لقاء كارثي

عشري….طيب و جدتك راحت فين ؟

نادين…..جدتي دي كانت احلي حاجه في حياتي هي عايشه الحمد لله بس السنه اللي انا سافرت فيها هي تعبت كذا مره و في مره تعبت اوي حصلها جلطه و حالتها كانت صعبه فا خالي مقدرش يسيبها لوحدها و خدها عاشت معاه هو ومراته و ولاده و اهتم بيها بس لما انا رجعت هي صحتها مكانتش كويسه خالص انها تقعد تاني في البيت لوحدها طول ما انا في شغلي و بصراحه انا رفضت اعيش مع خالي فا استقليت بنفسي بروح اشوفها و اطمن عليها بس خلاص مبقتش عايشه معاها يمكن و انا في سن صغير شويه علي قد ما هي كانت حنينه اوي عليا علي قد ما هي كانت شديده اوي كانت ديماً تقولي لازم اربيكي احسن تربيه عشان ابوكي و امك لما ياخدوكي مني ميقولوش اني أهملت في تربيتك و دلعتك بس هي مكانتش تعرف أنهم لا هيسألوا فيا ولا هياخدوني مره تانيه.

عسال….بقول ايه غيروا السيره احسن

رشيد….اه احسن بردوا

نادين….لا ليه عادي علي فكره انا مش بضايق خالص يمكن الاول كنت بضايق بس كمان رغم أن كل واحد فيهم فكر في نفسه و حياته اكتر ما فكر فيا بس كمان كان ليهم فضل كبير اوي عليا اني اكون في المكان اللي انا فيه ده اني اكون قويه اني ابقي مسؤوله اني ابقي بشتغل اكتر من شغلانه في نفس الوقت اني اقدر اعمل فلوس و اقف علي رجلي و اعيش في مستوي استحقه

فضل….بابتسامه طيب خلينا نتكلم في حاجه تانيه قوليلي بقي انتي بتشتغلي في ايه

ليله…..لا حجات كتير نادين اي شغل بيجي قدامها بتدوس فيه و بتاخدنا معاها

حسان….زي ايه ؟

نادين….يعني انا كنت بشتغل في شركة تسويق من وانا في الجامعه لحد ما رجعت قبل الكرونا و الحقيقه الشركه دي كان ليها فضل كبير عليا اوي و عملت منها فلوس كتير ده غير أن هي خلتني شاطره اوي في مجال التسويق كمان لما كنت في الامارات في الوقت ده كانت شي إن اكيد تعرفوها كانت مسمعه جداً و البنات كانت مهووسه بيها فا قررت اني اجيب منها حجات و أبيعها هنا لان في الامارات في مقر ليهم هناك و لما بتطلب منه مش بياخد وقت زي ما بياخد هنا وقت و كمان هناك مصاريف الشحن رمزيه لكن هنا لو هتطلب حاجه حتي لو سعرها بسيط الشحن لوحده الف ونص تقريباً حتي لو طالب حاجه تمنها 100 جنيه فا قررت اني اعمل بيدچ و اجيب حجات من شي إن و من براندات كبيره و معروفه سواء للبس أو الميك اب

و مكنتش متوقعه أبداً أن البيدچ دي هتسمع بالشكل ده و كبرت بسرعه فا بقي عندي بيزنس خاص غير شغلي في الشركه لما نزلت لاقيت الشغل بيكبر مني اوي فا قررت اسيب الشركه و اركز في شغلي والحقيقه كانت مخاطره كبيره بس خدت الريسك و كملت في شغلي واهتمبت بالبيدچ و بقيت اسافر كل فتره اشتري بنفسي الحاجه المطلوبه مني و اعترفت علي كان شخص هنا بقيت اطلب منهم و يبعتولي الاوردر في شحن و بقيت اكسب منه اكتر من الشركه كمان

بعدها قررت اشتري شقه بالمبلغ اللي معايا قولت يعني أن وجودها معايا فلوس متجمده بعد حوالي سبع شهور لاقيت السعر ارتفع فا قررت أبيعها و كسبت ضعف فلوسها و بعدها قولت لا انا مكانش لازم ابيع و بعدين انا و البنات اشترينا شقه بمبلغ كبير بقينا نأجره طبعاً التأجير في مدينتي و التجمع بيعدي الخمسين الف في الشهر فا قولتلهم أن الفلوس اللي تطلع مش هتتقسم هتكون مقدم لشقه تانيه و اقساطها تدفع من التأجير و من شغلنا و فعلاً عملنا كده لحد ما بقوا ثلاث شقق المفروض كنا هنكمل بس لما حسينا أن ايمي نفسها في مشروع المطعم ده قررنا نفتحه و بردوا ده شراكه بينا و لسه مستمرين أن شاء الله كمان موضوع الشقق ده خلي عندي علاقات قويه بأصحاب الشقق لاني كنت بفضل أللف و ادور لحد ما الاقي الشقه المناسبه فا اتعرفت علي أصحاب شقق كتير و بقيت زي سمسار اللي فيهم عايز يبيع الشقه خالص اعرفوا علي مشتري و طبعاً كانوا بيطلوبوا مواصفات معينه للشقه اللي هما محتاجينها و بمعارفي انا اوفر الشقه المناسبه ليهم لحد ما بقي في ثقه بينا و بس

فضل….والله برافو عليكي بجد شخصيتك من بره مختلفه خالص عن شكلك

نادين…..أحياناً في مواقف صعبه بتتحط فيها بس بتخرج منك شخص انت نفسك متعرفش عنه حاجه و بتظهر كمان مواهبك

عشري….طيب سؤال يا نادين تفتكري لو وقت الحريقه ده كان معاكي اهلك و كان الوضع مختلف وكل ده محصلش بينهم كان ممكن يحصلك كده

نادين….اكيد لا يمكن أصلاً البانيك اتاك ده لا كان بسبب الجو و لا بسبب الحريقة جايز أصلاً يكون بسبب اني كنت لوحدي يعني انا كان ممكن اتعب او نفسي يروح مقدرش اتحرك اتصدم من الموقف ونبقاش عارفه اتصرف بس لو معايا مثلا امي ابويا و خدوني من ايدي او قالولي يلا بسرعه اخرجي كنت هقدر و هجري معاهم بس انا في الوقت ده حقيقي حسيت اني بحلم أو في كابوس كنت محتاجه حد يفوقني عشان اعرف اجري بس مكانش في أنا ربنا اللي انقذني وقتها

حسان….طيب ليه تعبتي انهارده مع أن البنات كانوا معاكي

نادين….صدقني معرفش انا خوفت و كل اللي كنت شيفاه أصلاً الموقف اللي حصل

بعد اللي حصل في الحريقه و بعد ما خرجت من المستشفي رجعت البيت الصبح عشان اخد حاجتي المهمه و اروح عند ايمي لحد ما اتصرف لاقيت الاوضه بتاعتي غرقانه مايه بسبب المطافي نفس الموقف شوفته تاني لما صحيت من شويه و حطيت رجلي في الارض و شوفت المايه اترعبت حسيت أن الموقف ده بيطاردني مش بيروح من بالي أبداً و اي حاجه شبهه بتحصل بتفكرني بيه

عشري…..عشان كده صحتيني وانتي مرعوبه

نادين….كنت خايفه اوي و خوفت اكتر لما فتحتوا الباب

عسال…..جربتي تروحي لدكتور يا نادين

نادين….اااا لا بصراحه

عسال….ليه ؟

نادين…يعني عشان حاسه ان الموضوع مش كبير هو مجرد ذكري مش حلوه و بعدين هو مش بيحصلي ديماً ده موقف بيحصل كل فتره أو لما بيحصل موقف مشابه و مش ديماً بوصل للحاله دي
أصلاً انا ممكن بالكتير احس أن نفسي ضيق بتنفس بصعوبه بس ثواني بسيطه و بهدأ لكن الصبح الوضع كان مرعب كل حاجه كانت بتحصل زي يوم الحريق رعد و برق و تكسير و هواء و تراب فا مقدرتش أسيطر علي نفسي

عسال…..بس هو الموضوع كبير فعلاً مش صغير جايز زي ما بتقولي أنه بسبب ذكري أو موقف مش حلو لكن في النهايه انتي بتتعبي منه بجد فا عشان تتخطي التعب ده و ميحصلكيش كده تاني لازم تتعالجي نفسياً منه و العلاج النفسي ده مش عيب أو حاجه محرجه ده تعب زي اي تعب في الدنيا

ليله….لا طبعاً مش عيب و علي فكره انا قولتلها كذا مره لازم تتابعي مع سيرابي عشان تتخطي الموضوع ده

عسال…..ده لازم و لأسوء الظروف لو مش حابه تروحي لازم انتي بنفسك تعالجي نفسك علي فكره خطوات بسيطه اوي لو عملتيها بتبقي احسن مره علي التانيه هتنسي الموضوع و تبدأي تتعاملي معاه عادي يعني مثلاً الصوت زي ما حصل كده الصبح حطي هاند و اسمعي اي حاجه بصوت عالي شغلي التلفزيون التراب اي قطعه قماش تحطي عليها مايه و تربطيها علي بوئك و مناخيرك بس مش ربطه قويه عشان تقدري تتنفسي مش هتحسي بالتراب و لما تحسي انك اتوترتي غمضي عيني و ركزي علي نفسك مينفعش تتنفسي بسرعه خدي وقتك اتنفسي بهدوء و خرجي النفس براحه الحجات دي هتساعدك و شويه شويه لازم تواجهي كل ده من غير هروب يعني لازم تسمعي اي صوت عالي أو مرعب و انتي بتحاولي تكوني قويه نضفي اي مكان في تراب بأيدك يعني انتي طلعي التراب بأيدك
فهماني جزء كبير من علاجك النفسي لاي حاجه بتخافي منها انك تواجهيها مش تهربي منها خصوصاً لو خوفك بيوصل لدرجه عاليه.

ايه…..انا اعرف نفس بتخاف من المرتفعات والأماكن الضيقه

عسال…..دول كتير و عشان يخفوا لازم يواجهوا ده

ليله…..واضح من كلامك انك فاهم و كمان عرفت انك كان عندك بانيك اتاك من الضلمه زي ما قولت قولي بقي ايه الموقف اللي اتعرضت ليه و ازاي خفيت منه

ايمان….و بالمره عرفنا عن نفسك عشان مفيش حد فيكم قال حاجه عن نفسه لسه