تعاهدنا

معاك تفاصيل ايامي اللي كانت بتمر وانت مش معايا

لعبت معاك أتجننت معاك حبيت معاك وعرفت

يعني ايه حب علي ايدك اتعلمت كل كلام

الحب منك و عشانك عرفت يعني ايه أمان وسند

عرفت يعني ايه في وجودك مبقاش خايفه

وان الخوف طول مانا معاك ميعرفش ليا طريق

عرفت يعني ايه راجل مخلص قلبه أتخلق عشان يحب

وبس…عرفت معاك معني كلمه راحه البال

اتعلمت علي ايدك حجات كتير اوي يا أدهم.

أتعلمت يعني ايه أكون في حمايه راجل لو

العالم كله من حواليه اتهد هيكون هو اول واحد

يضلل عليا و يحميني و ياخد كل الوجع بدالي.

معاك عرفت معني جمله ..النظره في عينك أمان

عرفت علي ايدك معني كلمه الاكتمال

طول عمرك بتكمل اللي ناقص فيا يا ادهم

بتكمل كلامي قبل ما انطقه بتعرف اللي عايزه

اقوله من عيني …معاك كنت بحس اني ست كامله

وعيونك كانت مرايتي اللي عمري ماشوفت حد

فيها غيري انا وبس ادتني ثقه في نفسي عمري

ما اكتسبتها غير منك عمري ما حسيت بالإحتياج

وانا جنبك…ديما كان عندي مخزون من الحب يكفي

العالم و يفيض وكنت انت السبب في المخزون ده.

معاك يا أدهم لا عرفت معني الوجع ولا الخوف..

بس لاول مره يا ادهم احس اني موجوعه اوي

لاول مره احس اني خايفه فاكر يا أدهم لما وصلت

وقولتلك اني خايفه .. كان عندي شعور غريب لاول

مره احس بيه لكن كان شعور بعيد يادوب حاسه

بوجعه البسيط انهارده يا ادهم حسيت بوجعه

كامل لاول مره أعرف معني يعني ايه قلب ينزف

من الوجع انا محتجاك يا ادهم متسبنيش ارجوك

متسبش الوجع يزيد متسبش قلبي ينزف يا أدهم

طول عمرك بتعمل عشاني اي حاجه من غير ما اطلب

لكن المرادي يا أدهم انا اللي بقولك اعمل حاجه

مش هقدر يا ادهم اعيش من غيرك مش هقدر احس

انك مباقتش تشاركني تفاصيل حياتي.

طيب اقولك خلينا نرجع زي ما كنا محدش يعرف

عن حبنا حاجه ونرجع نخبيه عشان نقدر نحافظ عليه

او اقولك صحيني من الكابوس يا ادهم ارجوك.قولي

اني هصحي علي ايدك وانك هترجع تطمني تاني

انا خايفه يا ادهم..ومحدش هيشيل الخوف ده غيرك

بحبك وهفضل أحبك لأخر نفس فيا..💔
………………..

نزلت دموع أدهم مع أخر جمله سمعها من عهد.

بص للبحر بعيون تشبه كاسات الدم لأول مره في

حياته تنزل دموعه بالشكل ده..رفع ادهم عينه للبحر

الذي يقف أمامه لا يعلم كم المده التي استغرقها

حتي وصل الي مدينه الاسكنديه وها هو يقف الان