تعاهدنا

عشان أدهم سكتت و معملتش اي حاجه عشانه

وكأنها كانت بتفكر في عرض عاصم كنت حساها زي

اللي بتقارن و دماغها شغاله و بتحاول توزن الامور

بطريقه صح حب ادهم في كفه و الكفه التانيه

أملاك عاصم وبعد سكوتها ده بيتهيألي كفه عاصم اللي

طبت

رقيه…لا يا ساره صدقيني ساره مش كده وبعدين كانت

المفروض تعمل ايه تختار أدهم وتسيب امها الأختيار

كان صعب المقارنه قاسيه علي اي حد يا ساره.

ساره….صدقيني يا طنط عهد مكانتش بتفكر في

الاختيار بين ادهم ومامتها عهد كانت بتفكر في ادهم

والعرض بتاع عاصم واظن يعني يا طنط لو أحنا

روحنا وأتفاجئنا بيهم أكيد يعني عهد اللي قاعده

معاها في بيت واحد متفاجئتش أكيد كانت عارفه

انهم جايين وخليني اقول انها فعلا بتحب ادهم لكن

كمان اكيد لما طنط سهام قالت لعاصم يجي يطلب ايدها

عرفت عهد ويمكن عهد تكون قالتلها انها بتحب ادهم

واكيد قدرت تقنعها ان عاصم هو الأفضل وإلا كانت

عهد أعترضت لانها مش هتتجوز غصب عنها اكيد

احنا مش في الارياف او الصعيد البنت لازم تخضع

لكلام أهلها و تتجوز غصب عنها..والمفروض لو كانت

سهام عرضت عليها عاصم كانت بلغت أدهم لكن

ادهم واضح انه كان متفاجئ زينا كلنا.

حسن…فعلا ادهم كان بيقول انه بيتصل بعهد ومش

بترد عليه.

ساره…هترد تقوله ايه في عريس هيجي بعد شويه

يطلبني اظن هي أذكي من كده فكرت انها تفاجئه

عشان مكانش عندها كلام تقوله..يس للأسف بيتهيألي

عهد محبتش أدهم للدرجه اللي هو حبها بيها لانه

هان عليها وسابته يتحط في الموقف ده .ويشوف

حبيبته قدام عينه بتتخطب لراجل تاني غيره

أدم…انا بجد مش طايقهم ومش قادر اسامحهم

علي اللي عملوه في ادهم.

رقيه…بدموع طيب نحاول تاني يمكن لما تهدا والموقف

يعدي تقدر تفهمنا ونكون ظالمينها.

حسن….انا هعمل محاوله كمان بكره يا رقيه عشان

خاطر أدهم ويمكن نكون ظالمنها زي ما بتقولي بس

لو رفضت يبقي هي اللي أختارت وساره هيكون معاها

حق ويمكن تكون شايفه اللي احنا مكناش شايفينه

وساعتها ادهم لازم يقوي ويتقبل الامر الواقع.

رقيه…بدموع ربنا يهديكي يا سهام ويريح بالك

يا ادهم يا حبيبي..

أبتسمت ساره أبتسامه شيطانيه و أتنهدت بارتياح

لما حست انها قدرت تقنعهم بصوره سهام الوحشه.

وللحديث بقيه…..