لقاء كارثي
((لقاءكارثي ))
عشري…..انا حلفتك
نعيمه….بضحك ماهو انا زي ليله يعني كان وقت الدراسه كنت صغيره
عشري…اهوووو اللي بعده انتي يا ايه
ايه….بضحك عشري سخن ليه منك لله يا ليله
عشري….بضحك والله لا تقولي
ايه….انا حبيت مره واحده بس والله و كتبت كتابي بس اتوفي
سلامه….انتي كنتي متجوزه؟
ايه….ايوه كتب كتاب بس
عشري….عكيتها تاني انا شكلي
ليله….بضحك انت السكوت ليك احسن
عشري…..اه انتي صح
رشيد….بجد والله مع أن شكلك صغير
ايمان ….هي اصغر واحده فينا اتجوزت اصلا
فضل….طب اتوفي ازاي
ايه….حادثه قبل فرحنا بيومين
سلامه….ده من قريب
ايه….لا من اربع سنين بس والله ما حبيت بعده
حسان…..كنتي بتحبيه
ايه …صراحه اه بس انا معنديش مانع اني احب تاني بس مفكرتش يعني أو ملاقتش شخص مناسب
عشري….طيب ولوجربتي و بعدين دخلتي في علاقه و سيبتيه هتعملي ايه
ايه….بضحك اكيد يعني حياتي مش هتقف عليه و هرجه احب تاني
عشري….اهووووو شوفتوا يعني معندهاش مانع و انتي يا نادين
نادين….بصحك هي ليله سخنتك طلعتوا علينا
عشري….حاولي بس بصدق الله يرضي عنك
نادين….بضحك انتي قولتيلوا ايه استفزه كده
ليله….والله ما قولت
نادين….انا ارتبطت اكتر من مره بصراحه
عشري…كام يعني
نادين…..يعني ثلاث اربع مرات بصت لعسال و بعدين بسرعه بصت لعشري وهي بتضحك بس اسمع ده من وانا في الجامعه يعني علي مدار سنين
عشري…مليش فيه المهم في علاقات كتير مش احنا بس
ليله….بضحك ممكن اعرف بقي سخنت ليه
عشري….عشان ديماً تظلموا الرجاله بس لو فكرتوا فيها هتلاقوا نصيب
ايمان….لا بس حتي لو الست ليها اكتر من علاقه اكيد هي علاقات فاشله بس هي حبت كل واحد دخل حياتها او بمعني اصح كانت ناويه تدي بكل طاقتها في العلاقه دي لكن انتوا ماشاء الله تبقي البنت قايده صوابعها شمع و انتوا معاها و مع غيرها وغيرها قلبكم كبير
عشري….بضحك احنا ربنا خلقنا الحنيه طبعنا منحبش نزعل حد
ليله…..وووووالله قلبكم كبير اوي
عشري….طيب خلينا نغير الموضوع يلا حسان عرفهم علي حالك
ليله….ايوه اهرب و بعدين ما تعرفنا انت
عشري….انا معنديش حاجه مهمه زي ما قولت نصي صعيدي و نصي بدوي عندي ست اخوات عايش في القاهره وبس
فضل….بضحك اختصرلك حياته بجملتين عشان يهرب
ليله….اه ما انا خدت بالي
عشري….يلا يا حسان خلصنا
حسان….بضحك حاضر عايزين تعرفوا ايه
ليله….اي حاجه يا حسان
حسان….ماشي زي ما قولت عندي 41 عايش في القاهره في الرحاب بردوا قولتها كنت متجوز و انفصلت عن مراتي من حوالي ثلاث سنين تقريباً وعندي بنوته اسمها هنا عندها سبع سنين
ليله….ايه ده بجد
ايمان….مش باين عليك
سلمي…..طيب ليه انفصلت ادام في بنت
حسان…..لأن أحياناً لما الحياه بتكون مستحيله بيبقي الافضل للولاد أن ابوهم و امهم يكونوا بعيد عن بعض
ايمان….صراحه اه عشان ميطلعوش عندهم عقد
حسان….بالظبط و انا بشوف أن في مرحلة كده من المشاكل لازم قرار الانفصال فيها يجي بسرعه لان لو قاوحنا و كملنا شويه كمان و قتها بتفقد احترامنا لبعض و لو فقدنا الاحترام اكيد هنتفصل بس ساعتها مش هتعرف نتعامل مع بعض و لا هقدر نشوف مستقبل ولادنا و مش هتبقي مركزين غير في مين قال مين عمل
ليله…..طيب هو مكانش في حب
حسان….حب حب صراحه لا بس كان في إعجاب كبير و راحه و انا والله العظيم بتكلم جد انا كنت جد في العلاقه و نفسي تكمل
ليله…..يعني العيب منها
حسان….بردوا لا هي الشهاده لله ست محترمه و ربنا يوفقنا في حياتها بنت اصول و مشوفتش منها اي حاجه وحشه
ايمان …والله انت محترم يا حسان قليل اوي من الرجاله لما بيفصلوا يشكروا في الست اللي كانت معاهم او حتي يقولوا العيب مش منها
حسان…..دي ام بنتي عشت معاها ثمان سنين تحت سقف واحد و خلفت منها بنتي يعني مقدرش اتكلم عليها نص كلمه حتي لو فيها ايه
نعيمه…..اه يعني هي سبب المشكله بس انت مش حابب تتكلم عنها بحاجه وحشه
حسان….لا والله دي حقيقه هي ست محترمه جداً و خارجه من بيت محترم و عمرها ما قالتلي كلمه وحشه
نعيمه….طيب لما العيب لا منك ولا منها ليه انفصلتوا و ليه حكمت انك لو كملت في العلاقه هتفقدوا احترامك لبعض
حسان…..لا انا بتكلم عن العلاقات بشكل عام في علاقات مينفعش فيها مقاوحه بس لو علي علاقتي انا الشخصيه انا عمري ما قولتلها كلمه او لفظ او حتي اتعصبت و لا هي بس جايز و احتمال كبير لو كنا كملنا كان يحصل حجات بعيده عن شخصيتنا عصبيه غضب نفور فا ده كان قرار صح
سلمي….بس واضح من كلامك انكم كنتوا تمام ليه محدش أتدخل بينكم
حسان….لأن ده كان قرار بيني و بينها و اتفقنا عليه بكل احترام احنا مكانش في بينا مشاكل كبيره اللي هي واصله للسماء بالعكس بس تقدري تقولي كان في برود قوي لا هي معايا زي ما انا عايز و بصراحه انا كمان مكنتش قادره اكمل انا يمكن ابان هادي بس طبيعي اي راجل مع الست اللي متجوزها مش بيبقي بنفس الشخصيه اللي ظاهره للناس يعني بيبقي في جزء مجنون كده و علي طبيعته مع مراته الجزء ده انا كنت مفتقده مكنتش قادر احس اني براحتي مش عارف احس بالحب اللي كان نفسي فيه فا بالتالي طول ما انتي فاقده الحاجه مش هتقدري تديها فا هي كمان كانت فاقده الحاجه دي عندي لاني مش هقدر اكون طرف بدي و مش باخد فا بقي في برود و قررنا نتفصل بكل احترام
نادين…..بحزن طيب و البنت فين ؟
حسان…..موجوده بيني و بينها بس هنا في سن صغير محتاجه لامها اكتر أما يشوفها اربع ايام في الاسبوع و لو فاضي يشوفها اكتر بحضر معاها كل حفلاتها في المدرسه اعياد ميلادها بخرجها بعملها كل حاجه نفسها فيها يمكن اكتر ما كانت معايا
سلمي…..معندكش غير هنا
حسان…..اه مجبناش غيرها بس ان شاء الله قريب هيبقي ليها اخت
سلمي….اخت
ايمان….اخت ازاي هي طليقتك اتجوزت؟
حسان…..اه اتجوزت من سنه و هي الوقت حامل كلها شهرين و تولد ربنا معاها
ليله….لا استني معلش انا دماغي لفت انتوا اتطلقتوا من ثلاث سنين و هي اتجوزت
حسان….اه اخو جوز اختها
ليله….بتهرج طب وايه انت عادي
حسان…..اه عادي و عادي جداً ما انا قولتلك مكانش في حب أصلاً مش هبقي عادي ليه وبعدين ده حقها هو انا عشان مش هكمل معاها المطلوب منها تفضل لوحدها
ليله…..لا مقصدش بس صراحه انا غريب
حسان….بضحك طب ليه غريب
ليله….عشان مفيش راجل كده بصراحه
حسان……بالعكس الراجل المفروض يكون كده انا عن نفسي لو حبيت اتجوز و لاقيت حد دخل قلبي هتجوز يبقي ليه تحرمها من شرع ربنا
ليله ابتسمت بذهول و سكتت
حسان….شوفي يا ليله لما حسيت اني مش حاسس اني اكمل او بمعني اصح شوفت أن مستحيل حياتنا مع بعض تكمل سنين اكتر قررت اصبر خصوصاً لأن انا حسيت أن هي كمان بتعاني من نفس الموضوع و ساكته
ليله……طيب ليه تصبر ادام مش قادر
حسان…..عشان مكنتش قادر اقولها اننا لازم ننفصل
ليله….يبقي كنت بتحبها بس انت مش حاسس
حسان…..لا خالص هو في حد بيبقي بيحب و مش حاسس
ليله…..ممكن بتحصل يعني مش بتبقي متأكد من مشاعرك
حسان….الكلام ده لو العلاقه لسه علي البر أو لو في خطوبه لكن جواز دام ثمان سنين اكيد لا اتاكدت من مشاعري بس نتكلم بصراحه
ليله….ياريت
حسان…..انا حبيت الموضوع يجي منها هي
ايمان….بضحك ااااه زهقتها يعني
ليله…بابتسامه انا قولت مفيش راجل سالك
حسان….لا والله مش كده بالعكس أنا يمكن الفتره دي كنت خلاص واخد القرار مليون في الميه و كنت هادي و في حالي كانت تقولي خارجه اقولها روحي هعمل كذا اعملي كنت بنفس الطريقه معاها من اول ما اتجوزنا
نعيمه….طب ليه حبيت انها تيجي منها
حسان….لأن هي ست يا نوني و حتي لو الست مش بتحبك أو متجوزين بعض جواز صالونات بتتجرح لما الراجل يقولها عايز انفصل عنك أو هسيبك بتوجع اي ست الحركه دي في النهايه بتحس بوجع لأنها ست لكن احنا الرجاله موقفنا مش بيبقي نفس موقف الست حتي لو بحبها و جات قالتلي كده و اتوجعت بيني و بين نفسي انا كان راجل بعرف ازاي اتقبل الموضوع لكن الست بتوجع اكتر فا قررت اخليها هي اللي تطلب ده عشان لما نبعد متبقاش متسابه يعني فكرة مثلاً لما تقعد مع حد و يسألها مين اللي مش عايز و تقول أنا فيها قوه للست بتحس بنفسها لكن لما تقول هو بتكسرها فا بما اننا مكناش حابين العلاقه دي تكمل انا قررت أن هي تيجي منها.
سلمي….بابتسامه والله كويس انك فكرت بالطريقه دي
ليله….والله لو دي نيتك فعلاً طب راجل جده
رشيد…لا صدقيه هو كان ديماً يقولنا كده نقول إن مش حابب تكمل خلاص قولها عشانك و عشانخا يقول لا تيجي منها هي
ايمان…..براڤو عليك والله محترم
نادين….طيب و البنت ازاي عايشه معاها و لا سيبتوها مع حد من اهلكم
نادين اتكلمت بوجع كانت شايله هم البنت يحصل فيها زيها
حسان….انا قولتلك أن بنتي معايا اي وقت احب اشوفها فيه أو أخرجها لكن البنت مكانها في حضن امها و هي حتي مكانتش مستحيل تستغني عنها
ابمان….يعني هي عايشه مع مامتها وجوز مامتها
حسان….بابتسامه اه
ايمان…..طيب ازاي ما انت مستحيل تكون مثالي للدرجادي يعني اتفقتوا عليها ازاي
حسان….والله مش مثاليه ولا اي حاجه بس انا هقولك انا كنت اعرف الراجل ده كويس الشهاده لله محترم لابعد الحدود الكل يشهد باديه واحترامه مكنتش اعرفه أننا صحاب يعني بس من بعيد لبعيد فا كنت عارف أنه هيشيل بنتي في عينه و بالمناسبه لما هو اتقدملها جالي انا الاول و فتح معايا الموضوع قبلها هو و جوز اختها و عرف أن من ناحيتي خلاص و اني معنديش اي مشكله وبعد ما اتقدملها هي كمان جاتلي و فاتحتني في الموضوع كانت بتعيط و مرعوبه من فكرة اني لو عرفت موضوع جوازها اخد هنا بس قولتلها اني معنديش اي مشكله و اتفقت معاها علي الطريقه اللي هنربي بيها هنا و هو كمان كان حاضر موضوع الاتفاق ده قولتله هي ام والام مش هتقبل علي ولادها أن حد يقولهم كلمه متعجبهمش حتي لو ابوهم فا انا واثق فيها و عندي ثقه فيك كمان انك تتعامل بنتي باحترام وحب و هتعتبرها بنتك بس لو يوم بنتي اشتكت منك العالم كله مش هيوقفني عنك قالي حقك و الايام هتثبتلك ده قولتله كمان مصاريف بنتي بالكامل مسؤوليتي
و قولتله هتتقبل وجودي في حياتكم يعني وارد يحصل حاجه و تحتاج اكلم مامتها وارد يبقي عندها مشكله في المدرسه و انا وهي لازم نبقي معاها
قالي موافق وحقك و قد كان الأيام لحد انهارده اثبتتلي ده فعلاً بنتي معاه مبسوطه جداً بيعاملها احسن معامله حنين جداً عليها لو انا واعدها اني اختها تبات معايا و حصل معايا حاجه أخرتني بيجيبها لحد عندي من الاخر حد محترم
ايمان…..و دي عملتها ازاي
ليله….بضحك اه والله يا بنتي مش قادره استوعب أن في راجل كده
عشري….حسان ابن اصل و محترم بجد مش بيمثل طليقته نفسها وجوزها بيشهدوا بده
ايه….طيب ليه متجوزتش بعدها
حسان….عشان مش عايز أقرر التجربه تاني الا وانا متأكد لأن مش هقدر اكرر نفس التجربه تاني
ايه…..خايف يعني أنك تتجوز وتخلف و ترجع تندم
حسان….اكيد مهما كان القرار اللي وصلنا ليه مرتاحين فيه بس في النهايه في حياه باظت و بيت اتهد و مش عايز اعمل كده تاني
سلمي….طيب احساسك كان ايه لما هي اتجوزت
حسان …ولا اي حاجه والله و باركتلهم و زورتهم كمان و علي فكره انا و محمود جوزها علاقتنا حلوه جداً مع بعض وده اللي ممكن تستغربوا اكتر
نعيمه….كمان مصاحب جوزها انت فظيت بجد عندك ثبات انفعالي رهيب
حسان….مش مسألة ثبات انفعالي بس ليه ميبقاش الوضع هادي بينا ليه لازم يكون في مشاكل و تحكمات و عند من الطرفين في النهايه احنا بينا حته مني و منها مينفعش نقطع في بعض و لو العيشه بينا مكانتش مناسبه لينا مش معناه اننا نفضل نقطع و نجرح في بعض بعد ما العلاقه دي تنتهي احنا لازم نكون متحضرين لازم لما بنتي تكبر تحترمني و تحترمها
نادين …اهم حاجه في الموضوع أن بنتك مبسوطه
حسان….اكيد مبسوطه هنا الكل مهتم بيها و بنفسيتها و بيتهيألي اتدلعت اكتر بعد الانفصال سواء مني أو من امها و جوز امها من اهلي و من أهلها يعني اللي بقي يتعامل معاها اكتر بكتير بصوا من واقع علاقتي دي خرجت بأهم درس في حياتي وهو أن مفيش حاجه بتخلص بالاتفاق الا وكل الأطراف بتكون مرتاحه المشاكل و قلة الأدب و العند و تقطيع الوصل اللي كان موصول في وقت من الأوقات عمرها ما بتصريح بالعكس بيفضل الأطراف كلها تعبانه
ليله….عندك حق
ايمان…..ايوه صح الاتفاق في كل حاجه راحه كبيره مش بس الجواز المهم كده فاضل مين بيتهيألي رشيد بس
نعيمه….لا وفضل
ليله….وعشري اللي اللي مقالش اي حاجه
عشري….يادي عشري
ايه….بضحك انا بدأت اتعاطف مع عشري بصراحه مالك وماله
ليله…..اصل انا مش بحب اللي يشوف نفسه عليا
عشري….انااااا يا بنتي انا جيت جنبك
ايه….بقولك ايه كده ليله حطتك في دماغها
عشري….كل ده عشان كنت عايز امشي انا و الشباب الصبح ونسيبكم براحتكم
ايه…..بضحك مفتريه معلش
ليله….بس يا بت
نعيمه…ما اسكتوا بقي خلينا نسمع يلا يا فضل قول متهربش زي ابن عمتك
فضل…..لا انا اللي ابن عمته هو ابن خالي
نعيمه…..بضحك ااااا أياً كان يعني يلا قول
فضل…انا حياتي عاديه والله يعني معنديش الحاجه الكبيره اللي ممكن أحكيها عايش مع اهلي انا و عشري بس كل واحد.ليه شقه منفصلين يعني بس في نفس المكان بكالوريوس تجاره بس كده حياتي عاديه بين الشغل و صحابي كمل بضحك و البنات أحياناً
نعيمه….بضحك لا صريح
ايمان….جابلك من الاخر طيب قولي ليه متجوزتش
فضل….عادي مفيش بنت عرفتها حسيت أن هي دي اللي عايز اكمل معاها فهمتي
ايمان…..فهمت طيب وانا يا رشيد
رشيد….انا أكبر واحد فيهم 45 سنه كنت متجوزش و انفصلت
ليله….هو في ايه هو كله بيجي بعد الانفصال ليه مش بتختاروا صح ليه من البدايه قبل الجواز
ليله….بضحك مالك قلبي خلتي نوسه ليه
ايه….بضحك اه والله هو كله بيجي بعد العرفي
ضحكوا كلهم علي ليله و ايه
ايمان….انفصلت ليه انت كمان مكنتش بتحبها
رشيد….لا كنت بحبها انا اتجوزت و انا 29 كنت قد عسال و انفصلت عنها و انا 41 سنه عشت معاها حوالي 12 سنه
ايمان….في ولاد بينكم؟
رشيد….لا ربنا مرزقناش
ليله…..ده كان سبب الانفصال اكيد
رشيد…لا خالص بالعكس أنا كنت بحبها و كنت راضيا اكمل معاها من غير اولاد
ايمان….يعني هي اللي مكانتش بتجيب ولاد
رشيد….بالظبط و انا كنت راضي والله و الدليل اني كملت معاها 12 سنه رغم أن هي كتير قالتلي ننفصل و شوف حياتك بس اتمسكت بيها و قولت خلاص مش رزقنا عادي
ليله…..طيب ليه سيبتها ادام الموضوع مش موضوع ولاد طبعاً لو موضوع شخصي خلاص
رشيد….لا عادي بصي انا مش هنكر أن طول السنين دي عديت معاها مواقف و مشاكل و عصبيه و ضغط كتير بس كنت براعي ده لاني عارف أن موضوع الخلفه مقصر عليها مفيش ست مش عايزه تبقي ام شخصيتها اتغيرت خالص بمعني الكلمه بس كملت و اتمسكت بيها لكن جيت فالاخر و خلاص فاض بيا سبب الانفصال كان مشكله مع اخوها الصغير علي الورث
هي والدها اتوفي و ساب ليهم ورث كبير ماشاء الله هما اربع اخوات ثلاث ولاد و هي البنت الوحيده فا طلع حقها من الورث حوالي 600 الف غير حقها في التجاره نفسها طبعاً هما اتفقوا أن تجارة والدهم تفضل زي ما هي الشباب كانوا ماسكينها مع والدهم اصلا فا قال لها كل شهر حقك هيوصلك قالت تمام جينا بقي للشقه اللي هي بيت العيله هي كانت في المهندسين شقه كبيره و حلوه المهم هي ليها الاخين الكبار متجوزين و هي كانت متجوزه مكانش في غير اخوها الصغير أولاً علاقتهم ببعض كانت حلوه اوي بس طبعاً هي اتغيرت مع الكل بعد موضوع الحمل ده. و حتي معاه هو طريقتها بقت زي الزفت و ديماً تعمل معاه مشاكل علي اتفهه الأسباب فا بعد ما اتفقوا علي كل حاجه قالتلهم طيب و الشقه قال لها الشقه دي هتبقي من نصيب احمد هو اصغر واحد فينا و لسه في بداية طريقه و اصلا لسه مخلصش جامعه و بما أن كل واحد فينا ربنا كارمه متجوز و عايش في شقه و انتي كمان متجوزه و جوزك مش محتاج خلاص حلال عليه قالت لا مش من حقه الشقه من حقنا كلنا انتوا مش عايزين حقكم فيها براحتكم بس انا عايزه وبعدين انا البنت الوحيده قالولها ما انتي متجوزه وبيتك عندك قالتلهم افرض حصل بيني وبين جوزي مشاكل هروح فين قالولها محمد كويس معاكي ليه بتقولي كده قالتلهم انا بقول لو المهم من هنا لهنا فضلت مصممه كلمتها كتير مفيش قافله دماغها فا قولتلهم خلاص شوفوا نصيبها يطلع قد ايه من الشقه و انا هديها الفلوس
اتعصبت و بقت تزعق لا و انت مالك و تدفع ليه انا مش طالبه غير حقي و هو اللي يدفع فا اخوها قالها طيب اجيبلك منين الوقت و بعدين يا ستي هي هتفضل شقتك انتي كمان قالت لا لو اتجوزت مش هيبقي بيت عيله و هبقي مجرد ضيفه و انا لازم اضمن حقي بصراحه اضايقت و حسيت أن في حاجه غلط مهما كنت مقدر ظروفك بس مش من حقك تخونيني وتفكري في الانفصال و تضمني حقك و انتي عارفه كويس اني مش هعمل كده
الموضوع ده خد كام شهر بس الكام شهر دول كانوا خناق و عصبيه و انت موقفتش جنبي و مجبتش حقي قولتلها يعني عايزاني امسك في اخواتك و بعدين محدش فيهم خد حقك هما زيهم زيك
اتنازلوا عن حقهم في الشقه لاخوكي الصغير و انا شايف أن هو أولي واحد فيكم بيها لأن انتوا الثلاثه مش محتاجين معجبهاش الكلام لحد ما الموضوع قفل معايا و انفصلنا طبعاً أنا واخواتها علاقتنا حلوه جداً ناس محترمه بجد و كان مستحيل اقف قدامهم
نعيمه….طيب ما يمكن هي حبت تحس انك بتحميها و بتخاف علي حقها
رشيد….احميها و اخاف علي حقها من مين من اخواتها الكلام ده لو كان حد فيهم طماع و انا شايف أنه بياخد حقها و يحرمها منه لكن شهادة اتحاسب عليها هما محترمين بيحبوا بعض و يخافوا علي بعض و محدش فيهم ظلمها
نعيمه….اقصد يعني أن هي ممكن تكون شافت أن اخوها الصغير مش محتاج و خد نصيبه من الفلوس ضعفها يعني يقدر يجيب شقه تانيه أو هو يفعلها
رشيد….ماهو بالعقل كده لما يبيع الشقه يقعد فين هو الوحيد اللي لسه متجوزش و ليدرس كمان و لو قولنا يدفع من نصيبه ليها او حتي يبيعوا الشقه و يروح ياخد غيرها طيب ما هو كده هيخسر جزء كبير من فلوسه اللي ورثها عشان يشتري شقه بدل ما كان هيبدأ حياته بالمبلغ ده في الوقت اللي هي و اخواتها عندهم شقق مفروشه احلي وأحدث فرش مش محتاجين و كل واحد فيهم ورث غير المبلغ اللي بيطلع من الشغل غير انا لا محتاج و لا معيشتها في مستوي وحش فا ايه المشكله يعني و الاهم اني عارف أن هي عايزه تعمل مشاكل وبس فا مقدرتش بصراحه و انفصلت عنها بعد ما حاولت أراضيها بكل الطرق
ايمان….طيب محاولتش ترجع بعد كده
رشيد….هي حاولت بس انا بصراحه كنت خلاص مش حابب
ليله….طيب وحصل ايه بعد كده راحت قعدت مع اخوها طبعاً
رشيد….لا خالص سيبتلها الشقه و انا اللي مشيت وهي أصلاً مكانتش هتحب تقعد مع اخوها
ليله….طيب ليه مفكرتش أنك تتجوز و تخلف و تفتح بيت
رشيد…..لأن المشاكل اللي عشت فيها اخر فتره غير السنين اللي قضيتها معاها في تحمل طباعها اللي اتغيرت قفلتني خالص
و بعدين موضوع الخلفه صراحه مبقتش افكر فيه يعني انا مش صغير خلاص
ليله….ليه يعني انتي لسه 45 سنه و اكيد تقدر تجيب اطفال
رشيد…عارف بس زي ما قولتي انا 45 هجيب طفل أمته و هعيش معاه قد ايه طبعاً كل شئ نصيب بس ده تفكيري حالياً
ليله….لا طبعاً لازم تغير تفكيرك لانه مش صح مفيش حد فينا ضامن عمره
رشيد…اكيد بس عموماً كله نصيب.
ليله …ونعم بالله
حسان….طيب وانتي يا ايمي ليه متجوزتش
ايمان…..مين قالك اني متجوزتش
حسان….بابتسامه اوعي تقولي انك انفصلتي
ايمان….بضحك لا انا خلعت
ضحكوا كلهم علي ايمان
عشري….خلعتي بجد.؟
ايمان….اه والله
ليله….دي قادره دي
رشيد….طيب خلعتي ليه
ايمان….سرقني و لما كشفته قالي أنه كان محتاج مبلغ و اوعدك اني هرجه اللي خدته علي اخر السنه رغم اني عارفه أنه مش محتاج وقتها كان معايا توكيل عام منه كان عامله ليا و ناسيه لانه كان بيشتغل بره و كنت بعمل بداله كل حاجه لحد ما يرجع طلعت علي البنك لاقيت في مبلغ سحبته و بيعت العربيه بتاعته و رفعت عليه خلع و خدت حق المبلغ اللي سرق بيه دهبي و اديته الباقي و بعدين خلعته
رشيد….بضحك انتي قادره صحيح علي رأي ليله
فضل….بضحك طيب ليه اديتيه الباقي صعب عليكي
ايمان…..لا مصعبش بس مش حقي طلعت احسن منه انا خدت حقي و بس
عشري….طيب ليه مكملتيش ادام خدتي حقك
ايمان …عشان بقي في شك خلاص اللي يمد أيده مره يقدمها عشره تخيل انا حاجتي في بيتي و المفروض هو الشخص اللي احس معاه بالامان و يسرقني مع العلم أنه كان يقدر يوفر المبلغ ده بطريقه تانيه او علي الاقل يطلب مني
حسان….صراحه معاها حق خلاص الامان اتكسرت بينهم
سلامه….طيب عيشتي معاه قد ايه
حسان……شهرين بس من جوازنا يعني كنا في البدايه
سلامه….شهرين بس يا نهار اسود
عسال….طيب ليه متجوزتيش تاني
ايمان…..عشان قررت اهتم بشغلي اكتر و كمان كنت لسه خارجه من تجربه مينفعش بسرعه ادخل غيرها كمان مكانش في حد مناسب هو كان بيحبني انا واثقه و لما طلبت الطلاق رفض و مكانش عايز يسيبني و اعتذر كتير بس مقدرتش و لما مرضيش يطلق خلعته.
حسان….طيب وانتي يا سلمي
سلمي….لا انا متجوزتش بس كنت في علاقه و اتخطبت و مكملناش
ليله….بضحك أسمها ام رساله مش سلمي
ضحكوا البنات كلهم و ضحكت سلمي
حسان….ايه موضوع ام رساله ده
سلامه …انفصلتي عنهم برساله اكيد
سلمي….بأبتسامه مش بالظبط بس كل الحكايه اني انا كنت الطرف اللي بيدي اكتر يعني في البدايه هو عمل المستحيل عشان يوصلي و لما اعجبت بيه و حسيت اني ممكن اكون معاه و فتحت قلبي بقينا مع بعض و اتعلقت بيه جداً و حبيته بس هو مبقاش زي الاول يعني الحب و الاهتمام و اللهفه مبقوش موجودين كأنه خلاص ضمن وجودي و للاسف دي مشكلة اغلب الرجاله و الشباب لما بيضمنوا وجود الست بيتغيروا فا علاقتنا بقت فيها برود حاولت كتير افهم ليه ده حصل ليه مبقاش زي الاول اتكلمت كتير اديت فرص اكتر بقيت اجي علي نفسي و اطنش و ابعد اشوف هو هيعمل ايه كان ممكن يعدي يومين ميعرفش عني حاجه اجي اتصل بيه و أقوله طيب خلاص ننهي الموضوع يقولي ننهي ايه انتي بتهرجي انا بس مشغول انا بحبك و بعدين انا لا زعلتك و لا عملت معاكي مشكله و لا في بينا مشكله انتي اللي مكبره الموضوع ارجع تاني اقول يمكن فعلاً مشغول وانا اللي ظلمها لأن حقيقي مكانش في بينا مشاكل و لا انا كنت عارفه ازاي أشرح ليه اللي جوايا واللي بحس بيه لحد ما الإهمال بتاعه خلاني حاسه أنه حتي لو اتغير خلاص مش عايزاه
فا المهم قررت خلاص اني انفصل عنه و خدت القرار بس مكنتش عارفه اقول ايه السبب اللي وصلني لكده مكنتش لاقيه وصف يشرحله علاقتي معاه شكلها ازاي
فا فتحت الموبايل و جبت الواتس بيني و بينه كان متصل المهم دوست علي التسجيل لمدة دقيقتين من غير ما اقول ولا كلمه كان عباره عن تسجيل مدته دقيقتين بس تسجيل فاضي المهم بعته و فضلت عيني علي الرساله بمجرد ما علموا ازرق عرفت أنه فتح فضلت باصه علي الساعه عشان اشوف هيرد عليا أمته من التسجيل اللي وقته دقيقتين
و الحقيقه انه بعد عشر ثواني بالظبط لاقيته باعتلي بيقولي سلمي الڤويس اللي انتي بعتاه فاضي مفيش صوت
سلمي….و وقتها حسيت أن قراري كان صح بعتلوا بقي رساله طويله عريضه
قولتله انا عارفه أن التسجيل فاضي بس صراحه انا ملاقتش وصف اعبر بيه عن علاقتي معاك غير التسجيل ده و هو أن حياتي معاك فاضيه ملهاش صوت نفس التسجيل بالظبط و انا مش مستعده اكمل في علاقه فاضيه و ميته انا اتحملت كتير
و كنت بعدي عشان العلاقه تستمر في الوقت اللي انت مقدرتش تكمل تسجيل مدته دقيقتين و بمجرد ما وصلت لعشر ثواني فصلت عشان كده انا مستحيل اكمل حاجتك هتوصلك لحد عندك و بس عملت بلوك و خلص الموضوع
عشري….ده ايه الطريقه الجامده دي
حسان….بأبتسامه اعجاب انتي وصفتي فعلاً العلاقه بشكل حلو بيتهيألي حتي لو مكنتيش عملتي بلوك مكانش هيلاقي رد يرده عليكي
ايمان….لا بقولك ايه احنا جامدين بردوا
رشيد….صراحه عجبتيني
سلمي…..اصل هنقعد نتعب في بعض ليه ادام مش قادرين نكمل نتفصل بهدوء و احترام
سلامه….طيب محاولش بعد كده
سلمي….حاول مع بابا انا رفضت اني اشوفه تاني و اديت شبكته و الهدايا اللي كان اجيبها ليا و قولت لبابا انا مش قادره اتصرف انت و مش عايزه اقعد معاه بابا قالي زي ما تحبي طبعاً حاول مع بابا كتير و قابله اكتر من مره و حاول يوصلي مع بس خلاص كل حاجه كانت انتهت بالنسبه ليا
ليله….الست لما بتقفل مستحيل ترجع تفتح قلبها حتي لو بقي ملاك بجناحات
حسان….مش الست بس يا ليله الراجل كمان
ليله…اكيد بس صدقني الست اكتر لأن هي بتبقي الطرف اللي ديماً بيدي اكتر
فضل….لأن الست بطبعها عاطفيه اكتر
نعيمه…..و مش بس كده الست عندها صبر اكتر من الراجل الراجل ممكن يزهق من اول مشكله آخره خالص مرتين تلاته مش بيستني بعدها لكن الست بتصير كتير يمكن سنين بس لو فاضي بيها خلاص انسي.
عشري…..عسال قهوتك
بصلوا عسال بزهق و قام وقف مره واحده بعد ما كان هادي و ساكت
عسال….الله يخربيت عسال علي اللي جابوا عسال و يحرق القهوه عالتمر يا جدع انت في ايه هو مفيش غيري
ضحكوا كلهم وصلوا عشري بضحك
عشري…جرالك ايه
عسال…..جرالي ايه انت لو مسكتني عصراني الوقت هنزل قهوه و تمر يا جدع ارحمني بقيت عامل زي السفنجه
وقع الشباب من الضحك و البنات فطسوا علي غضب عسال و فضلت نادين تضحك
عشري….الله طيب ما تقول
عسال….اقول ايه انا قولت هتحس علي دمك و تسكت بس لا تيجي ازاي كل شويه تملأ الفنجان حد قالك اني عايز أسكر في ايه انت مش لاقي غيري تشربه و بعدين انا لو روحت حللت الوقت هتلاقي السكر عالي من التمر اللي بيجري في عروقي مبقاش دم يا جده ده بقي دبس تمر وسع كده ينعل ابو اللي يقعد جنبك تاني
عشري…..و هو عينه دمعه من الضحك خلاص تعالي
عسال….وسع يا جدع بقي
سلامه….تستاهل مش انت اللي قاعد جنبها
رشيد…..انت شايف الكل هربان منه حتي فضل اتحمل بقي
عسال….يااااااا ده فظيع يا جدع
حسان….ماهو انت طول ما بتاخد منه مش هيسكت
عسال…..انا قولت مكسفهوش يمكن يحس علي دمه
فضل….بضحك هو عشري كده كريم و حنين
عسال….ابو دي حنيه يا جدع
ليله….بضحك خليت الراجل نطق
عشري…..عاجبك كده اهي فرحانه فيا
عسال….احسن و الله معدتي باظت منك لله.
فضلت نادين باصه عليه و بتضحك بهدوء
لمنحها عسال و هو غضبان و ابتسم غصب عنه و هز راسه و سكت.
رشيد….بعد كده متقعدش جنبه بقي
عسال….مش قاعد خلاص
عشري….ماشي يا عسال ليك يوم
عسال….بقرف يا جدع بقي
ايه…..بقولكم ايه انتوا عارفين أن الساعه اربعه
ايمان….ايه ده بجد بسرعه كده
ايه….اه والله انتوا متخيلين أن احنا من الساعه تسعه الصبح لحد الوقت مع بعض ده فات حوالي 19 ساعه
نعيمه…..ايه كل ده بجد انا محستش بالوقت
حسان….بس احلي حاجه أننا اتعرفنا علي بعض انا عن نفسي حاسس اني اعرفكم من زمان من كتر ما اتكلمنا و حكينا لبعض كل حاجه
ليله….فعلاً يا حسان بيتيهألي لو كنا اتقابلنا في ظروف تانيه مكناش هنعرف كل الحجات دي عن بعض
سلمي….بابتسامه ولا كنا هتعرف أن عسال عصبي
ضحكوا كلهم و ضحك عسال
ايه….ما تيجي نطلع ننام شويه فوق
ايمان….اه انا عايزه انام علي السرير مش قادره خلينا نطلع بقي و هو الجو هادي كده.
حسان…..يلا بينا تصبحوا علي خير جميعاً
طلع الكل علي الاوض و ناموا في الاوض
وللحديث بقيه….
