تعاهدنا

البارت العشرين.. كنت أظن أني استطيع أن أشعل شمعتي من جديد لقد نسيت كيف تُشعل الشموع من زمن بعيد كنت أعتقد انني استطيع ان اكتب كلمات الفرح ولكن عندما كتبتها شعرت ان شئ بداخلي قد انجرح. أذكر ذلك اليوم الذي تحول به عالمي الي فجوه من السواد والظلام كل شئ اصبح قاتماً شعرت بالحزن والاسي قد سكن قلبي مات جميع الرجال في عيني ولكن حدث مالم اتوقعه يوماً اخترقت حياتي بدون أستآذان شعرت انني سأملك من الدنيا ما أُخذ مني وشعرت ان قلبي قد عاد للحياه مره اخري..ولكن سريعاً ما أختفت سعادتي واختفيت انت من حياتي وتركتني اعيش نفس ألامي ووجعي من جديد. أتذكر عينيه الجميلتين دائماً مع تلك الملامح الرائعه. ولكنها كانت دوماً حزينه. قضيت الكثير من الوقت انظر لتلك العينين احاول ان افهم تلك النظرات بأي طريقه ولكن دون جدوي إنه الحزن الذي يهوي بالأشخاص الي أعماق سحيقه.💔😔 كنت وحيده وكان هذا الشعور عميق وبشكل دائم قد لا تختفي هذه الحاله ابدا...ولكني قبلت بها بصدر رحب كل شئ أفعله اصبح بلا معني فالشعور بالوحده هو عباره عن الم*وت بالبطئ. الذي يصيب روح الانسان ويشعره بعدم الراحه الدائم. ولكن وجودك جعلني اشعر ان العالم أمتلأ من حولي واكتفيت بك في عالمي ولكن اين انت ؟ لماذا تركتني؟ لماذا جددت شعوري بالوحده ولكن هذا الشعور اصبح اشد قساوه اشعر بالضياعه والتوهان اين أذهب ؟ كيف ينجوا قلبي من هذا الشعور الأسير حين انام يطاردني الماضي في احلامي.. وحين استيقظ يحاربني الحنين اليك داخل افكاري.. من غيرك مش قادره أعيش ارجعلي 💔😔 مسحت تهاني دموعها وهي بتفتكر ادهم من يوم ما مشي وهي حالتها ساءت حست ان ربنا عوضها بوجود ادهم بعد م*وت جوزها مكانتش طالبه منه القرب لكن وجوده حتي لو من بعيد كان كفايه مش قادره تعرف امته وازاي وقعت في حبه لكن قلبها اعلنها صريحه ان ادهم قدر يخترق قلبها من غير ما يقصد من يوم ما مشي وهي قافله الاوضه بتاعته سابت كل حاجه زي ما هي هدومه وكل متعلقاته الشخصيه مقدرتش تديها لسلامه زي ما قال كانت بتقضي معظم الوقت جوه اوضته في ناس جات سكنت في البانسيون غرفتين لكن قفلت اوضه ادهم واقسمت ما حدش هيدخلها بعده حتي لو طالت السنين كانت حابه ريحته تفضل فيها روحه ساكنه جواها معظم الوقت كانت بتدخل الاوضه وتقفل علي نفسها بالساعات حاضنه هدومه بين ايدها و بتستنشق عبيرها دموعها نازله وعندها امل انه يرجع. مسحت تهاني دموعها ونزلت علي تحت لما سمعت صوت سلامه بينادي عليها. تهاني....سلامه ازيك عامل ايه في ايه مالك جاي بتنهج كده ليه. سلامه...شوفتي اللي حصل لادهم باشا. مسكت تهاني قلبها بفزع ماله..حصله ايه. سلامه...امسكي اقراي كده...انت مشوفتيش تليفونك ولا ايه. مسكت بنه بسرعه وهي بتقرأ وعينها هتخرج من الصدمه. تهاني...لا لا لا مستحيل ادهم ميعملش كده اقصد ادهم باشا.. سلامه....بحزن عارف انه مستحيل يعمل كده انا معاشره وعارفه اكتر من نفسه وبصراحه بقي حاسس ان مرات اخوه وراها حاجه الست دي انا عمري ما ارتحتلها واكتر حد مكنتش بحبه في عيلته كلها مع ان اخو ه ادم باشا ميتخيرش عنه طيب ومحترم ومتواضع بصراحه خساره فيه . المشكله مش بس في كده المشكله في الخبر التاني اللي انتشر عن ست عهد تهاني....بترقب حبيبته؟ سلامه...ايوه. تهاني...مالها؟😔 سلامه...بصي كده. بصت تهاني علي الاخبار اللي نازله لعهد والصور بتاعتها ض*ر*بت علي صدرها بصدمه يانهار اسود ومنيل هي دي حبيبته سلامه....ايوه هي. تهاني....يبقي هي اللي كانت السبب في حالته دي سلامه....لا لا يا ست تهاني الست عهد بنت ناس ومتربيه بصحيح لو شوفتيها هتحسي انك مع حد منك طيبه وعامله زي الاطفال ملهاش في اي حاجه خالص تهاني...امال ايه الصور دي بس يا سلامه ربنا يستر علي ولايانا. سلامه...مش عارف ياست تهاني بس الاكيد ان في حاجه غلط الاخبار النهارده نزلت ورا بعض تحسي ان في حاجه غريبه. تهاني....بحزن ربنا يكون في عون ادهم باشا اكيد حالته وحشه ده ملحقش يفوق من الحاله اللي كان جاي عليها بقولك يا سلامه. سلامه...قولي يا ست الستات. تهاني....ماتكلمه يا اخويا و تطمن عليه واجب برضوا سلامه....ادهم باشا مستحيل يرد وهو حالته وحشه كده واكيد هو الوقت مشغول في اللي حاصل ده ربنا معاه ويظهر الحق ويارب اللي حاصل ده يعدي علي خير اكيد هو واخوه الوقت واقعين في بعض. تهاني....بحزن يارب. سكتت تهاني شويه سلامه....قوليلي ياست تهاني انتي مالك بقالك كام يوم حالك مقلوب وكل ما اعدي عليكي الاقيكي حزينه خير يارب احكيلي انتي مش ديما تقوليلي اني زي اخوكي. تهاني....طبعا ياسلامه انت اكتر من اخ ربنا يعلم بس صدقني مش كل حاجه بنحس بيها ينفع تتحكي سلامه....عارف وانا صدقيني مش بدخل في حاجه تخصك بس خايف ترجعي لحالتك بتاعت زمان تهاني....يظهر كده يا سلامه ان الفرح مش مكتوب للي زينا تحس كده ان الفرح بيجي لحد عندي وعمره بيقصر. سلامه...بعد الشر عنك من الحزن يا ست الستات فكي كده وسبيها علي ربنا. تهاني....ونعم بالله يا سلامه. سلامه....طيب يا ست الستات تؤمريني بأي حاجه هروح انا بقي الساعه بقت عشره والدنيا ساكته خالص بره . تهاني...تسلم وتعيش يارب ياسلامه يلا يا اخويا روح احسن الدنيا تشتي عليك. سلامه....لو أحتجتيني كلميني يلا سلام عليكم. تهاني....متحرمش منك عليكم السلام. مشي سلامه وساب تهاني لوحدها فضلت قاعده علي المكتب تبص في الموبايل وتقرأ الاخبار وبعد كده جابت صور عهد وفضلت فتحاها ومركزه فيها فتره. تهاني...بحزن ليه حق يحبك زي القمر وحلوه بس معقول الوش البرئ ده يطلع منه كل ده ولا انتي زي ما قال عليكي سلامه ..ياتري ادهم عامل ازاي الوقت ربنا يريح بالك يارب كان نفسي اكون معاك الوقت 💔 عدي وقت متعرفش قد ايه والوقت اتأخر قامت قفلت باب البانسيون الحديد و اطمنت ان كل حاجه تمام في البانسيون وراحت عشان تنام اتوضت وصلت وفضلت تدعي كتير لأدهم وهي دموعها نازله خلصت وقلعت أسدالها وقررت انها تنام غمضت عينها وفضلت تتقلب كتير علي السرير حاولت كتير لكن النوم كان مخاصم عينها..قامت خرجت من الاوضه عشان تطلع تقعد في اوضه أدهم وتاخد هدومه في حضنها يمكن تقدر تنام خرجت وقفلت اوضتها ولسه هتطلع سمعت خبط علي الباب الحديد. فتحت الباب الداخلي وبصت من الفتحات اللي في الباب الحديد لمحت ادهم واقف وحزن الدنيا كاسي ملامحمه وكأن الحاله اللي كان عليها قبل ما يمشي اتضاعفت . بصتله وفضلت ساكته و مصدومه بصلها ادهم من غير ولا كلمه خالص كان واضح علي لون عينه ان الدموع كانت الرفيق في طريقه ليها. فتحت الباب بهدوء وهي ايدها بتترعش مش مصدقه انه رجع كان قلبها حاسس انه هيجي من تاني لكن متخيلتش يجي بالسرعه دي خصوصا بعد الاخبار اللي انتشرت عنه هو وعهد. فتحت الباب وبصتله وغصب عنها دموعها نزلت تجري علي خدها.. أبتسم أدهم ابتسامه حزينه ادهم....الاقي عندك مكان ليا ولا مبقاش ليا مكان بعد الاخبار اللي انتشرت عني. نزلت دموعها اكتر و ابتسمت بهدوء من بين دموعها تهاني... مكانك بصمه في قلب كل حد دخلت حياته لايمكن حد يمحي البصمه دي ولا يمكن حد ياخد مكانك أبدا ابتسم أدهم بأمتنان لتهاني وبدون ما تحس تهاني قربت ايدها مسكت كف ايده ودخلته جوه وقفلت الباب. تهاني....الاوضه بتاعتك زي ماهي با حد سكن فيها ولا انا سكنتها قفلتها علي حاجتك ومدتش سلامه اي حاجه حتي الاكل لسه مالي التلاجه قلبي كان حاسس أنك هترجع من تاني صحيح انت غبت يومين بس لكن متوقعتش ترجع بالسرعه دي فضلت دموعها تنزل وهي بصاله بحزن انت كويس. ابتسم ادهم ومسح دموعها براحه غمضت تهاني عينها تنعم بجمال لمسته. ادهم....مش عارف .مش عارف انا كويس ولا لا تهاني...طيب تعالي معايا اطلع ارتاح ونام شكلك تعبان اوي انت ملحقتش تفوق و تخف ارتاح وبعدين لو حابب تتكلم او تحكي او تعمل اي حاجه هتلاقيني جمبك ومعاك.. ماشي هز ادهم راسه من غير ولا كلمه مسكته تهاني من ايده وطلعت عالسلم وهو ماشي وراها كأنه طفل صغير ماصدق لقي الامان. تهاني بالنسباله كانت مصدر الامان ده ست جدعه بميت راجل جميله جدا حنينه وطيبه تحسها صاحب جدع وقت الشده تحسها اخت وتحسها ام رغم ان سنها كان صغير لكن كل الصفات الجميله اتجمعت فيها وكأنها كانت هديه من ربنا لأدهم تطبطب علي قلبه في كل الوجع اللي بيمر بيه.. ديما في عز الوجع بنلاقي ناس بتظهر من العدم اشخاص متربطناش بيهم اي صله قرابه لكن بيبقوا علي هيئه ملايكه الرحمه...وتهاني كانت ملاك من ملايكه الرحمه. وصلت تهاني قدام الاوضه فتحتها ودخلت وهي ماسكه ادهم اللي مان ماشي بسكون وتوهان .💔 شاف الاوضه فضل يبص بهدوء في كل مكان اخر مره شافها كان من يومين كان خارج منها بيجري والفرحه مش سيعاه وكأنها سجن مصدق يخرج منه متوقعش يرجعها تاني ابداً لكن مش ديما كل اللي بنتوقعه بيتحقق..قعد أدهم عالسرير وفضل ساكت وفي دنيا تانيه خاصه بيه هو وبس. تهاني راحت علي الدولاب طلعتله غياره اللي كان سايبه اخر مره وقربت منه. قوم خدلك دش دافي وغير هدومك من تعب الطريق وانا هحضرلك حاجه خفيفه تاكلها. ادهم....مش عايز اكل ومش قادر اغير انا عايز انام رجع ادهم عالسرير حط ايده تحت راسه ونام تهاني....تنام ازاي بس بهدومك كده طيب قوم غير من غير ما تاخد دش وكل ونام. غمض أدهم عينه بأستسلام وهي بتكلمه وكأن عقله خلاص وقف ورافض يسمع اي كلام. بصتله تهاني بحزن و سابت اللبس من ايدها وقربت منه قلعته الجزمه من رجله بهدوء وفردت عليه البطانيه وقفلت الشباك عشان البرد ورجعت تاني وقفت جمبه مدت ايدها حركتها بهدوء علي ملامحه ابتسمت ومسحت دموعها وخرجت بهدوء من الاوضه ونزلت علي اوضتها يمكن فضل النوم مجافي عينها شويه لكن كانت مرتاحه انه رجع معاها من تاني. ................ في ڤيلا حسن. ادم كان قاعد في الجنينه ساكت مش بيتكلم نزل حسن لما فضل باصص عليه من فوق وشايفه مش بيتحرك.ولا بيطلع. حسن.....ايه يا ادم مش هتطلع تنام يا حبيبي من وقت ما وصلت ساره بيت اهلها وانت علي نفس وضعك ده حتي الاكل محطتش لقمه في بوئك من الصبح . ادم....مليش نفس يا بابا. حسن....لو زعلان عشان ساره مرجعتش معانا انت عارف يا حبيبي هي اكيد الوقت بعد الاجهاض محتاجه والدتها تكون جمبها. كام يوم تغير جو وتبقي احسن وهترجع يا ادم. ادم.....عارف يا بابا حسن......مش هتقولي لما سبتنا روحت فين ادم ...مشوار يا بابا كنت لازم اعمله بس مش هقدر اقولك اي حاجه غير لما اعرف واتأكد حسن....تتأكد من ايه ادم...هقولك يا بابا صدقني بس في الوقت المناسب حسن....طيب قولي انت لما خرجت قابلت ادهم او شوفته ادم....لأ حسن....ادم ادهم اخوك الصغير انت عارف هو بيحبك قد ايه مش قادر اشوفكم كده يا حبيبي. ادم....بحزن متقلقش يا بابا كل اللي حضرتك بتقوله ده انا عارفه كويس. حسن....بحزن امك هتتجنن ادهم قافل موبايله ومش عارفين عنه اي حاجه. ادم....بحزن وهو باصص بعيد هو مش قال رايح يتجوز عهد . حسن.....محصلش يا ادم ورقيه كلمت سهام قالتلها انه راح فعلا وعاصم كان هناك وشدوا شويه وبعدها الكلام خلص علي ان ادهم مشي و سابهم انا قلقان اوي علي ادهم يا ادم . ادم....متقلقش يا بابا اكيد هيظهر و هيتكلم انا هطلع عشان انام بعد اذن حضرتك. حسن....بحزن علي حاله ادم تصلح علي خير يا حبييبي ............. اما عند عهد فضلت سهام طول الليل قاعده علي الكرسي قدامها ومن الجنب التاني الممرضه وعهد لسه مش دريانه بالدنيا معلقه المحاليل وكل كام ساعه يحطولها مهدأ عشان تفضل نايمه وميحصلهاش أنهيار عصبي. كل شويه عاصم يكلم سهام يطمن عليها ويقفل. عمل عاصم كام اتصال عشان يقدروا يشيل كل الاخبار اللي انتشرت علي النت. ""عدي الليل بصعوبه علي الجميع طلعت تهاني اوضه ادهم عشان تشوفه خبطت علي الباب لما مفتحش دخلت بهدوء لقته لسه نايم علي نفس وضعه حتي متقلبش في نومه زي ما سابته رجعت لاقته. قربت منه بهدوء ادهم باشا ادهم باشا. فتح ادهم عينه بتعب واول ما شافها قام بسرعه مفزوع من نومه نسي انه جه اسكندريه وانه جه من تاني البانسيون . تهاني...بسم الله الرحمن الرحيم اهدي اهدي متخافش انا تهاني. ادهم....بصلها وافتكر كل حاجه مرر ايده علي وشه صباح الخير. تهاني....الصباح الرضا ادهم...هي الساعه كام تهاني...الساعه اربعه العصر دخلت عليك كذا مره اشوفك كل ما ادخل الاقيك نايم اسيبك واخرج بس انت مكلتش من امبارح اي حاجه يلا قوم خد دش وفوق كده وهحضرلك الفطار مسك ادهم راسه بتعب غمض عينه كان حاسس بصداع رهيب اتفاجئ بايدها بتلمس رجله وبتلبسه حاجه في رجله. فتح ادهم عينه بسرعه ومسك ايدها قومها انا اسف حقك عليا تهاني....علي ايه بس يلا قوم اللبس بتاعك جاهز. ادهم...حاضر. قام ادم دخل ياخد دش وبعد وقت بسيط خرج كانت تهاني حضرتله الفطار. تهاني....نعيما ادهم....شكرا ...مسك ادهم علبه السجاير وحط سيجاره بين شفايفه. قربت منه تهاني وسحبتها بهدوء بصلها ادهم من غير ولا كلمه. تهاني...مينفعش تشرب عالريق كده كل اي حاجه بسيطه واعمل اللي انت عايزه. ادهم....مليش نفس تهاني...مش هينفع اسمع الكلام بالله عليك احسن ما ترجع تتعب زي الاول. استسلم ادهم لتهانى مكانش قادر يناهد كتير معاها اكل حاجه بسيطه اوي ومد ايده خد السيجاره وشربها سابته تهاني يقعد براحته ونزلت تشوف شغلها بعد شويه لمحت أدهم نازل ولابس جريت عليه ....رايح فين بصلها ادهم وسكت. حست تهاني بالارتباك والاحراج من سؤالها اقصد يعني ادهم....بهدوء ماتقلقيش انا بخير بس حابب اخرج شويه تهاني....بنظره حزن وخوف هترجع تاني . ابتسم ادهم بهدوء لو مكاني هيفضل موجود اكيد هرجع . تهاني...بابتسامه مكانك هيفضل ديما موجود. ادهم....بأبتسامه بسيطه يبقي هرجع.بعد اذنك تهاني....اتفضل. ""عدي حوالي 3 ايام علي وجود ادهم في البانسيون سلامه عرف من تهاني انه رجع راحله ولأول مره يحكي ادهم عن حاجه خاصه بيه لأي حد حكاله هو وتهاني كانوا بيسمعوه وهما متأثرين جداً ادهم كان حاسس انه محتاج يحكي ويتكلم ويطلع اللي جواه يمكن يرتاح لكن مكانش عارف ان كلامه ده هيتعبه اكتر.. سلامه وتهاني مكانوش بيسيبوه ديما عينهم عليه خصوصا ان حالته ساءت جدا ديما ساكت تقريبا شبه مش بياكل بينام كتير وكانه بيهرب من الواقع والدنيا بحالها موبايله مش بيفتحه خالص محدش عارف عنه اي حاجه ولا هو عارف اي حاجه عن حد خايف يفتح الموبايل يشوف رساله لعهد او يسمع صوتها حزين يتعب اكتر كان نفسه يطمن عليها ويعرف حالتها بقت ازاي لكن مكانش قادر..فضلت حالته تسوء والاكتئاب أتملك منه واللي زاد اكتر ان ادهم لاول مره يشرب مكانش بيشرب لمجرد انه يفصل عن الواقع شويه وخلاص لا ده الموضوع اتطور معاه تقريبا مكانش بيسيب الازازه من ايده وبقي مدمن للكحوليات مفيش اكل مفيش شرب مكانش بيعمل اي حاجه غير انه يشرب في الخمور ويشرب سجاير وبس عدي حوالي اسبوع علي رجوعه اسكندريه تهاني كانت ديما ملازماه خصوصا لما تعب في يوم ووقع فاقد الوعي جريوا بيه علي المستشفي وبعد الكشف عليه الدكتور قال انه بيعاني من حاله أكتئاب شديده جدا لدرجه انه بيهرب من الواقع والحياه كلها واكد عليهم يفضلوا ديما معاه عشان ممكن يفكر في الانتحار وطلب منهم يبعدوا عنه اي نوع من الكحوليات لانه بعد ما عمله تحليل اكتشف ان في نسبه كبيره جدا من الكحول في دمه وده غلط جدا خصوصا بعد ما عرفوا ان الكبد عنده تقريبا نصه متدمر قضوا معاه اسبوع متعب جدا بين المستشفيات والدكاتره والتحاليل مكانش في سبب واضح لتعب الكبد بالمنظر ده خصوصا ان ادهم شاب . لكن بعد التحاليل قال الدكتوران الكبد كان تعبان من فتره كبيره من غير ما يعرف وده بسبب انه كان بياخد مسكنات كتير جدا...وكان عنده نسبه الحديد في الدم عاليه عن معدلها الطبيعي فا تراكم الحديد في الجسم دمر جزء من الكبد ومع شرب الكحوليات بالشكل المفرط ده دمر نص الكبد بالكامل ..في الوقت ده أدهم كان فاقد شهيته للأكل بشكل ملحوظ وزنه نزل جدا كان بينام كتير ديما حاسس بالغثيان وكل دي كانت اعراض تأكد تعب الكبد..طلب منهم الدكتور انه يمنع الكحوليات دي تماما وإلا فرص إنقاذه هتكون شبه معدومه. كتبله علي ادويه كتير جدا ونظام غذائي يمشي عليه. وفضلت تهاني ديما معاه مش بتسيبه لحظه هي وسلامه كانوا بيحاولوا معاه كتير انه ياكل وياخد الدواء لكن قرر ادهم انه مياخدش اي حاجه وكأنه خلاص زهد الدنيا باللي فيها. تهاني...بدموع وبعدين يا سلامه هنسيبه كده يدمر نفسه ويستسلم ادهم كده هيم*وت. سلامه....بحزن انا بفكر نكلم الباشا الكبير او ادم اخوه بس خايف اخوه يرفض انه يجب او يساعده بعد اللي حصل. تهاني...بدموع وانفعال يرفض ده ايه ده اخوه والدم عمره ما يبقي مايه نكلمه ونعرفه انه برئ وان مراته هي سبب المصايب دي كلها. سلامه...المشكله انه مش هيسمعنا ولو هيسمعنا انتي عارفه اني مش لاقي رقم الباشا الكبير ولا ادم باشا ارقامهم أتمسحت من فتره كبيره مش معايا غير رقم ادهم باشا. تهاني...وهي بتمسح دموعها خلاص يبقي نشوف في موبايله هو. سلامه....وانا عارف هو شايله فين الموبايل بتاعه مختفي من يوم ما جه. تهاني...ندور ونقلب الدنيا كلها صدقني محدش هينقذه غير اهله احنا حاولنا نعمل كل حاجه بس اديك شايف هو رافض كل حاجه مش هنحط بقي ايدنا علي خدنا ونفضل شايفينه وهو بيم*وت قدامنا بالبطئ. ولو حكمت اروحلهم الڤيلا بتاعتهم في القاهره فتح ادهم عينه ببطئ. أدهم....مش عايز أي حد يعرف اني تعبان انتوا سامعين مش عايز حد يقلق عليا ولو انا بقيت تقيل عليكم انا ممكن امشي الوقت. قربت منه تهاني وهي بتعيط متقولش كده تقيل علينا ده ايه بس احنا خايفين عليك اللي بتعمله ده أنتحار قولي بس ايه في الدنيا دي يستاهل ان حد يم*وت نفسه بالحياه ليه بتعمل كده في نفسك كل حاجه في الدنيا ليها حل وحتي لو ملهاش ده مش معناه اننا نفقد الامل ونكفر بربنا مش يمكن ربنا شايف اللي احنا مش شايفينه مش يمكن ربنا شايف ان الخير لينا في البعد عن الحاجه اللي احنا هنم*وت عليها مفيش حاجه تستاهل ابدا لحظه واحده تضيع من عمرك عشانها. أدهم....بحزن وتعب عهد تستاهل يا تهاني تستاهل اني اقدملها روحي كل اللي بتقوليه ده انا عارفه كويس بس الدنيا من غير عهد بالنسبالي ملهاش اي لازمه حست تهاني بالوجع اكتر ونزلت دموعها بسرعه علي خدها. الدنيا مفيهاش عهد بس حواليك ناس كتير بتحبك والدتك و والدك و اخوك حتي احنا . طيب تفتكر لو جرالك حاجه عهد نفسها مش هتتعب عشانك اللي بتعمله ده غلط صدقني انت هتوجع كل اللي حواليك هتخسر نفسك وحياتك وهتغضب ربنا مش اي حاجه تقف قدامك تستسلم صدقني الدنيا دي عابزه القوي عايزه الجامد اللي واقف وصالب طوله مش اللي يضعف ويقع اول ما يحس انها جات عليه شويه.لو الحزن بيرجع اللي فات مكنش في حد في الدنيا بقي سعيد لو الأستسلام بيخلي احلامنا تتحقق مكنتش هتلاقي حد بيعافر فيها صدقني الدنيا دي كلها مطبات عشان تعدي الطريق كله لازم تعدي علي المطبات دي فوق بقي فوق حرام عليك اللي بتعمله ده . سلامه....بحزن اهدي ياست تهاني متزعلش منها باشا هي خايفه عليك. ادهم...بابتسامه مش زعلان منها ياسلامه وعارف انها خايفه عليا بس ارجوكم سيبوني براحتي وبص لتهاني بأبتسامه بطلي عياط بقي عشان خاطري. تهاني....بحب هبطل بس علي شرط ادهم....اشرطي ياستي تهاني....هقوم اجبلك الاكل وتتغدا قولت ايه ادهم....بتعب حاضر . ابتسمت تهاني وقامت بسرعه من غير ولا كلمه احسن يرجع في كلامه وجريت تحضرله الغدا سلامه...بابتسامه حزن بص علي طيف تهاني وهو بيختفي ورجع بص لأدهم. مكنتش اتخيل ابدا اني اشوفها بالشكل ده تهاني بتحبك يا ادهم باشا.💔😔 ادهم...بحزن عارف بصله سلامه بصدمه ادهم....متستغربش ياسلامه مش معني اني تعبان او بمر بمشاكل كتير فوق طاقه كل البشر اني مبقاش حاسس باللي قدامي..انا حبيت عهد ياسلامه حب ميتخيلهوش بشر واللي حب بجد يقدر يحس بقلوب الناس اللي حواليه. تهاني حبتني واتعلقت بيا مش المره اللي رجعت فيها دي ..تهاني حبتني من اول مره جيت فيها هنا ياسلامه لما كنت تعبان وسخن مكانتش بتسيبني لحظه كنت سامع كلامها وحاسس بيها وهي بتعيط جمبي لما سبتها ومشيت وكنت راجع فاكر اني خلاص هرجع لعهد كنت شايف في عينها حزن الدنيا عينها كانت مليانه دموع بس كانت راسمه علي وشها الأبتسامه عشان ماخدش بالي بس حسيت بيها ياسلامه شوفتها في مرايه العربيه واقفه في الشباك وباصه عليا اقولك علي حاجه يا سلامه سلامه...طبعا قول يا باشا. أدهم....يوم ما جيت بعد اللي حصل انا وصلت هنا وقت صلاه العشاء فضلت الف كتير في الشوارع كنت مخنوق جدا ومش عارف اروح فين وفي نفس الوقت مكنتش عايز اجب هنا عشان مشوفش تهاني كنت خايف انها ترجع تتعلق من تاني كنت عايزها تنساني. قربت كذا مره عالبانسيون ومشيت وفي كل مره كنت باجي كنت بلمحها قاعده في البلكونه بتاعت الاوضه. وهي سرحانه وفي دنيا تانيه بس في الاخر لقيت رجلي بتجبني علي هنا وبخبط عالباب . نظره عيونها لما شافتني كانت كفيله تأكد أحساسي في حلها ليا صدقني يا سلامه تهاني عندها قلب من دهب تستاهل انها تتحل وتحب يمكن لو انا كنت في ظروف غير ظروفي دي وقابلتها في حياتي مكنتش سبتها بس لا المكان ولا الزمان يسمح حتي القلوب يا سلامه اتقفلت ومفتاحها بقي في ايد تانيه سلامه...بابتسامه حزينه الدنيا ديما تدب ضهرها للغلبان يا باشا وست تهاني دي رغم سنها الصغير لكن الدنيا جات عليها كتير وورتها وشها الوحش ياما بس هنقول ايه ربنا يريح قلوبكم.انا مبسوط اوي ان حضرتك فتحتلي قلبك واتكلمت معايا ومبسوط اكتر عشان شايفك انهارده احسن عشان خاطري يا باشا بلاش تعاند وتتعب نفسك خد العلاج وكفاياك الخمره اللي هتضيعك انت لسه في عز شباباك. ابتسم ادهم بهدوء وطبطب علي كف سلامه من غير كلام سلامه....طيب انا هقوم يا باشا وهرجعلك تاني بليل مش عايز مني اي حاجه. أدهم...شكرا يا سلامه وخليك انت انهارده الجو بره وحش اوي شوف اللي وراك ورح علي بيتك انا كويس كفايه بقالك ايام معايا مش بتسيبني روح يا سلامه ولو احتاجتك هكلمك علي طول سلامه....متقولش كده يا باشا انا تحت أمرك وتعبك راحه سيبها غلي الله أدهم....ونعم بالله شكرا يا سلامه يلا شوف شغلك. سلامه....حاضر يا باشا بعد اذنك ادهم...اتفضل. "نزل سلامه علي السلم وقابل تهاني طالعه بصنيه الغداء لأدهم تسلم ايدك يا ست الستات تهاني...بابتسامه انت ماشي سلامه....اه واحتمال ارجع اخر النهار لو الجو مقلبش تهاني...ريح انت انهارده يا سلامه هو شكله احسن انهارده وانا لو أحتاجتك هكلمك سلامه....ماشي مش عايزه انتي اي حاجه مني تهاني...عيزاك طيب يا جدع يا ابن الاصول ابتسم سلامه لتهاني وألقي عليها السلام ومشي. خبطت تهاني علي الباب سمعت صوته الضعيف بيأذنلها بالدخول. فتحت تهاني الباب لاقته بيحاول يقوم دخلت بسرعه سابت الاكل علي التربيزه وراحت عليه. تهاني....ايه بتقوم ليه محتاج حاجه. أدهم....عايز أدخل الحمام محتاج اخد دش و أغير هدومي. تهاني....طيب تعالي الاول كل وعلي بال ما تاكل اكون جهزتلك حمامك. قام معاها ادهم وقعد علي الكرسي قدام تربيزه الاكل . تهاني....بالف هنا ولسن هتلف مسك أدهم أيدها بصتله تهاني بصدمه وأرتباك من لمسته أدهم...رايحه فين تهاني...احمم هروح أطلعلك غيار واحضرلك الحمام ادهم...اقعدي. تهاني....ليه ادهم....اقعدي كلي معايا الحمام مش هيطير انتي مش بترتاحي خالص ومن يوم ما جيت وانتي ديما جمبي ومش بشوفك بتاكلي خالص تهاني....بارتباك اااانا لا مش جعانه انت بس كل أدهم.....اقعدي عشان خاطري كلي لو عيزاني اكل سكتت تهاني وابتسمت وهزت راسها قعدت تهاني جمبه وبدأوا يا كلوا الصمت كان طاغي عالمكان هي دنيتها مش سيعاها وفرحانه أنها قاعده جمبه وبتاكل معاه وهو كل كيانه مع عهد فضل أدهم ماسك المعلقه وساكت مش بياكل وسرحان ورجع الحزن كسي ملامحه من تاني. تهاني...مش بتاكل ليه . ادهم....شبعت تهاني...انت لحقت كلت بس. أدهم....صدقيني كلت . تهاني....طيب هقوم احضرلك اللبس قامت تهاني جهزتله الغيار النضيف وشويه وجات قومته عشان يدخل ياخد دش دافي. وخرجت هي ظبطت المكان وشالت الاكل . وفضلت مستنياه يخرج. بعد وقت بسيط سمعت الباب اتفتح قامت بسرعه تمسكه وفجأه حطت ايدها علي وشها بفزع أيه ده😳 انت كويس فيك ايه ادهم ..وكانت دي المره الاولي اللي تناديه باسمه من غير القاب. أدهم....بس متخافيش انا كويس تهاني...كويس ايه امال ايه الدم اللي علي هدومك ده أدهم....متقلقيش بس بعد ما لمست اتخبط في مناخيري جامد ونزفت متقلقيش تهاني....براحه طيب تعالي تعالي اقعد عالسرير كده وانا هطلعلك غيار تاني بدل اللي أتبهدل ده راح معاها أدهم .وجريت هي جابلته غيار تاني وقربت منه تساعده غيرتله بسرعه وهي محرجه تهاني....ارتاح شويه ورجع راسك لورا عشان متنزفش تاني. ادهم...حاضر. راحت تهاني وقفت عالحوض تغسله على ايدها التيشرت. وبعد ما خلصت رجعت وقفت قدامه كان سرحان وفي دنيا تانيه وفي ايده ورقه الشجر اللي خدها من عهد. تهاني....هتنام شويه تاني. ادهم.....اه محتاج ارتاح تهاني...طيب انا تحت لو احتاجتني وانا شويه وهطلع أشوفك ماشي ادهم....ماشي. خرجت تهاني وسابته لوحده غرقان في بحور أحزانه وفي ايده ورقه الشجر اللي تقريبا مش بتفارقه. الجو كان قالب شويه هوا وصوت تخبيط في الشباك مكانش في اي حد في البانسيون غيرهم. " عدي الوقت تهاني كانت فكراه نايم لكن اتصدمت لما لما لمحته نازل عالسلم ولابس لبس خروج وشكله خارج كان نازل بيتسند عالحيطه لا قادر يمشي ولا قادر يتحكم في نفسه كأن الدنيا بتلف بيه. بمجرد ما شافته جريت عليه ونظراتها كلها خوف انه يكون ماشي تاني تهاني....انت كويس ادهم...الحمد لله تهاني....انت رايح فين انت ماشي؟ ادهم...بأبتسامه لا بس حسيت اني مخنوق قولت اخرج اتمشي شويه. تهاني.... تتمشي فين بس الوقت الجو وحش وانت تعبان مش هتقدر تخرج لوحدك ادهم....شويه صغيره مش هتأخر متقلقيش انا مش هبعد. قربت منه تهاني وعينها كلها دموع مكانتش حاسه بنفسها ولا حاسه باللي بتقوله...انت هتمشي صح أدهم....امشي فين. تهاني...هتمشي وترجع القاهره زي المره اللي فاتت ادهم ...لا.مش همشي تهاني....هترجع تاني ؟ أدهم ..قولتلك طول ما انا ليا مكان هرجع. تهاني....مكان ديما موجود. أدهم....بأبتسامه حزينه يبقي هرجع تاني. تهاني....طيب بقول ايه مفيش اي حد في البانسيون انا هاجي معاك. ادهم....قولتلك انا كويس ومينفعش تقفلي المكان عشان لو حد جه. تهاني....بس انا مش هعرف اسيبك عشان عارفه انك تعبان ومش هبقي مطمنه . طيب بقولك ايه استني اكلم سلامه يجي يخرج معاك ادهم..ملهوش لزوم صدقيني انا كويس ومحتاج اكون لوحدي شويه. تهاني...طيب هطمن عليك أزاي وانت تليفونك مقفول قرب ادهم منها ومسك ايدها بهدوء تهاني انا بخير ومش هتأخر هرجع علي طول انا مش ماشي اطمني ماشي. هزت تهاني راسها كانت ساكته وتحت تأثير لمسته ادهم...سلام عليكم. تهاني...عليكم السلام.. .... " فضل يلف أدهم شويه بالعربيه لحد ما وقف تحت عماره كبيره رفع راسه لواجهه العماره وهو بيقرأ المكتوب علي اليافته . دكتور تامر الشناوي استشاري امراض الكبد. نزل ادهم من العربيه وطلع. "" بعد طلعو ادهم بحوالي تلت ساعه شرحلوا ادهم حالته واداله كل الورق والتحاليل فضل الدكتور ساكت شويه وملامحه مبتبشرش بخير الدكتور....النزيف ده حصل كام مره. ادهم....انهارده تاني مره. الدكتور....التحاليل والتقارير اللي معايا بتقول ان حالتك متأخره يا استاذ ادهم وانت المفروض الوقت تكون محجوز انا مش هقدر اخبي عليك لازم اكون صريح معاك النزيف ده مش علامه مبشره ابدا ده معناه ان الكبد في خطر الادويه مش بتتاخد زي ما قولت الكحول مبطلتوش انت بوظت الدنيا اكتر ادهم...بصله بابتسامه بسيطه قولي يا دكتور قدامي وقت قد ايه سكت...الدكتور وهو باين عليه علامات الحزن والشفقه لا ل مره ميبقاش عارف يقول اي حاجه ادهم...اتكلم يا دكتور انا عارف ان كل حاجه بتخلص بس انا حابب اعرف قدامي قد ايه شهور اسابيع بصله الدكتور....بملامح حزينه....!! " ركن ادهم عربيته ونزل وقف قدام البحر كان البحر غضبان جدا امواجه بتض*ر*ب في بعض بكل قوه الهواء كان شديد وقف ادهم بأهمال يستقبل الهواء الشديد خانته دموعه اللي كانت مجرد ما تنزل تطير من شدت الهواء..وقف بكل حزن يفتكر كلام الدكتور" ادهم...فاضلي قد ابه يا دكتور شهور ايام عايز اعرف. الدكتور...بحزن رفع نظراته لادهم من اكتر المواقف اللي محبش اني أمُر بيها هي اني اقول لمريض باقيلك قد ايه في الدنيا. بس كمان مش هقدر اخبي عليك وظيفتي اني اكون صريح مع المرضي اسف يا استاذ ادهم للأسف ولا شهور ولا اسابيع حضرتك باقيلك أيام"💔 علي قد ما كان ادهم مستسلم للم*وت ومن جواه حاسس انه بيم*وت بالبطئ لكن بمجرد ما سمع كلمه الدكتور حس كأنه حد مسك قلبه وقبض عليه بكل قوته ابتسم للدكتور وقام مشي من غير اي كلام. كان جواه شعور صعب اي حد يحس بيه او مستحيل لغبطه وتخبط خوف ووجع حتي السعاده كان ليها نصيب من شعوره بالتخبط. وسعادته الوحيده انه متجوزش عهد وسابها لوحدها وهو في حالته دي ...اما الخوف مكانش من الم*وت كان خايف علي عهد علي والدته ووالده واخوه كان حزين لانه مش هيشوف عهد من تاني💔 مش قادر يقتنع ان دي النهايه . " أوقات كتير بنتمني الم*وت لما الدنيا بتضيق بينا لكن بمجرد ما الم*وت يقرب بتحس ان عايز تصرخ وكأنك في كابوس مرهق ومخيف." غاب ادهم كتير كانت تهاني هتم*وت من الرعب عليه ومسابتش الشباك لحظه وتجري تفتح الباب وتبص شمال ويمين الوقت اتأخر والمطر مغرق الدنيا وهو مجاش بقيوا في نص الليل ومن وقت ما خرج بعد المغرب مرجعش.. تهاني....يارب يارب خليك معاه يارب رجعه بالسلامه. وفجأه لمحته تهاني ركن العربيه وماشي بيطوح مش قادر يتحكم في خطواته من كتر الشرب حالته باين عليها التعب وعدم الاتزان. بمجرد ما شافته جريت بسرعه فتحت الباب وبمجرد ما دخل خطوه للداخل بدون وعي منها اترمت في حضنه وهي بتعيط. تهاني...حرام عليك ..حرام عليك اللي بتعمله فيا وفي نفسك ده. انا كنت هم*وت عشانك ادهم...كان سكران لأبعد حد مكنش في وعيه رفع ايده براحه حضن تهاني بكل قوته. وحاسس بتشويش رهيب حاسس انه سمع الكلام ده قبل كده سامع صوت العياط كل حاجه شايفها بتمر قدام عينه وكانها بتتعاد او كأنه عاش نفس اللحظه دي قبل كده. لكن مش قادر يركز امته وفين . تهاني...بدموع كنت فين كل ده ليه سبتني ام*وت من الخوف عليك. ليه مفتحتش تليفونك تطمني عليك ليه سبته مقفول. انت قولتلي هترجع علي طول انا اتعودت علي وجودك متسبنيش تاني يا ادهم انا مصدقت لقيتك و الامل رجعلى من تاني انا من غيرك كنت ميته متسبنيش يا ادهم💔 كان ادهم بيسمع الكلام وهو واخدها في حضنه ومركز اوي وحاسس بصدي صوت بيتردد في ودنه. وفجأه سمع الكلام بيتردد جواه . 💔بكلمك كتير موبايلك مقفول هو انت زعلان منى اوي كده طيب انا اسفه بس كمان انت وعدتني انك هتفضل موجود وعدتني ان موبايلك مش هيتقفل متعملش فيا كده ارجوك اوعي يا ادهم تكون قررت تعاقبني بعدم وجودك انا لسه جوايا شويه أمل متخليش الامل يروح يا ادهم متم*وتنيش اكتر ما انا ميته حسسني انك معايا ارجوك حتي لو زعلان مني طيب طمني عليك عشان خاطري متسبنيش كده يا حبيبي.😭💔" ابتسم ادهم وحضنها جامد...وردد بصوت مسموع لتهاني. ادهم...عــــــــــهددد أرجعيلي يا عهد💔

مقالات ذات صلة

ابن ليل

تعاهدنا

لقاء كارثي

ابن ليل

تعاهدنا

لقاء كارثي

اترك تعليقاً إلغاء الرد