ابن ليل

ابتسم زكريا وراح علي السفره.

……………….

نزلت دره البنات كانوا واقفين في مدخل البيت خرجوا مع بعض السواق كان واقف منتظرهم الدنيا كانت لسه هاديه ويادوب المحلات لسه هتبدأ تفتح كرم وبكر مكانوش لسه نزلوا ومحلاتهم كانت لسه مقفوله

ارتاحت شويه دره علي الاقل عشان ميلمحهاش بعد اللي حصل ركبت علي طول بعد ما ركبوا البنات واتحرك السواق

ومخدتش بالها من اللي واقف في البلكونه بيا نفس من سيجارته 🤨

……………

مرت الساعات بسرعه وقدرت دره تسجل اسامي ولادها في الجامعه بعد ما قدمت الورق ودفعت كل المطلوب منها وجابتلهم مواعيد المحاضرات وكل حاجه.

علي العصر رجعت في الطريق مع السواق هي والبنات لمحت دره البحر ابتسمت زي الاطفال وطلبت من السواق يوقف وبعدين قالتله يرجع هو وهي هتيجي وراه

بصلها السواق بقله حيله من غير ما ينطق

السواق….بس المعلم يعني قالي مرجعش غير معاكم

دره….متقلقش انا هنا اعرف اروح لوحدي وبعدين البيت مش بعيد شويه وهنكون وراك

هز السواق راسه وبعدين اتحرك وبسرعه طلع الموبايل كلم زكريا.

زكريا…..ايوه

السواق….يا معلم قولتلي افضل مع الست دره وبناتها عشان محدش يتعرضلهم بس ست دره طلبت مني ننزلها عند البحر وقالتلي هنرجعوا وراك وانا معرفتش نقولها حاجه

زكريا…..رفع عينه وبص علي كرم كان واقف يشتغل خلاص ارجع انت وهي الوقت ترجع

السواق…تمام يا معلم مع السلامه

قفل زكريا وفضل باصص علي كرم كان موصي السواق يفضل معاها كان قلقان كرم يعمل فيها حاجه ولما شافه واقف اطمن .

……………..

البنات كانوا مبسوطين بالبحر وفضلوا يتمشوا مع دره علي الكورنيش

دارين…..مكنتش اعرف ان اسكندريه حلوه اوي كده

دره….اسكندريه طول عمرها جميله❣️

دانه….مامي هو ينفع ننزل البحر عادي

دره….اكيد ينفع بس الوقت الجو برد والموج عالي مش هينفع ان شاء الله في الصيف هجيبكم

ديما….ان شاء الله❣️😍

فضلوا يتمشوا وبعدين وصلوا علي اول الشارع بتاعهم و فجأااااه😳

وللحديث بقيه….