لقاء كارثي

لقاء كارثي
أميره أسامه
صاحبة البطل الواحد

~° البارت التاسع و العشرين°~
……………

في منزل نادين
وقف سلامه مبتسم و هو بيبص علي البيت بعد ما ظبطه هو وايه كان مبسوط بشكل التربيزه بعد ما حط فيها السمك و الانوار طل حاجه
كانت تجنن

ايه…..بأبتسامه البيت رجع زي ما كان و بقي احلي بالورد و البلالين حاسه كأن في حفله او عيد ميلاد بجد مبسوطه اوي رغم التعب بس نادين هتفرح بجد.

سلامه….انا كمان حاسس ان التعب راح والله و بجد السمك شكلوا يجنن و خلي البيت جميل اوي انتي عارفه اني لحد امبارح و هو ميدو بيفهمني مكنتش فاهم حوار التربيزه ده

ايه…..ليه بقي

سلامه….مكانتش راكبه معايا اصلا لما جينا و شوفنا الدنيا متبهدله و السمك ميت في كل مكان انا كانت فاكره مجرد حوض سمك و محطوط علي تربيزه مكنتش فاهم ان التربيزه نفسها هي حوض السمك و هاين عليا اروح اضرب اللي اسمه هادي ده لما فهمت ازاي جاله قلب يكسر الجمال ده.

ايه…..بضحك يعني انت كل اللي مزعلك الوقت التربيزه مش البي حصل في نادين

سلامه….بضحك لا طبعاً بس لما فهمت فكرة التربيزه زعلت اكتر

ايه….يلا الحمد لله علي كل حال المهم الوقت انها تتبسط

سلامه….دي لو متبسطتش هشيلها و احدفها نفس الحدفه تاني بعد التعب ده كله

ايه….طيب اقعد ريح بقي بقولك ايه تشرب حاجه

سلامه…..ماشي اشرب

ايه….تشرب ايه طيب

سلامه….اي حاجه اللي هتشربيه هاتي منه

أيه….دخلت علي المطبخ و هي بتبص بهدوء صحيح هتفرح كمان بالرف بتاعها اوي

سلامه…..بس من غير مجات

ايه……مش مهم نبقي نجيب احنا بقي المهم انه اتعلق

غابت جوه شويه عملت نسكافيه ليهم هما الاتنين و بعدين خرجت بهدوء كان ساند راسه علي الكنبه و مغمض عينه

ايه….نهارك اسود انت نمت

حطت النسكافيه و قربت منه شويه

ايه…سلامه باشا سلامه بيه انت يا جدع انت اوعي تنام هخلي يومك اسود

فتح سلامه عينه و هو بيضحك من قلبه

سلامه…..انتي يا هبله طيب وارفضي نمت هتسودي يومي ليه

ايه…انت بتصيع عليا يا سلامه

سلامه…..والله ابداً انا مصدع و هموت وانام بجد غمضت عيني شويه بس انتي مالك خوفتي ليه يا جبانه

ايه….لا انا مخوفتش خد بالك بس يعني مش كفايه ان انا وانت لوحدنا في البيت كمان هتنام ناقص تقوم تاخد دش وانا أجهزلك الحمام

سلامه….يا سلااااام

ايه…..وهي بتقلده هو ايه اللي يا سلاااااااام و مالك بتغمض عينك و عامل فيها بتتأمل و بتتخيل اللحظه ليه ما تظبط يا سلامه بدل ما احدفك انا علي التربيزه

سلامه…..بضحك انا بتكلم كده و بعدين هو انتي متعرفيش يا سوكا تبقي رومانسيه شويه

ايه….بقولك ايه خد بالك سوكا دي لو انتشرت و البنات سمعوك هزعلك

سلامه….بضحك هما ازاي اصلا مكتشفوش الاسم ده قبل كده والله لايق عليكي

ايه…..ظرررريف

سلامه…..بس بحبك

بصتلوا ايه و سكتت

كتم سلامه ضحكته كان عارف انها متوتره عشان هما لوحدهم و خلاص خلصوا اللي في ايدهم و مبقوش مشغولين.

سلامه….بقولك بحبك

ايه…..طيب يا سيدي شكراً اعملك ايه؟

سلامه…..بضحك خليكي رومانسيه

برطمت ايه بالكلام و هي بتستحلف ليه

سلامه…..ايه

ايه…. راح وجه

سلامه….بضحك بتألشي وبتحلوي عليا صح ؟

ايه….انا

سلامه….اه

ايه…..بضحك الشارع اللي وراه

سلامه….بضحك هزعلك

ايه….اتكلم علي قدك يا بابا

سلامه….هو انتي متوتره ليه

ايه….انا؟ و انا هتوتر ليه ان شاء الله

سلامه…..بضحكه مكتومه صح هتتوتري ليه طب بقولك ايه تعالي اقعدي جنبي انتي قاعده بعيد ليه

قامت ايه وقفت و هي رافعه حاجبها و مبتسمه

ايه…..خد بالك انت بجد وترتني

سلامه…..بضحكه جميله و كلها حنيه عدل نفسه و مسك علبه السجاير وبصلها اقعدي يا هبله انا بهزر معاكي خايفه مني انا يا ايه ؟ ده انتي المتشرده اللي بحب اهزر و اللعب معاها طول الوقت ولع السيجاره و خد نفس طويل و نفخه بصلها كانت لسه واقفه و بصاله.

ايه هتفضلي واقفه كده اقعدي

ايه…..قعدت تلني بهدوء و بصتلوا علي فكره انا مخوفتش منك و اصلاً انت مش قادر تفتح عينك

سلامه….ضحك وغمزلها لا ماهو النوم ممكن يطير في لحظه لو الشيطان حضر

قامت بسرعه تاني و هي بتضحك

ايه…..انت عايز ايه في ليلتك السوده دي

سلامه….بضحك بحبك يا هبله

ايه….وانا كمان يا سيدي بحبك عايز ايه تاني

سلامه….اقعدي

ايه….مش قاعده

سلامه….بضحك بقولك اقعدي

ايه….طب خليك مؤدب

سلامه….طيب نتكلم بجد والله ايه رأيك ننزل انا وانتي تحت شويه نتمشي بالعربيه لحد ما يوصلوا ولو هيتأخروا نقعد في مكان

ايه….وانت عينك حمراء و مش قادر تفتحها كده

سلامه…..لا عادي انا تمام

ايه…..اقعد يا سلامه بلاش هبل

سلامه…عشان تكوني علي راحتك

ايه…..وانا علي راحتي متقلقش

سلامه….مش متوتره مني يعني ؟

ايه…..بحبك يا سلامه و يمكن اتوترت حاجه بسيطه بس ده ميمنعش اني واثقه فيك و عارفه ان اخرك كلام مش فعل.

بصلها سلامه و رفع حاجبه

سلامه…..وحيااااات امك انتي فاكره ان ده مدح كلام ايه يابت انا بتاع افعال مش كلام

ايه…..بضحك استني مقصدش

سلامه…..متقصديش ايه بقي انتي كل ما تفتحي بوئك بتحدفي طوب اسكتي احسن

ايه….بضحك خلاص هسكت بس بقولك ايه ما تيجي اعمل معايا تيك توك

سلامه….بغيظ لااااا

ايه…..عشان خاطري

سلامه….قولت لا

ايه…..طب علي فكره بقي انت بوء

سلامه…..انا بوء

ايه….اه مش لسه بتقول اني بنتك و بتحب تلعب و تهزر معايا

سلامه….طيب خلاص تعالي بس هنعمل حاجه عدله

ايه….بضحك هنعمل علي صوت عبله كامل لا يعنينييييي

سلامه….بضحك ايوه حلو بس طويل انا مش حافظ غير الجمله دي

ايه…..هنقطعها عادي بس انت هتعمل عبله كامل

سلامه….قفشها من قفاها انتي مصممه تضربي

ايه….بضحك والنبي يا سلامه والله هتبقي حلوه

سلامه….طيب يا ستي يلا.

بدأت ايه تسجل هي وسلامه و كل ثانيه يفصلوا من كتر الضحك و يرجعوا يشغلوا ثانيه و يضحكوا دقايق لحد ما عينهم دمعت و صوروا بالعافيه و اول ما شافوا الڤديو علي بعضه وقعوا من الضحك

سلامه كان يموت من الضحك و هو عامل صوت عبله كامل و بيشاور في الڤديو علي ايه تلك الممصوصه عود الخيزران الناشف.

ايه كانت بتعيد الجزء ده و تفطس من الضحك.

سلامه…اااه بس تعبت والله من كتر الضحك

ايه….طيب نعمل واحد تاني عشان خاطري

سلامه…..مش قادر والله احنا قعدنا في ده كتير

ايه….ما أنت اللي بتضحك

سلامه…وانتي مش بتضحكي يعني
ده انتي كل ما تدوسي تروحي ضاحه وفاصله

ايه….بشحك عشان انت بتعمل الڤديو بضمير و بجد شاطر خالص

سلامه…..بس بقولك ايه اوعي تنزليه

ايه…..لا متقلقش انا بصور تيك توك ليا مش بنزل غير حجات بسيطه لو في خروجه كافيه بس اي حاجه في بيت لا

سلامه….ماشي يا ستي

رن موبايله بص عليه وقام بسرعه

سلامه….قومي قومي بسرعه عسال رن وقفل يعني وصلوا او داخلين علينا

جريت ايه علي البلكونه استني اشوفهم

سلامه….اوعي نادين تشوفك

ايه….خرجت جري وصلوا وصلوا بيركنوا

سلامه…..بصي معايا كده و ظبطي الدنيا و اروحي اقفلي الانوار دي كلها يعني و شيلي النسكافيه ده الاول بقولك ايه هاتي اي معطر بسرعه عسان ريحة السجاير

مسكت ايه مخده بغضب و حدفته بيه

ايه……خيرررررر مكنه انا واقف تديني اوردر و مش بتعمل حاجه اتحرك معايا يلاااا

سلامه….بصلها بقلق و ضحك اهدي يا سوكا

ظبطوا كل حاجه بسرعه وقفلوا الانوار و راحوا وقفوا في المطبخ علي جنب.

ايه…..بهمس و هي بتضحك تخيل لو نادين اتخضت مننا و مركزتش في المفجأه عسال هيروح فيها

سلامه….بهمس والله ده انا اللي هتشل فيها

ايه….اول ما تسمع صوت المفتاح انزل شويه عشان متشوفناش

سلامه….ماشي ايه اللي في ايدك ده

ايه….ده ريموت الساوند سيستم هشغل صوت البحر و الموج اللي هي بتحبه

سلامه….طب شغلي بلا بسرعه

ايه….استني لما نسمع صوت المفاتيح لو شغلت الوقت هتعرف ان في حد جوه

سلامه….ايوه صح

ايه….ذكي اوي

سلامه….يابت هتغابي عليكي.

ايه….طب امشي بقي من جنبي

زقته فا مكانش مديها خوانه اترزع في الحيطه ضحكت أيه بصوت عالي قرب منها بسرعه حط ايده علي بوئها وهو بيضحك

سلامه….باااااس فضيحه بخربيتك والله لا هنفخك بس بعد المفجأه.

خرجت ليله من الاسانسير وراها نادين و ميدو و عشري في الاخر

بصت ليله لميدو و عشري و ابتسمت بهدوء.

عسال…..حبيبي ممكن احط ايدي علي عينك ثواني

نادين….بابتسامه ليه؟

عسال….يعني ثواني بس

بصتلهم نادين بابتسامه توتر

نادين….هو في ايه؟

ليله….وانا ايش عرفني اسأليه هو اللي عايز يعملك مفجأه قدام الاسانسير

عشري…..غمضي هتخسري ايه

نادين…..بضحكه جميله لا عادي والله بس مش مقلب صح

عسال…..انتي عارفه اني بتاع مقالب

عشري…..يا ابن الكدابه

عسال….بضحك عليكم مش عليها

ليله….طيب يلا نخلص بقي

عسال….يلا يا قلبي هحط ايدي علي عينك و اتحركي معايا متخافيش

نادين…..تمام يلا

حط ميدو ايده علي عينها و هز راسه لليله عشان تفتح الباب

فتحت ليله بهدوء الباب شغلت ايه الموسيقي مفهمتس نادين و لا جه في بالها بس ابتسمت بهدوء

دخل بيها براحه و بعدين دخل عشري وقفل الباب وراه و بص علي التربيزه باعجاب وشاور لسلامه وايه من بعيد بصباعه بمعني تحفه.

قربت ليله من عشري حط ايده علي كتفها وضمها و سكتوا خالص.

عسال…..ها يا قلبي جاهزه

نادين….جاهزه

عسال…..هشيل ايدي بس خليكي مغمضه لحد ما أقولك فتحي اوك

نادين….اوك

شال ايده بهدوء و راح وقف عند البار بتاع المطبخ طلع سلامه وايه وقفوا جنبه ومسكت ليله ابد عشري وراحوا وقفوا معاهم هما كمان سند عسال ضهره و ربع ايده و فضل يبصلها بحب عشان يشوف رد فعلها

عسال….فتحي عينك

فتحت نادين عينها بهدوء اول حاجه عينها جات عليها كانت التربيزه حطت ايدها علي بوئها و اتصدمت بصت عليهم و اتصدمت اكتر لما شافت ايه و سلامه غمزلها سلامه بضحكه جميله ابتسمت نادين وفضلت تلف بعينها تكتشف حجات اجمل ورد في كل مكان حرفياً كان عاملها المكان كأنه جنه

البلالين كمان كانت كتير و تجنن لمحت السجاده و كل حاجه كانت موجوده قربت من التربيزه السمك اللي كان فيها كان احلي كمان من اللي هي كانت جيباه

ابتسمت بهدوء وقربت اكتر لمست التربيزه و فضلت تلعب بصوابعها علي الزجاج لما شافت سمكه تشبه نيمو رفعت ضهرها و بصتلهم تاني و هي بتضحك و عينها كلها لامعه بالدموع و مس عارفه تقول حاجه

قرب منها ميدو بهدوء و هو مبتسم مال براسه علي الجنب و غمزلها

اتنهدت نادين تنهيده طويله و هي بصاله ضحكت و نزلت دموعها

مسك ميدو كفها وشدها بهدوء عليه ضمها بحنان فظيع كان نفسه يضمها بقوه بس خاف علي الجرح

عسال….بهمس رجعتلك صحابك تاني عشان تلعبي معاهم براحتك

نادين…..بهمس شكراً انك موجود في حياتي انا بحبك اوي يا ميدو

حط ايده علي راسها وضمها اوي و غمض عينه و ابتسم بهدوء

سلامه….طب اييييييه احنا ملناش نصيب انا والغلبانه دي تعبنا

ليله….وانا وعشري خبينا عشان المفجأه تبقي حلوه

بصولهم و ضحكوا قربت نادين من ايه حضنتها اوي

نادين…..ربنا يخليكي ليا

سلامه….وانا ايه؟

ضحكت نادين و مسكت ايده بكفيها.

نادين….وانت كمان يا سلامه ربنا يخليك ليا و لميدو بجد مفجأه عمري ما هنساها

سلامه…..انتي تستاهلي كل خير يا نودي اينعم الاخ ده طلع عيني و مرمطني بس كله يهون عشان فرحتك دي

ليله….بابتسامه يارب ديماً اشوفك مبسوطه يا احلي نودي

عشري…..عارفه يا نودي انا بعد ما سوفت التربيزه اللي كنتوا بتتكلموا عليها دي هاين عليا اروح اموت هادي ده لاني كنت فاكرها حوض سمك

سلامه….بضحك والمصحف لسه قايل كده لايه

ايه….بضحك انتوا كنتوا سامعينا ولا ايه

عشري…..لا والله بس دي حقيقه مكنتش متخيل شكلها حلو اوي كده بجد تجنن و تريح الاعصاب

نادين….انا بحبكوا اوي و ده مش كلام عسان المفجأه عجبتني بس بجد انا بحبكوا و كلكم بلا استثناء غالين عندي و وجودكم مهم في حياتي تعبتك يا عشري انت وسلامه و ايه و ليله بجد ربنا ما يحرمني منكم ابداً انا يمكن كنت هستني شويه اخف و بعدين اجيب واحده غيرها بس انا مبسوطه لان ميدو مدانيش فرصه و انتوا تعبتوا معاه و رجعتوا كل حاجه زي ما كانت بالظبط و يمكن احسن بكتير

سلامه وايه بجد واضح تعبكم في كل حاجه في البيت انتوا تستاهلوا كل حاجه حلوه بجد.

عشري…..طيب و بالنسبه للي فكر و تعب ده ملوش كلمه حلوه

ابتسمت نادين بتوتر و بصت لميدو.

عسال……بحب انا مش مستني كلمه كفايه فرحتها دي عندي بالدنيا

نادين…..هو اصلا مفيش كلام اقدر اعبرلك بيه عن اللي جوايا بس انا اااا يعني بحمد ربنا انك في حياتي ربنا يخليك ليا و بحبك اوي

عشري…..ياااااااعم بقي

ابتسم عسال ليها بحب و باس جبهتها

قرب سلامه منهم و مسك ايد نادين وخدها من عسال زي الطفل

سلامه….سيبك منه تعالي هوريكي حاجه هتعجبك اوي

ضحكوا كلهم عليه و فضل عسال واقف باصص عليهم بابتسامه تجنن كلها حب و هدوء وسعاده

سلامه…..بصي كده السمكتين دول ده نيمو ودي دوري

نادين…..بسعاده ايه ده دي دوري بجد انا شوفت نيمو بس مخدتش بالي من دوري

ليله….الله شكلهم حلو اوي دول شبههم بجد

ايه…..بضحك بااااس دول بقي تسميهم ميدو و نودي

ليله….انتي يا بت ايه مشكلتك مع اسامي الحيوانات

عسال…..بضحك با ستب انا موافق علي الاقل تحسن من سلامه الكلب

ضحكوا كلهم

سلامه….عاجبك المسرح اللي كل شويه اطلعوا بسببك ده

عشري…..صحيح هو عامل ايه

ايه….بضحك زي القرد عامل زي صاحبه عنده فرط حركه مش بيقعد في مكان

عشري…..علي اساس انتي هاديه خليني ساكت

ايه…..ايه القلبه دي يا عم عشري

ضحكوا كلهم علي ايه وراحوا قعدوا دقايق بسيطه و الاكل كان وصل قعدوا كلوا مع بعض نادين كانت طايره من السعاده البيت كان في روح الورد والبلالين و لمتهم مع بعض كل حاجه كانت متغيره و فيها روح

بعد ما خلصوا الاكل قعدوا شويه مع بعض سلامه كان نايم خالص علي نفسه

نادين…..بهمس سلامه شكلوا تعبان اوي

عسال…..ليه حق انا مصحيه من الساعه تسعه و هو نايم خمسه

نادين….حرام ده ملحقش ينام خالص انا بجد مش عارفه اقولك ايه يا ميدو

عسال….ولا حاجه يا عمري قولي اني قدرت افرحك و اخليكي مبسوطه و ده عندي بالدنيا

نادين….طيب ممكن أسألك سؤال؟

عسال…..اكيد

نادين…هو أنت عملت كده عشان تفرحني و لا عشان انت عارف اني بحب السمك

عسال…..عشان الاتنين بس كان في سبب اهم من الاتنين بالنسبالي

نادين…..ايه هو ؟

عسال….كنت واثق ان اول ما تصحي و تشوفي المكان فاضي هتفتكري اللي حصل و بالاخص لما ليله و البنات يرجعوا تاني و تبقي لوحدك و محبتش اني اخلكي تفتكري او تزعلي و حبيت ارجع كل حاجه زي ما كانت قبل ما البنات تمشي عشان
وقت ما تصحي متبقيش مضايقه

ابتسمت نادين بهدوء وبصت علي ليله تشوف مين اللي بيتصل.

ليله…..لا فوق يا حوده تعالي انا عندها و معانا كمان صحاب عريس اختك المستقبلي

ايه…..ده محمود

ليله….اه يا أيه وانت بطل رغي يلا تعالي

قفلت ليله وبصت لعشري اللي باصصلها و رافع حاجبه

عشري….مين ده

ليله…..ده حوده

عشري…..يطلع مين حوده ده

ليله….ده اخو ايمي كملت بضحك واستني بقي شوف النمره اللي طالع يعملها

عسال….رشيد حبوا اوي

ليله…محمود ده مصيبه و علي فكره بيفكرني بيك انت و سلامه

ايه….اه والله صح ده مسخره

ليله…..هربان من أيمي و جاي يطمن عليكي

نادين….بابتسامه دي لو عرفت هتطين عيشته

سلامه….هو مش رشيد رايح انهارده لايمي صحيح ايه اللي جايبه و سايب اخته

ليله….بابتسامه وهي بتقوم مش بقولك شوفك النمره اللي هتحصل الوقت.

راحت علي الباب بصت من العين السحريه و أول ما شافت الاسانسير بيتفتح فتحت الباب

ليله….بأبتسامه اهلاً اهلاً يا استاذ حوده

محمود…..لازم يعني تسكنوا في ادوار عاليه كده

ليله….بضحك ضربتوا علي راسه ما انت طالع في اسانسير يعني انت طالع علي رجلك

محمود….ما انا بخاف من الاسانسير

وقفوا الشباب و هما مبتسمين بهدوء عشان يسلموا عليه.

محمود….بضحكه جميله سلام عليكم

الجميع…..وعليكم السلام

سلامه…بضحك ايه ده ده نسخة ايمي

محمود…..بأبتسامه يا راجل حرام عليك انا مش طويل اوي بس دي ايمي قد كده

سلامه….بضحك انت عارف ان هي لو سمعتني انا وانت هنتنفخ

محمود….بضحك حصل هي صحيح قد كده بس جباره

ليله….اتلم منك ليه متتكلموش علي صاحبتي و بطل رغي خليني اعرفكم علي بعض ده محمود اخو ايمي و ده عشري و ده عسال و ده سلامه

سلموا علي بعض كلهم و ابتسم محمود

محمود….عرفت انا من ايمي ان كلكم محمد

عسال….بابتسامه حصل كلنا محمد

محمود…..عموماً اتشرفت بيكم و ايمي حكيتلي عنكم والله و كنت مستني اشوفكم واهو ليا نصيب

عشري….الشرف لينا يا حوده والله

محمود…..حبيبي والله تسلم

ايه….خير يا عم حوده بايتين معاك احنا ما تسلم علينا

محمود….بضحك والله ما شوفتك عامله ايه يا بتاعت الكلاب

ضحكوا كلهم علي منظر ايه

ايه…..بلاش انا وبعدين مالك ماسك علبة الشكولاته كده ليه ما تسيبها

محمود….بضحك لا دي منظر كده لزوم الدخله بس هاخدها تاني وانا نازل

ضحكوا كلهم عليه

ليله….بضحك الله يكسفك

محمود….وسعولي بقي كده عشان في سلام مخصوص لقلبي

رفع عسال حاجبه بابتسامه

ليله…..بضحك طب خف شويه عشان عسال هينفخك

محمود…بضحك ايه ده لا بص دي اختي كلهم اخواتي متقلقش

عسال….بابتسامه تجنن لا ياعم خلاص و لا يهمك

محمود….طب نوسع واخد مساحتي

عسال…..اتفضل ياعم خد مساحتك

محمود….اللللف سلامه علي القمر بتاعتنا

ضحكت نادين عليه و بصتلوا

نادين….لا ياراجل لسه فاكر تسلم عليا

محمود….لا ما انا سايبك للاخر واصلاً انا جايلك مخصوص عرفت من ايمي ان البنات معاكي قولت فرصه اجي اشوفك بسرعه و ايمي لو عرفت اصلا هتنفخني دول باعتني اجيب طلبات خلعت منهم و جيتلك عامله فيها عروسه بقي و كده امسكي دي علبه شيكولاته باتشي قولت اخلي عندي دم كل مره تجيبهالي و انتي في دبي

ايه…..بضحك اوعي يا عم الصرف باين

محمود….لا صرف ايه دي جيالي هديه قولت متغلاش علي نادين

ضحكوا كلهم عليه

نادين…..يالهوي علي العفانه

محمود….بضحك والله بهزر ميغلاش عليكي الدنيا كلها

نادين…..بضحكه جميله تعبت نفسك ليه بس يا حوده

محمود…..مفيش تعب ولا حاجه وانا اصلا زعلان منك بقي راس البقره ده يعمل فيكي كده و متعرفنيش

ليله….بضحك والله لايق عليه راس البقره

نادين…..والله يا حوده مكنتش اعرف ان ده كله هيحصل

محمود…..من غير ما يحصل كل ده المفروض كنتي عرفتيني من الاول انتي عارفه اني جاهز انا وصحابي المقاطيع يعني مكالمه صغيره هنيجي نروقه انتي مش لوحدك وانتي عارفه كده كويس

نادين….حبيبي يا حوده والله انا عارفه من غير ما تقول و الحمد لله علي كل حال

محمود….يلا جات سليمه و حمد الله علي سلامتك ومعلش شيلي ايدك من علي الشيكولاته هتبوظيها و دي هترجع قولنا

ضحكوا كلهم عليه

نادين….بضحك طب ايه في يومك ده خدها يا سيدي مش عيزاها

عشري…بضحك عليها رهن العلبه دي

محمود….راهن بطاقتي والله يا عشري

ليله….بضحك تضرب ايه يا مصيبه

محمود….لا اشرب ايه انا ماشي بس قولت اجي اشوف نودي

ليله….لا هتشرب اخلص

محمود…..صاحبتك مجنونه و لو اتاخرت هتنفخ

عشري…..في حد يخاف من ايمي دي قد كده قولنا

محمود…..لا بس مفتريه اسمع مني و بعدين مش هي بس زوزو كمان مفتربه زيها

عشري….اشرب حاجه طيب الاول و بعدين بيتكم مش بعيد عن هنا يعني خليك معانا شويه

نادين….ايوه اقعد شويه انا مشوفتكش من يوم ما سافرنا

محمود…..طيب ماشي هاتي اي عصير يا ليله

ليله…..حاضر

محمود….حطي تلج هااا

ليله…رفعت حاجبها لا بقولك ايه متقرفنيش

محمود…..لا نحترم نفسنا انا جاي بعلبة شكولاته

سلامه….بضحك الله يخربيت الشكولاته

ليله….هيفضل يذل فينا لحد ما يمشي

نادين…..خد بالك انا كل سفريه بجيبلك علبه يعني اتلم

محمود…..بضحك لا انا عيني ليكي والله

عسال….جاب وراء

محمود….بضحك لازم ماهي كسره عيني بصراحه

عشري….بضحك ليله قالت عليك نمره و طلعت نمره بجد

سلامه…..انت تيجي تعيش معايا انا وعسال واخواتي نفس الدماغ كده

محمود….يلا انا جاهز علي الاقل اسيبلهم البيت

قربت ليله و قدمتله العصير

ليله…..كله ايمي صح؟

عشري…..اه والله نفس ملامحها

محمود….دي لو سمعتكم هتنفخكم لا هي احلي ياعم

عشري….خايف من لسانها

محمود…..لسانها اطول منها والله

عسال….انت كام سنه يا محمود ؟

محمود….تديني كام سنه بص للبنات محدش يقول

عسال….اممم يعني 25 او 26

محمود….بضحكه واسعه الله يباركلك يا شيخ

عسال…..ايه اكبر ولا ايه

سلامه….لا مش اكبر اوي يعني انت في العشرينات اخرك 28 او قد ميدو 29

محمود…..ميدو مين ؟

ليله…..عسال هو ميدو

محمود….لا بردوا

عشري…..اوعي تقول اكبر انت اخرك وهيبقي كتير عليك 30

محمود…..بضحك هو انا شكلي صغير اوي كده

ليله….بضحك مستحيل حد يديك سنك اصلاً

عشري…..ايه كام سنه؟

محمود….انا 35 سنه ايمي اكبر مني بسبع سنين

عشري…..بصدمه ابتسم مستحيل

سلامه…..بصدمه انت قدي؟

عسال….بضحك انت اكبر مني

ليله….بضحك اه والله 35

عشري…..مستحيل مش باين خالص بتتكلم جد

محمود….بضحك عشان قصير يعني

عشري…..لا انت مش قصير اوي يعني طولك مناسب بس ملامحك متديش حتي ايمي علي فكره شكلها اصغر من سنها

ايه….هي العيله دي كلها تحس ان سنها مش ماشي معاهم

عسال…..انا والله فكرته اصغر مني

ليله…..بضحك لا انت عاقل عنه ده مطرقع زي ايمي

عشري…..يعني انا اكبر منك بأربع سنين لا بجد شكلوا صغير ماشاء الله

محمود….يمكن عشان بحب الضحك و الهزار و مليش في النكد و المشاكل و بيني وبينك احنا عيله عموماً بتحب الحياه يعني معندناش مشاكل بنعرف نتبسط بيتهيألي ده سبب.

عشري…..ربنا يديم عليكم السعاده انا من كلام ايمي و رشيد و الله كنت نفسي اتعرف عليكم

محمود….ده شرف لينا والله واكيد هنتعرف و نبقي صحاب كمان

عشري…..حبيبي اكيد

ليله…..قولي يا سي محمود ايمي قالتلي حاجه كده مش عارفه بجد ولا لا انت سيبت خطيبتك يا موكوس

محمود….بضحك هي صاحبتك فضيحه كده علي طول

ليله….اه قالتلي

نادين…..بتهرج انت سيبت خطيبتك بجد

محمود….اه والله

نادين….طيب ليه؟ يا ابني انت مش بيعيشلك حد ليه

محمود…..مفيش والله بس انتي عارفه انا مليش في الزن

ليله….زن ايه ايمي بتقولي ان هي طيبه

محمود…..بس بتغير اوي و انا مليش في الجو ده

عشري…..بتغير يبقي بتحبك اكيد

محمود….في فرق بين غيره الحب و الغيره اللي هي مش عارف اقولهالك ازاي

عشري…..غيره مرضيه يعني

محمود….لا مش كده غيره فيها تحكم بمعني انها فاكره لما تقولي متروحش هنا متخرجش مع حد معين تبقي دي غيره وحب

سلامه…..خروج مع صحاب بنات يعني

محمود….لا والله شباب صحابي بتضايق لما اسهر معاهم و بنبقي بنلعب بلاستيشن مش في مكان يعني يخليها تغير لا متتأخرش لا متخرجش معاهم علي طول و دول صحابي من ابتدائي و نصهم متجوز يعني فا بصراحه اتخنقت ده انا لو قغدت شويه في البيت مع امي وابويا واخواتي و قضينا اليوم سوا تقولي ايه كل ده وانا فين و هي عارفه كويس ان علاقتي بأهلي علاقه قويه يعني احنا لينا نظام كده في البيت لازم يومياً بليل نقعد كلنا نتعشي و نسهر نتفرج علي فيلم نتكلم نلعب فاهمني احنا كده من واحنا صغيرين هي معترضه تقولي انت عايش معاهم يعني انا ليا الحق فيك اكتر و طبعاً دي هتبقي كارثه لو فضلت كده بعد الجواز

عسال…..طيب ما يمكن انت مش محسسها انك مديها مساحه في حياتك يا صاحبي

محمود….بالعكس يشهد ربنا اني كنت بتعامل معاها و بديها اكتر من وقتها انا طول اليوم معاها علي التليفون بقابلها ونخرج كتير و بعدين انا مش هشكر في اهلي بس احنا والله عيله تتحب و البنات تشهد بكده يعني عمرهم ما حسسوها انها غريبه بيحبوها جداً بس هي ديماً بعيد مش متأقلمه معاهم ايمي و امنيه بيتعاملوا معاها بطريقه كويسه يعني مش اللي هو مثلا دي هتبقب مرات اخونا و يتفقوا عليها

ايه….لا حرام ايمي و امنيه مفيش فيهم الطبع ده وزوز مش حماه اصلاً

سلامه….هما لو كده بيتهيألي كان رشيد حس بس رشيد مبسوط جداً

محمود….بالظبط معاك حق رشيد من اول لحظه وهو بيقول حاسس اني في بيتي و بعدين انا شاب و طبيعي اغير علي اخواتي البنات وابقي رخم وكده بس يشهد.ربنا اني حبيت رشيد اوي و اعتبرته اخويا و مش هو بس حتي عمرو خطيب امنيه اختي علاقتي بيه تجنن فا اللي يعرفنا هيفهم اللي بقولوا

ليله…..صراحه العيله دي تجنن و مفيش فبهم الطباع دي خالص وانا اشهد ان محمود بيهتم بيها و مديها جزء كبير من وقته

محمود….هو عموماً كل شئ نصيب ربنا يعوضها بحد أحسن و بعدين بيني و بينكم انا كده احسن انا مليش في الجواز شكلي

ضحكوا كلهم من كلمته

عشري…..لا استني اهدي يا صاحبي مبنقولش كده ملكش في الجواز يعني ايه

محمود…..بضحك لا استني متفهمش غلط انا مقصدش كده

عشري…..ما انت اللي بتقول

سلامه….بضحك ده بيقصف جبهته

محمود…..اقصد يعني ان مشاكل المتجوزين و حوارات البنات دي مليش فيها انا عايز حد كده شبهي عايز بنت روحها حلوه بتحب الضحك اجتماعيه ذكيه وتعرف تكسب الكل تحب اهلي و دي اهم حاجه لان علاقتي باهلي علاقه قويه عايز حد بسيط ملوش في المشاكل

عشري…..بضحك بس عروستك عندي احنا نجوزه ريهام يا سلامه

سلامه….بضحك هنخسر بعض اسمع مني

ليله….ريهام اختك

سلامه….اه مصيبه تمشي معاه بس مش هيلاحق عليها انا واثق

عشري…..بضحك والله تمشي معاه ريهام دي مسخره كده زيكم تقعد معاها تفصل من الضحك

محمود…..والله مافي احلي من الضحك هي الحياه ناقصه نكد

ليله….اه والله عندك حق

محمود….بضحك لا بس ربنا نفخ في صورتكم عملتوها ازاي دي وقعتوهم ازاي ده عمل سفلي اكيد

ضحكوا كلهم

ليله….بضحك والله هفتح راسك احترم نفسك

محمود……بضحك للشباب جابوا رجلكم ازاي دول اعترفوا ايمي قالتلي ان مش هي بس اللي وقعت رشيد اسمعوا مني افلتوا منهم بسرعه دول يتفات لهم بلاد واولهم اختي

عشري….بضحك ايوه اعترف وانصحنا انا اصلا شاكك انه سحر ومعرفش وقعت ازاي

ليله…..بضحك نعن انت كمان

نادين…..محمود انا بقول كفايه عليك كده وقوم امشي

محمود….بضحك طب بصراحه يا نودي مش الوضع غريب يعني انتوا السته مره واحده كده من غير اي مجهود اعترفوا و قولوا عملتوا ايه فيهم

عسال….بضحك اختك لو سمعتك مش هتسكت

محمود….لا ما انا قولتلها كده

ايه….بضحك امنيه الكلب مش هتقولنا يا بايرين تاني

محمود…..بضحك والله قالت لايمي هقول لمين يا بايره تاني

ليله….بضحك لما اشوفها الواطيه عايزه اقولك يا عشري يوم ما سافرنا قولنالها تيجي معانا قالتلنا و اسبب خطيبي لمين يا بايره منك ليها كانت فاقده فينا الامل

عشري….بابتسامه هي قد ايه؟

ليله….اكبر من ايه بسنه عندها 28 بس خلاص هتتجوز

محمود…..بابتسامه اصل انت متعرفش هي مقتنعه انهم شله نحس و مش بيعيشلهم رجاله

عشري…..بضحك سمعتكم بقت هباب

ليله…..بضحك دي مصيبه هي كمان تقول لايمي انتي هالعه وايه قضت علي الراجل قبل ما تتجوز و هما مش بيعمروا مع اي حد انتوا نحس

سلامه…..ربنا يستر

ايه…..بضحك ايه خايف علي نفسك و لا ايه

سلامه….بضحك ماهو العمر مش بعزقه بردوا

ايه……بضحك طب الحق خدلك ساتر

سلامه…..لا خلاص بقي رجلي جات و اللي كان كان

محمود…بابتسامه هو نصيب والله كل ده ضحك و هنا عارفين ان انا وامنيه بنهزى معاهم ديماً و بعدين انا بقيت زيهم مش بيعيشلي بنات

ليله…بضحك الحق امشي من البيت عشان تتجوز و النحس يتفك

محمود…..بابتسامه ربنا يسعدكم يارب و نفرح بيكم كلكم و تفضلوا نع بعض طول العمر و بجد انا اتبسطت بالحبه دول اللي قعدتهم معاكم و مضطر بقي اقوم امشي عشان رشيد جاي و ان شاء الله نشوف بعض قريب لما يحددوا معاد و نخلص من ايمي.

عشري….بابتسامه حبيبي يا حوده والله احنا اللب اتبسطنا بمعرفتك و رشيد كان معاه حق لما قال انه حاسس انه يعرفكم من زمان

عسال….دي حقيقه والله اتشرفت بيك يامحمود

محمود….الشرف ليا يا حبيبي

قام محمود و سلم عليهم كلهم

محمود…..لنادين هاتي الشكولاته بقي يا نودي

نادين…..بضحك لا مش هتاخدها

عشري…..عشان البطاقه يا نودي

نادين…..بضحك لا خلاص دي بتاعتي

محمود….بضحكه جميله خلاص خليها يا ستي حمد الله علي سلامتك يا نودي

نادين….الله يسلمك يا حوده

محمود…..يلا سلام عليكم

الجميع….عليكم السلام

راح معاه عشري يوصله هو و ليله وقفلوا وراه.

عشري…..بابتسامه عسل محمود

ليله…..مش قولتلك نمره

سلامه…..يشبه ايمي و الله

ليله…..اه في كتير منها امنيه كمان شبه ايمي خالص بس يجننوا كلهم

نادين…..اهو محمود و ايمي ميجوش حاجه في زوزو وحماده بجد القاعده معاهم علاج نفسي

عشري…..حلوين اوي رشيد امه دعياله ربنا يسعدهم يارب

الجميع….يارب

…………….

خرجت نعيمه من المخزن بعد ما سلمت الشغل كله و كانت مش قادره

ركبت العربيه و هي سامعه صوت اشعارات كتير بتجيلها علي الموبايل

سندت راسها بتعب و بصت علي الموبايل لقت اتصالات كتير من فضل و من ولدتها.

اتصلت في الاول علي والدتها.

وطبعاً اول ما وصل اشعار لفضل انها فتحت الموبايل اتصل عليها بس كانت والدتها ردت

نعيمه…..ايه يا نوجا عامله ايه يا قلبي

نجلاء…..بخير الحمد لله انتي عامله ايه و احشني يا جزمه هو انا يا بت هشحتك عشان اشوفك

نعيمه….ليه بس يا نوجا ما كنت لسه عندكم

نجلاء…..عندنا امته انا مشوفتكيش غير لما رجعتي يعني من اكتر من اسبوع جرالك ايه مش بوحشك ولا مشاكلنا خليتك حابه تبعدي علي طول

نعيمه…..لا اهدي يا نوجا علي نفسك و بلاش نظام خدوهم بالصوت ده انا قيلالك لما كنت عندك اني احتمال معرفش اجي الاسبوع ده خالص عشان الشغل اللي كان متأجل هنستلم ونفرز و نوزع و ليله كبيره يعني غصب عني و بعدين ما انا متعوده علي مشاكلكم من زمان هبعد الوقت اهدي يا نوجا عسان لسه خارجه ومش قادره من التعب

نجلاء…..انا بردوا اللي خدوهم بالصوت يا بنت عادل و لا انتي وبعدين مفيش مشاكل خلاص و بقالنا اسبوع اهو كويسين و كنت بكلمك كمان عشان اقولك بعد بكره مسافره انا وابوكي كام يوم كده في الاقصر واسوان

نعيمه…..ايوه بقي دولا مدلعك علي الاخر و الراجل مش مقصر اهو

نجلاء….ايوه اسكتي بقي احسن يتحسد

نعيمه….بضحك لا متخافيش فكريني لما اجيلك نبخره

نجلاء…..هتيجي امته صحيح ما تيجي بكره عايزه اشوفك قبل ما نسافر

نعيمه….لا بكره مش هينفع انا والبنات هنتجمع و ناكل فسيخ و رنجه

نجلاء….الله حلوه الاكله دي بالف هنا طيب ايه مش هشوفك

نعيمه…..انتي مسافره بعد بكره امته

نجلاء…..ابوكي قال علي الساعه سته كده اصل احنا هنسافر بالقطر

نعيمه….نهار اسود هو دولا فلس ولا ايه ليه قطر هتتعبوا

نجلاء…..بضحك انا اللب قولتلوا نفسي اسافر بيه وقولت يعني خلينا ناخد وقت براحتنا

نعيمه….مش سهله انتي بردوا يا نوجا عايزه تختلي بالراجل ماشي يا ستي عموما يا ستي هجيلك ان شاء الله بعد بكره علي واحده كده و هفضل قاعده معاكم لحد ما تمشي

نجلاء……خلاص طيب قوليلي عايزه تاكلي ايه

نعيمه….ولا اي حاجه انا هجيب و انا جايه خليكي اليوم ده مرتاحه و ادلعي علي الاخر احنا عندنا كام نوجا

نجلاء…..بابتسامه و حب كبير ربنا يخليكي لياو ميحرمني منك ابداً

نعيمه….ويخليكي ليا يا ست الكل انتي و بابا و اخواتي و اشوفكم علي طول مبسوطين

نجلاء……يارب يا حبيبتي يلا روحي بقي صوتك تعبان

نعيمه….اه والله انا خلصانه هو فين دولا

نجلاء…..لسه مجاش هو قفل معايا و قالي انه حجز قولت اتصل ارغي معاكي شويه واعرفك

نعيمه…..ماشي يا ستي انا هبقي اتصل بيه البت نسمه فين

نجلاء……بتاخد دش و نادر لسه مجاش

نعيمه….ماشي ابقي سلمي عليهم و بوسيهم لحد ما اشوفهم

نجلاء…..يوصل يا حبيبتي يلا علي مهلك

نعيمه…..حاضر يلا باي يا نوجا

نجلاء…..باي

قفلت نعيمه و اتصلت علي ابوها بسرعه قبل ما تتصل علي فضل.

عادل…..حبيبة قلب ابوها

نعيمه….بابتسامه واسعه دولا حبيبي اللي خارب الدنيا مع نوجا

عادل….بضحك ايه قالتلك علي المفجأه

نعيمه….قالتلي يا سيدي و عامله زي العيال الصغيره اللي فرحانين برحلة المدرسه ربنا يخليك ليا و يديك الصحه و اشوفك ديماً انت و ماما مبسوطين يا حبيبي شوفت بقي لما سمعت كلامي الجو بينكم بقي احلي ازاي

عادل….يابت انا بحب امك والله

نعيمه….وهي بتموت فيك يا اخويا و طايره من السعاده والله و قولت اتصل بيك يعني اقولك اني بحبك

عادل….وانا بحبك اكتر يا بنت ابوكي

نعيمه…..بعد بكره هاجي اقعد معاكم شويه و نتغدا سواء قبل ما تسافروا

عادل….احنا هنمشي علي سته

نعيمه….ماهي قالتلي هكون عندكم علي واحده باذن الله

عادل….ماشي يا حبيبتي انتي فين كده؟

نعيمه…..انا لسه خارجه من المخزن كان عندي تسليم شغل كتير انهارده و هروح

عادل….طيب علي مهلك يا حبيتي

نعيمه…..ربنا يستر سا دولا يلا سلام

عادل….سلام يا حبيبتي

قفلت نعيمه بسرعه معاه وردت علي فضل عشان كان بيرن

نعيمه…..الووو

فضل…..خير في ايه ؟

نعيمه….بابتسامه في ايه

فضل….انا اللي عايز افهم موبايلك من بدري غير متاح قولت تمام في المخزن وشويه وتكلمني لا اتصلتي ولا مره و بكلمك الوقت لما موبايلك اتفتح مشغول في ايه بقي؟

نعيمه…..مفيش يا قلبي والله كنت بكلم ماما و بابا خرجت لاقيت ماما متصله كتير قولت اطمن عليهم

فضل…..ما انا متصل بيكي الف مره مشوفتيش يعني

نعيمه….ما انا كنت هكلمك والله و بعدين في ايه و حشتك ولا قلقت عليا

فضل…..الاتنين اكيد بس قلقت لانك متصلتيش بيا خالص كل شويه اقول هتخرج بره المخزن و تطمني عليها مش بتتصلي

نعيمه….طيب مش تيجي تشوفني يمكن جرالي حاجه

فضل…..والله العظيم كنت هعمل كده بس عندي شغل فوق راسي انهارده بسبب ان عشري و عسال ة سلامه و حتي رشيد محدش فيهم فاضي وانا و حسان عمالين نلف من بدري علي الشغل

نعيمه…..ماشي يا سيدي سماح خلاص

فضل….انا بقي مش سماح متصلتيش ليه تطمنيني عليك و سيباني كده من بدري مش عارف اركز في الشغل زي الناس بتتقلي و لا غايزه تشوفي غلاوتك عندي

نعيمه….بابتسامه هاديه وصوت مرهق لا والله يا حبيبي بس انا كمان كنت مسحوله علي الاخر و والله العظيم من كتر مخدتش بالي من الوقت ايمي ساعدتني شويه وبعدين قولتلها تمشي عشان تلحق تظبط نفسها وترتاح شويه قبل ما رشيد يروحلها

فضل……صوتك تعبان اوي اصلاً

نعيمه…..علي الاخر انا فاصله والله و ضهري هيموتني و رجلي مش قادره هموت واخد شاور

فضل……كلتي حاجه

نعيمه….فطرت الصبح عند نودي و من وقتها مكلتش والله حتي ايمي قالتلي تطلبلي حاجه بس قولتلها مش جعانه راحت جابتلي عصير و شيبسي وكيك و بردوا مش كلنهم بقولك كنت مسحوله بجد

فضل….طيب انتي فين الوقت

نعيمه…انا في العربيه لسه متحركتش من قدام المخزن

فضل….طيب يلا يا حبيبي روحي بقي عشان متتعبيش انتي رايحه البيت ولا عند نادين

نعيمه….انا رايحه البيت الاول هجيب ليا انا وليله حجات و هطلع عليهم مش هينفع نسيب نودي و كمان احنا بكره هنتجمع هناك

فضل….ايوه صح انتي بكره عندك شغل

نعيمه….لا الحمد لله لا شغل ولا مشاوير

فضل…..تمام يا حبيبي يلا خلصي بقي وكلميني

نعيمه…..تماك يا قلبي يلا سلام

فضل….سلام يا نوني

…………….

علي الساعه عشره كان رشيد عند ايمي قعدوا واتكلموا و بدأ يتفق مع محمد علي كل حاجه و ايمي كانت مبسوطه جداً.

رشيد…..بص يا حماده انت و زوزو اديتكم فرصه تسألوا عني و مسألتوش بس مفيش حاجه اسمها ملناش طلبات

محمد….قولتهالك يا ابني قبل كده انا مش عايز غير راجل يصون بنتي و يحطها في عينه و بعدين قولنا انت عندك بيتك و هي ليها بيتها يعني كل حاجه جاهزه

رشيد….طيب بص يا حماده عشان انت هتغلبني واضح اولاً انا جاي انهارده بطولي عشان نتفق ونخلص كل حاجه ولما اجيب اهلي نقرأ فاتحه و نلبس شبكه و نتفق علي معاد الجواز بعني انا مش ماشي من هنا غير لما نتفق علي كل طلبات ايمي

محمد…..طيب ايمي قدامك اهي شوف طلباتها

رشيد…..بضحك انت ترضهالي يعني لا هاخد معاها حق ولا باطل

ماريز…..بص يا رشيد اهم حاجه في الموضوع ده انكم تبقوا قاعدين معانا

ايمي….خير يا زوزو مش كنتي عايزه تخلصي مني بأي طريقه

ماريز….بابتسامه اه تبقي مع راجل بتحبيه و ارتاح منك بس يعني بردوا تقعدوا هنا كمان

رشيد….بصي يا زوزو شقه ايمي هنا دي بتاعتها اكيد هنيجي اوقات كتير نسهر ونقعد مع بعض و نبات فيها بس كمان لازم يكون ليها بيت خاص بيها اولاً انا بيتي موجود هنا في الرحاب زي ما قولتلكم و الطلبات اللي مستني اعرفها منكم عايز اعرف هل موافقين ايمي تقعد في البيت ده ولا محتاجه بيت جديد لان ده حقها

محمد…..مش بيتك جاهز وموجود يبقي لزومه ايه يا ابني الشحططه ونقل العفش

رشيد….لا ماهو انا مستني اسمع منكم رأيكم عشان لو ايمي هتقعد في البيت علي اول الاسبوع هتروح تختار كل حاجه بسرعه علي ذوقها لان ايمي مش هتدخل البيت غير و كل جزء فيه عاجبها و من اختيارها و تقدر تقول ان ده كان بيت عاذب يعني مفيش عفش زي ما انت متخيل الشقه بتاعتي اربع غرف و غرفه منفصله عاملها چيم و مفيش غير اوضتي و اوضه تانيه بس اللي فيهم فرش الباقي مقفول لان بعد ما انفصلت محباش اجيب غير اللي هحتاجه فا في كل الاحوال ايمي هتجيب كل حاجه ده اولاً في كمان حاجه مهمه عايز اقولها البيت ده مش هو نفس البيت اللي كنت متجوز فيه وايمي عندها علم بكده انا لما انفصلت سيبت البيت لطليقتي خالص

ماريز…..طيب يعني ده بيتك ولوحدك فين المشكله

رشيد…..ايمي هي اللي تختار حابه تفضل فيه او لا و لو تحبوا تيجوا و تتفرجوا علي البيت طبعاً اكيد

ايمي….لا انا موافقه مفيش داعي بعني اننا ننقل

رشيد….مش حابه تكوني هنا في مدينتي جنبهم و جنب المطعم

ايمي….المسافه مش بعيده و الرحاب جميله يعني بحبها و علي الاقل يبقي لينا بيت في مدينتي و بيت في الرحاب

محمد….اهي موافقه ادي مشكله البيت اتحلت و الفرش كمان مش هنختلف عليه شوف انت عايز تجيب ايه ووووو

قاطعه رشيد بضحكه جميله

رشيد….لا لحظه انا مش بقولك كده عشان نقسم انا مش عايز من ايمي غير شنطه هدومها ودي كمان هنجيبها سوا بص يا عم حماده بقي عشان انت لسه مش قاريني صح ايمي هتنزل و تختار كل اللي يعجبها

في شقة الرحاب و حتي في شقتها هنا كل حاجه هتبقي جديده و علي ذوقها

ايمي….لا استني الشقه هنا كانت علي ذوقي و مش ناقصها حاجه

رشيد….لا هنغير بردوا اللي يعجبك فيها

ايمي….والله مش محتاجه اطلع شوفها اصلا انا كل شويه بغير فيها اسألهم

رشيد…طيب واوضه النوم

ايمي….اوضه كبيره يعني الشقه كامله مفيهاش اي حاجه خلينا في شقتك

رشيد….لا هي مش سقتي سواء دي اوي دي الاتنين بتوعك انا هنا ضيف وهناك ضيف تمام ده اولاً بعد بكره هاجي اخدكم تتفرجوا براحتكم و بعدين اول الاسبوع تنزل ايمي تختار كل اللي يعجبها و تشوف الدهانات كمان لو حابه تغيرها و كده نبقي خلصنا من حوار الشقه والفرش

محمد…دي بتاعتكم بقي انا مليش في المواضيع دي

ماريز….ولا انا تروح معاها امنيه او حد من البنات

ايمي…لا هتيجي معايا طبعاً

رشيد….اكيد هتيجي طبعاً المهم الوقت نتكلم في باقي التفاصيل

محمد….تفاصيل ايه تاني ما خلاص خلصنا

امنيه…..بابتسامه هو انا ممكن اسال سؤال

رشيد….اكيد

امنيه…..هو انتوا مس هتعنلوا فرح

ايمي…لا طبعاًفرح ايه ؟

رشيد….رفع حاجبه و التسم وليه لا

ايمي….لا بص انا مش هعمل فرح و لا فستان فرح والجو ده خلاص كفايه نسهر في مكان مع بعض كلنا و بس

رشيد…و ماله الفستان وحش

ايمي….بضحك بقولك ايه مترخمش مفيش فرح والله ولا كل الكلام ده انا مش صغيره

رشيد….بضحك طب بلاش نرخم قي الكلام عشان انا ارخم منك لو حطيت الموضوع في دماغي هعمل فرح

ايمي….بابتسامه لا بجد والله بلاش فرح يعني كفايه كلنا نكون مع بعض نسهر في مكان و نتبسط و بعدين نروح

رشيد….بصي اللي هيريحك هعمله بس سيبك الوقت من الفرح و السهر خلينا في المهم طلباتك ايه يا عمي انت وزوزو المهر و الشبكه والمؤخر و كل حاجه تضمن حق ايمي هتقولها الوقت

محمد…..كل ده بتاعك انت وهي الشبكه دي هديتك لايمي لو ورده بنتي هتفرح بيها

رشيد….بص لايمي و ضحك ابوكي هيضيعك

ماريز…..بضحك مش في مثل بيقول احنا بنشتري راجل

رشيد….اكيد و عموما انا شكلي كده لا هعرف اخد معاكم حق ولا باطل فا سيبوا عليا انا بقي اي حاجه تضمن حق ايمي

محمد….بابتسامه يبقي علي بركه الله

رشيد…طيب انا قولتلكم بعد بكره نروح نشوف الشقه عايز بقي اعرف المعاد المناسب ليكم عشان امي وابويا يعني عشان يجوا و نقرأ الفاتحه و البس ايمي الشبكه

حماده….طيل انا عندي رأي ممكن اقولوا

رشيد….طبعاً

محمد….انا مقدر انك متحمش و مستعجل بس انا من رأيي نأجل موضوع الشقه لحد ما اهلك يجوا و نعمل اللي قولت عليه لان الاصول بتقول انهم من حقهم يفرحوا بيك و يتعرفوا علي اهل عروستك قبل ما تروح تفرج عروستك و امها علي الشقه ولا ايه

ايمي…..بابا ببتكلم صح يا رشيد خليهم يجوا الاول و بعدين نعمل كده

رشيد….انا اكيد مهرفهمش كل حاجه وعندهم علم بالقاعده دي و عارفين اني هتفق علي كل حاجه بص يا عمي امي وابويا ناس طيبه اوي و كل همهم في الدنيا يفرحوا بيا لانهم تعبوا بسببي كتير و ما صدقوا اصلا لما عرفوا اني هتجوز و هيتجننوا ويشوفوا ايمي

محمد….وده سبب اكبر نكمل فرحتهم للاخر واي خطوه هتتعمل بينكم تبقي بعد ما نتعرف علبهم و نحط ايدنا في ايدهم بعد كده الباقي بتاعك انت وايمي

رشيد….لابتسامه تمام موافق بس بما ان بعد بكره مش هنشوف الشقه يبقي ايه رأيك يجوا ونقرا الفاتحه ونلبس الشبكه

محمد….بضحكه جميله مش بقولك مستعجل

رشيد….بصراحه اه انا عايز علي اخر الشهر ده بالكتير نكون في بيتنا

ايمي….بصدمه استني اخر الشهر ده قدامه اسبوعين

رشيد….واسبوعين دول شويه

محمود…..صح يتعمل فبهم حجات كتير

ايمي….استني انت هو سلق بيض ده لو علب كلامه والتغييرات اللي هو عايزها دي محتاجه بالميت شهرين

رشيد…..نعممممم شهرين ده مين ولا حتي شهر بعد بكره هنقرا فاتحه ونلبس الشبكه و بعد بعده هتيجي تشوفي الشقه و اول الاسبوع هننزل نجيب كل الفرش اللي هتقولي عليه و يومين تلاتخ بالكتير كل حاجه هتبقي جاهزه انا بقي هحجز المكان و هنعزم الناس وخلصت علي كده

ايمي….بضحك مش هنلحق بطل جنان

محمود….لا هتلحقوا وانا معاكم

امنيه…..بضحك ايوه وانا كمان معاكم في اي مشوار

ماريز…….هنلحق

ايمي….بضحك لا وكتاب الله انا بدأت احس انكم عايزين تخلصوا مني بجد

محمد….وليه متقوليش عايزين نفرح بيكم الموضوع قدام جد يبقي ليه منستعجلش علي فرحتكم

ايمي….بقولكم ايه خلونا الوقت في بعد بكره نبقي نشوف السربعه بتاعتكم دي بعدين

رشيد….اطلعي انتي منها بس وانا هخلص كل حاجه انا والشباب ومحمود و انتب وامنبه و زوزو والبنات تجيبوا اللي ناقصك هدومك بقي خاجه البنات بتاعتكم دي و حماده هيبقي مشرف علي كل حاجه

ماريز…..صح كده

محمد….وانا موافق يا سيدي

ايمي…..بضحك المجانين زادوا واحد

رشيد…بضحك اطلعي منها يا عاقله احنا هنخلص كل حاجه.

كملوا قعدتهم مع بعض و كانوا مبسوطين جداً و علي الساعه واحده استأذن منهم راحت ايمي بره معاه توصلوا

رشيد…..اشوفك بكره يا عروسه عند نودي

ايمي…..بابتسامه خد بالك انا بتكروت

رشيد…..بابتسامه جميله و ليه متقوليش انب مستعجل عشان تبقي معايا

ايمي….مش هنلحق يا رشيد

رشيد…هنلحق و اسبوعين هتبقي في حضني وكل طلباتك اوامر يا ايمي

ايمي….بابتسامه حب بحبك اوي

رشيد…..وانا بموت فيكي و الاسبوعين اللي انتي شايفه انهم قليلين هيبقوا طوال جداً عليا انا عايزك تقعدي و تحطي رجل علي رجل و ترتاحي و اللي انتي عيزاه هيتعمل عايزك بس تبقي مبسوطه ماشي

ايمي….بسعاده ماشي با حبيبي

رشيد….يلا ادخلي اول ما اوصل هكلمك

ايمي….اوك يا روحي

رشيد….باي

ايمي….باي

دخلت وقفت جوه الباب و فضلت واقفه لحد ما مشي و هو باصص عليها بحب.

وخلص يوم الكل و هما مبسوطين جداً.

……………….

في صباح يوم جديد البنات كانوا اجازه كلهم و محدش فيهم نزل الشغل خالص غير ايه نزلت شويه عشان عندها شغل و ايمي راحت تبص علي المطعم شويه

عرفوا البنات منها اللي حصل حكيتلهم باختصار في التليفون و عرفتهم ان بكره هتقرأ الفاتحه و هتلبس الشبكه كانوا هيطيروا من الفرحه و كانوا مستنينها بفارغ الصبر

الوقت كان بيجري واتفقوا ان هما علي الساعه سبعه يتجمعوا عند نادين كلهم عشان يتغدوا مع بعض.

علي الساعه اربعه ونص اتصلت ليله علي عشري تشوف هيجي امته

عشري….ها يا حبيبي

ليله….بتعمل ايه ؟

عشري…..في الكافيه

ليله….انهي واحد

عشري….اللي جنب البيت شويه

ليله…..طيب هتيجوا امته

عشري….مش قولنا الساعه سبعه لسه بدري

ليله…..ليه انت ناوي تيجي يعني سبعه بالظبط

عشري…..يعني سبعه ونص حلو

ليله…..لا والله ما تخليها ثمانيه احسن

عشري…..ولا هزعلك يا ستي ماشي

ليله…..انت بتتريق عليا

عشري….بابتسامه لا مقدرش قوليلي انتي عايزه ايه

ليله….تيجي بدري شويه و حياتي

عشري….بدري قد ايه يعني؟

ليله….يعني سته مثلاً

عشري….لا بدري كده اوي

ليله….عشان خاطري

عشري….طيب سته ونص ايه رايك عشان مبقاش جيت بدري اوي و اقعد معاكم انتوا بس

ليله….وحياتي يا عشري

عشري….طيب ماشي بس سته ونص

ليله….طيب يلا قوم امشي بقي

عشري…..طيب شويه انا اصلا لسه هطلع اخد شاور و البس و بعدين هتحرك

ليله….بضحك هو انا ليه حاسه انك بتتهرب عشان الاكل

عشري….بضحك صراحه لو عليا عايز اجي بعد ما تكونوا خلصتوا اكل اصلا و طهرتوا البيت اصلا

ليله…..مش بقولك والله حسيت عشان كده عايزه اجيبك اول واحد

عشري….طيب ايه رأيك اعمل معاكي دييل

ليله….ايه هو ؟

عشري…اجي سته بس متفكريش تقوليلي كل لقمه واحده

ليله….لا يا قلبي انت هتيجي سته و هتاكل لقمات كتير

عشري…بضحك لقمات بقولك ايه انتي مينفعش معاكي المسايسه انا هاجي زيهم او بعدهم ويلا امشي بقي

ليله…..والله هخاصمك

عشري….اللهم طولك يا روح خلاص هاجي بس علي سته ونص

ليله….ماشي بس صحيح انت بتقول مش هبنفع اجي قبل الشباب واقعد معاكم لوحدي هو فضل مش هيجي معاك

عشري…..لا فضل هيجي عليكم علي طول عشان هو راح الفرع الجديد بتاع الكافيه و هيطلع من هناك عليكم هو لسه متحرك فا مش هيلحق يرجع انا جاي لوحدي

ليله….خلاص متتأخرش بقي

عشري….ماشي يا ستي عيوني حاجه تاني

ليله….لا شكراً

عشري…..عايزه اي حاجه اجيبها وانا جاي

ليله….لا يا عمري سلامتك

عشري….الله يسلمك يلا روحب و لما اتحرك هعرفك

ليله…..اوك يا حبيبي باي

عشري….باي يا حبيبي

………….

فتحت نعيمه بالمفتاح و دخلت في ايدها شنط كتير و قدام الباب في حجات كتير معاها

نعيمه…..ليله تعالي ساعديني

ليله…..خضتيني انتي جيتي امته

نعيمه….لسه حالا يلا شيلي مني

ليله….اوعي تكوني نسيتي حاجه

نعيمه….منستش اي حاجه كل اللي كتبتيه جبته

ليله….بابتسامه طب ايه طمنيني جبتي الحاجه حلوه

نعيمه….احيه دي قمر و جبت كل حاجه متنضفه و مخليه و متظبطه علي الاكل علي طول

ليله….اياك يكون حادق ولا مش حلو

نعيمه….عيب عليكي انا اللي بشتريه علي طول عمري جبته وحش

ليله….صراحه لا

نعيمه….بقولك ايه حطبهم بقي في الثلاجه زي ما هما كده و متفتحيش اي حاجه غير لما يوصلوا

ليله….بضحك اكيد مش هفتح عشان لو عشري وصل وشم الريحه هيولع فينا

نعيمه….بضحك بقولك ايه افرضي مرضيش ياكل هنسيبه جعان حرام

ليله……لا طبعاً هو كده كده بياكل رنجه لو صمم مياكلش فسيخ يبقي خليه في الرنجه بقي

نعيمه…ماشي و علي فكره انا جبتلكم كمان سردين فظيع الراجل دوقني منه مقدرتش اقاومه و جبت كمان بطارخ و كام علبة انشوجه يعني في كذا حاجه

ليله….طب كفايه بقي احسن افتح واقعد في الارض اكل

نعيمه…..بابتسامه لا خلاص الطيب احسن تعالب بقي نفضي باقي الحاجه و حطي العصاير والكانزات دي في الديب فريزر هي فين نودي

ليله….في الاوضه كانت بتكلم مامت ميدو

نعيمه….بابتسامه ايه ده ازاي

ليله…..ماهي كلمتها امبارح و خدت رقمها من ميدو اتصلت الوقت تطمن عليها

نعيمه….بضحك هتموت طبعاً في جلدها

ليله….بضحك وشها جايب ميت لون و مكسوفه اوي بس كده احسن علي الاقل يوم ما يحصل و يتقابلوا تبقي مش مكسوفه بالشكل ده

نعيمه….ايوه صح طيب يلا بقي خلينا نخلص بسرعه

عند نادين في الغرفه بتاعتها

عسال….بأبتسامه ايه يا قلبي طبعاً وشك احمر و مش علي بعضك

نادين…..ثواني كمان و كان هيغم عليا

عسال….ليه بس يا قلبي لازم تتعودي بقي

نادين…..بصراحه هي واضح انها جميله و طيبه اوي

عسال…..اوي و لما تتعرفي عليها هتحبيها جداً

نادين….ان شاء الله قولي بقي هتيجي امته

عسال….انا لسه طالع من شويه هاخد شاور كده و اظبط نفسي و شويه و هاجي انا و سلامه

نادين….تمام متتأخرش بقي

عسال….ليه وحشتك

نادين…..بابتسامه جميله وحشتني اوي

عسال….قلبي انتي والله مش هتأخر عليكي قوليلي اجيبلك ايه وانا جاي

نادين….ولا اي حاجه كل حاجه موجوده و ياريت تقول للشباب لاني هتحرج جداً اكلمهم بس بالله عليك ما تخلي اي حد يجيب اي حاجه

عسال….بضحكه شقيه و لا كأني سمعت اي حاجه

نادين….بضحك لا سمعت و هتسمع كلامي بقولك ايه والله كل حاجه موجوده

عسال….حاضر يا ستي اوامرك

نادين….بابتسامه متتأخرش

عسال….عيوني و انا نازل هعرفك

نادين…..تمام

عسال…..باي يا روحي

نادين….باي

…………….

الوقت كان بيجري علي الساعه سته البنات كلهم كانوا وصلوا ايمي حكيتلهم اللي حصل كانوا مبسوطين جداً و طايرين من السعاده و فضلت ايمي تفرجهم كام صوره لكام فستان عندها لسه مش لبستهم صورتهم عشان يختاروا معاها و هما كمان فضلوا يفكروا هيلبسوا ايه.

و بعدين ايه راحت شغلت اغاني و ليله كالعاده مقدرتش تقاوم و اتجننت و قامت ترقص

كانت لابسه فستان اسود فوق ركبتها بشويه بنص كم كم فيهم ثابت و التاني نازل شويه فضلوا يرقصوا البنات مع بعض و بعدين فضلت هي مكمله راحت نعيمه و سلمي و ايمي يجهزوا الاطباق و الليمون و العيش و يجهزوا السفره لحد ما يوصلوا وعلي الساعه سته و نص بالدقيقه وصل عشري تحت البيت اتصل عليها بس مكانتش سامعه من صوت الاغاني و مش مركزه غير في الرقص

اتصل عشري علي نعيمه.

نعيمه….طلعت الموبايل من جيب البنطلون ايوه يا عشري

عشري…..ازيك يا نوني عامله ايه ؟

نعيمه….بخير الحمد لله

عشري….انتوا عندكوا فرح ولا ايه

نعيمه…..بضحك اه بنحتفل بأيمي احتفال عالضيق كده لحد بكره

عشري….عشان كده بتصل علي الهانم مش بترد

نعيمه….بضحك الهانم بترقص مش فاضيه

عشري….بضحك اه دي وسطها سايب علي طول طيب بقولك انا وصلت تحت متعرفيهاش انب جيت خلبني اقبض عليها وهي بترقص كده ابقي افتحي الباب براحه بس شوفي البنات لو مش جاهزين

نعيمه….بضحك لا اطلع كله لابس يلا تعالي اقفشها يممكن تتهد و تقعد شويه

ايمي….خدت الموبايل و هي بتضحك لو ملحقتش هيفوتك نص عمرك

عشري….بضحك طيب افتحوا الباب من غير ما تحس يا مصيبه انا طالع

ايمي….اوك يلا باي

عشري….باي

سلمي….بضحك حرام عليكم هتتكسف و هتنفخكم والله

ايمي…والله ولا هتتهز و هتكمل رقص دي مايعه

نعيمه…..استنوا افتح الباب براحه تعالوا اخرجوا اقفوا قدامها عشان متاخدش بالها وانا بفتح

ايمي….يلا

خرجوا البنات و راحت نعيمه بهدوء فتحت الباب بس سابته زي ما هو مردود و فضلت واقفه جنب الباب

راحت سلمي قالت لايه بهدوء و هي بتضحك وراحوا وقفوا في ضهر البلكونه نادين كانت قاعده قريب منهم قالتلها سلمي و فضلت تضحك وعينهم كانت علي الباب

ليله….كانت مع نفسها و بترقص و وشها ليهم

شغلت ايه بسرعه اغنيه أمينه ده عينه مني عشان ليله بترقص عليها حلو اوي و بتمثل الاغنيه وهي بترقص

اول ما سمعت الاغنيه نسبت نفسها خالص

ايمي…..بضحك لايه مش ساهله انتي

ضحكت ايه و بصوا علي ليله و عينهم كانت رايحه جايه علي الباب

وهي كانت واقفه بضهرها للباب من بعيد سمعت نعيمه صوت الاسانسير بصت علي ليله لاقتها مش باصه فتحت بسرعه و ضحكت لعشري
اللي ابتسم اول ما شافها من بعيد بترقص كان في ايده حجات اداها لنعيمه ودخل بهدوء قفل الباب وراه والبنات من بعيد مخبين وشهم من الضحك.

وقف عشري و هو رافع حاجبه و مبتسم و ولع سيجاره.

كانت بترقص علي اول جزء في موسيقي الاغنيه و دي كانت اول مره عشري يشوفها بترقص بجد مكانتش مجرد بنت بترقص حلو او بتحب الرقص دي كانت بترقص رقص بجد و كأنها محترفه في الرقص بتتحرك بكل خفه بتقسم و ماشبه مع الموسيقي والنغمات بشكل مش طبيعي عشري كان واقف مبتسم و عينه مش بتبعد من عليها.

و بدأت الاغنيه وهي بتلف واول ما قالت ده عينه مني شافته ابتسم والبنات كلهم ضحكوا لف عشري صباعه بمعني كملي ابتسمت بدلع و كملت رقص و هي بصاله و بتحرك شفايفها بكلمات الاغنيه و بتشاور عليه .

وقفت من بعيد و هي عينها عليه زي الصقر بكل جرئه و بتردد الكلمات

مببصش لغيرك لا لا ده انت راجل وسيد الرجاله ده انت معشش جوه قلبي حتي تعالي بص تعالي

غمزتله وهي بتشاور علي قلبها و بتناديله كانت بتمثل كل كلمه مع رقصها وهو واقف مبتسم و بيضحك و كل شوبه يبص عليها و علي البنات االي ابتسامتهم مكانتش مفارقه وشهم من جمال ليله وهي بترقص لعشري ومش هاممها اي حد

ايه….بضحك يالهوي بموت فيها

ايمي…بابتسامه جميله تجنن بنت اللذينه

نعيمه….بضحك حاسه ان عشري عايز يطردنا

ايمي….بضحك حقه

نادين….جننت عشري خلاص انا حاسه انه مكسوف

سلمي…..والله وانا

ايمي….ده واطي زيها ده نفسه يمسكها من ايدها و يمشي بيها الوقت

ضحكوا البنات كلهم و كملت ليله رقصتها وهي بتمشي بهدوء عليه و بتقسم علي الموسيقي لحد ما راحت وقفت قدامه و هو عينه جيلاها من فوق لتحت و بيشرب السيجاره و ابتسامته باينه في نظراته اللي كانت بتاكلها.

بكلمه منك انا قلبي داب شاورت علي قلبها وهي بتحرك صدرها بكل هدوء و تقسيم ابتسم عشري

وبكلمتين انا جسمي ساب نزلت بهدوء بكتفها لوراء و بعدين كملت رقص وهي بتبعد عنه وبترقص بكل خفه و بعدين بصتلوا من بعيد و هي بتشاور عليه

بحبك يا ابن اللذينه من شعر راسي لرجلي.

كملت رقصتها و بعدين راحت عليه تاني و انتهت الرقصه وهي واقفه قدامه و مبتسمه و صدرها باين عليه دقات قلبها و هي بتتنفس بسرعه

ضحك عشري ضحكه تجنن وضمها بكل قوته و البنات فضلوا يسقفوا و يضحكوا.

عشري…..بهمس أرحميني شويه

ليله….بابتسامه بحبك يا عشري

عشري…..و انا بعشقك يا قلب عشري

بعد عنها وهو بيضحك للبنات

ايمي….قربت منه ايه رأيك في بنتنا

عشري….بضحك تجنن يا ايمي

ايمي…..بضحك انا بقول نفرح بيكم بقي و نشوف بيت يلمكم

عشري….بضحك بعد الرقصه دي اعتبري ان الموضوع منتهي خلاص

ايمي….بضحك لليله ارحمي الراجل يا مفتريه يا قادره

ليله…..بابتسامه دلع و انا عملت ايه بس

عشري…..ولا حاجه دمرتيني بس يا قلبي

ايمي…..الراجل نطق ياللي منك لله

فضلوا يضحكوا مع بعض و بعدين راح اطمن علي نادين و سلم علي البنات وفضل يضحك معاهم علي ليله و هو قاعد معاهم علي الكرسي

راحت ليله وقفت وراء الكرسي و حطت ايدها الاتنين علي رقبته

مسك ايدها و فضل يتكلم مع البنات

وقت بسيط مر و بدا الشباب يوصلوا
كلهم سلامه و عسال وصلوا وكان معاهم شبكولاته وحلويات

وبعدين وصل حسان ورشيد و كان معاهم بردوا حلويات كتير و معاهم كام باكيت بيبسي و ريد بول و بعدهم وصل فضل هو كمان كان جايب حجات.

راحوا البنات يحضروا السفره و عشري واقف بعيد ناحيه البلكونه مش عايز يشم الريحه وكلهم مطلعينوا مسرح و بيضحكوا عليه.

قربت نادين من المطبخ كلهم كانوا واقفين قريب من هناك بيشاعدوا البنات

نادين….علي فكره انا زعلانه بجد منكم كلكم ايه اللي انتوا جايبينوا ده كله.

رشيد….بابتسامه طبطب علي راسها عيب يا نودي دي حاجه بسيطه

نادين….بس انتوا مش جايين بيت حد غريب يا رشيد.

رشيد…طبعاً يا عبيطه ده بيت اختنا القمر بس يعني لزوم القاعده وكده

نادين….ايوه بس كتير كده والله كل ده هيتحط ازاي في الثلاجه واصلا احنا جايبين كل حاجه

حسان….ديماً يارب في كل حاجه سيبك بقي من كل ده السمك يجنن بجد

نادين…بابتسامه ايه رأيك

حسان…..مفيش كلام طبعاً يجنن انتي عارفه ان الفكره عجبتني بجد و بفكر اقلدك عشان لما هنا تيجي تتبسط بيهم

نادين…..هات واحده والله هتتبسط اوي بيها و كمان مش مؤذيين يعني هتفرح بيهم اوي انت ليه مش جيبتها صحيح مش قولت هتبقي معاك

حسان….انا وصلتها انهارده كانت بايته معايا وروحت

نادين….كنت جيبها معاك

حسان…..ان شاء الله هتيجي معايا بكره بس راحت عشان تجهز نفسها زبكم ولا ملهاش نفس

نادين….بابتسامه لا طبعاً لازم ربنا يخليهالك يارب

حسان….حبيبتي يا نودي عقبال ما افرح بيكي انتي و عسال

ابتسمت نادين و بصت لعسال

رشيد…..ايه فاضل كتير

ايمي….ايه جوعت

رشيد….اوي بصراحه و الاكل شكلوا يجنن

ليله…بضحك عشري صعبان عليا واقف بعيد يا عيني

سلامه….بضحك الريحه وصلت عنده

رشيد…..خدي بالك مش هياكل

فضل…..بضحك حتي الرنجه مش هياكلها طول ما هو شامم ريحة الفسيخ

ليله…..مليش دعوه هياكل وعليا وعلي أعدائي

ايه….طيب هو مش بياكل حاجه من الحجات دي

فضل…..بيحب الرنجه بس

عسال….ايه ده الله دي انشوجه

نعيمه…..اي خدمه بتحبها

عسال…اه بحبها اوي

سلمي…..طيب يلا خلصوا خدوا الاطباق دي كلها يلا

رشيد….هاتوا كده بسرعه

ايه….رشيد شكلوا جعان يا عيني

رشيد….هموت والله

ابمي….يلا يا قلبي روح واحنا جايين يلا يا شباب روحوا هجيب بس الليمون

سلامه…..ايه السفره دي يلا يا عشرررري

عشري….من بعيد اخرررس و خليك في حالك.

سلامه…..بهمس لليله روحي هاتيه بقي و خدي بالك احسن يحدفك من البلكونه

ليله…..بضحك هجيبه و هياكل

سلامه….لما نشوف يا قادره

راحت ليله علي عشري بصلها و ابتسم و بعدين بعد وشه بص علي الشارع

لياه….بضحك متحاولش تبص شمال تبص يمين هتيجي يعني هتيجي

عشري….بابتسامه هاديه ليله مش هقدر والله

ليله….وحياتي

عشري….افهمي طيب مش هينفع اقعد قدامكم وانا قرفان واقرفكم

ليله….بضحك لا اقرفنا عادي اصلا اللي بياكل الاكله دي مستحيل يقرف

عشري…..بضحك عشان مقرفه و انتي معترفه

ليله….لا والله جميله تعالي بس دوق وجرب

عشري…..لو كلت وانا قرفان هتعب يا عمري والله

ليله…..بدلع مش هتتعب والله تعالي شوفوا و الله يجنن

عشري….حبيبي

ليله…..بدلع وحياتي

عشري….بتنهيده طيب هاكل رنجه بس

ليله…..لا هتجرب لو مش عجبك متاكلش و بعدين انت بتحب الانشوجه والسردين

عشري….بحب الانشوجه السردين باكله بس معمول مش كده

ليله….خلاص تعالي جرب اصلا السفره شكلها يجنن يلا بقي بلاش دلع و علي فكره انا وعدتك لو دوقت الفسيخ هدوق القهوه

عشري……حاضر يا ستي بس لو تعبت ذنبي في رقبتك

ليله….مش هتتعب بس يعني لو حسيت انك مش قادر خالص متاكلش يلا

عشري….يلا يا مغلباني

مسكت ايده ودخلت معاه كان لاين علي وشه الاستياء ضحكوا كلهم عليه

رشيد….والله هتخسر نص عمرك لو مجربتش

عشري…..خلبك في حالك بقي و محدش ليه دعوه بيا

سلامه….بضحك اول مره اشوفه مغصوب يا عيني

ليله….بضحك بس انت وهو محدش ليه دعوه بيه

قعدته و اول ما قعد و بدأ يشم الريحه بجد غمض عينه و جز علي سنانه

قعدت ليله جنبه و خدت طبق و شوكه و بدأت تحطلوا من كل حاجه

عشري….لا استنييييي استني متحطيش في نفس الطبق الفسيخ

ليله….طيب هحطه في طبق لوحده

فضل….بضحك اصلا يا ليله انه يقعد علي نفس السفره اللي فيها فسيخ ده انجاز

رشيد….احنا حاولنا كتير والله نأكلوا مكانش بيجي اصلا

ليله….بابتسامه واهو جه وقعد و هيجرب

عسال…..بضحكه جميله ده بدأ يعرق كمان.

عشري….بابتسامه مسح عرقه بالمنديل خليك في حالك مش وقتك خالص.

ايمب….بقولكم ايه كلوا يلا و متركزوش معاه خليه ياكل براحته

بدأوا ياكالوا عشري كان بيبصلهم باستغراب وهما مبسوطين من الاكله

عسال…..بهمس لنادين هتعرفي تاكلي

نادين…..اه يلا كل انت

عسال….طيب قوليلي اقربلك ايه عشان ايدك

نادين….ولا حاجه كله قدامي انت كل يلا

حطت ليله حته صغيره من الفسيخ في لقمه صغيره و بصت لعشري وهي بتضحك

ليله…..بص حته صغيره خالص جربها لو معجبتكش خلاص

عشري….بغيظ انتي بتضحكي ليه طيب

ليله…..عشان عامل زي الطفل الصغير اللي مغصوب علي اكله

عشري…..طيب خليكي جدعه و متغصبيش عليا

ليله …وحياتي جربها

عشري….هاتي يا ليله

خد من ايدها اللقمه و فضل باصصلها بقرف و قرب يشمها

ليله….خدتها منه لا متشمش انت كده بتقرف نفسك اكتر

عشري…..طيب اعمل ايه انا مش قادر بجد

ليله….افتح بوئك انا هأكلهالك علي طول يلا يلااااا

قربت منه اللقمه فتح بوئه وخدها منها و غمض عينه بقوه

ليله….بضحك هتفضل سايبها كده يلا كل

فتح عشري عينه وهو باصصلها و جاي علي نفسه صعب عليها خدت منديل وقربته من بوئه

ليله….خلاص هات متاكلش

هز راسه بلأ وبعد ايدها بهدوء و حاول يجي علي نفسه و هو بيهز رجله بعنف و بيعرق فضل يمضغ فيها و بعدين خد كوبايه المايه شرب وبصلها

عشري…دوقته عشانك بس مش هاكل تاني

ليله….طيب بذمتك وحش

عشري….مقدرش اكل حاجه وانا قرفان هموت منك صدقيني بالنسبالي مش حلو بالنسبه ليكم حلو

ليله…..متكدبش والله حلو.

عشري…..طيب كلي انتي بقي يلا

ليله….طيب مش هتاكل

عشري….لا هاكل رنجه و انشوجه

ليله….طيب جرب السردين

عشري….حبيبي

ليله…..حته صغيره عشان خاطري

حطت حته في اللقمه و اكلتهاله في الاول كان ملتمحه كلها قرف بس كلوا

ليله….ايه رأيك

عشري…لا ده حلو تمام

سلمي…..ليله كفايه عشان ممكن يتعب لو قرفان

ليله….خلاص مس هديلوا تاني يلا كل بقي

رشيد….والله انت ما بتفهم في الاكل

عشري….كفايه انت بتفهم كل بدل ما اتغابي عليك

ضحك عشري و ضحكوا كلهم و كملوا اكل عشري كانت عبنه ىابحه جايه علي ليله و باصصلها وهي بتاكل و مبسوطه ابتسم بهدوء و فضل باصص عليها

ليله….بأبتسامه في ايه

عشري….بحب ولا حاجه يا قلبي كلي

ليله….والله جميل

عشري….والله انتي اللي جميله بس معفنه

ضحكت ليله و كملوا اكل .

بعد الاكل نضفوا البنات المكان و ايمي و ليله شالوا كل حتجه في علي و حطوها في الثلاجه نضفوا كل حاجه وراحت نعيمه رشت معطر في كل مكان عشان عشري منظره كان يضحك.

قربت سلمي منهم حطتلهم كانزات البيبسي و ايه عملتلهم شاي و قهوه

و خرجت ليله بمكسرات و بعدين حطت ايمي فاكهه وبعدين جابت من الحلو اللي هما جايبينه و اللي نعيمه جابته الجو بينهم كان جميل و قعدوا كلهم مع بعض و فتحوا موضوع ايمي و رشيد

ايمي اعترضت تاني علي موضوع اسبوعين الكل شجعها

ليله…..انتي معترضه ليه كل حاجه هتخلص .

ايمي…..مش هنلحق انتي عبيطه

ليله….لا هنلحق زي ما رشيد قالك اول الاسبوع هتبدأوا تشوفوا الفرش و تختاري الدهانات اللي عجباكي وبعدكده انتي ملكيش دعوه بقضه الشقه رشيد و الشباب يظبطوها مع بعض ولو علي حاجتك انتي الشخصيه اللبس و كده انا وانتي والبنات هنخلصها بسرعه

نعيمه…..وبما انكم هتبقوا قاعدين في الشقتين يبقي لبسك القديم يفضل في الشقه متاخديش منه حاجه اللبس الجديد كله يروح علي طول علي الشقه التانيه عشان نختصر وقت النقل و كل ده

سلمي…..ايوه متاخديش اي حاجه من شقتك واي حاجه هتيجي هتروح علي هناك علي طول و بمجرد ما رشيد يخلص اوضه النوم نروح بسرعه نحط فيها حاجتك

عشري….انت شايله الهم ليه كلنا مع بعض هنخلص علي طول يعني الاسبوعين دول كتير كمان دهان البيت مش هياخد يومين ثلاثه وعلي ما تخلص يكون الفرش اللي اختارتوا جهز و يروح علي هناك يتفرش علي طول و هو بيطلع اصلا و انتي والبنات تظبطوا بقي دنيتك وطبعاً احنا معاكم لو احتاجتوا اي حاجه اتبسطي بقي متعقديهاش

عسال…..كل حاجه هتخلص زي ما انتي عايزه و مش هتتعبي متقلقيش

ايمي…..ماشي اللي تشوفوا

رشيد….بابتسامه اخيراً اقتنعتي

ابتسمت ايمي و مسكت ايده.

كملوا قعدتهم و فضلوا مع بعض لحد الساعه 11 ونص و بعدين الشباب مشيوا.

وراحوا مع عسال و سلامه في مدينه نصر يقعدوا مع بعض شويه في كافيه عشان رشيد كان عايز بتكلم معاهم.

…………..

في الكافيه في جو هادي و علي نغمات ام كلثوم.

الشباب كانوا قاعدين بيتكلموا مع بعض.

عشري….بص يا رشيد انا فهمت كلامك بس مقدرش اقولك تعمل ايه و متعملش ايه يا صاحبي في النهايه دي حاجه طالعه من جواك لايمي

حسان….عشري يقصد يا رشيد ان الراجل ملزمكش بحاجه و سابها ليك فا انت بقي اللي تشوف و جايز عايز يشوف انت هتعمل ايه لبنته

رشيد…لا لا بص انا قعدت مع الناس دي و فهمت دماغهم و كلامه معايا مكانش اللي هو انا مش هقول و اسيبها لزوقك خالص يا حسان الراجل حقيقي مش عايز حاجه لبنته قالها صريحه و معاه حق فيها ايمي مش محتاجه اي حاجه خالص و لا مستنيه مني اي حاجه ماديه من الاخر كده هما ناس اخر حاجه بيفكروا فيها الماده انا اتكلمت مع مامتها لوحدنا قالتي ايمي في جوازتها الاولي جوزها تقريبا كان اقل منها في المستوي و مع ذلك محدش فيهم مانع ابداً و ايمي كانت موافقه عليه و بتحبه بس بعد اللي عمله اكيد اتجرحت قالتلي كمان كل اللي عايزينه انك تكون عوض لايمي مش اكتر.

عسال….علي فكره كلامك عنهم بيشبه تفاصيل شخصيه ايمي انا فاكر لما حكيت عن طليقها ده و قالت انها خدت منه كل حاجه خدت خدها اللي سرقوا ورجعت باقي فلوسه و قالت متلزمهاش ولا حقها فا هما اكيد الماده عندهم مش حاجه مهمه .

رشيد….بالظبط يا عسال فا انا امبارح كنت هتجنن منهم عشان يقولوا اي حاجه معرفتش خالص و بعدين من الاخر كده انا عايز اتعب عشان ايمي مش معني انها عندها كل حاجه تبقي الجوازه سهله يمكن البيت عندي موجود و كده كده انتوا عارفين ان موضوع العفش اخر حاجه كنت افكر فيها لاني مش بقعد في البيت كفايه اوضتي و الاوضه التانيه عشان لو حد فيكم جالي و بات معايا و كنت مأجل خطوه زي دي لحد ما افكر في موضوع الجواز فا كده كده ده كان هيحصل بس انا عايز احفظ حقوق ايمي و مش عارف اعمل ايه عشان كده بقولكم اقترحوا عليا

حسان….بابتسامه ايه نسيت حوارات الجواز

رشيد….اه والله يا حسان بس كمان ايمي تستاهل اني اعملها كل حاجه

فضل…..طيب انت كلامك ده عن الشبكه و الحجات دي

رشيد….سيبك من الشبكه دي بكره انا هحلها باذن الله من بدري انا بتكلم عن المهم مؤخر قايمه اي حقوق ليها

عشري….بصراحه انا مش عارف اقولك ايه بس يمكن اللي انا احب اعملوا مع ليله غير اللي ميدو يعمله مع نادين غير الشباب غيرك انت مش هقولك كل واحد علي حسب امكانياته لان كل واحد فيكم قد حاله و يقدر يعمل كتير انا عارف بس انت من جواك عايز ايه ؟

عسال…..بص يا رشيد عشان انا عارف انك تايه الوقت و مش فاهم عشري خلينا ناخدها واحده واحده
لو علي القايمه اكتب تقديرياً كده كل حاجه في الشقه و قدرهم بمبلغ و امضي عليه و ده طبعاً وقت كتب الكتاب و الشبكه انت قولت هتحلها و اكيد هتجيب حاجه تليق بايمي

رشيد…طيب بدون قطع كلامك سيبك من الشبكه و سيبك من القايمه انا كان فب حاجه كده في دماغي بفكر فيها

حسان….ايه هي؟

رشيد….اكتب الشقه باسمها

عشري….بص دي حاجه ترجعلك بس هتعمل كده ليه يعني عشان تحسسها انه بيتها و لا عشان تطمنها اصل هتفرق لو حاسس ان ايمي قلقانه منك او من الجواز عموما خصوصا بعد جوازتها الاولي يبقي متزعلش مني يا صاحبي كده في حاجه غلط لان لو انت من جواك مش حاسس انها مرتاحه و واثقه فيك يبقي بلاها

لكن لو انت عايز تعمل ده فرحه مش قلة ثقه اعمل ده مع اني يعني شايف ان ايمي مش هيفرق معاها اللقطه دي هي عندها بيتها في مكان راقي شوفت انا البيت من بره ماشاء الله يجنن فا مش ايمي اللي هتبص لشقه او تحس ان هي دي اللي هتطمنها فا انت قولي ليه فكرت في كده

رشيد….صراحه اه حابب اطمنها يمكن معنديش شك ولو واحد في المبه ان ايمي خايفه او مش واثقه بالعكس ايمي واثقه فيا جداً بس انا اللي حابب اطمنها اكتر و لو علي انها محتاجه او كده لا هي فعلاً مش محتاجه و امبارح كانت اول مره اطلع اشوف شقتها بجد رهيبه ماشاء الله كبيره و فرشها كله جديد تجنن بجد ايمي مش محتاجه

عسال….يبقي عشري معاه بلاش تروح للنقطه دي اعمل حاجه تبسطها اكتر و تخليها تحس انك بتحاول تحافظ علي حقوقها

عشري…..بص يا رشيد انت كده كده تمن الفرش اللي هتجيبه كان موجود و انت عامل حسابه سواء مع ايمي او غيرها مش هتعملوا فرح مش هتجيب شقه لان الشقه اصلا موجوده انت كل اللي هتجيبه لايمي ليها هي شخصياً الشبكه يعني انت مش هتغرم حاجه و بما انك حاسس انك مش غرمان حاجه و عايز تتعب شويه عشانها يبقي تديها مهرها اللي انت شايف انها تستحقه مع اني عارف ان اللي بيحب مهما جاب او عمل بيحس انه معملش حاجه و قلبل علي اللي بيحبه اي حاجه بيعملها

رشيد…..ده اكيد

عشري…..اتعب في المهر اللي هتدفعوا كاش و متبالغش في المؤخر لان لو لاقدر الله حصل بينكم خلاف الست لما بتسيب يا رشيد مش بيفرق معاها حاجه وايمي من النوعيات دي اديك شوفت لما اتخانت ثقتها في اللي كان متجوزها و سرقها خلعته يعني المؤخر ده مش هيهمها زي بالظبط موضوع الشقه فهمت

رشيد…..بابتسامه فهمت طيب بالنسبه لموضوع الفرح هي مش عايزه زي ما قولت و اكتفت بسهره هاديه بينا وبين بعض بس انا عايز افرحها

سلامه…..ممكن نشوف قاعه صغيره في اي فندق نحتفل بيكم فيها او ممكن تأجر مركب حلوه وشيك نقضي فيها وقت مع بعض و بعدين تروحوا

عسال….انا شايف فكرة المركب افضل

فضل…. انا كمان القاعه مهما كانت صغيره لو فيها عدد هيتقلب فرح و انت قولت مش حابه كل ده فا تبقي سهره حلوه و خفيفه و كمان بجو جميل كده و فيه اقرب الناس ليك وليها

رشيد…..تمام دي بقي تحلوها انتوا

عشري….ملكش انت دعوه بأي حاجه انت عليك تقول هعمل كذا واحنا هنتصرف يعني متشيلش هم لاي حاجه

حسان….طيب سيبك بقي من كل ده انت حالياً مش محتاج اي حاجه مش عايز فلوس

رشيد…لا لا كله تمام متقلقش

عشري…..هو ايه اللي كله تمام الفلوس كلها انت حاطتها في المعرض والكافيه بكره هروح اسحبلك مبلغ لحد ما الدنيا تظبط

رشيد….يا ابني معايا متقلقش لو حسيت اني محتاج هقولك

عشري….عشان تمشي نفسك

رشيد…اللي معايا واللي في دماغي و عايز اعملوا هيكفي متقلقش لو احتاجت هقولكم والله

عشري…..تمام يا صاحبي و احنا معاك متشلش هم اي حاجه علي خير ان شاء الله

انتهي اليوم بكل هدوء و سعاده و الكل كان في انتظار اليوم الجديد

وللحديث بقيه….