تعاهدنا

يلزمها واظن انتوا شوفتوا انها بسرعه قررت انها تتصل

بعاصم واهله وكلنا رحنا أتفاجئنا بيهم صحيح طلعت

مش سهله.. خافت تطلبوا ايد عهد قبل ما عاصم يتقدم

كانت وقتها مممكن تتحرج ترفض لكن الوقت مش هتتحرج

وهتقول أنها أدت عاصم كلمه وهتعمل حجتها علاقه

ادهم وعهد من وراها.

حسن…بحزن معاكي حق سهام لعبتها صح وطلعت

مش سهله مكنتش أتخيل يوم انها ممكن تكون كده

ابتسمت ساره بنصر.

رقيه…طب وبعدين خلاص كده هنسيب ابننا يا حسن

يتوجع بالشكل ده انت ما شوفتش أدهم كان عامل

أزاي انا كنت حاسه بابني متمر من جواه ووجعه

كان ظاهر عليه ودي اول مره اشوف أدهم كده

ومن وقت ما خرج بالعربيه زي المجنون مرجعش

ولا اعرف راح فين ومبيردش علي حد ادهم وجعه

بينزف يا حسن لازم نعمل حاجه.

حسن…وانا في ايدي ايه اعمله يا رقيه ما أنتي شوفتي

هي رافضه ومقرره ومش بس كده دي رفضت الخطوبه

وطلبت انه يبقي جواز علي طول يعدي مسابتلناش

فرصه وكأنها زي ما بتقول ساره ما صدقت لقت

عرض أفضل .

رقيه…مفيش حد أفضل من أدهم يا حسن ادهم

بيحب عهد بجد.

حسن…عارف بس كمان يا رقيه بيتهيألي سهام مش

هتسيب عرض عاصم وتقبل عرض ادهم

رقيه…يعني هتبيع بنتها يا ناس.

ساره…ايوه هتبيعها ادام هتقبض تمنها غالي اوي.

حضرتك مسمعتيش العرض عشرين مليون مهر وزيهم

مؤخر…ڤيلا في التجمع وزيها في المنصوريه وطبعا

يتقدروا بملايين هتقعد في قصر وهيجيلها شبكه

بملايين يعني عيشه تانيه مكانوش يحلموا بيها

وطبعا فوق كل ده طنط سهام هينولها من الحب جانب

انا مش فاهمه أزاي حضرتك مخدوعه فيها بالشكل

ده طول عمري مش بستريح للست دي بس كنت بخاف

اقولكم عشان عارفه علاقتهم بيها ازاي وعشان عارفه

انكم بتحبوها من قلبكم بجد.. طول عمري بشوف

نظراتها ليكي اللي كلها غل وحقد وحسد طول عمري

ضحكتها اللي عمرها ما كانت صافيه

ادم….فعلا ساره كتير اوي قالتلي الكلام ده وانا بنفسي

كنت بكذبها واقولها مستحيل لكن بعد اللي حصل

انهارده ده صدقت.

رقيه…بدموع مستحيل طب ليه انا عمري ما كنت وحشه

معاها عمرها ما شافت مني غير كل خير.

ساره…في ناس كده للأسف يا طنط رقيه تمديلهم

ايدك بالخير يطمعوا في دراعك كله وكمان يبقوا حاقدين

و حاسدين صدقيني هي عمرها ماكانت صديقه وفيه

ولا عمرها كانت في طيبه قلبك…يمكن عهد صعبانه

عليا عشان هي حقيقي مش زيها لكن كمان عملت ايه