لقاء كـ،ـ،ـ،ـارثي
عسال…بهدوء بص عليهم لا يا فضل حرق جامد كفها متدمر
فضل…انت بتتكلم جد
عسال….والله العظيم ميته من العياط و باين انها تعبانه جداً انا بحاول اقنعها تنزل المستشفي معايا بس مرعوبه
فضل…..طب خدها بالعافيه يا ميدو و انا هحصلكم انا هتحرك حالاً
عسال…يا ابني هي خايفه و بعدين انا ملمت امي الوقت عشان اتحرقت زمان في رجلها و فاكر انها كانت بتحط حاجه للحرق ده يعني زي وصفات كده بس امي قالتلي لو حرق كبير غلط بتقولي لازم تروح المستشفي يتعملها كحت و تنضيف و ميتهيأليس نعيمه هتسكت دي اتخبط في دبلتي ايدها اتجلطت بقت تتنططت
فضل…..متسمعش كلامها خدها بقولك يلا
عسال….طيب يلا هي امي كانت قريبه و جايه مع مصطفي هشوف هعمل ايه و اقولك
فضل….تمام وانا هتحرك سلام يلا
عسال….سلام
دخل عسال علي جوه بهدوء بصلها بتأثر كانت بتعيط و رايحه جايه مش متحمله
نادين….يا نوني تعالي اقعدي و خليني البسك الشراب و الكوتش عشان ننزل.
نعيمه…بصريخ اسكتتتتتتي مش عايزه صوت والنبي
نادين…طيب طيب اسفه و الله بس اهدي شويه قلبك هيقف
نعيمه……اااااه ااااه
عسال….نوني طيب بصي هجيبلك اب حاجه فيها مايه بارده والله هتريحك
نعيمه….بدموع يا ميدو اسكت بقي والنبي والله مش حاسين بيا
عسال….طيب هسكت بس والله عارف انها وجعاكي اسمعي الكلام و خلينا ننزل
نعيمه….بدموع الخااتم مش راضي يخرج
عسال….خاتم ايه تعالي طيب نحاول نشيله
نعيمه….بدموع حااولت قبل ما تيجو بس مش عارفه و صباعي ورم
نادين….طيب تعالي بهدوء نحاول نشيله قبل ما يورم اكتر
قرب منها ميدو بهدوء.
عسال….طيب براحه و ريني اشوفه كده
مدت ايدها و شكل كفها بان و بدأ يعمل فقاعات بسيطه
عسال…بملامح توتر و حزن طيب بصي انا اكيد يعني مش هشده لان باين منظر ايدك انا هحاول ماشي
نعيمه….هتوجعني يا ميدو والله
عسال….مش هوجعك ولو حسيتي اني هوجعك قوليلي وهبعد بس كده هيتعبك اكتر و احتمال يتقص
نعيمه….بدموع يتقص ايه ده خاتم خطوبتي وفضل هيزعل
عسال…..مش هيزعل و يا ستي مش هيتقص احنا نحاول بهدوء
مدت ايدها بهدوء لعسال و هي بتترعش و بدأ حقيقي جسمها يترعش مدت ايدها بهدوء الخاتم مكانش بيخرج
نعيمه….بدموع اااااااه
عسال….بس خلاص خلاص انا بعدت اهو
نعيمه….انا قلبي بيقف والله انا بردانه اوي
عسال…..طيب بصي هتفضلي رايحه جايه كده هتوتري نفسك اكتر تعالي اقعدي و اهدي و خدي نفسك بهدوء عشان كده هتفضلي حاسه بالوجع و بعدين انتي بتترعشي
نعيمه….انا بردانه اوي
عسال….طب تعالي يا قلبي اقعدي كده شويه قعدها و مسك الچاكت حطه علي كتفها
نادين….ميدو هي لازم تروح لدكتور
عسال…..استني هي امي جايه و هتشوف كده ده ينفع نتعامل معاه ولا لا لو تمام هروح اجيبلها علاج للحروق من الصيدليه لو لا يبقي هننزل غصب عنها
كانت عماله تهز في رجلها بعصبيه الوجع مش متحملاه خلاص و كمان عندها رعشه برد فظيعه من الالم
نادين….بهدوء والنبي اهدي طيب البسك حتي الشراب عشان متبرديش انتي حاطه رجلك علي الارض
مسكت نادين الشراب تلبسها بهدوء لبستها فرده و لبستها التانيه و بعدين لبستها الكوتش بهدوء مكانتش عارفه تربطه كويس من رعشه رجلها
قرب ميدو منها و ربطلها الكوتشي
نعيمه….نادين انا عايزه اشرب
نادين….حاضر راحت بسرعه جابتلها مايه
كانت حاطه كفها علي صدرها ورفعاه و عماله تضغط علي كفها
نادين….قربي انا هشربك و اهدي شويه والنبي
نعيمه…بعصبيه متقوليييش اهدددددي والنبي انا ايدي فيها نار هموت بقولك
عسال….سبيها يا نادين سبيها يلا اشربي
اتصل مصطفي علي عسال و قاله انه جنب بيت نادين فضل ميدو معاه علي الموبايل لحد ما امح عربيته شاورله من فوق فضل مصطفي يبص لحد ما لقاه ركن العربيه و نزلوا
راح عسال فتح الباب و استناهم لحد ما طلعوا
عسال….تعالي يا امي تعالي يا مصطفي
نادين….اتفضلي يا طنط
حنان….ايه في ايه يا حبايبي سلامتك يا نعيمه حصلك ايه يا حبيبتي
عسال….شوفي يا امي كده كفها
خرجت نعيمه كفها بهدوء من تحت الچاكت
حنان….بصدمه يا قلبي يا بنتي
فضلت نعبمه تعيط بوجع
ضمتها حنان براحه و بحنيه و دمعت عشانها
مصطفي….يا نهار اسود دي وقع عليها مابه دي ولا زيت
عسال….لا لا مايه بس مغليه
حنان….لا يا ميدو يلا يا حبيبي دي لازم تروح مستشفي حالاً
نعيمه……و النبي يا طنط لا مش هتحمل حد يلمسني والله
حنان….يا حبيبه قلبي ده غلط تعالي بس نروح و مش هتحسي بحاجه طبعاً هما عارفين بيتعانلوا ازاي مع الحروق يلا قومي انا معاكي مش هسيبك هي مامتها عرفت يا نادين
نادين…نعرفش عرفت يا نعيمه
نعيمه…لا لا محدش يقولها هتصمم اروح معاها و انا مش هروح و هتفضل قلقانه و انا لوحدي
نادين….طيب خلاص مش هنقولها و انا كده كده هفضل معاكي
حنان…يلا حبيبتي قومي انا معاكي انا كمان يلا
قوموها و حنان اقنعتها و خدوها و نزلت فتحلها عسال الباب و ركبها و ركبت نادين جنبها و حصلهم مصطفي و امه.
عسال….نادين اتصلي علي فضل عرفيه اننا خدناها و نزلنا عشان هو جاي في الطريق بدل ما يجي علي هنا.
نادين….طيب حاضر
اتصلت نادين علي فضل
فضل….ايوه يا نادين
نادين….فضل احنا نزلنا و هنوديها المستشفي هنا في التجمع ماشي
فضل….طيب تمام انا جاي عليكم
نادين….اوك باي
فضل…باي
بصت نادين عليها كانت بتموت جنبها
نادين….نوني اهدي يا قلبي والنبي هتبقي كويسه الوقت
ضمت راسها عليها و فضلت تبوسها
عسال….نادين خدي بالك الچاكت يجي علي كفها
نعيمه….بدموع نادين شيليه خالص هو مضايقني اصلا وانا مش بردانه
نادين….انتي جسمك بيترعش يا نعيمه
نعيمه….بدموع من الوجع مش من البرد
نادين…طيب خلاص حاسبي براحه كده
بعدت عنها الچاكت خالص كان في الوقت ده الساعه خلاص داخله علي سبعه و الباقي كله راح علي ايمي و هما من لخمتهم في نعيمه نسيوا يتصلوا عليهم.
وصل عسال علي المستشفي و نزلوا قربت منها حنان ودخلوا بهدوء علي جوه
دخل عسال علي جوه و اتكلم مع بنت واقف فا نادت علي ممرض خدهم وراه و دخلوا في اوضه كده بص الممرض علي ايدها و قالهم ثواني و الدكتور هيكون معاكم
كان في غرفه طوارئ في طرقه طويله و خاصه بالخروق و الاصابات الخفيفه.
نعيمه….بدموع و خوف و النبي يا ميدو خلينا نمشي
عسال….متخافيش يا نوني والله ما هخلي حد يلمسك قبل ما يديكي حاجه عشان متحسيش
حنان…اطمني يا حبيبتي بسيطه والله
مصطفي….ميدو انا هقف بره عشان منبقاش كتير ماشي
عسال….تمام
فضلوا قاعدين في الاوضه المفروض الممرض قالهم ثواني الدكتور جاي
عدت دقيقه اتنين اربعه ست دقايق و هي بتموت قدامهم و الم الحروق الم مميت محدش بيحس بيه غير اللي جربه و حقيقي بيبقي عندك احساس ان قلبك بيقف و في اوقات من شدة الوجع بتتمني تموت او تفقد الوعي عشان متحسش الجسم بيتصاب برعشه و بتسقع و انت اصلا مولع من جواك و بتبقي متعصب و مش طايق حتي اي صوت…..
في الوقت ده كانت الساعه عدت سبعه و كلهم في بيت ايمي و ولبد راحلهم و مش عارفين اي حاجه عمالين يضحكوا وبهزروا و بيفكروا ليله هتعمل فيهم ايه ..
بعت عشري رساله علي الشات يسألهم هما مع بعض ولا لسه
رشيد….ايمي ما تشوفي البنات فين و ميدو
سلامه….علي فكره فضل مش جاي عنده شغل
وليد….بضحك بيخلع
سلامه….بأبتسامه لا عنده شغل بجد بس هيفتح معانا متقلقش
مسكت ايمي التليفون كلمت نادين تسالها هي و ميدو فين و نعيمه.
ايمي….الووو
نادين….الو ايوه يا ايمي
ايمي… انتوا فين يا بت كل ده احنا مستنينكم
نادين….انا نسيت اكلمك خالص ايمي احنا مش هنعرف نبجي عرفي عشري
ايمي….في ايه يا نادين ليه مش هتعرفوا ومال صوتك
نادين….خرجت بره في الكرقه وهي بتعيط نعيمه اتحرقت واحنا معاها في المستشفي
ايمي….ابيييه اتحرقت ازاي
كلهم بصولها و قاموا قرب منها رشيد
رشيد…في ايه مين اللب اتحرق
سلمي….في ايه يا ايمي
ايمي….بتقول نعيمه اتحرقت وهما في المستشفي
سلمي….بصدمه اتحرقت
ايه….اتحرقت ازاي طيب
سلامه….اهدوا بس انتوا الاتنين
حسان….هما فين يا ايمي طيب
ايمي…طيب طيب اقفلي بقولك فضل معاكم
نادين…جاي في الطريق
ايمي….اقفلي احنا جايين
وليد….اتحرقت ازاي يا ايمي
ايمي….معرفش بتقول وقعت علي ايدها مايه مغليه و الحرق كبير رشيد عرف عشري او قوله هنأجل الوقت شويه احسن ليله تعملها حجه و تصمم تيجي
رشيد….طيب يلا يلا خلينا نروح الاول نشوفها
خرجوا كلهم و راحوا بسرعه علي المستشفي بعد ما بعت رشيد رساله لعشري.
………….
في المستشفي….
نعيمه….ااااا مش قادره في حاجه بتشكني
حنان….بتأثر معلش ده وجع الحرق يا قلبي اهدي شويه
نادين….ميدو هو فين كل ده الدكتور؟
عسال….بغضب بسيط انا عارف قال ثواني داخل في عشر دقايق و محدش جه
خرج بره ينادي اي حد الممرض قاله حاضر ثواني هو معاه تليفون و بيشرب سيجاره وجاي
اتعصب ميدو بس تمالك اعصابه خالص و رجع دخل تاني وقالهم جاي خالص.
بالظبط عدي 12 دقيقه و بعدين دخل علي الاوضه دكتور هو شاب مش كبير رفيع اوي ريحة سجاير فايحه منه و عليه غضب ربنا مكشر جداً و داخل بسرعه كأنه عايز يخلص مهمه و يخلص و طريقته في الكلام حاده مش دكتور بيتعامل مع مريض و مش مريض عادي ده بيموت قدامه.
الدكتور….خير
عسال….في مايه مغليه و قعت علي كفها
الدكتور….لبس نضارته وريني ايدك
نزلت دموعها و هي بتبص للسقف برعب و عماله تهز رجلها و مرعوبه
حنان….وريله يا نعيمه يلا يا ماما متخافيش
الدكتور….اااا مبدأياً كده ياريت ميبقاش في زحمه اتفضلوا بره في الاستراحه
نعيمه…..بدموع مسكت ايد عسال اللي كان واقف جنبها و خليك والنبي معايا
نادين….بدموع طيب انا خارجه خليك معاها يا ميدو
حنان….وانا واقفه جنب الباب بره متخافيش
ميدو كان باصص للدكتور بغضب بسيط و عمال يجز علي سنانه بس ساكت
الدكتور….يلا ياماما وريني كفك كده ابعد شويه يا استاذ
نعيمه كانت قافشه في دراع ميدو بعد دراعه و مسك كفها بقوه
عسال…بغيظ اتفضل شوف شغلك انا بعيد خالص عنك
مدت نعيمه ايدها بخوف و قبل ما يمسكها بعدتها تاني و هي مفحومه من العياط
الدكتور….ما تخلصيني يا ماما
نعيمه….بدموع والنبي استني انا خايفه
الدكتور….خايفه من ايه يلا خليني اشوف شغلي
عسال…..بنفاذ صبر لكن باحترام هو ممكن بس براحه شويه يعني واحده واحده معاها
الدكتور….علي فكره انا عندي شغل
عسال….وهي بالنسبالك شغل علي فكره احنا مش قاعدين مضيعين و قت حضرتك بس براحه عليها انت شايف حالتها
نعيمه….بدموع والنبي يا ميدو خلينا نمشي.
الدكتور….بهمس مسموع استغفر يلا وريني ايديك
نعيمه….طيب براحه والنبي
مدت ايدها مسك كفها من المعصم و بكفه التاني بدأ يلف ايدها و صوابعها عشان يشوف الحرق وكان ضاغط و ببتعامل مع كفها علي انه سليم بس هي صرخت و سحبت ايدها بسرعه
الدكتور…..انا كده مش هعرف اشتغل انتي مش صغيره انا لسه معملتش حاجه
عسال….بغضب بسيط هو انت كده بتطمنها يعني مش فاهم ما براحه شويه
الدكتور….هو انت هتعلمني شغلي طب كويس تعالي اقعد مكاني بقي وعالج انت ايدها
عسال….مكانك ايه و اعالج ايه انت شايفها قدامك بتموت و في ايدها حرق و انت عمال رايح جاي في كفها و مضايق اوي انها مش قادره تتحمل
الدكتور….بعند طب مبدأياً كده انا مش هشتغل غير لما تطلع بره عشان اشوف شغلي ولو لازم اوي حد يبقي معاها حد غيرك يجي
عسال….وانا مش هسيبها وانت هتشوف شغلك هو بجد انت دكتور ولا انت ايه بالظبط
نعيمه….ميدو خلينا نمشي خلاص
عسال…بغضب اقعددددي
الدكتور….انت فاكر نفسك فين وطي صوتك ؟
عسال…..انت ماتؤمرنيش صوت ايه يا ابو صوت بقالنا ربع ساعه مستنين جنابك و واقف بره تتكلم و تشرب في سجاير و داخل ريحتك سجاير و تقرف و متعصب دكتور انت ولا جزار مش فاهمك ايه مبتعرفش تتعامل مع مرضي دخلوا علي صوته و صوت الدكتور و جري مصطفي عليه يخرجه
خرج ميدو بغضب فظيع الدكتور استفزه بجد و طريقته مع نعيمه عصبته فا مبقاش شايف قدامه وقف في وش الرسيشن قدام الطرقه انا عايز حد مسؤول هنا الوقت
الممرضين قربوا و خرج دكاتره علي صوته
الدكتور……انت متعليش صوتك انت فاهم
مصطفي….بغضب انت اننننننت وطي صوتك
حنان….مصطفي اسكت
عسال كان واقف بره مع الدكاتره و مصمم حد يجي و ماسك كف نعيمه و نادين ماسكه دراعه التاني بخوف
نادين….والنبي خلينا نمشي طيب نروح مكان تاني
الدكتور….بغضب اطلبوا الامن عشان دول فاكرينها بلطجه
مصطفي….لسانك في بوئكككككك عشان منفرججش شغل البلطجه
نادين….مصطفي و النبي كفايه
عسال….بصوت قوي و مرعب خلاص فقد سيطرته و حط الدكتور في دماغه امن ايه يا ابو امن ده انا مكالمه واحده يا لاااااا مش هخليك تقعد فيها لحظه
قرب منه دكتور تاني في نفس السن بتاع الدكتور بس هادي و باين انه محترم.
الدكتور….ممكن تهدي تعالي معايا انا اللي هكمل بداله
عسال….تكمل ايه هو اصلا معملش حاجه لسه داخل بكل عجرفه و قلة ادب و متعصب شايف مريضه قدامه بتموت من الحرق في ايدها و ده نازل عصبيه عصبيه بدل ما يهديها
فضلوا الدكاتره يحاولوا يهدوا عسال بكل احترام و خدوا الدكتور التاني بعيد بس هو مكانش ساكت ومستفز
حنان ….بهمس لو فتحت بوئك هموتك اسكت خالص اخوك هيموته
مصطفي…..بغيظ حاضر حاضر
عسال…بغضب بص للي مش عايز يسكت بعيد ده خد بالك انا لحد الوقت ساكت بس وديني لو طولت ما حد هيرحمك من ايدي
الدكتور…..كمان بتهددني في مكان عملي
عسال…..عمل ايه يا ابو عمل احترم شغلك الاول و بعدين تفتح بوئك
خدوا الدكاتره ميدو هو و نعيمه و حاولوا يهدوه و دخلوا تاني علي الاوضه معاهم ثلاث دكاتره تانين
واحد منهم ممكن تهدأ بقي هو خلاص مش هيقرب معاك دكتور حسام هو اللي هيهتم بيها
عسال….يا دكتور يا محترم انا مجتش جنبه انا مليش في المشاكل دخلنا الممرض قال ثواني و الدكتور جاي استنينا هنا ربع ساعه وهي بتموت و بعدين خرجت اشوفه قالي بيشرب سجاير و معاه مكالمه قولت مش مهم دخل ريحة تقرف من السجاير و متعصب و مكشر و بالعافيه عايزها تمد ايدها لا عنده رحمه و لا احترام لشغله شايفها في حالتها دي و بيتعمل بكل وقاحه و بيزعق و انا ماسك نفسي و اقوله براحه يبصلها بقولها بتدلعي محرووووقه قدامك فين الدلع
الدكتور….طيب حقك عليا انا انت معاك حق هو منقول هنا من اربع ايام و غالباً جاي غصب و دي مش اول مشكله منه فا مش متعود لسه فا معلش امسحها فيا
عسال….ميقرفش الناس عيب ده دكتور مالنا احنا قرفان ولا منقول ده بيتعامل مع مريض و اي حد في شغله بيحترمه مش بس الدكتور و دي بنت قدامك يعني حايلها اهدي عليها شويه راعي تعبها علي الاقل
الدكتور…..حقك عليا انا خلاص انا اللي ههتم بيها
الدكاتره التانين هدوا ميدو و بعدين خرجوا وسابوهم.
الدكتور….بهدوء ممكن اشوف ايدك
نعيمه….بدموع طيب انا خايفه والله
الدكتور…..بهدوء عارف و عارف والله انك موجوعه جداً بصي انا هبص عليها بهدوء اشوف بس الحرق واصل لفبن و بعدين متقلقيش هنحط بنج و الدنيا هتبقب تمام مش هتحسي بحاجه خالص.
عسال….دكتور هو الخاتم تقريباً زنق في صباعها و معرفناش نطلعه
الدكتور….بإبتسامه ده ايه الخاتم الحلو ده مخطوبه ولا ايه
هزت راسها بدموع
الدكتور….وانت بقي خطيبها
عسال…بهدوء لا انا اخوها مش خطيبها
نعيمه….طيب انا مش عابزه اقص الخاتم
الدكتور….بضحكه جميله بس كده بصي هنحاول علي قد ما نقدر بس لاسوء الظروف لو معرفناش هنشيله مسك كفها بهدوء و بص تحت الخاتم
نعيمه…اااه
الدكتور….متخافيش بصي هو تحت الخاتم مفيش حرق قوي يعني بس كمان لو صباعك ورم اكتر من كده هيزنق علي الخاتم و هيعمل جروح و هنضطر نقصه بس قصه هيبقي صعب و مؤلم فا احنا بس نخلص الاول و نشوف لو عرفنا نشيله بهدوء هنشيله معرفناش يبقي مضطرين نقصه
عسال….دكتور اللي حضرتك شايفه صح اعمله المهم بالله عليك يعني مش عايزنها تحس بحاجه
الدكتور….متقلقش والله حاضر و انتي اضحكي شويه و بطلي عياط متخافيش حالاً هتحسي ان الوجع راح الوقت
عسال….هي الرعشه دي عاديه
الدكتور…اه طبعاً الحرق بيعمل كده اهدي بس انتي و متوتريش نفسك ماشي
قام الدكتور يعقم ايده و يجيب الادوات اللي هيشتغل بيها و لسه نعيمه ماسكه في كف عسال
نعيمه….بهمس ميدو و النبي متسبنيش
ميدو بهدوء ضم راسها
عسال…معاكي والله ما هسيبك متخافيش ماشي
هزت راسها بهدوء
في الوقت ده وصل فضل حتي قبل الشباب هو كان متحرك من اول ما نعيمه صرخت معاه و كان جاي طاير
ركن العربيه و دخل علي جوه و لمح نادين و حنان و مصطفي اللي كان واقف عينه علي الدكتور و متماسك عشان ميروحش يضرب
قرب فضل منهم بسرعه كان لابس بنطلون چينز و تيشرت و چاكت و زي القمر طلته لوحدها كانت هيبه.
فضل…..سلام عليكم
حنان….علبكم السلام يا حبيبي
فضل….في ايه هي فين
نادين….جوه معاها ميدو
قرب فضل من الباب بسرعه خبط و فتح مستناش رد اول ما نعبمه شافته عيطت اكتر
فضل…..ايه ايه يا مانا في ايه قرب منها ضمها و هي قاعده و بص علي كفها بصدمه اهدي اهدي بسيطه والله بسيطه
الدكتور….بابتسامه ده حبايبك كتير اهو خايفه ليه بقي.
نعيمه….فضل والنبي خلينا نمشي
فضل….متخافيش يا قلبي انا جنبك ايه يا دكتور طمني
الدكتور….خير ان شاء الله هنظبط الاول الحروق دي كلها وبعدين نشوف الخاتم هنقدر نشيله ولا هنضطر نقصه هي رافضه فا هنحاول
فضل…..لا قصه ماعليك من الخاتم
نعيمه…..لا لا سيبه
فضل….حبيبي يدك وارمه يغور الخاتم شوف الصح يا دكتور
الدكتور…..طيب يلا خلينا نبدأ خدي نفس طويل كده انا هحطلك حاجه يعني هتحرقك بسيط بس مش هتحسي بعدها
بصت نعبمه علي فضل و هب بتعيط و بتهز راسها بلأ
فضل….اجمدي امال شوف شغلك يا دكتور
بعدت ايدها وهي منهاره و مرعوبه
شاور فضل براسه لعسال
فضل….تعال مكاني
قرب عسال من نعيمه و مسكه كفها من فوق للدكتور
نعيمه….فضل والنبي لا لا لا
مسك عسال كفها التاني و حط الدكتور علي ايدها اسبراي زي مخدر موضعي صرخت السقعخ بتاعت الاسبراي و الدفعه بتاعته وجعتها
فضل…..حط كفه التاني علي راسها و فضل مثبت كفها بكفه اهدي اهدي خلاص
الدكتور….بصي الوقت مش هتحسي بأي حاجه خلاص هنحاول بس نقص الفقاقيع دي و هنشيل الجلد الميت وهنضف بسرعه يعني مش هناخد وقت
حطت نعيمه ايدها علي قلبها كانت بتموت بجد نظرات فضل و عسال للحرق و الدكتور و هو بيشتغل كان باين عليها السوء
بدا الدكتور يقص الفقاقيع دي و يشيل بهدوء الجلد الميت مكانتش حاسه خالص بس عماله تعيط و عسال باعد راسها عشان متشوفش.
في الوقت ده الشباب وصلوا بره
ايمي….هو انا ينفع ادخلها
حنان…لا لا خليكي معاها فضل و ميدو
حسان….طيب هو الحرق صعب ولا ايه؟
حنان….با قلبي كفها بايظ خالص لحد قبل كوعها بشويه
سلمي طيب وسعولي كده انا هدخل
ايمي….اه ادخلي شوفبها والنبي متسبيهاش لوحدها قبل ما تخبط سلمي سمعوا صوت صرخه سمعت المستشفي كلها و فضحتهم صرخه مش بتقف صريخ صريخ الكل اتصدم دخلت بسرعه سلمي و ايمي
كان الدكتور بيعملها حاجه زي كحت عشان الجرح ميسببش تلوث فا طبيعي تحس البنج كان مخدر بسيط اوي شافوا البنات منظر كفها اتصدموا قرب ايمي بسرعه من عسال و خدتها في حضنها و فضلت نعيمه منهاره بدأ الدكتور يخلص و يهديها و يعتذرلها و يعرفها انه لازم يعمل كده و ان الحرق مكانش بسيط و حرق درجه ثالثه
من العياط والصريخ و الوجع فرهدت في ايدهم علي الاخر
و فضل هيتجنن عليها حاول الدكتور يشيل الخاتم بس معرفش
فضل….قصه يا دكتور قصه متفكرش كتير
الدكتور….هو انا بفكر اسيبه بس مش عارف ايدها هتورم بعد اللف كمان فا دي مجاذفه
فضل….طيب قصه مش هنجاذف في يدها
مسك الدكتور حاجه زي القصافه وحطها بهدوء في الخاتم و ضغط عليها و قص الخاتم شاله بهدوء و مد ايده لفضل بالخاتم خده حطه في جيبه.
ايمي….نوني نوني دكتور الحقها و النبي
فضل….نعيمه نعيمه فوقي يا قلبي
فضل يخبط علي وشها وجسمها ساب من ايمي و سلمي خالص قام الدكتور و حاولوا معاها مسكها من عضمه مناخيرها و فضل معاها لحد ما فاقت و سلمي فضل تشممها في برفيوم فتحت عينها ضمها فضل اوي مقدرتش تتحمل الوجع خالص و روحها راحت منها ..
فضل الدكتور يتكلم معاها و يطمنها و بدأ يحط علي ايدها كريماتت و مضاد و حجات كتير و بعدين حطلها شاش طبي و لف عليها شاش تاني
و خلص
الدكتور…..احنا خلصنا هكتباكم حجات دي هتستخدموها بس بعد غيار مرتين هنا او صيدليه قريبه براحتكم هعرفكم تعملوا ايه و تحطوا كريمات علي بعض يعني هعرفكم الطريقه عشان تتاعملوا بعدين
ايمي…طيب يا دكتور في اي كريم تجميل
الدكتور….اه في بس مش الوقت هكتبه بردوا ليكم و هعرفكم طريقه الاستخدام و كل حاجه بس خرجوها بره تشم هواء عشان هي فصلت خالص حقك عليا و الله و الف سلامه عليكي
فضل…..سلمي افهمي طيب انتي و ميدو من الدكتور انا هاخدها بره
سلمي….روح طيب
خدها فضل و ايمي علي بره كانت خلصانه خالص قعدوها علي اقرب كرسي و فضلت تعيط وهي سانده راسها علي فضل و هو ضاممها
حنان….ايه يا حبيبتي ايه يا ماما خلاص خلصتي
ايمي…رشيد عايزين عصير او اي حاجه عشان اغم عليها جوه
وليد….خليك يا رشيد خليك انا هروح بسرعه
سلامه….استني يا وليد خليك انت
وليد….والله لا تخليك معاهم استني بس
حسان….ايه يا نوني ايه حبيبتي جرالك ايه همس لفضل ايدها بايظه خالص
هز فضل راسه بهدوء لحسان
حسان….سلامتك سلامتك بسيطه ان شاء الله
جاب بسرعه ولبد عصير من الكاڤيتريا بتاعت المستشفي عصير و قرب منها فتحه و شربتها ايمي بالعافيه كانت بتعيط و مش راضيه..
في الوقت ده
مصطفي طبعاً كان ساكت بس ودنه مع الدكتور اللي رايح جاي علي الريسبشن يبرطم بالكلام الكل كان سامعه بس محدش فاهم ان الكلام عليهم او علي ميدو و طبعاً حنان و نادين ساكتين و مبيردوش عليه و كل شويه حنان تقول لمصطفي اسكت و متردش واعمل نفسك مش سامعه و هو سكت عشان فضل كمان جه فامكانش عايز يحصل اي مشكله بس الدكتور زودها.
الدكتور….بصوت مسموع بس من بعيد شويه علي الريسيبشن محدش ركز غير مصطفي عشان هو اللي مركز معاه واقف ساند ضهره علي الحيطه و مربع ايده وباصص عليه ..
الدكتور…اهو ده اللي بنتكلم فيه حاله واحده جاي معاها كل ده و لا كأننا في سوق امال لو عمليه كان حصل ايه لا و عامل فيها بلطجي و فاكر نفسه في الشارع
دكتور تاني….يادكتور كفايه بقي مش عايزين مشاكل دكتور حسام اتعامل مع الحاله و خلصت خلاص
الدكتور….ماهي خلصت خلاص بس التاني جاي ياخد عليا لقطه و يقولهم انا هتعامل مع الحاله وسيبكم منه وعامل فيها حنين اللي كنت هعمله عمله
الدكتور التاني….يا دكتور شاهين لا لقطه ولا حاجه دكتور حسام بيفض مشكله
الدكتور….ناقصين احنا لقطه و بلطجه و مياعه بنات ماهو طبيعي هتتألم هي جايه بخدش
مصطفي….من بعيد قدام الكل و محدش فاهم حاجه ميااااعة ايه يا ابن الم…..ره و بلطجه ايه يا ابن الو….
حنان….مصطفيييييي
سلامه….ايه ده ايه ده في ايه؟
نادبن…والنبي خدوا من هنا قبل ما ميدو يجي
فضل…..هو في ايه ؟
الدكتور…انت بتكلمني انا كده ده انا هوديك في داهيه
رشيد….مصطفي في ايه؟
مصطفي….ابن ال….من الصبح مش ساكت متعصب و متنرفز و مرضيش يكمل مع نعيمه و لما مبدو روق عليه بيقول عليه بلطجي و بيقول عليها شغل مياعه ده انا هكسر ووووش ااامك
فضل….بص للدكتور بغضب و قبل ما يطول الدكتور مسكه حسان بسرعه مياعة ايه يا ابن الو…
الدكتور….يلا ورونا شغل البلطجه
سلامه….بلطجه ايه يا لاااااااا
ايمي….يا نهار اسود و منيل رشيد الحقهم والنبي
الدكاتره كلهم و الممرضين اتلموا وخرج عسال علي صوتهم بسرعه مصطفي كان متجنن هو كمان وراسه والف سيف يوصل للدكتور عشان قال علي عسال بلطجي و نعيمه مايعه
مصطفي….ده انا هفرممممم امك يا الواااطيه
الدكتور…..يلا يا شويه بلطجيه
عسال…..بغضب بلطجيه ايه يا ابن …..يا ابن……يا ابنننن الحوار كبر و الكل بقي يشتم فيه و الدكاتره يهدوهم و رشيد راسه والف سيف يطلب الشرطه و حسان يحوش وحاول يهديهم هو و وليد دخلوا الامن كمان و حاولوا يهدوا الدنيا
الدكتور من اول ما وصل محدش حابه خالص لسانه طويل و متعجرف بيتكلم مع الكل بقلة ادب حتي الممرضين و الممرضات مش سالمين من لسانه كأنه بلطجي و مش دكتور مدير المستشفي نزل و الموضوع كبر و كلهم شاهدين علي ان هو اللي مسكتش و قل ادبه كانهم ما صدقوا يخلصوا منه لانه حقيقي مش محترم.
بيستكتوا فيه وهو ابداً ولو عايز يتفصل من شغله مش هيقف يعمل كده
رد علي مصطفي و شتمه بأمه ووهنا كانت النهايه بقي سسسحبة ثلاثيه من عسال و سلامه ومصطفي و اتحولوا لشياطين كله الا حنان
وليد كمان استفز من الدكتور و مبقاش يهدي في حد بقي عايز اللي يهديه هو وحسان البنات واقفين مصدومين و حنان ماسكه في نعيمه اللي بتعيط هي و نادين و ايه سلمي واقفه ساكته وايمي مش عارفه تتصرف و تعمل ايه كلهم اتجننوا
و فيييين لحد ما خدوا الدكتور من قدامهم بالعافيه و عسال و مصطفي وسلامه مش ساكتين حالفبن ما يمشوا غير لمايقتلوا
مدير المستشفي حاول يهديهم و يتكلم معاهم
عسال….بغضب الحيواااااان ده لو ممشيش و شرف امي اللي غلط فيها لا هقفلها بمكالمه حالاً الكل شاهد اننا من اول ما جينا جينا بإحترامنا وهو مش ساكت كلمته بكل احترام و مفيش بني ادم مستفز لاقصي درجه اييييييييه بتتعاملوا مع المرضي علي انهم حيواناااااات دي الحيوانات نفسها متتعاملش كده مش عارفين تتعاملوا نقفل دين…….
وصلت الشرطه في الوقت ده حسان قرر انه لازم ينقذ الموقف اتصل بناس تقال صحابه جم في وقت قياسي
دخل الظابط و معاه كام واحد فهم الحوار كله منهم مدير المستشفي كان مرعوب و عارف ان الغلط اكيد من الدكتور لان دي ثالث مشكله ليه كأن شيطانه راكبه
حسان….بغضب راجعوا الكاميرات كويس لا بدأنا ولا لمسنا حاجه في المستشفي بس الحيوان اللي غلط في الكل ده لازم يتربي
الظابط….ممكن تهدأ
فضل…..ده انا قتيل عليك يا ابن ال…..
خدوهم وراحوا جوه في مكتب المدير اتكلموا و سألوا كام واحد من اللي شغالين كانوا خايفين يتكلموا ومش عارفين يقولوا ايه و بعدين سأل الدكتور اللي اهتم بنعيمه قال اللي حصل كله.
عسال….كريم باشا الواد ده غلط في امي الكل شاهد انه بتاع مشاكل و دي مش اول مشكله
حنان….بهدوء يا ابني انا مسامحه الله يهديه خلاص بقي
عسال….انا مش مسااااااامح
الظابط….طب اهددددي اهدي قولت
من سته لحد تسعه و هما في المستشفي انتهي الحوار بصعوبه اعتذر الدكتور للكل بس اتحول للتحقيق لعدم مهنيته خصوصاً بعد مراجعه الكاميرات و التطاول اللي حصل منه و مدير المستشفي اعتذرلهم كتير و الدكاتره كانوا حوالين الشباب ماسكين كل واحد فيهم يهدوا شويه و خلص الحوار علي كده و بعدين مشيوا كلهم.
شكر حسان و الشباب كريم اللي جالهم في وقت قياسي و لحق الموضوع و بعدين اتحركوا كلهم علي بيت نعيمه .
طلعوا كلهم معاها كانت احسن كتير او بمعني اصح اللي حصل خلاها نسيت وجع ايدها و كانت مرعوبه يحصل مشكله كبيره .
دخلوا كلهم وقعدوا عسال كان علي اخره عمال يعض في شفايفه و يهز رجله.
حنان….بهدوء ايه يا حبيبتي انتي كويسه؟
نعيمه….احسن والله انا اسفه بجد حقك عليت وحقكم عليا كل ده بسببس
حنان…..بسببك ايه هو اللي مش محترم الحمد لله ان الموضوع اتلم علي كده و انت مكنتش قادر تسكت شويه لخد ما ناخدها و نمشي
مصطفي…..بغضب اسكتتتت انتي فضلتي مسكتاني انتي ونادين قد ايه و سامعينه بودنكم انا عشان فضل جه بس سكت قولت عشان متحصلش مصيبه بس هو نكش و طلبها ونالها
عسال….ايه عيزاه يسكت يعني بيغلط وانتوا سامعينه و بتسكتوه كمان
حنان….يا ابني احنا في مستشفي مش في شارع و نعيمه تعبانه و انت وهو كنتوا لوحدكم هخليكم تتخانقوا و تسيبوها في حالتها دي هي ونادين اللي واقفه مرعوبه جنبي
سلامه….انا سامعه من بدري بس معرفش ان كل الكلام ده علي ميدو
فضل….وانا كمان بس مركزتش معاه غير لما مصطفي اتكلم.
ايمي…..بضحك بس بصراحه انا اتصدمت فيكم و انت بالاخص يا ميدو انت وسلامه حتي مفي مش باين عليه انه بتاع خناق
مصطفي…..انا في الاول هديت ميدو قبل ماتيجو والله وسكت بس لما قال بلطجي و قال علي نعيمه ده شغل مياعه اتجننت
فضل….راجل يلا زي اخواتك ده انا مش هعتق امه ابن ال….
نعيمه….بابتسامه مصطفي انت خدت قلبي خلاص انت وميدو
عسال….باتسامه المهم انتي كويسه
نعيمه…بضحك انا مصدومه فيك
ابتسمت نادين اللي كانت مصدومه هي كمان فيه اول مره تسمعه بيشتم و ببتعصب و مرعب كده
حنان….ميغركوش هدوئهم الثلاثه دول لما بيحطوا حد في دماغهم اعوذ بالله عليهم
رشيد….لا هو مستفز يا حنون بجد انا لولا زمايله قفشوني كنت كسرت دماغ امه
سلمي…بضحك انا منت متطمنه شويه عشان حسان و وليد و رشيد عمالين يهدوا فيكم شويه واتصرعت من صوت رشيد قولت بس الامل فب وليد و حسان يسيطروا فجأه مبقاش حد يسيطر
وليد….انا كنت قلقان عليكم و ببعدكم و بهدي في الشباب بس هو ابن الواطيه عامل زي النسوان الرداحه مش بيسكت و بيغلط قولت لا مبدهاش بقي تعالوا انتوا كده علي جنب
ايمي….بضحك انا فجأه لاقيت الكل بيزعق بصوت عالي و متعصب و شتايم بالكوم بس السحبه الثلاثيه دي بتاعتكم الثلاثه موتتني انا اتصدمت
عسال صحك و حط ايده علي وشه بإحراج
سلامه….بضحك والله نا كنت عابزها توصل لكده بس غلط في امي
مصطفي …بضحك ايه رأيك في الكورال اللي حصل
ايمي….بضحك تموتوا والله ده انتوا لو متفقين مش هتطلع كده
فضلوا كلهم يضحكوا ونادين واقفه مصدومه علي جنب و ميته من الضحك و طبعاً البنات كاموا بيضحكوا عشان افتكروا بالموقف ده ليله لما عيطت من عشري و بتقولهم ده بيزمرلي.
نعيمه….بضحك فين ليله الوقت تيجي تشوف عشان متقولش ان عشري بس اللي بيزمر
ايه….بضحك هو انا بالنسبالي لو عسال عملها الكل يعملها عادي
فضل عسال يضحك وهو ساكت ومحروج
مصطفي….هو عشري كويس انه مش معانا والمصحف كان عمل فيها سوبر مان وطار جابه من رقبته
حسان….اه والله ده من نعمة ربنا علينا مش علي الدكتور مكناش هنخلص اصلاً
حنان….يلا الحمد لله عدت علي خير
ايه….هو انتي ايه اللي وقع المايه كده عليكي
نعيمه….بابتسامه كان يوم اسود كنت جعانه وقولت اكل قبل ما البس و نروح لايمي فا قولت هعمل مكرونه حطيت الحله علي النار و كنت بكلم فضل وقتها و بعد كده قولت هاكل لوحدي فا طفيت عليها لما غليت و قولت هطلب اكل وخلاص مسكت الفوطه عشان ارمي المايه فا هي ليها فتحه كده بتتعلق منها فا الفتحه دي دخلت في حامل البوتجاز ببعد بالحله لاقيت حاجه بتشدني تاني علي البوتجاز فا الميه وقعت علي حرف ايدي مقدرتش حاولت ارجعها بس من الوجع بقت تدلق علي كفي لحد ماوقعت كلها بس
ايمي….طيب وانتي بترمي المايه ليه ما تسبيها لحد ما تبرد لوحدها
فضل…..عشان دي مبتفكرش اصلاً انا لو اعرف انها هتسيب التليلفون وتعمل كده كنت قولتلها سيبيها
حنان….يلا الحمد لله قدر الله و ماشاء فعل
حسان…..عدت علي خير وبسيطه
وليد….بضحك كل ده عشان مكرونه امال لو عملتي محشي
فضل….بضحك شوفت بقي التدبيسه ياعم وليد اللي انا فيها
ضحكوا كلهم
حنان….ده اللي هاممكم اهي في الاخر مكلتش اصلاً و قلبها وقف من العياط.
نعيمه….الحمد لله و الله كنت حاسه اني هموت
سلمي….طيب في وجع ولا لا
نعيمه….في طبعاً بس يعني شويه. قادره استحملوا الكريمات تقريباً فيها مسكن
سلمي….هو الدكتور كتبلك كمان مسكنات تاني عشان لو وجعتك
نادين….نوني طيب انتي لازم تاكلي اطلبلك اكل ولا اعملك حاجه
ايه….بضحك اعمليلها مكرونه
نعيمه….تااااني
سلامه….هي المفروض تكرهه المكرونه
حنان….لا وليه تكرهها ده نصيب الحمد لله بقولك ايه اعملك انا المكرونه اللي كنتي عيزاها دي
سلامه….ايوه بقي حنون راضيه عنك
نعيمه….حبيبه قلبي تسلمي يارب لا والله انا شويه هبقي اكل اي حاجه و بعدين انا بجد مش عارفه اشكرك ازاي تعبتك اوي و بجد حضرتك حد جميل جداً
رشيد….حنون دي الحته الشمال
فضل…..الله يطول في عمرها يارب و يخليها لينا
حنان…انتي بنتي انا معملتش حاجه و يلا قوليلي متتكسفيش كنتي عايزه تاكليها ازاي دوقي عمايل ايدي بقي
سلمي….بضحك لا متحطيش امل كبير في نغيمه هي اكيد كانت هتاكلها مسلوقه
نعيمه….بضحك اه والله انا قولت لا مكرونه مسلوقه يا اندومي.
حنان….مسلوقه ايه بس طيب حد فيكم يا بنات يجي معايا يعرفني مكان الحاجه
نعيمه….بالله عليكي يا طنط ما تتعبي نفسك سلامه والنبي قعدها انت و ميدو
حنان….بهدوء تعب ايه بس دي بسيطه خليكي انتي ارتاحي و بعدين لازم تاكلي قلبك وقف
قامت حنان و راحت معاها نادين
نعيمه….بقولكم ايه انتوا عندكم ام قمر بجد و الله كانت خايفه عليا و عيطت بجد تجنن
ايمي…..حنون جميله بجد
حسان…..عرفتوا بقي بنحبها ليه
سلمي….انا هروح اساعدها عشان نودي اكيد اخرها تعرفها مكان الحاجه
نعيمه…اه والنبي يا سلمي متسبيهاش لوحدها
وليد…..بقولكم ايه ضحك بهدوء هو احنا هنكلم ليله و عشري و لا نتلكك
ايمي….بضحك انا بقول نتلكك
رشيد….عشري باعت كذا مره علي الجروب يفهن في ايه
ايمي…..طب رديت عليه ولا لا
رشيد…اه رديت عليه كمل بضحك انا بقول نكلمهم الوقت و ده انسب وقت لان جايز ليله لما تشوف نعيمه كده تخف عليكم و علينا شويه
سلامه….بضحك اه ليله جدعه و هتتلهي في نعيمه
ايمي….بضحك هي جدعه بس هنتنفخ بردوا.
فضلوا يتكلموا شويه و يضحكوا الساعه كانت 11. عشره و حنان بسرعه و شطاره عملت لنعيمه بمساعدة سلمي و نادين صنيه مكرونه بشاميل و سابتها في الفرن
سلمي….بابتسامه ابسطي يا ست نوني كنتي هتاملي مكرونه مسلوقه طنط عملتلك مكرونه بشاميل و في الفرن كمان
نعيمه….تسلم ابدك والله تعبتك ومش عارفه اقول لحضرتك ايه
حنان….ولا اي حاجه انتوا ولادي الف سلامه عليكي يا حبيبتي بصي انا همشي بقي انا ومصطفي عشان ريهام لوحدها ومش ساكته كل شويه تتصل
نعيمه….قولياها حقك عليا معلش اخرتك عليها
حنان…..بهدوء لا خالص والله ميدو انا همشي بقي يا حبيبي خليكم براحتكم
عسال….ماشي يا امي
سلامه…..روحي علي طول لو محتاجه اي حاجه اجيبهالك وانا جاي
حنان….لا مش عايزه يا حبيبي يلا يا حبايبي تصبحوا علي خير و الف سلامه علي نعيمه يا بنات
قاموا البنات سلموا عليها و شكروها و سلمت علي الشباب و مصطفي سلم عليهم و بعدين نزلوا.
فضل….بهمس ايه يا حبيبي عامله ايه الوقت
نعيمه….احسن الحمد لله طبعاً مس طابقني عشان جيبتك بردوا
فضل….عبيطه انتي انا اسيب الدنيا كلها صحيح كنت مشغول بس وانتي كويسه انما فيكي حاجه يبقي ابو كل حاجه
نعيمه….بابتسامه هاديه ربنا يخليك ليا
فضل….و يخليكي ليا يا عمري
نعيمه…بزعل كسروا الخاتم
فضل….فداكي الف خاتم المهم يدك بخير هنجيب بداله و احسن
باس كفها بهدوء ابتسمت نعيمه و قبضت علي كفه بحب.
خرجت سلمي و ايه بقهوه ليهم و شاي .
وليد…..تسلم ايديكم يا بنات
بصت نادين لميدو وابتسمت ابتسم عسال و رفعلها حاجبه وقرب منها
عسال….خيررر
نادين….بضحكه جميله لا مفيش ايه هتتحول عليا
عسال…بضحك مقدرش
نادين….علي فكره انا مش مصدقه ولا مستوعبه اللي شوفته
عسال….بضحك خلاص بقي انسي
نادين….بضحك هحاول
عسال….ايه عايزه تغيري رأيك
نادين….بضحك لا طبعاً هو انا صحيح مصدومه بس بحبك و حبيتك اكتر
عسال….اوبااااا بنوتي طلعت عنيفه
نادين….بضحك مش كده بس بقيت زيك كل يوم اكتشف فيك حاجه جديده.
ضحك عسال و مدلها كفه مسك كفها و سكتوا.
بعتوا لعشري علي الشات و قرروا يتكلموا معاهم.
وللحديث بقيه…….
