ابن ليل

نبيله…..عارفه ان اي حاجه ممكن اقولها مش هترجع اي حاجه راحت وعارفه انك زعلان مني ومش بعيد تقولي انك مش عايز تعرفني تاني ويمكن كمان تقولي انك عمرك ما هتسامحني💔🥺

كرم…..ومنسامحكيش ليه انتي عملتي ايه معايا يخلينا منسامحكيش غفلتيني عادي خبيتي عليا ان بنتك بتحب غيري بردوا عادي لبستيها دبلتي غصب عادي عيشتي معايا طول العمر ده وانتي شيفاني بنتقطع من جوايا وسَكتي بردوا عادي شوفتيني بنتغير يوم عن يوم والانتقام عاميني و وَقفتي تتفرجي عليا عادي مش هنسامحك ليه بقي ما كله عادي اهو وزي الفل💔

نبيله….بدموع بلاش تعمل فيا كده يا كرم🥺

كرم…..نعمل ايه ؟ انا عمري ما عملت فيكي حاجه وحشه طول عمري بعتبرك امي التانيه صاحبتي وسري الركن البعيد الهادي اللي كنا بنيجي نترمي فيه الحجر اللي كان بيساعني لما الدنيا تضيق بيا الحضن اللي كان بيخبيني جواه لما الوجع يشد عليا بس بعد كل ده اكتشف يا بلبله ان انتي اكتر حد كان سبب وجعي تفتكري عيزاني نعملوا ايه بعد كل ده💔 اقولك انا يابلبله مش هنعملوا حاجه وهنقول عادي زي ماقولنالك

نبيله…..انت عارف اني بحبك يا كرم وعارف ان عمري ما اتمنالك الوجع والاذيه عارفه اني غلطت بس وقتها يا كرم مكنتش عارفه اني بنغلط كنت بنعمل الصح مكنتش قادره نشوف دره مع حد غيرك كنت عارفه ان دره مش عارفه مصلحتها عشان انا اكتر واحده كنت عارفه انت بتحبها قد ايه

كرم…..مكانش مهم انتي تعرفي قد ما كان مهم ان هي تعرف وتحس عشان مهما كان حبك ليا في النهايه هي اللي كانت هتعيش وتكمل معايا .
العيشه والجواز يا بلبله مش بالغصب انتي غصبتي دره عليا ولو كنتي بتحبيني زي ما بتقولي مكنتش هونت عليكي احبها كل الحب ده وهي تكمل معايا غصب عنها

نبيله….استخسرتك في غيرها يا ولا🥺 غيرت عليك غيره ام لابنها مش شايفه مصلحته غير مع حته منها💔

كرم….واهي الحته اللي منك قلبها كان رافضني ولو كانت وقتها شيفاني ملاك بجناحات بردوا مكناش هنعجبوا عشان قلبها مع غيره واللي حتي لو كان شيطان هي مكانتش هتشوف ده.
عشان اللي بيحب مبيشوفش الوحش يا بلبله وحتي لو انتي كنتي شيفاني كلي مميزات بنتك مكانتش هتشوف ده لانها محبتنيش

نبيله….غلطت ايوه غلطت بس كل اللي يهمني انك تعرف اني غلطتي ده مكانش مقصود كان حب ليك وليها كنت بنحلم باليوم اللي نشوفكم فيه في بيت واحد واللي نبقي فيه عيله بجد