لقاء كارثي

لقاء كارثي أميره أسامه صاحبة البطل الواحد . البارت المئه 150. ............................. وصل فضل عند نعيمه خبط و استني ثواني مردتش ولا كان سامع خطوات رجليها خبط تاني و سمع صوتها جاي من بعيد نعيمه.....مييييييين فضل.....ابتسم و ضيف بين حاجبه افتحي انا نعيمه....فضل استني فضل....في ايه ؟ انتي كويسه؟ نعيمه.....كويسه استني بس فضل....طيب سكت فضل و فكر ان هي ممكن تكون بتغير بتلبس بتظبط شكلها اكتر من نص دقيقه بعدين دقيقه دقيقتين وهي واقفه فوق الكرسي و مكسوفه تعرفوا بس كل ما تحاول تنزل من جنب القطه تلفلها تبعد تاني و تتحرك من كرسي لكسري و كأن القطه حالفه ما تسيبها في حالها خبط تاني نعيمه.....هفتح يا فضل حاضر فضل....في ايه ؟ صرخت صرخه بسيطه فضل....خبط تاني نعيمه انتي كويسه؟ نعيمه....كويسه كويسه هفتح لحظه طلع الموبايل من جيبه و اتصل عليها ڤديو كول ثواني واتنقلت تاني علي الكراسي راحت علي الكنبه و مدت ايدها علي التربيزه خدت الموبايل و فتحت الخط لمحها فوق الكنبه فا ابتسم غصب عنه فضل ...فكرتك بتغيري الاول بس شكيت ان القطه هي اللي مأدباكي كده نعيمه.....مش عارفه انزل فضل....بضحك احسن خليكي متذنبه نعيمه.....هو انت فرحان فيا؟ فضل......بضحك اه احسن انا حبيت القطه دي عشان بتاخد حقي نعيمه....علي فكره بقي انا وهي صحاب و مبقتش اخاف منها فا خليك في خالك و متحطش نفسك معانا فضل....حلو لو جدعه امسكيها الوقت حالا وانتي معايا كده حطيها في البوكس بتاعها نعيمه...عادي علي فكره بس ااااا يعني هي كانت لسه واكله و لو مسكتها بطنها هتوجعها فضل....لا متتلككيش بيتمسكوا عادي اقولك بلاش تمسكيها انزلي طبطبي عليها او بلاش تطبطبي انزلي تعالي افتحي نعيمه.....هو انت بتدخل ليه بيني و بين القطه بتاعتي اصلا فضل.....بضحك طب خلاص يا ستي اشبعوا ببعض هتفتحيلي بقي ولا اسيبكم تقعدوا قاعده هاديه انتي وهي نعيمه....لا متمشيش استني فضل....طب يلا افتحي ولا هفضل اكلمك من بره نعيمه....ما انا عايزه اجي افتح بس فضل....بس ايه عايزه تاخدي منها الاذن نعيمه......ببراءه فضل انا خايفه منها ضحك و هز راسه شمال و يمين و كان عارف انها خايفه اصلا نعيمه.....عماله تبصلي و رايحه جايه ورايا و انا بتحرك علي الكراسي فضل.....بضحكه تجنن طيب متخافيش وانزلي بهدوء هي فكراكي بتلعبي معاها علي فكره نعيمه....عينها تخوف يا فضل و شكلها عايزه تعضني فضل.....دي عينها جميله ماشاء الله و بعدين هي مش عايزه تعضك اولا لانها صغيره ثانيا هي علي فكره زهقانه القطط دي بتحب اللعب و انتي مش بتلاعبيها عشان بتخافي منها نعيمه.....ماهو انا بلاعبها من بعيد باللعب اللي جيبتهالها بس اكتر من كده مش هقدر فضل....طيب متخافيش و بصي اباول انزلي اقعدي عادي علي الكنبه و بعدين قومي بهدوء و اتحركي بهدوء لانك لو جريتي هتجري وراكي و طول ما انتي بتطنطتي زي القرود علي الكراسي كده هي فكراكي بتلعبي معاها نعيمه....ايه ده استني دي مشيت فضل.....راحت فين نعيمه.....بضحكه عبيطه شكلها جايه تفتحلك الباب فضل.....بضحك و همس يابنت المجانين يابنتي اخلصي هفضل واقف كده علي الباب وقتك بيخلص نعيمه....يا فضل ما تستني ثواني و ايه وقتك هيخلص دي انت حاجز تذكرتين سينيما فضل....بضحك طيب انا هسكت نعيمه....استني شكلها راحت التويلت نزلت بهدوء تبص عليها زي الحراميه لقتها دخلت التويلت فعلا جريت بسرعه فتحت الباب لفضل و سابته و راحت بسرعه قعدت علي الكنبه بركبها وهي بتشب و تشوف القطه فضل.....بضحك و بعدين بقي مع التخلف العقلي ده مردتش عليه و عينها كانت علي القطه دخل فضل و قفل الباب وراه بص علي القطه و بعدين بصاها وهو بيضحك و بيقرب منها فضل....علي فكره انتي مسلمتيش عليا نعيمه.....احمد ربنا اني فتحتلك لو كانت شافتني كانت جريت ورايا فضل...ليه طيب ماهي عاقله ايه و محترمه نعيمه....مع الكل الا انا تلمحني بس و ترجي ورايا فضل.....بضحك عشان انتي اللي بتجري مد ايده ليها اول ما اقرب ابتسمت بهدوء و مدت ايدها ليه و هي قاعده علي ركبها كده فضل....ايه الاخبار نعيمه...اااا تمام اقعد فضل....طيب وانتي هتفضلي قاعده علي ركبك كده انزلي نعيمه....انزل ايه دي جات تاني بقولك ايه روح حطها في البوكس شويه عشان هتروشني و عشان اعملك قهوه فضل.....انا هروح اجيبها و احطها في صدرك نعيمه......فضل متهرجش ولا دي انا ام*وت فيها فضل....ولا هيحصلك حاجه عشان انتي جبانه و مخوفه نفسك نعيمه....لا انا عارفه نفسي والله همو*ت فيها قوم بقي شيلها قام تاني مسك القطه و قرب البوكس حطها فيه فضل.....حلو كده نبطل جنان بقي نعيمه....بابتسامه اه حلو كده فضل....انا بس عايز افهم انتي هتفضلي كده ادام مش عارفه تتعاملي معاها مشيها نعيمه.....حرام و بعدين اتعودت عليها بتسليني فضل..... بابتسامه فين التسليه في النط عالكراسي تسليكي دي تتقال لما تبقي بتلعبي معاها بتتحركي وهي بتتحرك جنبك تقعدي علي كنبه ولا كرسي ولا حتي سرير وهي نايمه في حضنك هي دي التسليه اللي اعرفها انما الهبل ده مش تسليه انتي بتخوفي نفسك وبتقلي راحتك و بعدين افرضي وانتي بتتحركي اتخبطتي وقعتي انا لسه سامعك بتصرخي نعيمه....بضحك وانا بنط من المرسي ده لده كانت بتحاول تنط و تمسكني فضل....ياستي هي فكراكي بتلعبي معاها نعيمه.....طيب خلاص سيبك من القطه انت شيلتها الحمد لله قولي بقي تشرب ايه ولا جعان فضل....لا مش جعان انا عايز بس طفايه و عايز قهوه نعيمه....اوك حالا راحت نعيمه علي المطبخ وقرب فضل تاني من القطه لمحتوا نعيمه وهو قاعد بنص ركبه و ماسك البوكس نعيمه.....بخوف فضل اوعي تكون بتخرجها فضل.....مش بخرجها بس ضفرها شابك في الفتحات دي حرام بعدلها نعيمه....اوك اوعي تفكها والنبي فضل....قولت متخافيش بقي مسك فضل البوكس و قام حطه علي التربيزه فكه و عدلها و بعدين قفل عليها تاني و بقي عمال يلاعبها وهي جوه البوكس فضل....من بعيد سمتيها ولا لا نعيمه....بصتلوا من بعيد وابتسمت لا مش عارفه اسميها ايه و اصلا نسيت موضوع الاسم ده عندك اسم فضل...بص للقطه و ابتسم سميها كاندي شكلها عامل شبه الكاندي ملونه وجميله نعيمه....بابتسامه حلو كاندي ماشي ابتسم فضل بهدوء و رجع لعب مع القطه دقايق بسيطه وقربت نعيمه بالقهوه ووقفت فضل....هاتي و تعلي اقعدي نعيمه...طيب مشيها فضل....سيبيها متخافيش انا قافل عليها والاه اهو اقعدي بقي نعيمه.....اوك بس خلي بالك الشعر بتاعها يطير علي القهوه فضل....لا متقلقيش هي بعيد و قاعده هاديه اهي و الله شكلها هي اللي خايفه منك نعيمه....والله مش بخوفها خالص سكتوا ثواني و هما باصين علي القطه و بعدين طلع فضل سيجاره ولعها و مد كفه بعد القطه في اخر التربيزه و بص لنعيمه و مد كفه بصتلوا نعيمه باستغراب ابتسمت و مدت ايدها... فضل......بابتسامه محمد فضل 36 سنه و داخل علي 37 بكاليريوس تجاره الاصل من شمال سيناء بس عايش في القاهره من سنين كتير غالباً ثلاث ارباع عمري هنا ضحكت نعيمه بكسوف و حطت كفها التاني علي وشها شويه ابتسم فضل و فضل ماسك في كفها شويه وكمل. فضل...ااا يعني رجل اعمال مش كبير اوي و مش علي قدي كمان اهلي بيشتغلوا في مجال الكافيهات والمطاعم في القاهره وفي سيناء و في شرم و ليا مشاريع خاصه كمان مع اسخاص كتير و ليا مشروعي الخاص او تقدري تقولي كده حلم بسيط كبر معايا ورشه بيتم فيها اعاده تصنيع السيارات بس بتقنيات مختلفه تركيب و تجديد و جزء فني كده يعني العربيه اللي بتطلع من تحت ايدي مفيش اختها في العالم لانها مجمعه من عربيات كتير اوي و اكيد لما نتعرف علي بعض اكتر هفهمك نعيمه.....كانت عماله تضحك و وشها احمر و متوتره و مكسوفه و مستغربه الهبل اللي بيعملوا فضل.... بابتسامه رفع حاجبه ايه في حاجه تضحك نعيمه....بضحك لا خالص فضل....طيب يلا نعيمه....يلا ايه فضل....عرفيني علي نفسك نعيمه....بضحك فضل انت بتتكلم جد فضل.....بابتسامه فضل ده ابويا انا اسمي محمد نعيمه....بضحك ايون بس انا اتعودت علي فضل فضل....بابتسامه حضرتك اتعودتي امته انا لسه بتعرف عليكي اول مره فضلت نعيمه تضحك و هو مبتسم و باصصلها بحب نعيمه.....انت عايز ايه الوقت فضل....عايز اتعرف يلا نعيمه....طيب انا اسمي نعيمه و عندي 34 و شهر سته هبقي 35 و بس فضل.....بس كده ده ايه السيره الذاتيه التافهه دي رنه نعيمه الضحكه غصب عنها ضحك فضل و حط ايده علي بوئها بسرعه فضل.....بضحك لا لا انتي كده بتطفشي عريس طول بعرض و ابن ناس و زي القمر حضرتك انا من عيله محافظه و ضحكت الرقاصين دي متمشيش معايا نعيمه....بضحك والله انت اللي ضحكتني و انا بعرفك علي نفسي فضل.....يعني دي غلطتي نعيمه....اه طبعاً وعلي فكره انا لسه مكملتش فضل....طيب انا اسف و بعتذر عن المقاطعه اتفضلي كملي نعيمه....بضحك بقولك ايه انا مليش في شغل الجنان ده و مش عارفه اقول ايه فضل....بضحكه جميله مس عارفه تعرفيني علي نفسك نعيمه.... لا مش عارفه انت عارف فضل....عارف ايه انا لسه بتعرف والله طيب ايه رايك اسألك نعيمه...بابتسامه امممم اوك اسال فضل.....عندك اخوات نعيمه....بضحك اه اتنين و لد وبنت نسمه و نادر انا الكبيره فضل.....حلو عليشين فين نعيمه....بضحك في بيتنا فضل....امال ده بيت مين نعيمه....ده بيتي انا وصاحبتي اسمها ليله تعرفها فضل....بابتسامه لا مخدش بالي نعيمه....بضحك و همس مسموع دي لو سمعتك هتنفخك فضل.....بضحك خلينا هنا من فضلك يا انسه قوليلي بقي ارتبطي قبل كده نعيمه....بابتسامه ااا اه ارتبطت بس زمان اوي اتخطبت و سيبته فضل...امممم وسيبتيه ليه بقي نعيمه....يعني متفقناش مع بعض و شخصيته مكانتش عجباني مامته كانت هي المسيطره يعني فضل.....ااه حلو و ارتبطتي تاني نعيمه.... بابتسامه رفعت حاجبها لا مرتبطش خالص مسكها من قفاها بغيظ فضل....وحياااااة امك ايه منتچتي بسرعه كده نعيمه.....بضحكه عاليه الله انت عايز بالظبط مش قولت بنتعرف فضل...اه بنتعرف بس كان في علاقه يعني تتحسب نعيمه.....بضحك طب انا ايش عرفني يعني فكرتك مش عايزني اقولها خلاص يا سيدي اه اتربتط و اتخطبت فضل.....اه حلو و سيبتوا بعض ليه نعيمه.....بابتسمه اتحولت لضحكه لاهو انا اللي سيبت فضل......بغيظ رفع حاجبه و ضحك بصي اظبطي و دي بالذات تمنتچيها بدل و اللي يعز و يذل هحط القطه في صدرك نعيمه.....برنه ضحكه طب ارضيك ازاي اقول ولا مقولش فضل...بضحك وطي صوت ضحكتك وقولي بس حسسي عالكلام عشان انا خلقي ضيق هااا نعيمه.....بضحك اااااه طيب سيبنا بعض ليه اممم يعني ممكن تقول نصيب فضل....بصلها بهدوء نصيب ازاي قوليلي يعني كان في عيوب زي الاولاني نعيمه....بتنهيده و ابتسامه هاديه خالص مكانش في عيوب فضل....بس مفيش بني ادم كامل نعيمه....صح و يمكن هو مكانش كامل بس عيوبه كانت اقل من مميزاته فضل....ازاي ؟! نعيمه.....اااا يعني احممم يمكن كان عندي مشكله في عيب واحد عنده و يمكن كمان بسبب العيب ده اتشجعت اني اخد الخطوه بس لما بعدت حسيت اني مكانش ينفع اعمل كده فضل....وايه بقي هو العيب ده نعيمه.....ااا اقول فضل....طبعا قولي انا بتعرف علي خطيبك القديم يمكن اكتشف من خلال معرفتي بيه ايه اللي كان بيضايقك منه عشان ابقي عارف طبعك و لو يعني اتعرفنا وبقي لينا نصيب معملش زيه ولا زي الاول نعيمه.... بابتسامه تجنن بص هو كان يجنن في كل حاجه بس كان تقيل اوي فضل...تقيل ازاي ؟ نعيمه...يعني مشاعره كانت مش بتظهر ديما ممكن كامت بتظهر في موقف في خوف عليا من حاجه انما في العادي الحياه بينا كانت هاديه اوي كنت فكراه بخيل شويه في مشاعره بصلها ورفع حاجبه نعيمه....بضحك ايه اكمل ولا ايه فضل....بضحك لا لا كملي ملكيش دعوه بريأكشن وشي خالص وده لمصلحتك ضحكت نعيمه و كملت نعيمه.....بس فا بعدت عنه و انا حاسه ان ده الصح يعني كنت بقول لنفسي هو بارد مغرور مش بيعبر عن مشاعره مش بيحبك فضل....ااااه و اكتشفتي ايه بقي؟ نعيمه.....اكتشفت اني كنت عبيطه وانه كان بيحبني و اكتشفت اكتر كمان ان انا مش قادره استغني عنه او ابعد عنه بس كان الوقت فات ضاع من ايدي فضل....وانتي ايش عرفك انه ضاع مش يمكن مضاعش ولا حاجه نعيمه....ممكن و عشان كده انا مش هقدر اديك كلمه مش جايز اقدر ارجعلوا تاني فضل....بابتسامه صح ممكن برضو نعيمه...طيب قولي بقي انت كمان كنت مرتبط فضل......اه نعيمه.....بكام واحده ؟ ضيق عينه و عمل نفسه بيعد علي صوابعه بصلها لقاها رافعه حاجبها نعيمه....خير هما كتير انت عديت اربعه لحد الوقت فضل....اه دي حقيقه بس هي كانت بالاربعه ابتسمت بهدوء و بصت بعيد عنه فضل.....ده بجد مش بهزر نعيمه....يعني ايه بالاربعه فضل....يعني كانت تغني عن اي ست زياده في حياتي هي دخلت خدت مكان اي ست قلبي مشافش غيرها بس للاسف هي كانت هبله و عبيطه و متخلفه و غبيه و حسبتها غلط نعيمه....كشرت ورفعت حاجبها ده ليه بقي فضل.....عشان غالباً مخدتش بالها من حبي ليها محستش بكل مشاعري تجاهها جايز تكون غلطه مني بس كمان هي كانت عارفه اني بحبها الحب عندي كان افعال اكتر بس تقريباً برضوا هي كانت عايزه تسمع نعيمه......بابتسامه طيب ماعندها حق اكيد الافعال حلوه بس كمان الكلام حلو برضوا فضل....ادينا بنتعلم اهو يلا الله يسهل عليها حياتها نعيمه.....بابتسامه يارب هي و خطيبي فضل....يارب ولاد حلال و يستاهلوا نعيمه.....طيب قولي بقي في اي حاجه عايز تعرفها عني فضل.....اممم لحد الوقت بيتهيألي كويس كده نعيمه.....افهم من كده اننا لسه هنكمل تعارف فضل ...بابتسامه اه مستعجله ولا ايه ؟ نعيمه....بضحك انا لا يا حبيبي يارب تقعد سنه فضل.....ماشي هنشوف قوليلي بقي عملتوا ايه انهارده انتي والبنات نعيمه....تمام الحمد لله اشترينا حجات كتير و تقريباً خلصنا اللبس بتاعهم كله و طبعاً جننوا ليله يا عيني و اليوم كله كان ضحك علي قد التعب اللي تعيبناه بس كان يوم يجنن بجد فضل..... بابتسامه الحمد لله عقبالك نعيمه....بابتسامه عقبالك انت كمان فضل....دعواتك نعيمه......ربنا يرزقك ببنت الحلال فضل....بس تكون عاقله و ذكيه كده متبقاش غبيه نعيمه.....بضحك قصدك ايه فضل....بضحك عادي يعني مجرد امنيات نعيمه.....والله ترضي بقي بنصيبك زي ما هو لو مش عاجبك متتجوزش فضل...انتي شايفه كده نعيمه....اه ما انت عايز عروسه تفصيل فضل......بضحك ليه بس ما انا قاعده اهو قدام عروسه شكلها ربنا هاديها و شكل كده الموضوع هيروح في الجد نعيمه.... بابتسامه انت شايف كده فضل.....قوليلي انتي ايه رايك شايفه ايه كلميني كده عن رايك فيا بما اني عريس لسه بتعرف عليكي نعيمه.... بابتسامه اممم يعني مبدأياً حلو فضل....شكل ولا مضمون نعيمه....الاتنين فضل....غمزلها في قبول يعني نعيمه..... بابتسامه احراج اااا معرفش لسه و بعدين قول انت الاول المفروض انت الراجل في قبول فضل.....اممم صراحه نعيمه...اه فضل....في قبول و شكلي كده هقرأ الفاتحه قريب نعيمه.....ربنا معاك فضل....بابتسامه طيب بعيداً عن الهزار بقي انا نسيت اقولك اني مبسوط انك رجعتي الشغل تاني مع نادين بجد يعني كده احسن نعيمه...اه ما انا قولت انزل بقي و بعدين مش في اي حاجه تتعمل و كمان الكل مشغول الفتره دي فضل....لا كده تحسن بس انتي ناويه علي ايه الفتره الجايه و بعدين ايه حوار الاقامه دي انتي ناويه ترجعي تاني نعيمه.....بضت علي كفها و بعدين بصتلوا بهدوء ااا لا هو انا عملتها عشان لما اقعد اكون براحتي و بعدين بصراحه يعني كنت خايفه اني انزل ملاقيش مكان وسطكم فضل....يعني ايه متلاقيش مكان وسطنا نعيمه.....كنت خايفه يا فضل من رجوعي عارفه انكم كنتوا زعلانين و كنت حاسه اني بوظت الدنيا و ممكن مقدرش اكمل فا قررت اعملها عشان لو اتاكدت من احساسي ده ارجع تاني فضل.....و احساسك بيقولك ايه بقي نعيمه....بابتسامه طلع غلط يعني الحقيقه ان اي حد زعلتوا سامحني من قلبه بجد الا شخص واحد مش عارفه احد الوقت هو سامحني ولا لا ولا يمكن بيحاول خايفه يكون بيحاول و هو من جواه مش قادر و دي بالنسبالي هتبقي كبيره اوي و وقتها مش هستني هنا لحظه فضل......بهدوء متسافريش يا نعيمه اوعي تعملي كده خليكي نعيمه....بنظره تأثر فضل ممكن اسألك سؤال فضل.....اكيد نعيمه.....انت حاسس انك قادر تسامحني ولا مش عارف بصلها شويه و فضل ساكت و هي فضلت بصاله لحد ما حست بخيبه امل كأنه بيحاول يوصلها شعوره انه مش قادر لسه يسامح و في نفس الوقت مش حابب ينطقها و يزعلها بعدت عينها عنه بهدوء و عدلت قعدتها و بصت قدامها قرب منها فضل و رفع كفه حط شعرها وراء ودنها بصتلوا بهدوء فضل....بابتسامه هاديه و نظره تجنن ازعل منك و اتوجع جايز بس قلبي يقفل منك لدرجة اني مسامحكيش مستحيل يا نعيمه حتي لو قولتها مينفعش تصدقيها نعيمه....بابتسامه يعني بجد انت سامحتني؟ فضل.....انا مسامحك حتي لما نطقتها يا نعيمه لساني قالها ممكن بس قلبي لا ؟ نعيمه.....بصتلوا بتأثر و مسكت كفه فضل انا بحبك اوي عشان خاطري اوعي تزعل مني و لا تبعد عني ولا تسمع كلامي فضل انا مجنونه و معترفه بغلطي و معترفه اني بعك الدنيا و معترفه اني زعلتك اوي و جرحتك بس والله العظيم انا بحبك مكانش ينفع اعمل كده معاك بس اعتبرني عيله صغيره و غلطت و مش هعمل اي حاجه تاني في حياتي تزعلك انا كنت غبيه و عقلي كان غبي بس اللي لازم تتاكد منه اني مش بشوف راجل غيرك في حياتي و لا بشوف ان في راجل في الدنيا ينفع اكون معاه غيرك انا بحبك و مش عبزاك تبعد عني فضل.....بنظره حب تجنن تعالي فتح ايده الاتنين و بصلها تعالي قربت منه ضمها لحضنه اوي و باس راسها و لف ايده اكتر عليها فضل.....وانا بحبك و مستحيل ابعد عنك تعبتي قلبي اه بس ابعد عنك صعب يا دقاقه ابتسمت نعيمه و هي دموعها نازله و ضمتوا اوي نعبمه....قلب الدقاقه وحشتني يا شيخ العرب ابتسم فضل و ضمها اكتر و باسها من خدها فضل....بحبك يا نوني كانت لحظات مميزه جدا سكتوا شوبه في حضن بعد نسي فضل الشرط و هي عرفت ترجعه احضنها بسرعه لانه كان مستعجل اكتر منها بعد دقايق رفعت وشها وبصتلوا نعيمه.... فضل ابتسم و حرك مناخيره في مناخيرها فضل..... قلب فضل بصتلوا بسعاده متتوصفش قامت عدلت نفسها و بصتلوا لف ايده علي وسطها و خلاها قريبه منه نعيمه.....انا في حاجه لازم اعرفهالك فضل.....رجع شعرها لوراء بحب حاجه ايه ؟ نعيمه...اممم يعني انا هسافر فضل....من غيري ده علي جثتي؟ نعيمه... بابتسامه تجنن لابص هو انا بصراحه كنت حابه اطلع ماما عمره عشان عيد الام و بعدين حسيت اني عايزه اطلع بابا كمان ولاقيت الموضوع وسع مني و قررت اني اطلع معاهم انا واخواتي عشان عمرنا ماروحنا مع بعض انا كنت هعمل كده بعد ما جيت من السفر بكام يوم بس لاقيت البنات والشباب بقي بيجهزوا لفرحهم فا قولت استني بعد الفرح علي طول و نسافر و بما ان نودي كمان هتتجوز فا خلاص بعد فرحها هروح قولت ايه دي عمره يعني هروح واجي بسرعه فضل.....بحب و هو عمال يحرك ايده علي خدها و شعرها موافق بس بشرط نعيمه.... بابتسامه شرط تاني فضل.....بضحكه تجنن لا هو شرط مختلف شويه نعيمه....اوك قول شرطك فضل....بص في عينها شويه حس انها اتوترت بس فضلت بصاله بمجرد ما ترجعي هنبدأ علي طول كل اجراءات جوازنا بصتلوا نعيمه بصدمه و ابتسمت نعيمه....تقصد ايه فضل......اقصد اني لا قد الشرط ولا عايز شرط و لا عايز غيرك يا نعيمه انا بجد تعبت اوي و عايزك معايا عايز اتجوزك يا نعيمه نعيمه.....بدموع و ابتسامه تجنن موافقه طبعاً ضمها لحضنه اوي و غمض عينه فضل......خلصت يا نعيمه خلصت مش هكابر اكتر من كده انا مش قادر رفعت الرايه يا نعيمه ارتاحتي ابتسمت وهزت راسها في حضنه نعيمه....ارتاحت و بحبك و مليش غيرك يا شيخ العرب فضل....بضحكه تجنن قلب شيخ العرب من جوه بعدها عنه و مسك وشها بكفه مسح دموعها فضل....اول ما ترجعي علي طول هجهز كل حاجه تخص الفرح و الفتره دي اي حاجه تعجبك تشتريها عشان نخلص و البيت خلاص جاهز مش ناقص غير الفرش شوفي حابه تروحي معايا نشتري امته الفتره دي ولا لما الكل يتجوز وانتي ترجعي من السفر اللي يعجبك انا موافق عليه نعيمه....بأبتسامه شوف انت الصح واعملوا انا موافقه علي اي حاجه تريحك فضل....وانا مش عايز غير راحتك عايزك تجيبي كل اللي نفسك فيه اي حاجه تعجبك اختاريها عايزك مبسوطه يا نوني نعيمه....انا والله العظيم مش عايزه غيرك و جودك جنبي كفايه فضل.....بابتسامه تجنن وانا جنبك و مش هسيبك نعيمه....بصتلوا بتأثر و عيطت زي الاطفال طيب انا عايزه الخاتم بتاعي ابتسم فضل ابتسامه تجنن و مسح دموعها تاني فضل......خلاص اتباع مش انتي اللي قلعتيه نعيمه....بدموع وانت مصدقت مليش دعوه انا عايزه الخاتم ابتسم و قام وقف و شدها و هي بتعيط مد ايده في جيبه و طلع علبه فتحها قدامها كان فيها الخاتم بتاعها نزلت دنوعها اكتر و هي مبتسمه و بصتلوا. فضل....بهدوء كل مره بشوفك فيها بيكون في جيبي حتي اول مره جيت فيها اشوفك كان معايا كنت عارف اني مش هقدر ارجعهولك الوقت بس معرفش ليه خدته معايا بس انا عارف اني اكيد كنت هحتاجه الخاتم اهو يا ستي و كل حاجتك زي ما خدتها منك موجوده بكره هتكون عندك نعيمه....بدموع وضحك طيب لبسهولي بقي فضل.....هلبسهولك بس اوعي يا نوني تقلعيه تاني لاي سبب نعيمه....بضحك مش هقلعوا عمري فضل....اوعديني نعيمه.....وغلاوة فضل عندي ما هقلع الخاتم مهما حصل و عمري ما هكررها تاني فضل بابتسامه سحب الخاتم من العلبه و مسك كفها لبسهولها ابتسمت نعيمه و مسكت الخاتم ضمتوا اوي وهي بتعيط قرب فضل كفوفه حضن وشها و بعدين قرب منها نزل علي شفايفها ببوسه جنونيه و كأنه انتصر اخيراً ضمتوا نعيمه اوي و لفت ايدها علي رقبته فضل......بكره هجيبلك الحاجه و الكل هيعرف اننا رجعنا لبعض ماشي نعيمه.....بسعاده ماشي رجع شعرها لوراء و ضمها علي صدره فضل.....بهمس انا جعان نعيمه....بضحك بصتلوا عيوني لسيد الناس عايز تاكل ايه فضل....بسعاده اااا اي حاجه نعيمه.....اممم طيب ممكن اطلب منك طلب فضل......اوامر الدقاقه نعيمه....بابتسامه ممكن متمشيش الوقت خالص فضل....انتي عارفه الساعه كام ؟ نعيمه....بصت علي الساعه ااا ثلاثه فضل....طيب يا روح قلبي كفايه كده بكره والله العظيم هجيلك نعيمه....خليك عشان خاطري فضل....ماهو انا هاكل معاكي حاجه و بعدين همشي نعيمه....لا مليش دعوه خليك شويه وحياتي يا فضل فضل....عيون فضل بس بشرط نعيمه....بضحك انت ايه حكايه الشروط معاك بجد فضل....بضحك والله لو مش عاجبك بلاها نعيمه...لا اتفضل خليني اشوف اخرتها معاك فضل....تعالي اقعدي هنا قعدها تاني علي الكنبه و قعد جنبها كانت بصاله و عايزه تشوف هيقولها ايه لاقيته مسك البوكس بتاع القطه بصت بصدمه و خوف نعيمه.....انت بتعمل ايه ؟ اوعي تكون هتعمل اللي في دماغي قبل ما تقوم تجري مسك كفها بقوه قعدها نعيمه.....لا لا فضل و حياة غلاوتي عندك اوعي تعمل كده هم*وت والله العظيم فضل....يطب استني بس هقولك ممكن تسمعيني نعيمه....هسمعك في اي حاجه الا دي هم*وت يا فضل والله فضل....بحزن اسمعييييي نعيمه...طيب قول من غير ما تطلعها فضل....حاضر انا سايبها اهو بصي انا عشان اسيبك لوحدك مع القطه و انا مرتاح لازم علي الاقل تبقي بتمسكيها و انا ابقي متطمن لاني مش هرتاح و انا عمال افكر وقعت اتخبطت اتعورت خايفه نعيمه....انا مش باجي جنبها يعني متخافش والله فضل......طيب ممكن تريحيني نعيمه.....هم*وت واللع يا فضل مقدرش امسكها فضل....بتحبيني؟ نعيمه....بحبك طبعاً بس ملهاش علاقه دي فوبيا والله فضل....بتثقي فيا نعيمه.....جدا بس انا بخاف منهم كل ما تحاول تقوم يقبض علي ابدها اكتر و متحكم فيها مش عارفه تقوم فتح بكفه التاني الباب بتاع البومس و طاعها فا صرخت و عايزه تجري فضل....ششششسس اهدي بصي هي قد ايه نعيمه....بخوف واضح جدا فضل اقسم بالله هيجيلي ساكته قلبيه و النبي سيبني اقوم هزعل منك والله فضل.....طيب نجرب بصي خدي المخده دي علي رجلك نعيمه...لا لا اوعي تحطها فوق المخده حطها فضل ولا سأل فيها نعيمه....بخوف فضل والنبي والنبي فضل....بضحك يابت متبقيش جبانه نعيمه...انا مش جبانه والله انا بتعب لما يبقوا قريبين مني بص قلبي بيدق ازاي فضل...طب هشيلها وهقوم امشي و هزعل منك نعيمه.....بلاش كده انا اللي هزعل منك بجد فضل.....انا قولت اللي عندي جربي علي الاقل عشان خاطري نعيمه....بط انا خايفه والله فضل....هاتي كفك اللي تلج ده كده و غمضي عينك لحظه انا اكيد مش هعمل حاجه تأذيكي نعيمه....عارفه والله بس انا فضل....يلاااااا غمضي نعيمه....لا مش هغمض بس قولي اعمل ايه وانا هحاول بس لو مقدرتش متزعلش فضل....طيب تمام هاتي كفك كده بهدوء حطيها عليها نعيمه....والله ما هقدر اوووف فضل....يلا هتقدري نعيمه....قربت ايدها بهدوء و تبعدها تقرب و تبعد كانت بتحاول بس فشلت و فجأه مسك فضل كفها حطه علي القطه صرخت نعيمه فضل.....باااااااس خلاص كلتك بقي نعيمه غمضت عينها و وشها ابيض و فضلت تاخد نفسها و تنزلوا فضل.....قرب من خدها باسها و بعدين باسها بوسه بسيطه من رقبتها وهو بيضحك و لسه قافش ايدها حاطتها فوق القطه بهمس حلوه صح مردتش عليه و كانت مرعوبه شال ايده من علي القطه و شال أيدها و خدها بهدوء و انتهز فرصه انها لسه مغمضه حطها علي صدرها فتحت و هي مبرقه و مش بتنطق فضل....نوني حبيبي بصيلي هااا نعيمه....بدموع و همس فضل شيلها هم*وت والله نعيمه....لا مش هتم*وتي انتي عقلك اللي رافض و بيقنعك انك خايفه وهي مش هتعملك حاجه بلاش تبقي جبانه و تعالي علي نفسك عشان تكسري الفوبيا دي يا كده يا اما وانا نازل هاخدها في ايدي عشان معنديش استعداد تجري علي الكراسي و تقعي علي راسك يجرالك حاجه نعيمه....طب انا مرعوبه فضل....وانا جنبك يلا من غير ما امسكك ارفعي ايدك عليها براحه نعيمه.....مش هقدر شيلها و غلاوتي عندك فضل....لا مش هشيلها و لز شيلتها هنزل حالا بيها يلا حطي ايدك اقولك اعتبريها دبدوب او لعبه يلا اتحرك من جنبها مسكت رجله بسرعه نعيمه....لاااااا اوعي تقوم فضل....بضحك رجع تاني طيب خلاص والله مش هقوم قرب منها و لف ايدها علي كتفها يلا اهو احنا قاعدين حطي ايدك عليها و انا هشيلها والله نعيمه.....والله العظيم هخاصمك و مش مكلماك تاني فضل....بحب باسها من خدها وانا موافق خلصي نفسك بقي نعيمه....فضل انا هيغم عليا فضل....مش مهم حضني موجود نعيمه....همو*ت والله بتخنق فضل....لا غمضي عينك واهدي انتي اللي مخوفه نفسك يلا عشان لو مخلصتيش هعمل حاجه قليله الادب نعيمه....اعمل اللي انت عايزه بس شيلها فضل....بضحكه عاليه و تجنن يعني عادي اعمل المهم اشيلها نعيمه....بقولك ه*م*وت مش قادره فضل....قام سند بركبته علي المنبه و بقي واقف فوقيها هاتي ايدك دي كده نعيمه...لا لا لا لا فضل...وسعي يا بت هاتي ايدك دي كمان حطي نعيمه....هم*وت فضل....حطيييييي يلاااااا حطلها ايدها الاتنين علي القطه اللي علي صدرها و بعدين بعد براحه و بصلها وهو مبتسم كانت مغمضه عينها و ضاغطه علي القطه اوي من كتر خوفها فضل.....بضحك نوني خفي ايدك علي القطه شويه هتم*وتيها نعيمه.....ممكن تشيلها بقي فضل.....طب هتض*ربي نعيمه....بدموع لا والله فضل.....لو ض*ربتي المره الحايه هحطها في صدرك بس من جوه نعيمه ....والله ما هعمل حاجه بس شيلها والنبي فضل....طب ما تشيليها انتي حطيها علي الارض نعيمه....بدموع فضل اخلص تعالي خدها فضل....بضحك طيب طيب خلاص قرب منها خدها وهي فضلت تعيط و قامت بعدت بسرعه ساب القطه علي الارض و قرب منها وهو بيضحك فضل....تعالي يا هبله نعيمه.....لا مش هاجي وابعد عني و الله العظيم زعلانه منك فضل.....طب تعالي حقك عليا ضمها و هو بيضحك حصلك ايه يعني نعيمه....انا عارفه انها مش هتعمل حاجه بس انا بخاف فضل....عارف بس اهو مشينا الخوف شويه عشان بس اطمن عليكي بطلي عياط بقي يا هبله ويلا اكليني و علي فكره هي تحت رجلك بصت بسرعه و لفت وقفت في ضهره نعيمه....انت قولت هتشيلها فضل....لا مش هشيلها وسيبيها عشان تبطل تجري وراكي و تعرف ريحتك ويلا يابت قدامي علي المطبخ اعمليلي اكل نعيمه.....مش عامله فضل ....اهون عليكي امشي جعان ضحكت غصب عنها نعيمه.....علي غكره انت نصاب و بتعمل كده عشان تصعب عليا فضل....بحب قرب باس خدها بوسه سريعه اه نصاب ويلا اتحركي هي بتلعب اهي اصلا ملحقتش تتعرف عليكي زهقت وسابتك و راحت تلعب بصتلوا وضحكت فضل....بضحك اه والله خنقتيها كانت هتفطس تحت ايدك تلاقيها بتدي نفسها ميت جزمه انها كانت بتجري وراكي نعيمه...احسن متقربش تاني بقي وقولي يلا عايز تاكل ايه فضل....بشقاوه اي حاجه من ايد القمر بس بقولك تيه حاجه سريعه يعني نعيمه....بصت وراها بخوف ورجعت بصتلوا علي فكره مش هتمشي الوقت فضل...طيب قاعد معاكي شويه بس مش عايز حاجه تقيله يعني و بعدين بطلي تروشي امي كل شويه تبصي وراكي نعيمه....خايفه ادوس عليها فضل..... اه والقمر وحش الله اكبر هيفرم امها نعيمه....بضحك احترم نفسك انا خسيت سبعه كيلو فضل....اه ما دول كمان هنتحاسب عليهم بس بعدين نعيمه...ليه مش كده احلي فضل....لا مش احلي انا عايز نوني بتاعتي الدقاقه حجي اللي كنت ببص عليها وهي ماشيه نعيمه....بابتسامه علي فكره انت قليل الادب كنت بتبتص عليا فضل...اوييييلي ابص بس خليني ساكت نعيمه....بضحك طيب تعالي قدامي مش همشي قدامك فضل....بضحك لا امشي خسيتي لما ترجعي تاني هبقي ابص نعيمه....بضحك اه يا سافل بس بمو*ت فيك فضل.....وانا بم*وت فيكي يا قلب السافل يلا خلصيني جعان نعيمه.... ماشي دخلت نعيمه و كانت مشغوله بالقطه كل شويه تبص عليها خايفه تدخلها دخل فضل معاها المطبخ كان فيه فاكهه و بسكوت و حلويات و مكسرات كل واحده كاچو بصتلوا و ابتسمت نعيمه.....فضل انت شكلك مكلتش انهارده كويس صح فضل....بابتسامه هز راسه بلأ فطرت الصبح و علي الغداء مكنتش عايز اكل مع الشباب او مكانش ليا نفس للاكل ده كلت بس بطاطس مع سلامه كام واحده كده و مكلتش تاني هو العنب ده مغسول نعيمه.... بابتسامه اه كل الفاكهه دي مغسوله كل منها بس مش كتير عشان تعرف تاكل خد واحده من العنب كلها و بعدين خد واحده قرب منها حطها بين شفايفها ابتسمت وخدتها منه ضمها من وسطه و وقف وراها حط خدها علي كتفها و نام وهو حاضنها نعيمه....بابتسامه الاكل هيخلص علي طول فضل....هتأكليني ايه ؟ نعيمه....شوف اهو حطت في الطاسه قطعه استيك فضل.....لحمه الوقت يا نوني نعيمه....خفيفه متقلقش دي استيك تبلتها و كويس اني مشيلتهاش كنت عامله حسابي اني هخلص شغل و هرجع اتغدي بس روحت مع البنات بقي و كلنا بره ليك نصيب تاكلها فضل....هتقعد كتير وانا جعان و عايز انام رفعت كفها علي خده نعيمه....لا مش هتاخد وقت بص روح ارتاح بره شويه لحد ما اخلص فضل....لا خليني معاكي نعيمه..... بضحكه جميله انت مبسوط بالوقفه دي يعني فضل.....جدا نعيمه....خلاص خليك بس انت ازاي هتروح كده شكلك تعبان مش هتقدر تسوق فضل....لا لما انزل هفوق متقلقيش نعيمه.....طيب حاسب عشان هتتحرق وسع كده روح يلا اقعد هنا علي البار او جيب كرسي البار وخليك قاعد هنا جنبي فضل....هجيبه جنبك نعيمه....طيب يلا هاته راح جاب الكرسي و حطه قدام الرخامه و قعد عليه نعيمه.....بأبتسامه خلي بالك من النار و متلعبش فيها انا جايه بسرعه فضل....راحه فين ؟ نعيمه....جايه لحظه سابته و دخلت الاوضه غابت شويه و رجعت معاها شنطه كرتون كبيره شويه سابتها علي البار خدت منها شنطه تانيه و دخلت قربت منه فضل.....ايه الشنطه دي نعيمه.... بابتسامه دي فيها حجات جيبتهالك معايا من الامارات بس مكنتش عارفه اديهالك ابقي شوفها براحتك لما تروح فضل....دي اللي اديتني منها السويت شيرت نعيمه....بضحك اه و بصراحه خوفت اديهالك وقتها تحدفها في وشي المهم بقي في هديه تانيه جيبتها عشانك و دي مكنتش ناويه اديهالك الا لما نتصالح لا تفكرني برشيك ولا حاجه فضل.... بابتسامه طب فرجيني طلعت الشنطه من وراء ضهرها و حطتها في ايده فضل....فيها ايه دي نعيمه....افتحها وانت تعرف فضل....دي من المكتوب عليها باين انها حاجه دهب انا مش بلبس دهب يابت نعيمه.....بضحك عارفه والله شوف بقي و بطل رغي فتح الشنطه و بعدين فتح الكرتون كامت متغلفه اكتر من مره و بعدين طلع منها الولاعه ابتسم بانبهار بصلها وبعدين حرك ايده علي الحفر بتاع اسمه و شاف الفص الالماظ اللي فيها و بعدين فتحها طلعت النار علي شكل قلب فضل.....يابنت المجانين نعيمه....بأبتسامه عجبتك؟ فضل....تجنن يا نوني حلوه اوي بجد التفاصبل اللي فيها كمان فظيعه نعيمه.....انا اللي اختارت الديزاين و كل حاجه فضل......حلوه اوي بجد بس دي غاليه اوي نعيمه.....بحب مش اغلي منك يا فضل ابتسم بحب و بعدين فضل يبص عليها كانت عجباه بجد فضل.....تسلم ايدك ضمها في حضنه حركت ايدها علي ضهره نعيمه.....يلا شيلها عشان الاكل قرب يخلص ابقي اتفرج عليها براحتك بعدين فضل....ماشي راحت بصت علي الاكل و قلبتوا و رجعت تاني وقفت قدام من غير تردد سند راسه علي كتفها فضلت حضناه شويه نعيمه.....اوعي تنام فوق كده فضل.....صاحب متخافيش بس لو الاكل اتأخر اكتر هنام نعيمه.....بضحك لا مش هيتأخر و اصحي عشان الطريق قوم اغسل وشك كده عشان تفوق فضل......صاحب والله دقايق بسيطه و الاكل خلص حطت الاستيك في الطبق و قطعته و حطتلوا جنب اللحمه خضار كده سوتيه و ظبطت شكل الطبق بطريقه شيك و حطتلوا توست يتحمص شويه في التوستر و بعدين قربت منه حطت الصنيه قدامه و جابت كاس حطت فيه مايه و بعدين جابتله سفن و ظبطت الاكل نعيمه......ايه رايك ؟ فضل.....حلوه اوي نعيمه....لو مش استوت اوي مليش دعوه فضل....لا والله استوت و مخدتش وقت و طعمها حلو اوي انتي كنتي بتشتغليني ولا ايه نعيمه.....مش فاهمه فضل....بابتسامه يعني كنتي بتعرفي تعملي اكل نعيمه....بضحك لا والله بس دي سهله يعني مفيهاش عمايل فضل....بس تحفه ااا هو انتي فين اكلك؟ نعيمه....لا ماهو انا مش هاكل فضل....ليه انا كلت اكلك صح نعيمه....بضحك لا والله بس مكنتش هاكل انا كلت مع البنات بالف هنا فضل....مليش دعوه تعالي كلي معايا نعيمه....وغلاوة فضل مش جعانه لو جعانه هاكل يلا يا حبيبي انت كل و انا جنبك اهو فتحتلوا السڤن و حطت في الكوبايه و قربت منه المناديل و بعدين سندت ضهرها علي الرخامه و بصت عليه وابتسمت كان باين انه جعان فضل......بابتسامه حلوه اوي نعيمه....بضحكه هاديه بالف هنا يا عمري يلا كل كمل اكله و هي واقفه جنبه و بصاله بحب احساسها بفضل كان غريب و جديد كانه ابنها و واقفه تأكلوا و تشبعوا و تهتم بيه و هو كان حاسس نفس الاحساس المختلف ده حاسس انها متغيره الحنيه اللي جواها ظاهره بشكل جديد و حنيتها فيها نضج و عقل واحتواء خلص اكلوا خدت الصنيه من قدامه بهدوء حطتها علي الحوض نعيمه......شبعت فضل....جداااا باس كفها تسلم ايدك نعيمه.....مسكت خده بأيدها اعملك حاجه تاني فضل....لا كده حلو اوي انا مش قادر انا هشرب و امشي نعيمه....خليك شويه فضل....لو قعدت هنام و هفصل و مش هقدر اسوق نعيمه....طيب روح التويلت اغسل وشك كده وفوق يلا فضل....ماشي بعد حوالي عشر دقايق كان واقف قدام الباب بيسلم عليها فضل.....هتوحشيني لحد بكره نعيمه....ما احنا بقينا بكره خلاص فضل....خلاص هتوحشيني الكام ساعه دول نعيمه....مش هنام لحد ما توصل عشان اطمن علبك فضل.....ماشي يا عمري اقفلي ورايا و خدي بالك من نفسك و مش عايزك تخافي من الانسه كاندي ممكن نعيمه....حاضر خد الشنطه اوعي تنساها فضل....مش هنساها متقلقيش نعيمه....علي مهلك اوك فضل....اوك يا قلبي و بجد شكرا علي اليوم الحلو ده نعيمه....بضحكه جميله بقولك ايه فضل....قولي نعيمه....هو كده التعارف بح فضل....بضحك هو مش احنا اتعرفنا خلاص و حددنا معاد الجواز نعيمه....بضحك يعني مفيش تعارف تاني فضل....لا مفيش و من هنا ورايح اعرف انتي فين و نازله امته و مع مين و خط سيرك كله اعرفوا عشان مطلعش عين اهلك ده انا كنت متحمل بالعافيه نعيمه....بضحك لا خلاص هقولك فضل.....باس راسها ماشي يلا يا حبيبي اقفلي ورايا نعيمه....حاضر باي يا قلبي فضل...باي نزل فضل و دخلت نعيمه تبص عليه و هي مبسوط و ماسكه الخاتم بقوه رفعت ايدها قالتلوا باي و بعدين اول ما مشي دخلت . فضلت صاحيه لحد ما طمنها عليه و روح و بعدين قفلت معاه عشان يناموا بصت علي القطه قبل ما تدخل فكرت انها تلمسها بس رجعت في كلامها و طارت علي الاوضه .................... في صباح يوم جديد قامت نعيمه خدت شاور و جهزت عشان تروح علي المخزن. اتصلت بفضل قبل ما تنزل فضل....بصوت نايم الووو نعيمه....صباح الفل يا كسلان فضل....صباح القمر صحيتي نعيمه....صحيت و لبست و جهزت و هنزل كمان انت مش هتصحي فضل.....عايز انام ساعه كمان يا نوني مش قادر نعيمه.....طيب انت مش وراك شغل فضل....ورايا بس هرتاح شويه صحيني بعد ساعه نعيمه.....حاضر خلاص كمل نوم فضل......خدي بالك من الموبايل كل شويه عشان مش بعرف اوصلك في المخزن نعيمه....انا ساعه و اصحيك و بعد اما تصحي هبقي اركز مع الموبايل متقلقش يلا روح نام فضل....اوك باي يا قلبي نعيمه....باي ............... نزلت ليله و عشري مع بعض من البيت راحت كالعاده عدت هي و عشري علي امينه عشان تاخد منها الدعوه بتاعتها و بعدين اتحركوا سلمت علي عشري و مشيت عشان تعدي علي البنات يكملوا باقي الشوبينج.. في منزل احمد صحي الجميع علي الفطار ايه و سلمي كانوا جاهزين عشان يروحوا مع ليله ونغم كمان كانت جاهزه عشان تروح المخزن مع نعيمه و كانت المفروض اليوم ده هترجع علي بيتها كان في حاله من الهدوء و الصمت غير طبيعيه اثناء الفطار ايه لسه مفاقتش من النوم اوي و في نفس الوقت مش حابه تهزر عشان شايفه ان احمد مضايق و الجو مش هزار خالص سلمي كمان كانت ساكته مضايقه عشان نغم ماشيه و في نفس الوقت عشان ابوها اللي اتعود عليها و زعلان جدا تامر كمان كان ساكت و هادي بيفطر في صمت و باين انه طبيعي فطروا و خلصوا فطار و بداوا يستعدوا عشان ينزلوا نغم......بهدوء و ابتسامه ااااا انا هنزل بقي الشغل عشان متأخرش علي نعيمه هي لوحدها احمد.....بهدوء ماشي يا حبيبتي روحي علي مهلك ايه.....بزعل هتروحي بليل علي البيت مش هتيجي نغم.... بابتسامه هاديه اه هروح بس يعني انا كنت حابه اقول حاجه قبل ما امشي ايه....لا بصي وداع و الحجات العبيطه دي بلاش عشان خاطري نغم.....لا وداع ايه انا ساكنه جنبكم هنا و بعدين انا مبقتش اقدر استغني عنكم انا بس حابه اشكركم بجد من كل قلبي علي كل حاجه عملتوها معايا حتي الظروف اللي جمعتني بيكم بشكرها من قلبي يمكن اليوم اللي قررت فيه اني اهرب كان اسوأ و احلي يوم في حياتي كان اسوأ يوم لاني كنت حابه اهرب و في نفس الوقت مش عارفه عروح فين كنت عايزه اهرب وبس و مش مهم اي حاجه تاني مفكرتش هعمل ايه ولا حبيت اني اركز ولو ثواني في الطريق اللي همشي فيه لاني لو كنت ركزت و حسيت اني مليش مكان جايز كنت استسلمت بس انا قدرت و كان احلي يوم لاني لما خرجت كنت فاقده الامل في كل حاجه كان عندي جزء من عدم الرضي لكل اللي بيحصل معايا بس مكنتش اعرف ان ربنا مخبيلي طريق مكنتش احلم امشي فيه و قت في طريقكم و الحقيقه اني قضيت معاكم اكتر من شهرين حسيت فيهم اني اعرفكم انكم اهلي و من دمي عملتوا معايا حجات عمري ما توقعت انكم تعملوها بيتكم بقي بيتي شاركتوني حياتكم من غير ما احس اني تقيله عليكم في وقت تعبي اهتميتوا بيا خوفتوا عليا كاني من دمكم ربنا عوضني بيكي يا ايه انتي وسلمي عن انغام وربنا يعلم اني بعتبركم اخواتي بصولها البنات بتأثر و قربوا منها بصت لاحمد و حضرتك كتير اوي بحس ان عمو احمد دي تقيله عليا لاني مش بشوفك حد غريب انا بعتبرك ابويا الملاك اللي ربنا عوضني بيه و بجد انا لو كان ينفع اختار ابويا مكنتش هختار حد غيرك ابتسم احمد بتأثر بصت لتامر و ابتسمت و هي دموعها نازله. نغم....تامر انت اجدع حد شوفته في حياتي ابتسم تامر بهدوء و فضل ساكت نغم....انا بحبكم اوي اوي لاخر يوم في عمري مش هنسي اي تفصيله عملتوها عشاني ولا خر يوم في عمري هفضل ميدونه ليكم بحياتي كلها لان بسببكم بدأت حياة جديده معاكم و بقيت شخص تاني ربنا يخليكم ليا ابتسم البنات وهما بيعيطوا و حضنوها اوي ايه....واحنا بنحبك اوي و بنعتبرك اختنا و عمرنا ما هنسيبك تاني ابدا سلمي.....خلي بالك من نفسك و هتفضلي تيجي هنا علي طول و احنا هنجيلك و مش هنسيبك عشان بقي عندنا اخت تالته نغم....بدموع ابتسمت اكيد طبعا قربت من احمد و ابتسمت عيونه كانت مدمعه بس بيمثل انه كويس بصلها وضحك طبطب علي كتفها احمد...اااا احممم خدي بالك من نفسك هكلمك كل شويه و انتي كمان كلميني واوعي تحتاجي اي حاجه و متعرفنيش انا كده كده يعني مش هستني انك تطلبي انا هعرف بطريقتي اااااا متنسيش تاخدي اااا احممم المفاتيح بتاعتك ووووو كان في هنا حاجه بتاعتك اااا هي فيييين فضل بدور بعينه علي ولا حاجه البنات كانوا متأثرين اوي باللغبطه الي هو فيها والحزن و نزلت دموع نغم مسكت كفه بحب باسته سحب احمد كفه بسرعه منها و شدها لحضنه نزلت دموعها اكتر بصمت و هو كمان الدموع اتجمعت في عينه اكتر و ايه وسلمي كانوا عمالين يعيطوا و تامر واقف يبص شمال و يمين حاسس بخنقه عشان ابوه بس مش عايز يبين بعد احمد عنها وضحك وهو بيمسح بسرعه دموعه احمد.....ينفع كده بقي تعيطينا عالصبح نغم.....بدموع ضحكت حقك عليا يا حبيبي خد بالك من نفسك و هسأل عنك كل يوم و كل شويه احمد.....اوعي متجيش هنا تاني يا نغم نغم....بضحك مين ده ده انا هقرفكم هبقي جارتكم الرخمه اللي عايزين تمشوها وهي مش عايزه ضحكوا كلهم بهدوء و الموقف كان مؤثر احمد.....تنوري بيتك اي وقت يا حبيبتي انتي هلاص بقيتي واحده مننا خدي بالك من نفسك ماشي يا نغم نغم...حاضر متقلقش والله يلا بقي كفايه نكد انا هروح الشغل و هطمنك و كل شويه هسأل عيك ماشي احمد....ماشي يا حبيبتي لا اله الا الله نغم ....محمد رسول الله احمد....يلا يا تامر مع نغم روح وصلها نغم...لا خليه انا هركب اوبر تامر...ااا يلا يلا يا نغم انا كده كده نازل نغم.....اوك باي يا بنات هكلمكم اعرف عملتوا ايه ايه....واحنا كمان هنكلمك سلمي......بابتيامه علي فكره احنا لينا عزومه في البيت الجديد نغم....طبعا تنوروا خلصوا بس الحاجه اللي بتشتروها و افضولي خالص سلمي...ماشي يا قلبي خد بالك منها يا تامر ابتسم تامر وهز راسه و بعدين خدها ونزل بصوا البنات لاحمد تحمد...احممم اااا ايه مش ناويين تنزلوا انتوا كمان يلا سلمي....بصت لايه ااا اه هننزل يا بابا ليله قربت خلاص بس هنساعد حضرتك في السفره الاول احمد.....لا سيب ا كل حاجه انا مش ورايا حاجه يلا بلا بقي انتوا امشوا من هنا كفايه رغي بقي ايه....طيب هنساعدك ومش هنرغي احمد...ياستي سيبوني ملكوش دعوه يلا بقي فضل يروح و يجي و يشيل الاطباق شويه و جات ليله البنات عرفوا انهم نازلين و نزلوا. لمحتهم ليله جايين عليها لابسين نضاراتهم و ساكتين خالص لفت سلمي ركبت جنب ليله و طلعت ايه وراء ليله....اعوذ بالله طب قولوا صباح الخير ايه لسه صاحين سلمي....صباح الخير يا قلبي ليله...ايه متطرقعه عالصبح انتي وهي ولا ايه و بعدين فانتي مش جايه بعربيتك سلمي....ااا انا نسيت طيب تمام اركب العربيه و اجي وراكي ليله.....لا خلاص خليكي انتي في ايه يا بت انتي وهي مالكم سلمي.....بهدوء مفيش بس نغم نزلت من شويه راحت الشغل و كانت بتسلم علينا عشان هتروح انهارده البيت الجديد و يعني الموقف مكانش احسن حاجه مكنتش متخيله اننا هنزعل اوي كده بالاخص بابا ليله...ااااه هي ماشيه انهارده سلمي....اه ليله.....حمودي زعلان سلمي هزت راسها و لفت وشها علي الطريق ليله....لا بصي هتعيطي هعيط معاكي والله و انتي يا مصيبه مش تضحكيها مردتش ايه عليها و فضلت باصه جنبها ليله....احيه عليا دي التانيه كمان بتعيط لا والله هعيط لومي ايه يا قلبي في ايه بس ما البت كويسه و بعدين سكنت جنبكم نودي بتقولي البيت قريب منكم انتوا وزوزو اوي يعني كويسه و بخير وفي امان سلمي....بدموع انا عارفه بس بابا صعبان عليا اتعلق بيها بجد و انا كنت عارفه انه بقاله يومين مضايق و بصراحه انا كنت فاكره اني مش هتأثر لان اصلا كلها كام يوم و هتجوز و انا اللي همشي بس صعبت عليا حسيت انها اختي الصغيره ليله....بتأثر طيب اهدي عشان خاطري كده احسن ليها يا سلمي و علي فكره البيت ده جه في وقته جدا انتي وايه كلها كام يوم و تبقوا في بيوتكم البنت اكيد مكانش هينفع تقعد مع تامر و حمودي لوحدها مش عشان حاجه بس ميصحش ولو فرضنا ان ظروفها مكانتش اتحسنت ولا ربنا كرمها و قدرت تروح بيت تاني و اضطرت تقعد مكانتش هترتاح صدقيني اساليني انا يا سلمي بعد وفاه امي وليد صمم اروح معاه واقفل البيت هو اسبوع واحد يومين عنده اجرب يومين عند اميمه اجرب شويه عند قمر متحملتش و رجعت غصب عن الكل مبالك هي اللي قاعده معاكم من وقت جوازي تقريباً لما جيتوا تباركولي كنتوا لاقيتوها صح سلمي.....ايوه ليله...طيب يا قلبي و انا سافرت بعدها اسبوعين و بعدين جه رمضان و مشي واهي لسه عندمن يعني اكتر من شهرين البنت تعبت واتهلكت نفسيا حتي لو بتعاملوها كانها صاحبه البيت وانتوا اللي ضيوف عندها هتفضل حاسه انها تقيله و مش هترتاح غير في بيتها لو اوضه تحت بير السلم هابقي بالنسبه ليها قصر و علي فكره بقي وجودها في البيت بتاعها هيحسن نفسيتها اكتر هيخليها تفك اكتر هتتعامل معاكم باريحيه اكتر هتاخد عليكم اكتر ما خدت عليكم وهي وسطكم لانها في النهايه ليها بيت بتروح عليه لا مكسوفه ولا حاسه انها تقيله يعني كده احسن سلمي....عارفه والله و مبسوطه عشانها اوي ربنا يسعدها و يوفقها انا بس صعب عليا بابا والموقف و هي ليله.....هي هتبقي كويسه و لو علي حمودي يومين و يروق و يتعود و مع اول زياره هتيجي فيها تعدي عليكم هيبدأ يتعود خلاص المهم انتوا فرفشوه بقي حمودي حساس اوي و عشري و حنين و انا عارفه انه اعتبر نغم زيكم عشان كده الموضوع ماثر فيه وخدي بالك انتي وهي اكيد جوازكم ماثر عليه فا بلاش جو النكد ده و خليكم جنبه و انتي يا بومه فكي كده ده انتي اللي بتضحكيهم فضلت تمسح دموعها و ساكته فتحت ليله الباب و نزلت وراحت فتحت الباب وراء و طاعت قعدت جنبها ضمتها في حضنها فضلت ابه تعيط ليله.... بضحكه تاثر لا والنبي يا قلبي متعيطيش هعيط معاكي خلاص وحياتي يا يويو فكي كده و افرحي عشانها انتوا عملتوا مع البنت دي حاجه كبيره و جميله اوي و ده اللي كنتوا عايزينه انكم توصلوها لبر الامان واهي وصلت الحمد لله و بعدين ساكنه جنبكم افرحي عشانها و عشانك و عشان لومي و بلاش تنكدوا علي حمودي ممكن رفعت ايه وشها و قلعت النضاره ليله....بضحك لو فاكره انتي وهي ان الدموع دي هتخليني اطنش اللي هتعملوا فيا تبقوا غلطانين انهارده انا جايه و نويالكم علي الشر ابتسموا البنات و ضحكوا ليله.....بضحك ايوه كده اضحكوا و خلوا يومكم حلو عشان انهارده مش هسمح باللي حصل امبارح تسمعوا الكلام و تبقوا محترمين كده ماشي يا بومه ايه.....بضحك ماشي ليله....وانتي يا ست لومي ماشي سلمي.... بابتسامه حاضر اللي هتقولي عليه هنقول عليه حاضر لياه....ايووووه كده نتربي بقي و نسمع الكلام منبقاش بقر فتحت الباب و نزلت وراحت ركبت ليله.....سموا الله علي يومكم الحلو اللي بدأتوه بعياط عشان ورب الكعبه لو جننتوني هنفخكم سلمي....لا متقلقيش هنبقي مؤدبين ومش هنتعبك ليله....اما نشوف يلا اربطي الحزام وانتي كلمي نودي تجهز ايه...هي هتركب معانا ليله......لا هخليها تيجي بالعربيه لان الحاجه هتبقي كتير برضوا بس حد فيكم يبقي يركب معاها عشان متبقاش لوحدها ايه.....انا هبقي اركب معاها ليله.....اوك يلا كلميها تجهز ايه....حاضر .................. اليوم كان مليان نشاط غير عادي عند الكل اللي بيكمل حاجته واللي بيعمل مشاوير و يشتري اللي ناقصه و اللي بيتابع شغله و في نفس الوقت بيخلص حجات مهمه.. سلامه و حسان و ميدو نزلوا يشوفوا القاعات و كانوا حابين يخلصوا الماذون بالمره لفوا علي قاعات كتير مكانوش مقتنعين القاعات حلوه و شيك بس اللي كانت صغيره و اللي كان التصميم بتاعها مش عاجبهم كانوا حاسين ان في حاجه ناقصه قعدوا في اللوبي بتاع الفندق اللي كانوا فيه بيشربوا قهوه و بيرتاحوا حسان....ايه هنعمل ايه ؟ انا مش حاسس ان في حاجه عجباني سلامه...ولا انا ولا قاعه لفتت نظري انا حابب يكون مكان مفتوح مش متقيد مجرد قاعه في فندق انا في دماغي حتجه زي فرح ليله وعشري كده و في نفس الوقت مش عايزه يكون في الهرم حسان...لا بلاش الهرم حابين نغير بس انا معاك في حوار المكان المفتوح ده ايه يا ميدو انت مفيش حاجه عجبتك عسال....بابتسامه احباط ومظنش ان في حاجه هتعجبني بصراحه لان في حاجه في دماغي و مش عارف هعرف اظبطها ولا لا حسان.....حاجه ايه قول يمكن نظبطها معاك سلامه.....بأبتسامه ميدو عايز يسافر مش عايز الفرح في القاهره حسان.....نعم تسافر فين ياعم عسال......بصراحه عايز الفرح يكون علي البحر كنت بتكلم مع نادين في مره و سالتها نفسك الفرح يبقي عامل ازاي و قالتلي انها نفسها يكون علي البحر و فلاي بورد و جو كده معين حسان......فلاي بورد انت مجنون عسال.....بضحك شكلي اتجننت بس انا قولت علي الاقل احقق جزء من حلمها و يكون علي البحر بس فكرة اننا نروح دهب او الجونه صعبه يعني مش الكل هيقدر يروح بالاخص الناس الكبيره اغلب اللي هيروح شباب فا بصراحه دماغي قافله مش عارف حسان....هو اكيد مش الكل هيقدر يروح و فعلا كل اللي هيروح شباب المسافه بعيده لو عربيات و هتبقي مكلفه جدا بالطياره علي الناس عسال....انا كنت هتكفل بكل حاجه حسان....حتي لو كتير اوي سلامه....كتير فعلا يا ميدو اوي يعني الموضوع كان هيبقي سهل شويه لو انت مقرر تعزم عدد معين بس ده فرح و مفتوح و اكيد مش هيقتصر علينا و علي ابوها وامها نادين ليها معارف وليها ناس و احنا الشبب لينا ناس و البنات اهلهم يعني عدد كبير نفس العدد اللي هيقدر عندي انا و حسان هيحضر عندك انت و نادين فا فكره انك تحجز للكل طيران او علي الاقل الكبار و تحجز غرف في فندق كتير اوي بجد يمكن تتكلف اكتر من الفرح نفسه حسان....انا من رأيي تفكر و بعدين في حل تاني ممكن تعمل فرح هنا عادي و بعدين تسافر و احنا نسافر معاك تبقي شباب بس و تعملها حاجه كده بسيطه تفرحها تتصوروا تقضوا وقت حلو و سيشن و خلاص عسال.....انا مش عايز اعمل كده يا حسان انا عايز افرح نادين بصراحه مش فارق معايا تكاليف ولا كل القصه دي بس فارق معايا ان مش هلحق خالص و كمان خايف ان في ناس تستبعد المسافه حتي لو طيران انت فاهمني حسان....هو محدش هيستبعد طيران ولا حاجه يعني الي هيروح هيبقي مرتاح جدا بس مش عارف انا رأيي تفكر الاول كويس و في نفس الوقت بسرعه لان مفيش وقت سلامه....ده انا عارفه ده ادام قفل دماغه علي حاجه انسي عسال....بضحك سلامه حافظني حسان....تمام اعمل اللي يريحك بس لازم تنجز وتاخد قرار مفيش وقت يا ميدو و زي ما قولت كل الترتيبات دي هتاخد وقت الفرح محتاج انك تسافر و تظبط الدنيا و في نفس الوقت لازم تظبط الدنيا هنا حجز طيران و تعرف الناس عشان تعرف مين هيروح و مين مش هيقدر سلامه....طب انا عندي حل كويس يعني هيرضيك و هتفرح نادين و في نفس الوقت مش هتبقي بالتكلفه الفظيعه دي عسال.....حل ايه سلامه...ايه رأيك تعملوا في السخنه المسافه مش بعيده و عادي جدا الكل يروحها بعربيه كل الحكايه ساعه ونص و لو علي الفندق فا ده امره سهل حسان....طب والله شاطر يا سلامه فكره حلوه السخنه مش بعيده و هتشيل تكاليف الطيران هنحجز بس غرف عسال....بشرود السخنه !! سلامه...فكر فيها والله تحفه واصلا جوها حلو و الڤايبس فيها تجنن و اللي كنت هتعملوا في دهب او الجونه تقدر تعملوا في السخنه هنختار الفندق و بعدين الودينج بلانر هيفرجوك علي اكتر من تصميم هتشوف الدريس كود المناسب اللي انت ونادين حابينه هتبلغ بيه الناس وبس الموضوع بسيط علي فكره عسال.....بابتسامه يا ابن اللعيبه تصدق مفكرتش في السخنه خالص سلامه....اي خدمه حسان....والله فكره تجنن و مشوار ساعه ونص مش قصه احنا وقت فرح عشري خدنا حوالي ساعه وربع و اي مشوار لفرح هياخد نفس الوقت تقريباً و بكده هتبقي عملتلها الفرح علي البحر و مش هتفرق بقي المكان عسال....طيب حلوه الفكره انا اشتريت بس قولولي هنظبطها ازاي و نروح امته و كده عشان ابدأ اتصرف انهارده او بكره بالكتير حسان.....بص انت هتشوف الاول الفندق و هتحجز الغرف و هي ليله واحده بس يعني نروح قبلها بيوم نتحرك كلنا بدري يعني علي العصر كده و نقضي اليوم هناك مع بعض كلنا و ننام و تاني يوم يبقي الفرح سلامه.... بابتسامه وممكن نعملكم اجواء حلوه كده و نسهر نحتفل بيكم زي حنه كده عسال...حلو ده بس افرض في ناس مش عايزه تبات سلامه....اللي مش عايز يبات هيجي تاني يوم علي الفرح علي طول بس اغلب الشباب هيتحركوا معانا قبلها بيوم عسال....طيب كويس بس قولولي انتوا مش ناويين تسافري شهر عسل انا مش عايز اعملكم دوشه سلامه.....انتوا هتتجوزوا بعدنا بحوالي اسبوع يعني في كل الاحوال انا مش هعرف اسافر واسيبك حسان....ولا انا مش هنلحق سيبك من السفر الوقت نخلص منكم و بعدين نسافر اي وقت براحتنا مش شرط بعد الفرح علي طول يعني كده كده انا و سلمي متفقين مكناش هنعرف نسافر عشان شغلها و شغلي كنا هنروح كام يوم في اي مكان جوه مصر و بعد كده كل فتره كنا ناوين في اي اجازه نسافر بلد سلامه....وانا كمان هعمل زي حسان كده هسافر بس مش علي طول عسال....خلاص تمام ايه رايكم في فندق موفنبيك حسان....تحفه طبعا من افضل فنادق السخنه سلامه.....احجز الفندق و ظبط مع الويدينج بلانر و الموضوع هيبقي بسيط حتي لو اضطريت تسافر تتابع بنفسك المسافه صد رد يعني عسال....طيب هي ليله واحده كفايه حسان....انت ناوي تقعد اكتر هي ليله قبل الفرح حلوه جدا وبعد الفرح نرجع كلنا مع بعض و تروحوا بيتكم سلامه....لو انت حابب تكمل خليك بس انا من رايي ارجع عسال....لا ارجع عادي علي البيت سلامه....خلاص ليله واحده كفايه اوي و بعد الفرح نرجع مع بعض و نوصلك علي البيت و خلاص عسال.....طيب حلو انا بامر الله هخلص كل حاجه انهارده حسان.....طيب ادي الاستاذ ميدو استقر و عرف دنيته هنعمل ايه احنا سلامه...احنا لسه عايزين نخلص من حوار الماذون انا حاسس ان الدنيا قفلت مره واحده عسال.....ولا قفلت ولا حاجه موضوع الماذون هيتحل بسرعه خلينا في القاعه الاول بقولكم ايه ايه رأيكم تعملوا الفرح في القلعه مكان مفتوح و كبير و ليه قيمه كبيره و بيتعمل فيه افراح تجنن سلامه......القلعه طب والله فكره ايه رايك يا حسان حسان....بضحك احنا جايين الوقت نحلها لبعض انت تحلهالوا وهو يحلهالنا عسال....والله فكر فيها تحفه حسان.....طيب قوموا نروح و نشوف كده سلامه....بضحك حسان اتحمس حسان....بضحك مكانتش في بالي الحقيقه و فكره حلوه يلا خلينا منضيعش وقت قوموا ...................... وصلت نسمه علي زايد مع الغربيه بتاعت الشغل و كانت راكبه عربيتها وراهم قابلها سليم و استلم منها الشغل سليم....حبيبي انتي عندك شغل تاني توصليه نسمه.....لا هنا بس انا خلصت شغلي خلاص سليم....يعني مش هترجعي معاهم نسمه....لا في حاجه ولا ايه سليم.....لا هاتي مفتاحك كده نسمه....اهو ليه سليم....بضحك بذمتك دي منظر عربيه تمشي بيها العربيه متبهدله خالص يا نسمه كلها تراب نسمه....علي فكره من جوه نضيفه خالص و الصبح الشاب لمعوها في البارك هي عامله كده بس بسبب الجو سليم....ماشي بس منضفوهاش اوي هاتي اوديها المغسله اظبطهالك و خليكي معايا شويه نسمه.....بأبتسامه ماشي خدها عايز تجرب فيا صح سليم....لا انا شغال من فتره مبجربش خلاص بس واجب من صاحب المكان لحبيبته نسمه....بضحك ماشي يا عم طيب هاجي معاك ولا هستني هنا سليم.....استني بس نخلص مع الناس و يمشوا و بعدين هروح انا وانتي قوليلي بس تشربي ايه نسمه....مش عايزه انا بس حرانه عايزه اشري سليم....هجيبلك مايه بس تشربي ايه عصير و لا اجيبلك ايه نسمه....طيب بلاش عصير انا عايزه نسكافيه سليم.....تمام يا قلبي نسمه....سليم هو انا ينفع ابقي اسلم علي طنط سليم.....طبعاً ممكن استني الوقت نروحلها راح سليم للراجل وقف معاه ثواني دخلوا الشباب الشغل و بعدين مشي و راح سليم خدها و راحوا علي البيت عندهم. سليم.....امي يا امي امينه.....تعالي يا حبيبي انا هنا دخل و هي في ايده علي المجلس امينه...اهلا اهلا تعالي يا ضنايا سليم.....نسمه جايه تسلم عليكي يا امي امينه....جبيبه قلبي الدار نورت كيفك يا ضنايا نسمه....حضنتها الحمد لله حضرتك كويسه امينه....انا بخير الحمد لله تعالي اجعدي كيفك و كيف امك واخواتك نسمه....كلنا بخير الحمد لله امينه....انت هتفضل واجف اكده يلا اتكل علي الله نسمه....بضحك لا ماهو انا همشي انا بس كنت بوصل الشغل و جيت اسلم علي حضرتك امينه....تمشي فين انتي هتجعدي تتغدي معايا نسمه....مش هينفع والله أسالي سليم سليم...طب ليه مش هينفع خليكي كده كده انا لسه هروح اغسل العربيه و اظبطها اقعدي معاها هي لوحدها اتسلوا مع بعض و هبقي اجي اجيبك بصتلوا و هي بتبرقلوا و بتضحك سليم....بضحك شايفه يا امي البت بتبصلي ازاي امينه....تبصلك براحتها يلا انت اتكل علي الله و سيبنا لحالنا بلاش صداع سليم....بضحك بقي كده بقيت صداع يا امونه ماشي يا ستي هخلص واجيلك يا نسمه والنبي يا امونه ابقي خلي فاطمه تعملها نسكافيه ملهاش نصيب تشرب اللي طلبته امينه....خليك في حالك انت واتكل هتوصيني عليها سليم.... بضحك شايفه المعامله كل ده بسببك نسمه....بضحك معلش حقك عليا سليم.....يلا لو احتاجتوا حاجه كلموني سلام عليكم امينه ...بالسلامه انت نسمه....باحراج عليكم السلام مشي سليم و نسمه كانت مكسوفه اوي بس امينه طبعا كانت عارفه تفكها ازاي.. امينه.....فاطمه فاطمه فاطمه....ايوه يا ست امينه امينه....اعملي كوبايه نسكافيه حلوه من يدك لعروستنا و اعملي الجهوه بتاعتي و خلصوا الغداء بسرعه فاطمه....من عيني حالا امينه.....بقولك ايه يا ست العرايس روحي غسلي وشك ويدك من تراب الشارع و تعالي يلا اجعدي نسمه....بايتسامه طيب هو انا ممكن بس اصلي الضهر عشان ملحقتش اصليه امينه....طبعا الله يرضي و فتح عليكي روحي اتوضي و انا بچهزلك الاسدال و سجادة الصلاه نسمه....ماشي .................... عند نعيمه و نغم نعيمه.....يعني هي متعرفش بيتك نغم....لا متعرفش ولا بيتهيألي كانت عارفه بيت عمو احمد و لو عرفت مبقاش يفرق معايا هخاف من ايه كفايه خوف بقي انا قضيت ايام مرعوبه فيها بجد نعيمه......بس قوليلي يا نغم هو انا ليه حاسه انك مش بتكرهي مريم يعني من كلامك واضح انك زعلانه جدا و موجوعه بس في جواكي حته بتحبها انا صح ولا غلط نغم.....انا عمري ما عرفت اكرهه حد يا نعيمه اصل الكره ده احساسه وحش اوي مريم علي قد اللي عملتوا فيا حاولت اكرهها معرفتش بصي هي مريم مش حد وحش بس أذتني انا عمري ما كرهتها بالعكس كنت بحبها اوي و انغام اختي كانت بتحبها يمكن لما بقعد افكر مع نفسي بحس ان سبب انتحار انغام مش عشان جوزها ولا عشان اتجرحت منه هي عملت كده لانها مكانتش مصدقه ان اللي تعمل فيها كده مريم جايز اوي انغام مكانتش انتحرت لو هاني عرف عليها اي حد تاني لكن هي عقلها رفض ان مريم تكون الحد ده انغام كانت بتحب مريم حب ميتوصفش كانت بتشوفها كل حاجه حلوه كانت قدوتها رغم ان هي كانت بتخاف منها كتير لان مريم شخصيتها قويه اوي بس كانت بتحبها حب صادق كانت شايفه انها الامان و السند والعيله و الضهر و كل حاجه فا لما حصل كده هي حتي مقدرتش تواجه مريم مقدرتش تقف قدامها في الموقف ده من كتر حبها فيها اختارت انها تم*وت ولا انها تقف قدامها لانها كانت شايفه ان مريم حاجه كبيره اوي و الحقيقه مريم فعلا كانت حاجه كبيره بالنسبه لينا احنا مكانش لينا غيرها عارفه يا نعيمه احساس انك تتعري فجأه وسط الناس احساس انك تكوني سانده علي صخره قويه و فجاه تتسحب من وراء ضهرك اهو ده بالظبط اللي حسيت بيه انا وانغام فجأه اللي كانت بالنسبه لينا كل حاجه مطلوب مننا نطلعها من حياتنا نبعد عنها ميبقاش لبنا ضهر او سند صدقيني كانت واقعه جامده جايز مريم تكون مش وحشه و جايز الوقت هي بتندم و فاقت بس للاسف بعد فوات الاوان نعيمه.....بصراحه هي تركيبه غريبه اوي من كلام البنات و الشباب و كلامك تبان انها حد كويس بس انا عذراكي بصراحه يعني انا عارفه انه غصب عنك يمكن انا متلغبطه في الحكم علي شخصيتها بس المهم انك بخير و مرتاحه نغم....هو انتي لو مكاني يا نعيمه موقفك هيبقي ازاي نعيمه....انا لسه بقولك اني متلغبطه بصراحه معرفش يعني معرفش كنت هقدر اسامح و تصعب عليا حالتها ولا مش هقدر يعني لو فكرت اني احط نسمه في نفس وضع اختك لا قدر الله بيتهيالي اني ممكن اخرب الدنيا عشانها و مسامحش ابدا بس فكره الحب اللي جواكي ليها واللي انا بصراحه مش قادره اتخيلوا مش عارفه جايز اسامح نغم.....علي فكره انا سامحتها يا نعيمه بس جوايا حته مش قادره تصفي مش قادره انسي لما بفتكرها او اشوفها او حتي اسمها يتذكر بحس اني بتخنق منبقاش طايقه اسمع اي حاجه عنها مستحيل اقدر اتعامل عادي زي الاول نعيمه....بصي يا نغم محدش طلب منك ترجعي زي الاول لان اصلا لما بنتوجع غصب عننا مش بنعرف نرجع زي ما كنا انتي سامحتي ودي اهم حاجه بس كمان مش شرط ترجعي لان ده صعب بس خليكي جنبها يا نغم مش عشانها عشان لو لاقدر الله جرالها حاجه هتفضلي تأنبي نفسك و ضميرك انك قصرتي حبها اللي جواكي غصب عنك هيظهر بقوه لو راحت منك و هيهاجمك صدقيني انتي بتقولي ملهاش حد واللي خواليها كلهم يتمنوا مو*تها ولو عرفوا مرضها اصلا هيفرحوا و مش هيرحموها اعملي اللي عليكي يا نغم مترجعيش زي الاول بس اقفي معاها في مرضها لان هي لسه هتتعب اكتر اوقات يا نغم حتي لو موجوعين من حد في وقت شدتهم مبنقدرش نتخلي عنهم في ناس بتبقي قدرنا في الحياه مبنعرفش نهرب منه يبقوا واجعينا و مقررين انتا نقاطعهم عشان نرتاح بس لما يقعوا في مصيبه و نفكر و نلاقي انهم ملهمش غيرنا العاطفه اللي جوانا بتحركنا يعني تخيلي كده لو جالك الوقت بعد الشر يعني تليفون من المستشفي بيقولك الحقي مريم هتعملي ايه بصتلها نغم بوجع و عينها دمعت و بصت لبعيد و هي بتهز راسها نغم......معرفش بس اكيد هجري عليها نعيمه.....بابتسامه هو ده اللي بقولوا احنا بنزعل بنتوجع بنتجرح وبنحلف و بتقسم ان الناس دي مش هتدخل حياتنا تاني بس بمجرد ما نسمع عنهم حاجه رصيدهم جوانا اللي بيحركنا ليهم بصي يا نغم متضغطيش علي نفسك و لا ترهقني عقلك و قلبك معاكي انتي سامحتي ودي حاجه حلوه و بيتهيألي ارتحتي شويه ان جزء من حقك بقي في ايدك مترجعيش زي الاول مع مريم بس كمان لو في ايدك اي مساعده ليها متتأخريش علي الاقل بوقفه جنبها في وقت صعب او بمكالمه تليفون اعتبري ان ده صدقه علي روح اختك و امك اعتبري ان مريم امانتهم اه غلطت كتير بس احنا بشر و نفوسنا ضعيفه محدش فينا مش بيغلط يا نغم اكيد غلط عن غلط بيفرق بس كمان احنا لازم نعدي و نسيب الباقي علي ربنا لان صدقيني هيجي عليكي وقت و تقولي ياريتني كنت عملت اللي عليا للاخر يارتني مقصرتش يارتني سالت جربي مش هتخسري حاجه علي الاقل من بعيد لبعيد اعرفي اخبارها اطمني انها بخير بس نغم......بابتسامه مسحت دموعها هحاول والله نعيمه.....وبرضوا متضغطيش علي نفسك و ان شاء الله خير نغم....يارب نعيمه....بابتيامه بقولك ايه فكي بقي من النكد ده انتي فكرتي هتلبسي ايه في فرح البنات ولا لا احنا عندنا افراح كتير نغم....بابتسامه بصراحه لا لسه و مش عارفه هلبس ايه خالص مفيش حاجه في بالي تعرفي اني محضرتش في حياتي غير فرح انغام بس نعيمه....اهو جايلك فرحين يا ستي مره واحده و ثلاث عرايس كمان عقبالك نغم..... عقبالك انتي يا نوني نعيمه....اللهم امين بصي بقي احنا لسه متفقناش احنا والبنات هنلبس نفس اللون ولا هنغير يعني هنتفق و انتي معانا نغم.... اه ياريت لاني مش هعرف اختار نعيمه....متقلقيش هنختار سوا و هننزل مع بعض كلنا نشوف بس البنات هيحددوا امته نغم.....ان شاء الله نعيمه.....بقولك ايه انتي بعد الشغل فاضيه تيجي معايا نغم.....ماشي معاكي هتروحي فين نعيمه.....هجيب شويه حجات من السوبر ماركت مش بعيد يعني لو مش حابه خلاص نغم.... بابتسامه لا حابه جدا انتي جيتيلي من السما انا لسه مجبتش حاجه للبيت خالص و كنت بفكر اجيب انهارده شويه حجات بسيطه من اي مكان لحد ما اقدر انزل اجيب من اي سوبر ماركت كبير لان بصراحه بصي انا بعرف اعمل اكل حلو جدا بس انا فاشله في موضوع الشراء يعني مش ببقي عارفه المفروض اجيب ايه وكده نعيمه....بضحك لا دي لعبتي بقي انا كنت فاشله في الاكل بس بعرف اشتري كل حاجه و كنت بنزل انا ولولي علي طول نشتري الحاجه مع بعض و بناخد نادين كمان بعد كده لو احتاجتي حاجه ننزل مع بعض شوفي بقي كل اللي ناقصك نجيبه و انا معايا العربيه هوصلك لحد البيت نغم....حبيبتي يا نوني بجد شكرا هتعبك معايا نعيمه....بطلي هبل تعب ايه انا كده كده فاضيه نغم....بابتسامه هو انا ممكن اعترفلك اعتراف و متزعليش مني نعيمه.....بابتسامه قولي مش هزعل نغم.....بصراحه انا اول مره شوفتك فيها الفيد باك اللي خدتها عنك مكانتش حلوه خالص نعيمه....بضحك حطت ايدها علي وشها لااااااااا انسي اول مره والنبي دي نغم.....بضحك لا والله هو انا عرفتك اكتر بس في اول مره حسيت اني مش حباكي شويه و بصراحه انتي و ايمي بالنسبالي كنتوا يعني خوفت منكم حسيت انكم شداد كده و مش مريحين خالص بس ايمي غيرت فكرتي عنها من بعد ما بدات تتكلم يعني انا شوفتها خدت الانطباع ده من الهيئه الخارجيه تحسيها كده شخصيه قويه و تخوف من غير ما تتكلم نعيمه......بضحك ايمي لا دي قمر خالص عارفه لو قولتي ليله اصدقك نغم......لا بصي هو كان اول انطباع في لحظه بس لما بدات تهزر تتكلم حسيت انها بجد طيبه و حنينه وتجنن و تحسيها ام في نفسها و بعدين بتتعامل معايا علي انها تعرفني و اللي خلاني غيرت الفكره دي اكتر زوزو مامتها بصراحه الست دي بحبها اوي و جميله و ايمي نفس طباعها ليله بصي هي تبان شخصيه جامده و قويه بس هي بنت بلد زي ما بنقول يعني بسرعه تعرف تحتويكي و مش شرط تتكلم عشان تفهميها هي في ناس كده باين عليهم انهم جدعان فهمتي بس ايمي كانت قويه بزياده ملامحها لكن لما اتكلمت لا بجد طفله و دمها خفيف يمكن بعد كده اكتشفت ان ليله شخصيتها اقوي و ايمي سلسله عنها شويه بس هي تجنن وبحبها اوي برضوا و جوزها بجد عسل خالص و جدع اوي انا شوفته كذا مره بس هو جه معانا وقت ما روحنا نشوف الشقه و طلع دمه خفيف جدا و بجد طيبين اوي كلهم نعيمه.....طب وانا ده انتي نهارك مش معدي نغم....بحضك لا والله هو كان مجرد انطباع اول بس معاكي كان موقف ويمكن انا كنت حساساه شويه يعني انتي كان معاكي حق في خوفك عليهم وطريقه كلامك بس انا نفسيا مكنتش كويسه و حساسه اوي فا قررت اني اتلاشاكي بصراحه نعيمه....بضحك عشان كده لما رجعت مرضتيش تيجي تباتي معانا نغم.....بضحك لا والله العظيم خالص انا حقيقي كنت حابه اسيبكم مع بعض براحتكم علي فكره البنات بيحبوكي اوي و اتكلموا عنك معايا بكل خير و كانوا عارفين اني كشيت منك شوبه فكانوا حابين يغيروا فكرتي عنك و بجد حبيتك من كلامهم و كنت مضايقه عشانك مع اننا متكلمناش خالص بس من بعد ماجيتي من كام يوم و نزلتي الشغل و قربنا من بعض بجد طلعتي طيبه اوي و الكلام اللي قالوه البنات عنك قليل عليكي نعيمه....حبيبه قلبي بصي بما اننا فتحنا الكلام مش عيزاكي تزعلي مني انا كمان والله العظيم كنت بمر بظروف مش حلوه اكيد ده مش مبرر لطولة لساني ضحكت هي ونغم نعيمه.....بس اقصد ان انا مش حد وحش ولا حد مؤذي جايز كنت خايفه علي البنات وحمودي وتامر و ده حقي لانهم بجد طيبين اوي و انا بحب الناس اللي مني وبخاف عليهم اينعم مش بعرف اعبر و ببوظ الدنيا بس والله ده بيبقي حب انا وقتها ضايقتك بس سامحيني و متزعليش مني نغم....بابتيامه انتي بتقولي ايه مسمحاكي طبعا ومش زعلانه انا بعد الحوار ده بدات ابقي كويسه شويه و فهمت اصلا انه غصب عنك و مكنتش مضايقه خالص بالعكس انا بس حبيت اقولك علي انطباع كنت وخداه عنك بس والله العظيم يا نوني حبيتك اوي و علي فكره انا بحب نسمه هي جميله هي وتقي وعايزن اقولك ان من يوم ماخدتا ارقام بعض بيكلموني علي طول و بيسالوا عني و كانوا حابين اكتر من مره ننزل و نخرج بس بصراحه كنت لسه خايفه و رفضت كتير نعيمه....لا ليه انزلي واخرجي و اتبسطوا مع بعض و اتعرفي علي صحابهم و اعملي بقي علاقات انتي مش هتفضلي كده الحمد لله تقريبا اغلب مشاكلك اتحلت عيشي بقي حياتك و اتبسطي انتي لسه صغيره والصيع الاتنين دول علي طول مع بعض وقت اجازتهم انزلي واتبسطي نغم....هعمل كده والله انا خلاص مبقاش ليا غيركم بقيتوا اهلي واخواتي واصحابي وبحبكم اوي نعيمه....بابتسامه ضمتها واحنا كمان بنحبك والله وان شاء الله كل اللي جاي هيبقي حلو نغم....يارب يا نوني يلا نكمل بقي عشان نروح السوبر ماركت نعيمه....يلا بينا ..................... عند ليله والبنات غمضت ليله عينها و بصت لفوق سلمي....بهمس والله هتحدف الحاجه في وشنا و هتمشي ايه....بضحك طب بصي يا لولي انا خلاص والله مش هتكلم اللي انتي شيفاه صح اعمليه ليله....فتحت عينها هو انا بقول اسكتي اتكلمي بس ادام حاجه متفهميش فيها يا تسألي يا توافقي من غير اعتراض ايه....بضحك لا خلاص لا هسأل ولا هتنيل اعملي الصح ليله....الاهم طولك ياروح سلمي الاشكال اللي اختارتيها دي عجبتك سلمي....اه حلوه اوي ليله....معاكي كام طقم سلمي....دول عشره ليله....طيب امسكي دول كمان معاكي 12 حلوين كده متجيبيش تاني سلمي.....دول كفايه؟ ليله....اه كفايه يا سلمي معاكي 12 لون ملايه كلهم مختلفين و شيك و هاديين مش بكتر الحاجه بعدين بقي لما يعجبك حاجه زودي براحتك سلمي.....اوك ليله....نودي انتي معاكي 12 نادين...اه انا خلصت خلاص ليله....طيب خلينا نشوف بتوع الاوض الصغيره يلا فضلت ليله تلف معاها علي اطقم السرير جابت لغرفه النوم و غرف الاطفال و الضيوف و جابتلهم بطاطين و مفارش وفوط و برانس بالاوضه لحد ما العربيات اتملأت مشيوا و بعدين راحوا جابوا اكسسوارات و برفانت زياده و ميك اب و حجات كتير اوي لحد ما اخيراً اتشاهدت ليله ليله.....احنا كده خلصنا كل حاجه حتي اللبس اللي هتستقبلوا بيه اي حد يجيلكم جيبناه في حد فيكم بقي ناقصه اي حاجه تاني في حاجه نسيتوها.. سلمي.....انا كده تمام خالص الحمد لله نادين....وانا كمان بيتهيألي خلصت لو بعدين بقي احتاجت حاجه هبقي اجيبها ايه.....بابتسامه هو انا عايزه اقول حاجه بس خايفه من ليله ليله...ياستي هو انا هاكلك ما تقوي ناقصك ايه يمكن نسينا بالمره خلينا نجيب كل حاجه ايه....اااا بصي انا مجبتش فرش للشعر نادين.....انا كمان مش عندي سلمي....بضحك ولا انا ليله....طيب حلو اهو بنفتكر مع بعض ماشي في حاجه تاني ايه.....من غير طولة لسان هو احنا المفروض نجيب الشامبو و حمامات الكريم وكده ولا لا ليله.....لا يا قلبي دول هتنزلوا نازله واحده الصيدليه او ماركت كبير تجيبوهم احنا بنجيب الاساسي ايه....طيب انا كده خلصت خلاص نادين....ولنا هو الفرش بس ليله....وانتي يا سلمي انا مش عيزاكم تنسوا اي حاجه خالص سلمي......لولي هو في حاجه مهمه اوي غالباً حتي هما نسيوها ليله....ايه هي ؟ سلمي....حجات المطبخ انا عندي حجات و ايه كمان عندها بس مش كل حاجه نادين.....انا ازاي نسيت انا مش عندي حاجه اصلا ليله....انا مش نسياها طبعا بس بما اننا الحمد لله ربنا كرمنا وخلصنا فرش الاوض هنروح الوقت نوديهم للشباب عشان نفضي العربيات و هوديكم علي مكان فظيع هتخرجوا منه جايبين كل حاجه خلينا بس نجيب الفرش بتاعتكم دي و نمشي علي طول لسه معانا وقت طويل ايه....طيب يلا بينا كملت بضحك والله العظيم ما جه في بالي حاجة المطبخ دي خالص ليله.....عشان اللي شاغل بالك الفرش انما هتاكلوا و تعملوا اكل في ايه لا ايه....بضحك او فتنتي لسلامه هزعلك ليله.....بضحك لا مش هفتن متخافيش يلا خلصوا .................. اتصلت ايمي علي محمود ايمي.....ايه ياعريس محمود....بضحكه جميله ايه يا قلب العريس ايمي....عامل ايه يا حبيبي محمود....زي الفل ايمي.....هتروح امته لرشيد محمود.....رشيد متفق معايا علي الساعه عشره عشان سلامه و ميدو مش موجودين بيحجزوا القاعه ايمي....اه صح طيب متتحركش برضوا من عندك الا لما تتأكد انهم راحوا عشان ممكن ميروحوش لو خدوا وقت محمود.....ايوه ما رشيد قالي بس هو ماكد عليا اننا هنقابلهم انهارده انتي عارفه انهم بيشهروا في الكافيه الكبير ايمي.....ولا ياحودا انت عرفت ان هما هيقفاوا 11 بدل تسعه محمود....ابوكي قالي اه بس مش متأكد من الخبر ايمي....لا اكيد خلاص من انهارده محمود.....طيب تمام حلو اوي ايمي.....بقولك ريهام عارفه انك هتكلمهم انهارده محمود....بابتيامه اه عارفه و مرعوبه ايمي.....يا عمري انا عارفه انها هتبقي مكسوفه اوي محمود.....اه دي روشتني من الصبح ايمي.....معلش هي مكسوفه اكيد المهم ابقي طمني ها محمود.....ماجوزك هيبقي معايا يبقي يطمنك هو ايمي......طمني انت كمان يا رخم محمود.....بضحك حاضر ايمي....امنيه و زوزو وحماده كويسين محمود.....كله بخير الحمد لله ايمي.....ماشي يا قلبي يلا روح شوف بتعمل ايه وهبقي اكلمك تاني محمود....ماشي يا قلبي يلا سلام ايمي.....باي قفلت ايمي واتصلت علي البنات ايمي.....الوووو ليله......قلبي اللي مشغوله عنها بس غصب عني والله ايمي.....عارفه والله يا ليله ايه الاخبار العيال دي مجننينك ليله....بضحك ده الطبيعي بس الحمد لله خلصنا فرش الاوض هنروح بس نودي الحاجه للشباب عشان نجيب حاجه المبطخ ايمي....مش معاكم مكان ولا ايه في العربيات ليله.... لا علي اخرها خلاص مفيش غير عربيتي انا ونودي ايمي.....طيب هما معاكي و لا مين اللي راكب معاكي ليله.....لا احنا مع بعض بيجببوا فرش للشعر الهوانم ايمي....بضحك طب افتحي الاسبيكر عشان عايزه افرحهم بحاجه ليله....قولي سامعينك فتحاه ايمي.....بت يا ايه يا بومه ايه......ايه خير ايمي....بضحك مبقتيش بومه يا بنت المحظوظه شكلك صعبتي علي الحكومه من انهارده هيقفولوا 11 بدل تسعه ايه....بصدمه وغلاوة امك ايمي.....بضحك والله العظيم هيطبقوا من النهارده ليله.....بضحك احيه علي فرحتها هم*وت اتاكدتي ولا اشعه يا ايمي ايمي.....رشيد اللي قالي والله سلمي.....الحمد لله عشان البومه دي تسكت شويه ايمي....مرضيه كده يا ستي ايه.....مش قادرين يخلوها 12 ليله.....ض*ربتها علي راسها انتي هتتشرطي كمان احمدي ربنا ايه....خلاص موافقه بلغيهم موافقتي يا ايمي ايمي...بضحك هبلغهم حالا يا مصيبه نودي فين صوتها مش طالع ليه نادين....سمعاكي يا قلبي ايمي.....احيه عالصغنن القمر تاعبه ليله و لا مؤدبه ليله.....بابتسامه اكتر واحده مؤدبه فيهم اصلا سلمي.....وانا كمان ليله....بابتسامه ولومي يا ايمي ايه....وانا اللي تاعبه قلبك ليله....بضحك انتي قمر بقولك ايه يا ايمي كلهم مؤدبين ايمي.....ربنا يهديهم يارب يلا طيب مش هعطلكم روحوا شوفوا اللي وراكم عشان تلحقوا ليله.....ماشي يا روحي هكلمك ايمي....اوك باي ليله....باي يا قلبي خلصوا البنات و بعدين خرجوا بره ليله......نودي كلمي ميدو خليه هو او سلامه يجولنا ولا معاكم مفاتيح ايه....انا لسه مش معايا نادين....ولا انا بس ميدو و سلامه وحسان اصلا بيشوفوا القاعات انا نسيت ليله....احيه عليا طب هنعمل ايه في الحجات دي نادين....معرفش اكلم ميدو اسألوا ليله....اه مش هينفع نجيب حاجه كده سلمي....انا ممكن اتصل بتامر هو كده كده فاضي و معاه لسه نسخه من المفاتيح حسان سايبها معاه عشان بيودي معاه اي حاجه ممكن يجي ياخد حاجتي ليله.....بس حاجتهم ماشاء الله كتير لازم ياخدوها حاجه المطبخ بتتكسر مينفعش زحمه في العربيه نادين....طيب استني هتصل عليه ثواني ورد عليها بعد عن الشباب عسال.....الووو ايه يا حبيبي نادين.....ايه يا ميدو انت فين عسال....انا مع الشباب بيشوفوا مكان تاني لسه نادين.... طيب قدامكم كتير عسال.....لسه اه في حاجه ولا ايه قوليلي نادين.....لا بس معانا حجات كتير كنا عايزينك انت وسلامه تاخدوها او اللي فاضي منكم يروح يحطها في الشقه عندي و عند ايه لان لسه بنجيب حجات و مفيش مكان و احنا مش معانا مفاتيح للبيت عسال....امممممم طيب بصي اقفلي و ثواني و هكلمك نادين.....اوك باي سلمي.....ايه هيجي نادين....لا شكلهم بعيد ولسه مخلصوش بس قالي اقفلي و هكلمك سلمي.... ياريتني جيت بالعربيه ليله.....حتي لو جيتي مكانتش هتقضي بقولك ايه اتصلي كده علي تامر شوفيه لو فاضي و ينفع يقابلنا ياخد الحاجه بتاعتك يوديها البيت لحسان سلمي.....طيب استني اتصلت سلمي علي تامر تامر.....الوو سلمي....ايه يا تيمو عامل ايه تامر....بخير يا قلبي سلمي....هو انت في مشوار تامر....لا انا بجيب حجات كده في حاجه سلمي.....لا بشوفك فين ولو فاضي كنت عايزه اديك الحاجه بتاعتي العربيتين بتاعت ليله ونادين علي اخرهم و لسه عايزين نجيب حجات و مش عارفين نحطها فين بشوفك لو ينفع تاخد حاجتي و لو معاك المفتاح توصلها للبيت تامر.....طيب شوفي اجيلك فين انا كده كده كنت هروح شويه و انزل تاني علي بليل شويه سلمي....احنا هنروح علي مدينه نصر نوصل حاجه ايه و نادين تامر.....حلو في شقه ميدو وسلامه سلمي....اه قريب تامر...قريب جدا عشر دقايق وابقي هناك سلمي....حلو اوي استني بقي هناك و هنجيلك علي طول تامر....طيب يلا مستنيكم سلمي....تمام يا حبيبي باي تامر....باي نادين....ميدو بيتصل اهو الووو عسال....ايه يا عمري بصي يا تويتي روحي يا قلبي علي هناك و هتلاقي مصطفي مستنينكم انتي قبل ما تدخلي علي البيت اتصلي عليه هينزلك هو اجازه انهارده و هيديكي نسخه من المفاتيح دي بتاعتك كل ما اجي اديهالك انسي خليها معاكي بقي عشان اي ظرف زي ده لان الفتره الجايه ممكن مبقاش عارف اوصلك بسرعه نادين....طيب يعني نتحرم علي هناك خلاص عسال....اه يلا روحي هو مستنيكم نادين....اوك يا حبيبي هخلص واكلمك عسال....تمام علي مهلكم يا روحي يلا باي نادين....باي يا ميدو ليله....ايه اتحلت ولا نادين...اه مصطفي اجازه و هينزلنا ليله....حلو طيب يلا بينا ................ عند نعيمه و نغم خرجت نعيمه بره شويه عشان يوصلها شبكه و تتصل علي فضل بمجرد ما الشبكه وصلت جالها اشعارات كتير و هو كان متصل بيها اتصلت بيه علي طول.. نعيمه....الوووو فضل....طيب ينفع كده معقول مخرجتيش خالص عشان تشوفي الموبايل نعيمه....و حياة فضل لسه خارجه الوقت حالا عشان اتصل عليك لاقيتك بتكلمني ايه قلقت عليا فضل.....لا انا عارف انك في المخزن و بخير بس طولتي نعيمه.....بضحك هو ايه اللي لا طب قول اه قلقت واضحك عليا فضل....بضحك مش قصدي يا رخمه نعيمه.....بضحكه جميله خلاص يا عم متزوقش بنكشك المهم انت بخير فضل....زي الفل و حشتيني علي فكره نعيمه.....وانت كمان يا كسلان صحيت اخيرا فضل....صحيت و خدت شاور و لبست و قدام العربيه كمان نعيمه.....ايه النشاط ده كله قولي رايح فين بقي فضل....انا هروح اشوف الشغل في الكافيهات شويه نعيمه....مش رايح الورشه فضل.....لا انهارده احتمال مفتحش ممكن لو فتحت افتح بليل نعيمه.....طيب هتفضل في زايد يعني فضل....الوقت اه عشان اغلب الشباب مش موجودين في مشاوير و وراهم حجات مفيش غير عبدالله اخويا و سليم و عدي و سليمان الباقي كله شارخ نعيمه....بضحك سابولك الدنيا و طفشوا فضل....لا محمود بيجهز لفرحه انتي عارفه وعنده مشاوير كتير و مش عارف مين من اخواته معاه غالباً عشري كمان معاه و هيبقي يروح علي الكافيه الجديد و بس مش عارف بقي الباقي بيصيع فين بس صياعة شغل يعني المهم يعني انا هعدي عليكي بليل عشان اجيبلك حاجتك نعيمه....طيب بقولك ايه ما تخليها عندك لحد ما تبقي تحطهم في البيت بدل ما نفضل رايحين جايين بيها فضل....طب ما تخلي حاجتك معاكي نعيمه....ماهو انا مش بلبس منهم حاجه الوقت سيبهم معاك احسن كده كده اليومين الجايين دول اي حاجه تخصني هبقي ابعتها معاك عشان وقت ما ننقل الحاجه متبقاش كتير فضل....طيب علي راحتك اللي انتي عيزاه اعمليه المهم الحاجه موجوده لو حابه اجيلهالك هجيبها نعيمه....لو عوزت حاجه هقولك المهم قولي جوجو عرفت ولا لسه فضل....بابتسامه عرفت يا ستي هي وابويا و هتعمل فرح الوقت بس هي لسه صاحيه شويه وهتلاقيها بتكلمك قولتي حاجه للبنات او عندك في البيت نعيمه...لا لسه انا صحيت نزلت و جيت علي هنا علي طول ملحقتش بس هقولهم شويه كده فضل...تمام يا قلبي انتي هتخلصي الشغل و هتروحي في مكان ولا هتعملي ايه نعيمه...انا لما هخلص هاخد نغم و هنروح مع بعض السوبر ماركت انا عايزه اشتري شويه حجات و هي كمان هتنقل انهارده بيتها و محتاجه تجيب حجات كتير هروح معاها و هوصلها وهشوف كده هكلمك اكيد فضل....بابتسامه تمام يا حبيبي يلا روحي بقي عشان معطلكيش خدوا بالكم من نفسكم نعيمه....وانت كمان باي يا شيخ العرب فضل....بابتسامه باي يا دقاقه ................... وصلت ليله و البنات تحت بيت نادين وأيه.. مصطفي كام واقف مستنيهم و معاه تامر و شايفينهم من بعيد عمالين يضحكوا قربوا منهم و ركنوا ونزلوا سلموا عليهم ليله.....هلا تيمو تامر....اهلا لولييييي وحشاني ليله.....انت اكتر والله صاصا يا قلبي مصطفي....احلي لياه في الدنيا عامله ايه يا قلب اخوكي ليله....زي الفل مصطفي... ازيك يا سلمي سلمي....حبيبي يا مصطفي بخير والله انت اخبارك ايه مصطفي....زي الفل يويو نودي عاملين ايه يا عرايس تامر.....بابتسامه خلصانين قدامك اهو نادين....الجو حر اوي مصطفي....استني حالا هجيبلكم مايه نادين....تعالي هنا معانا مايه و كل حاجه خد بس الحاجه يلا مصطفي.....نعم يا اختي حاجه ايه انا كل اللي اتطلب مني اديكم المفاتيح ايه.....اه يا واطي عايز تسيبنا وتخلع تامر....بضحك واطي صحيح مصطفي....لا والله بهزر ده ميدو وسلامن مأكدين عليا يتجوزوا هما و اتقرف انا نادين....ض*ربتوا في كتفه قرف في عينك ايه.....ض*ربتوا ابقي شوف مين هيقف معاك لما تتجوز مصطفي....اااااه يخربيت ايدكم التقياه سلمي.....بضحك احسن جيبتوا لنفسك ليله...بت انتي وهي متض*ربوش صاصا لا اقطعكم قرب منها مصطفي بسرعه مصطفي....اختيييي الجدع فيكم يقرب بقي نادين....لا خلاص سامحتك تامر....يلا يا جبانه نادين....بضحك ما هو بيتحامي في ليله و مش هقدر اتكلم بس مش هسيبه برضوا سلمي....تيمو يلا خد حاجتي بقي تامر.....اه هاتي احطها في العربيه واستنوا هطلع مع الغلبان ده مصطفي....تنستر يارب و تلاقي بنت الحلال يا جدع يا رجوله ليله....بضحك انت هتشحت مصطفي.....ااااه نسيت خدي ياستي مفتاحك ميدو قالي اديهولك وانتي كمان يا ايه سلامه بيقولك حطيه علي طول في الميداليه عشان لو ضاع با بومه مش هيطلعلك غيره ايه....ض*ربتوا تاني بومه في عينك مصطفي....بضحك ااااه والله هو اللي قال ايه....لما اشوفوا ليله...ممكن نبطل لعب عيال و نيجي ناخد الحاجه تامر....انا واقف مستني اهو ليله....انت مؤدب انت خد دول كده بتوع سلمي خدي سلمي تعالي معاه نادين.....مصطفي تعالي خد معايا انت وايه حاجتنا في العربيه سلمي.....نودي انتي عارفه حاجتك عن حاجه ايه نادين....اه ليله اللي كانت رصاهم ليله....وريني اوعي تتلغبطي دول كده يا مصطفي بتوع نادين حطهم علي جنب و انتي يا ايه حطي حاجتك بعيد تامر......في حاجه تاني سلمي....اه لسه خد دول كمان تامر....ايه كل ده انتوا فتحتوا مصنع مفروشات ليله....ض*ربتوا علي كتفه قول ماشاء الله يا بومه زي اختك تامر....بضحك اااه ماشاء الله يا ستي بس خربتوا بيت الرجاله منكم لله ليله....لما نشوف يا اخويا لما تتجوز هتجيب ايه تامر....مش هتجوز انا هقعد مع ابويا ليله....هنطردك هجيب لابوك عروسه تامر....هتجيبيلي مرات اب يا ليله ليله....بضحك اه و هشردك تامر...لا وعلي ايه خلاص هتجوز ايه....ض*ربتوا في كتفه ما كان من الاول لازم تسمع كلمتين و تخليها تقولك يابومه زي اختك تامر...اااااه يابت في ايه منك ليه ايه الباور الي عندكم ده جسمي باظ مصطفي....بضحك احسن انا واكل كام بوكس في ايدي عنب سلمي....انا مؤدبه مض*ربتش حد ليله....طب اخلصي يا با ده وشيلي عشان انتي اللي هتض*ربي الوقت سلمي....بضحك خلاص خد حاجتي كلها مصطفي......يلا بقي نطلع الحاجه دي انا هشيل حاجت نادبن حد يساعدني ايه....وليه متشيلش حاجتي ان شاء الله مصطفي....بس كده عيوني ساب حاجت نادبن و راح خد حاجه ايه يلا يا تامر شيل انت حاجت نادين و حد يساعدك نادين....يا سلام انت بتسيب حاجتي و بتشيل حاجتها والله لا هقول لميدو مصطفي....لا كله الا زعل الباشا بتاعنا تعالي معلش يا تامر ساعد ايه ايه....باشا في عينك انت وهي والله اقول لسلامه الكبير بتاعكم و وريني بقي هتقولوا ايه مصطفي....بطريقه مضحكه رمي الشنط من ايده م*وتهم كلهم من الضحك ادي الشنط ابو اللي عايز يتجوز علي اللي عايز يساعد كان مالي انا ومالي الهم ده وقعوا من الضحك كلهم ومسكوا تامر بسرعه باس راسه تامر....بضحك وحد الله وخدهم علي قد عقلهم مصطفي...يا جدع اوعي يا جدع دول مجانين ليله....بضحك طلعتوا الواد عن شعوره يا جزم ده انا ليا الجنه معاكم مصطفي.....انتي بتشتري معاهم الحاجه ازاي بجد ليله.....بضحك مجننين اللي خلفوني من امبارح انا الاول لا ابدأي بيا والتانيه لا انا اللي ناديت علي ليله الاول حضانه ورحمه امي لما هسحبلهم واحده تسمع الشارع كله تامر....بضحك لا استهدي بالله والنبي ولا يا مصطفي بقولك ايه تعالي نسيبهم و نمشي مصطفي....يلا بينا ليله...مسكتهم من ايدهم هما الاتنين وهي بتضحك ورحمه امي اللي هيتحرك لا هشقه نصين متسيبونيش معاهم بدل ما ارتكب فيهم جري*مه تامر....طب هليهم يخصلوا ليله....يلا با بت انتي وهي جننتوا اهلنا وبعد لعب عيال و ضحك شالوا الحاجه طلعوها عند نادين و عند ايه و نزلوا تاني مع بعض. ليله.....ايه الاخبار يا مصطفي عملت ايه في الموضوع بتاعك مصطفي....بابتسامه في اخبار حلوه اوي ليله....بجد مصطفي ...اه والله انا خدت الاجازه انهارده عشان كده من بدري و انا مع استاذ شهاب الحسيني و كتبنا العقد كمان ليله....اووووعي ايه....هتبقي مشهور و مش هتبص في وشنا خلاص مصطفي.....ولا هعرفكم انتي وهي بالذات نادين....بضحك طب انا ليه طيب ايه.....بضحك اه يا واطي مصطفي....لا بجد والله انا حابب اقول كلمه حلوه في حق الست دي بجد يابختكم بيها و بجد بحسدكم عشان تعرفوها قبلي ليله....بابتسامه حبيبي يا مصطفي مصطفي....والله العظيم يا ليله انا مهما قولت في حقك هبقي مقصر انتي صاحبة فضل كبير عليا ليله....فضل ايه يا مصطفي بجد متقولش كده هزعل منك انا معملتش اي حاجه غير اني وصلتك بشهاب الحسيني الباقي بتاعك مصطفي....بابتسامه بصلهم كدابه علي فكره الراجل كان شايلني من الارض شيل قالي انا اعرف ليله من زمان عمرها ما طلبت اي طلب مني و كونها انها تتوسط لحد يبقي هو غالي عندها وهي مصدقه فيه و عشان كده مضي معايا عقد بثلاثين حلقه وده مبدأي و بجد يا ليله دي شهاده كبيره منك في حقي و بجد انتي اجدع حد شوفته في حياتي و حبك اوي والله العظيم ليله....حبيبي يا صاصا خلاص هعيط اتلم في يومك ده بقي تامر.....بضحكه هاديه هو معاه حق انتي جدعه يا ليله و عمرك ما اتاخرتي عن اي حد خالص و ديماً واقفه في ضهر الكل ليله....بكسوف حبايبي ربنا يخليكم بقولكم ايه يلا اتكلوا علي الله بقي سلمي....بضحك اهي كده اتوترت ليله.....بضحك اوي والله هسيبهم عليكم يض*ربوا فيكم يلا امشوا بالذوق احسن مصطفي.....لا وعلي ايه امشي بكرامتي بقولكم ايه ما تطلعوا معايا شويه نتغدي و بعدين روحوا ايه...لسه فاكر تعزم علينا مصطفي....بضحك والله الكلام خدني يا بومه يلا والنبي اطلعوا ليله....مش هينفع ولله خليني اخلص منهم مصطفي....مش هتتاخروا والله سلمي....مره تانيه والله بس مفيش وقت احنا بنلعب في الوقت الضايع خلاص مصطفي....ماشي يا ستي ربنا معاكم يارب لو احتاجتوني تاني انا قاعد ليله....اكيد هنحتاجك بس بليل مصطفي....اي وقت انا معاكم تامر....سلام يا صاصا باي يا بنات سلموا علي بعض كلهم و ركبوا البنات تاني و مشيوا. .............. عند عسال و سلامه و حسان.. راحوا علي القلعه و شافوا المكان و اتكلموا مع المسؤولين عجبهم جدا المكان والفكره و المنظر من فوق كان وهم سلامه و حسان اتحمسوا و بدأوا يضحكوا و يبتسموا ونشاطهم رجع ليهم بعد الاحباط اللي حصلهم من اول البوم وهما عمالين يتفرجوا و علي حظهم كان في فرح هناك شافوا كل حاجه علي الطبيعه و عاشوا جزء بسيط من التجواء سلامه كان مبسوط اوي زي الاطفال و واقف في الفرح مش راضي يروح احسان و ميدو عشان يخلصوا باقي الاتفاق و كان موجود هناك ويدينج بلانر اتفقوا معاه علي كل حاجه و سألهم عن اللي حابينه وعرف انهم عريسين و عروستين اتحمس معاهم اكتر و بدأ يديهم افكار عجبتهم اوي و سألهم علي اليوم بالظبط مكانوش لسه حجزوا بداوا يشوفوا المواعيد الفاضيه بعيد عن فرح محمود اخو عشري . عسال....بقولكم ايه محمود فرحه يوم 9 خلوه انتوا يوم 11 بعده بيومين سلامه....حلو انا موافق معنديش مشكله و بيتهيألي البنات كمان معندهمش مشكله اتصل بس علي حمودي و عرفوا عسال.....بايتسامه احراج هرش في شعره ااا طيب هو انا رأيي انكم تتأكدوا من البنات كمان احسن عشان تعرفوا المعاد مناسب ليهم ولا لا بدل ما يتنكد عليكم اليوم ده سلامه....ليه ماهما عارفين اننا هنحجز لو اختارنا عسال....بضحك انا مش بتكلم علي الحجز يا غبي حسان....بضحك انا فهمت سلامه....اوباااا وانا كمان طب ايه عسال....بضحك كلموهم بقي و شوفوا كده حسان....طيب تمام بقول ايه اتصل علي حمودي و هو يحل الحوار ده احسن عسال....بضحك بقولكم ايه اتصلوا علي ليله احسن هي معاهم و هتسالهم علي طول عشان ميتحرجوش من ابوهم حسان...بضحك انا يا عم اتحرج اكلم ليله بصراحه في حاجه زي دي سلامه....اكلمها عادي انا عسال ...وانا برضوا عادي بص كلم ليله انت و انت روح قول لعم احمد حسان....تمام الاتنين مسكوا موبيلاتهم و وقف عسال جنبهم يشرب سجاير سلامه....الووو ليله...هلا بالعريس سلامه.... بابتسامه اهلا باللي طالع عينها ليله.....ياعم انا عيوني ليكم ايه الاخبار استقريتوا علي المكان ولا لا ايه قالت هتروحوا تشوفوا في القلعه سلامه...اه تقريبا استقرينا و المكان تحفه ويجنن و الڤايبس فيه حلوه اوي بس احنا عندنا مشكله ليله...مشكله ايه سلامه....عايزين نحدد المعاد المفروض محمود اخو عشري يوم تسعه احنا بنقول يوم 11 ليله....طيب حلو بعديه بيومين كويس سلامه....بضحك اه ماهو كويس بس انقذي اخواتك بقي و في الخباثه كده اعرفي المعاد ده مناسب لايه و سلمي ولا لا ليله.....احيه عليا هيم*وتوا ويتجوزوا يا اخويا اكيد مناسب سلامه....بضحك لا مقصدش كده خالص اقصد مناسب اليوم معاهم و لا في اي مانع لا صحصحي كده عشان شكلهم طلعوا عينك بجد ليله.....بضحك خلاص فهمتك طيب بص ايديني خمس دقايق كده وهرجعلك سلامه...بضحك طيب تمام ليله....اسمع انت قولت يوم 11 سلامه....اه هيبقي يوم سبت محمود فرحه الخميس ليله...اوك هرجعلك سلامه....باي سلمي...في ايه ليله....بضحك الشباب بيسالوا يوم 11 مناسب ليكم سلمي....عادي مش هتفرق ليله.....لا هتفرق يا اختي معاهم عايزين يعرفوا اليوم ده مناسب بعني واحده فيكم هيبقي عندها ظرف قهري ولا لا سلمي....بضحكة صدمه نهار اسود عالاحرااااج ليله....بضحك المشكله مش في الاحراج المشكله ان تبقي مصيبه لو ناسبك و مناسبش ابع او العكس في الحالتين اللي هتوقف الجوازه هتتفضح مع الكل سلمي....بضحك لا انا براءه هي المفروض تيجي بكره او بعده بالكتير يعني علي المعاد بتاع 11تكون خلصت بقالها يومين مثلا ليله...طيب حلو اوي كده استني بقي اكلم المصيبه دي سلمي....اديها كلتكس خلي نادين تقف علي جنب وقوليلها ادتهم ليله كلاكس وقالت لنادين تركن ركنت نادين و نزلت ليله راحت عليهم وهي بتضحك و نزلت وراها سلمي نادين....في حاجه ولا ايه ليله....لا عايزه اسأل المصيبه اللي جنبك دي بقولك سلامه كلمني و هيحجزوا علي يوم 11 مناسب ليكي ايه....مش فارق معايا اليوم المهم الفرح مش هيخلص تسعه ليله.....بضحك يخربيت ام الساعه اللي روشتك يابت افهمي لو مش فارق معاكي الويم فارق معاهم يا اختي ظروفك ايه في البريود ضحكت نادين و ايه بصتلهم بصدمه و ابتسمت ايه....معرفش يعني لا معرفش ليله....هو ايه يابت الي متعرفيش سلمي بكره هتجيلها او بعده انتي مش عارفه معادها يا غبيه ايه....ااا لا بصي استني هقولك هي المفروض قدامها حوالي اسبوع مثلا او عشر ايام ليله.....اخر مره كانت عندك امته طيب؟ ايه....تقريباً في نص ثلاثه مش فاكره بس انا عارفه ان ممكن تبقي عندي قبل الفرح بس ميتهيأليش تكون خلصت يوم الفرح ممكن تاني يوم مثلا ليله.....هي منتظمه عندك ايه....اه عادي كويسه سلمي....استني انا فاكره تقريبا جات يوم 14 ثلاثه اه انا فاكره والله ليله....احيه لا هتبقي عندها طيب كده يوم 12 هتبقي خلصت صح ايه...ما انا بقولك اكيد هتبقي خلصت تاني يوم الفرح ليله.....طيب ايه رايكم نخليها يوم 13 افضل واهو يوم شم النسيم وتبقي مناسبه ايه....اه تمام كده هبقي اكيد بعيد خدي بالك هي يوم 11 ممكن تبقي مشيت بس خلينا كده احسن ليله....لا خلينا نبعد بدل ما سلامه بحدفك من العاشر ضحكوا كلهم ليله....بضحك يلا سلمي هروح اقولوا نادين...اوك باي ركبت ليله هي وسلمي و اتصلت علي سلامه سلامه.....ها يا ليله ليله.....بابتيامه سلمي براءه بس ايه لا بص لو يوم 13 فاضي يبقي حلو و بعيد و امان سلامه...اممم 13 ده هيبقي يوم اتنين صح ليله....اه يوم شم النسيم سلامه.....حسان شوف يوم 13 فاضي عسال...اه قال فاضي هو و يوم السبت سلامه...طيب خلاص ماشي يا ليله يبقي يوم 13 بامر الله ليله ....ماشي يا حبيبي لو في حاجه كلمني سلامه....اوك باي يا لولي ................ حسان....اكيد خلاص يوم 13 سلامه...اه خلص علي كده بقي ما صدقنا حسان...طيب علي خيره الله ................... الوقت كان بيجري نعيمه و نغم راحوا مع بعض السوبر ماركت و فضلوا يشتروا كل اللي ناقصهم و هما بيشتروا اتصلت نعيمه عليهم ڤديو كانوا كمان بيشتروا الحاجه بتاعت المطبخ الكل عرف المعاد بتاع الفرح نعيمه عرفتهم اللي حصل بينها وبين فضل و فرحتهم بقت اكبر.. خبر رجوعها هي و فضل الكل عرفوا و كانوا مبسوطين جدا ليهم .. نسمه....قضت وقت حلو اوي مع امينه و شويه و البنات نزلوا قعدوا معاهم و اتغدوا و بعد كده جه سليم خدها كانت مبسوطه جدا .. ليله كانت بتبذل كل جهدها مع البنات بكل حب و جابتلهم كل حاجه نفسهم فيها .. تامر راح علي بيت سلمي و حسان حط الحاجه كلها و مشي... وصلت نعيمه نغم لحد البيت و طلعت معاها توصلها شافت البيت عجبها اوي و باركتلها و ظبطت معاها الحاجه في المطبخ و قعدت معاها شويه و بعدين مشيت.. البنات خلصوا وراحوا تاني علي مدينه نصر مصطفي نزلهم خد معاهم الحاجه طلعوها و بعدين مشيوا وصلتهم ليله و راحت علي البيت.. علي الساعه 11 راح محمود لرشيد في الكافيه الكبير عشري كان موجود معاهم هو كمان لسه ممشيش سلامه و ميدو راحوا علي الكافيه و حسان مشي راح يشوف المعرض بتاع العربيات قعد رشيد و محمود و سلامه و عسال مع بعض و عشري كان واقف بيباشر الشغل و بيحب في ليله شويه و هي في الطريق. رشيد...بابتسامه هاديه بصوا بقي ياشباب انا عارف انتوا بتسألوا في ايه وايه اللي حاصل بس الحقيقه محمود جاي و حابب يتكلم معاكم شويه و طلب مني اكون معاه الحقيقه انتوا اخواتي وصحاب عمري و عارفين كده كويس و محمود كمان اخويا الصغير و اخو مراتي يعني من الاخر القاعده دي نعتبرها قاعده عائليه كده و كلها حب و اسمعوا حودا عايز ايه سلامه....بضحك في ايه يا عم التقديمه الفظيعه دي ايه يا حودا عامل مصيبه ولا ايه محمود.... بابتسامه لا ربنا ما يجيب نصايب يارب من الاخر كده يا سلامه انت و ميدو انا طالب ايد ريهام اختكم سكتوا و بصوا لبعض و دام الصمت ثواني رشيد بصلهم حس بتوتر فظيع ليهم هما الاتنين سحب عسال كام منديل يمسح عرقه و سلامه كان متنح عمال يبص حواليه بتوتر فظيع قرب عشري في الوقت ده قعد و هو في ايده بسكوته بياكلها عشري....منور يا حوووودا محمود....بص لعشري بتوتر اااا بنورك يا حبيبي عشري.....ايه ده في ايه مالكم متنحين كلكم كده ليه رشيد....بضحك استني انت مش وقتك عشري.....لا بجد والله في ايه رشيد....مفيش بس محمود طلب ايد ريهام من الشباب و يعني زي ما انت شايف هما ض*ربوا لخمه وهو قاعد مش فاهم حاجه ابتسم محمود بتوتر فظيع و هما ابتسموا بهدوء بس التوتر اللي كانوا فيه كان قوي بص عشري ليهم بابتسامه و بعدين بص لمحمود عشري....ااا احممم قام وقف طيب خدوا راحتكم و هرجعلكم مسك سلامه ايد عشري بسرعه و بصلوا سلامه....اقعد عشري....انا جنبكم هنا يا اخويا خدوا راحتكم انتوا مع بعض سلامه....اقعد يا عشرررري رشيد...ما تقعد يا عم هو انت غريب عشري....لا طبعا مش كده بس يعني موضوع خاص وووو سلامه.....انت هوقعد و لا ازعلك عشري.... بابتسامه لا وعلي ايه وادي قاعده كمل بضحك طب ايه مش هتقولوا اي حاجه محمود.....ااا بص يا سلامه انت و ميدو انا عارف انكم متفاجىين و عندكم الف سؤال في دماغكم ليه و ازاي وامتي و اشمعني و انا هرد علي كل اسألتكم دي عشان تبقوا معايا في الصوره وبعدين لو في اي حاجه حابين تقولوها هسمعكم اولا انا عارف حدودي كويس انا بعتبركم اخواتي و صحابي عامل حدود لعلاقتكم باختي و علاقه رشيد بيكم كنت بحاول اراعي النسب اللي بينا و في نفس الوقت صحوبيتكم مكنتش حابب ابدا انكم تفكروا ان ايمي عارفه او رشيد عارف خالص والله هو تقريبا مفيش حاجه كبيره تتقال اولا انا موضوع الجواز والارتباط كنت قافله خالص واظن انا حكيت قبل كده اسبابي و الحقيقه اني مكنتش عارف اني ممكن اقدر افتح قلبي من تاني او احب لحد ما قربت اكتر من ريهام يمكن السفريه الاخيره كان ليها الفضل في القرب ده جايز محصلش بينا اي كلام او اي تلميح مني لريهام و كنا بنتعامل عادي جدا زي ما شوفتوا حتي لما رجعنا كانت الامور تمام و حتي لما نزلت الشغل برضوا الامور كانت تمام بس من وقت السفريه و من بعد كلامنا عن اسباب عدم ارتباطي ركزت بشكل او باخر مع ريهام يعني مؤدبه محترمه لفت نظري علاقتكم ببعض كا اخوات و علاقتها بوالدتها اللي فيها شبه كبير اوي من علاقتي انا واخواتي بامي وابويا الحقيقه كمان انتوا في كل تفاصيلكم تشبهونا جدا فا من هنا بدأت اهتم اركز لما نزلت الشغل بدأت اركز اكتر متجاوزتش حدودي ابداً معاها باي شكل من الاشكال و لا حتي حاولت اني ابين ليها كنت براقبها من بعيد لبعيد لحد ما حسيت اني اتعلقت بيها بجد و اتكلمت وقتها مع ايمي قولتلها كل حاجه وهي اتبسطت و فرحت وقالتلي كمل ريهام بنت حلال يعني والكلام ده كله. و اكيد مكانش ينفع اخد الخطوه اللي انا فيها الوقت حالا الا لو كنت عرفت راي ريهام و الحقيقه ان الفتره اللي اتعلقت بيها كنت بدات تحس ان ريهام حست بيا و كنت خايف انها تضايق مني او تضايق من اهتمامي و سؤالي عنها بس انا حسيت ان في قبول و ده اللي خلاني قررت اني اتكلم معاها. طول ما هو بيحكي رشيد و عشري بيبصوا لبعض و يبتسموا بهدوء و يبصوا علي الشباب سلامه و ميدو كانوا بيسمعوا محمود ميدو عمال يسحب في مناديل و يمسح عرقه سلامه مرتبك و عمال يهز رجله و يجز علي فكه.. محمود....و يمكن لما قولت لريهام انا ممكن اكون توقعت اي رد فعل الا اللي هي عملتوا وده اللي خلاني اتاكدت اكتر ان اختياري ليها كان صح بصولوا بتركيز محمود....يعني بمجرد ما قولتلها ريهام سحبت ورقه كتبت فيها رقم و حطيتوا قدامي و لاقيتها بتقولي ده رقم ابويا و رقم اخواتي الثلاثه معاك من الاول و انت عارف عنوان بيتنا اتكلم معاهم ابتسم سلامه بهدوء هو وميدو و عشري ضحك لرشيد محمود....ااا احممم انا اتصدمت بس كمان كنت حابب برضوا اسمع رايها هي مكانتش مضايقه و وو يعني قالتلي انها موافقه بس هي مش بتاعت الجو ده عموما و فيما معناه انت لو جد فا انت عارف بيتي و عارف توصل لابويا واخواتي ازاي و الحقيقه انها كبرت في نظري اكتر بكتير مما كانت كبيره بص يا سلامه انت و ميدو من الاخر انا بحب ريهام و اتمني اكمل معاها و اتمني كمان ميبقاش عندكم مانع و قبل اي حاجه اعتبروني شخص غريب كانكم متعرفونيش يعني قولوا رايكم بصراحه بعيداً عن رشيد و ايمي و علاقتكم بينا عموما بس ده اللي عندي رشيد....بابتسامه ايه يا سلامه سلامه....ااااا احممم بص هو انا قبل اي حاجه بعتذر عن التوتر و الارتباك اللي انت شايفه ده بس انا كمان توقعت حجات كتير الا الطلب ده يعني خطفتني انا مكنتش اتوقع اصلا اني اتعرض لموقف زي ده و يبقي ده رد فعلي ريهام يا محمود مش اختي الصغيره ريهام بنتي و يمكن انا الوقت حالا بجد من قلبي مشفق علي اي اب بيجوز بناته او قاعد في نفس القاعده دي طمل بضحكه هاديه و هو عمال يلعب في رقبته كنت بستغرب ليه الاب بيبقي في الحاله دي و افتكر اني فهمت الوقت و بيتهيالي كمان ميدو حاسس بنفس الاحساس عشري.... بضحك ميدو خلص نص علبه المناديل وهدفعوا تمنها عسال....بابتسامه انا حقيقي اتوترت زي ما سلامه بيقول رشيد....طيب نسيب بقي التوتر و كل ده علي جنب و عايزين ندي الراجل ده رد و نعرف رايكم سلامه....بهدوء احممم بص لعشري و ابتسم طب ايه علي فكره انت بوظت الدنيا محمود....بضحكه جميله مش قاصد والله حقك عليا قول اللي جواك وانا هفهموا سلامه....بضحك و توتر فظيع ايه عم انت وهو ساكتين ليه انتوا كمان قولوا اي حاجه احد ما ارجع تاني رشيد...بضحك اول مره في حياتي اشوف سلامه مزنوق الزنقه دي بص ياعم لو عايز راي فا انا موقفي مش حلو عشان متفكرش اني بشكر في محمود عشان اخو ايمي سلامه.....لا ياعم قول رايك رشيد....بابتيامه اسمع رايك انت وميدو الاول سلامه....بضحك ايه يا عم عشري مش هتقول حاجه انت كمان الله يخربيتك يا محمود وترتني ضحكوا كلهم علي سلامه عشري.....بص اولا انا زي رشيد مش هقدر اتكلم ريهام اختك و انت و ميدو رجالتها يعني الكلمه الاولي والاخيره ليها بس هليني اخفف التوتر اللي حاصل ده و اقول كلمتين طالعين من قلبي و بعد كده الباقي بتاعكم و دي شهاده حق محمود انت اخويا الصغير و انا بحبك و الفتره اللي عرفتك فيها عرفت راجل جدع محترم طيب حنين مؤدب متربي و بما اني بعتبرك اخويا فا نصيحتي ليك مش هتمنالك احسن من ريهام تكون شريكة حياتك و لو ريهام هي اللي اختي يا سلامه فا انا مش هقبل اقل من محمود ليها عشان اطمن عليها معاه راجل جدع هيصونها هيحفظها هيسعدها و هيطمنكم عليها ابتسم محمود و طبطب علي رجل عشري عشري....يعني من الاخر الجوازه دي لو تمت انا قلبي هيبقي راضي من جوه و مطمن علي الاتنين مع بعض عشان حواليهم عيله تجنن محمود....حبيبي يا عشري رشيد....و انا رأيي من راي عشري هو جاب الخلاصه و شهادتي في ريهام مجروحه و قولتلوا كل الكلام ده امبارح سلامه.....ابتسم و بص لعشري و انا مش هنزل كلمتك يا عشري انا موافق يا محمود ابتسم محمود بسعاده سلامه.....بص يا محمود انت عارف اني بحبك محمود....بايتسامه عارف سلامه.....يمكن كلامي عنك مش هيختلف كتير عن كلام عشري و رشيد في حقك ده رايي انا كمان انت جدع و ابن حلال و ايمي ربنا يعلم انا بعزها قد ايه و بعتبرها الكبيره و نسبي ليكم يشرفني لان العيله بتاعتكم غاليه عندي اوي و مش انا بس كلنا بس عشان نكون واضحين يا محمود انا مش هقولك بقي احنا بنشتري راجل و لا هقولك خد بالك منها و اوصيك عليها لا خالص اختي هتفضل وصيتي لاخر يوم في عمري و عمر اخواتها الرجاله انت هتشاركنا بس في الحفاظ عليها جايز كلامي يكون غريب بس انا مش الشخص اللي هيرتاح من مسؤوليه اخته عشان راحت بيت جوزها امي و ريهام في رقبتنا احنا التلاته حتي لو ريهام معاها راجل جدع زيك برضوا هتفضل في رقبتنا و مسؤوليتنا زيك بالظبط ريهام زي ما قولت يا محمود مش اختي بنتي و مش هي بس هي و ميدو و مصطفي حتي طول عمري بعتبرها بنتي زيهم انا بضحك و بهزر و دمي خفيف و ابان اني علي الله حكايتي بس انا تعبت اوي يا محمود عشانهم و عشان ريهام بالاخص كنت اب لريهام ابويا الله يديه الصحه يارب و يخليه ليها موجود و في ضهرها هو كمان بس انا كنت لريهام اخ واب و كنت بحاول اكمل ديما اللي هو يقصر فيه عشان متحسش انه مش معاهاكنت بحاول طول الوقت اني اخليها لا تحس بنقص ولا وجع ولا حزن ولا احسسها انها مفتقده اي حاجه او اي حد حتي لو ابويا والحمد لله قدرت يمكن انا واثق فيك ووعرف انك راجل وشبهنا بس اختي غاليه عندي يا محمود لو هتقدر تسعدها بجد و متوجعهاش ولا تجرحها و تكون ليها احسن مني و من ميدو و من مصطفي و من اوبايا وامي انا موافق لو مش هتقدر بلاش محمود.... بابتسامه وانا يا سلامه مش هقولك اني هحطها في عيني او في قلبي و اقول كلام كتير بس انت بنفسك هتشوف متوصنيش يا سلامه ريهام غاليه و قيمتها عندي كبيره اوي متخافش عليها المعامله اللي اتمنيت ان ايمي و امنيه يتعاملوا بيها هتكون كلها من نصيب ريهام سلامه.... بابتسامه وانا موافق يا محمود كده انت خدت موافقتها و موافقتي محمود.... بابتسامه طب ايه يا ميدو مش ناوي تسمعني موافقتك عسال.... بابتسامه جميله سلامه قال كلمته سلامه.....وفين كلمتك محمود.....اه احنا عايزين كلمتك و علي فكره ده طلب ريهام عشري.....ايه ياعم هي مش اختك ولا ايه قول رأيك يالاااا عسال....بص يا محمود ريهام انا عمري ما شوفتها بنت خالتي ريهام اختي و شقي عمري انا وسلامه اللي تعبنا فيه و امانه امي لينا لو عليك يا حودا فا انا مش هقول في حقك كلمه اكتر من اللي اتقال و ربنا يسعدكم يارب بس لو علي الموافقه فا اخوها و شقيقها الحقيقي هو اللي ليه الكلمه الاولي والاخيره و تمشي علينا كلنا سلامه.....ليه هي مش اختك وليك الحق انك تقول كلمتك هو انت لو اعترضت الوقت علي محمود او اي حاجه تخصها هقول تلت التلاته كام رشيد...بضحك محمود هيضيع في الرجلين محمود...بضحك اه با عم ميدو ما تقول كلمتك الراجل هيسحب موافقته بسببك سلامه.....لا بجد والله با محمود بعيد اصلا عن موضوع الموافقه اي حاجه تخص ريهام لو ميدو مش موافق او مش مرتاح ليها ورفض انا مستحيل اقولوا لا بأمن علي كلامه من غير تفكير لما ريهام كانت عايزه تشتغل خدت موافقتها مني و مقدرتش تفرح الا لما خدت موافقتها من ميدو محمود...بايتسامه عارف والله سلامه....قول كلمتك يا ميدو عسال.... بابتسامه موافق سلامه.....مبروك يا حوده كده انت فاضلك موافقه مصطفي و ابوها و امها و هسأل ريهام تاني عشري....بص لمحمود لا انت تطول بالك معانا لسه الطريق طويل هنسال الشعب كله محمود....بضحك لا بالي طويل متقلقش هي اصلا من الاول كانت واضحه و لما قالتلي ردها قالت اخواتي الثلاثه وابويا سلامه....بضحكه جميله عموما ماقلقش يا عم ان شاء الله الموافقه موجوده بس اخوها حتي لو صغير فا هو راجل وليه حق الموافقه زينا ولو علي ابويا هيوافق لانه عارف ان انا وميدو مش هنوافق الا لو واثقين في اللي اتقدملها يعني مبروك يا عم حودا بكره هديك الرد و الباقي بتاعك محمود...ب.ضحك باقي ايه بقي انا بعد بكره لو فاضيين هكون عندكم نقرا فاتحه ونلبس شبكه و نحدد كل حاجه رشيد....بضحك ده مصدق محمود.....ياعم لا انا لسه شاب بكون نفسي ولا هي لسه بتكمل تعليمها خير البر عاجله سلامه....طيب انا معاك بس اديك نصيحه صغيره و تقبلها مني محمود....علي راسي سلامه.....انا عن نفسي مبحبش مواضيع الجواز دي تطول بس انا واثق فيك وفي اختي عشان كده يعني بقول نقرا فاتحه ونلبس شبكه و موضوع الجواز ده نخليه كمان كام شهر محمود...ليه باعم كام شهر البيت جاهز هنظلطه بس ونيجب العفش وخلصت ولو حابين شقه في مكان تاني موافق برضوا سلامه...لا خلبها معاكم وسطكم انا عارف انها هتبقي مبسوطه مع زوزو و البنات كلهم هيبقوا قريبن منها بس اقصد اعرفوا بعض اكتر اتعودوا علي بعض اكتشفوا طباع بعض مش جابز ياعم اختي تلاقي فيك عيب احنا مش لاقينوا او انت تلاقي فيها عيب محمود....بحضك باعم لو فيها انا قابلها بكل عيوبها ومتخافش لو فيا عيب هظبطوا عشانها عشري....بضحك ياض خلي عندك دم الراجل مستعجل بعملك ايه اكتر من كده سلامه.... بضحك مش فاهم الحب اللي ولع في الدره ده انا قلبي عليكم محمود....بضحك ياعم خليك في حالك وفب جوازتك ملكش دعوه بينا سلامه....بضحك ماشي انتوا احرار عموما الفتره اللي هتظبطوا فيها البيت اهي تبقي فرصه تتعرفوا علي بعض و في النهايه القرار ليكم محمود.....طيب ابوس بقي سلامه.....تبوس ايه ياللاااا احترم نفسك محمود...ياعم ابوسك انت وميدو ضحكوا كلهم و قاموا باسوا بعض و رشيد وعشري باركوا لمحمود و الشباب و كانوا مبسوطين اوي.. ................... بعد كام ساعه في منزل سلامه اتعشوا و كان باين علي ريهام التوتر جدا سلامه وميدو طبعا كانوا عارفين انها عارفه خلصوا اكل وبعدين سلامه قال لمصطفي وامه وريهام يجوازيقعدوا قعدت وهي هتم*وت. و فاتحهم سلامه في الموضوع حنان ضحكتها وفرحتها و دموعها كانت سابقه و مبسوطه اوي وهي مكانتش راضيه ترفع عينها فيهم سلامه....وانا عايز اخد موافقتك يا عم مصطفي مصطفي....بسعاده انا عادي موافق طبعا حودا عسل و بعدين انت مش موافق انت وميدو خلاص عسال...احنا موافقين بس كنا حابين نعرف رايك مصطفي....لا انا موافق اوي والله سلامه....ايه يا عروسه مش هتسمعينا موافقتك ريهام...ااا ايه في ايه بص بلاش البصه دي و الله العظيم انا قولتلوا بقولكم سلامه....بضحك عارف و هو قالنا كل حاجه المهم رايك ريهام.... بابتسامه ااا احمم اللي تشوفوا عسال....بضحك لا يا شيخه ريهام.....بضحك في ايه يا ميدو سلامه....موافقه ولا حابه تفكري ريهام.....اااا لا موافقه عسال.....بضحك مصدقت مصطفي.....واقعه شكلها ريهام....اتلم يالاااا سلامه....علي خيرة الله ايه يا حنون هو انا ليه حاسس انك مش متفاجئه حنان....بضحك بصت لريهام وبعدين بصتلهم اه مش متفاجئه لاني عارفه من الاول سلامه....بص لريهام ااااايه كان باين عليكم كده واحنا اللي مغفلين يابت ريهام....بضحك لا والله حنان......ريهام حكيتلي كل حاجه من الاول خالص عسال.....حكيالك ازاي يعني سلامه....ده بجد ولا بتشتغلونا حنان.... بابتسامه بجد يا سلامه ارفعوا راسكم اختكم مشرفاكم و تعبك في تربيتها انت و ميدو مراحش علي الفاضي ريهام حكيتلي من اول ما اشتغلت في المطعم عن مشاعرها و عن تلميحات محمود البسيطه عن اهتمامه بيها و سؤاله عنها عن غيرته عليها من شاب كان بيروح المطعم ديما و يركز معاها عن اعترافه ليها كل حاجه انا كنت مع بنتي خطوه بخطوه و عشان كده مش متفاجئه انا بس كنت مستنيه اشوفوا هيقولكم امته واهو حصل عسال....شاب مين اللي بيركز معاكي مصطفي....بضحك اهو ميدو ساب كل الكلام الحلو ده ومسك في الشاب عسال....اه مش افهم بيضايقك يعني ريهام.... بابتسامه لا والله مجرد تركيز بس و يمكن لما محمود اضايق و كلمني يعني حسيت وقتها ان في حاجه عنده ليا ااا بس سلامه ...بحب ضمها وباس راسها وانا اخر من يعلم يا ريكو ريهام.... بابتسامه خالص والله بس انا مطنتش هقدر اجي اتكلم معاكم في حاجه زي دي فا اتكلمت مع ماما و بصراحه اللي كانت عارفه كل حاجه عسال....ايمي طبعا ريهام....بضحك لا ليله عسال.....ليله كمان ريهام....بضحك لما كنا بننزل مع بعض و بنشتغل مكناش بنلاقي حاجه نتكلم فيها يعني ووو بس حكيتلها و هي كانت بتنصحني و قالتلي اعرف ماما و بس سلامه...ااااه يا ليله ماشي يا ستي كده احنا بكره ناخد بس موافقه ابوكي و هنرد علي محمود حنان....بايتسامه عقيالك يا مصطفي لما قلبي يطمن عليك مصطفي.....بضحك لا انا قاعدلك يا حنون هنحط راسنا في راس بعض و ننم عليهم وهما متجوزين حنان.... بضحك وتنم عليهم ليه اتجوز و فرحني زيهم خليني اطمن عليك انت كمان قبل ما ام*وت مصطفي.....بعد الشر عسال....بلاش الكلام ده يا امي عشان خاطري ربنا يديكي طولة العمر و تفضلي في وسطنا ديما سلامه....باس كفها بعد الشر عليكي يا ست الكل قضوا وقت جميل و سعيد و باركوا لريهام و كانوا في انتظار مرواح محمود ليهم عشان يخطبها رسمي.. ................. . احداث كتير اوي حصلت في خلال عشرين يوم نشاط و حماس و سعاده و افراح و مناسبات و مواقف متتنسيش و اخر مناسبه كانت فرح ميدو و نادين اللي كان فرح ولا في الاحلام من بدايه مرواحهم علي طريق السخنه احد ما رجعوا وصلوهم.. بعد فرح نادين بيومين علي الساعه سته مساءً وقفت ليله تحت بيت اهل نعيمه كانوا رايحين العمره نزل نادر حط الشنط في عربيه اوبر و حطوا جزء في عربيه ليله. نادر.....عاجبك كده يا عم دولا ما قولتلك نروح بعربيتي او عربيتك الشنطه مش مكفيه لشنطنا عادل....يا ابني وعلي ايه نسيب العربيات في المطار ما نروح باوبر و الرجوع يبقي ربنا يحلها ليله.....يا ابني عامل دوشه ليه ما عربيتي فاضيه هاتوا الشنط و كده كده نعيمه بس اللي معايا خليكم انتوا الاربعه مع السواق عادل...اهي قالتلك اسكت بقي بلاش زن نسمه.....بعيد عنهم بكام خطوه ايه يا حبيبي نزلنا خلاص سليم.....حالا يا عمري هتحرك علي المطار حقك عليا والله في مشوار من الصبح يادوب لسه مخلص كان زماني عندك و باخدك نسمه....عارفه والله و بعدين انا قولتلك خليك انت متتعبش نفسك ليله معانا سليم.....لا طبعا عايز اشوفك قبل ما تسافري دول عشر ايام هتوحشني نسمه....بضحكه جميله خلاص يلا اتحرك و احنا هنتحرك الوقت سليم...ماشي يا قلبي يلا باي نسمه....باي يا روحي. نزلت نعيمه و هي باين عليها الزعل ليله.....بابتسامه اهلا حجه نعيمه ايه يا بت القمر و الحلاوه والعبايه اللي هتاكل منك حته دي خليجيه يا ناس ملبستيش ابيض انتي وهي زي نوجا ليه نجلاء....انا عارفه نعيمه....لا كده احلي نسمه.....هو الاحسن ميبقاش ابيض عشان ميشفش بس نوجا بتلعب بديلها نجلاء.....ديل ايه وانا راحه عمره يا جزمه ليله.... القمر هيفضل مكشر كده بصتلها نعيمه و سكتت نجلاء...اتكلمي معاها يا ليه عشان تعبت قلبي ليله....والله يا نوجا ما حد قلبوا تعبوا قدي الواد هيتجنن عليها و هي راكبه دماغها نعيمه....بقولكم ايه اقفلوا بقي الحوار ده خالص خلاص انا و فضل بح مفيش ليله انا هركب راحت ركبت و سابتهم نجلاء.....ليله عشان خاطري و رحمه امك يا شيخه اتكلمي معاها و خلينا نخلص من الحوار ده فضل كلمني و كلم ابوها و حكالنا اللي حصل بس هي مش راضيه تفهم ليله.....سيبها عليا متقلقيش بنتك يا اختي بتحبه و بتم*وت فيه هي بس غيرانه ان شاء الله يرجعوا و يتجوزوا و نخلص منهم و لو فضلت راكبه دماعها اديني بقول قدامي انتي و دولا و دين الله يا دولا بنتك لو ما سمعت كلامي لا هجوزها بنفس الطريقه اللي انجوزت بيها ضحكوا كلهم علي ليله و عصبيتها عادل.....فضل بيحبها و زعلان علي زعلها وانا عايز اطمن عليها يا ليله ليله....عارفه والله بس معلش كله هيتصلح و هتبقي جدو يا عم و هتكبرك كمان يلا اركبوا بقي يلا يا نادر ركبهم ناسين حاجه نجلاء.....لا كله تمام نادر.....اركبي انتي يا ليله يلا نجلاء....ليله كلميها ليله....حاضر نادر.....لولي هتعرفي تسوقي من الشنط دي هتشوفي الطريق ولا ناخد حاجه ليله....لا انا زي الفل متقلقش يلا اركبوا انتوا بس. ركب عادل قدام و نجلاء وراه و نادر و نسمه جنبها وراحت ليله ركبت واتحركوا ليله.....تحيه مش وقت اغاني بصتلها وضحكت بقولك ايه اشغلك رايحه فين يا حاجه يا ام شال قطيفه بصتلها نعيمه وضحكت نعيمه....بضحك ابو شكلك ليه مطلعه ستك عمره يا واطيه ليله.....ابو شكلي و واطيه بالذمه دي عمره ريحاها نعيمه....ما انتي اللي مستفزه ليله....بضحك الحق عليا بشغلك حاجه تعمل اجواء نعيمه....لا شكرا اسكتي بس انتي ليله.....ماشي يا ستي البنات كلموكي صحيح نعيمه.....بابتسامه اه كلموني سلمي وايه كانوا عايزين يجوا يسلموا عليا قولتلهم اقعدوا اتهدوا انتوا لسه عرايس ليله.....البت ايه واخده دور برد يا عيني من يوم فرح نادين نعيمه....الجو كان برد بصراحه المهم عدت علي خير الحمد لله ابمي كمان كلمتني و مضايقه اوي انها مش هتسلم عليا ليله...هي قادره تتحرك السفريه تعبتها بقالها يومين نايمه مكسره هي كمان نعيمه....صوتها باين اصلا ليله....طب ايه يا موزه مش هنحضر الفساتين بقي انا شكلي اتعودت علي الافراح نعيمه....لا يا اختي اعتزلت الجواز خلاص ابقي خليه هو بقي يتجوز ليله....يابت بيحبك والله العظيم بيحبك كان هيم*وت ويجيلك بس قولتلوا اياك سيبها عشان دي مجنونه خليني اكلمها الاول كبري عقلك شويه بقي نعيمه.....لا مش هكبر عقلي و مش طيقاه و خليه بقي كده بتاع النسوان ليله....بضحك نسوان ايه الله يخربيتك هتطلعي علي الراجل سمعه هو في حد في حياته غيرك والله بيحبك وبعدين ماهو قالك اللي فيها نعيمه.... بابتسامه اه قالي بس مش طيقاه ليله.....طب عيني في عينك كده نعيمه....بصي انا هسامحه بس متعرفيهوش خليه يتربي كده احد ما ارجع ليله.....احيه عليا يابت كفايه اللي نجود عملاه فيه تصدقي بالله فضل اخر ما يزهق هيسيبك انتي وامه و يروح علي سيناء نعيمه....بضحك جوجو مظبطاه صح ليله....مظبطاه بس دي كفرته تصدقي بالله انا شكلي هتبني فضل و ارحموا منكم عشان انتوا الجوز نسوان قادره نعيمه....بضحك ضايقني يا ليله ليله....ملوش ذنب انتي اللي فهمتي الموقف غلط بالاه عليكي كفايه نكد بقي تعبنا عايزين زفرح بيكم تصدقي بالله انتي و فضل الي طلعتوا نحس خلاص انا اتاكدت و بصمت بالعشره كلنا اتجوزنا و ارتاحنا فاضل انتوا سلكوها تسلك نعيمه.......بضحك ماشي يا ستي هسلكها ليله....طيب نسمعوا صوتك طيب متبقيش غبيه نعيمه....طب كلميه انتي الاول ليله.....بأبتسامه ماشي اتصلت ليله علي فضل فضل.....ايوه يا ليله ليله....بابتيامه ايه يا شيخ العرب مش عايز تقول كلمه حلوه للبت قبل ما تسافر هي سمعاك فضل....قسما بالله يا نعيمه لا هربيكي و هطلعوا علي عينك بس يتقفل علينا باب واحد نعيمه.....بزعيق نعم يا اخويا كمان ليك عين تتكلم تربي مين و بعدين مين قالك ان هيتقفل علينا باب واحد فضل....بضحك انا اللي بقولك و مش هرحمك يا نعيمه بصي من الاخر كده طلعتي نزلتي انا قدرك خلاص يعني هتجوظك غصب عنك نعيمه....ده بعينك يا بتاع النسوان فضل.....يا بت نسواااااااان ايه ليله.....بضحك فضل اعمل فيها والنبي زي ما عملتوا فيا اتجوزها بالعافيه فضل.....اتجوز ايه انا هغتصبها و اخليها تلف ورايا تقولي اتجوزني ضحكوا هما الاتنين و رنه نعيمه الضحكه نعيمه....احترم نفسك يا سافل انا رايحه عمره ليله....هم*وت منكم اقسم بالله بتعامل مع اطفال فضل....والله يا ليله عايزه كسر دماغها الناشفه دي نعيمه....لا وانت تعرف اوي تكسر دماغي فضل.....هتوحشيني يا بت نعيمه....بابتسامه وانت كمان يا رخم فضل.....طب علي فكره بقي انا مع سليم ورايح عالمطار عشان اشوفك نعيمه....احلف ليله....احييييه شوف البت من دقيقتين مكانتش طيقاك ريلتي يا بت فضل......متقدرش تبعد عني و بعدين مش هتلاقي غيري يرضي بيها نعيمه....بضحك تحترم نفسك انا الف راجل يتمناني فضل.....بس محدش هيتحمل جنان امك غيري يلا يابت اخلصي انا رايح عالمطار نعيمه....بابتسامه طب احلف انك مش بتخوني فضل... تاني الله يخربيت دماغك يا نعيمه يابت انا حكيتلك اللي حصل خيانه ايه نعيمه...طب خلاص مسمحاك فضل.....طب هاتي بوسه نعيمه....بضحك اتلم سليم جنبك وليله سمعاك ليله..... ده اللي فارق معاكي يا اوطي من الرصيف منك ليه مش فارق معاكم العمره منه له ضحكوا كلهم و فجأه سمع فضل صريخ عالي جدا و اصوات عاليه و صوات جاي من بعيد و دبه جامده و سمعوا حد بيقول.. لا اله الا الله اسعاااااف يا نهار اسود العربيه طار من فوق الكبري.... وللحديث بقيه....

مقالات ذات صلة