ابن ليل

كرم…..خبيت عليا ليه يا عبدالله 💔 سيبتني ليه العمر ده كله علي عمايه

عبدالله…..حاولت نقولك كتير مكنتش بتسمع مني حاولت نوصل لبكر عشان يوصلك هو الحقيقه بس هو كمان رفض خاف علي زعلك يا صاحبي🥺

كرم…..لما حاولت كان متأخر يا عبدالله كان بعد ما كل حاجه خربت مجتش قولتلي ليه اللي كان داير بينك وبين اختك مصارحتنيش ليه

عبدالله…..عشان بنحبك يا كرم ومكنتش قادر نقف قصادك و نبص في عينك مكنتش حابب الحقيقه تفرق بينا ونخسروك

كرم…..وانت مخسرتنيش يا عبدالله طول السنين دي وحتي لو كنا زعلنا منك وقتها اكيد كنت هنهدي و نتصالحوا وكنت هنشيلهالك يا صاحبي انك جيت و صارحتني و محبتش تسيبني علي عمايه بس انت سيبتني متغفل ومش انت بس يا عبدالله اللي هنلوموا عليه 💔

عبدالله…..كرم اسمعني💔

كرم….سيبني في حالي يا عبدالله سيبني.

سابهم كرم وراح علي البيت وفضلوا كلهم مش فاهمين اي حاجه

بكر….في ايه اتكلم يا عبدالله💔

عبدالله….مش وقته يا بكر اطلع انت بس وراء كرم و متسيبهوش لوحده وهنبقي نحكيلك

هز بكر راسه وبسرعه اتحرك هو والشباب وطلعوا وراء كرم

في الوقت اللي طلعوا وراه كان هو وصل قدام شقه ابوه وامه بيفتح الباب

اول ما شافته نجوي جريت عليه بلهفه

نجوي….يا حبيبي يا ابني كده يا كرم تقلقني عليك

مها….ايه يا اخويا غَطست فين كل ده
دخل بكر والشباب وقفوا وفضلوا ساكتين

رفاعي…..قافل نوبايلك ليه يا كرم ومخلينا نلفوا حوالين روحنا قلقتنا عليك يا ابني

كرم كان واقف ساكت مبيردش بس عينه علي نجوي بوجع💔

رفاعي….ما تنطق يا ابني متقلقنيش انت كويس

كرم…..بنبره وجع وجه كلامه لنجوي
ليه يا امي ليه تعملي فيا كده💔 هان عليكي وجعي

بصتله نجوي وهي مش فاهمه

نجوي…..وجع ايه يا كرم وانا عملت ايه

كرم….خبيتي عليا الحقيقه يا امي عيشتيني سنين وانا عايش جوه حدوته و مصدقها وانتي عارفه دره عملت كل ده ليه و سكتي

بصتله نجوي بوجع وبسرعه دموعها أتجمعت في عينها 🥺

كرم…..مقولتليش ليه يا امي كان زماني مرتاح ومكانش كل ده حصل

نجوي….مكنتش فاكره انها بتتكلم جد يوم ما قالتلي كنت فكراك مزعلها وكلامها ده من زعلها منك 🥺

مها….هو في ايه 🥺 فهموني

كرم…..في ان من عشرين سنه دره جات لامك يا مها تترجاها تقف معاها بعد ما ابوها وامها واخوها وقفوا قصادها في ان دره مكانتش بتحبني وكانت شيفاني اخوها في ان دره من قبل ما اخطبها كانت بتحب وانجبرت علي خطبتي