چاسمين

فتحت بيري العلبه حتي تتخلص من هذا الموقف سريعاً وتنهي هذه المسرحية الهزلية فوجت خاتم من الالماظ الحر وسمعت همس من الجميع وشهقات البنات من جمال الخاتم و الاهم سعره

بيري…. بدون اهتمام جميل يا خالد ميرسي بجد بس يعني مكانش ليه اي داعي خالص كتير اوي

خالد… قولتلك مفيش اي حاجه تكتر عليكي انتي تستاهلي اكتر من كده بكتير

اكتفت بيري بابتسامه بسيطه و حركت راسها بعيداً عنه فوجدت حمزه يقف وسط الجميع ويبتسم ازداد غضبها وظلت تنظر له بوجع.

بيري… بهمس حقيرر

ملك.. بيري سيبك منه ده ميستاهلش زعلك ولا تفكيرك فيه

بيري…. واقف بكل بجاحه و كأنه معملش اي حاجه

مريم…. ولا تشغلي بالك بيه

ملك…اللي زي ده يا بيري عامل زي العبد و حمزه عبد للفلوس وعبد لخالد عشان عارف انه كسبان معاه و اللي يبيعك عشان فلوس فا ده مش راجل ولا عنده نخوه يعني ميتزعلش عليه

بيري…. انا مش زعلانه عليه صدقيني يا ملك انا زعلانه علي الوقت اللي ضيعته معاه زعلانه علي حبي ليه زعلانه عشان مقدرتش اكتشف انه واطي و عنده استعداد يبيعني عشان خاطر وظيفه وشويه فلوس زعلانه عشان صدقت في يوم كلامه وحبه ليا و انهارده جاي يقف قدامي بكل بجاحه وشايف غيره بيحاول يقرب مني

ملك….اوعي تستغربي يا بيري النوعيات دي كتير و موجوده وسطنا احنا بس اللي مش بناخد بالنا عشان بنحب بضمير حمزه بني ادم وصولي و انا وسهر حذرناكي منه كتير و قولنالك اننا مش بنرتاح ليه

بيري…. وانا عرفت ان كان معاكم حق يا ملك كنت فكراكم ظالمينه بس للاسف طلعت عبيطه وانا اللي ظالمه نفسي

مريم…طب ايه هنفضل نعيط ونندم علي الوقت والحب يلا اتبسطي بعيد ميلادك وسلمي علي الناس واعتبريه مش موجود اصلاً

بيري…. تمام يا مريم هو فعلاً مبقاش موجود

اقترب منهم امجد و مازن

امجد….طيب كلموني بقي علي القمر اللي انا شايفه ده اللي كل يوم بيحلو

بيري…بأبتسامه ايا امجد بقيت بكاش زي ملك اختك ولا ايه ؟

امجد.. لا والله انا لقول الحقيقه كل سنه وانتي طيبه يا احلي بيري في الدنيا

بيري…. وانت طيب يا امجد

امجد..اتفضلي يارب ذوقي يعجبك

بيري…. تعبت نفسك ليه يا امجد بس كفايه اللي ملك بتعمله معايا

امجد….وانا مالي ومال ملك وبعدين تعب ايه بس انا طول اتعب لاختي اللي زي القمر دي

بيري….حبيبي يا امجد تسلم ايدك بجد

مازن….بضحك بقولكم ايه البوفيه مفيش كلام

ضحك الجميع علي مازن

بيري….علي طول همك علي بطنك كده

امجد….شوفي اخوكي يا بيري انا ماسكه بالعافيه الطفس ده

مازن…بضحك اعمل ايه جعان والله من الصبح مكلتش

مريم….و مين اللي كان بيفطر معانا

مازن…اهو قولتيها بنفسك كان بيفطر يعني من الصبح مش من حقي اكل تاني ولا ايه ؟

ملك….لا ياسيدي حقك وبعدين ده عيد ميلاد اختك يعني البوفيه كله بتاعك

مازن….اهو ده الكلام شايفين الناس اللي بتفهم

امجد…اخبارك ايه يا مريومه ايه القمر ده هو انتوا حلوين كده ايه انهارده

مريم….انا بخير يا امجد و بعدين احنا حلوين علي طول علي فكره

بيري….استلم بقي

امجد….بضحك انا قولت حاجه طبعاً حلوين علي طول انا بقول اسكت بدل ما اتضرب

ملك….يكون احسن انا مش هقدر احوش عنك بصراحه.

ضحكوا جميعهم و بدأت بيري ترحب بالمدعوين و تشكرهم علي حضورهم وهي تتجاهل حمزه تماماً وتتجاهل ايضاً نظرات العشق التي يرسلها لها خالد بعينه.

……………

داخل مطعم هادئ جلس كلاً من فريد و ياسر و بلال و بعد ان انتهوا من طعامهم بدأ حديثهم
الذي كان يسبقه صمت و شرود فريد .

ياسر.. ايه يا صاحبي عقلك فين؟

فريد…في الدنيا

ياسر.. ومن امته الدنيا كانت واخده عقلك ؟