ابن ليل

كرم…..ولو فرضنا انك صح واني بكدب وان اللي في قلبي اكبر بكتير من وجع تقدر تقولي ايه هيتغير صدقني مفيش هفضل عايش بنفس الوجع وعمري ما هرتاح

بكر…..معاك حق واتمني يكون ده تفكيرك بس انت عايز تقنعني يا كرم ان الكلام اللي سمعته من دره موجعكش الحقيقه اللي عرفتها مأثرتش عليك انا مش عايز نضايقك يا صاحبي بس لو عايز تكمل حياتك وتعيش بجد زي ما بتقول لازم الاول تطلع كل اللي واجعك وتخرجه من قلبك عشان ترتاح بجد

كرم…..كلام دره موجعنيش يا بكر كلامها فوقني عرفني قد ايه انا كنت مغفل مهما كانت الحقيقه بتوجع بس كمان بتريح دره من غير ما تقصد داست علي قلبي ورجعت عيشته من تاني تفتكر ايه اللي يخليني افضل مضايق وموجوع زمان لما اتوجعت يا بكر كنت موجوع علي الحب كنت موجوع علي خطيبتي اللي شوفتها خاينه وبياعه اتوجعت من صاحب عمري و اتوجعت من العيله اللي كنت بعتبرها عيلتي التانيه مكنتش شايف قدامي غير انتقام . انتقام لكرامتي ورجولتي وقلبي انتقام لنظره كل بني ادم ليا سواء كانت معايا وبتشفق عليا او ضدي وشمتانه فيا بس الوقت تفتكر هتوجع ليه بعد ما عرفت ان دره مبتحبنيش ايه عايزني اكمل في اللي عشت فيه عشرين سنه طيب زمان كنت عايز ننتقم وانا من جوايا مصدق انها كانت بتحبني بس كنت عايز اعرف ليه عملت كده بس الوقت هي خلصت كل الحكايه وقالتلي انها مش بتحبني عايزني. ارجع ادوس علي كرامتي ورجولتي واروح انتقم من واحده مكانتش شيفاني خلصت يا صاحبي وحتي لو لسه موجوع بس لازم اعرف ان وجعي ده مبقاش له اي قيمه قولتلك يا بكر دره خلصت الحكايه وجابتها من جدرها💔

بكر…..يعني هتنسي كل حاجه يا صاحبي وهتبص لنفسك وتحاول تعوض عمرك اللي ضاع

كرم…..و تفتكر ايه اللي يمنعني يا بكر انا فعلا لازم اعمل كده كفايه اللي ضاع مني وكفايه لحد كده علي قلبي

بكر…..اتمني يا صاحبي من قلبي يكون التغيير ده حقيقي في صالحك وتفكر في نفسك شويه والاهم تفكر صح

كرم….اطمن يا بكر دره امبارح موتت كرم القديم وصحت جوايا كرم جديد خالص.

رن موبايل كرم طلعه من جيبه لمح اسم نبيله بص علي فوق لقاها واقفه في البلكونه وبصاله.

بكر…..ايه مش هترد ؟

كرم….بتنهيده ومردش ليه اكيد هرد خمسه وراجع

بكر…..تمام يا صاحبي

حرج كرم من المحل فتح الخط وهو ساكت ومشي كام خطوه علي اخر الشارع