ماهو انا احترمتكم و قولت ندوقهم مع بعض
نعيمه…ايه ده هو في تاني
ايه…..ما انتي واخده بنفسك ايه مشوفتيش
نعيمه….بضحك والله ما ركزت طب زيهم ولا لا
ايه….احيييييه اهي ركزت في الباقي منك لله يا نادين الكلب
نادين….بضحك انا مالي انا خدت الشوكلت و سكت
ايه…مسكت العلبه حضنتها و بصت لنعرمه بطرف عينه وحشين وحسبن اللي معاكي تحفه
نعيمه….بضحك ادوق بردوا
ايه….متتصلي بخطيبك يجيبلك مش اسلوب ده علي فكره
نادين…..بضحك علي فكره بقي انا اكل براحتي عشان سلامه اخو جوزي
ايه….طب ايه رأيك عليكي و علي جوزك و علي سلامه يا عالم يا معفنه
نادين….بضحك اه يا واطيه يا جزمه و الله اقوله
ايه…..وتحلفي ليه استني حبيبتي اتصل عليه
نادين….بضحك يابت اسكتي والله هيجيلك يخنقك
سلامه….الووو
ايه…..ماهو انت منك لله مش راضيه عنك يا سلامه
سلامه….بابتيامه ليه بس
ايه…..قولتلك اكل الكب كيك في المحل قولتلي لا خديه يلا و كليه مع نادين و نعيمه و طردتني بره المحل و قفلت و انا الوقت مش عارفه اكل عمالين يدوقوا بعض و يختاروا
سلامه….بضحك طيب بالف هنا عليهم
ايه….الف هنا علي مين ده انا هطفحلهم و هطلع عينك
نادين…بضحك سلامه مش راضيه تدينا و بقولها ده اخو جوزي اللي جايبهم بتقولي عليكي و عليه و علي جوزك
سلامه….بضحك انتي يا متشرده سبيهم ياكلوا و هجيبلك تاني
ايه…..حبيبي نادين في ايدها بتاعت نعيمه و نعيمه في ايدها بتاعتي و بتاعت نادين بتاكل باديها المحروقه
سلامه…بت بت الله يخربيت عقلك
نعيمه….بضحك سامع يا سلامه بتعايرني بحرقي الناقصه
سلامه….بضحك امسحيها فيا انا طب كده هما ثلاثه يا ايه في تاني
نادين….بضحك حاضنه العلبه يا سلامه و مش راضيه تدينا
سلامه…..انا هجيبلك با نادين انتي و نوني و ملكوش دعوه بالرخمه دي
ايه….تجيب لمين دول كلوا حاجتي ده انت ليلتك سوده
سلامه…..هجيبلك انتي كمان يا ام لسان طويل
ايه….طب اللي فيها توت دي حلوه انا يادوب دوقتها بس الله يرحمها نعيمه طفحتها يلا بالف هنا
كلهم ضحكوا عليها
سلامه….تطفحها و بالف هنا طب ازاي
نعيمه….النيه مش صافيه يا سلامه
سلامه…..و الله لو اعرف انها جيالك و هتخلص بدري كده كنت جبتلكم يا نوني انا فكرتها لسه مطوله في الشغل فا قولت تتسلي فيهم
نعيمه…..لا خلاص ماقلقش احنا كلنا
ايه….سامع بتقولك احنا كلنا و ده معناه اني مظلومه في القاعده دي
سلامه….بضحك خلاص بطلي قلة ادب بقي و اكليهم اقولك هجيبلك تاني و اكتر كمان
ايه….ماشي هدوقهم عشان خاطرك بس
سلامه….خاطري ايه بقي ماهو كان عليكي و عليه ده انا هنفخك لما اشوفك
ايه….طب بقولك ايه يلا اتكل علي الله عشان الحق اي حاجه
سلامه….بضحك ماشي يلا باي
فتحت العلبه و هما باصين فيها
بصتلهم بسرعه
ايه…..في ايه ؟ مالكم ده انا بفتح تلاجتكم بلاقي فيها فرح باصين في علبتي ليه
نعيمه….بضحك والله في حلويات و حجات كتير لولي كانت جيباها و جوجو كانت هنا و جابت حجات كتير
ايه….جوجو مين
نعيمه….حماتي
ايه…هي بقت جوجو طب ولما في حلويات منمرين علي حاجتي ليه
نعيمه….بضحك انا بحب الاكل و التخطيف منكم بحس الاكل ليه طعم تاني
ابتسمت ايه و ضحكت ضحكه عبيطه
ايه….ايوه صح والله بيبقي ليها طعم تاني طب بقولك ايه تدوقيني اخر حته من التوت دي و ادوقك بالبستاشيو و اللوتس و دي معارفه ايه
نادين….دي وايت شوكلت
ايه….اه ادوق من البتاع اللي قالت عليه ده
نعيمه….هو في بستاشيو
ايه….احيييييه شوفتي يابت عنيها زغللت ازاي
رجعت نعيمه راسها لوراء و هي بتضحك و ترن الضحكه
نادين…..بضحك المشكله ان انا اكتر حد.فيكم بيحب الحلو مكلتش كده
ايه….بت هو الحرق بيأكل و لا دي طفاسه
نعيمه….بضحك والله اكتئاب حاسه اني محتاجه حاجه حلوه
ابتسمت ايه و شاورت علي نفسها
ايه….طب ما انا اهو سبيلي بقي العلبه
نعيمه…..لا هدوق
نادين….طب انا عايزه ادوق البستاشيو
ايه….هو يوم ازرق علبكم ان شاء الله
فتحت العلبه و فضلوا يدوقوا من بعض و يضحكوا و بعد ما خلصوا اكل
بصت ايه لنعيمه و هي بتضحك
ايه…صحه يا معلم انا اقوم من جنبك قبل ما تاكلي دراعي
نعيمه….بضحك طيب افتحيلي البيبسي مش هعرف افتحها بايد واحده
ايه…..طبعاً لازم بيبسي عشان تهضمي انتي متتعشيش حلو كده انهارده عليكي
نادين….بضحك بتاخد مضاد يا جزمه
ايه….وانا ماااال امي هو المضاد هيجي عليا بخساره
نعيمه…..خساره فيا يا يويو
ايه….بصتلها بطرف عينها لا خلاص بالف هنا بس مش كده يعني لازم يكون في تربيه
نعيمه…..بضحك اااااه بت اسكتي مش قادره
قامت ايه جريت من جنبها
ايه….احيه اوعي ترجعي عليا
نادين كانت واقعه في الارض من الضحك و نعيمه بترن كل ضحكه و ضحكه عيونهم دمعت و ايه واقفه بعيد تضحك
نعيمه….ااااه يا جزمه جنبب و جعني من الضحك مش هرجع
ايه….بضحك انا قولت اجري فكرتك هترجعي
نادين….ايه بجد اسكتي و لله فكي وجعني من الضحك
ايه….طب وسعولي ممكن اطفح البيبسي عادي زي بتاعكم علي فكره
نادين….علي فكره بقي انا دوقت التوت و بعدين خدت الشوكلت هي اللي كلت كله
ايه….انتي مؤدبه انتي يا اختي هاتي بوسه
نادين….اوعي تعضي
ايه…اعض ابه هو انا كلب هبوسك
ادتها خدها باستها دخلت نادين ايديها في دراع ايه و نامت علي كتفها
ايه….بت يا نوني ما تجيبي الغطاء اللي جنبك ده انا بردت
نعيمه….ايدي محروقه
ايه….لا ايدك مش رجلك لسه متشلتيش
نعيمه….بضحك امسك امسكي يابقره غطيني بقي
ايه….اهي بصي اي مشاركه وخلاص بثالها ساعه قاعده من غيرها حست فجأه انها بردت الوقت
نعيمه…..والله فكرتيني يا رخمه
ايه…..طب امسكي اتغطي
شربوا البيبسي و فضلوا قاعدين ساكتين شويه
ايه….نودي
نادين….ايه
ايه…..ايه انطباعك علي زماره عسال
ضحكوا هما الثلاثه و قامت نادين من علي كتفها وهي بتضحك
نادين…..انا مصدومه لحد الوقت والله مش قادره اصدق ان ده ميدو
نعيمه…..والله ولا انا انا اتصدمت من ميدو او حتي حسان يخربيته صوته مرعب لما بيتعصب و رشيد كان عامل زي ثور هايج في عنبر سته
ايه…..بأبتسامه صراحه انا اتصدمت في عسال و سلامه و مصطفي بصوا يعني صدمتي الاكبر بصراحه في ميدو بس سلامه كمان يعني نادراً لو قال لفظ هو ديما بيضحك بيهزر بنجر شكل بعض و مصطفي كوميدي جدا لما روحت انا و نادين عندهم علي فكره كلهم واخدين نفس هدوء طنط حنان سلامه مهيبر شويه بس كلهم مؤدبين بجد بس صدموني
نعيمه…..هما اتجننوا لما الدكتور شتم مصطفي باين بامه
ايه….بضحك علي رأي ايمي سحبوا سحبه ثلاثيه
نعيمه…..بس يا عيني ميدو كان محروج واحنا مطلعينه مسرح
نادين….علي فكره ميدو في مواقف فيها بيبقي خجول اوي بس بجد انا كنا مرعوبه حسيت انه فقد عقله
نعيمه….بس بجد يا نوني بجد والله مش عشان انتي قاعده ربنا يحميه و يحفظه و يخليه ليكي و لامه واخواته انتي عارفه اني شهادتي فيه مجروحه و يمكن اول مره هقولها في وشك انا كنت ديماً بحس اني اكبر منه و انه صغير بصراحه يعني بستصغره متزعليش بس والله يا نودي الموقف ده خلاني احس اني طفله في ايده جدع و راجل و قد المسؤوليه و محترم كان خايف عليا و انا جوه و مرعوبه من الدكتور و الدكتور مش طايقه و عايزه يخرج مسك ايدي وقالي متخافيش و مش هسيبك و بدأ يتعصب علي الدكتور
و بجد والله كنت مرعوبه بس اتطمنت وهو جنبي حنين بشكل مش طبيعي و بعدين يا عيني و احنا بره قبل ما تيجوا انتوا ماسكني و ماسك نادين و بيبعد امه لوراء حامل همنا و بعدين كمان خوفت عليه واقف لوحده و حسيت ان مصطفي لوحده معاه مش هيسد لو حصل مشكله بس هو كمان فاجئني
ايه….عايزه اقولك ان مصطفي سبب المشكله في الاول مش هو اللي عملها يعني بس هو اللي انفعل علي الدكتور لما سمعه
نعيمه….اه والله سكر دخل قلبي بس بجد هما الثلاثه ربنا يحميهم لمامتهم و ليكم متربين و محترمين وجدعان بجد اوي
نادين…..كلهم والله و الحمد لله ان علي رايهم ان عشري مش موجود
ايه….نهاااار اسود ولا ليله دي كانت جابت الدكتور من رقبته
نعيمه….والله ليله لو معانا لا كانت ضربته مكانتش هتشتم كانت هتتعامل علي طول
نادين….بضحك كل ما افتكر منظرها وهي بتضرب هادي اموت من الضحك مدتلوش فرصه اصلاً يتصدم حتي
نعيمه…..ليله مجرمه في المواقف دي بجد
نادين….يلا الحمد لله انها عدت علي خير و محدش فيهم اتهور و وصلت لمشكله كبيره
نعيمه….اه الحمد لله بس قولولي كده انتوا ايه اخباركم يعني مع عسال و سلامه مبسوطين
نادين….بصراحه انا مبسوطه جداً كل يوم بكتشف حاجه فيه تأكدلي اني كنت غلط
ايه…..ميدو بيحبك اوي علي فكره خدي بالك اوقات كتير انتي بتبقي مش مركزه معاه و بتتكلمي مع اي حد هو بيبقي عينه عليكي و مبتسم و الله بحس انها بنته بجد
نادين …هو حنين بطريقه متتوصفش بجد
نعيمه….ربنا يخليكم لبعض يا رب يا نودي
نادين…..بابتسامه يارب
نعيمه….طب وانتي يا ايه
ايه…..انا كمان مبسوطه جداً سلامه طيب وحنين بيضحكني من قلبي بيهتم بيا جداً بس اوقات بحس يعني بصوا هقولك علي حاجه بس متقولوش يعني اني قليلة الادب
نعيمه….بضحك لا مش هنقول
ايه….ومالك بتضحكي كده ليه طب مش قايله
نعيمه….يا بت ما هو بعد جملتك دي اكيد في قلة ادب
ايه….مش قلة ادب بحس ان سلامه ديماً بيعاملني بجد علي اني طفله يعني لسه حاسه نفس الاحساس اللي كنت حساه قبل كده انه مستصغرني اني صاحبه مش صاحبته حتي يعني اقصد اي اتنين مخطوبين بيحصل بينهم تاتش او يعني هزار او كلتم معين انتوا فاهمني
نعيمه….اه فهماكي سلامه مش كده يعني ولا كده
ايه…لا خالص بحس انه برئ اوي بحس انه يبان عليه مقطع السمكه بس هو معايا محترم بزياده والله انا مش مضايقه انا اصلا بكرهه ان الراجل يكون قليل الادب او جرئ زياده عن اللزوم بس كمان مش للدرجه دي مش عارفه ده خوف عليا و لا العيب فيا و لا ايه بالظبط
نعيمه….خوف و حب يا ايه يمكن عارف ان انتي مش من الشخصيات اللي تقدر توقفه عند حده في نقطه معينه يعني ممكن تسكتي تخافي تتوتري تتكسفي حتي انك تعترضي فا انتي لو بجد مش فارقه معاه هيتمادي يعني انا مثلاً مش هكدب عليكم بيحصل بيني و بين فضل هزار بقلة ادب جرأه في الكلام بس هو عارف اني اكيد لو الموضوع اتطور هوقفه فهماني و بعدين انا و فضل الفرق بينا قريب فا دماغنا قريبه انما انتي صغيره و سلامه عارف انك طفاه في نفسك و بريئه فا اكيد بيخاف عليكي بس خدي بالك هو صايع
ايه….ماهو انا عارفه و ده اللي مجنني بسأل نفسي طيب هو حاسس اني صغيره بالنسبه ليه طيب هو شايف اني عشان بهزر و بضحك و بتعامل معاه اننا صحاب فا انا معنديش اللي هو محتاجه من البنت
نعيمه….لا طبعاً يا هبله سلامه بيحبك بس لو حابه يعني اتدلعي شويه
ايه….بضحك ماهو المصيبه اني مليش في الدلع خالص انا بشوف سلامن بضحك ببقي عايزه اهزر اتجنن فهماني
نعيمه….لا بصي هو زي ما قولتلك سلامه بيحبك و بيخاف عليكي مفيهاش كلام بس بعيداً عن قلة الادب و الجرأه حاولي تفتحي معاه مواضيع تتكلموا فيها مش شرط اللي في دماغك اقصد مواضيع جد حتي لو عن حياتكم هتعنلوا ايه الفتره الجايه هتجهزوا امته فهماني
عشان ميبقاش كل الكلام بينكم هزار و ضحك و جنان وبس
ايه….بضحك المشكله انه هو نفسه مش بيديني فرصه يرمي الافيه انا استلموا وخلاص خربت علي كده
نادين…..بس يا ايه هو لو شايفك علي حسب كلامك يعني انك مش البنت اللي تحركه كاراجل مش هيغير عليكي ده انتي كنتي بتعيطي في الفرح منه و قلب بجد غير الباب اللي ركبهولك ده عشان محدش يشوفك و انتي بتغيري هو لو مش حاسس انك ست ماليه عينه مش هيغير عليكي علي فكره
نعيمه….صح و علي فكره طلع غيرته رخمه و بيتعصب بجد
ايه….هو بصراحه بيغير اه
نعيمه…..طيب يبقي هو بيحافظ عليكي مش اكتر يعني تخيلي كده سلامه مره واحده باسك بذمتك رد فعلك هيكون ايه
ايه….بضحك مش عارفه بس مش هتكلم اكيد
نعيمه….شوفتي بقي هو لو عارف انك هتصديه او هتوقفيه في نقطه معينه كان هيبقي مختلف بس هو عارف رد فعلك و الراجل يا ايه لو ملقاش اللي يفرمله الدنيا بتخرب و خدي بالك سبب ان الراجل يقرب من البنت هي البنت نفسها لو مش شايف انها ساكته او مدياله الفرصه دي مش هيقدر ياخد خطوه يعني كل خطوه بياخدها بجرأه بتبقي البنت فاتحه الباب ده و ايمي قالتها قبل كده الراجل ممكن يكون صايع لكن جرأته بياخدها من الباب اللي البنت بتفتحه ليه
ايه….ايوه فهماكي كملت بضحك طب بصراحه يعني مين فيكم اتباست
