تعاهدنا

عهد…بدموع رايحه لادهم يا مامي سامحيني مش هقدر

اعمل اللي انتي عيزاه

سهام…هتعصيني يا عهد.

عهد…صدقيني مقدرش انتي عارفه انك عمري كله وحياتي

اللي مقدرش اعيش من غيرها بس كمان غصب عني

ده ادهم يا مامي.

سهام…لو خطيتي بره عتبه الباب ده لا انتي بنتي ولا اعرفك

حتي البيت ده هبيعه و همشي ومش هتعرفي توصليلي

طول عمرك. وهغضب عليكي

عهد…بدموع بلاش يا مامي ارجوكي متعمليش معايا كده

سهام…اطلعي علي اوضتك يا عهد.

عهد…بدموع مش هقدر

سهام…هتقدري وهتنفذي

عهد…عشان خاطري يا مامي انا حاسه اني معرفكيش

انتي ازاي بتعملي كده.

سهام….عهددددد

عهد…طيب اسلم عليه أدهم سايب الدنيا ومسافر بسببك

سهام…قولتلك علي اوضتك .

عهد…انا بكرهك اوي يا مامي صدقيني اول مره في حياتي

اتمني اني مبقاش بنتك ذنبي في رقبتك انا وادهم

انا هطلع اقوله اني خلاص مش هقدر اخرج بس من اللحظه

دي زي ما خرجتي ادهم من حياتي انتي كمان هتخرجي

منها و انسي ان اتجوز عاصم .

جريت عهد علي فوق وهي دموعها نازله.

ودموع سهام بتسبقها هي كمان .

دقايق مرت بعد ما عهد بلغت أدهم بقرارها الاخير

مشي ادهم بعربيته بأقصي سرعه فضلت عهد تبص علي

عربيته وهو بيبعد و تفتكر كلامه.

ادهم….كنت واثق انك مش هتقدري تسبيني ياعهد

مكنتش عايز أضغط عليكي واخليكي تختاري بس

انا كمان مكانش عندي حل انا موافق يا عهد انك

تختاريها هي بس كمان مش هزعل منك واقول

خلاص كل واحد راح لحاله هفضل أحاول يا عهد

لاخر نفس فيا ومش هسيبك لراجل تاني غيري

ولسه عندي امل انك تكلميني وتقوليلي انك جيالي

وانا وقتها هكون اسعد حد في الدنيا.

طريق جديد ورحله جديده هروحها برجلي

مكنتش عامل حسابهم اوي معرفش الدنيا هتاخدني

لفين وهتوديني فين بس محدش بيهرب من طريق

اتكتب عليه .💔

سلام يا عهد سلام يا اجمل حاجه حصلت في حياتي.

انهارت عهد وهي بتفتكر كلامه وشايفه العربيه خلاص

بتختفي من قدامها.

………………………..
طريق ورحله جديده ميعرفش ادهم الدنيا مخبياله

ايه لسه .💔

وللحديث بقيه مع رحله جديده من العذاب