تعاهدنا

الثاني والعشرون.والاخير. يوم جديد علي الجميع محمل بالخبايا. صحي ادم بتعب وصداع فظيع لمح والدته سانده علي الكنبه ووالده ماسك ايده ونايم هو كمان وهو قاعد ابتسم ادم وقام بهدوء باس راس والده وراس والدته صحيوا بمجرد ما بدأ يقوم. ادم....نمتوا كده ليه بس حقكم عليا. رقيه....فداك الدنيا بحالها المهم تكون كويس. حسن....عامل ايه الوقت ادم...بأبتسامه احسن كتير الحمد لله. ساعدهم ادم انهم يقوموا من الارض. رقيه...اطلع خد دش يا حبيبي لحد ما احضرلك الفطار. ادم....معلش يا امي هتعبك معايا انا لازم اقابل عاصم عشان ننفذ اللي قولنا عليه محتاج غيار انا هدخل اخد دش في اوضه ادهم. عرفت رقيه انه مش عايز يدخل الاوضه بتاعته هو وساره. هزت رقيه راسها. رقيه...ماشي يا حبيبي اطلع انت وانا هجبلك الهدوم . ادم....تسلم ايدك بعد اذنكم. طلع ادم علي اوضه ادهم وبمجرد ما دخل لمح برواز صغير علي الكوميدينو في صورته هو وادهم مسك الصوره بأيده وبسرعه دموعه جريت علي خده. ادم...سامحني يا ادهم سامحني يا اخويا حقك هيجي والله هجيبه بس سامحني وارجع محتاجك اوي يا ادهم. مسح دموعه وساب البرواز ودخل خد دش وبعد وقت بسيط خرج لبس الللبس اللي جابته رقيه ونزل علي تحت كانت حضرت الفطار. قعد معاهم كل حاجه بسيطه وقام عشان يخرج. حسن....خليك طيب انهارده يا ادم ارتاح ادم...مش هرتاح غير لما اريح اخويا يا بابا ادهم تعب كتير كفايا عليه كده. بص ادم لامه..معلش يا ست الكل هتعبك معايا تاني رقيه....تعبك راحه يا حبيبي قول عايز ايه. ادم.....عايزك تخلي الشغالين يطلعوا الاوضه عندي فوق يلموا حاجتها كلها من المكان مش عايز المح اي حاجه حتي لو كانت صغيره لحد ما اروق شويه والاقي ادهم وهخلي حد يجي يشيل منها الاوضه بالكامل وهجيب حاجه جديده. بصتله رقيه بحزن حاضر يا حبيبي هعملك كل حاجه انت عايزها. ادم...بأبتسامه سلام عليكم رقيه..حسن ..عليكم السلام. .... راح ادم لعاصم واتقابلوا مع كذا صحفي لكذا جريده وقال ادم كل حاجه تبرأ أخوه وعهد قدام الكل. وبدأوا يشتغلوا علي الاخبار . شويه وخدوا عاصم قعد ا في مكان هادي كان حاسس انه تعبان ومفدرش يسيبه. طول الوقت كان ادم كل شويه بتصل بأدهم ويلاقيه مقفول مش بس هو عهد وسهام ورقيه وحسن مكانوش مبطلبين اتصال بيه. وصل ادم وعاصم عالكافيه طلبوا قهوه وفضل ادم ساكت. عاصم...ادم انا عارف ان مفيش اي كلام ممكن يتقال عشان يريحك عارف ان اللي مريت بيه صعب علي اي راجل بس كمان انا عارف ان صاحبي قوي و هيقدر يعدي كل اللي حصل ده اعتبره درس يا ادم اعتبرها تجربه قاسيه هتقويك بعد كده ادم....بصله بحزن انا حاسس اني في كابوس يا عاصم اللي حصل ده اكبر بكتير عن تحمل اي حد جوايا وجع مش عارف اوصفه و وجعي الاكبر هو ادهم اخويا مش قادر اسامح نفسي اني شكيت فيه اني ظلمته و مسمعتوش مش قادر انسي البوم اللب مديت ايدي عليه في المستشفي لحد ما نزف ومع ذلك مقدرش يمد ايده عليا رغم الوجع والظلم اللي كان حاسس بيه. مش قادر انسي دموعه وهو بيحاول يقنعني انه معملش كده. ولا قادر اتخيل انه عرف يسكت طول السنين دي عشان خاطري وعشان كان عارف اني بحب ساره عاصم....متحملش نفسك فوق طاقتك يا ادم انت اتلعب عليك لعبه محبوكه صح اي حد مكانك كان شعوره هيبقي نفس شعورك ويمكن اكتر بلاش نفضل نعيط وننهار عالماضي عشان الحاضر والمستقبل لسه في ايدنا نقدر نجمله ونخليه احسن من الماضي بكل ذكرياته ولو علي ادهم هتقدر تعوضه. ادم....اعوضه ازاي وانا مش عارف هو فين ولا حتي قادر اقوله اننا عرفنا انه برئ. عاصم...هنلاقيه يا ادم هنقلب عليه الدنيا وصدقني بمجرد ما الاخبار تنتشر هو هيفتح موبايله وهيعرف وهيرجع من تاني. ادم...تفتكر هيسامحني يا عاصم؟ عاصم...اللي قدر يتحمل عشانك كل الظلم ده ومقبلش يشوفك متعذب اكيد يقدر يسامح يا ادم هتعدوا كل الفتره دي يا ادم وهترجعوا احسن من الاول. رجوعه لعهد هيحل كل حاجه وهينسيه اي وجع صدقني بمجرد ما يشوف عهد بالفستان ده بالنسباله هيبقي اعظم انتصار. عاصم كان بيتكلم بنبره باين عليها الحزن. ادم...عارف ان انت كمان تعبان يا عاصم. عاصم....مش مهم تعبي ولا حتي مهم تعبك يا صاحبي احنا الاتنين هدفنا واحد عهد وادهم تعبوا واتعذبوا واحنا لازم نقف معاهم مش مهم اللي جوايا ولا مهم اللي جواك صدقني كل ده هيروح بمجرد ما نشوفهم مبسوطين . ادم...بحزن عندك حق انا لازم اعوض ادهم واريحه كفايه عليه اللي شافه اوي. عاصم....بأبتسامه قوم معايا يلا نلف كل مكان ممكن ادهم يكون فيه. ادم....يلا بينا. وبدأت رحله البحث عن ادهم الكل كان هيتجنن وادهم يظهر بعتتله عهد ميت رساله ومبطلتش اتصال بيه عشان تفرحه وتخليه يرجع لكن فضل الحال زي ماهو . وراح خالص سلامه من عقول الكل 💔 انتشرت الاخبار والحقيقه اتعرفت ساره كانت في حاله انهيار تام . عدي يومين والكل بيدور افتكر ادم ان ادهم بيحب يروح اسكندريه واخيرا جه في باله سلامه حاول يلاقي رقمه لكن مكانش معاه ولا مع اب حد لان اللي كان بيتواصل معاه هو ادهم قرر ادم انه يسافر اسكندريه ويحاول يوصل لأي حاجه فضل يلف علي كل فنادق اسكندريه مكانش ليه اي اثر وبعد لف كتير رجع ادم بخيبه امل ومش لقاه ولا عرف يلاقي سلامه .رقيه كانت هتتجنن علي ادهم ومش بتبطل عياط ولا هي ولا عهد وسهام لكن فضل عندهم امل ان الاخبار اللي بتنتشر دي هتوصله وهيفتح موبايله ويكلمهم ويرجع من تاني وسطهم. " في الاسكندريه" ادهم كانت حالته سيئه جدا وكل يوم بتتراجع عن اليوم اللي قبله رغم انه بطل الخمره والسجاير واهتم بالعلاج والدواء لكن كان بعد فوات الاوان كان بيدعي ديما ان ربنا يطول في عمره لحد ما يطمن علي عهد انها بقت في بيت عاصم. تهاني وسلامه مكانوش بيسيبوه لحظه حاله الحزن كانت مسيطره جدا علي تهاني وهي شيفاه بيم*وت بالبطئ قدامه لا هو موافق انه يرجع لأهله ولا حالته بتتحسن. ادهم كان نايم في الاوضه وتهاني وسلامه تحت سلامه....ايه ده 😳 تهاني...في ايه يا سلامه مالك سلامه....ادهم باشا برئ يا ست تهاني برئ نزلت دموع سلامه بفرحه وكأنه اخيرا مسك في أمل ينقذه بيه تهاني...بدموع في ايه قولي طيب اداها الجريده اللي كان ماسكها وبدأ هو يفتح الموبايل ويتابع اللي انتشر والاتين بيقرأوا ودموعهم مش بتقف من الفرحه. تهاني...يا اما انت كريم يارب الحمد لله قولتلك اني مصدقتش اي كلمه عليه. سلامه...وانا قولتلك ان ساره دي اللي ورا كل البلاوي قلبي كان حاسس والله عمري ماارتاحتلها في يوم المهم...هنعمل ايه ادهم باشا مش بيفتح موبايله واكيد ميعرفش اي حاجه. تهاني...بدموع ودي فيها سؤال يا سلامه هنقوله طبعا انت مش شايف هو عامل ازاي ده مستسلم للم*و*ت ياسلامه يمكن خبر زي ده يخليه يتمسك بالحياه من تاني ويقوم ويصلب طوله يمكن لما يعرف ان كل حاجه وحشه خلصت يفوق لنفسه وكملت بحزن ويمكن لما يعرف انه خلاص هيرجع يتجمع هو وعهد من تاني يفرح وربنا يشفيه. بصلها سلامه...بحزن علي حالها واستغرب جدعنتها طيب وانتي يا ست تهاني. بصتله تهاني بحزن...انا ايه. سلامه....انا عارف كل حاجه وعارف ان قلبك اتعلق بأدهم باشا بعد كل السنين دي حاسس بيكي وبوجعك وعارف انك حبتيه بجد. سكتت تهاني واتكلمت بدل منها دموعها اللي نزلت بوجع. تهاني....الحب مش بايدنا يا سلامه يمكن معاك حق ومش هتكسف منك يا سلامه واقولك انه محصلش ايوه انا حبيته ومعرفش ليه وازاي وامته بس غصب عني حبيته يا سلامه.لكن هو بيحب حد تاني من قبل حتي ما يعرفني قلبه موجوع علي حد تاني وانا جربت الحب مره مع المرحوم وقلبي اتكوي بيه وهو كمان حب واتكوي و اتعذب و اتظلم كفايه عليه كده يا سلامه كفايه عليه بعد عن اللي قلبه اختارها لحد كده. ولو عليا صدقني يا سلامه سعادة أدهم عندي بالدنيا. وحقه بقي يفرح ويعيش ووقتها انا هكون مبسوطه كفايه عليا اشوف صحته بترجعله من تاني سلامه...بحزن طول عمري بقول عليكي جدعه وجدعنتك دي مش جديده عليكي يا ست الستات ربنا يرزقك باللي يريح بالك وقلبك ويعوضك بكل خير تهاني...بدموع ابتسمت انت هتفضل ترغي كده كتير قوم معايا يلا سلامه...علي فين. تهاني علي فين ده ايه نبلغه طبعا قوم يلا . قام معاها سلامه وطلعوا لأدهم صحوه كان مش دريان بأي حاجه حواليه وتعبان جدا. وبدأ سلامه وتهاني يوروله كل حاجه اتنشرت وهما فرحانين كان باصص علي الاخبار اللي قدامه ودموعه نازله مش بتقف ولكن دموع فرحه حاسس انه بيحلم وبسرعه فتح ادهم موبايله.واتفاجئ بكم الرسايل اللي كان بيقراها بسرعه وهو مش مصدق من فرحته اخيرا ربنا قبل دعائه اللي مكانش بيقف. كلم عهد اللي انهارت بمجرد ما سمعت صوته وهو فضل يعيط بوجع وسلامه وتهاني جمبه منهارين عهد....ارجع يا ادهم عشان خاطري انا محتجالك ادهم...بتعب ابتسم ومسح دموعه هرجع يا عهد هكون عندك بليل انا مش قادر اصدق حاسس اني بحلم عهد...مش بتحلم يا ادهم مش بتحلم يلا عشان خاطري تعالي بسرعه. ادهم....حاضر يا حبيبتي هرجع وهنفذ العهد يا احلي عهد ضحكت عهد من بين دموعها لو بتلمح علي الورقه الاخيره يبقي هتكتبلي ورقه غيرها عشان مش لقياها ضاعت مني ادهم...بضحكه جميله من بين دموعه عشان عبيطه بصراحه انا سرقتها منك عهد....بضحك وسايبني دايخه عليهافي الاوضه طيب علي فكره عقاباً ليك بقي هتجبلي لعب كتير ادهم....بحب صادق اشوفك بس يا عهد وهجبلك عمري كله احطه تحت رجلك. عهد....بأبتسامه دموع بحبك يا أدهم أدهم....وانا عايش بحُبك يا عهد عهد...طيب يلا تعالي بقي ادهم....حاضر يا قلبي هقوم اجهز نفسي واجيلك هكلمهم بس في البيت أطمنهم وهقولهم يجوا عندكم عشان عايز نتجمع كلنا في نفس المكان اللي مشيت منه اخر مره وانا مكسور عهد....بحب بعد الشر عليك يا حبيبي ادهم....عهد عهد....عيون عهد ادهم...بحبك. عهد....وانا عايشه عشان بحُبك يا ادهم أبتسم ادهم لما عادت نفس جملته قفل معاها وكلم والدته اللي كانت منهاره ومش مبطله عياط رقيه....ارجع يا ادهم عشان خاطري هم*و*ت من غيرك يا حبيبي. ادهم....كفايه عياط عشان خاطري انا راجعلك انهارده يا امي عايزكم تروحوا لطنط سهام ونتجمع كلنا هناك عايز اعوض اليوم اللي روحنا فيه ولقيت عاصم مكاني عايز امحي اليوم ده من عقلي واحط مكانه اليوم اللي كنت بتمناه رقيه حاضر يا حبيبي هنروح بس انت تعالي ادهم....هاجي يا امي هاجي يا حبيبتي رقيه...ادم عايز يكلمك يا ادهم. ادهم....هاتيه . مسك ادم الموبايل وصوت عياطه كان مانعه من الكلام. نزلت دموع ادهم...وحشتني يا ادم. ادم...بدموع طلقتها با ادهم طلقتها عشانك يا حبيبي سامحنبي يا ادهم . ادهم...بدموع مسامحك يا عبيط انا مقدرش ازعل منك ابدا. ادم....ارجع يا اخي بقي تعبتني رجلي ورمت من اللف عليك. ضحك ادهم من ببن دموعه احسن اشمعني انا خدي ورم ايدك عامله زي المرزبه ادم...بحزن ياريتها كانت اتقطعت ولا اتمدت عليك ياحبيبي. ادهم....بعد الشر عليك وبعدين انت هتقلبها نكد ولا ايه اقفل يلا لسه قدامي سفر. ادم....هو انت فين صحيح. ادهم....في اسكندريه. ادم....نعم انا جيت وقلبت اسكندريه وقلبت الفنادق كلها عليك. ادهم...ما انت او كنت دورت بضمير شويه كنت لاقتني بس هنقول ايه الضمير اتعدم. ادم...بضحك مسح دموعه هتفضل رخم طول عمرك يلا انجز وتعالي بقي. ادهم....حاضر يا حبيبي مسافه الطريق حسن....متتأخرش يا ادهم وخلي بالك من الطريق ادهم....مش هتأخر يا حبيبي اشوفكم علي خير رقيه...لا إله إلا الله أدهم....محمد رسول الله. قفل ادهم وهي دموعه نازله ومبتسم حاسس انه طاير خرج براحه من البلكونه لقي تهاني وسلامه مقتولين من العياط. ادهم....بتعب واضح لا بقولكم ايه انا تعبت من الحزن والدموع كفايه علينا كده اوي. سلامه...دي دموع الفرح ولله يا باشا. تهاني....ربنا يفرح قلبك وما يوجعك تاني ابدا. ادهم....ربنا يخليكم ليا انا مش عارف من غيركم كنت عملت ايه . صدقوني مهما حاولت أشكركم مش هوفيكم حقكم يمكن الكل كان عارف اني تعبان بس انتوا بس اللي كنتوا عارفين اللي مريت بيه من حزن لتعب لكل حاجه . سلامه....احنا معملناش اي حاجه يا باشا صدقني انت تستاهل ان اب حد يفديك بعمره كفايه علينا نشوفك بتضحك وروحك ردتلك ده عندنا بالدنيا ولا ابه يا ست تهاني. تهاني بابتسامه عكس اللي بتخفيه جواها اكيد طبعا بقولك ايه يلا متضيعش وقت ادخل غير هدومك والبس حاجه حلوه وانا هحضرلك شنطتك عشان تلحق توصل . سلامه....بس يا باشا هتقدر تسوق انا بفكر يعني بعد أذنك انب اجي معاك واوصلك بايدي لحد الڤيلا عشان اطمن عليك. تهاني....ودي فيها أستأذان طبعا توصله ومش هيعترض كمان . ابتسم ادهم ....اكيد مش هعترض ولا انتي كمان ينفع تعترضي. تهاني...اعترض علي ايه. ادهم....انتوا هتيجوا معايا وهتفضلوا معايا لحد معاد الفرح. تهاني....بارتباك لا انا مش هقدر كفايه بس سلامه وليك عليا يوم فرحك اجيلك مخصوص علي عيني ادهم....وانا مش همشي من غيركم تهاني....صدقني مش هينفع انت بقالك كتير غايب عن اهلك وكل حبايبك روح واتبسط معاهم وانا هجيلك صدقني. ادهم....حتي لو قولتلك اني عايزك تيجي معايا عشان خاطري يا تهاني. بصتله تهاني بحزن وتأثر ورجعت الدموع اتجمعت في عينها وكأنها بتقوله بقلبها انا عشان خاطرك اعمل اي حاجه في الدنيا..هزت راسها بقله حيله أبتسم ادهم برضا...بصي بقي تروحي تجهزي ومش عايزك تحضري اي حاجه سلامه كل حاجه خاصه بيا من هدوم او برفانات او اي حاجه اعتبرها هديه مني ليك انا مش عايز اي حاجه. سلامه...بس ده كتير اوي. ادهم...مفيش اي حاجه تكتر عليك يا سلامه انت وتهاني .يلا بسرعه اجهزوا. تهاني...حاضر. سلامه...انا جاهز هنزل اظبط العربيه بس تكونوا خلصتوا. ادهم....ماشي. نزل سلامه وطلعت تهاني لبس لادهم اختارتله حاجه علي ذوقها كأنه عريس ليله زفافه مكانتش قادره توقف دموعها لكن قررت انها تتماسك عشان الفرحه اللي في عينه. وفعلا بعد وقت بسيط ركبوا العربيه وطلعوا علي الطريق... طول الطريق ادهم بيقرأ كل الرسايل اللي عهد بعتهاله ومبتسم وكل شويه تكلمه تطمن عليه وتقفل عشان تجهز. الطريق كان طويل وحس ادهم انه تعب ركن سلامه وبدل ادهم مكانه مع تهاني قعدت هي قدامه وهو نام علي الكنبه عينه علي السما والسحاب والقمر حاسس انه تعبان اوي كل شويه يكح والمنديل يغرق دم. تهاني...اركن هنا يا سلامه خليني ارجع جمبه. ركن سلامه ونزلت تهاني قعدت جمبه انت كويس ادهم ..متقلقيش انا بخير. تهاني...بدموع انت تعبان اوي. ادهم ...هرتاح يا تهاني لما اوصل وأشوفهم كلهم تهاني....حاول تنام شويه. غمض ادهم عينه شويه ورجع سند عالشباك وفتح عينه عالطريق وهو بيجري وكأنه شايف شريط عمره بيجري قدامه مت الطريق شويه يبتسم وشويه يتأثر وشويه تنزل دموعه تهاني كانت مراقبه كل تعابير ملامحه وعينها عليه. ادهم....بتعب شد شويه يا سلامه سلامه....حاضر يا باشا. اتجمع الكل عند سهام في الڤيلا عهد كانت واقفه قدام الشباك وعينها علي بوابه الڤيلا. بشوق ولهفه لابسه فستان ابيض قصير ومنفوش كانت بريئه شبه الاطفال كان اكتر فستان بيحبه عليها ادهم عشان كده قررت تلبسه . رقيه...بأبتسامه شايفه يا سهام عهد ردت فيها الروح أزاي. سهام...بحزن شايفه عهد كانت من غيره ميته رجعت من تاني للحياه بمجرد ما سمعت صوته وعرفت انه راجع. رقيه....ربنا يقرب البعيد وميبعدهمش عن بعض تاني ابدا. سهام...يارب. ادم...هو اتأخر كده ليه. حسن...يا ابني زمانه جاي امال يطير عالطريق ربنا يسترها عليه. عهد....ادم عاصم جه ممكن تستقبله. ادم...قام بسرعه طبعا راح ادم استقبل عاصم ودخل سلم علي الكل وابتسم لما شاف عهد وهي كلها طاقه وحيويه ونشاط. عهد...بأبتسامه جميله شكرا يا عاصم عاصم....علي ايه. عهد...انك وافقت تيجي. عاصم...انا قولتلك ياعهد اللي بينا هيكون صداقه واخوه وبعدين بقي لو مكنتيش كلمتيني كنت زعلت منك ينفع اختي الجميله تكون فرحانه بالشكل ده ومجيش اشاركها فرحتها. عهد...لا مينفعش. عاصم....مبروك يا عهد مقدما والله العظيم انا فرحان عشانك من قلبي. عهد....ياريت الناس كلها تبقي بجمال قلبك ياعاصم كان العالم كله عاش في حب وسعاده. عاصم...بابتسامه مش اوي كده انا شرير برضوا ميغركيش الكلمتين دول. ضحكت عهد عليه وقرب عاصم شاركهم قعدتهم وفضل الجميع في انتظار رجوع ادهم. سهام كانت مجهزه هي وسهام السفره عليها احلي الاكلات احتفالا برجوع ادهم. وبعد حوالي ساعه اخيرا ظهرت عربيه أدهم وهي بتدخل من مدخل الڤيلا عهد....بصوت عالي كله حماس ادهم رجع جريت علي بره وجري الكل وراها بشوق وفرحه يستقبلوه لكن اتصدموا لما شافوا ادهم بينزل من العربيه وكأن التعب بدل حاله لشخص تاني فاقد نص وزنه عضلاته وجسمه الرياضي اختفي ملامحه باهته تحت عينه غامق وباقي وشه شاحب حتي مشيته كانه شخص مسن مش مشيت شاب.حتي أبتسامته من بعيد كانت ابتسامه غريبه . عهد...🥺 ادهم رقيه....بصوت واطي ومصدوم ده ابني ده ادهم.🥺 مشيت عهد كام خطوه وبعد صدمتها سرعت الخطوه حاول ادهم يتماسك علي قد ما يقدر ابتسم ومشي بثبات ونشاط عكس التعب اللي مسيطر عليه وحس انه فعلا ردت فيه الروح لما شافها وبدون مقدمات نسي ان الكل حواليه جري كام خطوه وجريت عليه عهد وهي دموعها نازله. حضنها ادهم بكل قوته ورفعه من الارض ودفن وشه في رقبتها وكأنه بياخد النفس منها انهارت عهد في حضنه بوجع....ااااه تعبت يا ادهم والله تعبت من غيرك ادهم ...بدموع كل حاجه فيكي وحشتني صوتك ونفسك وريحتك ولمستك روحي رجعتلي يا عهد نزلت عهد من ايده وهي بتعيط قرب ادهم ايده يمسح دموعها في نفس الوقت اللي قربت عهد ايدها تمسح دموعه. ادهم...بابتسامه ايه الحلاوه دي كلها عهد....من بين دموعها ايه اللي عمل فيك كده يا ادهم انت خسيت كده ازاي . ادهم....كويس اني لسه عايش يا عهد ده انتي طلع البعد عنك متعب اوي. نزلت دموع عهد من تاني شدها ادهم لحضنه من جديد وهو محاوطها بدراعاته يمكن يقدر يستمد منها القوه من جديد. اما الباقي كانوا واقفين بعيد سايبنلهم الفرصه عارفين انهم كانوا محتاجبن بعض جدا. بصلهم ادهم وبعدت عهد عن حضنه جريت عليه رقيه وهي منهاره حضنها ادهم بشوق وفضل يطبطب عليها ويبوس راسها قرب منه حسن وهو هيم*و*ت علي منظره والشكل الجديد اللي ظهر بيه. قربت سهام حضنته بحب ودموع كان طاير ادهم من الفرحه وروحه رجعتله اخيرا جه اليوم اللي يتجمع فيه مع الكل قرب منه ادم وفضلوا باصين لبعض شويه ادم دموعه بتجري زي السيول علي خده قرب منه ادهم خده في حضنه وفي اللحظه دي انهار ادم ادم....سامحني يا حبيبي سامحني يا اخويا. ادهم....وحشتني يا ادم ادم....انت اللي وحشتني اوي عاصم...من وراهم حمدالله علب سلامتك يا ادهم نورت الدنيا.. قرب منه ادهم وحضنه بأمتنان وشكر مسح ادهم دموعه بأبتسامه نسيت اعرفكم بأجدع ناس في الدنيا بص لسلامه وتهاني اللي كانوا واقفين جمب العربيه ودموعهم نازله بحزن. ادهم....طبعا سلامه انتوا كلكم عارفينه. ادم...بابتسامه عارفينه بس اهو سلامه ده دوخني لما جيت اسكندريه ادوى عليك كانه فص ملح وداب سلامه...بابتسامه ليه بس انا ديما موجود يا ادم باشا سلم عليهم سلامه كلهم قرب ادهم جمب تهاني دي بقي ست تهاني اجدع ست في اسكندريه كلها وفقت معايا كتير وجمايلها مغرقاني ومديونلها بعمري كله. ابتسمت تهاني بدموع سلمت عليها رقيه ورحب بيها الجميع. ثواني وخدتهم سهام علي جوه وقف حسن وادم مع سلامه يسألوه بقلق. حسن.....ادهم ماله يا سلامه ليه شكله متغير بالشكل ده هو كان تعبان ولا ايه. سكت سلامه وحط راسه في الارض بحزن ادم...ما تتكلم يا سلامه حصل ايه. نزلت دموع سلامه وبصلهم بحزن..ادهم باشا تعبان اوي لما رجع اسكندريه المرادي كان حالته مش طبيعيه طبعا مكناش نعرف ماله غير لما الاخبار انتشرت بعدها حالته ساءت ولاول مره اشوفه بيشرب خمره بالشكل الفظيع ده بعدها تعب جدا جرينا بيه علي المستشفي وهناك عرفنا ان الكبد عنده تعبان والدكتور قال ان نص الكبد عنده حصله تلف كامل قال انه كان تعبان وهو مكانش يعرف وان الخمره الكتير اللي شربها هي اللي ظهرت تعبه قال كمان ان نسبه الحديد في الدم كانت عاليه جدا وهي كانت السبب في اللي حصل في الكبد ..المشكله ان الحاله اتطورت عنده اوي ادهم باشا في اليوم بينزف دم كتير من بوئه الدكتور قال انه في مرحله متأخره من المرض ادم وحسن كانوا بيسمعوه وهما مصدومين ودموعهم نازله. ادم...وليه مكلمتناش وبلغتنا يا سلامه سلامه...بدموع صدقني يا باشا حاولت بس مكنتش لاقي ارقامكم وادهم باشا كان خافي موبايله ونبه علينا اننا منقولكمش حاجه عشان متقلقوش عليه وقالنا لو حد اتكلم فينا هيمشي ومش هنعرف مكانه خوفت يعمل كده فعلا خصوصا ان حالته مكانتش تسمح فضلنا متابعين معاه وبنديله العلاج وبطل الخمره والسجاير بس هو فعلا تعبان. ادم...يعني ايه اخويا هيروح مننا. حسن...بغضب من بين دموعه اسكت اسكت متقولش كده ادهم هيبقي كويس. سلامه...ادهم باشا ردتله روحه انهارده بعد ما عرف الاخبار وبعد ما كلمكم . حسن....ادهم لازم يتحجز في المستشفي لازم نشوف حل. ادم...نوديه الوقت سلامه....خليه الوقت يا ادم باشا يفرح برجوعه وسطكم خليه يفرح باللحظه دي لو حد جوه عرف اي حاجه الوضع هيقلب نكد وهو مش ناقص الدكتور قال ان نفسيته عليها عامل كبير اوي حسن....ماشي يا سلامه خلينا نعدي اليوم الوقت ادم....طيب يلا ندخلهم عشان ميحسوش باي حاجه دخلوا كلهم جوه عهد كانت قاعده جمبه وماسك ادهم ايدها بتملك الابتسامه مش مفارقه ملامحهم. رقيه....كده يا ادهم تسيب نفسك لحد ما تخس بالشكل ده. بص ادهم لتهاني عشان متتكلمش. فهمت تهاني الرساله اللي بعتهالها بنظراته وسكتت. ادهم...بابتسامه يمكن اكلك انتي وسهام كان واحشني عشان كده خسيت. سهام...انا عملالك كل اللي بتحبه يا حبيبي ادهم...تسلم ايدك يا حبيبتي . انضم الجميع معاهم ادم كان باصصله هو وحسن ونظرات الحزن كاسيه ملامحهم. بعد وقت بسيط اتجمع الكل علي السفره بداوا ياكلوا ادهم كلن فرحان وبياكل بشهيه وعينه علي عهد مش بتبعد عنها. شويه ورجعوا قعدوا تاني مع بعض رقيه وسهام فضلوا يتكلموا مع تهاني ويشكروها. حسن وادم وسلامه كانوا بيتكلموا مع عاصم اللي اتصدم لما عرف حاله ادهم. اما عهد وادهم كانوا قاعدين يتكلموا بصوت هامس ونظرات عيونهم بتحضن بعض. ادهم...وحشتيني يا عهد عهد....انا مش بحلم يا ادهم صح ادهم ..بحب لا. عهد....كابوس عشناه اتمنيت كتير اصحي منه وانت جمبي. ادهم....وانتي صحيتي يا عهد انا هنا جمبك. عهد....سامحني يا ادهم لو شكيت فيك لحظه ادهم...مسامحك ياقلب ادهم ومهما حصل منك عمري ما اقدر أزعل منك يا عهد بس خلاص خلينا ننسي كل الكلام ده بلاش نفتحه تاني خلينا نصحي من الكابوس علي حلم جميل. عهد...بابتسامه طيب بقول ايه بهدوء كده عشان منزعلش من بعض رجع اللي سرقته مني احسن ما اقوم اقولهم انك حرامي.. ضحك ادهم بحب قولي مش بخاف وبعدين انتي اللي سبتيها لما ضاعت منك يعني دي غلطتك عهد....انا مسبتهاش دي كانت في الاوضه بتاعتي يا حرامي 🥺 ضحك ادهم علي طريقتها البريئه خلاص يا ستي هدهالك بس تحافظي عليها احسن انتي حره اطلع اسرق باقي الورق عهد...لا خلاص هشيلها مع باقي الورق عشان يوم فرحنا تكتب عليها تم تنفيذ العهد ابتسم ادهم بهدوء..لا ما انا خلاص كتبت عليها عهد...كتبت ايه وبعدين احنا لسه اتجوزنا ادهم....معلش بقي لقيت نفسي حابب اكتب عليها فا قولت اكتب عهد...طيب كتبت ايه. ادهم....اول ما قربنا من الڤيلا عندكم ودخلنا من البوابه وشوفتك قدامي جايه بتجري وانتي فرحانه كتبت عليها تم تنفيذ العهد عهد...ايوه بس انت كده بتغش علي فكره انت قولت هتكتب كده لما يتكتب اسمي علي اسمك او لو اتجوزت غيرك. ادهم....وغيرت العهد علي اخر لحظه كان كل همي اني اشوفك حتي لو دي اخر امنيه ليا في الدنيا وشوفتك يا عهد وكتبت تم تنفيذ العهد. ابتسمت عهد بحب ربنا يديمك في حياتي يا ادهم ادهم....ويديمك في حياتي يا اغلي عهد عهد....بس برضوا هعاقبك وهتجبلي اللعب ادهم....قولتلك اشوفك بس واحط عمري كله تحت رجلك. عهد...بأبتسامه لا بقولك ايه لو علي عمرك فا انا خدته عمرك اللي راح واللي جاي كمان ده امر مفروغ منه انت كلك علي بعض كده بتاعي يا ادهم . ادهم...بحب بحبك يا عهد وحشتيني وبتوحشيني وهتوحشيني اوي. مسك عهد في ايده جامد كانت طايره من السعاده وض*ر*بات قلبها فضحاها.ابتسمت بحب ووشها احمر طلع ادم من جيبه ظرف صغير فيه الورقه بتاعت الشجر ادهم....الورقه هتلاقيها جوه حطتها في الظرف عشان متتكسرش حافظي عليها يا عهد عهد....ايوه كده الحق رجع لأصحابه ♥️ ابتسم ادهم وانضموا لحديث الموجودين عهد كانت بصالهم وهي أبتسامتها مش مفارق وشها وا دهم ماسك كفها بتملك وكأنه خايف يسيبها. فضلوا علي وضعهم الكل بيتكلم ويضحك رغم القلق والخوف اللي كان عند ادم وحسن لكن عاصم طمنهم واتفقوا انهم هيعرضوه من تاني يوم علي اكبر دكتور حتي لو حكم الامر يسفروه بره وده طمنهم شويه. مال ادهم علي كتف عهد عهد ...بأبتسامه واحراج اتكلمت بصوت واطي انت بتعمل ايه يا مجنون قوم بسرعه قبل ما حد يشوفك سكت ادهم ومردش عليها. عهد...اتلم يا ادهم احسنلك انت هتسوق فيها ولا ايه قوم احسن اقول لانكل حسن انك بتتحرش بيا😂 ادهم قوم بجد هو انت نمت ولا ايه يا مجنون هتخلي منظري وحش🙈 وفجأه حست عهد ان كف ادهم أرتخي وبدأ الضغط اللي كان ضاغطه علي كفها يفك عهد...وهي بتهزه بهدوء ادهم انت نمت يا حبيبي لفت عهد اكتر ليه لاقته نايم علي كتفها ومش بيتحرك عهد..🥺 ادهم ادهم حبيبي انت نمت بدأ صوتها يعلي شويه وتض*ر*به براحه علي خده ادهم ادهم ادهم قوم وبدأ صوتها يبان عليه الفزع اللي خلي الكل ينتبه عهد...ادهممممم ادهممممم ادهممممم قوم بقولك جريوا عليه كلهم بفزع ادم...ادهمممم تدهم رد عليا يا اخويا حسن...اطلبوا الاسعاف بسرعه ابني بيمووووت رقيه...لا يا ادهم قوم يا حبيبي انا مصدقت رجعتلي سهام....اطلب الاسعاف يا عاصم بسرعه🥺 سلامه وتهاني كانوا واقفين منهارين عهد...بصريخ ادهممم قوم يا ادهم عشان خاطري اوعي تسبني يا ادهم ادهممممممممم لا يا ادهم قوم والنبي يا ادهم العهد اللي بينا ناقص انت قولتلي يا ادهم انك هتنفذه بوجودي معاك او بوجودي مع غيرك .بس انت رجعتلي يا ادهم غيرت أتفاقك معايا لييييييه قوووووووم قوم بقولك ادهمممممم انت قولتلي ارجع واحطلك عمري تحت رجلك قولتلي كده ليه يا ادهم كنت حاسس بأيه وانت بتقول كده يا ادهم رد عليااااا دقايق وجات الاسعاف الكل واقف منهار بمجرد ما كشفوا عليه بصولهم بحزن. البقاء لله. صرخت عهد صرخه رجت اركان المكان صرخت بكل شريان في جسمها. اااااااااااااااااااااه ااااااااااااااه مسكت عهد قلبها وهي بتصرخ اااااااااه يا أدهمممممممممممممم ""💔"" رجعت عهد لواقعها المرير من تاني وهي علي نفس وضعها من سنين باصه من بعيد علي بوابه الڤيلا اللي شهدت علي اقسي لحظه في حياتها وقت ما شالوا ادهم وجريوا بيه علي عربيه الاسعاف وهي في الارض بتصرخ وكل كلمه ااه بتقولها بتقسم قلب اللي يسمعها نصين .. في هذه الليله لو كانت ليله تحقيق الامنيات لتمنت عهد أن تحيا بدون عيون.🥺💔 مطر ورعد وبرق وظلام كان يوم عاصف بيعبر عن حالتها الداخليه طالت وقفت عهد وهي بتتذكر كل السنين اللي عدت علي وفاته وكأن كل سنه في نفس المعاد بيتجدد حزنها ووجعها اللي تقريبا ملازمينها. نزلت دموعها وهي شايفه في ايدها ورقه الشجر الاخيره ..العهد اللي حول حياتها لكابوس . لمحت اخر جمله كتبها...تم تنفيذ العهد.. وكأنه كان بيكتب اخر جمله في حياته بمجرد مالمحها بتجري عليه..كأنه كتب النهايه لما حس انه اطمن انه رجعلها وشاف في عيونها نهايه حياتي اللي اتمناها كتير.وقالها اكتر. أتمني لو هم*و*ت تكوني اخر حاجه لمحتها عينيا زي ما تكون ابواب السماء كانت مفتوحه تستقبل دعوته . بيقولوا ان الخير لازم ينتصر علي الشر في النهايه لكن في حكايتي الشر لسه عايش ..ايوه ساره لسه عايشه محصلهاش اي حاجه لكن عندي يقين ان حقنا هيرجع...ناس كتير بتتظلم وبتتمني حقهم يرجع في الدنيا . لكن انا !! مابقتش احس ان وجع ساره او رجوع حقي منها هيفيدني بحاجه. عشان بأختصار حقي الوحيد في الدنيا كان ادهم .💔 لو انتقام ربنا منها في الدنيا هيرجع ادهم فاأتمني حقي يرجعلي لكن لو حقي هيرجعلي من غيره فأنا مش عيزاه.. الحياه بتمشي وعمرها ما بتقف علي اي حد مهما كان غالي . لكن اشهد بأن حياتي انتهت من يوم م*و*تك يا أدهم.💔🥺 لو ليا امنيه في الدنيا فا اتمني احلم بيك كل يوم.. ولو ليا امنيه في الاخره فأتمني من ربنا ان يجمعني بقلب عمري ما اتمنيت غيره. الي اللقاء حتي نلتقي الي اللقاء في عهد جديد عهد في مكان غير دنيتنا عهد يشهد عليه رب العالمين عهد سهل تحقيقه عهد خالي من الشر والحقد والظلم بحبك ولأخر يوم في عمري هفضل علي عهدي معاك..💔 تعاهدنا...🍁🥺

مقالات ذات صلة

لقاء كارثي

چاسمين

تعاهدنا

لقاء كارثي

تعاهدنا

لقاء كارثي

اترك تعليقاً إلغاء الرد