ابن ليل

كرم….حتي لو كان غلطك مكانش مقصود اديكي اهو كل اللي حَلمتي بيه اتعمل عكسه لا بقينا في بيت واحد ولا بقينا عيله احنا بقينا اعداء

نبيله…..حقك عليا يا كرم 🥺

كرم…..ياريت الكلمه دي تشيل الوجع يا بلبله

نبيله….يعني مش هتسامحني يا كرم💔

كرم…..هنسامحك يا بلبله زي ما هنسامح امي و عبدالله و دره كمان بس عشان نسامحكم بنفس صادقه هناخد حقي منكم

نبيله….لسه هتنتقم يا كرم؟ 🥺💔

كرم…..عمري ضاع بسبب حقيقه الكل خباها عليا عارف ان انتي مقدرتيش تزعليني وعملتي كل ده بدافع الحب عارف ان امي خبت عليا عشان متوجعنيش بدافع الحب عارف ان عبدالله مقدرش يواجهني عشان خاف يخسرني بدافع الحب وعارف ان دره مقدرتش تيجي تقف قدامي وتقول اللي في قلبها بردوا بدافع الحب بس حبكم كان عامل زي الدبه اللي قتلت صاحبها وبيتهيألي لازم تدفعوا تمن حبكم اللي دمر حياتي 💔

نبيله…..انا بنحبك يا كرم 🥺💔

كرم…..وانا بحبك يا بلبله بس قلبي موجوع منك اوي

قفل كرم الخط من غير سلام بصت نبيله علي الموبايل بوجع وهي دموعها نازله

نبيله….حقك عليا يا كرم انا السبب في كل اللي حصل💔

رجع كرم علي المحل وكمل شغله في هدوء .

……………………

طلعت دعاء تطمن علي دره فتحتلها ديما

دعاء…..ازيك يا ديما

ديما….الحمد لله يا طنط دعاء اتفضلي

دعاء….هي دره فين

ديما….في اوضتها تعالي ادخليلها

دعاء….ماشي يا حبيبتي

راحت دعاء خبطت علي الباب وبعدين فتحت لقتها قاعده علي السرير ضامه رجليها لصدرها وساكته

دره….تعالي يا دعاء

دخلت دعاء وقفلت وراها الباب

دعاء…..عامله ايه انهارده؟

دره…..زي ما انتي شايفه هكون عامله ايه بس💔

دعاء……انتي عامله في روحك كده ليه يا دره ؟ انتي معملتيش حاجه غلط كان لازم ترتاحي وتريحي قولتهالك قبل كده لما كنا بنتكلم عاللي حصل بينك وبين اهلك ان القاعده دي اتأخرت كتير والوقت هنرجعوا نقولهالك تاني كلامك مع كرم اتأخر كتير وكده او كده كان لازم يحصل ويعرف الحقيقه

دره…..مكنتش عايزه نوجعه يا دعاء خصوصا بعد ما عرفت ان كرم بيحبني وانه اتسجن بدل اخويا وانه لسه متجوزش ولا عمل عيله وانه مكملش تعليمه كل دي اسباب كانت هتخليني منقولش الحقيقه بس مقدرتش يا دعاء لما سمعني الكلام اللي قاله مستحملتش لاقيت نفسي بنوجعه بطريقه اصعب نظره عينه والوجع اللي شوفته جواهم مش راضين يروحوا من بالي حاسه اني اتسرعت يا دعاء🥺