ابن ليل

عبدالله….وانتي عايزه تقنعيني انك مبتحبيش كرم امال نظارتك وابتساماتك كل ده راح فين وفرحتك بدبلته وانتي بتلبسيها راح فين

دره…بنحبه زي اخويا قولتلك منقدرش نكشروا في وشه ولا نصده لانه عمره ما كان وحش معايا فرحتي مكانتش فرحه بس مكنتش نقدر نتكلم وقتها وانا قايله لامك من الاول ومن قبل ما نلبس الدبله بس خوفتني منك انت وابويا يا عبدالله عشان كده سَكت وقولت مش هنبطلوا نقنعوها بس لما ملاقتش حل قولت نجيلك ويحصل اللي يحصل انت عمرك ما هتأذيني يا اخويا🥺 بس لازم تعرف حاجه مهمه كرم كمان مبيحبنيش يا اخويا انا بالنسباله زي مها بس هو غيري مفيش حاجه في حياته غير دراسته والطب وحلمه انه يكون دكتور فا عادي بقي يتجوز دره يتجوز غيرها مش هتفرق
لكن انا غيره يا عبدالله انا بنحب وقلبي مع حد تاني

عبدالله….كرم مش بيحبك؟؟ ليه البعيده مبتشوفش🤨 ده بيعشق التراب اللي بتمشي عليه

دره…..مين اللي قااااال انتوا بس عشان بتحبوا مش قادرين تشوفوا غير الحدوته دي لا انا بحبه ولا هو بيحبني احنا اخوات بس كرم مس هيقدر يقول كده لاني قولتلك مش فارق معاه انا بالنسباله هبقي شريكه حياه مناسبه لكن انا لا🥺

عبدالله…..بصي يا دره انا عشان بنحبك وانتي عارفه انتي بالنسبالي ايه هنعتبر روحي مسمعتش واعملي حسابك اي مشوار هتروحي او تيجي منه انا هنبقي معاكي ورجلي علي رجلك مفهوم 😡

دره….وانا مس هنبطل كلام يا عبدالله وهنفضلوا وراك انت وامي ولو حكمت هندخل ابويا ونحكيله 💔

رجع عبدالله من ذكرياته وهو باصص للسقف وخارجه منه تنهيده حزن

عبدالله….يارتنا كنا خدنا كلامك بجد يا دره لا كنتي انتي اتوجعتي ولا وجعت صاحب عمري و خسرته💔

…………………..

اما عند نجوي الوضع مكانش يختلف كتير عندها هي كمان كانت غرقانه في ذكرايتها و كأن رجوع دره صحي جواهم الماضي من جديد.

نجوي…..يعني ايه يا دره يكونش الولا كرم زعلك عشان كده جايه تقولي الكلام ده

دره…ابداً والله يا نوجا ده كرم ده طيب وغلبان ومحترم و انتي عارفه انه غالي عندي

نجوي….غالي عندك يعني بتحبيه ولا ايه🤔

دره….افهميني يا نوجا بنحبه مش هننكر بس زي عبدالله مش عارفه نحبه حب ست لراجل ولا كرم كمان بيحبني

نجوي….مين قالك يا نبيله كرم بيحبك ولو مكانش رايدك مكانش وافق