ابن ليل

سابهم كرم وطلع 💔

وفضلت نجوي تعيط

مها….ليه امي ليه

رفاعي…..مقولتليش ليه يا نجوي

نجوي……عشان وقتها مكنتش عارفه دره فعلا مكانتش عايزه كرم عشان شيفاه اخوها ولا عشان بتحب غيره

كنت شايفه المشاكل بتكبر بينا كلنا ومكنتش حابه الدنيا تولع وهي كانت اتجوزت يعني الكلام وقتها مكانش ليه فايده

رفاعي…..بيتهيألك يا نجوي لو كنتي اتكلمتي كان ممكن حجات كتير تتغير كنت عالاقل قدرت نتكلم مع كرم ونفهمه براحه وقتها كان لسه زي ما هو وكان هيفهم ويسمع كان ممكن كل العداوه اللي بينا دي تنتهي او متحصلش من الاساس💔

نجوي……ده كلن تفكيري وقتها يا رفاعي صدقني مكنتش عامله حساب كل اللي حصل ولما حصل كل ده مقدرناش نتكلم وقولت الحكايه ماتت بجواز دره وانا وقتها خدت جنب من نبيله لامها مقالتليش الصراحه مقالتليش ان بنتها بتحب غير ابني كل اللي قالته انها متعرفش مصلحتها وبس

بكر…..طيب صلوا عالنبي اللي حصل حصل وبيتهيألي مهما كان اللي عرفه كرم يوجع بس افصل كتير من انه يفضل عايش جوه الحدوته اللي كلنا كنا عارفينها💔

رفاعي….عليه الصلاه و السلام الحقيقه بتوجع بس بتريح عالاقل كرم يهدي شويه ويرجع زي ما كان ويركز في مستقبله اللي ضيع منه كتير💔

بصت مها لامها بوجع وهي دموعها نازله وسابتهم من غير ولا كلمه وطلعت علي شقتها

بكر….مها مها

هيما….سيبها يا بكر تطلع وروح يلا شوفها

بكر….طيب وكرم هنسيبوا لوحده

هيما….انت عارف ان كرم في الحاله دي مش هيدي لحد فرصه انه يتكلم معاه

رفاعي….سيبه يا ابني يقعد مع نفسه وانا عارف انه هيبقي كويس

نجوي…..ياحبيبي يا ابني يارتني نقدر نشيل عنك الوجع 💔🥺

رفاعي….وحدي الله يا نجوي اللي حصل حصل وكرم طول عمره عاقل واكيد هيهدي

نجوي….كرم مش هيسامحني ابداً💔

هيما….استهدي بالله يا امي انتي عارفه ان كرم بيحبك واكيد هيراعي الطريقه اللي فكرتي بيها سيبيه بس لوحده شويه واكيد هو هياخد وقته ويرجع زي ما كان.

رفاعي….يلا يابكر يلا ولاد اطلعوا ارتاحوا

بكر……ماشي يا ابا ولو حصل حاجه انا صاحي💔 تصبحوا علي خير

رفاعي….وانت من اهل الخير

…………….

في صباح يوم جديد نزل كرم بكل هدوء كأن مفيش حاجه حصلت دخل عندهم كان الفطار جاهز قعد معاهم علي السفره وبدأ ياكل الكل كان بيبصله بإستغراب ويبصوا لبعض