تعاهدنا

ادهم….سهام حكمت علي قلوبنا ياعهد خلاص ومبقاش

في قدامنا لي حل غير يا تيجي معايا ومع الوقت

هي هتنسي وتسامح او تسمعي كلامها يا عهد

عهد وانا مش قادره اعمل حاجه من دول انا بيحصل

فيا ليه كده يا ادهم..

ادهم…انزلي ياعهد ارجوكي هقفل الوقت ولما اوصل

تكوني فكرتي سلام يا عهد..
……………………………………..

قام أدهم مسك شنطه سفر وبدأ يحط فيها كام

غيار و حجات بسيطه هيحتاجها وغير هدومه

وخرج من الاوضه وهو بيحاول يسحب الشنطه

بايده السليمه وينزلها من علي الدرج..

اول ما ادم شافه قام جري عليه خدها منها.
ادم…انت رايح فين

ادهم…مسافر يا ادم

ادم…مسافر ليه انت راجع بره تاني

رقيه جات عليه وهي مصدومه مسافر تاني يا ادهم

ادهم…لا يا امي متخافيش انا هبعد بس فتره ارتاح

رقيه…طيب هتروح فين عرفني عشان خاطري

ادهم…صدقيني لسه معرفش بس جوه مصر

متقلقيش

حسن…طيب كنت استنيت يا حبيبي لحد ما ايدك

تتحسن شويه.

ادهم…صدقني انا كويس متقلقش انا بس محتاج ابعد

عشان اقدر اتحسن

حسن…روح يا ابني بس طمني عليك وبلاش تقفل

موبايلك يا ادهم.

أدعم…حاضر اشوف وشكم بخير.

سلم عليهم كلهم وفضلت رقيه تعيط في حضنه

انا ساره كانت مبسوطه انها قدرت في يومين بس تبعد

ادهم وعهد عن بعض واخيرا شافت في عيون ادهم

اللي كانت عايزه تشوفه وهو الوجع و الكسره.💔

خرج ادهم ركب عربيته ومشي بعد ما رفض ان ادم

يروح معاه.. وثواني ووقف ادهم بعربيته قدام الڤيلا

بتاعت عهد…المطر بينزل بعنف صوت الرعد بيسمع

في السما كلها ونور البرق بينور المكان لمده اقل من الثانيه

وعهد واقفه في الشباك خيالها ظاهر من بعيد تشبه

المساجين…بمجرد ما لمحها من بعيد خانته دمعه سريعه

نزلت من عينه…رفع موبايله و كلمها .

ادهم….انا لسه عندي امل يا عهد لسه جوايا جزء بسيط

مش عايزه افقده أنزلي يا عهد . انزلي و اوعدك عمري ما

هخليكي تندمي طول حياتك هعمل كل حاجه عشانك

بس أرجوكي انزلي انا مستني يا عهد..

عهد…اخيرا قررت انها تسمع كلامي استناني يا ادهم

ادهم بسعاده لا توصف ابتسم مستنيكي يا قلب ادهم

جريت عهد بسرعه فتحت الباب ونزلت جري علي الدرج

بتسابق الزمن وقبل ما تفتح الباب.

سهام…علي فين يا عهد

وقفت عهد بفزع ولفت وشها لقت سهام قاعده في مكان

جانبي في الظلام.