لقاء كارثي

عسال…..بابتسامه لا كنت خايف عليهم بس يعني امي عرفت انها ماتت بالمرض ده و كمان جدتي في اخر أيامها فا خوفت عليهم

رشيد….لا عسال يبان هادي هو كمان بس مجرم

حسان…..علي فكره ماشاء الله عسال و سلامه حقيقي علاقتهم ببعض جميله جداً

ايمان…..صحيح يا عسال انت كام سنه ؟شكلك انت كمان أصغرهم زي ايه

حسان….اه عسال اصغر واحد فينا

رفعت نادين عينها بهدوء بصت بعيد و بعدين بصت عليه بطرف عينها

عسال…..انا 29 يعني داخل خلاص علي ثلاثين
بمجرد ما نهي كلامه بص بطرف عينه علي نادين بعدت عينها بسرعه عنه و ملامحها اتغيرت بأن عليها التوتر و حس انها مضايقه.

ايمان…..ماشاء الله بس واضح يا ميدو انك محبوب من الكل و يعني بيتهيألي اللي انت بتحكيه و شكل شخصيتك اكبر من سنك

عسال….عادي التجارب بتخلي اي حد اكبر من سنه والحمد لله سلامه و الشباب كلهم اخواتي

رشيد…..عسال حقيقي اكبر من سنه و اوقات بحس أنه أكبر واحد فينا

حسان…..ميدو ده حبيب الكل و صاحب صاحبه الحنيه اللي في قلب حنون قدرت تزرعها فيه هو وسلامه بجد

فضل…..عشري ديماً يقول اللي مصاحبش عسال معرفش معني الصحاب

عشري….حقيقي عسال جدع و محترم طبعاً الشباب كلهم نعمه من ربنا أنهم في حياتي بس بما أن الكلام علي عسال فا هو عارف أن شهادتي فيه مجروحه عسال متربي و راجل و يفدي اي حد يقصده في طلب بروحه و فعلاً يا ايمي هو أكبر من سنه انا اعرف عسال من سنين حتي وهو أصغر من كده نفس طباعه متغيرتش

نعيمه….ده واضح انك ليك جمهور يا عسال

عسال…..بابتسامه جميله اهو بحاول

سلمي….طيب انتوا مقولتش انتوا بتشتغلوا ايه

رشيد….احنا تقريباً زيكم كل واحد فينا ليه شغل خاص بس كمان مشاركين بعض

فضل….بس انا و عشري لينا شغل بعيد عنهم

سلمي….شغلي ايه؟

عشري…..عندنا سلسله كافيهات انا و فضل و اخواتي وأخواته و ولاد عمومنا

نعيمه….في القاهره

عشري….في القاهره ثلاثه و في سيناء واحد و في واحد في الساحل و كلنا واقفين فيه

نعيمه….ماشاء الله

رشيد…..احنا بقي عاملين شراكه انا و الشباب معرض سيارات لاكتر من توكيل و بتفتح فرع تاني للمعرض و فضل و عشري معانا فيه أن شاء الله

ليله….حلو اوي ربنا يوفقكم

رشيد….علي فكره معرض السيارات ده كان فكرة عسال لانه بيحب العربيات اوي

ايمان….بضحك مش قولتلكم شبه بعض يعني سبحان الله الاتنين اللي شكلهم هادي خرج منهم افكار حلوه بس ياتري بقي ميدو هادي بجد ولا زي نادين

عسال…..بأبتسامه والله علي حسب

فضل….بلاش كدب مش هادي والله هو عاقل حقيقي بس في نفس الوقت لما بيتجنن خلاص

حسان…..الشله اللي انتوا شافينها دي مفيهاش حد عاقل

ليله….بس انت شكلك هادي بردوا يا حسان

حسان…..اه شويه بس معاهم لا يعني الطبيعي بتاعي هادي لكن بردوا علي حسب المكان اللمه كده يعني

نعيمه…..طيب كده سلامه 35 و عسال 29 الباقي كام سنه و مين اكبركم

رشيد….انا أكبرهم داخل علي 45

فضل…..انا 36

عشري….وانا 39

حسان….انا 41

نعيمه….يعني انت بعد رشيد

حسان….ايوه

نعيمه….طيب اسفه يعني لو السؤال في فصول شويه بيتهيألي انتوا مش صغيرين و كمان مش كبار اوي بس اكيد في حد فيكم مرتبط أو متجوز صح ولا ايه

رشيد…..انا كنت

حسان….وانا بردوا كنت

نعيمه….منفصلين يعني؟

رشيد…ايوه

فضل….هما بس اللي اتجوزوا احنا لسه

نعيمه….بابتسامه امممم طيب ليه بردوا مش ده سن جواز يعني ولا كارهين الستات

فضل…..لا خااااالص حد بكره الستات

ليله…..بضحك الإله شكلك خاربها

رشيد….الله يكسفك علي طول مفضوح كده

فضل….والله ظالمني متسمعوش كلامه

نعيمه……بضحك لا والله باين عليك

فضل…..هو بالشكل

نعيمه….اه بالشكل احساسي

فضل…..طب يا ام احساس مين تاني شكلوا باين عليه

نعيمه…..انت و عشري و سلامه و عسال اكتر حد باين عليه انكم بتوع بنات

عشري…..والله اكون بتاع بنات احسن ما اكون بتاع رجاله

ضحكوا كلهم علي عشري

ليله….صراحه معاه حق

سلامه….طب مالك انتي بسلامه انتي شوفتي مني حاجه

نعيمه….بضحك باين عليك كده سوسه يا سلامه

رشيد…حصل

سلامه….بضحك حصل ايه يا جدع انت جاي تسوء سمعتنا

عشري….ايه هتنكر و الله هو وفضل خاربينها

عسال….انا مليش علاقه بيهم

نعيمه….والله ما بصدق راجل

رشيد….بضحك لا عسال محترم يعني مش اوي علي خفيف كده

ضحك عسال و هز راسه

عسال….متصدقوش رشيد ده جاي يبوظ سمعتنا علي رأي سلامه

عشري….بضحك ايوه عسال و سلامه معاهم حق احنا صفحتنا بيضا

ليله…..بصتلوا و رفعت حاجبها لا يا شيخ

عشري….مش مصدقه ولا ايه

ليله…..بضحك لا طبعاً باين عليك انت اكتر واحد انك خاربها

عشري…..انا استغفر الله هتعومي علي عومه

حسان….بضحك منك لله يا رشيد

عشري….طيب نتكلم جد مين فينا سواء شاب او بنت ملوش علاقات

ليله….لا عادي علي فكره بتحصل ايه اللي فيها يعني

عشري…..ليه مش قولتي انك كنتي مرتبطه

ليله….ايوه بس عادي يعني مره و خلاص

عشري…..عيني في عينك مره واحده

ليله….بضحك اااا عادي يعني مره كانت جد بس اكيد كان في نظرات أو اعجاب و انا صغيره يعني اللي هي المواقف العبيطه بتاعت الدراسه

عشري….اهوووو اعترفت

فضل….بضحك وقعك

عشري…. انت بس يا خوي اضغط عليهم و يعترفوا علي طول

ليله….بضحك لا استني متفرحش اوي كده علي الاقل يعني حب طفوله حب مراهقه لكن انتوا ماشاء الله قلبكم مفتوح علي البحري بتدخلوا في علاقات علي طول

عشري…..انا مش هرد عليكي خلاص اعترفتي و انتي يا نعيمه بالله قولي الحقيقه ارتبطتي كام مره

نعيمه….بضحك والله مره واحده