لقاء كارثي أميره أسامه صاحبة البطل الواحد . البارت المئه 120. ............................. قبل ساعات كتير من اتصال تقي بليله.. في المساء الكل رجع بيته بعد كام ساعه من التعب و التوتر و شدة الاعصاب الشباب وصلوا البنات ايمي ورشيد رجعوا مع مجمود طمنوا زوزو و حماده و عرفوهم اللي حصل زوزو كانت خايفه علي محمود من الجروح اللي في وشه بس هو كان كويس. قعدوا شويه و بعدين خدوا چوي و مشيوا.. طول الطريق كانوا ساكتين و ايمي عارفه انه مضايق لكن محاولتش تكلموا عشان چوي معاهم فا قررت تستني لما تروح البيت و تراضيه.. .............. عند نادين و عسال طلعوا مع بعض علي البيت راحت عشان تطلع الغيار بتاعه و كانت سيباه براحته بيتكلم مع حنان و بيحكيلها اللي حصل.. حنان....طيب يا ابني طمني انت كده قلقتني خلصت علي خير و لا ايه عسال.....خلصت يا حبيبتي ما انا بكلمك اهو لس زي ما قولتلك روحت مع نادين مش هقدر اسيبها يا امي حنان...لا يا حبيبي متسيبهاش و بعدين دي مراتك يعني اكيد لازم تبقي معاها طيب قولي سلامه كويس و ايه و الاستاذ احمد عسال....انا بكلمك عشان كده يا ست الكل كلنا بخير الحمد لله بس اكيد يعني في خبطات جروح بسيطه فا لما تشوفي سلامه متتخضيش هو كويس والله و الجروح اللي ليه بسيطه حنان.....جروح ازاي يا ميدو انتوا حصلكم ايه بالظبط عسال....ولا اي حاجه و غلاوتك عندي حتي مفيش حدفينا عنده جرح محتاج خياطه كلها جروح بسيطه اوي مش عايزك تخافي و بعدين هو لو كان في حاجه كنت سيبتوا يرجع لوحده انتي بس لما يرجع كده خليه يدخل ياخد دش دافي و يغير علي الجروح دي و يطهرها و بكره باذن الله هنروح النيابه عشان التحقيق وعرفي مصطفي ميقلقش هنخلص و هرجع عليه في المحل عشان الافتتاح حنان.....وده وقت افتتاح يا ميدو خلينا في اللي احنا فيه لولا انه نايم كنت قولتلوا يأجل يومين كمان لحد ما نطمن عليكم عسال....لا طبعاً اوعي يا امي تعملي كدن و تكسري فرحته خليه يفرح و خليه يفتح بقي مكانه و يشوف شغلوا مصطفي تعب كتير و مستني اليوم ده بفارغ الصبر و بعدين اهي حاجه تفرحما و تخرجنا من الجو ده شويه كلنا مضغوطين بالله عليكي يا ست الكل اوعي تكسري فرحته و انا عارف كويس لو عرف الصبح اللي حصل هو هيقولك هيأجل اوعي تخليه يعمل كده حنان.....حاضر والله هلاص مش هقولوا حاجه قولي نادين كويسه هي و ايه عسال....زي الفل مفيهمش اي حاجه طبعا ايه واضح ان نفسيتها زي الزفت من اللي حصل و اترعبت بجد بس هي بتحاول تكون كويسه عشان عشري و ليله كمان نفسيتهم وحشه جدا مش عايزه تبين انها مضايقه من اللي حصل ولا تبين انها مضايقه عشان المحل حنان ...اكيد طبعا اكل عيشها و رزقها و شغلها اللي بتحبوا حسبي الله في كل ظالم ربنا يعوضها بكل خير ياب و يبعد عنكم كل شر عسال....يارب يا امي بقولك ايه اديني كده ريهام حنان....خد هي سمعاك اصلا ريهام.....ايوه يا حبيبي عسال......اخبارك ايه يا ريهام ريهام....زي الفل الحمد لله المهم انتوا كلكم بخير عسال....بخير متقلقيش بقولك ايه مفيش اي حاجه حصلت في المطعم او حد حسيتي انك مش مرتاحه ليه ريهام....خالص والله يا حبيبي الشغل كويس والمكان رغم انه ماشاء الله زحمه بس الوضع هادي و الناس اللي بتيجي محترمه وانا مركزه كويس في كل التفاصيل بعيدا عن اللي سمعتوا ده كله بس كنت بحاول اعمل بنصايح ليله و ايمي فا متقلقش انا متابعه ديماً عسال....طيب الحمد لله المهم يا ريهام عايزك تركزي تاني اكتر تاخدي بالك تخلي بالك من نفسك علي قد ما تقدري البت دي مش هتجيبها البر رغم اننا كنا عارفين انها هتعمل حاجه بس محدش توقع هتعمل ايه عشان كده لازم تخلي بالك و اي حاجه غريبه تحسي بيها اوعي تتجاهلي احساسك ده اتصلي باي حد يكون قريب منك يبقي معاكي و يتصرف لحد ما نجيلك ريهام....حاضر والله انا عيزاك تطمن بس و متقلقش انا اه مش بقالي كتير في الشغل بس الحمد لله الكام يوم دول اتعلمت حجات كتير بقيت فاهمه الشغل اكتر كأني بشتغل من زمان و خدت علي الجو و الناس اللي بتشتغل هناك كمان حلوين اوي و محترمين و حبوني جدا وانا حبيتهم يعني متقلقش عسال.....طيب الحمد لله ريهام....بقولك ايه انا ليله كانت قيلالي ان يوم الافتتاح هي هتيجي تقعد بدالي و تيجي هي بليل بس ببتهيألي يعني مش حلوه خالص ان هي بعد اللي حاصل ده تنزل واضح من كلامك انها حرام مضغوطه بجد غير فرحها اللي باقي عليه كام يوم عشان كده انا بكره باذن الله هنزل و هفهم مصطفي عشان ميبقاش مضايق بعني هروح من بدري في معادي و حتي هلبس من هناك و همشي كده علي سبعه اروح شويه لمصطفي و هشوف بقي لو هينفع ارجع تاني المطعم و لا هنعمل ايه عسال.....مش عارف اقولك ايه يا ريهام بس انتي معاكي حق الوضع مش حلو خالص بجد لو شوفتي ليله هتصعب عليكي ريهام....من غير ما اشوفها يا ميدو اكيد حاسه بيها و مقدره موقفها و الضغط النفسي والتوتر اللي هي فيه مع فرحها اللي خلاص قرب و مش لاحقه تفرح بيه ربنا يكون في عونها و بصراحه ليله جميله و جدعه و مش بتقصر و مينفعش اقصر معاها عسال.....خلاص انتي روحي في معادك و افضلي هناك واهو بردوا تبقي قعدتي فتره هناك و مسبتيش الشغل و لو ليله حست انها بكره احسن هتلاقيها من نفسها جات بس انا عارف ان هي بكره راحه تقدم بلاغ رسمي في مريم يعني اكيد مش هتبقي فاضيه الصبح اوي ريهام.....حتي لو مجاتش خالص انا كده كده مكنتش هعمل حاجه مع مصطفي يعني غير اني ابقي جنبه و اكيد مصطفي هيقدر الوضع عسال....يلا خير بأمر الله المهم زي ما قولتلك عشان خاطري يا ريهام ركزي و خدي بالك و انتي في الطريق شوفي خد وراكي متتكلميش مع اي حد متحتكيش بحد متعرفيهوش متخلنيش ابقي قلقان وعقلي مشغول معاكي انتي كمان ريهام....بابتسامه هون على نفسك يا قلب اختك اينعم انا اه مكنتش بحتك بالناس كتير ولا بشتغل بس ميتخافش عليا يعني و بعدين يا عم انا تربيت صبيان و بقيت عامله زيهم و وقت الجد بقلب واد صايع ولا انت مش واثق فيا دي التعاوير و الخياطه اللي اتخيطتها بسببكم و بسببك انت بالذات تضيع الانوثه ياعم ميدو بقيت دكر عسال....بضحكه جميله دكر ايه بس ده انتي قمر وبعدين واثق فيكي اكيد بس لازم انبهك ريهام.....بابتسامه متقلقش يا حبيبي ربنا معايا و معاكم احسن من الكل بقولك ايه بوسلي نادين و عد الجمايل بقي وصل الامانه بضمير مرتاح عسال....بضحك و انا مقدرش اقول لا كله الا الامانه ريهام....بضحك ما عشان كده بقولك بضمير مرتاح عسال.....بضحك ماشي يا ستي خدي بالك من ماما و متخليهاش تقلق والنبي علي سلامه هو في الطريق ريهام....حاضر اطمن يا حبيبي عند نادين كانت في اوضتها مستنياه يخلص كلام براحته و اتصلت بيها ليله.. نادين.....الووو ليله.....ايوه يا قلبي انتي مجتيش معانا ليه ؟ نادين.....ماهو احنا عدينا من جنبكم شاورت لعشري و امحتك نايمه كنت هسلم عليكي قبل ما نمشي علي البيت و متقلقيش ميدو معايا ليله....انا معرفش نمت ازاي بس قوليلي هو ميدو ماشي طيب لو ماشي خليه يرجعك ليا هنا مش هتباتي لوحدك نادين....لا ماهو مش هيمشي هيبات معايا ليله....طيب تمام المهم متبقيش لوحدك بس نادين.....لا مش لوحدي متخافيش انتي بس اقفلي علي نفسك كويس انتي و نعيمه و لو في اي حاجه حصلت اتصلي عليا ميدو معايا هنا هيجيلك بسرعه ليله....متقلقيش يا قلبي مش هيحصل حاجه يلا روحي انتي لميدو و بكره الصبح اتصل عليكي نادين....ماشي لولي مش عيزاكي تضايقي نفسك والنبي ليله.....بهدوء متقلقيش انا بخير لمحت نادين عسال داخل عليها كانت قاعده علي حرف السرير و سايبه الباب مفتوح نادين.....ماشي بس فكي والنبي و كل حاجه هتتحل والله صدقيني ليله.....يارب يا قلبي يلا يا حبيبي روحي لجوزك واتا هقوم عشان محتاجه اخد شاور نادين....اوك بقولك انتي هتروحي امته تعملي البلاغ ده ليله....مش عارفه لسه يا نادين حسين باشا المفروض كان في مناوبه يعني اكيد مش هيكون موجود بدري يعني هقوم كده علي الساعه واحده وهتصل عليه لو موجود هروح مش موجود هستني لحد معاده هنشوف مع بعض يعني و بعدين انا لازم اروح المطعم كمان عشان افتتاح مصطفي المفروض بكره و ريهام هتكون معاه حرام هما ملهمش ذنب في اللي بيحصل ده نادين.....انتي هتروحي ليله.....مظنش مش عارفه لسه بس اكيد لا لان ايمي مش هتروح كفايه عليها مرمطه انهارده وهي اصلا كانت قايله مش هتعرف و اعتذرت لسلامه و عسال و لو رشيد هيروح مع الشباب مش عيزاها تبقي لوحدها ممكن ابقي اعدي عليه بعد بكره بدري اباركلوا عشان ميزعلش بس غالبا مش رايحه الافتتاح نادين....خلاص هنشوف بكره ليله....ماشي يا قلبي يلا تصبحي علي خير نادين....وانتي من اهل الخير قفلت نادين و بصت لعسال نادين....خلصت كلام عسال....ايوه ماما و ريهام بيسلموا عليكي و كنت بطمنهم نادين....الله يسلمهم يارب عسال....كنتي بتكلمي ليله نادين....اه هي اتصلت فكراني هبات لوحدي قولتلها انك بايت معايا عسال.....هي كويسه نادين....لا مش كويسه خالص هي بتحاول تبان كويسه بس انا حافظه ليله هي مش تمام و بصراحه حقها يعني اللي بيحصل ده كتير اذا كان احنا نفسنا كلنا متوترين و زيد عليهم بقي ان فرحها قرب لا قادره تركز في اي تفاصل و لا راحت جابت الفستان يعني اي حد في الدنيا بيتجوز الفستان ده بيتجاب قبلها بفتره و خلاص فاضل بالظبط اسبوع عسال.....ربنا يكون في عونها بصراحه انا هتجنن عليها هي و عشري بس حاسس اني متكتف مش عارف اعمل ايه بس يعني انتي والبنات نعدي بكره ده علي خير بعد بكره لازم تنزلوا معاها و تجيبوا الفستان ليها و ليكم لازم نغير الجو ده خالص متسيبوهاش و فرحوها ليله مش بتسيب حد واكيد انا مش هوصيكي عليها نادين....اكيد طبعاً يا ميدو عموما زي ما قولت هنعدي بس بكره علي خير و بعد بكره انا هقول للبنات و لازم ننزل معاها و كمان عايزه اخد حاجتها و نروح نحطها في البيت عندها هدومها وكل الحجات اللي اشترتها هاخد نعيمه و نروح نظبطاها الدنيا عشان البيت يكون جاهز عسال....اه اعملي كده فرحوها شويه كفتيه كده بجد عليها هي و عشري نادين.....ان شاء الله يلا يا حبيبي هدومك انا حضرتها في الاوضه التانيه و جهزتلك التويلت ادخل خد شاور و لما تخرج هنغير علي الجرح اللي في وشك ده عسال.....ده بسيط متقلقيش انا بس واخد خبطه في كتفي و جعاني اوي حاسس اني مش قادر احرك دراعي و غالباً كده بقت كدمه جامده حاسس بيها انا نادين.....بقلق طيب وريني كده شكلها عسال....متقلقيش بسيطه هي وجعاني عشان لسه في الاول بس نادين....طيب عايزه اشوفها انت اتخبطت في ايه عسال....شاب من الشباب كان في ايده حاجه حديد ضربني بيها وانا مش واخد بالي نادين....حديد ازاي ده اكيد كسرك عسال....لا يا قلبي هو لو كسر هتحمل كده هي خبطه بس جامده شويه نادين....طيب انا عايزه اشوفها ارفع كده يلا هدومك دي عسال.....طيب لحظه رفع ايده بهدوء و حاول يقلع قامت ساعدته عسال....ااااه استني نادين....ايه وجعتك عسال.....لا لا انا رفعت ايدي جامد براحه بس اسحبي يلا سحبت نادين التيشرت ولقت في دراعه بجنب ضهره زرقان كتير و كدمه قويه عامله زي الوان الطيف نادين....بصدمه ميدو ايه المنظر ده انت دراعك من وراء و ضهرك متدمرين اقلع التشيرت ده كمان اشوف ضهرك عسال.....طيب براحه اهدي كدمه والله انا عارف سحبت التيشرت الداخلي نادين....كدمه ايه قوم شوف في المرايا قام معاها بص في المرايا علي جسمه كان في اثر كبير زي دايره واسعه زرقاء علي احمرار علي الوان غريبه عسال.....ااااه نادين...ميدو انت متاكد ان ده مش كسر او شرخ انت لازم تعمل اشاعه و كمان لازم في التحقيق بردوا تثبت ده عسال.....مش كسر يا حبيبي لو كسر مش هقدر احرك نفسي اصلا عموما بكره هنشوف نادين....مفيش هنشوف لازم تعمل اشاغه و نطمن عسال....حاضر متقلقيش هعمل اللي انتي عيزاه بس بقولك ايه عندك اي كريم باسط للعضلات او للكدمات نادين.....اااا اه اه بيتهيالي فيه ولو مش فيه هنطلب من الصيدليه خد بس شاور الاول اكون شوفت عسال....طيب يا روحي نادين......هتقدر تاخد شاور عسال....بابتسامه اه متقلقيش نادين...طيب علي مهلك بقي و انا هشوف الكريم و اخد شاور تكون خلصت عسال....ماشي يا روحي . .................... اتصلت سلمي علي حسان تطمن عليه.. حسان....ايوه يا سلمي سلمي.....روحت يا حبيبي ولا لسه حسان.....اه يا قلبي لسه بدخل اهو و بقفل الباب سلمي....طيب الدنيا تمام كله بخير حسان....بخير متقلقيش انتوا كويسين سلمي...الحمد لله مغيرتش علي الكدمات اللي في وشك وايدك حسان.....انا جيبت غيار من الصيدليه و انا جاي بس مغيرتش لاني محتاج اخد شاور و الغيار هيتبهدل سلمي.....طيب هتعرف تعمل لنفسك حسان....اه عادي سلمي....طيب خلاص روح يلا و شويه وهبقي اتصل اطمن عليك حسان.....ماشي يا عمري يلا باي سلمي....باي قفلت سلمي و خرجت علي بره سلمي.....تامر ادخل خد شاور و غير هدومك خليني اغيرلك علي الجروح دي تامر.....الوقت هقوم سلمي....بابا انت كويس احمد....انا بخير يا سلمي سلامه الشهاده لله محلاش حد يقرب مني و بعدها الشباب دخلوا وقفوا معاه الحمد لله انها عدت علي خير سلمي....الحمد لله احمد....اطمنتي علي حسان سلمي....ايوه روح خلاص احمد....ابقي ادخلي شوفي اختك انا حاسس بيها و عارف انها مضايقه اوي سلمي.....اكيد يا بابا كملت بحزن المحل اتدمر خالص مفيهوش حاجه سليمه تامر....كل حاجه هترجع زي ما كانت واحسن اللي هي عيزاه هيتعمل تاني بس النيابه تخلص شغلها بكره و المهم انها بخير مش مهم اي حاجه تاني سلمي.....الحمد لله يلا قوم انت كمان علي ما اروح اشوفها احمد.....قوم يا ابني الدم نشف علي وشك يلا خليني انا كمان اقوم اجهزلكم اي حاجه تاكلوها سلمي.....هشوف ايه و اجي اساعدك يا حبيبي احمد....ماشي يا سلمي . دخلت سلمي لايه لقتها قاعده علي السرير و ضامه رجلها في صدرها و دموعها نازله .. قربت منها بحزن و راحت قعدت جنبها و ضمتها فضلت ايه تعيط زي الاطفال في حضنها. سلمي....بدموع والنبي ما تعيطي والله العظيم المحل هيرجع زي ما كان و احسن في ستين داهيه اي حاجه المهم انك بخير ايه.....بدموع انا والله مش فارق معايا المحل انا بس كل ما افتكر وهو بيتكسر قدامي وانا مش عارفه اتصرف اضايق كمان كنت مرعوبه يا سلمي الشباب مكانوش بيبوظوا المحل عادي في خناقه عاديه دول كانوا بيضربوا و بيكسروا كل حاجه بغل و حقد فاهمين كويس هما بيعملوا ايه يعني كانوا جايبن و قاصدين انهم يخربوا كل حاجه سلمي.....ما ده واضح يا ايه من منظر المكان و اكيد مريم معرفاهم يعملوا ايه كويس المهم انكم بخير وخرجتوا متزعليش كل حاجه بتتعوض و هياخدوا جزائهم والله ايه.....بدموع سلامه صعب عليا بجد قبل ما تامر و حسان و ميدو ومحمود يدخلوا كان خايف عليا اوي و علي بابا كان كل همه ان محدش يلمسنا هو ضربهم و بهدلهم بس في الاول كان بياخد الضرب عليه عشان بس محدش فيهم يلمسنا و الله يا سلمي مش زعلانه علي المكان قد ما زعلانه من الموقف اللي حصل انا بجد اترعبت و قلبي كان هيقف عليهم اوي مش قادره اتخيل ان في ناس الحقد و الكره يعميها بالمنظر ده و لا قادره استوعب ان في حد يرضي يعمل كده في حد عشان فلوس يعني هما ميعرفوناش و لا عمرنا اذيناهم او شوفناهم حتي ازاي قبلوا انهم يتهجموا علينا و بعملوا كل ده عشان شويه فلوس سلمي.....ضمت راسها و فضلت تحرك ايدها علي شعرها و هي دموعها نازله انتي بس عشان قلبك جميل مش قادره تستوعبي ده بس في ناس كتير يا ايه و حشين و معندهمش ضمير و مستعدين يعملوا اي حاجه مقابل الفلوس مش مهم عارفينك او اذتيهم ولا لا و لا مهم حتي انك طيبه و مش بتاذي اي بني ادم ان شالله تكوني ملاك من السماء كل ده مبيفرقش مع البني ادم اللي بتحركوا الماده يا ايه يا دي في ناس بتتأجر للقتل عشان فلوس متستغربيش الدنيا زي ما فيها الحلو فيها الوحش ايه.....بدموع الوقت انا بس حسيت قد ايه سلامه و مبدو كان معاهم حق في رفضهم لشغل لريهام في الاول كنت مضايقه منهم و اوقات كنت بشوفهم جايز يكونوا متناقدين شويه لان انا و نادين بنشتغل بس طلع معاهم حق الناس بجد مرعبه و اللي زينا يا سلمي بيدفع تمن انه متربي و محترم و مش بيقبل اي فلوس حرام و مش بيأذي حد سلمي....لا يا ايه اوعي تفكري بالطريقه دي اوعي اللي حصل ده ياثر عليكي او يخوفك انتي قويه و بتشتغلب من زمان و بتقدري تتعاملي يمكن هما معاهم حق وانا مقدره كويس خوفهم علي ريهام بس كمان اللي حصل ده انهارده قاعده شاذه و احنا كنا عارفين مين وراها يعني متخليش ده يأثر عليكي او يخليكي تخافي ايه......ليله صعبانه عليا يا سلمي اوي و عشري كمان بصراحه اول مره احس اني مضايقه عشانه كده انا حاولت علي قد مقدر مبينش اني مضايقه او فارق معايا بس والله يا سلمي وجع قلبي وهو بيعتذر و حاسس بالاحراج و انا مش. علانه منه هو ملهوش دعوه سلمي.....اكيد ملهوش دعوه هو بس غصب عنه شايف ان مريم عرفتنا بسببه فا شايل الهم و ضميره مأنبه بس اكيد كلنا فاهمين انه ضحيه و يمكن عشري صعبان عليا اكتر حد موقفه بجد مش حلو ليله كمان متنكده خالص بس احنا بقي مش هينفع نسيبهم كده و نقعد نعيط و نخاف و نتوتر اللي حصل ده ميهزناش يا ايه و لا يفرق معانا يا قلبي و زي ما عملنا المحل اول مره و تامر خلاه يجنن المرادي هيرجع احلي بكتير من الاول و عادي اعتبري ياستي انك بتجددي المكان بتعملي تغيير و اهي فرصه قبل الصيف و قبل ما تتجوزي كمان يكون المكان جاهز و جميل مش عيزاكي تعيطي ابدا او تزعلي احمدي ربنا و اشكريه كتير انك طلعتي انتي و بابا و تامر و سلامه والشباب بخير ولا ايه ايه....الحمد لله طبعاً دي اهم حاجه سلمي....اهو كده ببقي نمسح دموعنا دي و نقوم ناخد شاور حلو و نستعد لبكره عشان نطلع عنيهم و النيابه تعرف تعمل معاهم احلي واجب و نجيب حقنا اتفقنا ايه.....بهدوء ابتسمت ماشي اتفقنا سلمي.....اطمنتي علي سلامه ايه.....كان في الطريق الوقت اتصل عليه سلمي....ماشي يا قلبي يلا انا هروح اساعد بابا عشان بنحضر العشاء و اياكي تقولي مليش نفس عشان هناكل مع بعض ايه.....ماشي يا لومي هطمن بس الاول عليه و هاخد شاور واجي سلمي...باستها من خدها ماشي يا قلب لومي قامت سلمي خرجت و سابتها مسكت ايه الموبايل اتصلت عليه و طبعا صوتها باين انها معيطه وكتير كمان. ايه....الوووو سلامه.....في ايه يا أيه مال صوتك ايه...ااا لا مفيش انا بشوفك روحت ولا لا سلامه.....انا بركن انتي معيطه يا ايه صح هزت راسها كانه شايفها سلامه...ايه ايه...لا لا مش معيطه سلامه.....طب احلفي كده ايه....بدموع ابتسمت لا هو انا بصراحه معيطه بس متفهمنيش غلط مش عشان المحل والله انا بس خوفت عليك و خوفت من الموقف و خوفت علي بابا وتامر وكلكم سلامه.... بابتسامه وكلنا زي الفل اهو يبقي ليه العياط ايه.....والله كنت خايفه يا سلامه اوي من اول ما الكلب مات اصلا بس خلاص انا تمام سلامه....و حياة غلاوتك عندي يعدي بس بكره و بعد بكره هيكون المحل بتاعك بيرجع من تاني زي ما كان واحسن و مش بس كده بأمر الله هنفتح الفرح التاني بعد ما نتجوز هنا في مدينه نصر و هبقي شريك معاكي كمان يا ستي و عشان ابقي كل شويه عندك ايه....بابتسامه يا سلامه افهم والله مش زعلانه عشان المحل عادي يعني سلامه....ولو زعلانه يا ايه مش عيب ده شغلك يا ماما و مجهودك و لو مزعلتيش متبقيش بتحبي شغلك انا عارف انه مش فارق معاكي زي ما قولتي لعشري بس كمان حقك تزعلي و تضايقي و انا يا ستي بقولك اهو نعدي بكره عشان موضوع النيابه و كمان الافتتاح بتاع مصطفي و بعد بكره بامر الله هرجع كل حاجه زي ما كانت ايه.....وانا مش هخليك تعمل كده طبعا انت ملكش دعوه بموضوع المحل سلامه....هو ايه الي مليش دعوه انتي عبيطه يا بت ايه...لا مش عبيطه بس لو انت بتعمل كده عشان عشري صاحبك و مش عايزه يحس انه ليه ذنب فا عشري صاحبي واخوي الكبير و هو ملهوش اي ذنب و انت مش مطالب تشيل حاجه مش بتاعتك و الموضوع مش فلوس انت عارف كويس اني مش محتاجه و اقدر ارجعوا زي ما كان واحسن كمان سلامه....بابتسامه فتح حزام الكرسي و ايه كمان ايه....هو ايه اللي وايه كمان خلاص ليله كان معاها حق اللي خرب يصلح مش عشان محتاجين فلوسهم بس ده حقنا انت مالك بقي سلامه...طيب بصي اولا انا مش بقولك كده عاشن انتي محتاجه لان بيا من غيري انتي سيده اعمال قد الدنيا يا حلاقه قلبي و مش محتاجه حاجه ايه.....بضحك احترم نفسك حلاقه في عينك سلامه...بضحك تاني حاجه انا لا برفع حرج عن اخويا و لا برفع حرج عن اي حد انا عارف كويس ان عشري ملهوش ذنب مع اني واثق ومتاكد ان عشري مش هيسكت لحد ما يقنعني او يقنعك انه يعمل المحل عشان كده انا عايز ابدأ بعد بكره عشان ميتدخلش خالص في الموضوع ايه....وانا اكيد مش هوافق وانت اياك توافق سلامه....اكيد طبعا انا بس بفهمك ثالثا بقي وده الاهم ياللي معندكيش دم مين ده اللي ملوش دعوه و مش مطالب و الجو ده انتي كلها فتره صغيره و تبقي مراتي و مش محتاجه انك تكوني مراتي عشان تبقي مسؤوله مني و زعلك كمان بتاعي انا ايه....وانا مش زعلتنه والله يا سلامه انا بقولك بس ان الموقف كله خوفني و حسيت بتوتر وشدة اعصاب و كنت مرعوبه عليك سلامه....عارف والله كمل بابتسامه بس اقولك علي حاجه اكتر حاجه مفرحاني ان الباب بتاع البروڤا متكسرش ايه.....بضحك ده اللي فرق معاك ده المحل كله اتدغدغ سلامه....مش مهم المهم ان الباب بتاعي محصلوش حاجه ايه....لا اطمن انت اصلا مخلتهمش يدخلوا جوه سلامه...الحمد لله عدت علي خير عموما بصي احنا هنأجل كلام في موضوع المحل ده لحد بس بعد بكره لاني مش قااادر و فاصل ايه.....صوتك باين اصلاً و شكلك تعبان هو انا ممكن اطلب منك طلب و متفهمنيش غلط يا قليل الادب سلامه...بابتسامه قولي يا قليله الادب ايه....هو انا لسه قولت. سلامه....ما واضح ان في قلة ادب جايه في الطريق ايه...بضحك لا والله بس انا عيزاك لما تطلع تصورلي بطنك عايزه اعرف حصلك ايه من السكينه اللي ضربك بيها الولد سلامه....بابتسامه اولا هي مش سكينه يا هبله مش بيقطع تفاحه هو دي مطوه ايه....وانا ايش عرفني انا شوفتك من جوه خالص مخدتش بالي ايه اللي في ايده بس لما التيشرت اتقطع وانت بعدت كان هيغم عليا فكرته ضربك سلامه....وهو انا مش طمنتك و قولتلك مفيش اي حاجه انا بعدت بسرعه التيشرت اتقطع و اتخربشت كده بسيط و بعدين ما انا راجع قدامك اهو عالبيت يعني كويس ايه.....بردوا هتصورلي سلامه...بضحكه جميله بردوا مصممه يعني بتتلككي هاا سافله ايه....بضحك اتنيل يا سلامه انت مكسر اصلا هتلكك علي ايه سلامه....ااااااه مكسر بس ده انا مدغدغ مبقتش نافع خلاص ده في واحد فيهم ابن الكلب ضربني برجله في مكان ضيع مستقلبي ايه.....بضحك مبقتش نافع و ضيع مستقبلك نهار اسود مش هجيب عيال سلامه....بضحك لا استني يا ام نيه شمال مش المكان ده ايه....بضحك مش انت اللي بتقول طيب ضربك فين سلامه.....مكنتش باصص عليه بضرب في واحد تاني و تامر بيضرب فيه الواد طلع غله من تامر في ضهري اداني في اخر عضمه مش قادر اقعد ايه....بضحك يعني مش هتعرف تاخد حقنه سلامه.....بضحك ياريتها تيجي علي الحقنه يابت مش عارف اقعد بقولك ايه.....فضلت تضحك عليه باظت خالص يعني سلامه.....بضحك خالص و الله ما قادر حسيت بيها اكتر في القسم مكنتش قادر اقف ايه...طيب بعيداً عن الهزار و قله الادب ابقي اكشف طيب ممكن يكون خبطك في عضم او حاجه لو ماثره علي الوقفه يعني سلامه.....لا انا هاخد دش سخن كده و هاخد مسكن و في كريم موڤ بتاع التمارين هحط منه ايه....علي فكره الصبح هتلاقيها وجعاك اكتر لما تنام و جسمك يريح سلامه....بضحك هي ايه دي اللي هلاقيها وجعاني ايه....بضحك اتلم يا سافل انا الحق عليا اني بتكلم معاك سلامه...بضحك طب خلاص هسكت و بعدين ما انتب اللي فتحتيني قولت اشتكيلك وجعي ايه....بابتسامه سلامة و جعك يا قلبي سلامه.....بابتسامه جميله انا بحبك اوي يا ايه و ده بجد مش هزار يعني كنت خايف عليكي اوي و لولا اني حاسس انك ممكن تبقي في خطر مكنتش اتصلت باي حد و بهدلت الشباب معانا بس خوفت عليكي ايه....انا كمان بحبك و اترعبت عليك بجد عموما خلاص انسي اللي حصل انا والله كويسه و مش زعلانه و خلاص مش مضايقه الحمد لله ان كلنا بخير دي اهم حاجه سلامه...الحمد لله يا قلبي بكره هتعملي ايه هتيجي معايا الافتتاح ايه.....بس خلينا نخلص موضوع النيابه ده الاول سلامه...اه اكيد طبعا هنخلص و نتفق مع بعض بس عايزك تيجي عشان تفكي كده و نغير جو ايه.....انا عايزه اجي اكتر عشان مصطفي والله بس لو غليا مش عايزه اروح في اي مكان و عشري و ليله مضايقين كده سلامه.....لا مضايقين ولا حاجه هيجوا هما كمان غصب عنهم و هنخرجهم من جو التوتر و القلق اللي هما فيه ده لازم نغير جو كلنا ايه.....سلامه بقولك ايه هو ممكن بكره في النيابه يعني الولاد دول يكون معاهم محامي كويس و يحاولوا يثبتوا ان انا اللي موت الكلب سلامه.....هو كل شي ممكن طبعا و لازم تتوقعي انهم هيعملوا كده اكيد مش هيفضلوا حاطين ايدهم علي خدهم و مستسلمين بس كمان لازم تعرفي ان النيابه فاهمه شغلها و هيفهموا من الكلام مين اللي صح و مين اللي غلط غير الناس اللي ليله كلمتهم يعني كل ده معانا متقلقيش ايه....بصراحه ليله عملت انهارده عشاني اللي عليها وزياده عايزه اقولك اني اول ما شوفتها داخله عليا ارتاحت و اطمنت اه طبعا كنت متطمنه بيكم بس المشكله ان كلنا كنا محطوطين في نفس الحوار ليله كانت مش معانا و كنت واثقه انها هتقدر تتصرف و قبل ما تدخل انت في المره الاولي اللي دخلت هي لوحدها انا اترعبت منها والله يا سلامه الطريقه اللي اتكلمت بيها مع الظابط انا قولت الظابط وش هينزلنا كلنا الحجز و هي قبلنا خلت الظابط واقف زي العيل الصغير بقيت انا اسكتها مرعوبه انه يعند او يحس بتقليل منها بس الحمد لله عدت علي خير سلامه....اهو الواطي ده انا لو لمحتوا تاني هفرم امه كان بيعاكسها ايه....بابتسامه صدمه انت خدت بالك سلتمه....اكيد طبعا وانا عيل ولا ايه بس تعالي هنا لما انتب خدتي بالك مقولتيش ليه ايه...انا كنت في ايه ولا ايه و بعدين انا كنت عايزه نخلص و نمشي و حمدت ربنا ان عشري مكانش حاضر كان ضربوا و اتسجنا كلنا بقي سلامه.....بضحك عشري و المصحف كان قفشوا من قفاه نزلوا بايده الزنزانه ودخل معاه جوه روق عليه بس انا خدت بالي يعني امال انا ليه قولت جوزها واقف بره و اتعطل ايه.....بابتسامه ايوه صح سمعتك سلامه....قولت اديهالوا في وسط راسه اللي عامل فيها حبيب ده ايه....بس بقولك ايه اوعي تقول اي حاجه قدام عشري انت عارف عشري مجنون سلامه....انتي عبيطه اكيد لا طبعا هما ناقصين مشاكل خلاص انا خرسته ولو فكر يعمل حاجه تاني هنفخ امه ايه.....ماشي هو انت مش هتطلع بقي ولا هتقولي انتي بترغي و معطلاني سلامه....بضحك لا و انتي صادقه مش قادر انزل من الكرسي في تنميل رهيييييب ايه....بضحك يا عمري طيب يلا واحده واحده كده و ابقي اقعد في مايه دافيه سلامه....بضحك مايه دافيه ايه ياللي معندكيش دم انا والد ايه....بضحك لا مقصدش انا قصدي عشان تسحب الوجع سلامه....فتح الباب اااااه ايه.....بضحك براحه سلامه.....الله يحرقك ده كان لابس في رجله دبابه ابن الناقصه ايه كانت ميته من الضحك سلامه....بابتسامه اضحكي اضحكي و الله انتي اللي نجدك مني اننا متجوزناش لو كنا اتجوزنا كنت قولتلك اتصرفي انتي بقي و خليني اخف ايه...بضحك سلامه انت قليل الادب امشي يلا سلامه...ااااه منك لله يا ابن الواطيه بقولك ايه يلا انا قفلت العربيه وطالع اهو ايه....لا خليني معاك لحد ما تبقي قدام الشقه عشان اطمن عليك سلامه....خايفه عليا اطمني معنديش مكان سليم هيهببوا بيا ايه طيبة قلبي باظت ايه......بضحك سلامة طيبه قلبك دخل سلامه علي البيت و سحب الاسانسير سلامه.....بقولك ايه الموبايل هيقطع اكيد عشان الشبكه خليكي معايا ايه....معاك يا حبيبي ركب سلامن الاسانسير و صوته قطع شويه لحد ما وصل سلامه.....الوووو سمعاني ايه.....اه سمعتك خلاص سلامه....يلا يا قلبي انا وصلت اهو هدخل استقبل بس صويت امي والمناحه اللي هتعملها لما تشوفني و بعدين هبقي اكلمك ايه.....طيب طمنها حرام هتخاف من شكلك سلامه....حاضر يلا با حبيبي شويه و اتصل عليكي ايه.....اوك باي. سلامه....باي. فتح سلامه بالمفتاح براحه كان عايز يدخل بسرعه الاوضه يغير قبل ما تحس بيه بس لقاها في وشه هي و ريهام. حنان......بخوف يا حبيب قلبي ياخبر ابيض جرالك ايه ريهام.....نهااااار اسود سلامه....اهدوا اهدوا زي الفل اهو مفيش اي حاجه حوار بسيط ريهام.....ميدو قالنا اللي حصل بس قولي فيك حاجه سلامه....والله ولا اي حاجه زي الفل حنان....وريني بطنك وررريني سلامه.....رفع التيشرت اهو اهو خربوش التيشرت بس اللي اتقطع مفيش اي حاجه ريهام.....الحمد لله يارب حنان....لخوف طب قولي ميدو قالي هيبات عند نادين عشان متبقاش لوحدها بيكدب عليا صح اخوك فيه ايه مجاش ليه اشوفوا سلامه....والمصحف زي القرد مفيهوش حاجه و بعدين لو في حاجه هسيبوا يعني حنان....لا مش مصدقاكم سلامه....بحلف بالمصحف و لو عيزاني اتصلك بيه ڤيدو هتصل حنان....طيب يعني كويس يا سلامه اخوك مفيهوش حاجه سلامه....خابطه في حاجبه و بسيطه والله كلنا زي الفل ريهام.....فل ايه ده انتوا شكلكم اتحطنتوا سلتمه....بضحك و بتقوليها في وشي ياللي معندكيش دم و المصحف العيال متدغدغه اه اتضربنا و مل واحد خد ضربه بس هما متكسرين عيب عليكي يا واطيه ريهام....بضحك ومالك ماشي كده ليه سلامه.....بضحك واد فيهم كلني رجل يا ريهام لا عارف اقعد ولا اقف ريهام.....بضحك هي رجلوا لزقت ولا ايه سلامه.....بضحك اه لزقت يا ظريفه امشي يابت يا ام لسان طويل حنان.....انت كويس سلامه....بضحك يا ست الكل بضحك قدامك اهو و بنتك ركبتني مسرح والله بخير حنان....طيب ادخل خدلك دش يلا و انا هطلعلك لبس نضيف و اجيبلك قطن و شاش عشان اعمل اللي في وشك ده ريهام.....بضحك متنسيش البيتادين واللبوس سلامه....بضحك مسكها من شعرها و ديني ما هرحمك ريهام....بضحك بتتشطر عليا يا سلامه طب انا هرأف بحالك عشان وضعك ميسمحش الوقت سلامه.....اه يا واطيه افوق بس و هطلعوا علي عينك بقولك ايه انا ميت من الجوع ريهام....بضحك بس كده عيوني فراخ مسلوقه و شوربه بقي عشان حاله الولاده المتعسره دي حنان....بابتسامه يابت احترمي نفسك و ملكيش دعوه بيه سلامه.....بضحك شايفه تربيتك يا حنان البت مستغله اني مش قادر اجري اجيبها من شعرها ريهام......سلامتك يا قلب اختك يا قمر انت سلامه....ماشي يا جزمه بت اوعي تكوني هتأكليني بجد فراخ مسلوقه و شوربه ريهام....بضحك لا بهزر متقلقش ادخل انت بس و انا هظبطك سلامه....ماشي يا ستي ربنا يسترك و مايوقعك في ضيقه فضلت ريهام تضحك علي الماشيه بتاعته سلامه....بضحك وقف بصلها يابت اتلمي و الله ما قادر امشي حنان...امشي يا رخمه علي المطبخ وانت تعالي ورايا اساعدك و اطلعلك غيار ريهام....من بعيد وهي بتضحك ابقي اسحبي رجل الواد يا حنون سلامه....بضحك ان يا ناقصه ضحكت حنان و خدته علي الاوضه .................... عند ايمي و رشيد كان ماشي طول الطريق براحه وصلوا و دخلهم رشيد علي جوه و قفل وراه كويس فتح الباب الداخلي و بعد عشان يدخلوا قلعت چوي الموتش بتاعها و بعدين دخلت. قعدت ايمي علي الكرسي اللي جنب الجزامه كانت حاسه بألم مش قوي اوي بس كانت واخده بالها ان في الم و مقدرتش طبعا تتكلم او تقول اي حاجه لرشيد خافت تعرفوا لانه اصلا مضايق منها. قعدت و قبل ما توطي عشان تفك الرباط نزل رشيد علي ركبوا من غير اي كلمه و مسك الرباط ايمي...ااا خليك رشيد....خليكي انتي متوطيش سكتت و فك الرباط و قلعها الشوز و قام حطها في الجزامه و اداها السليبر بتاع البيت و بعدين قفل الباب بتاع البيت و قعد قلع دخلت ايمي بهدوء علي جوه چوي....مدااام اجهز عشاء ايمي......بابتسامه هاديه اتعشي انتي يا چوي اكيد جوعتي انا شويه كده هبقي اجهز و خلصي وروحي نامي لو عايزه انا مش محتاجه حاجه چوي.....تمام دخلت ايمي علي الاوضه قلعت الچاكت و مسكت بطنها و غمضت عينها و اول ما حست انه جاي علي الاوضه كان بيكلم چوي سابت بطنها و وقفت تطلع غيار بهدوء ليها و ليه. دخل رشيد قلع الچاكت و قعد علي حرف السرير قلع الشراب و بعدين وقف تاني ايمي....بهدوء اااا ادخل انت الاول خد شاور و انا هدخل بعدك و بعد كده نبقي نتعشي رشيد.....انا مش جعان و متحضريش حاجه اقعدي ارتاحي انا هخلص و علي ما تخلصي شاور هجهزلك العشاء ايمي.....لا لو مش هتاكل انا كمان مش هاكل انا بستناك كل يوم عشان مش بعرف اكل من غيرك رشيد....مش جعان يا ايمي و انتي هتاكلي عشان لازم تاكلي و متقلقيش هقعد جنبك لحد ما تخلصي ايمي....احممم لا لا خلاص انا كمان مش جعانه رشيد.....انتي سمعتي انا قولت ايه صح ايمي....بتنهيده رشيد ممكن نتكلم شويه رشيد.....معنديش كلام اقولوا ايمي....بس انا عندي ايه مش عايز تسمعني ؟ رشيد ...بصلها و قعد علي طرف السرير لا طبعا اتفضلي ايمي....احمم انا عارفه انك مضايق و عارفه كمان ان عندك حق بس انا مكنتش هقدر يا رشيد مفكرتش لحظه في اي حاجه غير اني اقوم اجري اشوف ايه حصل فيها ايه رشيد....تمام و جريتي و روحتي و اطمنتي خلاص الموضوع هلص بتبرري ايه مش عملتي اللي انتي عيزاه ايمي.....رشييييد عشان خاطري بلاش طريقه اللوم بتاعتك دي متحسسنيش اني عملت مصيبه حط نفسك مكاني انت ليه جريت انت كمان مش قلقت عليهم زي ما انا قلقت رشيد....وانا قولتلك متخرجيش و نبهت عليكي و قولتلك انا هتصرف و رهوح و هطمنك عرفت ان سلامه و الشباب متعورين و متهجم عليهم ناس كنت عامل زي المجنون انا و فضل و عشري لا قادر اجيلك اخدك حتي ولا ينفع اضيع وقت والحقهم و في الاخر انتي كسرتي كلمتي و خرجتي و سيبك من كلمتي تتكسر ولا تروح في داهيه انتي واثقه ان الموضوع معايا مش كسر كلمه و لا في بينا و بين بعض جو الاستأذان و الطاعه بتاعت الزوجين و اللي عندي ليكي اكبر من كده بكتير خلينا في الاهم اه حقك تروحي و تطمني و عاذرك علي فكره لان انا كنت في نفس الموقف بس انك تخرجي و انتي عارفه كويس ان ده في خطر عليكي لا و الخطر اللي اقصدوا مش تعبك و لا اللي في بطنك يا ايمي اكيد اتمني من ربنا انه يحفظهم و يجوا بالسلامه بس انتي اللي تفرقي معايا اكتر و الخطر اللي اقصدوا اللي ممكن يحصلك بره كان ممكن اوي يحصل زي ما عشري قال تكون بتلهينا في ايه و الشباب و هي مركزه مع حد تاني خالص و عقلي لما عرفت انك خرجتي بقي معاكي و كنت مرعوب و حاسس بقلة حيله لاني مش عارف اعمل ايه و لا اجيلك ازاي بس انتي مقدرتيش كل ده و نفذتي اللي في دماغك ايمي.....رشيد بعيدا عن كل ده اه انا عارفه كويس ان اللي بينا كبير بس حتي ميمنعش انك ليك حق طاعه عليا و انك لو رافض حاجه اكيد مش هعملها حتي لو غصب عني لانك جوزي و واجب عليا اسمع كلامك و عمري ما هكسروا بس انا لو عارفه ان الموضوع عندك كده هقعد و مش هخرج بس انا عارفه يا رشيد انك خايف عليا انا و خايف يكون في حد بره او خايف اتعب و قدرت ده بس مقدرتش انا كمان لما عرفت مكنتش هرتاح غير لو شوفتهم بعيني و بعدين انا اتوترت وانا هنا و الف حاجه وحشه جات في دماغي و انا عارفه نفسي مكنتش هرتاح يا رشيد الا لو روحت بنفسي رشيد.....وروحتي اطمنتي خلاص ايمي....اه يا رشيد بس انت زعلان وانا مش عيزاك تزعل مني رشيد ...مش مهم زعلي المهم انك مرتاحه ايمي.....رشيد بلاش كده عشان خاطري رشيد......بهدوء وانا عملت ايه انا هادي اهو مش متعصب ولا متنرفز و لا اي حاجه بكلمك بكل هدوء ايمي....و انا مش عيزاك تتكلم بهدوء عادي ازعل اتعصب قول اي حاجه بس طريقتك دي وجعاني اكتر رشيد.....خالص انا زي الفل اااا احم يلا انا هدخل تخد شاور و انتي خلصي ورايا و تخرجي عشان تاكلي ايمي.....بعند و زعل مش واكله رشيد....بطلي عند و اسمعي الكلام ايمي.....والله ما هاكل مش عايزه مش جعانه و اقولك مش عايزه اخد شاور كمان انا هغير و انام رشيد....ايميييي بلاش تعصبيني من فضلك انا ساكت و حاطت في بوئي جزمه عشان خاطر مضايقكيش فا يلا قدامي كده ادخلي انتي الاول و انا هروح اجهزلك الاكل ايمي.....رشيددد انا مش هاكل تمام و مش هاخد شاور و مش بعند يا سيدي بس مش عايزه سابته واقف قدامها و راحت طلعت لبسها طلعت كاش قصير بس تقيل و ماسك علي جسمها ليه لكلوك شبهه قلعت التيشرت و هي بضهرها و لبست الكاش و بعدين فتحت السوسته بتاعت البنطلون نزلت الكاش و سحبت البنطلون و لبست اللكلوك بتاعه زي الشراب كده. علقت الچاكت بتاعها و الچاكت بتاعه كان واقف في مكانه زي ما هو و هي عماله تشيل الحاجه و مضايقه راحت علي الحمام حطت الغيار بتاعه و بعدين راحت علي السرير بصلها بهدوء و متكلمش و لا كلمه دخل علي الحمام ياخد شاور شويه و خلص و خرج بص عليها لقاها حاطه الماسك علي عينها و نايمه خرج علي بره بهدوء وقف في المطبخ چوي كانت دخلت اوضتها حضرلها العشاء و حطاها عصير و مايه و ظبطلها الاكل و بعدين خد الصنيه و راح بيها علي الاوضه حطها جنبها علي الكومدينو و قرب منها تربيزه صغيره حط الصنيه عليها و بعدين قعد جنبها علي حرف السرير و مد ايده رفع الماسك من علي وشها فتحت عينها و بصتلوا رشيد....شاورلها بعينه علي الاكل يلا قومي كلي جهزتلك العشاء كلي عشان تاخدي الدواء بتاعك قامت بهدوء قعدت بصت علي الاكل وبعدين بصتلوا ايمي.....لو مكلتش معايا مش هاكل رشيد....انا بعيد عن اي حاجه معنديش نفس بجد مش جعان يعني مش زعلان و لا حاجه انا بس معنديش نفس ايمي....تمام اوك انا كمان مش جعانه و معنديش نفس رشيد....ايمي عشان الدواء بتاعك ايمي....خدته خلاص رشيد....طيب يبقي هتاكلي غصب عنك دواء ايه اللي خدتيه من غير اكل يلا اخلصي ايمي.....مش هاكل قولتلك مش جعانه خلاص رشيد ...بهدوء ايمي حرام عليكي اللي في بطنك بلاش تعندي هما ملهمش ذنب لعب علي ضميرها اكتر و ضايقها اكتر واتأثرت اكتر ايمي....مش جعانه لو زعلان عليهم اوي كده يبقي انت كمان تاكل رشيد....بنبره حاده شويه ما نبطل شغل العيال ده بقي هو انا اللي حامل فيهم قولتلك مش قادر اكل بصتلوا بغضب و خدت من ايده الماسك ايمي....حتي لو قولت هاكل انا بقي مش هاكل و قوم من هنا عايزه انام لبست الماسك علي عينها و نامت تاني بصلها بهدوء و كتم غضبه منها سحب من عينها تاني الماسك بصتلوا بغضب و هي مكشره بس شكلها كان حلو اوي رشيد.....بهدوء قومي كلي اكيد يعني محضرتش الاكل علي الفاضي ايمي....محدش قالك حضر حاجه رشيد....ماهو لو بأيدي انا أكل عشان هما ياكلوا كنت عملت كده و مسألتش فيكي ايمي...بصتلوا بغضب لا والله انال ايه المحاضره الطويله العريضه دي كلها مش مهم هما و انتي هم و خايف عليكي انتي و انت كداب اصلا مش هامك انا و خايف علي ولادك طيب ايه رأيك بقي مش واكله و هجوعهم و ابقي وريني بقي هتعمل ايه و قوم من جنبي بقولك عايزه انام نزلت الماسك علي وشها تاني رفع وشه للسقف ورجع بصلها و رفع الماسك تاني ايمي....بقولك ايه لو رفعته تاني هزعلك رشيد....قومي كلي ايمي.....بتكشيره مش واكله رشيد....اللهم طولك يا روح طيب هاكل خلاص معاكي ممكن تقومي تاكلي بصتلوا بهدوء كان نفسها تضحك و تبتسم عشان عارفه انه مش هيقدر يسيبها من غير اكل بس مسكت نفسها ايمي.....مسكت الماسك بأيدها وبصتلوا بغضب لاااا كل لوحدك انا قولتلك لو قولت هتاكل بردوا مش هاكل نزلت الماسك علي عينها ابتسم غصب عنه و بعدين قام من جنبها بهدوء فتح الباب و خرج رفعت حرف الماسك مكانش في الاوضه كشرت و فكرت انه خرج وسابها غاب حوالي اربع دقايق و سمعت صوت الشبشب بتاعه نزلت الماسك بسرعه دخل وقفل تاني الباب كان معاه طبق و كوبايه شاي قرب تاني قعد جنبها حط الشاي و حط الطبق بتاعه وبعدين سحب الماسك و مسك كفها سحبها قعدت و بصتلوا بغضب رشيد.....من غير ولا كلمه تاكلي يلا و انتي ساكته انا جبت طبق و اكل و هاكل يلااااا بصتلوا و متكلمتش بس من جواها كانت مبسوطه اوي هي عارفه انه مضايق و كان خايف عليها بجد بس قلبت عليه عشان يهدأ ايمي.....بهدوء اااا احممم طيب انا يعني هاكل بس علي شرط بصلها ورفع حاجبه رشيد....خير انتي كمان اللي بتتشرطي هزت راسها و شكلها كان حلو اوي و هي عامله زي العيال الصغيره ابتسم شبح ابتسامه بسيطه رشيد.....اتفضلي ايمي.....اااا يعني انت زعقت و اتعصبت و قولت كمان انك لو تقدر تأكلهم مكنتش سألت فيا فا لو عايزني اكل اااا اتأسف ضحك رشيد غصب عنه و بصلها بصدمه ابتسمت و بصت لبعيد رشيد.....نعم يا اختي ايمي....ايه اللي بيغلط بيتأسف و انت غلطت رشيد....هو مين اللي المفروض يعتذر يا نص سم انتي هو مين اللي خرج من غير ما يقول ايمي...اممم انا رشيد....مين اللي مهموش يكون في حد وراه او ناوي علي مصيبه ايمي....انا رشيد...مين اللي عند و ركب دماغه و مسمعش لا كلام دكتوره و لا خاف علي نفسه و لا حتي استني ارجع اخده ايمي....ضيقت عينها انا رشيد.....يبقي مين اللي المفروض يعتذر ايمي.....احممم انت رشيد.....بضحك مسكها من رقبتها نعم يا روح امك ايمي.....اه انت عشان اللي عملتوا ده كله و كمان زود عليهم قولت يا روح امك و قولت يا نص سم رشيد...طيب زودي كمان عليهم يا اوزعه حلو كده و مش هعتذر ايمي....ماشي براحتك عادي يعني مش واكله رشيد... بضحكه تجنن رفع حاجبه اتعدلي بدل ما اعدلك هرمونات الحمل اللي بدأت تظهر دي انا عارفها ايمي.....والله انت زعلتني رشيد....انا اللي زعلتك ايمي....اه انا اول ما جينا صالحتك و عملت اللي عليا و انت فضلت قالب المفروض بقي تعتذر يعني المفروض تكون راجل چان و چنتل و تعتذر وعشااااااني مش عشان ولادك هاااا رشيد....بضحك اااااه ماشي هطلع راجل چان و چنتل و هعتذر انا اسف مبسوطه ايمي.....بابتسامه و نظره تجنن ماشي قبلت الاعتذار رشيد.....بأبتسامه طيب ممكن تاكلي بقي ايمي.....هتاكل رشيد...هتهبب قولت خلاص يلا ايمي.....ماشي عدلت نفسها و نزلت رجلها من علي السرير قرب منها الاكل رشيد....تخلصي كل الاكل ده ايمي.....ماشي بس يعني انت خاطت لنفسك حبه صغيره و حاطت ليا كتير قصدك ايه يعني اني باكل كتير رشيد....بضحك اللهم طولك يا روح هي هرمونات انا عارف لا يا ستي انا والله اتمني تاكلي كتير بس انا حاطت ليا دول لاني بجد مش قادر اكل انما انتي مكلتيش خالص و بعدين انتوا اربعه ماشاء الله انما انا واحد يعني ده مش ليكي بس ايمي.....احمممم ماشي رشيد....ممكن نركن الهرمونات بقي علي جنب و ناكل ايمي.....طيب بدأوا ياكلوا كانت حاسه بالالم و مضايقها بس كانت بتحاول تنساه و كمان مش عايزه تقولوا خايفه من لسانه كملت اكل و هو كمان كان بياكل و فجأه سابت من ايدها الشوكه براحه بصلها رشيد.....سيبتي الشوكه ليه انا قولت تخلصي كل ده بصتلوا و حس ان عينها كلها دموع و فجأه لقي دموعها نزلت بصلها بصدمه رشيد.....ايه ده ؟ لا استني دي هرمونات بجد بقي انتي بتعيطي ليه حطت ايدها علي وشها و فضلت تعيط رشيد.....بضحك يا بنت المجانين ايمي في ايه هزت راسها بلأ رشيد.....بابتسامه ضمها طيب بس عشان خاطري انا اسف والله ممكن اعرف بتعيطي ليه بعدت عنه و مسحت دموعها براحه رشيد.....حبيبي مالك في ايه عشان خاطري ايمي.....رشيددد انا تعبانه و خايفه اقولك عسان مش هتسكت بصلها بخوف و قام بهدوء بعد التربيزه و رجع قعد جنبها رشيد....تعبانه ازاي بجد ولا بتهزري ايمي.....بجد رشيد.....طب حاسه ايه طيب في وجع و لا في ايه متخوفنيش ايمي.....اه في وجع رشيد.....طيب حاسه بيه من امته هااا طيب قومي قومي نروح المستشفي ولا اتصل بدكتوره هبه ايمي....لا لا متتصلش و انا مش هقدر اخرج الوقت تاني رشيد.....طيب اجيب اي دكتور حاسه بايه يا ايمي ايمي.....في وجع في بطني من تحت رشيد.....طيب و حاسه بيه من امته ايمي.....بقاله كتير رشيد....طب وليه مقولتيش ايمي....عشان انت اصلا متعصب و هتقولي انتي صممتي و خرجتي بس الوجع مش عشان خرجت والله رشيد....امال من ايه ما انتب تعبتي اهو ايمي....من اول ما عرفت اتوترت اوب و كمان اتوترت لما قولتلي اتصلي بليله مكنتش عارفه اوصلها الاول خوفت اكتر عشان كده مقدرتش استني لاني عارفه اني كنت هتعب اكتر رشيد.....عصبيه ايه و زفت ايه كان لازم تعرفيني يا ايمي طيب قومي معلش براحه كده و هنروح المستشفي ايمي...لا لا خلاص والله مش عايزه اروح رشيد.....يا حبيبي انتي بتعيطي يعني في وجع جامد ايمي....مش جامد اوي يعني زي اللي كان في العربيه لما كنا عند الدكتوره رشيد.....طيب اعملك حاجه دافيه تشربيها لا بس ايمي لازم نتطمن قومي بالله عليكي ايمي.....لا لا خلينا انا ممكن لما انام ارتاح انت اصلا وترتني اكتر و انت متعصب رشيد....طيب انا اسف خلاص والله اهدي بلاش تعيطي عشان متتعبيش اكتر و قوليلي اعمل ايه طيب انتي مبتسمعيش الكلام يا ايمي قولتلك بلاش تيجي ايمي.....والله انا كنت ماشيه براحه و انت بردوا رجعت براحه انا اتوترت من اللي حصل و بطني شدت عليا شويه رشيد....طيب خلاص يا روحي بلاش عياط يلا ارجعي كده لوراء و نامي قام بهدوء شال الاكل و رجعلها تاني طلع جنبها و سحبها نيمها علي دراعه باس راسها و مسح دموعها ورفع الغطاء عليها رشيد.....ممكن اطلب منك طلب ايمي....نعم رشيد.....ممكن لو الوجع زاد تعرفيني عشان نتصرف بسرعه ايمي.....حاضر رشيد....حتي لو زاد حاجه بسيطه متتحمليش و تقولي اجرب استحمل ايمي.....حاضر والله رشيد.....يلا يا حبيبي نامي قفل النور جنبه و ضمها لحضنه ايمي.....رشيددد رشيد....نعم يا قلبي ايمي.....بكره خلي محمود يجيبلي عربيتي رشيد.....حاضر سكتت شويه ايمي.....رشيد رشيد.....نعم ايمي....انت رجلك ساقعه اوي رشيد.... انتي اللي لابسه قصير و ده غلط عليكي ايه رايك اجبلك ترنج احسن ايمي....لا مش عايزه البس بنطلون رشيد.....طيب ماشي براحتك و انا هبعد رجلي عنك حط رشيد ايده علي بطنها و فضل بحركها بهدوء و بايده التانيه بيلعب في شعرها و فضلوا ساكتين شويه رشيد.....حبيبي ايمي....امممم رشيد.....ايدي و جعاكي ايمي....لا خليها حط شفايفه علي جبهتها و فضل يبوس فيها بوسات كتير هاديه و هي فضلت تفتح و تغمض عينها رشيد....حبيبي ايمي.....بصوت بيروح امممم رشيد.....لسه في وجع جامد ايمي.....لاااا رشيد.....طيب نامي يا عمري يلا لفت ايدها علي وسطه ودخلت فيه اكتر و عشر دقايق كانت طايره في حضنه.. ......................... بعد ما ليله قفلت مع نادين دخلت خدت شاور و لبست ترنج سابت الچاكت بتاع الترنج و فضلت لابسه البنطلون و التيشرت اللي بنص كم كانت حاسه انها حرانه مش طايقه اي لبس عليها من كتر التفكير و التوتر طلعت علي السرير نامت و فضلت تقلب في الموبايل و هي مش مركزه اتصل بيها عشري عرفها انه وصل و لما بطلع و باخد شاور هيتصل بيها تاني فضلت مستنياه بس كانت عينها بتغمض و عماله تقاوح في النوم مستنياه يتصل بيها و بعد حوالي ساعه الا ربع اتصل عليها كان علي السرير خلاص عشري....الوو ليله.....بصوت نايم ايوه يا عشري عشري....نمتي يا قلبي ليله...لا لا مستنياك عشري.....انا خلصت و طلعت علي السرير خلاص روحي يلا يا قلبي نامي ليله.....انت اتاخرت ليه عشري.....متأخرتش ولا حاجه والله وصلت فضل و ابويا و علي و عمر كانوا لسه تحت وقفنا معاهم شويه عرفناهم اللي حصل و بس طلعت خدت شاور وصليت ولسه طالع علي السرير اهو ليله.....ماشي انت كويس صح عشري....كويس يا حبيبي بقولك ايه انتي هتروحي بكره امته للظابط ده عشان انا بكره هروح مشوار بدري مع ابويا ليله ...رايح فين عشري....زي ما قولتلك ابويا هيروح يبلغ هو عمل كام تليفون كده و يعني هنتصرف بكره عشان كده عايز اعرف هتروحي امته عشان اجي معاكي ليله......انا مش هروح بدري يا عشري يعني افتكرت حسين باشا عنده كده شغل بليل يعني قالي هيخلص علي سبعه الصبح تقريبا و اكيد مش هيرجع علي الضهر هيرجع تاني بليل في معاده عشري.....طيب خلاص شوفي بكره هتعملي ايه انا كده كده رايح الصبح بدري و طبعا مش هصحيكي غير لما انتي تصحي و بما انك مش رايحه بدري في مكان هسيبك تنامي براحتك عشان انتي شكلك مرهق جدا و لما تصحي انتي اتصلي هكون صاحي و هعرفك عملت ايه ليله.....ماشي بس انا اكيد يعني مش هفضل نايمه كتير عشان لازم اروح المطعم افتتاح مصطفي بكره و انا وعدت ريهام انها متجيش اليوم ده و انا هروح بدالها و كمان عشان اعرف ايه و الشباب عملوا ايه في النيابه عموما وقت ما اصحي و اجهز هتصل عليك عشري.....حبيبي انتي مش رايحه الافتتاح شكلك كده ليله.....مش هقدر يا عشري لازم اقف بدل ريهام شويه و كمان لازم ابقي قريبه من ايمي هي مش هتروح و كلكم هتبقوا هناك و بصراحه مش عايزه اسيبها لوحدها لازم اتابعها كل شويه عشان ابقي متطمنه عليها ممكن بعد بكره ابقي اروح بدري كده ابارك لمصطفي و اشرب معاه القهوه و امشي عشري.....طيب يا روحي زي ما تحبي عموما بردوا لما تصحي انتي اتصلي عليا و عرفيني يومك هيمشي ازاي و انا بردوا هتابع الشباب و هعرف عملوا ايه اتفقنا ليله......حاضر عشري....ممكن يلا تنامي بقي ليله....انت هتنام امته عشري....حالا اهو انا عالسرير هاخدك في حضني و هنام علي طول ليله....بابتسامه هاديه بحبك يا عشري عشري....بابتسامه و انا بحبك يا قلب عشري تصبحي علي خير يا عمري ليله.....وانت من اهل الخير عشري.....ليله قفلتي الباب كويس ليله....امممممم قفلت متقلقش عشري....ماشي يا روحي يلا سلام ليله....باي يا حبيبي قفلوا و سابوا الموبايلات و ناموا.. ................... عند نادين و عسال الوضع كان مختلف بعد ما خلصوا شاور نادين حطتلوا كريم في ضهره و كتفه كان الزرقان جامد اوي و كان باين عليه انها وجعاه و مأريفاه خالص حضرت عشاء و كلوا بس من الوجع مكانش قادر ياكل اوي ادتلوا مسكن قعد معاها شويه لحد ما عينه بقت حمراء اوي بعدين قالتلوا يقوم ينام قام ميدو دخل في الاوضه التانيه و خرجت نادين و سابته خرجت قعدت بره شويه مكانش عندها نوم كل شويه تبص ناحيه الباب و كل ما تسمع صوت او حركه تقوم تبص من العين السحريه مكانش في اي حد صوت قطه او صوت الاسانسير بيتسحب كانت خايفه قامت بهدوء راحت علي ميدو في الاوضه فتحت بهدوء فكرتوا نام بس كان لسه صاحب و نور الموبايل منور نادين....بهدوء انت صاحي لسه؟ عسال.....اه يا حبيبي كنت بكلم سلامه بس قفلت خلاص و هنام نادين ...اوك انا كنت بشوفك بس عسال....منمتيش ليه ؟ نادين....احممم مش عندي نوم لسه بس هروح احاول انام تصبح علي خير عسال.....تويتي نادين....نعم عسال......بحبك نادين....بابتسامه و انا كمان يلا نام خرجت و قفلت الباب و راحت علي بره بصت تاني من العين السحريه و بعدين راحت تبص من الشباك و فضلت واقفه شويه و بعدين راحت علي اوضتها قفلت الباب و طلعت علي السرير قعدت تتقلب شويه مكانتش عارفه تنام مسكت موبايلها و فتحت الواتس قعدت تقلب فيه و تفتح الرسايل الكتير اللي عندها تشوف مبعوت ليها ايه فتحت الشات بينها وبين نعيمه لقتها باعته اوردرات كتير اوي مطلوبه من بدري و بعدين قفلت الشات و فضلت تبص علي باقي الشاتات لمحت رساله من ميدو. عسال....منمتيش ليه؟ نادين.....مش عندي نوم عسال.....ليه نادين.....بصراحه خايفه عسال....من ايه و بعدين انا معاكي نادين....كان في صوت بره و لاقيت القطط بتتخانق عسال.....زي الفراشه كده صح نادين.....بابتسامه لا والله العظيم كان في صوت قطط بره بجد عسال....طيب و بتكلمي مين يا هانم علي الواتس نادين.....بابتسامه ملكش دعوه عسال.....مين اللي ملهوش دعوه بتكلمي مين نادين.....بابتسامه بعتتلوا ايموشن بيطلع لسانه حبيبي عسال....بعتلها ايموشن رافع حاجبه و جنبه ايموشن مسدس نادين......بايموشنات ضحك انت رافع عليا مسدس مردش عليها و فضل متصل نادين.....روحت انت فين بقي بتكلم مين ان شاء الله و فجأه لقت الباب اتفتح صرخت و اتخضت عسال.....بضحك بسم الله نادين.....ميدو حرام عليك وقعت قلبي عسال....بضحك و الله مش قصدي اخضك فكرتي سمعتي الباب و انا بفتحوا نادين....لا مسمعتش والله عسال....طيب بتكلمي مين نادين......بابتسامه مش هقولك عسال.....بتكلمي مين نادين.....والله مش بكلم حد بفتح المسدچات اللي مبعوته و بشوف الشغل اللي نعيمه بعتاه عسال....ماشي يا ستي قرب وقعد جنبها عالسرير ممكن بقي اعرف خايفه ليه نادين....مش خوف يعني توتر بسيط بصراحه عسال....بس انا جيت معاكي عشان ميبقاش في لا خوف و لا توتر نادين.....فضلت تبص شمال و يمين بعينها و ابتسمت ايوه بس يعني المفروض لو جاي عشان تطمني تبقي نايم جنبي مش سايبني لوحدي عسال.....بحب مسك مناخيرها طب بلاش البصه دي نادين.....ااااه يا رخم عسال.....انا رخم نادين....اممم و يلا اطلع بره بقي لو سمحت روح علي اوضتك عسال....بأبتسامه عدل نفسه وسند ضهره علي ضهر السرير و بصلها و هو رافع حاجبه والله دي اوضتي و هنام هنا لو مش عاجبك اتفضلي انتي علي الاوضه التانيه و سيبني انا مع الفراشات والقطط والدبدوب الحلو ده هاخده في حضني نادين...شدته منه ده بتاعي و بعدين مفيش حد هيجي في حضنك عسال....خلاص مش عايزه هاخد المخده الحلوه دي نادين.....بتكشيره طفوليه شدتها ولا المخده كمان عسال......طب انا انام ازاي الوقت لازم احضن حاجه انتي غيرانه من المخدن و الدبوب نادين.....اااااه بغير عندك مانع ده حضني انا بس يعني ملكيه خاصيه عسال....بنظره تجنن ابتسم و فرد دراعه طيب تعالي في حضنك ابتسمت و فضلت تحرك عينها نادين.....هتنام جنبي عسال......اه و في حضنك نادين....مش هترجع تقولي مش هبات تاني عسال....بضحكه جميله لا عشان بصراحه حضنك واحشني وريحتك نادين....اااا بس يعني انا مليش دعوه انت اللي قولت عسال.....ماشي انا اللي قولت ابتسمت نادين و قعدت علي ركبها حدفت الدبدوب بعيد و بسرعه نام في حضنه عسال....بضحك كده ترمي الدبدوب علي الارض نادين.....مش عايزاه خلاص عسال......هيزعل منك نادين.....مش مهم حبيبي معايا ضمها عليه و هو بيضحك و باس طرف مناخيرها عسال....تعالي يا خوافه ضمتوا جامد و نسيت انه مش قادر يحرك ضهره و كتفه عسال....ااااااه نادين.....ايه ايه نسيت والله و جعتك عسال.....لا لا خلاص مفيش حاجه نادين....ميدو انت لازم تكشف بجد عسال......لو فضلت تعبان للصبح هكشف والله ممكن بقي يلا نامي انا هموت و انام نادين...ماشي سكتت شويه نادين.....ميدو عسال..... عيون ميدو نادين.....بابتسامه ممكن تتكلم لحد ما انام عسال....امممم عايزه ترغي شكلك نادين....لا والله بس عايزه انام و مش عارفه اقولك قول حدوته عسال....بضحكه جميله حدوته بس انا مبعرفش اقول حدوته نادين....لا بتعرف عسال.....والله ما بعرف و بعدين مش هتعجبك و هتقهدي تضحكي عليا نادين....قول اي حدوته انا موافقه و مش هضحك عليك عسال....امممم بس لو اتريقتي هخاصمك نادين....بابتسامه مش هتريق والله عسال....ماشي يا ستي صلي علي النبي نادين....بسعاده عليه الصلاه والسلام عسال....كان يا مكان في مكان بعيد اوي في السماء كان في نجمه صغير اصغر نجمه بين النجوم بس كانت بتلمع اوي و اي حد علي الارض بيشوفها من بعيد بيفكر انها كبيره بسبب ضوئها القوي.. النجميه دي كانت ديماً واقفه لوحدها كل النجوم أقرب لبعض إلا هي بعيده و مش عارفه توصلهم او هما يوصلوا ليها.. كانت بمجرد ما يبدأ النهار يروح تبدأ هي تلمع بس كان عندها مشكله واحده بس. رفعت نادين وشها وبصتلوا بهدوء نادين.....مشكله أيه ؟ ابتسم عسال و باسها بهدوء من شفايفها وبعدين بعد تاني عسال.....كانت اول ما تحس ان الليل دخل اوي و النهار خلاص راح تخاف مكانتش بتحب الضلمه ولا الوحده مكانتش بتعرف توصل للنجوم و هي شيفاهم من بعيد مع بعض و هي لوحدها نامت نادين علي جنبها و لفت ايدها علي ميدو و هي باصه ناحيته بس سرحانه و مندمجه بجد مع الحدوته و هو عمال بحرك ايده علي سلسله ضهرها كان هيموت و ينام فا كان عايز ينيمها بسرعه.. عسال....المهم في يوم كان في شتاء و مطر و غيوم كتير ماليه السماء حتي ضوء النجوم مبقاش باين اوي خافت و اترعبت و بقت عماله تعيط بس عشان حظها كان حلو القمر سمعها وقرب منها قالها بتعيطي ليه يا نجمتي قالتلوا انا خايفه و مفيش حد جنبي ومش عارفه اروح لصحابي النجوم وكل يوم بكون لوحدي و كمان عايزه انام القمر قالها خلاص متعيطيش ولا تخافي انا هفضل جنبك و مش هسيبك و يلا نامي و انا هفضل احرسك بصتلوا بهدوء و هي صوتها باين انها بتنام بس لسه بتقاوح النوم نادين....و فضل معاها عسال....بابتسامه تجنن ايوه قرب منها و فضل جنبها و قالها يلا نامي يا نجمتي انا معاكي قالتلوا طيب مش هتنام و تسيبني لوحدي قالها لا انا مش بنام بليل انا بفضل صاحي يعني طول ما انا جنبك هفضل احرسك و انتي نامي براحتك و متخافيش ابداً من اي حاجه قالتلوا بس انا بردانه و السماء واسعه عليا اوي قالها طيب قربي اكتر قربت النجمه منه اكتر و دفاها بنوره القوي و نامت جنبه و هي حاسه براحه و فضل القمر باصص عليها و واخد باله منها السماء هديت و النجوم بطلت جري و دوشه و مبقاش في غير سكون الليل و القمر و نجمته الصغيره و غمضت عينها وراحت في سابع نومه ابتسم عسال و بصلها و حرك ايده علي شعرها بهدوء و هو بيهمسلها عسال.....تصبحي علي الف خير يا نجمتي باسها بهدوء من شفايفها كانت سمعاه بس خلاص النوم حضر ابتسمت بهدوء بسيط و دفنت وشها جوه حضنه رفع عليها الغطاء اكتر و راح معاها في النوم.. .................. علي الساعه ثمانيه الصبح .. في غرفه هنا.. فضلت هنا تتقلب جامد و تحرك راسها شمال و يمين كانت عرقانه اوي و واضح انها بتشوف حلم مزعج بس مكانش مجرد حلم كان عقلها بيراجع شريط مر عليه و بتسمع اصوات هي في الحقيقه هربت منها بالنوم من كتر ما خافت نادين بدموع بسرعه من فضلكم صاحبتي جوه بتصرخ ارجوك بسرعه هما كتير و كسروا المكان. نعيمه قولي فضل يجي سلاااااااامه سلامه اتعور يا نعيمه ميدووووو حاسب يا حسان و النبي نفس الاصوات اللي كانت سمعاها من نادين بتتردد نفس الصوت العالي الغير مفهوم و التكسير القوي صوت عياط نادين و انفاسها العاليه حركتها من مكانها و هي بتقوم من الكرسي اللي قدام و بتنط وراء سحبتها لهنا و هي نايمه و خدتها في حضنها و هي عماله تتلفت شمال و يمين و ضماها في حضنها و بتتأكد ان العربيه مقفوله عليهم .. كل ده هنا كانت حاسه بيه و فكراه هي مكانتش نايمه اوي هي من كتر ما خافت فضلت مغمضه و مرعوبه لانها مش فاهمه غير ان كل ده بسبب الكلب اللي مات و الحقنه اللي شافتها عقلها فضل شغال حتي لما نامت بجد .. صحيت هنا من النوم و هي جسمها بيتنفض و قامت مخضوضه و فضلت تبص علي الاوضه و تعيط هنا.....بابييييي سلمي يا بااااابي يا سلميييي يا ايه. سمعت علا صوت جاي من اوضه هنا فتحت عينها و ركزت لقتها بتعيط قامت علا بسرعه و هي ماسكه بطنها شادي....فتح عينه رايحه فين يا حبيبتي علا....هنا بتعيط يا شادي رفع الغطاء و قام وراها بسرعه فتحت علا الباب و النور لقت وشها احمر و ميته من العياط و باين عليها انها خايفه. علا......هنا حبيبه قلبي اهدي انا هنا يا قلب مامي شادي.....بسم الله الرحمن الرحيم هنون يا حبيبي في ايه متخافيش احنا هنا هنا.....مامي بابي فييييين علا.....بس يا روحي باس تعالي في حضني بابي جابك بليل و مشي كان عاملك مفجأه عشان انا و داليدا خرجنا من المستشفي جابك عشان تفرحي لما تصحي هنا......لا بابي الناس ضربوا شادي.....بص لعلا لا لا يا روحي بابي كويس والله هو اللي جابك علا.....اهدي يا روحي متخافيش الصبح لما يصحي هخليكي تكلميه قومي تعالي في حضني هنا بكسوف بصت لعلا و هزت راسها بلا علا.....مش عايزه تيجي في حضن مامي شادي....وسعي يا غلا هي هتيجي في حضن شادي حبيبها صح بعدت هنا ايد شادي عنها و شدت الغطاء عليها لحد صدرها بصوا لبعض بصدمه شادي....ايه روحي في ايه انتي خايفه ليه انا هخرج انا و انتي بره شويه تعالي نفتح الكارتون لحد ما تنامي او لو مش عايزه تنامي خلاص علا.....تعالي نصحي يا قلب مامي هنا....مش عايزه اقوم علا.....طيب ليه يا روح مامي حركت هنا الغطاء شويه و شاورت لعلا علي السرير و هي بتحاول متخليش شادي يشوف بصت علا علي السرير لقتها عملت بيبي علي نفسها اتصدمت علا بصتلها هنا و عيطت جامد هنا...بدموع مش قصدي علا....بابتسامه هاديه طيب خلاص عادي با روحي عادي متخافيش ضمتها اوي و بصت لشادي شادي فهم و فضل باصص لعلا و لهنا علا.....ممكن يا شادي تسيبنا شويه انا و هنون لوحدنا عشان عندنا سيكريت شادي.....امممم بقي كده في اسرار عليا يعني طيب انا هخرج بره شويه خلصوا و انا مستنيكم علا....معلش روح خليك عند داليدا احسن تصحي و تعيط شادي....اوك خلصي و نادي عليا هزت علا راسها بهدوء شادي...ااا تحبي اصحي الناني تساعدك علا....لا لا خليها نايمه شادي....اوك انا بره خرج وقفل وراه الباب بصت علا لهنا مسحتلها دموعها و فضلت تمشي ايدها علي شعرها. علا.....مالك يا روحي ليه عملتي كده هنا.....مش قصدي يا مامي علا....طيب مش مهم عادي بس يعني انتي بردانه ولا خايفه هنا....انا خايفه علي بابي علا.....بابي كويس اوي متخافيش شوبه لما يصحي هخليكي تكلميه هنا....هو اتخانق و ايه كانت بتصرخ و بتعيط و نادين كمان كانت بتعيط و حضناني و كلهم كانوا بيتخانقوا علا.....هنا انتي شوفتي حاجه هنا.....لا بس سمعتهم انا كنت نايمه بس خوفت علا.....طيب متخافيش و اهدي ممكن نقوم الاول ناخد شاور و نغير هدومنا و نغير الفرش و بعدين نقعد نتكلم شويه هنا....اوك ممكن متقوليش لشادي اني عملت بيبي علا....بابتسامه و تاثر لا طبعا ياروحي مفيش حد بيعرف السيكريت اللي بين مامي و هنا صح هنا....صح علا...طيب يلا يا قمر بقي قومي جري علي التويلت و انا هجيب اللبس واجي يلا اقلعي لحد ما اجيلك عشان هناخد شاور حلو جدا هنا....اوك طيب ممكن مش تبصي عليا و انا بقوم علا.....بابتسامه بس كده يلا هغمض عيني و بسرعه علي التويلت يلا واحد اتنين تلاته اربعه خمسه قامت هنا بسرعه و سمعتها بتفتح باب الحمام و بتدخل فتحت علا عينها بهدوء و فضلت باصه عليها هنا كانت خايفه بجد شالت الغطاء و قامت بهدوء طلعت غيار لهنا و فرش جديد و راحت شالت الفرش اللي عملت عليه و فضلت تغير الفرش بهدوء و بعدين راحت خبطت علي الباب و فتحت دخلت ادتها شاور وظبطتها علي الاخر و بعدين لبستها و خرجوا علي بره سرحتها و رجعت الدنيا زي ما كانت شادي كان سامع صوتهم راح خبط علي الباب. شادي.....ممكن ادخل و لا لسه شويه علا.....ادخل بس غمض عينك الاول فتح شادي و هو حاطت ايده علي عينه شادي.....ها افتح علا....افتح فتح لقي هنا واقفه وشكلها نضيف و جميله. علا... ايه رايك بقي في المفجأه خدنا شاور عشان لما داليدا تشوف هنا نبقي حلوين و نضاف و تتعلم من هنون شادي....الله الله علي القمر ممكن حضن بقي قربت هنا منه شالها و حضنها وقعد جنب علا وهب علي رجله شادي.....انتي عارفه انك احلي من مامي هنا.....مامي كمان حلوه شادي.....باسها من خدها طبعا بس انتي بردوا احلي قوليلي بقي هو انتي شوفتي حلم وحش ولا خايفه اوعي تقولي انك خايفه احنا كبرنا و بنام لوحدنا هنا.....انا شوفت حلم وحش و كنت خايفه و عايزه بابي علا......طيب ممكن اعرف انتي ليه خايفه علي بابي علي فكره هو اللي جابك يعني كويس هنا.....بس هو اتخانق و كلهم اتخانقوا و الولاد الوحشين دول كانوا بيزعقوا و بيكسروا كل حاجه شادي.....انتي شوفتي حاجه يا هنا هنا....انا كنت في العربيه مع نادين بس هي كانت فكراني نايمه كانت وخداني في حضنها و بتعيط انا شوفت الحلم اللي حصل بجد تاني و الظابط كمان جه والكلب مات علا.... ايوه يا روحي بس خلاص دي كانت مشكله بسيطه و اتحلت يعني الظابط خد الناس الوحشه دي و مشي و يمكن كمان يكون بس سوء تفاهم لانهم زعلانين علي الكلب بتاعهم هنا......هو ممكن تقولي لبابي يا مامي يقول للظابط يخليهم في السجن عشان هما وحشين و هما بيكدبوا كمان شادي.....هما اكيد يعني هيتسجنوا لانهم وحشين بس بيكدبوا ازاي يعني هنا....عشان هما مش زعلانبن علي الكلب انا شوفت الولد هو اللي موت الكلب بصت علا و شادي لبعض علا......يعني ايه بيموت الكلب يا هنا في حد يقدر يموت روح شادي.....شوفتي ايه يا هنا و مين تاني شاف علا.....مفيش انا كنت بلعب في الالعاب بتاعت الكلاب و ايه و جدو و سلامه قاعدين علي المكتب بيتكلموا و ايه كانت مستنيه الولد يجي بالكلب عشان تنضفه ونمشي انا روحت ابص من الباب بس من غير ما اخرج شوفت العربيه وقفت و شوفت الولد اللي كان معاه الكلب بيفتح و بيخرجوا جامد و بعدين وقف فضل يبص كتير و طلع من جيبه حقنه اداها للكلب و بعدين رماها في الارض انا شوفتها و لما دخل الكلب كان كبير انا خوفت وبعدت و بعد شويه هو مشي و ايه خدت الكلب جوه هي وسلامه دخلوا في البانيو و شويه ايه قالت بابا سلامه الحقوني روحنا نشوفها لاقينا الكلب مات و هي خافت قالت معملتش حاجه لسه وبعدين هما رجعوا وكانوا بيكدبوا قالوا ان ايه موتت الكلب بالسم بس ايه معملتش كده و كانت بتصرخ علا و شادي اتصدموا علا.....انتي متأكده يا هنا هنا....ايوه يا مامي علا....جايز كنتي بتحلمي يا ماما هنا....لا مكنتش بحلم انا كنت خايفه و لما بابي جه انا كنت عايزه انام و نادين و ميدو نيموني معاهم في العربيه و لما ميدو نزل بسرعه قال لنادين اقفلي عليكي انتي وهنا واوعي تنزلي ابدا نادين كانت خايفه وبتعيط و اتصلت بالظابط و رجعت وراء حضنتني بس انا كنت خايفه و مرضتش اصحي الصوت كان عالي و كنت خايفه علي بابي و ايه شادي.....طب انتي ليه مقولتيش لاي حد اللي شوفتيه ده يا هنا ليه مقولتيش انه كان معاه حقنه و عرفتيهم رماها فين هنا.....معرفش كنت خايفه و عايزه انام هو ممكن بابي و ايه يروحوا السجن شادي.....لا لا لا مفيش حد هيروح السجن يا قلبي اطمني اللي عمل كده بس هو اللي هيروح السجن علا......تعالي يا روحي تعالي في حضني متخافيش هنا.....مامي هو انا ممكن اصحي خلاص مش عايزه انام تاني علا....ممكن طبعاً ايه رايك تقعدي تلعبي لحد ما اجهزلك الفطار هنا....اوك هي داليدا لسه نايمه علا....اه شوبه و هتصحي لما تفطري تكون صحيت و تقعدي معاها اوك هنا....اوك علا.....يلا خليكي بقي العبي و انا هجهز الفطار سابتها علا و خرجت هي و شادي و بصتلوا. علا.......شادي احنا لازم نعرف حسان مش كده شادي....اكيد طبعاً ده دليل قوي معاهم ان في حد فعلا محرض الشباب دي عليهم و لازم يعرفوا فورا عشان يلاقوا الحقنه قبل ما اي حد ينضف المكان جوه و بره علا.....طيب هو انا عارفه ان اللي هقولوا ده صعب و اكيد محبش هنا تتعرض لموقف زي ده بس بيتهيألي هنا لازم تحكي بنفسها اللي حصل ده في النيابه ولا ايه انا عارفه ان حسان ممكن يرفض خصوصا انه جابها عشان متروحش معاهم بس كلام هنا هيأكد التهمه عليهم و يمكن يوصلوا للبنت دي صح ولا انا غلط شادي.....بصراحه انا معرفش رد فعل حسان بس اكيد انتي صح هنا لازم تقول اللي شافته و بعدين دي طفله يعني مش هتكدب و جايز كمان لو الماميرات متكسرتش بره و عرفوا يرجعوا التسجيل لما يقارنوا بكلام هنا يتأكدوا علا....صح طيب ايه هو حسان قالت هيروح النيابه امته شادي....مش عارف الساعه داخله علي تسعه بصي انا مش هنام خلاص خليني اجهز الفطار و نفطر و بعدين اتصل عليه و نشوف هنعمل ايه علا...طيب ولو اتفقت معاه ياريت تروح معاهم بلاش يكون لوحده بيها انا كده قلقت اكتر من البنت دي اللي يهون عليه روح يا شادي ممكن بعمل اي حاجه شادي.....متقلقيش هروح معاه علا.....طيب تمام. ............... علي الساعه عشره اتصل شادي علي حسان و حكالوا اللي حصل كله حسان اتصدم و في نفس الوقت فرح ان في دليل في الاول قال لشادي ان هو هيقول بنفسه في النيابه الي بنته شافته بس شادي اقنعوا ان كلام هنا بنفسها هيفرق اكتر و اتفق معاه انه هيجيبها و يجي علي النيابه في المعاد و المفروض يكونوا هماك علي الساعه 12 الظهر ... الوقت كان عمال يمر راحوا كلهم علي النيابه... معادا ليله و نعيمه و طبعاً ايمي و رشيد كمان مراحوش .. اما عشري و فضل راحوا مع عشري الكبير و عمر يعملوا بلاغ في زايد و كان معاهم توصيه من حد تقيل بحكم انهم معروفين في مكانهم وصلت هنا مع شادي و خرج حسان جابهم من بره و بدأوا يدخلوا واحد وراء التاني و دخلت هنا كمان شرح حسان اللي حصل و قالهم ان لما الشرطه وصلت هو خد اذن من الظابط انه يوصل البنت لوالدتها وهو وافق و عرفهم ان هي كانت موجوده في الاول معاهم و بدأ ظابط المباحث يسأل هنا كانت في الاول خايفه بس اتكلم معاها بهدوء و حكت كل اللي حصل بكل التفاصيل و امر الظابط فورا و هو التحقيق شغال انهم يروحوا يحرزوا الكاميرات و كمان يدوروا علي الحقنه في المكان اللي وصفتوا هنا و طبعا كلهم كانوا مبسوطين جدا بشهاده هنا اللي كانت بطلة القصه بالنسبه ليهم.. و استمر التحقيق و كملوا مع الباقي نادين تدخل شويه و تقول اللي حصل و اللي شافتوا و ان هي اللي بلغت. محمود دخل و حكي اللي حصل وقال انهم بس كانوا موجودين بره عشان لو حصل حاجه بعده تامر كمان قال انه بدأ بالدفاع لما واحد فيهم قرب من والده سلامه دخل قال كل اللي حصل ايه كمان حكت اللي حصل من بدايه اليوم خالص و المسدچات اللي اتبعتت علي رسايل الصفحه و استمر التحقيق.. ............... ونفس الوضع كان عند عشري و ابوه حكوا اللي حصل من البدايه خالص و كانوا قاعدين في مكتب رتبه مهنه من معارفهم قاعده وديه و هاديه بيحكوا فيها بكل خصوصيه اللي حصل من البدايه خالص و بعد كده كتبوا كل ده في محضر و حكي كمان اللي حصل في التهديدات اللي في التسجيل و سمعوا و عرفوا اللي حصل في محل ايه .. و كل ده ليله نايمه و مش دريانه بالدنيا كانت مرهقه خالص و من يوم ما شافت مريم اول مره خالص بتراقبهم و هي عقلها شغال و زاد اكتر بمقابلتها نومها مكانش كويس توتر وقلق و شده اعصاب فا مصدقت انها ترتاح و سلمت دماغها للنوم و لاول مره حتي المنبه متسمعش صوته كانت ناويه تصحي تروح المطعم شويه لحد ما تروح بليل للظابط نعيمه كمان كانت نايمه في سابع نومه و محدش اتصل عليهم خالص .. ايمي و رشيد صحيوا بدأ رشيد يجهز عشان يروح الشغل ايمي كانت كويسه و مرتاحه و مفيش تعب عرفوا اللي حصل مع هنا كانوا فرحانين وفضلوا متابعين كل شويه معاهم.. علي الساعه واحده الضهر عشري و ابوه ووفضل و عمر رجعوا المكان كانوا مرتاحين جدا بعد ما الظابط اللي معاهم طمنهم وقالهم هيوصلها و يعملها ضبط واحضار و حكي لاخواته اللي حصل و نفسياً كان احسن كتير عن الاول.. اتصل علي الشباب يعرف عملوا ايه و خلصوا ولا لا و عرف هو كمان ان هنا شافت اللي حصل حمد ربنا و كان مبسوط جداً ان الموضوع بيوضح اكتر و ان هو عمل بلاغ و هما كمان و كده فاضل بس ليله تعمل بلاغ تالت بليل مع الظابط. قفل مع حسان و قال شويه كمان يكونوا خلصوا و يطمن عليهم.. كان هو واخواته و ابوه قاعدين و مبسوطين و جابوا فطار كمان و في وسط ماهما قاعدين جات رهف بنت علي علي الكافيه.. رهف.....بابتسامه السلاااام عليكم علي.....بابتسامه اهلااااا ايه المفجأه دي عشري الكبير.....يا هلا بقلب جدها عمر....رهوووف يا قلبي عامله ايه يابت رهف....الحمد لله بخير يا عمو علي....تعالي يا بنت الكلب هاتي بوسه سليم...هي البت دي طولت ولا انا بيتهيألي رهف....بضحك عمامي كلهم طوال يا حبيبي لازم اطلع زيهم عشري الاب.....بضحك و نسيتي جدك رهف.....بابتسامه راحت حضنتوا انت الاصل يا جدو طبعا و تيته كمان طويله سليمان....عامله ايه يارهف مبتجيش ليه رهف....والله لو سالت هتعرف اني عندي امتحانات قد كده سليمان...اه صح انتي لسه مخلصتيش رهف.....لا لسه بصت لعشري اللي مبتسم و باصصلها عشري.....براحتك هاا رهف.....يا عررررريس و حشتني عشري....بابتسامه ضمها ايه يابت القمر ده رهف....كان نفسي اقول طالعه لعمي بس انت احلي عشري.....لا يا ستي انتي اللي قمر رهف.....حبيبي يا عمو ايه الاخبار خلاص نويت تلبس البدله عشري....اه نويت خلاص مش ناويه انتي كمان تلبسي الفستان رهف....لا لسه شويه عايزني اكبر اخوك ولا ايه علي....بضحك انا راضي عايز ابقي جد ضحكوا كلهم و قرب عدي منهم و فضل وسلموا عليها علي.....اقعدي افطري معانا رهف....افطر ايه الساعه واحده انا فطرانه سته الصبح يغني المفروض اتعشي الوقت عدي.....طيب اجيبلك ايه تشربيه رهف.....انا عطشانه اوي حاسه ان الجو حر انهارده عدي.....ماشي هجيبلك مايه اجيبلك ايه تاني بقي رهف....انت شكلك كده عايز تيته تقلب عليا لا يا حبيبي انا هروح اشرب هناك عشري....بضحك علي رهف طول عمها عدي عدي....بضحك اه هطلع مسرح مش كده رهف....بضحك ليه يعني ما انت طويل عادي علي.....انتي بايته معايا مش كده رهف....لا طبعاً انا بعد بكره عندي امتحان بس بما ان بكره مفيش قولت اعدي اشوفكم تيته وحشتني و كلكم وحشتوني اوي علي...طيب باتي معانا و انا هروحك بكره الصبح وحشاني يا بنت الكلب مبقتش بشوفك رهف...والله انا مستعده تجيلك كل يوم بس لما انجح من غير تقدير متتكلمش معايا علي.....بتمسكيني من ايدي اللي بتوجعني يعني عمر ...بابتسامه انتي فاكره ان ابوكي يفق معاه طب هدديه بحاجه غير الدراسه ده كان افشل واحد فينا علي.....شايف يا باااه ابنك بيشردلي قدام بنتي عشري الاب....معاه حق ابوكي طول عمره بتاع نسوان اخر حاجه يفكر فيها العلام ضحكت رهف و ضحكوا كلهم عشري...شكلك بقي وحش علي....طب قول يا بااه في حقي كلمه زينه عشري الاب.....بضحك بس بصراحه كان بيجي اخر شهر يذاكر كويس والله و بينجح علي....اهو شوفتي عمك عمر سوسه متسمعيش منه رهف....بابتسامه حضنت عمر لا ده حبيبي عمر.....اطلع منها انت رهف......بصت لعشري عمو عروستك عامله ايه علي فكره انا بحبها اوي عشري....بايتسامه زينه يا قلب عمك هي كمان بتحبك خلاص كلها ايام و تيجي رهف.....هبقي اجي اقرفكم بعد ما تتجوزوا اينعم هسيبكم شويه عشان مبقاش عزول بس اخلص الامتحانت وافضالكم و هجيلها عشان تعلمني الرقص بصلها عشري بصدمه و ابتسم و بعدين قفش راسها تحت كتفه وكلهم ماتوا من الضحك عشري.....لسان ابوكي الزفر ده الحاجه الوحيده اللي ورثتيها منه رهف.....بضحك مش قصدي والله و بعدين الرقص فن علي فكره و بصراحه هي فنانه عشري....بضحك يابت اسكتي و حطي لسانك في بوئك الله يسامحك علي....بضحك جيبالي الكلام حتي وانا ساكت عشري الاب.....بابتسامه اترك البت يا واد ايدك تقيله عليها عشري ....خايف عليها اوي ده عايز افجرها رهف....بضحك طب خلاص مش هقول حاجه تاني والله عشري.....وانتي لسه هتقولي بقولك ايه انتي مش جايه تشوفي ستك يلا عالبيت رهف.....بقي كده بتطردني يا عريس ماشي ياعم عمر.....عدي روح مع رهف وصلها عدي....ماشي يلا يا قلب عمك الصغير رهف....بابتسامه انا معايا العربيه خليك يا عدي عدي....يلا اسمعي الكلام علي.....رهف اتركي سيارتك هنا و لما تحبي تمشي اديني تليفون هبعت حد يجيبك رهف....وليه ده كله هتخطف و لا طمعان في العربيه يا حاج علي و هتغفلني و تبيعها لو مزنوق في قرشين قولي او قول لجدو عشري.....لا هياخدها لفه يروح يلف شويه مع النسوان رهف....تفتكر علي.....شايف حفيدتك يا عم عشري عشري الكبير..... بابتسامه براحتها تسوي ما بدالها رهف....قربت منه باسته يا خراااابي ياناس علي القمر ده خدوا بالكم هو احلي و اصغر واحد فيكم عشان تبقوا عارفين بس علي....يلا يا بكاشه بنت الكلب علي البيت رهف....بابتيامه ماشي لما اجي امشي هتصل بيك علي....طيب يا قلب ابوكي عدي.....هاتي يا بت المفتاح رهف.....امسك حدفتلوا المفتاح وقربوا علي بره اتصلت بيها امينه رهف..... بابتسامه استني متعملش صوت لما اضحك علي تيته واقولها مش هاجي عدي.....هتبهدلك رهف.....ايوه يا تيته امينه....فينك يا ضنايا رهف.....مش هعرف اجي للاسف يا تيته انهارده معلش متزعليش امينه.....طيب ليه رهف....عندي مذاكره كتير معلش بقي امينه.....ماشي يا ضنايا ولا يهمك رهف.....بضحك بيتضحك عليكي علي طول كده با تيته جيالك طبعا خمس دقايق وابقي قدامك امينه....بابتسامه اكده بردك بتضحكي علي ستك ماشي يا ست رهف بنت ابوكي رهف....بضحك انا اقدر بردوا اقولك جايه و مجيش فضلت رهف تتكلم معاها و عدي عمال يبص علي عربيتها عدي....بهمس ايه يابت القرف ده حمار راكب العربيه ايه الخبطات دي رهف....ششش ماشي يا تيته يلا انا جايه باي في ايه ما تروح تقول لاخوك احسن عدي.....انتي دعكتيها في ايه كده رهف.....فين الدعك ده ده كام خربوش واحد حمار حك فيا يعني مش انا عدي.....طيب دي عايزه الحته دي تترد و تترش تاني رهف....فاضيه انا بقي الوقت في الامتحانات كده عدي.....خلصي و هاتيها في يوم نعملهالك رهف.....بضحك علي فكره في وراء عند الشنطه كمان خبطه في الفانوس عدي.....الله يهديكي كمان فين دي راح وراء يبص علي الشنطه عدي.....دي بردوا واحد حمار رهف....بضحك صراحه لا انا رجعت علي عربيه و انا بركن و كسرته عدي......اه يعني حمار مش حمار رهف.....خد بالك انا مش هرد عليك عشان انت عمي بس عدي .....عمك ايه و زفت ايه انا جالي انهيار من منظرها يلا خلينا نمشي قربت عربيه سريعه جدا ناحيه عدي لمحتها رهف رهف.......بصوت عالي حاسب يا عدددددي اااااااه صرخت وهي بتشده و العربيه خبطتها بكل قوتها في دراعها اتنطرت في حضن عدي و الكل بص علي صوت العربيه طاروا علي بره عدي.....رررررررهف الحقني يا علييييي علي....رهف ررررررهف عشري الاب......خدوها علي المستشفي بسرعه عشري طار علي عربيته و جري وراء العربيه عشري الاب......عمر روح وراء اخوك متسيبوش بسرعه معاه يا فضل بصوا علي رهف و علي عشري سليمان....روحوا وراااااه انا معاهم شالها عدي و حطها بسرعه في العربيه هو وسليم و سليمان و جري علي ركب الدنيا اتلمت و الشباب اللي شغالين و خدوها بسرعه و راحوا بيها المستشفي .. اما عشري فا كان بيجري وراء العربيه زي المجنون و عمر كمان هو وفضل وراهم كانت عربيه چيب عاليه و كل الزجاج بتاعها فيميه اقسم عشري انه ما هيسيب العربيه غير وهو جايب اللي جواها. فضل......اسرع يا عمر خلينا نشوف الرقم عشان لو خلع مننا زود عمر بنزين اكتر بقي جنب عشري و الاتنين طايرين و العربيه قدامهم طايره. .................... عند ليله مكانتش دريانه باللي بيحصل و لا عارفه اي حاجه و لما متصلتش كلهم محبوش يقلقوها عارفين انها فاضله و محتاجه ترتاح و كمان كانوا لسه مشغولين و مخلصوش.. علي الساعه واحده و نص بالظبط رن موبايلها فتحت ليله عينها بهدوء لمحت اسم تقي ردت بصوت نايم ليله....بصوت نايم الووو ايوه يا تقي تقي....بصوت مرعوب ايوه يا ليله عمتوا قمر اتصلت عليكي ؟ قامت ليله من علي السرير اتنفضت ليله.....في ايه يا تقي قمر مالها تقي......عمتو اتصلت علي بابا من شويه و هي بتصرخ و بتعيط و بتقول ان عمر مش لقياه ليله....اييييييه يعني ايه مش لقياه تقي....معرفش انا مفهمتش قالت لبابا انها نزلت بيه هو و علي وراحوا المول اللي جنبهم و من اول ما دخلوا ثواني و ملقتش عمر و اتصلت علي عمو سامح يلحقها و كلمت بابا يجيلها هو كمان و عمتو اميمه كمان راحتلها انا بلبس ونازله بابا سبقني ليله....طب اقفلي اقفلي وقفت ليله تبص في الاوضه و تجري شمال و يمين مش عارفه هي عايزه ايه عقلها وقف ثواني عن التفكير و بعدين بسرعه زي ما هي لبست بسرعه جزمتها و خدت الشنطه حطتها علي وسطها لبست كاب و و خرجت طيران من الاوضه نعيمه خرجت من اوضتها هي كمان بس باين عليها النوم لسه نعيمه.... ليله في ايه بتجري ليه ليله....وهي بتفتح الباب عمر ابن قمر مش لاقينوا نعيمه.....بخضه ايييييييبه طيب استني اجي معاكي قفلت ليله و نزلت جري علي السلالم مستنتش الاسانسير نعيمه.....ليله طيب اجيلك فين مردتش و طارت علي تحت و جريت علي العربيه فتحت و دورت و بسرعه كانت طايره قلبها كان بيدق بطريقه متتوصفش ولاد اختها عندها بالدنيا و مافيها و الصغيرين بالذات واخدين حته من روحها بسبب تعلقهم بيها و فكره ان حد فيهم يتوه او يتخطف او يحصلوا حاجه كانت مرعبه و كل اللي كان في بالها تبقي مصيبه لو مريم اللي وراها وقتها هتقلب الدنيا عليها و هتقتلها بنفسها.. كانت ماشيه علي سرعه فظيعه و عماله تروح وتيجي بين العربيات و تتعصب علي الكلاكس متصلتش باي حد لا عشري ولا صحابها ولا حد يلحقها مكانش فيها عقل كانت بتموت حرفيا و عماله تجلد في نفسها انها مقالتش لاي حد من اخواتها علي اللي بيحصل و لا حذرتهم من مريم كانت مأجله انها تقولهم لحد ما تعمل محضر و تشوفهم بنفسها عشان ميقلقوش بقت ماشيه تفكر ياتري لو مريم اللي وراها بجد هتعمل ايه فيه هتأذيه ولا هتخطفه و لا هترميه في مكان بعيد و لا هتعمل ايه ليله....بغضب و هي بتضرب علي الدركسيون هقتللللللللك و ديني لو انتي اللي وراها هقتلك يا مريم بأيدي. ................. عند عشري كان طاير زي المجنون وراء العربيه كل ما يقرب التاني يشد يرجع عشري يقرب منظر رهف و هي في حضن عدي و قاعد بيها علي الارض و عينها بتغرب خلي عقله طار اكتر مكانش عارف هي حصل فيها ايه عايشه ولا ماتت و لا فيها ايه صوتها كان في ودنه.. رهف...هبقي اجي اقرفكم بعد ما تتجوزوا اينعم هسيبكم شويه عشان مبقاش عزول بس اخلص الامتحانت وافضالكم و هجيلها عشان تعلمني الرقص خلاص والله مش هقول حاجه تاني فضل بحرك دماغه بغضب و شد علي البنزين بقي ماشي جنب العربيه راح مره واحده علي اليمين خبطوا عمر.......لا يا محمد لا يا مجنون فضل.....اعمل حاجه ياعمر اخوك هيقلب العربيه بيه قرب عشري تاني و خبط الراجل بعربيته العربيه اختل توازنها شويه فا بدأ يهدي الراجل سرعته لانه عرف ان عشري مش هيسيبوا زود عشري سرعه و بقي قدامه و فرمل بسرعه و خد سلاحه و نزل جري و عمر وفضل نزلوا هما كمان جري عليه فتح عشري باب العربيه و هو ماسك المسدس في لمح البصر سحب منه فضل المسدس عشري بكل قوته ضرب الراجل في وشه وراء بعض وراء بعض عشري.....انت مين يا ابن الكلب سحبوا بره العربيه خالص و فضل يضرب فيه مسكوا منه عمر و هو كمان طحنوا و نيموا علي العربيه من قدام عمر......وهو بينهج انطق ياض مين اللي باعتك هااااا ضربوا تاني الشاب.....مفيش مفيش انا خبطها و خوفت وجريت سحب عشري من فضل المسدس وقرب حطه في دماغه عشري..... هتصيع علينا يا ابن الــ ده انت هيطلع ــ لو ما نطقت حالا فضل مسكوا من فكه بغضب فضل.....انطق يا ض بدل ما أـــ هنا في وسط الشارع عمر.....ما تنطق يا خــ عشري.....وديني لو ما نطقت حالا لا هفرغ سلاحي في نافوخك يا ابنـ الشاب.......بتعب هتكلم هتكلم بس سيبوني سيبوني هموت والله عشري بكل غضب ضربه بضهر السلاح في مناخيره عشري......انطق يا ابن الـــ عمر.....اتكلم يااااااااض هنموتك الشاب......و هو بيكح اااه فضل....ما تخلص بكــ انت هتعمل فيها ميت الشاب.....حاضر في في واحد قالي اني هوش الشاب اللي في الصوره اللي بعتها عمر....شاب مين و فين الصوره الشاب....عالموبايل عالموبايل و الله اخر شات عالواتس بينا جري فضل بص علي الموبايل و فتحوا و فضل يقرا اللي مكتوب و لمح صوره عدي فضل....بصلهم بصدمه ولاد الوــ متفقين علي عدي عشري فضل يضرب يضرب فيه خلاه مش نافع وعمر ماسكوا ليه عشري.....مين ياض اللي بيكلمك الشاب....اااه والله العظيم واحد شوفته مره واحده امبارح بليل اداني مبلغ خمستلاف قالي اخبطوا بس متموتش والله ما كنت هموتوا و الشات قدامك قالي عايزك تعملوا عاهه او حاجه تبوظ فرح اخوه و قالي كمان بعد ما تنفذ هتاخد نص الفلوس عمر.....تعالي يا ابن ــ هتروح معانا علي القسم تقول كل ده هناك عشري....قسم ايه سيبهولي فضل......لا يا عشري سيبوا هو ميلزمناش عايزين اللي وراه ابوس ايدك بالهداون الواد اللي كلموا و متفق معاه هو اللي هيوصلنا بمريم في في ايدنا دليل يا عشري متخليناش نخسره عمر.....فضل بيتكلم صح قدامي يااااااااض فضل تعالي رانا بالعربيه انا هركب مع عشري زق عمر الواد جوه العربيه و ركب جنبه و هو ماسك السلاح حاطه في جنبه طلع عشري و اتحرك بالعربيه و وراهم فضل.. ..................... عند ليله وصلت و هي مش عارفه وصلت ازاي ركنت عربيتها ودخلت وهي بتجري زي المجنونه علي جوه و بالتليفون مع وليد لحد ما طلعت الدور اللي فيه قمر لقت اخواتها و اجواز اخواتها و قمر بتعيط عياط هيستيري جريت ليله عليها بسرعه قمر.....بانهيار ليله الحقيني يا ليله عمر راح مني يا ليله مش لاقينوا ليله..... وهي بتنهج سبتيه فين ضاع منك ازاي قمر....ملحقتش احنا يادوب دخلنا من باب المول كانوا عايزين يجيبوا حجات و يلعبوا و يتغدوا علي قالي عايز يدخل المحل يجيب لبس رياضي دخلت و عمر كان ماشي جنب علي قدامي دخلنا و روحت مع علي في البروڤا البسوا و عمر كان واقف بره البروڤا خرجت ملقتهوش بس لمحتوا واقف قدام المحل روحت احساب و قولتلوا تعالي ياعمري قالي حاضر مسافه ما حسابت و خلصت حرجت بره انا وعلي وفكراه واقف ملقتهوش قلبنا عليه الدنيا يا ليله ملهوش اثر كان قدامي وانا بحاسب والله كان قدامي بصت ليله لحمزه و وليد ليله.....حمزه وليد تعالوا معايا علي ميتسابش من ايدك و انتي نوح جنبك ماشي طارت ليله و هما و راها بيجروا و سامح و احمد عمالين يدوروا و يجروا . و للحديث بقيه..........
