البارت الحادي والعشرون.. تهاني كانت في دنيا تانيه وهي جوه حضن أدهم احساس جميل أتحرمت منه سنين أحساس بالأمان والأحتواء أحساس بالسكينه حبت جوزها لدرجه الجنون مع انه كان أكبر منها في السن لكن كان قادر يعوضها عن كل حاجه في حياتها من وهي صغيره وهي متبهدله ولما كبرت شويه وبقت علي سن جواز الكل كان طمعان فيها عشان هي جميله لكن متفتحش قلبها غير لجوزها عاشت معاه احلي ايام حياتها كان كل اللي تاعبها انها نفسها تحمل وتبقي ام عمل عشانها المستحيل وداها عند كل الدكاتره لف بيها كتير لحد ما ربنا كرمهم الناس كانوا بيحسدوها علي العيشه اللي عاشتها معاه وانه مخلبها هانم وطلبتها مجابه كانوا بيحسدوها عالعز اللي هي فيه مع جوزها كانوا ببحسدوها علي حبه ليها وحبها ليه ووقت ما حملت الناس مبطلتش حسد وكلام وكانت النتيجه م*وت جوزها ملحقتش تفرح بحملها ملحقش جوزها يفرح بأبنه م*وته اثر فيها جداً انهارت تهاني وحالتها ساءت وفي نفس الايام من حزنها علي م*وت جوزها مات ابنها في بطنها وقتها انهارت اكتر وفقدت اخر امل كان هيعوضها عن جوزها فقدت حته منه زي ما فقدته للأبد فضلت سنين من غير جواز رغم ان اتقدملها عرسان كتير لكن فضل الطمع والجشع ملازمينها ورغم ان كان بيتقدملها ناس كويسه لكن هي كانت رافضه نهائي انها ترتبط بأي حد وقفلت علي قلبها بعده ومات في عيونها كل الرجال كانت عايشه علي ذكراه وشايفه انها فقدت احساسها بالامان بعده كان بالنسبالها الصاحب والاخ والاب والاهل كان بالنسبالها الامان والحمايه والسند كانت شايفه ان مفيش حد في الدنيا هيقدر يعوضها كل ده بعده لحد ما ظهر أدهم في حياتها وبدون مقدمات حست بقلبها بيفتحله الطريق شافت فيه جوزها شافت فيه الحنيه والامان حست معاه انها مطمنه رغم ان المده اللي قعدها في البدايه كانت بسيطه لكن قدر ادهم في اول يومين يخطف قلبها ويدخل من تاني فيه النور مكانتش قادره تصدق أحساسها ازاي في يومين يحصل كل ده ازاي اليومين دول يلغبطوها بالشكل ده لحد ما رجع تاني وحست انها خلاص مش قادره تبعد عنه حتي لو ادهم مش ليها او هو بالنسبالها حلم بعيد لكن حبت حبها ليه حتي لو كان في السر حبت الاحساس الجديد اللي فتح قلبها اتعاطفت معاه في حزنه ومرضه اتعاطفت معاه في حكايته كانت من الناس اللي مصدقاه رغم انها متعرفش عن حياته اي حاجه لكن كان جواها حاجه بتقولها انه مظلوم..ورغم انها شافت في عينه حبه الكبير لعهد وشافته متدمر عشانها لكن مكانتش قادره تمنع نفسها من حبها ليه. حست بالغيره من عهد رغم انها أشفقت عليها هي كمان وقلبها اتوجع عليها لأنها جربت الحب💔 فاقت تهاني من شريط حياتها اللي مر قدامها وهي في حضن أدهم علي جملته اللي زلزلت كيانها.. ادهم...عهــــــد ارجعيلي ياعهد💔 فتحت تهاني عينها بصدمه فاقت ورجعت من تاني للواقع. خرجت تهاني من حضنه بهدوء كان ادهم رافض يسيبها وبيقول كلام كتير من غير وعي كان فاكر تهاني هي عهد. ادهم....متسبنيش يا عهد انا محتاجلك متبعديش عني يا حبيبتي. تهاني..ادهم ادهم باشا تعالي معايا اطلع ارتاح انا تهاني. ادهم...تهاني متخليهاش تسيبني متخليهاش تبعد عني انا محتاجها مش هقدر اعيش من غيرها مش هقدر اشوف راجل تاني في حياتها خليها معايا يا تهاني قوليلها اني بحبها ارجوكي. نزلت دموع تهاني بقهر وهي شايفه حالته . تهاني....حاضر حاضر بس تعالي عشان خاطري اطلع ارتاح وانا هقولها صدقني. ادهم...بدموع مش هتسبني صح تهاني...بدموع هزت راسها لا مش هتسيبك تعالي عشان خاطري يلا. مسكت ايده وطلعت بيه علي الاوضه بتاعته قلعته الچاكت وطلعته علي السرير ينام بعد ما قلعته الجزمه غطيته بالبطانيه كان جسمه بيتنفض جامد فضلت تهاني جمبه تمشي أيدها علي شعره وتقرأله قران لحد ما غمض ادهم عينه وراح في دنيا تانيه.. تهاني مكانتش قادره تسيطر علي دموعها رغم حب جوزها ليها إلا انها اقسمت انها مشافتش راجل واصل لدرجه الحب دي زي ادهم.وفي الوقت ده اشفقت علي عهد لما هو راجل وحاسس بكل ده امالي هي حالتها عامله أزاي. فضلت تهاني جمبه تهاجمها الافكار ودموعها نازله وهي شيفاه بيهزى باسمها طول فتره نومه. الفجر اذن قامت أتوضت وصلت وفضلت تدعيله كتير وتعيط وتطلب من ربنا يريح قلبه. مر كذا يوم وادهم طول الوقت نايم ولما يصحي يفضل ساكت وسرحان في عالم تاني لكن قدرت تهاني وسلامه يقفوا معاه مكانوش بيسيبوه لحظه كانوا مهتمين بأكله منعوا عنه السجاير ومنعوا عنه الخمره مكانش سلامه بيسيبه يخرج عشان ميشتريش واستسلم ادهم ليهم لانه مكانش قادر يخرج ولا قادر يقف حالته بتسوء كلام الدكتور طول الوقت بيتردد في باله وبمجرد ما يختفي سلامه وتهاني ثواني من قدامه تنزل دموعه مقالش لأي حد عن كلام الدكتور وقرر أدهم انه يبعد عن الخمره نهائي ويسمع كلامهم وياخد العلاج يمكن ده يأخر معاد م*وته بعد ما كان بيتمني المو*ت بقي يتمني ربنا يمد في عمره شويه عشان يطمن علي عهد .. قرر ادهم انه يلجأ لربنا من تاني ألتزم في الصلاه كان بيدعي ربنا انه يسامحه علي ضعفه ولجوءه للخمره طول الوقت اللي كان صاحي فيه بيصلي او يقرا قران. ودي خطوه فرحت تهاني وسلامه اوي تهاني كانت طايره من الفرحه وهي شيفاه بيرجع يتمسك من تاني بالحياه لكن مكانتش تعرف انه متمسك بالحياه عشان يطمن علي عهد💔 " اما عن ادم حالته كانت وحشه جدا حاسس بحيره ولغبطه رغم انه كان بيكلم ساره يوميا ويطمن عليها لكن كان جواه حاجه مضيقاه عشان ادهم حاسس ان في حاجه غلط مش قادر يكدب ساره حب عمره ولا قادر يصدق ان اخوه يعمل فيه كده وفي وسط حيرته دي جاله تليفون مهم رد بلا مبالاه لما طلب منه صاحب المكالمه انه عايز يقابله ضروري في البدايه أستغرب لكن مكانش عارف ان المكالمه دي هتقلب الدنيا رأساً علي عقب مكانش يعرف ان المكالمه دي هتعرفه الحقيقه وهتحلله اللغز اللي خلاه تايه ومتلغبط. تاني يوم الصبح بعد المكالمه لبس أدم وخرج من اوضته نزل علي تحت. كانت رقيه وحسن قاعدين علي السفره بيفطروا لكن ساكتين والحزن باين عليهم. أدم ...صباح الخير رقيه/ حسن..صباح النور رقيه تعالي يا ادم افطر يلا. ادم....معلش ياماما مليش نفس انا لازم اخرج الوقت حسن....رايح تجيب مراتك الوقت. أدم...لا انا قولتلها هعدي عليها بعد العصر حسن....امال رايح فين الوقت انهارده اجازه. ادم...رايح مشوار سريع كده وبعدين هروح اجيبها واجي . رقيه....بحزن طيب افطر الأول. ادم....معلش يا ماما انا مش جعان والله يلا انا همشي عايزين مني اي حاجه. رقيه....سلامتك يا حبيبي. حسن...خلي بالك من نفسك أدم بابتسامه ...حاضر سلام عليكم رقيه/ حسن...عليكم السلام. ... بعد حوالي ساعتين خرج ادم من المكان اللي راحه وهو مصدوم مشي في الشارع تايهه عينه عالطريق مش قادر يستوعب كلمه واحده من اللي سمعها لدرجه انه مشي ونسي العربيه ولما أفتكر رجع بسرعه وبمجرد ما دخل العربيه دموعه نزلت حاسس انه بيحلم او في كابوس صعب بعد وقت بسيط اتماسك واتصل علي ساره اللي المفروض مستنياه. ساره....الوو ادم....ابوه با ساره عامله ايه با حبيبتي ساره....بخير الحمد لله انت فين. ادم...معلش يا حبيبتي انا روحت مشوار مهم واحد صاحبي كان عنده مشكله وشكلي هتأخر ينفع اجيلك بكره. ساره....ماشي يا حبيبي مفيش مشكله ادم....معلش يا ساره متزعليش غصب عني ساره....لا يا حبيبي مفيش مشكله المهم خلي بالك من نفسك. ادم...حاضر يا حبيبتي وانتي كمان خلي بالك من نفسك يلا سلام. ساره....سلام يا حبيبي. .. قفل ادم وفضل يلف كتير في الشوارع مش عارف يروح فين او يعمل ايه فضل ساعات في الشارع مش قادر يروح ولا عايز يتكلم مع حد مش قادر يتمالك اعصابه بعد اللي سمعه. وبعد وقت طويل روح ادم الڤيلا. رقيه....ادم اتأخرت ليه كده كلمتك كتير مكنتش بترد. ادم...معلش يا امي كان عندي مشوار مهم رقيه....انت كويس ادم....الحمد لله يا حبيبتي انا بخير حسن....فين مراتك يا ادم هي مجاتش معاك ادم....لا يا بابا انا مروحتش لساره اصلا كان عندي كذا مشوار مهم ولما لقيت نفسي هتأخر اعتذرتلها بكره ان شاء الله هروح اجبها حسن....ماشي يا حبيبي بس انت فيك ايه حاسس انك مضايق. ادم..لا خالص بس واحد صاحبي كان عنده مشكله وفضلت معاه من الصبح وحاسس اني مصدع عايز اطلع ارتاح بس. حسن....ماشي يا ادم اطلع يا حبيبي ادم...ماما معلش بكره احتمال مامت ساره وباباها يرجعوا معانا عايزك تعملي غدا كويس يعني عشان نحاول نفرح ساره شويه رقيه...بصتله بحزن وضيق حاضر يا ادم ادم....باس ايدها وطلع من غير ما يعلق علي تغييرها المفاجئ لانه عارف انها مضايقه عشان ادهم. عدي اليوم علي الجميع رقيه وحسن كانوا حاسيين بتغيير ادم يمكن حالته كانت وحشه من بعد اللي حصل لكن كمان حالته كانت متغيره اكتر في اليوم ده بالذات واللي خلاهم حاسيين ان في حاجه غلط هو تعامل ادم عادي وكأنه نسي ادهم وكل همه انه يرجع ساره ويحاول يفرحها . تاني يوم خرج ادم من بدري خلص شغل سريع في الشركه وبعد كده كلم عاصم فضل يتكلم معاه كتير ويتفق معاه علي حاجه. عدي الوقت بسرعه راح ادم جاب ساره واهلها كان بيضحك ومبتسم وماسك ايدها طول الطريق وهي كانت مبسوطه من جواها وحاسه بلذه الانتصار . .... وصل عاصم الڤيلا عند سهام عهد كانت اتحسنت كتير لكن طول الوقت كانت ساكته ومستسلمه خصوصا لما حاولت كتير تتصل علي أدهم وموبايله كان مقفول حست ان خلاص كل حاجه انتهت وانه قرر يبعد عنها نهائي بعد كلامه الاخير بينهم كانت عهد قاعده في اوضتها ماسكه صوره ادهم في ايدها وساكته. فتحت سهام الباب. سهام...عاصم تعالي يا حبيبي اتفضل عاصم...عامله ايه سهام...الحمد لله يا عاصم بخير اتفضل تعالي عاصم....عهد صاحيه ولا نايمه كلمتها كذا مره مردتش سهام...مبقتش عارفه يا عاصم إذا كانت صاحيه ولا نايمه معلش يا حبيبي عارفه انك استحملتها كتير بس اعذرها يا عاصم غصب عنها عاصم...بابتسامه هاديه انا مش جاي عشان اعاتب او اقول اني زعلان لان حقيقي انا مش زعلان انا عارف انه غصب عنها وعارف كمان ان اللي هي بتمر بيه صعب وانا جاي انهارده عشان حاجه تانيه خالص. سهام...خير يا عاصم عاصم....خير ان شاء الله الاول عايزك توصليني ليها اتكلم معاها شويه وتروحي تلبسي عشان هنروح مع بعض مشوار. سهام...بأستغراب مشوار ايه ده يا عاصم ؟ عاصم....بصي انا هقولك بس اي تفاصيل حابه انك تعرفيها اعرفيها من الشخص اللي بلغني اجي اخدكم. سهام....شخص مين. عاصم...ادم. ادم كلمني وقالي اجي اخد حضرتك وعهد ونروح هناك عندهم في الڤيلا ليه بقي سبيها مفجأه. سهام...بدموع. لقيتوا ادهم ؟ عاصم...بأبتسامه هنلاقيه ان شاء الله متقلقيش وصدقيني يمكن المقابله دي في الوقت الحالي اهم من رجوع ادهم يلا بس بسرعه عشان منتأخرش عليه وهناك هتعرفي كل حاجه. سهام...ايوه بس عهد.. قاطعها أدهم متقلقيش سيبي عهد عليا خليني بس اطلع اكلمها وهي هتيجي. سهام....حاضر تعالي معايا. طلعت سهام وعاصم وراها عاصم ادخليلها الاول بلغيها وبعد كده انا هدخل سهام....ماشي .خبطت سهام ودخلت كانت عهد قاعده علي الكرسي اللي جمب الشباك وفي ايدها صوره أدهم وباصه للارض بشرود سهام...عهد عهد ردي عليا يا حبيبيتي. عاصم بره عايز يدخل يتكلم معاكي قاللي ادخل ابلغك فضلت عهد ساكته ولا اعترضت ولا حتي وافقت خرجت سهام بقله حيله قالت لعاصم يدخل ثواني وكان عاصم جوه وراحت سهام تجهز. دخل عاصم بخطوات بسيطه عينه عليها بحزن شاف في ايدها صوره ادهم حس بوجع في قلبه لكن قرر انه يتغاضي عن كل الاحاسيس دي ويركز في اللي جه عشانه سحب كرسي تاني وحطه قدامها وقعد عليه وبصلها. عاصم....ازيك يا عهد عامله ايه وليه مبترديش عليا فضلت عهد ساكته من غير ما ترفع عينها فيه. عاصم....عهد انا جاي انهارده مش بصفتي خطيبك ولا حتي جاي اعاتبك لاني عارف انك مش حمل عتاب انا جاي انهارده عشان حاجه تانيه خالص بس قبل ما اقولك سبب زيارتك حابب اقولك علي حاجه جوايا اترددت كتير اني اقولها وفضلت كتير أئجل فيها لكن جه وقتها يا عهد. يمكن انا حبيتك من قلبي بجد وكنت بحلم انك تبقي ليا انهارده قبل بكره كنت مستعد أعمل عشانك اي حاجه تفرحك لكن انا عارف ان مفيش حاجه في الدنيا ممكن ترضيكي غير اللي قلبك مشغول بيه انا عارف انك محبتنيش ولا حتي كرهتيني عارف ان قلبك متعلق بأدهم ومستحيل تشوفي راجل غيره في حياتك اللي جرب الحب يا عهد يقدر يحس باللي قدامه.وانا حاسس بيكي عارف انه غصب عنك قلوبنا مش ملكنا يا عهد من اول ما بنيجي للدنيا بيتكتب علي كل قلب هيحب مين وهيقابل مين مين هيبقي وجوده اساسي ومين هيبقي مجرد عابر سبيل في حياتنا .يعني اي حاجه بنحس بيها مش بايدنا زي ما كان مش بايدي اني احبك انتي كمان مكانش بايدك انك تحبي ادهم عشان كده يا عهد انا مستحيل أملُك قلب من البدايه مكانش ملكي .. رفعت عهد عينها ليه ولمع في عينها دموع بتتصارع علي النزول. عاصم....بأبتسامه ابوه يا عهد انا جاي انهارده عشان اقولك اننا مش هينفع نكمل مش هقدر اعيش معاكي وانتي قلبك مع غيري وصدقيني الموضوع ملهوش علاقه بالرجوله والكرامه لان ده غصب عنك لكن انا واثق ان حياتنا حتي لو مشيت زي اي علاقه بين زوجين وعملنا حياه خاصه بينا هيفضل ديما في حاجه ناقصه علاقتنا مش هتكون كامله وهيغيب عن علاقتنا اهم حاجه المفروض تجمعنا الحب يا عهد هندخل في مشاكل كتير محبش انها تكون موجوده بينا عشان كده انا جاي بحلك من اي علاقه بينا تقدري من الوقت تبقي حره ومن انهارده اعتبريني اخ او صديق اعتبريني حد في حياتك تعتمدي عليه انا كفايه عندي يكون في بينا علاقه حب حتي لو الحب ده حب اخوي او حب اصدقاء افضل كتير مني اني اكابر واكمل معاكي علاقه غصب عنك هتكون بعيده خالص عن اي حب او دفا . نزلت دموع عهد وهي مبتسمه لعاصم ابتسم عاصم ومسح دموعها بهدوء بلاش دموعك دي يا عهد صدقيني الكلام اللي بقولهولك الوقت من قلبي ويمكن يكون اول مره ابقي صادق مع نفسي بجد يمكن الكلام ده في الوقت الحالي صعب عليا اوي لكن كمان انا مرتاح وانا بقوله يكفيني احس اني بعمل حاجه صح وببعد عن قلب هو من البدايه مكانش ليا ولا كان ملكي. نزلت دموع عهد بغزاره وانهارت من البكاء. عهد...سامحني يا عاصم بس غصب عني والله انت تستاهل احسن حاجه في الدنيا تستاهل تتحب وتحب بس انا مش عارفه انا. قاطعها عاصم بأبتسامه وانا مش زعلان منك يا عهد انا جاي انهارده هنا عشان اريحك وبس صدقيني ياعهد كل حاجه هترجع احسن من الاول عارف انك اتظلمتي انتي وادهم وتعبتوا كتير وجه الوقت اللي ترتاحوا فيه ادهم هيرجع يا عهد وحكايتكم مع بعض هتكمل غصب عن اي حد وانا بنفسي اللي هقف معاكم هعمل كل حاجه عشان ارجعلك ادهم وهعمل أي حاجه عشان العد الاذي عنكم ومش هرتاح يا عهد غير لما أشوفك لابسه فستانك الابيض وايدك في ايد أدهم مش هرتاح غير وانا شايف الابتسامه مرسومه علي وشكم وقتها بس هحس اني عملت حاجه صح وسعادتك بالنسبالي هتبقي اهم من اي علاقه اتمنتها معاكي.. عهد...بابتسامه من وسط دموعها انا مديونالك بحجات كتير اوي يا عاصم. عاصم...وانا مستني رد الدين ده واول بيبي هيجي غصب عنك انتي وادهم هتسموه عاصم🤨 ضحكت عهد لأول مره من فتره كبيره ونزلت دموعها بغزاره وهي بتهز راسها بالموافقه. عاصم...طيب كده انا خلصت اهم مهمه بالنسبالي الوقت بقي تقومي تلبسي عشان هاخدك انتي ومامي مشوار مهم. عهد....مشوار ايه؟ أدهم ...هو ده السبب اللي جابني هنا ادم كلمني الصبح وطلب مني اني اجيبكم واروح عندهم في الڤيلا عشان عابزنت ضروري. عهد...ادهم رجع🥺 عاصم...بابتسامه هيرجع يا عهد بس في حاجه ادم عايزكم فيها أهم من رجوع ادهم وانا مش هقول أي حاجه عشان هو طلب مني متكلمش اجيبكم وبس. يلا بسرعه انا هنزل تحت وانتي تلبسي بسرعه عهد...بس.. عاصم...مفيش بس بلا بسرعه مفيش وقت. خرج عاصم واستناها تحت هو وسهام وبعد وقت بسيط نزلت وهي مبتسمه لاول مره من فتره كبيره تحس انها مبسوطه او مرتاحه يمكن فرحتها لسه مكملتش برجوع ادهم لكن كانت حاسه براحه. خدهم عاصم وراح علي الڤيلا عند ادم. " وصل ادم وساره ووالدتها ووالدها الڤيلا أستقبلتهم رقيه وحسن لكن كان جواهم حاجه مخلياهم مضايقين من وجودها. حسن...حمدالله علي السلامه يا بنتي نورتي بيتك ساره....ميرسي يا بابا رقيه....نورتي يا ساره ساره....بنورك يا ماما وحشتوني اوي ابتسمت رقيه ابتسامه مصطنعه من غير اي رد رقيه...تعالوا اتفضلوا ارتاحوا. ادم....بابتسامه ايه اخبار الاكل انا جعان اوي بصتله رقيه بحزن وهي مستغرباه ازاي قدر يصدقها ويكدب اخوه ازاي مبسوط برجوع ساره ومش فارق معاه أختفاء اخوه. رقيه....حالا يا ادم هيكون جاهز. حسن....لوالدها تعالي يا ماهر ارتاح قعد ماهر جمبه وفضل يتكلم معاه في حجات مختلفه هو ومني والدت ساره حسن كان ببرد عليهم لكن عقله مش معاهم بيفكر في نفس التفكير اللي كان شاغل بال رقيه. ساره....بصوت واطي ودلع وحشتني والبيت وحشني ادم بأبتسامه انتي كمان وحشتيني ساره....هطلع اغير هدومي لحد ما الغداء يجهز الاوضه بتاعتنا وحشتني جدا. مسكها ادم من ايدها لا خليكي الوقت نتغدي ونقعد معاهم شويه ولما يمشوا نطلع سوا. ساره....بس انا عايزه اغير هدومي ادم...معلش استني شويه انتي وحشاني وعايز نطلع مع بعض. ابتسمت ساره بدلع ماشي يا حبيبي. دقيقتين وقالت رقيه الغداء جاهز حسن....اتفضل يا ماهر انتفضلي يا مدام مني. راحوا كلهم قعدوا علي السفره وبدأوا ياكلوا ادم كان بياكل وهو باصص في طبقه وكل ما يرفع عينه يبتسم لساره ابتسامه بسيطه ويكمل أكل ساره كانت حاسه من جواها ان ادم متغير رغم انه بيضحك وبيتكلم معاها عادي إلا ان أحساساها بيه ان في حاجه غلط مستغربه ازاي مفاتحهاش في اي حاجه تخص ادهم مستغربه انه معلقش عالفضيحه اللي هي عملتها ولا حتي عاتبها مقول بيحبها لدرجه انه مش بيعاتبها في الغلط. ثواني والباب خبط راحت الشغاله فتحت الباب ثواني ودخلت الشغاله ومعاها عاصم وعهد وسهام. الصدمه اترسمت علي وجوه الجميع صدمه عهد وسهام بوجود ساره وأهلها وصدمه ساره وأهلها ورقيه وحسن بوجود سهام وعهد وعاصم 😳 بصت عهد لعاصم بأستفهام هز عاصم راسه ليها بأبتسامه عشان يطمنها رقيه....سهام !! تعالي اتفضلي تعالي يا عهد حسن....اتفضل يا عاصم وقفت ساره بغضب 😡يتفضلوا فين انتوا مين اللي سمحلكم تيجوا البيت ده اصلا سهام...بغضب انا لو اعرف انك موجوده هنا مكنتش عتبت البيت ده فعلا. ساره...بصوت عالي وغضب ومستنيه ايه اتفضلي اطلعوا بره وخدي في ايدك بنتك الزباله دي سهام....اخرسي قطع لسانك بنتي اشرف واحسن منك ميت مره. مني...انتي اكيد اتجننتي انتي ازاي تتكلمي كده مع بنتي مش كفايه اللي عملتوه. سهام...احنا اللي عملنا ولا بنتك اللي يظهر كده ملهاش كبير خليني ساكته عشان انا سكت كتير وخلاص مبقتش باقيه علي اي حاجه. رقيه...بدموع سهام انا اسفه حقك عليا ساره....حقها عليكي في ايه دي سبب كل المصايب اللي احنا فيها . ادم...كان بياكل بأستمتاع وساكت وسايبها تجيب كل اللي عندها. بصتله ساره بغضب علي بروده ساره....ما تتكلم يا ادم انتي قاعد بتاكل وسايبهم ادم...بهدوء اقعدي يا ساره ساره....لا مش هقعد والزباله دول لازم يمشوا من هنا فورا. حسن...بغضب ساره اللي بتقوليه ده عيب. عاصم...بنظره غضب لوالدها انا ساكت وعامل حسابك وحسام حسن باشا بس قسما بالله كلمه زياده من بنتك انت عارف انا ممكن اعمل ايه كويس بلع ماهر ريقه بخوف عاصم كان حد واصل لابعد الحدود لا كان بيهمه حد ولا بيهمه مناصب عيلتهم وماهر كان عارف كويس علاقات عاصم الكبيره في البلد وعارف ان بكلمه منه هيدمر كل شغله في السوق ووقتها لا حد هيقف معاه من عيلته ولا حد هينجده من عاصم. ماهر....اقعدي ياساره ساره....اقعد ايه اللي انتوا بتدافعوا عنهم دول كانوا سبب في كل اللي حصل سهام هانم اللي بتزعأولي عشانها هي اللي اتفقت مع ادهم عشان يدمروا حياتي هي اللي فضلت تقوي فيه لحد ما جه وض*ر*بني وخلاني فقدت ابني وابن ادم اللي فضلنا سنين نتمني ان ربنا يرزقنا بيه وبعد كل ده تقولولي اقعدي وعايزيني عادي اتقبل وجودهم بسهوله كده. ادم...اقعدي ياساره ساره...لا مش.. ادم بغضب ض*ر*ب بكل قوته علي السفره خبط الكوبايه واتكسرت في ايده بقولك اقعدددددي😡 وقفت ساره بخوف لاول مره تبص لادم بصدمه جريت عليه رقيه بخوف..ادم انت كويس ادم....متخافيش يا امي رقيه....ماخافش ايه بس انت ايدك اتعورت مسك ادم المناديل لفها علي ايده بسيطه يا امي اقعدي من فضلك. لفت رقيه قعدت وهي حاسه ان في مصيبه هتحصل هدوء ابنها وقعدته بيكمل اكل وسط كل اللي حاصل ووجود سهام وعهد وعاصم من غير معاد حتي ادم متفاجئش بوجودهم وكأنه عارف انهم جايين حتي عصبيته علي ساره اللي عمرها نا حصلت كل دي كانت حجات غريبه بالنسبالها ادم قام من مكانه بهدوء وراح وقف قدام عاصم بابتسامه هاديه وطبطب علي كتفه تسلم يا صاحبي ابتسم عاصم وهز راسه بهدوء. قرب ادم من سهام وابتسملها ومسك ايدها باسها من غير اي كلام بصتله سهام بدموع في عينها وابتسمت قرب ادم من عهد باس راسها وطبطب علي ضهرها بصتله عهد بأستغراب مش فاهمه اي حاجه زي ما المل مش فاهم. ادم....من فضلكم اقعدوا عشان في كلام كتير اوي لازم الكل يسمعه. راحت سهام قعدت جمب رقيه وقعد عاصم جمب ادم. فضلت عهد واقفه حاسه بلغبطه وخوف كان جواها الف شعور بتحس بيه. قرب منها ادم مسكها من ايدها وراح بيها علي الكرسي قعدها جمب حسن بمجرد ما قعدت طبطب حسن بحب علي كتفها كان حاسس بخوفها ايدها كانت متلجه. ادم وقف في وسط ترييزه السفره بكل هدوء يمسح الدم اللي نازل من ايده..رفع عينه فيهم الكل باصصله. ادم طبعا كلكم حابين تعرفوا انا جمعتكم ليه عارف انكم مستغربين وجوه كل واحد منكم الف سؤال مبدأيا كده ساره واهلها ميعرفوش بوجود طنط سهام وعهد وعاصم .والعكس صحيح حتي امي وابويا محدش فيهم عارف اي حاجه مفيش غير عاصم بس هو اللي عرف وكان لازم يعرف عشان يقدر يجيب طنط سهام وعهد المقابله دي كانت لازم تتم عشان فيها كلام مهم جدا كلام لازم يتقال كلام تقيل علي قلبي ومحتاج اخره عشان ارتاح ساره كانت بتسمعه وهي عينها عليها برعب ادم...من يوم اللي حصل وانا متكلمتش مع اي حد في اي تفاصيل متكلمتش معاكي يا ساره لما جريتي بلغتي الصحفي ينشر اللي حصل فضحتي اخويا وفضحتي نفسك وفضحتيني وفضحتي عيلتك وعيلتي. ومع ذلك معاتبتكيش ولا قولتلك بتعملي ايه وقتها للأسف مكنتش شايف غيرك وقولت معلش هي أعصابها تعبانه من اللي حصل قلبها محروق علي م*و*ت ابننا ومش فاهمه ازاي بتتصرف بتطلع غضبها بالطريقه اللي تريحها. ساره...بخوف ادم انا. ادم قاطعها لو سمحت سبيني اكمل كلامي للأخر. المهم مزعلتش منك وسبتك تعملي كل اللي يريحك بعد ما ادهم مشي من المستشفي كنت متلغبط وحاسس ان دماغي هتنفجر مش قادر افكر استأذنت منهم وخرجت مشوار سريع علي امل اني اعرف اي حاجه افهم ايه اللي وصل الحوار بينك وبين ادهم لمد الايد افهم ازاي اخويا الصغير اتجرأ ومد ايده علي مرات اخوه لدرجه انه يسقطها..روحت الكافيه اللي كنتوا قاعدين فيه جمب النادي وبدأت اسأل الناس اللي شغالين فيه عن اللي حصل وحصل ازاي.الكل اجمع انك روحتي قبله وكنتي قاعده لوحدك لحد ماهو جه الوضع كان بالنسبالهم عادي كانوا مشغولين في شغلهم ومن غير اي مقدمات شافوا ادهم قام وقف ومد ايده عليكي ض*ر*بك بالقلم وفجأه لاقوكي واقعه وبتنزفي. كل ده بالنسبالي انا عارفه مفيش جديد ووقتها اخويا قدامي كان مدان لكن في ويتر من اللي شغاليين هناك قاللي حاجه غريبه وشهد علي كده كذا واحد من اللي شافوا اللي حصل. بصوله كلهم بترقب مستنينه يكمل. ادم....الكرسي اللي انتي كنتي قاعده عليه يا ساره كان مليان دم يعني من قبل ما تقومي تقفي والحوار يشد بينكم لدرجه انه يمد ايده عليكي ويسقطك خصوصا انهم قالوا ان بمجرد ما قومتي وض*ر*بك وقعتي علي الارض وبعدها لما شافك ادهم بتنزفي شالك وخرج يجري بيكي علي عربيته ودوكي المستشفي. يعني مرجعتيش قعدتي علي الكرسي اللي غرق دم. ساره....بصدمه اتكلمت بعصبيه وارتباك واضح عليها انت قصدك ابه قصدك اني هتبل علي ادهم ايه قدر يعملك غسيل مخ انت كمان . ادم....بالعكس بعد اللي سمعته يمكن استغربت بس عشان بحبك يا ساره الموضوع مخدش معايا اكبر من حجمه ورفض عقلي انه يفكر فيه وعدي يوم والتاني والتالت وكل ده انتي في بيت اهلك بكلمك وبجيلك وبطمن عليكي وربنا يعلم اني مكنتش مكدبك وكنت خايف عليكي كنت مستني رجوعك للبيت من تاني في الوقت اللي أختفاء اخويا مكانش فارق معايا وكنت مش طايقه عشانك وعشان اللي عمله زي ما حكيتي. لكن يظهر يا ساره ان رصيدك من الستر خلص عشان كده ربنا قرر انه يفضحك ويبينك علي حقيقتك ويعرفني انا كنت قد ايه مخدوع فيكي.. قامت ساره وقفت بانهيار انا مش قادره اصدق اللي انت بتقوله ده عايز تلاقي لاخوك الف عذر علي خيانته ليك افهم يا محترم اخوك كان بيحبني اخوك كان عايز يرافقني ويستغفلك وانا حافظت علي شرفك قامت عهد بانهيار وهي بتصرخ فيها لاول مره تجيلها الجرأه وتقدر تتكلم بلسانها مش بلسان ادهم عهد...اخرررررسي ادهم اللي بتتكلمي عنه ده محبش ولا هيحب غيري انا ادهم طول عمره بيحب ادم وعمره ما يفكر يخونه. ساره...انتي اللي تخرسي انا مش فاهمه انتي ازاي قادره تقعدي وتتكلمي بكل بجاحه انتي مش مكسوفه من اللي عملتيه انتي سيرتك بقت علي كل لسان وهستغرب ليه ما انتي زي ادهم بالظبط هو بيحب مرات اخوه وانتي دايره كل يوم مع راجل. في نفس الوقت نطق ادم وعاصم بغضب...سااااااره حس ساره بالرعب دب في قلبها ادم...انتي تخرسي وتقعدي تسمعي الكلام للاخر خلي امك وابوكي يعرفوا حقيقتك ده ان مكانوش عارفينها من البدايه. عاصم...عقل بنتك وقعدها انا صبري ليه حدودو. ماهر بخوف اقعدي يا ساره اقعديييي. قعدت ساره وهي بتتنفس بسرعه وبكل خوف حاسه ان كل حاجه عملتها بتنهار قدام عينها ومبقاش في وقت للهروب. ادم...نرجع لكلامنا بص لساره بغضب نصيبك من الستر خلص يا ساره. امبارح كنت المفروض اجي اخدك زي ما اتفقنا لكن قبلها بيوم بليل جالي تليفون من شخص طلب مقابلتي ضروري في البدايه أستغربت انه كلمني لكن قولت يمكن في اي حاجه حابب يقولهالي هروح وبعد كده اعدي عليكي اخدك. عارفه يا ساره مين الشخص ده.. بصوا كلهم لبعض وفالوقت ده ساره كانت في موقف لا تحسد عليه كل قوتها وشرها وحقدها اختفوا للحظه واتبدل مكانهم شعورها بالخوف. بصتله بترقب مستنياه يكمل سيل الاعترافات اللي نزلت عليها.. ادم...دكتور رؤوف عز الدين صدمه نزلت علي ساره حست ان عقلها اتصعق وحست انها بتنهار. ادم....دكتور رؤوف يبقي الدكتور الخاص بتاع ساره اللي كانت بتتابع معاه حملها من بدايه ما حملت وهو اللي بلغنا بحمل ساره . وهو الوحيد اللي كان يعرف سر ساره من البدايه وخبي عليها لكن يظهر ان ضميره صحي وقرر انه يفضحها ولانه يعرفنا معرفه شخصيه مقدرش يتحمل الاخبار اللي انتشرت عن ادهم وقرر انه يصارحني بالحقيقه. رقيه...قالك ايه يا ادم اتكلم. ادم...بوجع وهو باصص علي ساره قالي ان مراتي المحترمه راحتله من فتره وعرضت عليه مبلغ محترم قدر المبلغ ده يزغلل عينه وافق علي عرضها في مقابل انه يقول ان ساره حامل. صدمه اصابت الجميع تبعتهم شهقات من رقيه وسهام وعهد حتي والدتها. ادم....وقتها ساره قالت انها حامل وروحنا مع بعض للدكتور وأكد فعلا حملها وأكتشفت ان احلي 3 شهور في حياتي استنيتهم و اتمنيتهم من ربنا كتير كانوا أكبر كدبه في حياتي كلها. ساره...كانت بتسمعهم وعبنها كلها دموع والصدمه جايه عليها بالصمت.. مني...بدموع كدب بنتي كانت حامل وكانت طايره من فرحتها بحملها ازاي اجهضت وغرقت في دمها وهي مش حامل اكيد اخوك هو اللي عرض علبه الفلوس وقاله يقولك كده عشان تفضحوا بنتي وتسوئوا سمعتها ادم...للاسف يا حماتي العزيزه كل ده حقيقه مش كدب ولو علي فرحه ساره فا ده كمان كان كدب قدرت تمثل عليكي زي ما هي قدرت تمثل علي الكل...والأصعب من كده انها كدبت الكدبه وصدقتها وأتقنتها كويس.. بنتك كانت مرتبه كل حاجه من البدايه بس زي ما قولت رصيدها من الستر خلص .ترتيبها كله راح في الارض كانت واثقه بعد اللي حصل من مواجهتها بين امي وابويا انهم هيحكوا لأدهم علي اللي هي قالته وادهم هيتعصب وهيثور وهيكلمها وفعلا كل حاجه رتبتها مشيت زي ما هي عايزه واكتر..ادهم كلمها وطلب انه يقابلها وطبعا بعد ما خرجت من البيت علي انها سيباه وماشيه راحت علي دكتور رؤوف قالتله انها هتنهي الكدبه دي عشان خايفه يجي الوقت اللي بطنها تكبر وتتفضح قدامي وطلبت منه يديها حبوب تاخدها وتبين انها بيحصلها إجهاض قوي ولعبتها صح وفعلا دكتور رؤوف اداها حبوب توهم الكل انها بتنزف وبتسقط الحبوب دي اي حد ياخدها حتي لو مش حامل هتديهم نفس نتيجه الاجهاض نزيف قوي ويبان انها بتجهض وفعلا خدتها قبل وصول ادهم كان مفهمها ان تأثير الحبوب دي بعد ساعه من بلعها ساره كان كل همها تستفز في ادهم لحد ما توصله انه يمد ايده عليها ويبان انه فعلا كان سبب في إجهاضها لكن ربنا حب يكشفها وساره بدأت تنزف عالكرسي من قبل ما يمد ايده عليها وبعد كلام الدكتور اتأكدت من كلام الناس اللي شغاله في الكافيه. وعرفت ان اخويا اتلعب عليه لعبه وسخه. ومش بس كده ساره اختارت الكافيه ده بالذات عشان هو قريب من المستشفي اللي فيها دكتور رؤوف واللي بديهي جدا أدهم هيجري بيها عليه. وطبعا لان كان في اتفاق وسخ بينهم دخلها الدكتور اوضه العمليات علي انه هيوقف النزيف ويعملها تنضيف للرحم. واعترفلي الدكتور ان مفيش اي عمليه اتعملت لساره وقالي انه وقتها خرج الممرضين وقالهم دي بسيطه ويروحوا يجهزوا المرضي التانين وطبعا لعبوها سوا باتفاق تاني مع مبلغ محترم جديد. واللهم بقي من كل الكلام ده ان دكتور رؤوف عرفني ان المدام المحترمه بتاخد حبوب منع الحمل من يوم ما اتجوزنا والمدام المحترمه هي اللي اعترفتله بكده بنفسها اليوم اللي راحت فيه تطلب منه انه يقول انها حامل وعرفته انها كانت بتاخد حبوب منع الحمل عشان مكانتش حابه تحمل اول الجواز وحابه تعيش حياتها لكن بطلاه من فتره ومحملتش وخايفه الحبوب أتكون أثرت عليها وخايفه اني اسيبها فا طلبت منه يقول انها حامل لحد ما تحمل ما تحاول تاخد منشطات وقصاد ده هتديله ميلغ كبير اعترفلي انه وقتها المبلغ خلاه طمع وواقق لكن لما شاف اللعبه اللي اتلعبت علي ادهم مقدرش يسكت وضميره صحي..طبعا هتفولوا طب ازاي ساره كانت عامله حسابها ان كل اللعبه دي هتحصل وهو ادهم مسافر وهي عملت نفسها حامل قبل ما يجي ب3 شهور هقولكم ان ساره زي ما قولت لعبتها صح لما عرفت ان ادهم جاي من السفر بعد شهر عملت كده لكن وقتها ظروف ادهم اتغيرت واضطر يكمل شهرين تاني وفضلت هي مستمره في كدبتها كانت ناويه تنفذ كدبتها وتتبل علي ادهم وتوصله للحاله دي لكن الظروف وقتها وقفت معاها اكتر او شيطانها اللي صورلها كده لما عرفت ان ادهم بيحب عهد شافت انها فرصه متتعوضتش و لعبتها اكتملت علي أكمل وجه. صورت ادهم وعهد ركبت صور عهد صورت عهد وعاصم عند الڤيلا وبعتتها لادهم عشان يشيط اكتر و جات وقتها تثبتلي بالصور قد ايه عهد متستاهلش وباعت ادهم عشان الفلوس ..غبيه مقدرتش تلعبها صح قولتلها محدش يعرف حاجه عن الصور دي قالتلي طبعا في الوقت اللي هي عملت فيه اكونت وبعتت لادهم منه كل الصور ..للاسف ياساره لعبتيها صح بس كمان كل شئ وليه نهايه رصيدك خلص من الستر ربنا ستر عليكي كتير وانتي فضلتي مستمره تأذي في كل اللي حواليكي حبك لادهم عماكي عن حبي ليكي عماكي عن كل الناس اللي حواليكي. يمكن لو مكانش ادهم قال انه بيحب عهد مكنش كل بلاويكي دي اتكشفت مكنتش عرفت انك مش حامل وانك طول الوقت بتاخدي مانع للحمل عشان متحمليش مني سبتيني عايش معاكي 3 سنين علي عمايا كنت بتمني اكون اب في كل لحظه بتعدي عليا حرمتيني من اني افرح ويوم ما قررتي تفرحيني بحملك كانت اكبر كدبه في الدنيا. قامت ساره بعد صمت دام كتير وهي بتصرخ بانهيار. ايوه انا اللي عملت كل ده وكنت مستعده اعمل اكتر منه عارف ليه يا ادم. ادم كان باصصلها بحزن وشفقه علي مرضها اللي دمرها ساره....عشان ادمر اخوك زي ما دمرني زمان حبيته وعملت كل حاجه ممكن تتعمل عشان اخليه يحس بحبي لكن هو كان مغمض عينه ومش قادر يشوف اي حد اترجيته وبوست علي ايده يفضل معايا رفضني ورفض حبي كان بيعاملني زي الشحاتيني قولتله هعيش تحت ىجلك زي الخدامه رفضني طلبت منه فرصه وقتها قاللي انك بتحبني قولت يمكن بيعمل معايا كده عشان اخوه بيحبني فضلت وراه كتير مكنتش بيأس لكن كل مره كان بيبقي اعنف معايا وقتها قررت اني اتجوزك واحاول اعمل اي حاجه اخليك تكرهه وتشك فيه عشان يحصل بينكم مشكله ووقتها اروحله اقوله هو ده اللي سبتني عشانه اول واحد شك فيك وخسرك كنت بفكر ازاي اعمل اي حاجه تجمعني بيه دخلتله الاوضه وهددته يفضل معايا. ووهمتك انه بيقرب مني وبيضايقني عشان اعرفه اني قد تهديدي ليه.. بعدها ساب البلد كلها وقتها كنت بم*و*ت كل يوم ميت مره وهو مش معايا لحد ما عرفت انه راجع ققرت اني اقول اني حامل واعمل اي حاجه تخليه ليا وبس .وبعدها رجع ادعم واتفاجئت في نفس اليوم اللي جه فيه انه بيتكلم مع عهد وبيقولها انه خلاص هيتقدملها حسيت وقتها اني عايزه ادمر العالم كله هي دي اللي كان بيرفضني عشانها هي دي اللي كان بيقولي انه مرتبط و بيحبها و بيرفضني بسببها مكانش عندي مشكله معاها طول عمري لكن بمجرد ما عرفت ان هي اللي خدت قلب ادهم قررت ادمرها معاه صورتها مع ادهم وهو بيلبسها السلسله وبينتهم انهم مقربين لبعض وروحت لطنط سهام عرفتها كل حاجه بس بالطريقه اللي انا عيزاها وهددتها اني هفضحها لو فضلت مع ادهم وهي نفذت كلامي انا اللي عملت كل حاجه يا ادم انا اللي دمرت ومستعده ادمر كل حاجه عشان افضل مع ادهم انا عمري ما حبيتك ولا عمري حسيت باي مشاعر من ناحيتك حتي لما كنت بتقرب مني وبتعيش معايا احلي لحظات حياتك كنت بضغط علي نفسي واتخيل ان ادهم هو اللي في حضني عشان اعرف اعدي اللحظه دي بأي طريقه. مسك ادم الكرسي وهو حاسس انه بينهار لحقه بسرعه حسن ومسك ايده . الصدمه كانت اكبر من كل اللي توقعوه دموع وتوتر وخوف وصدمات ورا بعض خلت الكل في حاله ذهول. ادم....انتي اقذر حد شوفته في حياتي عمري ما صدقت ان في حد ممكن يحب حد بجنون ويقدر يكرهه لكن انتي قدرتي يا ساره تحولي الحب اللي حبتهولك لكرهه . راح تدم بكل غضب مسك شنطته فتحها جاب منها ورق وحطه قدامها علي السفره وكمل بغضب. ده ورق تنازل عن اي حاجه تخصك اي حاجه جبتهالك انتي متستاهليش اي حاجه يمكن لو كنا في ظروف غير دي وادت للطلاق كنت سبتلك كل حاجه او افتكرتلك اي. حاجه حلوه لكن للاسف انتي معندكيش حاجه حلوه خونتيني مع اخويا دمرتي وخربتي كدبتي فضحتي بوظتي علاقات من الاخر انتي كنتي كدبه يا ساره انا عايش معاها امضي امضيييييي بصتله ساره بدموع مش قادره تصدق اللي بيحصل. عاصم....قول لبنتك تمضي يا ماهر ماهر...بكسره من اللي عملته بنته امضي ياساره خلينا نمشي من هنا بسرعه. مسكت ساره القلم وهي بتتعرش ودموعها بتنزل زي الشلالات.مضت علي كل حاجه حددها ادم. مسك ادم الورق سحبه من ايدها بغضب شاله في الشنطه وبصلها بحسره ووجع ..انتي طالق طالق طالق ورقتك هتوصلك مش عايز اشوفك في حياتي ولو حتي صدفه عشان لو شوفتك هق*ت*لك يا ساره بص لماهر بغضب...انصحك تشوفلها مصحه يمكن تقدر تتعالج ولو مطلعتش محتاجه مصحه يبقي ربنا يعينها علي سواد قلبها اطلعوا برررررره برررره. وقف ماهر ومني اللي بتعيط ومش مصدقه اي حاجه وخدوا ساره وخرجوا من الڤيلا كلها خروج بلا رجعه. الكل كان منهار وبمجرد ما مشيوا راحت رقيه حضنت ادم وهي منهاره.. ابتسم ادم بوجت وتماسك وطبطب علي ضهرها كل حاجه هتبقي كويسه سامحيني يا طنط سهام اني صدقت عليكي حاجه سامحيني ياعهد عالوجع اللي عيشتي فيه بسببي انتي وادهم سامحوني كلكم انا هقلب الدنيا عشان ارجع ادهم وترجع الفرحه تعرف طريق بيتنا من تاني.. بس قبل ما اعمل كده لازم اظهر براءه اخويا وبرائتك قدام الكل عاصم....سيب الموضوع ده عليا انا يا ادم المهم الوقت لازم نعرف ادهم ممكن يكون فين. حسن...بحزن رجعلي اخوك يا ادم رجعلي ابني ادم...بحزن هرجعه يا بابا💔 مشي الجميع بعد يوم طويل و عصيب يوم كله وجع واعترافات و صدمات علب قد ما كان يوم صعب جدا لكن كان كله راحه علي الجميع حتي ادم اللي ارتاح بعد ما عرف الحقيقه. خرج ادم فضل يلف كتير بالعربيه كان حاسس بخنقه فظيعه وكأن روحه بتطلع. وبعد وقت طويل رجع كان البيت هادي فكرهم نامو لكن بمجرد ما دخل لقاهم قاعدين مستنينه. رقيه....كده برضوا يا ادم توجع قلبي عليك كنت فين حسن....انت كويس يا حبيبي. بصله ادم وهز راسه بلأ وبسرعه دموعه نزلت كأنها سيول جري عليه حسن خده في حضنه هو ورقيه. حسن....عيط يا ادم خرج كل اللي جواك. ادم...اااااااااااه اااااااه. رقيه....بس يا حبيبي عشان خاطري كفايه يا ادم. ادم....كنت بحبها يا امي والله كنت بحبها و بتمني اشوفها احسن واحده في الدنيا معملتش فيها اي حاجه وحشه حبتها وبس دمرتني ودمرت كل حاجه جوايا.حرمتني من انها تحبني حرمتني من اني اكون اب فرحتني بكدبه وخبر كنت بتمناه سنين. ظلمت اخويا وجرحته....اللي واجعني اني عملت زي ما هي عملت انا ظلمت ادهم ووجعته صدقت عليه كل كدبها وظلمها ليه طول السنين دي ادهم بيعاني منها ومحدش فينا حاسس بيه بس كان غصب عني والله مكنتش حاسس بأي حاجه كانت بتمثل بكل أحتراف خلتني اتخدعت فيها وصدق ان اخويا بيتحرش بيها صدقت ان اخويا بيحبها صدقت ان اخويا ض*ر*بها وسقطها وهي عمرها ما كانت حامل. انا بمووووووت والله انا بم*وت.. ومش مصدق اااااااااه انهارت رقيه وانهار معاها حسن حضنوا ادم وفضلوا يعيطوا كتير لحد ما نام ادم عالكنبه وهما قاعدين تحت رجله ماسكين في ايده والحزن مخيم علي الجميع ....💔
