ابن ليل

دانه…..فضولي هيموتني خصوصاً بعد كلامكم ده🙄

حسن….بنقول ايه بما انكم اتعرفتوا علي الشباب وبقي في بينا عيش وملح فا خلينا نبقي صحاب كلنا وتعملوا زي ما احنا طول عمرنا بنعملوا نبعد عن مشاكل الكبار دي خالص وخلينا في نفسنا وبس وياريت كمان متقولوش ادام اي حد انكم اتعرفتوا عليهم

دارين….بس احنا مش بنكدب علي مامي

حسن….ياست دي كدبه بيضاء علي الاقل الوقت لسه كل واحد فيهم مركز مع التاني وناوي علي خناقه نخلوا الدنيا تهدي بينهم وبعدين نعرفوهم عشان لو عَرفوا القاعده الحلوه دي مش هتتكرر بسهوله😂😂

دانه….لا وعلي ايه احنا مش جايين نتحبس😂

محمد….هو ده 😉 والاهم بقي اتعلموا تسمعوا وتشوفوا وتعملوا نفسكم مش فاهمين واعملوا نفسكم كمان متعرفوناش😂😂😂

دانه…..احنا مش عايزين نعرفكم اصلا احنا مخاصمينكم😂

حسن…..اهو انتوا كده بقيتوا مننا😉

احمد….القاعده دي ناقصها سماح يا حسن😂😂

حسن….كلمتني والله كذا مره بس مَعرفناش نردوا عليها وكنسلت

محمد….دي هتنفخك 😂

دارين….مين سماح؟

هيما…..يا ساتر علي الفضوووول🙄

بصتله دارين بغضب بسيط😒

هيما….الله خدتي الكلام عليكي ليه

دارين….عشان تقصدني 😡

هيما….ولنا قولت يا دارين

دارين….يعني هو في غيري سأل😒

هيما…..والله لو الكلام خدتيه علي نفسك يبقي مبروك عليكي😉

حسن….ياجدع قولنا خف😂 عموما سماح دي بنحبها

دانه….زميلتك في الجامعه

حسن….لا دي بنت شارعنا يعني وسونه امها جارتنا من زمان يعني متربين سوا

دارين…..سونه ؟ بيتهيألي سمعت الاسم ده كانت واقفه مع مامي في الشارع امبارح هي ومامتكم

محمد…..بضحك اه عرفنا😂😂😂🙈وعرفنا بإتفاقهم

دانه…..اتفاق ايه🙄

محمد….لا متحطيش في بالك😂😂

فضلوا البنات يتكلموا معاهم ويضححكوا مع بعض وفضل هيما يناقر في دارين شويه تبتسم غصب عنها وشويه متبقاش طيقاه.

مر بينهم الوقت بسرعه واتفقوا انهم يكرروها تاني ويعرفوهم علي اسكندريه

كانوا مبسوطين جداً خصوصاً انهم لقوا حد جديد يتعرفوا عليه❣️

رجعوا علي البيت وطلع الشباب علي بيتهم وبعد كام ساعه بدأ الكل يقلق علي كرم اللي مختفي و قافل موبايله ومحدش عارف يوصله

اتسحب بكر بهدوء وراح يشوفه في شقته بس ملاقاش عربيته ولا لقاه فوق والحارس بتاع العماره قاله انه مجاش

بدأ بكر يقلق بجد وكان خايف عليه بس مفيش حاجه في ايده يعملها لانه قافل موبايله.