لقاء كارثي
(لقاء كارثي) 27/28
لقاء كارثي
أميره أسامه
صاحبة البطل الواحد
~° البارت الثامن و العشرين°~
……………
في صباح يوم جديد خرج عسال من الاوضه بتاعته و هو لابس وراح علي سلامه
عسال….ايه ده انت لسه نايم سلامه ولا يا سلامه الله يخربيتك
سلامه…..يا ابني في ايه عالصبح
عسال….انا مش قايلك تصحي بدري
سلامه…..يا ابني اتقي الله الساعه تسعه انا نايم قرب خمسه و بعدين انت صحيت ازاي انا قولت هتفضل نايم با ابني انت زومبي مش بتتعب
عسال….لا مش بتعب و هتقوم حالاً يلا اصحي مش هنزل غير لما اتأكد انك صحيت
سلامه….طب يلا يا حبيبي يلا يا بابا انا صحيت خلاص امشي بقي
عسال….مش همشي غير لما تدخل الحمام و تخرج تلبس
سلامه….يا ابني انت معندكش دم عايز مني ايه اصحي براحتك ياسيدي بس سيبني انا في حالي
عسال…..اسيبك في حالك و مين يعمل مفجأه لنادين
سلامه…اهو اديك قولت لنادين نادين دي تبقي حبيبتك انت انا مال امي اروح اعملها مفجأه ليه
عسال….عشان انا مش فاضي هروح معاها النيابه و مش هينفع اسيبها لوحدها ولا ينفع اعمل اللي قولت عليه و هي معايا مش هتبقي مفجأه يا غبي
سلامه….بردوا انا مالي بالمشاكل الاسريه دي
عسال…..هو ايه اللي انت مالك انا مش اخوك ياض
سلامه….لا مش اخويا و افولك طلاق تلاته انت ابن خالتي يا ميدو
عسال….بضحك اتبريت مني الوقت يا واطي
سلامه…..اه كله الا النوم و لو اتكيت عليا شويه هقولك ولا ابن خالتي ولا اعرفك
عسال….طب يلا قوم و بطل رغي
سلامه….انت مفيش فايده فيك
عسال….يعني انت لو طلبت مني اساعدك في مفجأه لايه هتقول لا
سلامه….مش هطلب و مش هعمل مفاجأت اقولك انا فركشت
عسال….بضحك طيب كويس انا سجلت كل حاجه وهبعت لايه الوقت
سلامه…..تبعت ايه الله يخربيتك دي مجنونه ومش بعيد تيجي و تطبق في زمارة رقبتي
عسال…..يبقي تقوم زي الشاطر و تحترم نفسك
سلامه……بتساومني يا واطي
عسال….اه لو كان عاجبك قوم يلا اخلص
سلامه….يارب ملاقيش اللي انت عايزه
عسال….لا هتلاقي انا باعتلك عنوان المكان اللي خدته من ليله و رب الكعبه يا سلامه لو قولتلي مش لاقي التربيزه هيكون يومك اسود
سلامه…الله كب وانا مالي يا جدع هو انا اللي بصنعهم افرض بجد روحت وملاقتش
عسال….هتلاقي ليله قالت ان نادين كانت جيباها من المكان ده و لو ملاقتش هتقلب عليها الدنيا المهم ارجع من النيابه انا وهي نلاقي كل حاجه خلصانه
سلامه…..شوف بيقولها بفخر ازاي ارجع من النيابه انا وهي كأنك راجع من الساحل بقولك ايه
عسال…بضحك ايه
سلامه….انا هروح المكان و مش هدور في غيره انت وحظك بقي يا لاقيت يا ملاقتش واخرك معايا اوصي مكان عليها بس اكيد مش هناخدها علي طول
عسال….انا قولت اللي عندي واياك ارجع ملاقيش كل اللي طلبته
سلامه….انت ياض ماسك عليا ذله لا مواخذه يعني قافشني في وضع مش تمام
عسال….بضحك اعتبر ان اللي بتقولوا صح
سلامه….طب بص انت لسه هترزحلها و لسه هتستني تنزل معاها واكيد هتاخد وقت في النيابه يعني لو هتروحوا علي واحده يعني هترجعوا علي اخر النهار مصحي امي ليه من تسعه
عسال…..عشان تلحق تدور و تعمل كل اللي قولتلك عليه و علي ما تخلص هتاخد ايه وتطلع معاها علي بيت نادين هي معاها المفتاح هتدخل انت وهي تظبط كل حاجه ودي هتاخد وقت تاني نكون احنا رجعنا
سلامه…و بالنسبه ليومي اللي هيضيع
عسال…..حوش اهمية يومك ياض بقولك ايه يلا قوم
سلامه….ربنا عالظالم والمفتري وسع كده وسع ربنا ينتقم منكم انتوا الجوز و ينتقم من الحيوان اللي كسر التربيزه
عسال….بضحك اخلص و بطل رغي
سلامه…..حاجه تاني يا سي ميدو
عسال…..بضحك لو افتكرت هقولك
سلامه….بغضب خدفه بالمخده قوم ياض من هنا قوم امشي عيل مهزق
عسال….بضحك شكراً يا محترم انا هنزل و ربنا يا سلامه لو نمت تاني انت عارف اني مجنون هرجعلك
سلامه….مش هتنيل خلاص النوم راح من عيني منك لله
عسال….ماشي يا سيدي وعشان.انت محترم خلص كل الحجات دي و لما اشوفك بليل هقولك علي حاجه هتعجبك
سلامه….حاجه ايه
عسال….بقولك بليل يلا اخلص
سلامه…..امشي يا ميدو امشي عشان وربنا ما طايقك
عسال…..صباح الفل يا سلومتي
سلامه…..بضحك سلومتك وصباح الخير لا والله لسه فاكر غور ياض
عسال….بأبتسامه بحبك ياض
سلامه….بضحك و هو شعره منكوش وانا مش بطيقك
عسال…..سلااام
سلامه….بحب سلام
…………..
عند عشري كان نايم في سابع نومه
رن موبايله قلق و مسكه بسرعه لمح رقم عسال
عشري….الووو
عسال…..صباح الخير نايم لسه ؟
عشري….اه هي الساعه كام
عسال….داخله علي عشره
عشري….انت ايه اللي مصحيك بدري كده
عسال…..اااا يعني معرفتش انام كويس و اتصلت بيك يعني عشان أعرفك اني تحت بيت نادين
عشري…..ازاي بس ليله مكلمتنيش هي نادين قالتلك علي معاد النيابه
عسال….لا لا لسه اطمن محدش اتصل هو غالباً علي الضهر كده بس يعني انا حبيت اجي بدري شويه و اطمن علي نادين فا قولت اعرفك
سكت عشري ثواني و فهم ان عسال مش حابب يطلع قبل ما يقولوا عشان ليله فوق
عشري…..بأبتسامه هاديه طب و مطلعتش علي طول ليه ؟ لازم يعني الازعاج بتاعك ده و لا تكونش متصل تاخد مني الاذن عشان تطلع
عسال…..بابتسامه حط ايده علي راسه اااا بصراحه اه يعني ليله فوق هي و نعيمه فا قولت يعني اعرفك و اعرف فضل اني طالع ولو في حد فيكم يعني هيضايق مش هطلع و هفضل تحت شويه و بصراحه يعني منمتش كويس و قلقان من وجود العربيه بتاعت الحيوان ده هنا قولت جايز يتصل بحد من أهله او يعمل اي حاجه و هما لوحدهم
عشري…..بابتسامه عملت خير يا صاحبي بس متقلقش لو لمحت بعينك بعيد شويه كده هتلاقي اتنين من الشباب عندك
بص عسال حواليه و لمح اتنين من الشباب اللي بيشتغلوا معاه بعيد في عربيتهم
عسال…..بضحكه جميله طب ما قولتليش ليه كنت علي الاقل نمت و انا مرتاح وطولت شويه
عشري…..بضحك لا ياراجل علي عشري بردوا والله لو قولتلك ان چِيبت عشيرتي تحرسهم ليل مع نهار ما هتلقي هنا و لا رباح وهتظل تتلوي علي فراشك
عسال…..بضحك عاشت ايدك يا شيخ العرب عموماً انا قولت اعرفك بردوا اني تحت البيت
عشري…..اطلع يا عسال اطمن علي نادين و اطمن علي خواتك و متعملهاش تاني
عسال….بابتسامه ماشي يا صاحبي عموماً يعني متنامش تاني بردوا و حاول تيجي بسرعه
عشري….حاضر يا سيدي
عسال….ومعلش طلب تاني ابقي عرف فضل عشان بكلموا مش بيرد
عشري……علي فوق يا عسال و ما تشيل هم فضل
عسال……تمام يا صاحبي يلا مستنيك
عشري…..بابتسامه شويه و هبقي عندكم سلام
عسال……سلام يا صاحبي.
………..
قفل عسال و طلع علي فوق و قف قدام الباب ثواني و بعدين خبط.
نعيمه طبعاً كانت في عالم تاني
قلقت نادين علي صوت الباب حست بخوف لما لمحت المنبه الساعه عشره
نادين….ليله ليله اااااه
ليله…في ايه مالك براحه ؟
نادين….اااااه ليله
ليله….اهدي عايزه تدخلي الحمام ولا ايه ؟
نادين…..حمام ايه لأ الباب بيخبط
ليله….طب اهدي خايفه كده ليه اوعي هروح اشوف و متقوميش احسن الجرح يوجعك
نادين…..طيب متفتحيش والنبي غير ما تعرفي مين بره
ليله…..يابت وسعي مالك قافشه فيا كده ليه
خرجت ليله بهدوء و راحت بصت من العين السحريه لاقته عسال فتحت بهدوء و بصتلوا
عسال…..بابتسامه بسيطه صباح الخير
ليله….صباح النور في ايه ؟
عسال….بضحكه هاديه مالك في ايه
انتي؟
ليله…..انا مفيش انت اللي في ايه عالصبح في حد.يجي لحد الصبح.كده خضتني
بصلها عسال بصدمه و هو مبتسم
عسال…..اااا ايه امشي طيب
ليله….بعد ما صحتني من النوم ادخل يا عم
عسال…..بضحكه جميله دخل وقفل وراه سبحان الله عشري بعينه
ليله….وقفت وبصتلوا وهي رافعه حاجبها و باين عليها النوم لسه ماله عشري
عسال…..لو رحتلوا بدري في يوم و صحيتوا ببقابلني نفس المقابله و من غير صباح الخير
ليله…..بأبتسامه ايوه بس انا قولت صباح الخير
عسال….كتر خيرك والله انا ثواني و حسيت انك هتطرديني
لياه….بضحكه جميله مش هطردك بس عقاباً ليك علي الخضه اللي نودي اتخضتها دي هتعملنا فطار
عسال…..بابتسامه بس كده سهله
خرجت نادين بهدوء و هي بتتسند علي الباب و اول ما شافته ابتسمت بس بتعب
ليله….انتي ايه اللي قومك مش قولتلك لحظه
جري عليها عسال بسرعه و مسط ايدها
عسال……قومتي ليه يا حبيبي
نادين…..بشوف مين عشان ليله متبقاش.لوحدها
ليله….اتنيلي علي اساس فيكي نفس تدافعي عني
عسال بصلها و ضحك
نادين….بابتسامه غضب انت بتضحك
عسال…..بابتسامه جميله ماهي عندها حق يا تويتي.
ليله…..نعيمه و ايمي من اهل الكهف و لا حسوا بحاجه والاسم قاعدين معانا عشان منبقاش لوحدنا
خرجت ايمي في اللحظه دي و هي ماسكخ الفوطه علي كتفها
ايمي…..لا يا ست ليله كنت في الحمام و صاحيه بقالي ربع ساعه و خرجت بسرعه عشان اشوف مين
صباح الفل يا عسال
عسال….بابتسامه صباح السكر
قلقتكم انا عالصبح مش كده
ايمي…..لا طبعاً ضحكت و غمزتلوا ده احنا نمشي و نفضيلك الجو
بصتلها نادين بصدمه و هي مبتسمه
ليله……بضحك لعسال اقدملك ايمي العاقله اللي فينا و اكبر اريال فيكي يا مصر
ضحك عسال من قلبوا هو وايمي و نادين
نادين….اااااه اااااه اسكتي شويه
ليله…..بابتسامه هروح الحمام اظبط نفسي كده و انت يلا علي المطبخ حضر الفطار
ايمي….فطار ايه يا بت اللي يحضروا
عسال…..معلش يا ايمي انا متعاقب
ايمي….يعني ايه متعاقب
ليله…..ايه صحاني من النوم وقلقني و خوف الغلبانه دي اول ما سمعت صوت الجرس قامت مرعوبه
عسال….بابتسامه لنادين قومتي مرعوبه
نادين….بابتسامه جميله اه و يلا روح اتعاقب
عسال…..الله انتي معاها
ايمي…..بضحك و الله لو العقاب في راحه يبقي يلا يا عسال فرجنا همتك عايزه فطار قمر
عسال…..بابتسامه تجنن بس كده احلي فطار تعالي بقي انتي اقعدي هنا
نادين…..لا انا عايزه اروح اغسل وشي الاوا
ليله…..تعالي يلا عشان اغيرلك كمان نرجع نلاقي الفطار جاهز يا كابتن
عسال…..بابتسامه أوامرك ليله هانم
دخلوا الاتنين مع بعض
ايمي……بابتسامه بقولك ايه هروح اصحي المصيبه اللي.مش درايانه بالدنيا دي و هصلي و اجيلك اساعدك يلا خليها عليا
عسال….بابتسامه بتصلي يا ايمي
ايمي…..بابتسامه ايه مش باين عليا
عسال….بضحكه جميله لا مش قصدي والله بس يعني.مشوفتكيش بتصلي خالص ولا حتي في دهب
ايمي…..بضحكه جميله لا يا اخويا بصلي و خد التقيله بقي انا حافظه اكتر من نص القرأن
عسال….اوووف لا بتهرجي
ايمي….والله العظيم حفظاه و البركه في ابويا و في زوزو لازم اعرفك عليهم
عسال….بابتسامه والله بقيت متحمس جداً من بعد كلام رشيد كمان
ايمي….قريب متقلقش يجي صاحبك بس يطلب ايدي انهارده و هتشوفهم بالكتير الاسبوع ده
عسال…..بضحكه تجنن طب ايه تحبي احمسه شويه
ايمي….لا بلاش امي مش متوصيه لما خلاص حاسه ان رشيد هيصدق اني بايره وفيا عيب من كتر ما هي بتلبسه فيا
عسال….بضحك اعترفي وقولي انها عايزه تخلص منك
ايمي…مش محتاجه اعتراف انا بدأت اشك انها بجد بتخلص مني
ضحك عسال ضحكه جميله هو وايمي
ايمي…..يلا جيالك علي طول
عسال….ماشي و انا هجهز الفطار
ايمي….اوك.
………..
ليله….يا بنتي مش هبص ما انا كنت معاكي امبارح بصيت؟
نادين….لا والله مش كده بس انا كويسه خليني ادخل انا لو مقدرتش هنادي عليكي
ليله….ماشي يا ستي يلا مستنياكي
دخلت نادين وقفلت الباب قعدت ليله علي طرف السرير و مسكت الموبايل اتصلت علي عشري
اول نا لمح رقمها ابتسم و كان لسه قاعد علي السرير و تقريباً مستني مكالمتها دي.
عشري…..الووو
ليله…..صباح الخير يا حبيبي
عشري…..صباح النور يا عمري ايه حد اتصل عليكم
ليله….لا يا حبيبي لسه
عشري….امال ايه ؟ ايه اللي مصحيكي بدري كده
ليله…..هو انا قلقتك صح انت كنت نايم مش كده
عشري….بابتسامه اه كنت نايم مالك
ليله….بتنهيده اااا لا مفيش بس يعني كنت بعرفك ان ميدو هنا لسه طالع من عشر دقايق كده ووو
عشري…..بابتسامه هاديه عارف يا قلبي اتصل عليا قبل ما يطلع
ليله….ابتسمت ورفعت حاجبها لت والله يعني كنت صاحي و عارف و بتصيع عليا يا بلطجي
عشري….بضحكه جميله ليه بس انا عملت ايه ؟
ليله…..متصلتش ليه من وقت ما كلمك و ليه مقولتليش الوقت انك عارف
عشري…..بابتسامه جميله عادي يا حبيبي حاجه بسيطه يعني
ليله….لا والله عليا انا يا متشرد انت كنت عايز تعرف هقولك ولا لأ
عشري…..وافرضي دي تزعلك
ليله….لا متزعلنيش بس يعني لو مكنتش قولتلك كنت هتزعل مني
عشري….لا بردوا عشان بثق فيكي و بثق في عسال بس يمكن حبيت اشوفك هتتصرفي ازاي يعني هتعملي حساب نقطه زي دي و تعرفيني ولا مش هتيجي في بالك اصلا
ليله….بابتسامه لا طبعاً جات في بالي واصلا اول ما شوفته تقريباً كده بان عليا الصدمه و قولتله ايه اللي جابك
عشري…..بضحك بتكسفي صاحبي يا بلطجيه
ليله….بضحكه جميله لا والله بس لما مش شوفتك معاه قلقت منك
عشري…..لا يا عمري متقلقيش بصي يا ليله انا و الشباب اللي بينا كبير يمكن مش لدرجه اني اخليكي علي راحتك قدامهك بس لدرجة اني اثق فيهم
ليله…..ازاي بتثق فيهم وازاي متخلنيش علي راحتي قدامهم مش شايف ان مفيهاش فرق
عشري….لا طبعاً فيها فرق بثق فيهم عشان هما شبهي و تحرم عليهم اي واحده تخص حد فينا دول اخواتي يا ليله يعني وانتي وسطهم ابقي متأكد انهم يحموكي بروحهم و ميرفعوش عينهم فيكي اما بقي ان انا مخلكيش تاخدي راحتك قدامهم فا ده طبيعي لاني بحبك و بغير عليكي يعني مستحيل اخليكي تلبسي اي لبس قدامهم مستحيل اخليكي تتصرفي اي تصرف ملفت قدامهم و ده لاني بحافظ عليكي من الاخر انتي ملكيه خاصه مش ملكيه عامه
ليله….بابتسامه دلع ومين قال اني ملكيه لاي حد
عشري….انا !! عشان انا مش اي حد انتي ملكية خاصه لمحمد عشري يا ليله.
ليله…..بابتسامه بحبك يا بلطجي
عشري….وانا بموت فيكي يا قلب البلطجي
ليله….طيب ايه هتفضل نايم كده ما كفايه مرقعه وقوم تعالي و حشتني
عشري….بضحك مرقعه انتي بتقوليلي انا كده ده انتي يومك اسود لما اشوفك
ليله….بضحك اسود ابيض احمر مش مهم المهم اشوفك
عشري….ايه وحشتك؟
ليله….اوي يا بلطجي
عشري…..بأبتسامه خبيثه ماشي يا ستي عموماً انا قولت لعسال اني هشوفكم في النيابه يعني اشوفك هناك
ليله….هناك ايه يومك اسود انت هتيجي هنا
عشري…..الله طب ما اشوفك هناك علي طول
ليله….لا
عشري….لا ليه
ليله….هو كده
عشري…..عيزاني اجي يعني
ليله….امممم
عشري….اوي
ليله….بضحكه مايعه مالك عالصبح
عشري….بضحك انا عملت ايه بس انا بسأل
ليله….ماشي اوي يا سيدي
عشري…..اوامر يا تاج راس عشري هقوم اخد شاور و هنزل علي طول
ليله…..بابتسامه ماشي هستناك متتأخرش
عشري…..عيوني هروح بس اعدي علي امي عشان كلمتها علي الفجر كده قالتلي ابقي عدي عليا هروح اشوفها و علي طول هكون عندك
ليله…..ماشي
عشري….ايه مش عيزاني اقول حاجه لحماتك
ليله…..بضحكه جميله سلم عليها و اديها بوسه و قولها ليله بتقولك صباح الخير يا امينه
عشري…..بابتسامه تجنن ماشي يا ستي هوصل رسالتك يلا وانا جاي هكلمك
ليله…..اوك باي يا حبيبي
عشري…..باي يا عمري
قامت ليله وهي مبتسمه راحت علي الحمام
ليله….نودي اتأخرتي كده ليه ؟
نادين…..ليله افتحي تعالي
فتحت ليله بسرعه لاقتها لابسه البنطلون الچينز و من فوق لبسها الداخلي بسر مش عارفه تقفلوا
ليله….ما قولتلك اساعدك
نادين….مش عارفه اقفلوا و الجرح تاعبني اوي
ليله…..طب بقولك ايه مفيش توب احسن الحرف بتاعه هيوجعك و هيبقي قريب من الجرح
نادين….لا لا اقفليه مش هينفع البس توب بس
ليله….هيوجعك
نادين…..لا لا متقلقيش
قفلته ليله براحه و بعدين ساعدتها في لبس التيشرت و خرجتها بهدوء.
ليله….هتلبسي ايه في رجلك؟
نادين….لا سيبك من رجلي الوقت و روحي يلا انتي ظبطي نفسك عشان نفطر عايزه اخد الدواء عشان حاسه بوجع شويه
ليله….طيب مش هتأخر عليكم علي طول والله
نادين…..ماشي
دخلت ليله و سابتها راحت نادين طلعت شراب و خدت الكوتش اللي هتلبسه حاولت تلبسهم لما وطت الجرح شد عليها مرتش سابتهم وقامت تتسرح بردوا مقدرتش تسرح شعرها كويس عشان كوعها من الناحيتين شادين عليها جداً
خرجت بره وهي و مكشره شويه
مكانش فيه غير ايمي و ميدو في المطبخ بيتكلموا و بيضحكوا
قربت منهم بصلها عسال بنظره جميله كانت لابسه بنطلون چينز عليه كتابه باللون الابيض و بدي ابيض بنص كم ماسك علي جسمها
عسال….ايه القمر ده
ابتسمت نادين و هي ماسكه في ايد الكوتش والشراب والايد التانيه الفرشه
ايمي…بضحكه جميله مالك يا هبله واقفه مبوزه كده ليه
نادين….ممكن تساعديني مش عارفه البس الكوتش والشراب ولا عارفه اتسرح
ايمي….طيب اديني لحظه حاضر
عسال….خليكي يا ايمي انا هساعدها
نادين…لا لا خليك انت انا هستني ايمي
عسال…..بابتسامه يلا خد منها الكوتش و مسكها من ايدها راح قعدها و نزل علي ركبه شويه
نادين….بإحراج وهمس ميدو قوم متعملش كده خلاص انا هحاول والله
عسال…..يلا يا حبيبي هاتي رجلك هو ايه اللي متعملش كده بس
بصتلوا بإحراج و بصت من بعيد علي ايمي
مسكها رجلها لبسها الشراب و بعد كده لبسها الكوتش و ربطته
نادين…..بهدوء شكراً
عسال…..بنظره هاديه قوليلي بقي عايزه شعىك ازاي
نادين…اي حاجه انا اصلا مش عارفه اسرحه
عسال……طيب هاتي ضهرك يلا
لفها و سرحها بهدوء و بعدين قرب منها وبصلها بأبتسامه
عسال…..اعملك ضفيره ؟
نادين…..بأبتسامه ماشي
لم شعرها علي وراء و بعدين عملها ضفيره و اول ما خلص وهو واقف وراها رفع بأيده دقنها اول ما بصتلوا مال علي راسها وباسها من جبهتها بحب ايه القمر ده
نادين…..بابتسامه جميله شكراً
عسال…..يلا حبيبي تعالي اقعدي هنا الفطار خلص خلاص
نادين…..ماشي
راح عسال حول الاطباق بره هو وايمي
خرجت نعيمه ساعدتهم في الاخر و قعدت جنب نادين
نعيمه….هي ليله بتعمل ايه كل ده
نادين……جايه الوقت تقريباً كانت بتاخد شاور
عسال…..نوني هو انتي كلمتي فضل
نعيمه….كلمته كان نايم بس صحي خلاص قالي هياخد شاور و يكلمني يشوف هنعمل ايه عشان يجلنا
نادين….لا استني يجيلنا فين ؟
نعيمه….النيابه
نادين….لا ماهو انتي مش هتبجي اصلا
نعيمه….ليه بقي
نادين….اولاً عسان متشوفيش هادي خالص و ترجعي تتجنني ثانياً انتي ناسيه ان في تسليم شغل للمندوبين انهارده
نعيمه….لو علي هادي الزفت ده مش هتكلم معاه اصلا ولا هعمل حاجه و لو علي المندوبين انا هخلص فطار و هكلمهم نأجل لبكره و عادي يعني لو اعتذرنا للبنات اللي هتستلم مجاتش من يوم
نادين…..لا طبعاً لا ينفع نعتذر ولا نأجل ده شغل يا نوني و بعدين هي مش هتبقي يوم الاوردرات اللي طالعه انهارده كتير و مستحيل المندوبين توصلها كلهم انهارده دول 105 اوردر في اماكن و محافظات مختلفه يعني مستحيل يوصلوا كله انهارده و كده التأجيل هيبقي اكتر من يوم و انتي عارفه كويس ان الالتزام في التوصيل بيخلي اي حد يتعامل معانا يبقي مبسوط
نعيمه…..ايوه بس انا عايزه ابقي معاكي.
ايمي….هتيجي تعملي ايه اولاً هي مش لوحدها ثانياً هتعطلوا شغلكم علي الفاضي روحي خلصي و لما تخلصي.كل حاجه ابقي كلمينا و تعالي او تعالي علي هنا
نعيمه….انتوا بتهرجوا بجد يا ستي ده يوم و بعدين انا لو روحت هاخد وقت عشان اوزع الحاجه
نادين….اديكي قولتي هتاخدي وقت و لازم تكوني مركزه عشان متحطيش لاي مندوب اوردر غلط و بكره مش هتلحقي تخلصي انتي ناسيه ان بكره هنتجمع هنا كلنا
نعيمه…..اممم
نادين….شوفتي بقي لو أجلتي لبكره هتلاقي نفسك مش لاحقه تخلصي فا خلينا نخلص انهارده احسن انا لو قادره والله كنت روحت معاكي عشلن نخلص
نعيمه…..طيب تمام خلاص هروح
عسال….طيب هتعرفي تعملي ده لوحدك يعني بيتهيألي مشاء الله الاوردرات كتير
نعيمه…..والله هحاول يا ميدو ده بيبقي يوم ما يعلم بيه الا ربنا يوم تسليم الاوردرات للمندوبين
ايمي….طيب شوفي البت ايه لو مش عندها شغل او سلمي
نادين….سلمي عندها عياده ممكن أيه.
سمع عسال اسم ايه افتكر ان هي اللي هتجيب سلامه و يجهزوا المفجأه لنادين
عسال…..بسرعه اااا لا ايه لا يعني أقصد سلامه كان بيكلمها و كانت بتقولوا ان عندها شغل كتير انهارده
ايمي….طيب اسمعي انا كده كده مش ورايا حاجه انهارده و مكنتش هروح المطعم هروح معاهم و لما نخلص هعدي عليكي و اساعدك
نادين….طيب ما انتي كمان خليكي و روحي شويه مع نوني و بعدين روحي جهزي نفسك قبل ما رشيد يجي
عسال….صح احنا اصلا مش هنطول ان شاء الله في النيابه و اصلا مش هنعمل حاجه يعني نادين و ليله هيقولوا نفس الكلام اللي في المحضر و يمشوا
نادين…..خليكي.بقي واحنا هنطمنك في التليفون
ايمي….طيب خلاص تمام معنديش مشكله هاجي معاكي يا ست نوني
خرجت ليله وهي لابسه و مظبطه نفسها
ليله….بابتسامه خلصت الفطار يا عم المتعاقب
عسال…..بابتسامه خلصت يا شريره
ليله……ايه الفطار القمر ده لا ده انا كنت بهزر خدت الموضوع جد ليه
عسال…..بضحك ما انا قولت انفذ العقاب كويس و ايمي ساعدتني
ليله….و ساعدتيه ليه ده متعاقب
ايمي….معلش بقي صعب عليا يلا تعالي خلينا نفطر
ليله….انت عامل لنفسك قهوه ليه مش لما تفطر الاول
عسال….لا ماهو انا مش هفطر
ليله…..لا هتفطر معانا
نادين…هو ايه اللي مش هتفطر يعني بعد ما عملت كل ده مش هتاكل معانا
عسال….انا فطرت والله يعني متخيله ان حنون تسيبني انزل من غير فطار
ايمي….طيب كل اي حاجه
عسال….والله ما قادر يلا كلوا انتوا بس عشان الاكل ميبردش
نادين….طيب خليك قاعد معانا حتي
عسال….حاضر يا ستي هقعد معاكم
قعد عسال جنبهم فضلوا بتكلموا و يضححوا وهما بياكلوا بكل تلقائيه بدأ عسال يقرب من نادين الاكل شويه بقي يأكلها و يساعدها عشان متفردش دراعها كتير كان مهتم بكل تفاصيلها بكل حب
خلصوا فطار و قاموا شالوا الحاجه
نعيمه….انا هدخل اخد شاور و اجهز بقي
ايمي…..اوك وانا هظبط المطبخ بسرعه و بعدين هروح البس
عسال…..حبيبي فين العلاج بتاعك
نادين….هناك علي الباب هاخده الوقت
عسال…..خليكي قاعده
راح جابلها العلاج و كوبايه مايه خدت الدواء
وقفت ليله مع ايمي في المطبخ وفضل عسال و نادين بره قاعدين بيتكلموا
عسال….حبيبي انا عايز اتكلم معاكي في موضوع مهم
نادين…..اكيد اتكلم
عسال…..اوك بس قبل ما تردي اسمعيني للأخر و افهمي كلامي كويس و بعدين ردي اوك
نادين…..بتوتر ااا هو في ايه قلقتني
عسال….لا ياعمري مفيش قلق ولا حاجه ابتسم بهدوء و مسك ايدها بصي يا حبيبي اللي حصل امبارح ده لا كان سهل عليكي و لا كان سهل عليا و يمكن عليا انا اكتر لاني لما بقعد افكر فيه بتأكد انك كنتي في خطر حقيقي و لا قدر الله كان ممكن يحصل اسوء من كده هي عدت علي خير الحمد لله بس كمان انا لسه قلقان عليكي و مش عايزك تفهمي اللي هقولوا ده اني بتلكك او مصدقت و مستعجل هو طبعاً مفيش شك اني مستعجل بس بعد اللي حصل ده لازم استعجل اكتر
نادين…..هو انا مش فاهمه اوي
عسال…..هفهمك نادين انا فكرت كويس و شوفت اني عشان اكون متطمن عليكي اكتر يبقي لازم نتجوز و في اسرع وقت
بصتلوا نادين بصدمه و اتوترت جداً
نادين…..نتجوز
عسال….بابتسامه اه نتجوز يا نادين بصي هو مبدأياً هيكون كتب كتاب لحد ما نظبط كل حاجه زي ما انتي حابه و زي ما بتتمني و اتأكدي اني مش هستعجل في اي حاجه تخص فرحتك
نادين…..بتوتر لا انت فاهمني غلط انا مش بتكلم علي ان في حاجه ممكن تتعمل بسرعه او مش زي ما انا عايزه انا بتكلم في المبدأ نفسه يا ميدو
عسال…..ايه هو الجواز
نادين….اه ميدو بيتهيألي انت بجد مستعجل يعني لسه بدري
عسال….انا مش مستعجل ولا حاجه ده مجرد كتب كتاب بصي يا نادين انا من امبارح و انا هتجنن مكنتش عابز اروح واسيبك لوحدك وفي نفس الوقت مقدرش اقعد معاكي لان لحد اللحظه دي انا مليش.صفه رسميه في حياتك قدام الناس و مستحيل اخلي حد يبصلك بنظره مش حلوه ثانياً انا جيت بدري عشان اطمن عليكي بس عشان اقدر اطلع كان لازم اكلم عشري واكلم فضل و حتي رشيد عشان أستأذن منهم لان البنات معاكي و عشان ابقي صريح اكتر انا اتصلت برشيد و مردش بس محاولتش تاني لان عارف ان رشيد مش هيفرق معاه اوي بس كان لازم اعرف عشري و فضل و اشوف هيضايقوا من وجودي و هما مش موجودين ولا لأ انا واثق ان مفيش الكلام ده بينا كلهم والبنات زي اخواتي بس دي الاصول بس في نفس الوقت انا مش حابب اني استأذن كل شويه عشان أشوفك عايز اكون مرتاح عابز وجودي جنبك يكون ليه صفه عايز لو جتلك اي وقت اللي يعرف اني معاكي عارف اني جوزك عايز اكون مطمن عليكي بطريقتي عايز لو حاسس انك في خطر زي اليومين دول ابقي معاكي
نادين….ايوه يا ميدو بس لو علي الشباب انت قولت مفيش بينكم الكلام ده وهما هيقدروا و البنات مش هيفضلوا معايا ديماً يعني ممكن بكره بالكتير ليله و نوني يرجعوا و وجودك مش هيضايق اي حد و بعدين انت خايف علي شكلي ليه ميدو انا مفيش حد ليا غير صحابي و هما عارفينك كويس لو علي الناس هما اخر همي و بعدين هنا كل واحد في حاله و العالم بتاعه محدش هنا مركز مع اي حد و اديك شوفت بنفسك محدش سأل بعد ما رجعت لما كسرتوا العربيه امبارح محدش حتي بص من الشباك و لما نزلنا مع الشرطه يادوب عدد بسيط اللي بص من بعيد و محدش اتدخل لو علي اهلي انا مليش غير خالي و تيته خالي بشوفه كل فين وفين لما بروح اطمن علي تيته غير كده هو مشغول علي طول و ماما بابا انت عارف كويس حدودهم في حياتي يعني مفيش داعي للقلق او الاستعجال
عسال…..ده من وجهة نظرك جايز تشوفي ان مفيش حد مركز معاكي غير البنات بس عايز اعرفك حاجه كويس اوي يا قلبي الناس عموماً ممكن لا تركز في فرح ولا في حزن بس اي حاجه فيها تنظير علي البني الادم تلاقيهم مركزين كويس اوي يحبوا يتكلموا علي بعض يحبوا يطلعوا اشاعات يحبوا الفضايح وانا عايز ابعدك عن كل ده
نادين….وانا قولتلك ياميدو مفيش داعي نستعجل او انك حتي تخاف عليا و لو علي الناس هما في كل الأحوال بيتكلموا
عسال….طيب بعيداً عن الناس و كلامهم و عن صحابي و صحابك انتي ايه مشكلتك ليه منكتبش الكتاب ليه معترضه
نادين….مش اعتراض يا ميدو ااااا يعني حاسه انه لسه شويه و بعدين انا لسه معرفش حد عندك غير سلامه يعني بيتهيألي محتاجين وقت ناخد علي بعض نتعرف محتاجه اعرف رأي مامتك و اخواتك فيا و انت فاهم ليه كويس
عسال….وايه المشكله يتعرفوا عليكي ياستي نشوف يوم تتاقبلوا نقعد بعض اتعرفي عليهم براحتك وهما يتعرفوا عليكي و بس اقابل خالك و جدتك و نتفق
نادين…بتوتر ااااا لا بص يعني استني شويه
عسال…..لا بصي انتي لو معندكيش سبب يقنعني اننا نأجل خطوه زي دي يبقي مش هستني يا نادين
نادين…..بتوتر اااا يا ميدو انا مش جاهزه لخطوه زي دي
قربت ايمي و ليله منهم و هما معاهم قهوه وقعدوا و هما مش فاهميه حاجه ولعت ايمي سيجاره و رفعت حاجبها بهدوء لليله
عسال….ماشي يا حبيبي قوليلي مش جاهزه
نادين…..اااا مش جاهزه وخلاص يعني محتاجه وقت
عسال…..هو احنا مش بنتكلم الوقت بهدوء و بنتناقش سوا عرفيني ليه مش جاهزه انتي اصلا مش مطلوب منك غير حاجه واحده بس تحددي معاد مناسب و الباقي عليا
ايمي….بهمس و هي مبتسمه و بتغمز لليله هو في ايه
ليله…..مش عارفه بحاول افهم
بصلهم عسال و ضحك
عسال….خير.
ايمي….بضحك لا هو خير بصراحه بنحاول نفهم بتتكلموا في ايه فضولنا هيموتنا
عسال….بضحكه جميله لا وعلي ايه هو مش سر اصلا انا شكلي محتاجكم معايا تقنعوا نادين
ايمي….نقنعها بأيه
عسال…..بصي يا ايمي انتي و ليله بعد اللي حصل امبارح ده انا مش هكون مرتاح ولا متطمن علي نادين غير لو كتبنا الكتاب و جودي معاها ديماً من غير صفه مضايقني و في نفس الوقت مش عايز لو جيت في اي وقت عندها حد يبصلها بنظره مش حلوه
ليله….بضحكه جميله ايه ده بجد
عسال….بجد.بس اقنعوها بقي معايا
ايمي….نقنعها بأيه هي مش موافقه
عسال…..تتخيلي
نادين….انا مقولتش اني رافضه بس قولت ليه نستعجل و ليه نفكر في كلام الناس اصلا
ليله….سيبك من كلام الناس يولعوا في كل الاحوال بيتكلموا بس هو ليه الاعتراض و بعدين استعجال ايه مش فاهمه
نادين….استعجال الخطوه دي يعني لسه بدري ليله انا لسه متعرفتش علي اهله و هو كمان
ليله….بسيطه هتتعرفوا اكيد
عسال….ده اللي قولتوا قولتلها شوفي يوم مناسب و تتقابلوا تتعرفوا و بعدين انا مقولتش جواز انا قولت يعني كتب كتاب و لو علي الجواز يعني بعدها بشهر حتي
نادين…..بصدمه شهرررر و مالك بتقولها علي انها مسافه بعيده ليه
ليله….بضحك انت مالك قولتها كده ليه صحيح
عسال….بضحك هو انتي معايا و لا عليا يا ليله
ليله…..بضحك معاك طبعاً وموافقه جداً انا بضحك علي احساسك ان شهر بعيد
عسال….هو بعيد فعلا لو عليا عايز كتب كتاب و جواز بس هي بتقول مش جاهزه
ليله….وليه مش جاهزه
ايمي….ايوه مش جاهزه ليه ناقصك ايه
عسال…..حتي لو ناقصها اي حاجه هتتجاب فوراً و بعدين عشان نكون متفقين يعني انا مش عايز غير نادين انا جاهز و مستعد للجواز في اي وقت الشقه موجوده و لو معترضه علي مدينة نصر و حابه تفضلي هنا اختاري الشقه اللي تعجبك المهم انا مصمم يا نادين
نادين….مصمم علي ايه لا استني بجد مش هينفع الوقت خالص
ايمي…..هو ايه اللي مش هينفع مستنيه ايه مش فاهمه نادين انتي بتحبي ميدو
نادين….بتوتر ااااا ايمي انا
ايمي…لا ردي مش وقت لغبطه وإحراج بتحبيه ولا لا
نادين….اكيد
ايمي….عايزه تبقي معاه ولا لأ
نادين….اكيد
ابمي…..طيب ليه تأجلي وايه اللي يمنع
عسال…..طيب سؤال مهم بالنسبالي انتي حاسه انك متردده او حابه تعرفيني اكتر
ليله….هو ايه اللي متردده انت كمان يعني انت مش عارف انها بتحبك واوي كمان
عسال….عارف بس لازم اسأل لاني مش لاقي سبب للاعتراض بصي يا ليله انا لسه قايل الكلام ده لنادين انا عشان اطلع اشوفها واطمن عليها و عشان عارف انكم موجودين معاها اضطريت اتصل استأذن عشري و فضل عشان مش حابب انهم يضايقوا يمكن اتصلت برشيد مره يا ايمي و لما مردش مكررتهاش بس في العموم انا واثق ان رشيد مش هيضايق
ليله…..بابتسامه علي فكره كنت بكلم عشري و هو كمان مش مضابق خالص انت عارف ان عشري بيحبك اوي
عسال….طبعاً عشري ده اخويا و غالي عندي فوق ما تتخيلي بس دي اصول يا ليله و انا بحترم مشاعر اي حد فيهم
ايمي….بابتسامه طيب واشمعني رشيد
عسال….مش عشان حاجه بس تقدري تقولي اني بحترم عادات وتقاليد اكتر من اشخاص بمعني عشري و فضل طباعهم مختلفه عننا يعني العرب او البدو بيبقوا طباعهم حاده اوي بيغيروا بطريقه صعبه وده مش معناه ان احنا مش بنغير بس يعني هما غيرتهم علي حجم عادتهم وتقاليدهم اللي اتربوا عليها كمان عشري بحس انه اكتر يعني واحد عنده عرق صعيدي و عرق عرباوي فا طبيعي يبقي مكس كده عامل زي الشعله و في نفس الوقت انا واثق ان وجودي هما مش مضايقه و علي فكره شتمني لما عرف انا بكلموا ليه بس اللي اقصدوا اني هبقي مرتاح لما اعمل اللي عليا
ايمي….طيب انت مش بتغير منهم
عسال…..اكيد لا أغير علي نادين من اي راجل في الدنيا حتي لو كان سلامه اخويا بس غيرتي هنا مش معناها عدم ثقه و علي فكره الشباب زيي غيرتي هنا غيره عاديه فهماني
ايمي…..بابتسامه اكيد فهماك
عسال…..اللي اقصدوا يعني اني مش.شايف اني مضطر اعمل حساب كل حاجه و انا في ايدي الحل وجودي مع نادين في كل لحظه وفي اي وقت لازم يكون ليه صفه عشان احغظها من اي كلمه او اي نظره عشان ابقي متطمن علبها عشان اضمن ان مفيش اي حاجه ممكن تحصلها تاني عشان اللي اسموا هادي ده ميحاولش يتعرضلها مره تانيه بأي شكل سواء بنفسه لو خرج يعني او عن طريق اي حد
ليله….وانا معاك جداً و قرارك ده انا بحترمه و بأيدك فيه اوي
ايمي…وانا زي ليله بصراحه علي الاقل لما تبقي لوحدها نبقي متطمنين عليها
نادين….بابتستمه صدمه انا مش فهماكم علي فكره انتوا معايا ولا معاه
ليله….هو ايه اللي مش فهمانا و بعدين احنا معاه عشان هو بيتكلم صح
نادين….ياليله انا مش جاهزه
ليله….ناقصك ايه طيب عرفيني ؟ مع اني عارفه ان مفيش حاجه نقصاكي بس شكلك بتصيعي و عايزه ميدو يفضل يتحايل و يدلع اعترفي
نادين….بأبتسامه اكيد لا
عسال….بنظره تجنن ايه عيزاني اتحايل وادلع انا جاهز علي فكره
نادين….بضحكه كسوف وشها أحمر انت بتقول ايه
ليله….يبقي هي كده اسمع مني اصل احنا دماغنا بردوا تعبانه خد بالك
عسال…..بضحك يا ستي انا موافق و بعدين متقلقيش بعرف اتعامل مع دماغكم اصل بصي يا ليله طبعاً اللي بقوله ده سابق وقته و اكيد الكلام ده هيتم مع رجاله يعني هيتم مع خالها و اكيد بباها بس خليني اقوله الوقت انا مش عايز غير نادين و من غير شنطه هدومها كمان و ده مش عشان هي ناقصها حاجه بس في العموم ده قراري من قبل حتي ما اقابل نادين كل حاجه هتطلبها انا اللي هجيبها فا حتت بقي ناقصك دي مش موجوده و الاهم من كل ده ان لو مكنتش هتجوز بالطريقه و التفكير ده نادين تقدر تتجوز من بكره فا اللي هي بتقوله ده بالنسبالي مش مقنع
ايمي….اهو قفشك اهو البرنسيسه بقي ناقصها ايه؟
نادبن….بضحك علي فكره انتوا التلاته رخمين
عسال….بابتسامه انا رخم
نادين….بضحكه بريئه يعني شويه صغيره
ليله….يا ستي احنا رخمين و مجانبن وانتي عاقله قولي ناقصك ايه ليه مش جاهزه و ليه عايزه تأجلي
نادين….اللي ناقصني مش مادي يا ليله
ليله….ايه معنوي
نادين…ولا معنوي بس يعني حطي نفسك مكاني عشري يجي فجأه كده و يقولك هنكتب الكتاب و نتجوز
ليله…..و ايه المشكله هوافق عشان بحبه و هو فتح معايا الموضوع علي فكره و انا مش معترضه
ايمي…..ابتسمت و هي حاطه رجل علي رجل و في ايدها السيجاره رفعت حاجبها بجرأه لا يكون الصغنن خايف
ضحكت ليله و حطت ايدها علي وشها و ضحك ميدو بهدوء و هو عينه علي نادين
ليله….دي مبتهزرش بتحدف حلي طول
عسال….بضحكه جميله مصيبه ايمي
نادين…انتوا بتضحكوا علي ايه انا مش خوافه علي فكره و مش خايفه من فكرة الجواز ولا المسؤوليه ولا كل ده
ليله….بضحك موصلتش
عسال….بضحكه جميله طيب اسكتي بقي متوضحيش مش ناقصين توتر انا بحايل فيها عشان تخفف توتر شويه
ايمي…..بضحك لا مقدرش دي بتقولك مسؤوليه و جواز
نادين….بابتسامه وهي بتبصلهم في ايه انا قولت ايه غلط
ابمي….لا مقولتيش حاجه غلط انتي فهمتي كلمة خوف غلط
نادين…..تقصدي ايه طيب
ليله….ايمي يا مفتريه اسكتي و النبي هتموت مننا لو فهمت دماغك
عسال…..حط ايده الاتنين علي راسه و فضل يضحك ايمي ايمي بقولك ايه خلاص خلينا في موضوعنا
نادين….لا انا عايزه اعرف بتضححوا علي ايه
ايمي…..بضحك هي اللي مصممه
ليله….طلبتيها ونولتيها يا حزينه اشرحي يا ايمي
عسال….انتي بتسخنيها
ايمي….اقصد يعني انك مش مستعده علي خايفه علي احساس بالرهبه من اول يوم جواز ايه العقل استوعب ولا لسه ؟
اختفت ابتسامة نادين بالتدريج وشها احمر و كان باين عليها الصدمه وسكتت خالص حتي مقدرتش تجيب عينها في عين عسال
ليله….بضحك منك لله يا ايمي البت اتصدمت
ايمي….ايه فهمتي
نادين….بتوتر فظيع ااااا انا مخدتش العلاج التاني وووو
عسال….بنظره تجنن وهو بيضحك مسك ايدها خدتي كله خلاص اقعدي
قعدت و هي عينها في الارض و مبتسمه بهدوء و بتستحلف لايمي بنظراتها
وليله و ايمي و عسال ميتين من الضحك
نادين….تاني وبصتلهم و هي خلاص هتعيط علي فكره انتوا مش متربين و انت كمان مش مؤدب
عسال….بضحك طب وانا مالي انا
ايمي….اقعدي بت
نادبن….مش قاعده
ايمي….اقعدي بدل ما وترك اكتر وانتي عرفاني
قعدت نادين بسرعه و بصتلها
ايمي…..قولي انك موافقه ؟
بصت نادين لليله تستنجد بيها
ليله….بضحك بتبصيلي ليه انا مالي
ايمي…ملكيش دعوه بليله و ردي يلا
نادين…..يا ايمي افهميني طيب
ايمي….لا لما تقولي كلام مقنع ابقي افهمك
بصت علي عسال لاقيته مبتسم و باين عليه السعاده
نادين….هو انت بتضحك ليه
ليله….بضحك الكلام علي هواه
عسال…..صراحه اه اوي انتي وايمي قايمين بالواجب
نادين…..يا سلام طب مش هوافق بقي
ايمي…..اخلصي و اتلاشي لساني بقولك
نادين…..طيب هقولك خلينا نأجل ردي لحد ما ابقي اتكلم معاكي انتي و ليله و افهمكم
عسال….رفع حاجبه لا بعترض تفهميهم هنا سبب اعتراضك وانا لا مش موافق
ايمي….انت واجع راسك ليه هي خايفه اسمع مني انا فهماها كويس.
نادين….طب والله ما هقعد معاكم وسع كده
مسكها عسال وهو بيضحك هو وليله
عسال…..ايمي عشان خاطري خلاص سبيها
ايمي…..بت اقعدي و الله ما هسيبها و تتحمل بقي لساني اقعدي بقولك
نادين…..بأبتسامه بسيطه وهي وشها بقي لونه احمر صريح لولي عشان خاطري الحقيني
ليله…..لا مش هلحقك و هتوافقي إلا لو في سبب قوي يقنعنا عندك السبب ده
عسال…..هااا عندك
نادين….هو انت فيك ايه انهارده بجد
عسال…..ولا حاجه بس عايز افهم و خدي بالك انا تمام و معاكي للاخر بس من جوايا يعني بدأت احس اني زعلان
نادين…..طب ليه طيب انا عملت ايه
ايمي…تصدقي بالله انا لو راجل و مكان عسال كان زماني سايبك وماشي و انت يا عم ميدو بلاش دلع فيها والنبي هو ايه اللي انا معاكي للأخر بس زعلان شويه
ليله….بضحك ايمي لو كانت طلعت راجل كانت هتبقي عنيفه اوي
عسال…..بضحك لاحظت بس بصي يا ايمي انا انا مقدرش اغصبها و في نفس الوقت محتاج افهم اللي جواها افهم دماغها جايز يكون عندها سبب مش قادره تتكلم فيه او حاسه انه ضاغطها
نادين…..ولا اي حاجه اسمع مني دي علي الله حكايتها و الله العظيم مافي اي حاجه غير السبب اللي قولتوا ولا ايه يا نادين
بصتلها نادين بأبتسامه غيظ و هي بتجز علي سنانها
عسال…..بأبتسامه جميله طيب وليه الخوف اصلا ده كتب كتاب
ضحكوا كلهم و ضحكت نادين بهدوء وهي هتموت في جلدها وبصت في الارض
ايمي…قولي موافقه يا نادين
ليله….ارفعي راسك يابت وبصلنا ويلا قولي موافقه.
ابتمت بهدوء و رفعت راسها وهي متوتره
ايمي….ايه هتفضلي بصالنا و بتستحلفي لينا كده كتير
نادين….انتي عايزه مني ايه انتي وهي مالكم عاملينن زي ريا وسكينه كده ليه
ليله….بضحك تصدقي لايق علينا
ايمي…..بضحك و عسال حسب الله اخلصي يلا ردي
نادين….ااا طيب
ايمي…..طيب ايه.
ليله…..هو احنا بنشحت منك الكلام يابت وربنا اقوم اجيب الشبشب
عسال…..بضحك اهدي و اقعدي يا بلطجيه زي عشري ملكيش دعوه بيها
لياه….بضحك تصدق انا غلطانه يعني انا متحمله اللي هيحصل فينا بعد ما تمشي عشان خاطرك و فالاخر تقولي ملكيش دعوه بيها
عسال…..لا نادين طيبه مش هتعمل حاجه
ايمي…..يابت انطقي انا خلقي ضيق
نادين…..خلاص اسكتي بقي موافقه
ايمي…..ايوه كده
ليله…..ابسط يا عم ميدو
عسال……بسعاده كبيره خد نفس و بعدين اتكلم بهدوء ان شاء الله خلال الاسبوع ده هتقابلي امي و اخواتي و هتتعرفوا علي بعض بالطريقه اللي تعجبك و تريحك و من هنا لاخر الاسبوع تكوني اتكلمتي مع خالك و مامتك و بباكي و تشوفي هيناسبهم امته المعاد و نحدد علي اساسهم هما.
أبتسمت نادين ابتسامه شرود وهزت راسها و كأنها عارفه انهم مستحيل ينزلوا عشانها
ليله…..لا معلش لحظه يا ميدو لو كلامك ده عشان نادين تعرفهم و ينزلوا يحضروا كتب الكتاب والكلام ده يبقي خلينا واقعيين شويه ده مش هيحصل كلامك هيبقي مع خالها
ايمي….انتي بتهرجي يابت دي بنتهم اكيد هينزلوا
ليله….بطلي عبط انتي عشان شكلك هبله اذا كانت نادين نفسها مقتنعتش بالكلام
ايمي…..تقولهم و ان شاء الله هينزلوا حتي لو واحد فيهم بس اللي جه
ليله….ياستي ان شالله يجوا الاتنين محدش يكره بس افرضي قالوا مش هينفع هتأجل يا ميدو ؟!
بص عسال لنادين بهدوء
نادين….هقولهم و لو ظروفهم مسمحتش خالو هيبقي معايا
عسال…..بصي عشان نكون متفقين لو حسيتي من كلامهم ان في نيتهم يكونوا معاكي بس حالياً مش هينفع انا هستني
نادين…..تستني قد ايه؟ يعني متخيل انهم ممكن يطلبوا تأجيل قد ايه
عسال…..يعني لو الاسبوع الجاي مش هينفع اللي بعده او حتي شهر
ليله…..بسخريه شهر طيب عموما منسبقش الاحداث ينكن ربنا يهديهم و ينزلوا بس لو مش هينفع يا نادين يبقي الاسبوع الجاي خالك هيبقي معاكي
ايمي…..وحماده حبيبك
عسال…..حماده مين
ايمي…..لا متخافش ابويا و عمو احمد ابو سلمي و ايه
ليله…..وعمو عادل والد نعيمه بيحبك جداً هو ونوجا و انتي بتحبيهم من الاخر كده يا نادين اهلك اللي انتي بتحبيهم و بيحبوكي موجودين و انتي عارفه كده كويس يعني اوعي تضيعي فرحتك علي عدم وجود حد مش حابب يكون معاكي
نادين….بابتسامه جميله اخر همي يا ليله وانتي عارفه كده كويس يمكن زمان كنت بزعل بس خلاص التعود بيخليكي متفكريش في اي حاجه سلبيه انا هقولهم عشان اكيد هبقي مبسوطه لو هما موجودين بس لو مش هينفع اكيد مش هبقي مضايقه لان انتوا معايا و بعيداً عنك انتي والبنات اهلكم هما اهلي و اخواتكم اخواتي و زي ما انا بحبهم واثقه انهم بيحبوني
عسال…..وانا نستيني ولا ايه
بصتلوا نادين وابتسمت بهدوء
ايمي….لا يا اخويا منستكش اصلا هي مش هتفكر في اي حد و انت معاها وبكره تقول ايمي قالت
رن موبايل ليله فكرت انه عشري بصت فيه لقت رقم غريب قامت ترد
ايمي….هي نعيمه فين كل ده ؟
نادين…..يمكن بتكلم فضل
ايمي….فضل ايه اقطع دراعي لو ما كانت نامت
نادين….اكيد لا هي قالت هتدخل تاخد شاور و تلبس وقالتلك اجهزي
ايمي…والله ما طالع ليها صوت اسمعي مني دي نامت هقوم اشوفها
قربت ليله منهم.
ليله…..معادنا في النيابه علي الساعه اتنين
عسال….كلموكي
ليله….اه الساعه الوقت 11 ونص ننزل كده علي واحده ان شاء الله.
عسال…..طيب تمام عشري متعرفيش فين؟
ليله…..لا قالي هيروح يشوف مامته و يجي علي طول
عسال….طيب تمام
خرجت ايمي و هي بتضحك
ايمي…..مش قولتلك يا نادين
نادين….نامت فعلاً
ايمي…..اه والله كانت بتكلم فضل قفلت معاه و نامت بس صحيتها خلاص
ليله…..صعبه صعبه صعبه هرتكب فيها جريمه في يوم بتحب النوم زي عنيها
ايمي….بضحك يلا هروح البس عشان انزل انا وهي
………….
في غرفة والدة عشري.
عشري…..صدجيني يا امي ده اللي كان لازم يحصل
أمينه….اوعاك تكون مفكر اني زعلانه انت عارف يا ولدي انا يهمني سعادتك بس اللي أجصده ان مريم كانت زينه و الف راجل يتمناها وبت اصل و عيلتها ناس محترمه و مهخبيش عليك يا ولدي اني زعلت لما عرفت من امها اللي حصل مش منيك
عشري…..انا جولتلك يااما اني مش هجدر
أمينه…..عارفه يا ولدي بس فكرت انه حديت عادي فكرت انك لسه مش متوكد من جرارك و جولت لما تجعد مع مريم هترجع في كلامك البت خساره يا محمد
عشري…..شوفي يا امي مريم زينه و كيف ما جولتي الف راچل يتمناها و بت اصل و محترمه بس مش اني الراچل ده يا امي هي زينه للراچل اللي يحبها و يستاهلها مش اني يا امي مجدرتش احبها جلبي عمره ما دق ليها مجردتش احبها و انتي خابره زين اني وافجت عشان افرح جلبك انتي و ابوي
أمينه….بابتسامه حنونه مسكت كفه عشجت يا محمد
بصلها عشري بنظره طفل و ملامح كلها تأثر هز راسه
عشري…..عشجت يااما و انتي خابرة العشج كيف اول مره جلبي يتغربط إكده شجلبت كياني من غير ما تجصد ليله دخلت جلبي من غير ما افتحه حتي مباينش عليا ولا ايه يا ست الناس
امينه….بأبتسامه جميله باين يا ولدي عينك بتحكي لحالها اول مره اشوف في عينك لمعه بس مين دي اللي شجلبت كيانك إكده رايده اتعرف عليها
عشري….هيحصل يا ست الناس
امينه….متي ياولدي هتچيبها عندينا؟
عشري…..بابتسامه ترضيها ياست الناس من جبل ما ندخل بيتها بالاصول
امينه…..لاه اني بسالك خلاص اروحلها اني
عشري…..خطوتك عزيزه يا ست الناس لا هتروحي عنديها و لا هتيچي هي احنا هنروحوا لاهلها نطلب يدها
امينه…..وماله بس مش شايف انك متسربع
عشري……بابتيامه شقيه وه نجعدوا من غير چواز معاچبش نتسربعوا بردك معاچبش
امينه…..بضحكه جميله ياواد مش الجصد بس يعني رايده اعرفها في الاول مش يمكن مراية الحب عاميه
عشري…..لاه متجلجيش مراية الحب نظرها سته علي سته
امينه…..بضحك مش بجولك شجلبت كيانك
عشري…..هتحبيها يا امي صدجيني هتدخل جلبك من غير استأذان
امينه……هحبها اجل حبك ليها بس جولي انت بتجول ان عمرها 35 ليه متچوزتش ولا تكونش كانت متجوزه
عشري….لا متجوزتش كانت مخطوبه من ثمان سنين و سابته
امينه…..ثمان سنين و متجوظتش كل ده عفشه هي اياك ولا ايه
عشري…..بنظره تجنن جمر تجول للجمر جوم واني اجعد موطرحك بس تجدري تجولي نصيب ابنك كان ربنا حايشه لوجت ما اشوفها
امينه….طيب بتعمل ايه في حياتها عايشه كيف بتشتغل ولا لاه يعني جولي اي حاچه
عشري…..بتشتغل يا امي و عنديها اكتر من شغل كمان عايشه مع صاحبتها و بالمناسبه خليني افتن علي فضل هو معچب بصاحبتها جوي و بيحبها بس اوعي تجولي لعمتي نجود خليه هو يجولها بنفسه
امينه….كيف يعني ؟ بنات عايشين لحالهم
عشري….وفيها ايه يا امي مش صغيرين عاد
امينه…..حتي لو يا ولدي البنات فيها الطمع
عشري…..بس دول مش بنات عاديه يا امي دول بنات بميت راچل
امينه….طيب ليه مش عايشه مع امها وابوها
عشري…..ليله ابوها وامها ميتين من زمان ابوها مات وهي في ثانوي وامها ماتت بعده بكام سنه وهي في الچامعه
امينه…..يا جلبي عليها يتيمه يعني طيب ملهاش خوات
عشري…..ليها هما اربعه و ليله الصغيره وكلهم متجوزين
امينه….وليه معاشتش معاهم
عشري…..كانت كبيره في الچامعه يا امي لما تمها ماتت و رفضت تجعد في بيت اخواتها البنات عشان أجوازهم و محبتش تعيش مع اخوها ليله عزيزه نفس و متجبلش تكون تجيله علي حد حبت تجعد لوحدها و تشتغل و تنچح بس هي بتحبهم وعلاجتهم زينه عموما هتعرفي عنها كل حاچه في الوجت المناسب و هي هتبجي تحكيلك لحالها
امينه…..خلاص يا ولدي شوف ابوك هيجولك ايه و اني معنديش مانع كفايه اشوفك مبسوط
عشري….ربنا يخليكي ليا يا ست الناس
امينه…..ويخليك ليا يا ولدي بس يكون في علمك امك ليها نظره ولو حسيت انها متعفكش يا محمد هجولك
عشري….بابتسامه ليه حاسس ان موضوع مريم مأثر عليكي هو انتي مش كل همك تشوفيني مبسوط
امينه…اكيد يا ولدي بس اتحدت معاك بصراحه
عشري…..ياريت
امينه….الست اللي تعرف راجل في حياته مره تانيه و توافج تخرب حياتهم متبجاش سهله و هي خربت حياتك مع مريم من جبل ما تبتدي
عشري…..بتوتر بسيط طيب زين انك فتحتي الموضوع ده انا رايد اطلب منيكي طلب
امينه….اطلب يا ولدي
عشري….ليله متعرفش اني كنت خاطب و معايزهاش تعرف
امينه….كيف يعني ؟
عشري….اول ما عرفتها متخددتش معاها عن حياتي مهكدبش عليكي دخلت عجلي من اول لحظه و كنت متخربط و لاول مره مبجاش فاهم اني بيحصل فيا ايه او رايد ايه و فجأه لاقيت نفسي بتعلج بيها جوي جولت استني يمكن إعچاب بشخصيتها لاجيت نفسي بغرج في بحرها و اكتشفت ان ليله حاچتين لا يمكن تسامح فيهم لو علي طلوع روحها الكدب و الخيانه صدجيني يا امي حاولت اجولها و كل مره يحصل حاچه تخليني مجدرش و اخاف اخسرها
امينه….ايوه يا ولدي بس هي كمان كانت مخطوبه يعني عادي انك تكون خاطب انت كمان
عشري….اكيد عادي و هي مكانتش هتزعل بس اني اتأخرت كتير يا امي من اول ما فهمت جلبي و عرفت انا رايد ايه منيها خدت جراري و جولت وجت ما هرچع هنهي كل شئ مع مريم و اجول لليله كل حاچه لاني كنت واثج ان ليله لو عرفت اني خاطب هتبعد عني و مش هتجدر تكون سبب في انفصالي من مريم وده رد علي حديتك انها خربت اللي بيني و بين مريم هي لو كان عندها علم يا امي مكامتش جربت من ابنك من الاساس و عشان إكده مجدرتش اجولها مكنتش رايد بعدها عني
بس جولت هعرفها لما اخلص حكايتي مع مريم لما عم مريم مات اضرطيت استني و احترم حزنهم عليه و كل ثانيه كانت بتمر كنت انا وليله بنتعلج ببعض اكتر و بشوف جدام عيني مواقف بتبين رد فعلها من الكدب و اخاف اكتر من رد فعلها لو عرفت المسافه بين الصدج بينا طالت اوي يا امي لدرجة اني كل لحظه بحبها فيها اكتر من الاول بيزيد خوفي اكتر
امينه…..طيب ليه متجولهاش انك سيبتها مش انت جولت هتعرفها و تصارحها بعد ما تسيب مريم
عشري…..عشان مش ضامن رد فعلها اوجات اجول لروحي هتفهم اني كنت بحبها وخايف اخسرها و حبيت اخلص كل حاجه حصلت جبلها و اخترت اكون معاها هي وبس و اوجات تانيه اجول لروحي مستحيل تسامح ليله اللي عرفتها الصراحه عنديها واجفه علي باب خشمها ليله اللي عرفتها تجطعي رجبتها ولا تكدب كدبه صغيره صدجيني يا امي انا كنت ناوي اجولها بعد ما اسيب مريم بس للحظه حسيت اني الاحسن مجولش و نجفلوا صفحة مريم خالص كنها متكتبش
امينه…..غلطان يا ولدي لو صوح ليله بتكره الكدب جوي إكده يبجي الصدج هو الحل هو اللي بينجي حتي لو هتبعد شويه و تزعل لو بتحبك صوح هترچع بعد فتره و هتسامحك و هتفهمك
عشري….انتي متعرفيش حاچه يا امي ليله لو روحها في اي بني ادم و كدب عليها بتمشي
امينه…اسمع مني يا ولدي المره لما بتعشج صوح بترچع و بتسامح
عشري…..خايف يا امي
امينه…..محمد ولد عشري مينفعش يجول خايف چرالك ايه ولدي
عشري….عشجت يا امي ليله بتجري إهنه
بصلها بنظره تأثر فظيعه و هو بيشاور علي عروقه
عشري…..مجدرش يا امي اتخيل انها تكون بعيده اني معارفش عملت فيا ايه مش هجدر يا امي معايزش حد يجولها
امينه…..و انت عارف يا ولدي امك صعب تكدب و تخدع مره زييها
عشري….مش هتكدبي يا امي انتي بس متچيبيش سيره انتي وابويا و خواتي هنجفل علي الموضوع كنه محصلش
امينه…..اسمعني يا ولدي مفيش كدبه او سر بتموت مع صاحبها الكدبه مهما طالت بياچي يوم وتنفضح و جتها جولي هتعمل ايه لو اتچوزت منيها و چيبت عيال هتسيبك و لا هتسامحك لو كيف ما بتوصفها يبجي هتسيبك ووجتها وچعك هيبجي و چعين جولها يا محمد و ريح بالك و جلبك و اتجبل اللي هيحصول منيها حتي لو كان ايه بس صدجني هترچع تاني لو عشجتك كيف ما عشجتها جولها انك خوفت تخسرها يمكن تسامح و متبعدش من الاساس
عشري…..اني خابر ليله اكتر منك يا امي صدجيني هحاول بس اني عارف روحي مش هجدر
امينه….حاول يا ولدي حاول ابدأ حياتك معاها بصدج و اسمعني زين المره اللي تكره الكدب و الخيانه بالشكل ده تتحط عالراس يا ولدي خليك صادج معاها و متخسرهاش
عشري….بابتسامه حاضر يا امي هحاول
امينه….ربنا يسعدك و يريح بالك و جلبك باللي تتمناه يا محمد ياولد عشري
عشري…..ربنا يخليكي ليا يا ست الناس يلا اني هجوم محتاچه مني حاچه
امينه….سلامتك يا ولدي فكر يا محمد معيزاش اشوف جلبك مكسور يا ولدي
عشري….بابتسامه هز راسه ادعيلي يا امي
امينه…..راضيه عنك يا ابن جلبي ربنا يسخرلك ملايكته و يبعد عن جلبك الشجي و الحزن و اشوفك متهني و ضحكتك متفارجش وشك
عشري….بحب سلام عليكم
امينه….عليكم السلام يا ولدي
…………..
علي الساعه واحده ونص كانوا مع بعض في النيابه و معاهم عشري ماسك كف ليله في كفه بحب
مرت الدقايق بسرعه و دخلت نادين الاول كانت متوتره شويه بس نظرة عسال ليها قوتها شويه دخلت و غابت شويه جوه اكتر من نص ساعه بعدها بشويه خرجت و دخلت ليله
فضلت جوه هي كمان اكتر من نص ساعه و بعدين خرجت استنت شوبه معاهم و دخل هادي عسال و عشري كانوا عايزين يولعوا فيه بس البنات حاولوا يهدوهم و هما مسكوا نفسهم
دخل هادي و قعد وقت اطول منهم بعدين نادوا تاني علي نادين و بعدها بعشر دقايق دخلت ليله كمان
وغابوا شويه جوه و بعدين خرجوا.
و خلصوا التحقيق و فضل هادي اتحبس اربع ايام علي ذمه التحقيق
خرجوا الاربعه من النيابه كانت الساعه اربعه ونص طلب منهم عسال يروحوا يقعدوا في اي مكان يشربوا حاجه عشان يغيروا جو شويه بس هو كان حابب يأخرهم عشان سلامه.
قبل كام ساعه سلامه راح لايه فهمها كل حاجه و سابها تشتغل شويه وراح هو بدأ يقلب الدنيا علي التربيزه راح المكان اللي ليله قالتله عليه اللي كانت نادين جايبه منه بس لقي تربيزه بمساحه اصغر و عرفوا ان التربيزه موجوده بس في فرع تاني ليهم في زايد طلب منهم يتأكدوا و فعلاً اتأكدوا ان في نفس التربيزه موجوده و عرضوا عليه لو مش حابب يروح لحد هناك ممكن يجيبوها لحد عنده و طبعاً سلامه ما صدق دفع فلوسها و سابهم شويه عشان يروح يكمل باقي المفجأه و فضل يلف شمال و يمين كام ساعه.
اتصلوا بيه عرفوا ان التربيزه و صلت طلب منهم يبعتوها علي عنوان نادين و راح خد ايه
ركبت ايه العربيه و هي مصدومه
ايه…..بضحك ايه الورد ده كله
سلامه…..بغيظ عسال منه لله مشحطط امي من بدري قلبلي العربيه جنينه
ايه…..شكلهم حلو اوي بس بقولك ايه اقفل الشباك ثواني هتتكل علي الله
سلامه……بضحك نفسك انتي تخلصي مني بقولك ايه انتي هتنفخي انهارده لما تموتي
ايه…..انفخ ايه
سلامه….بلالين
ايه….لا مكنش العشم صحتي راحت يا ابني
سلامه…..صحتك راحت والله ابداً انا مش هنفخ لوحدي هي دي مش صاحبتك
ايه….منكم لله كلكم طيب فين السمك
سلامه….في شنطة العربيه
ايه…..ده يموت كده
سلامه….لا مش هيموت ولا حاجه ماهو في مايه بس بقولك ايه جيبتلها سمكتين شبه نيمو ودوري
ايه….بضحك الله بجد
سلامه….اه والله شكلهم حلو اوي عايزين بس نروح بسرعه عشان نلحق نخلص مهمتك في الاول الورد ظبطتي انتي في المكان كله انا مش هعرف و انا هشوف حوار السمك ده
ايه…..ياريت السجاده كانت نضيفه عشان نرجعلها كل حاجه زي ما كانت
سلامه…..اطمني جيبتلها واحده في الشنطه بردوغ مش بقولك ميدو ساحل امي من بدري
ايه…..طيب ودي عرفت تجيبها ازاي
سلامه…..انا لا عرفت ولا اتهببت انا جيبتها بالشبه كده يعني قريبه اوي من اللي شيلناها لونها رمادي في ازرق بس حلوه ولله وهاديه واصلا صورتها لميدو قالي ليله بتقول حلوه اوي ابقي شوفيها بقي
ايه…..يا خرابي يا ناس علي القمر اللي تعب
سلامه….اه والله انا اتنفخت انهارده و هموت من الجوع
ايه…..لما نروح هعملك حاجه تاكلها
سلامه…..لا ما عسال هيطلب اكل متقلقيش
ايه….طب امال عامل دوشه ليه بقي
سلامه….اعوذ بالله قلابه
ايه…..بابتسامه بس بقولك ايه نودي هتفرح اوي
سلامه….احيه هو بعد الدوخه دي كلها مش عيزاها تفرح و ربنا اقتلها هي و ميدو
ايه…..لا والله هتفرح اوي انا واثقه
سلامه…..ان شاء الله يلا استني بس اركن و انزلي
ايه….بقولك ايه هي التربيزه هتوصل امته
سلامه….هما اتحركوا خلاص يعني علي ما نطلع كده و نعمل كام حاجه يكونوا وصلوا ان شاء الله
ايه…..ماشي
نزلت ايه بهدوء و وقفت علي جنب
نزل سلامه و قرب منها.
سلامه….بصي هناخد الورد و هنروح علي الاسانسير هتقفي و تفتحي الباب لحد ما احطلك كل حاجه و بعدين نطلع بسرعه ندخلهم علي الشقه و هنزل تاني هحطلك باقي الحاجات و انتي اسحبي الاسانسير و دخليهم علي جوه
ايه….تمام
سلامه….هتعرفي تدخلي الاكياس بتاعت السمك و السجاده ولا اطلع كل مره
ايه….هعرف ان شاء الله يلا بس خلينا نخلص عشان نلحق
سلامه….يلا بينا
شالت شويه من الورد بس كان تقيل خد هو كمان وراحوا بسرعه علي الاسانسير فتح الباب وحطوا الورد في الارض و مسكت الباب فضل رايح جاي يجيب في ورد و يحطه في الاسانسير كان جايب كميه كبيره اوي كأن ميدو حابب يملأ البيت ورد عشان يفرحها.
بعد ما خلص الكميه كلها قفل العربيه وراح معاها ركب طلعوا علي فوق خرجت بسرعه فتحت باب الشقه و رجعت مسطت باب الاسانسير و فضل هو رايح جاي من الشقه للاسانسير يحط في الورد جوه الشقه علي جنب لحد ما عرق و تعب بجد
سلامه…..بصي هنزل و هسيب الباب مفتوح هحطلك السجاده و باقي الحاجه اسحبي و دخليهم و هبقي معاكي بالتليفون هسحب انا كمان و هحط باقي الحاجه واطلع لو مش هتعرفي عرفيني و هطلعلك
ايه…..ماشي يلا انزل
نزل سلامه و مقفلش الباب اوي راح بسرعه علي العربيه خرج السجاده راح حطها و رجع جاب كام كيش من السمك حطهم و اتصل بيها عشان تسحب سحبت ايه
و فتحت الباب فضلت تشيل في الاكياس بتاعت السمك و بعدين راحت سحبت السجاده و شدتها بصعوبه لحد ما دخلتها
سحب سلامه الاسانسير تاني و حط باقي الحاجه وقفل العربيه و طلع
سلامه….امسكي الباب
ايه…..انت عرقت كده ليه
سلامه…..كنت بلعب اخلصي امسكي الباب ده
فضلت تضحك عليه و هو رايح جاي يحط في الحاجه و نفسه راحه خلاص
سلامه….يلا اقفلي و تعالي
ايه….استني في ورد كتير متقطع هشيلوا عشان لما ترجع متشوفش و تفهم
سلامه…..هتفهم ايه انتي كمان اخلصي مش هيجي في بالها اصلا
ايه….يا عم خليني اشيلهم لحظه بس
فضلت تلم في الورد بسرعه و بعدين دخلوا اترمي سلامه علب الكنبه
سلامه….هاتي مايه بسرعه
راحت ايه جابتلوا مايه فضل يشرب و هو خلصان
ايه….اخلص انت هتريح يلا قوم مفيش وقت
سلامه….انتي يا بت متعبتيش
ايه…..لما تجرب تشتغل شغلانتي و تتعامل مع كلاب وزنها بالتسعين كيلو واكتر وقتها هتفهم اخلص يلا بلاش مياعه
سلامه….ما ليكي حق انتوا منكم لله علي المرمطه دي
ايه…..بطل رغي يلا مفيش وقت
سلامه…..طيب يلا اخلصي انتي هنعمل ايه السمك مش هينفع نيجي جنبه الا لما التربيزه توصل
ايه…..صحيح انت جيبت نور ؟
سلامه….بتركيز نور ايه
ايه….التربيزه كان فيها نور ايه نسيته
سلامه…..نهار اسود عسال مقالش انا معرفش اصلا مشوفتهاش
ايه…..لا بيبقي فيها نور طيب خلينا نشوف القديمه يمكن النور شغال فيها لسه
سلامه…..طيب ما يمكن بتيجي بالنور بتاعها
ايه….معرفش بصراحه
سلامه….استني لا هي فيها علي فكره عشان الراجل فرجني الكتالوج و كان فيها نور ايوه
ايه….طيب خلاص سيبك من التربيزه الوقت خلينا نظبط الورد بسرعه
سلامه…..يلا بينا.
قاموا مع بعض و بدأوا يوزعوا الورد في كل مكان كان في اكتر من ڤازه فاضين مجرد ديكور بقوا يحطوا فيها و وزعوا الورد في كل مكان واللي فضل منهم حطوا منه علي الارض و خلوا المكان تحفه بعد كده بدأوا ينفخوا في البلالين و كل كان بلونه ينفخوها يفطسوا من الضحك علي التعب اللي وصلوا ليه
سلامه….منك لله يا ميدو
ايه….بضحك انت مجبتش منفاخ ليه
سلامه…..بطريقه مضحكه وهو هيعيط انا مني لله مجاش في بالي
ايه……بضحك نفسي اتقطع و تعبت
اتصلوا في الوقت ده علي عسال قالهم علي الدور بالظبط فين دقايق بسيطه كان فاتح الباب دخلهم كانوا اتنين حطوا التربيزه بهدوء فتحها سلامه هو وايه اتأكدوا انها تمام
حاسبهم و بعدين مشيوا.
سلامه…..ايه طمنيني هي ؟
ايه…..بص هي مش هي بالظبط بس علي فكره دي احلي بكتير
سلامه….بجد
ايه….اه والله اكبر سنه بسيطه بس كمان لونها من بره تحفه بتاعت نادين كانت بني دي لونها قريب من الوان البيت
سلامه….ماهو انا بصراحه عجبني اللون و عسان شوفت البيت هنا قولت دي احلي عموما طمنتيني قولت ممكن متعجبهاش
ايه….بالعكس حلوه و احلي حاجه ان هي فيها نور
سلامه….اه الحمد لله بقولك ايه التربيزه اللي فضل شالها في البلكونه دي النور شابك فيها عايز اجربه لو سليم ممكن نظبطه بردوا هيبقي احلي
ايه….خد بالك احسن يكون باظ و يكهربك
سلامه….متقلقيش خلينا بس نخلص بسرعه و نشوف حوار النور ده في الاخر قبل ما يوصلوا روحي انتي وزعي البلالين دي و انا هظبط التربيزه
ايه….طيب اسمع انا كنت بشوف ناظين و هي لتحط السمك نضف الاول التربيزه وبعدين حط المايه تشتغل شويه بالفلتر قبل ما تحط السمك
سلامه…..متقلقيش ميدو قالي و الراجل بتاع السمك قالي و اداني كمان دواء للسمك
ايه…..طيب تمام يلا بينا هروح بس اجيبلك الخرطوم اللي نادين بتملأ بيه عشان التربيزه مش هينفع يتحط فيها مايه غير في مكانها
سلامه….تمام وانا هفرش السجاده و اظبط التربيزه لحد ما تجيبي
ايه….ماشي.
…………….
في الكافيه
عشري….يلا شوفوا هتشربوا ايه؟ قرب من ليله بهمس تشرب ايه يا وحش
ليله…..بنظره دلع قهوه
عشري….يا بختها
ليله….اتلم يا بلطجي
عشري….قلب البلطجي من جوه بقولك ايه في كلام كتير اوي عايزين نتكلم فيه
ليله….كلام ايه سمعاك
عشري….لا مش هينفع الوقت لما تبقي لوحدنا
ليله…..وعايزنا نبقي لوحدنا ليه يا قليل الادب
بصلها بنظره غضب مضحكه وهو رافع حاجبه.
عشري…..دماغك علي طول كده مسوحاكي و لا انتي اللي عايزه كده ولا ايه حكايتك انا اقصد نبقي لوحدنا عشان اعرف اتكلم براحتي معاكي
ليله…. قربت راسها علي كتفه و حضنت دراعه وهي بتضحك خلاص فهمت غلط
عشري…وايه الجديد يعني ابعدي يابت سيبي ايدي
ليله….لا مش هبعد رفعت راسها وبصت علي دراعه
عشري…بصلها خير
عسال…..تشربي ايه يا حبيبي
نادين…هشرب زيك
عسال….انا هشرب قهوه
نادين….لا مش عايزه قهوه خلاص اي حاجه
عسال…اجيبلك ايس كوفي انتي بتحبيه
نادين…..اوك
عسال….عشري انت وليله قهوه صح
عشري….اه
شاور عسال للويتر و قالوا علي الاورد و بعدين مشي
عشري…..ها قولي بتبصي كده ليه
ليله….بقولك ايه هو انت ممكن تتخانق مع حد.و تضربه
عشري…اشمعني
ليله….بابتسامه مفيش بس تخيلت حد خد ضربه بدراعك ده هيحصل فيه ايه
عشري….لا اطمني يا ست ليله انا مش بضرب حد و مش بلطجي زيك
ليله…..يعني لو حد استفزك في الشارع مثلا بتعمل ايه
عشري…عادي بتعامل
ليله…..بتتعامل ازاي مش فاهمه بتضربه يعني صح
عشري…..هو انتي ليه شيفاني ديماً من زاوية اني بلطجي بجد
ليله…..عشان شكلك بلطجي يا روحي و ده بجد مش بهزر
عشري….بضحك ايه الثقه دي
ليله…..بضحك ماهي دي الحقيقه عامل شبه الجاردات
عشري….حتي لو ده مش معناه اني ناشي افتري غلي خلق الله
ليله….طيب قولي بتتعامل ازاي
عشري…..بصي هو عموماً مش بتحصل ان حد يسافزني لان انا مستفز اصلاً و لو حسيت ان الشخص اللي قدامي قاصد يخليني استفز بيبقي امه دعياله لانه مش بيعرف بفهمه بسرعه و بكرهه في روحه
ليله…..طيب امته ممكن اللي قدامك يستفزك
عشري….بأبتسامه ايه عايزه الطريقه عشان تستفزيني
ليله…لا والله انا اقصد في الشارع مش في العموم يعني لو سايق مثلاً واتعرضت لاي موقف مستفز بتعمل ايه
عشري…بصي بمناسبة الشارع و السواقه دي حقيقه انا بتعرض لكمية استفزاز فظيعه و اكيد انتي عارفه مشاكل السواقه في العموم انا في حياتي عادي شخصيه صعب تستفزيها ولا يمكن استقوي علي اي خد اخر حاجه ممكن افكر فيها اني امد ايدي علي شخص بس في مره انا مسكت شاب طحنته لانه بجد مش بس استفزنيه خلاني وصلت لاحساس اني لو مضربتهوش هيجيلي جلطه
ليله…..بضحك اشمعني
عشري…..انا موتي و سمي ان حد يكون غلطان و يبجح يعني انت غلطت خلاص حط لسانك في بوئك و اسكت لكن تشوح بأيدك كمان يبقي انت كده حضرت عفاريتي في مره كنت نازل من علي كوبري و الطريق سريع و مفتوح نزلت من الكوبري كانت العربيات تحت كتير هديت شويه السرعه عشان اقف زيهم و فجأه معرفش ظهر الشاب ده منين بموتسيكل نازل من الكوبري و بنفس سرعته كمل سمعت صوت خبطه قويه في العربيه علي ما بصيت لنحته بيتحدف جنب عربيتي و عربية اللي جنبي من شدة الخبطه
طبعاً طنشت الخبطه و قولت فداه المهم اشوفه هو نزلت بسرعه و الناس بدأت تتلم و ده يقوم يزعق و يشوح بأيده و يغلط اتجننت وقتها مشوفتش قدامي و روحت عليه روقته مبقاش حد عارف يحوشوا مني يعني نازل بنفس السرعه و خابطني من وراء و شايف ان انا اللي غلطان و بيشوح في وشي
بس هي دي النره اللي مقدرتش امسك نفسي فيها بصراحه
ليله…..طب خرج سليم من تحت ايدك و لا الله يرحموا
عشري….لا كان ماشي عادي كنت حنين عليه
ليله….بضحك حنين اوي
اتصلت حنان علي سلامه تطمن و تشوف حصل ايه
قام عسال بهدوء و خرج علي بره فضل بكلمها شويه و يطمنها
نادين كانت باصه عليه من الزجاج
بصلها ميدو وشاورلها تيجي قامت بهدوء وخرجت علي بره وهي مش فاهمه اي حاجه
مدلها ايده مسكته و قربت منه
حط بسرعه الموبايل علي ودنها
عسال……تليفون عشانك
بصتلوا نادبن بصدمه و هزت راسها بمعني مين او في ايه
عسال…..قولي الو
نادين….بتوتر و ارتباك الووو
حنان….. ازيك يا نادين عامله ايه؟
نادين….اااا بخير الحمد لله مين معايا
حنان….بهدوء انا حنان مامت ميدو
بصت نادين بسرعه لميدو
ابتسم عسال و شاورلها تتكلم
مسكت في ايده بسرعه بتوتر
نادين….ااا اهلاً بحضرتك يا طنط
حنان…..اهلاً بيكي يا حبيبتي حمد لله علي سلامتك يارب تكوني بخير
نادين….الله يسلمك انا بخير الحمد لله
حنان…..طبعاً كان نفسي اتعرف عليكي في ظروف احسن من دي بس خير المهم اني كلمتك
نادين….بإرتباك شكراً انا اللي مبسوطه اني سمعت صوت حضرتك
حنان…..يا حبيبتي تسلمي يارب انا مش هطول عليكي بقي و هبقي اطمن عليكي تاني
نادين…..ميرسي لحضرتك بجد
حنان…..قوليلي يا نادين ينفع اخد رقمك من ميدو عشلن لو حبيت اكلمك
نادين….هاااا اه اه اكيد طبعاً
حنان….ماشي يا حبيبتي يلا خدي بالك من نفسك
نادين….حاضر.
حنان……مع السلامه
نادينن…..سلام
قفلت نادين الخط بسرعه و بصتلوا
نادين….ازاي تعمل فيا كده
عسال……ايه كانت عايزه تطمن عليكي
نادين…..قلبي كان هيقف بجد
عسال….بحب سلامة قلبك يا قلبي
نادين….علي فكره انت انهارده مش طبيعي و كل تصرفاتك غريبه
عسال…..بس بحبك
ابتسمت نادين بهدوء
نادين…..وانا بحبك بس اوعي تعمل فيا كده تاني
عسال……والله هفكر
بصتلوا نادين و ابتسموا الاتنين بهدوء و بعدين دخلوا علي جوه.
وللحديث بقيه
