تعاهدنا

يرتاح أرجوكم كفايه كلام في الموضوع ده عشان

ما يتعبش اكتر .

حسن…ادم معاه حق اقفلو الكلام في الموضوع ده

خالص ومش عايز اي حد يفتحه تاني

ادهم….. سيبوني لوحدي من فضلكم

رقيه…..لا انا هفضل معاك مش هقدر اسيبك وانت

تعبان بالشكل ده

أدهم…ارجوكي يا امي سبيني لوحدي من فضلك

لو بتحبيني بجد محتاج اكون لوحدي

حسن…يلا يا رقيه اسمعي الكلام وأخرجوا و

سيبوه شويه لوحده. خرجوا كلهم وسابوه

فضل حسن واقف بص لأدهم وكمل كلام

طول عمري عارف انك قوي وثابت

و بتعدي اي موقف بحكمه وعقل بس مش

معني كده ان الانهيار اللي حصل جواك ده

حاجه وحشه او تعيبك بالعكس انا عارف انها

هتفوقك و هترجع اقوي واحسن بكتير من الاول

عارف ان الموقف الانت بتمر بيه حاليا صعب

ومش هيعدي بسهوله عليك بس عشان خاطري

يا ادهم حاول تعديه بسرعه لاني معنديش أستعداد

أخسرك انت وادم رصيدي من الدنيا اللي عملت

كل حاجه عشانه كبرتكم عشان تكونوا سندي

ومينفعش ضلع من ضلوعي يكون هش وضعيف

ادهم…بحزن اطمن يا بابا انا بخير

حسن…انت مش بخير بس هتبقي بخير انا واثق

ابتسم حسن بحزن وخرج و سابه يرتاح

………………………….

طلعت سهام تطمن علي عهد تقريبا من وقت خروج

عاصم واهله وانهيارها بعد خروج ادهم وهما تقريبا

متكلموش ولا مره حتي بعد صراخها وانهيارها

مقدرتش تطلعلها ولا قدرت تواجهها

واليوم كله من بدايه ما ادهم ورقيه وحسن جم

وهي متعرفش عنها حاجه حتي الاكل مش بتاكل

طلعت سهام خبطت وفتحت الباب لقت عهد

واقفه قدام الشباك وسانده ايدها الاتنين عليه

وثابته مش بتتحرك.

سهام…عهد عهد ردي عليا يا حبيبتي

انزلي عشان تاكلي انتي من امبارح من وقت الفطار

مكلتيش اي حاجه.

عهد…بجمود مش عايزه

سهام…هتغضبي علي الاكل يا عهد طيب الاكل والشرب

ملهمش علاقه بالزعل انزلي يلا كلي

عهد…هتأكليني بالعافيه برضوا ايه كل حاجه بقت

بالاجبار

سهام…لا ياعهد مفيش إجبار بس كنان مش هسيبك

لحد ما يجرالك حاجه

عهد…فيكي الخير اطمني انا كويسه

سهام….بلاش طريقتك دي يا عهد

عهد…قوليلي علي الطريقه اللي تعجبك عشان

اتكلم بيها

سهام…انتي عمرك ما اتكلمتي معايا بالأسلوب

ده يا عهد.

عهد…عادي بقي في حجات كتير كنا بنتخيل ان

عمرها ما تحصل واهي حصلت

سهام…ممكن اعرف انتي بتحاسبيني علي ايه

كل ده عشان خايفه علي مصلحتك