لقاء كـ،ـ،ـ،ـارثي

البنات كانوا بيسمعوها بتاثر كبير اوي و عينهم مدمعه و مبتسمين

ليله…..طيب امتي بقي كانت النقله الكبيره في حياتكم

حنان…..لما ميدو تم السن القانوني و خد كل ورثه من ابوه الله يرحمه لان هو كان شغال في البترول و كان ماشاء الله عليه مرتاح مادياً هو طول ما جده كان عايش كان تحت وصايته بس عايش معايا بس هو اللي كان مسؤول عن فلوسه و ماله كله و ميدو مكانش ليه اخوات هو الوريث الوحيد و والده مكانش ليه اخوات بردوا يعني معندوش اعمام

فا طبعاً كمان اما جده اتوفي بقيت انا الوصيه عليه بس في الاول مكنتش فاهمه و لا اعرف ان ليه ورث والكلام ده عرفناه متأخر اوي جده الله يرحمه اللي لفت نظرنا قبل وفاته و الحقيقه كمان عشان منساش فضل الراجل ده كان بيساعد ميدو كتير مكانش مخليه عايز اي حاجه طول ماهو معايا و بردوا اللي كان بيبعتوا او يجيبوا كان بيسند معانا كتير يعني في الاول انا طول عمري مقدرش اطلب حاجه من حد و بتكسف حتي لو هموت مطلبش كنت ديما اتظاهر قدامه اني مش محتاجه اي حاجه خالص ولو احتاجت هقولوا هو كان في البدايه فاكر انه لو بعت حاجه يبقي بيحرجني او بيحسسني اني مقصره مع ابن ابنه فمكانش بيبعت بس شويه شويه كان يجي يدي فلوس لميدو و ولادي و كان اوقات يجيب حجات في البيت او يجيبلهم هدوم فا كان بيشيل عني حمل من غير ما يعرف.

بس لما ميدو كبر و شد حيلوا شويه يعني حوالي 16 سنه كده عملوا مصروف شهري كان حبيبي ياخدوا منه و يجي يدهوني مكنتش بوافق ولنا كان يصمم كنت اخده بس احطه علي جنب اشيله عشانه واقول لاسوء الظروف لو احتجت منه اخد محتاجتش اهم متشالين

طبعاً لما جده عرفوا و عرفني موضوع ورثه ده انا كنت خيبه خالص مش فاهمه اللي بقي جري في الموضوع ده بعدين سلامه بمجرد ما ميدو تم السن القانوني كان في لفه محترمه و وقت طويل عشان فلوسه ياخدها تقريبا قعد شهور او سنه و خد ورثه من ابوه و ورث من جده كمان و من هنا بقي

بدأت حياتنا تتغير تماماً اول حاجه ميدو عملها لما خد الفلوس طلعني عمره انا و هو وريهام سلامه وقتها معرفش يجي عشان شغلوا و مصطفي كان في دراسته و بعدها قرر اننا ننقل من البيت لبيت احسن

سلامه في الاول كان رافض كل ده و قالوا فلوسك ليك بس ميدو زعل اوي يومها و كان اول مره يفتح كل النواضيع دي و زعلوا كان كبير مش زعل عادي قال لسلامه من امته في حاجه اسمها فلوسي و فلوسكم من امته واحنا الخمسه مش واحد لان وقتها امي كانت اتوفت من فتره بسيطه و خد علي خاطره اوي و اكتئب و مبقاش يخرج من اوضته غير علي الشغل و طلع عنينا مكانش عابز ياكل في البيت و كل ما سلامه ولا حد فينا يتكلم يقولوا لا سلامه شابف انتا مش واحد مش عايز اكل منكم لحد ما قعدوا واتكلموا و ميدو اقنعواو يعملوا مشروع و يوقفوه علي رجله و فعلاً خد الشقه اللي احنا عايشين فيها كانت بالنسبالي زي الحلم قصر كبير كتير اوي علي اللي كنت بحلم بيه فرشوا احسن فرش و لما بداوا شغل والدنيا بقت حلوه جابوا اول عربيه مع بعض و طبعا كانوا قعدوني من الشغل والتعب و العربيه دي عشان يكملوا راحتي كنت فرحانه بيهم فرحه مش طبيعيه و انا شيفاهم بيكبروا قدامي و بيحققوا مع بعض اللي حلمت بيه طول عمري و اول حاجه حبهم لبعض شويه وجابوا عربيه تانيه الشغل بقي اكبر بعدها فتحوا المعرض مع الشباب و الرزق كان بيكتر راح سلامه خد شقتين ليه هو وميدو و قاله يلا خلينا ناخد شقتين في نفس البيت و يكون قريب من بيتنا و نبقي مع بعض خدوا الشقق

و الحمد لله من يومها و ربنا مخذلنيش و عوضني عوض مكنتش احلم بيه ولادي كبروا ونجحوا واشتغلوا و حققوا كتير اوي يمكن اكتر ما اتمنيت ليهم و دي كل حكايتي انا وهما باختصار يمكن في تفاصيل و مواقف صعبه مرينا بيها بس العوض بتاع ربنا نسانا كل حاجه

ليله….عشان انتي ست جميله يا حنون ربنا عوضك علي جمال قلبك و عشان ميدو اللي اهتميتي بيه و اعتبرتيه ابنك قبل ما يكون ابن اختك

حنان…..ميدو ده رزقي في الدنيا ديماً اقول الكلمه دي هو رصيدي الحلو و مش هو بس سلامه و ريهام و مصطفي ربنا كرمهم بقلب نضيف عشان يريحني و دعوة امي ليا

نعيمه…..طيب حنون يعني بباهم بعد كده بقي احسن

حنان……اه علاقته الحمد لله بولاده حلوه يمكن لما قرر انه يبعد الشيطان عن دماغه و يرجع تاني كان عايز يساعدنا بس مكناش وقتها محتاجين اوي لان سلامه كان شغال و ميدو كمان كان وقتها سلامه في ثانوي طبعا قالوا لو احتاجت هطلب منك هو وقتها كان فاتح بيت و علي قده فا حبيناش ناخد منه انا ممدتش ايدي ليه اصلاً في عز احتياجي همدها لما ربنا بدأ يفكها شويه علينا و بعد كده العلاقه اتحسنت كتير اوي بيشوفهم بيشوفوه و انا كنت حابه ان علاقتهم بيه متتأثرش باللي حصل

ريهام….علي فكره حتي ميدو علاقته بيه حلوه اوي والله ميدو ده طيب جداً و بيحب بابا و بيحترمه و يمكن بيسأل عنه و بيزورا و بيروح يشوف لو محتاج حاجه اكتر مننا كمان و بابا بيحبه اوي و علي فكره في مره طلب من ميدو انه يسامحه و بررله سبب رفضه زمان ان ظروفنا كانت علي قدها و كان خايف من المسؤوليه و ميدو اتفهم الموضوع و مش زعلان منه

سلمي…..انتي تعبتي كتير اوي يا حنون

حنان…..صدقيني كل ما التعب يزيد علي البني ادم وهو صابر و محتسب و رامي توكاله علي الله و عنده امل و واثق ان ربنا مش هيخذله عوض ربنا في النهايه بيضيع التعب و بينسي كل الوحش اللي عيشتيه و انا راضيه بكل حاجه حصلت في حياتي لان ربنا كان اكرم بكتير مما اتخيل انا كان كل طموحي اقدر اوصل بولادي بر الامان اكبرهم و اربيهم و اوقفهم علي رجلهم و اعلمهم واحافظ علي الولد قبل البنت كمان و بس و الحمد لله قدرت.

ايه…..طيب حنون يعني سؤال صغير

حنان….قولي يا قلبي

ايه….يعني انتي بتقولي كان همك انك تحافظي علي الولد قبل البنت طيب يعني بصراحه كده هو سؤال غريب شويه قدرتي ازاي تحافظي علي العلاقه بين ميدو و ريهام يعني اقصد مكنتيش بتخافي مثلا علي ريهام من ميدو في النهايه هو ابن خالتها مش اخوها

البنات اتوتروا من سؤال ايه و بصوا علي حنان.

نعيمه…..انتي عبيطه يا بنتي ده اخوها

حنان….بأبتسامه لا يا نعيمه هي بتتكلم صح

نعيمه…..يعني بجد كنتي بتخافي علي ريهام من ميدو

حنان…..كنت بخاف علي ريهام من سلامه و مصطفي قبل ميدو الفكره هنا مش انه ابن خالتها او اخوها يا حبايبي الفكره هنا انهم سنهم كان قريب من بعض طفولتهم و مراهقتهم عاشوها سوا و انا فجأه اتحولت من ست بيت قاعده بتربي ولادها لواحده اضطرت تنزل و تشتغل و تسيبهم بالساعات و معاهم ست كبيره و كان طبيعي جداً اني اخاف علي ريهام بس انا امي كانت واعيه و فاهمه و طول الوقت كانت عينها عليهم مش بتفارقهم و لما كانت تدخل المطبخ كانت ديماً تنادي لريهام تقعد معاها و تساعدها المهم متسيبهاش لوحدها

نعيمه….ايوه يا حنون بس التفكير بيفرق في التربيه يعني عمرهم ما هيفكروا في اي حاجه وحشه طول ما هما متربين و انتي ربتيهم كويس

حنان…..بصي يا نعيمه اللي يقولك ان الموضوع ده ليه علاقه بالتربيه يبقي عبيط صدقيني في اهالي ملتزمه و بتربي ولادها احسن تربيه و بتعرفهم الصح والغلط و الحلال والحرام بس للاسف السن ده خطر جدا البنت و الولد يبقول متربين و متعوب علي تربيتهم جداً بس الفضول وحش و الشيطان و النفس أوحش بكتر مرحلة المراهقه و مرحلة الطفوله من اخطر المراحل اللي الام بتتعب فيها جداً عشان تعدي بولادها بر الامان حلو اننا نعرفهم الصح و الغلط و الحلال و الحرام بس مينفعش اعلم و اسيب

لا اعلم وابقي رقيب و اراقب من بعيد لان لا ينفع نثق في النفس ولا الشيطان و لا الفضول دي مراحل خطر و بيحبوا يجربوا و يكتشفوا بيحبوا يحسوا انهم كبروا و كل مرحله فيهم العقل فيها بيكون اخطر

فا اه كنت بخاف علي بنتي جداً و كنت ببقي نازله و ايدي علي قلبي و اقول لامي و اوصيها و صايا قد كده

و مش بس ريهام حتي الولاد مع بعض كنت بخاف عليهم جداً صدقيني دي مراحل كارثه

ايمي…..صح حنون بتتكلم صح مينفعش اربي و اقول خلاص انا عملت اللي عليا و عرفتهم دينهم و عرفتهم الصح و الغلط و اسيبهم بقي لدماغهم لازم اكون وراهم ومش عدم ثقه بس زيادة حرص

حنان…..بالظبط يعني ملهاش علاقه بالتربيه خالص

نعيمه…..يعني انا المفروض لو عندي اطفال افضل طول الوقت عيني في وسط راسي.

ريهام….مش للدرجه يعني بس تراقبي

حنان….لاااااا مش كفايه اه لازم تبقي عينك في وسط راسك بصي يا قلبي تربيه الولاد مش سهله و مش اي حد
يقدر عليها لو كل ام و اب قادرين علي تربيه ولادهم مكناش شوفنا اطفال و مراهقين و شباب كبروا علي قلة الادب و انعدام الدين بس للاسف في ابهات وامهات مش قد المسؤوليه دي عشان كده ديماً اقول لولادي و ريهام بالاخص لانها هتبقي ام.

متتسرعيش في موضوع الامومه الا لو انتي شايفه انك قدها و دي حقيقه اللي شايفه انها مش قادره تكون قد المسؤوليه و لا قادره انها تبقي مسؤوله عن اطفال لسه ميعرفوش حاجه في الدنيا ولا ليها خلق و صبر متستعجلش تستني مفيش حاجه اسمها هاتي عيال وانتي صغيره عشان يكبروا معاكي

لا اكبري انتي الاول واعقلي و كوني قد مسؤوليه ارواح هتتسألي عليها يوم القيامه و بعد كده فكري في الموضوع الامومه مش طفل يا بنات افرح بيه و اجيبلوا لبس و افسحوا و اخده في حضني و فرحة بكلمو ماما و بس الامومه صعبه فوق ما تتخيلوا انتوا بتجيبوا اطفال بيكتشفوا العالم من خلالكم انتوا اطفال بتنقلوا ليهم تجاربكم كلها و تجارب اللي حواليكم و المجتمع تفهموهم كل كبيره و صغيره يبقي عندكم خلق ليهم و لزنهم واسألتهم

صبركم عليهم يبقي اضعاف تعلموا بدل المره الف و تنصحوا بدل المره الف الامومه يعني مجهود بدني و ذهني يعني نوم قليل يعني عين حتي لو نايمه فا هي معاهم ودن بتسمع 24 ساعه الامومه مش يعني بنتي او ابني يجوا يحكولي حصل معاهم ايه في المدرسه و اببي سيباهم يتكلموا و يرغوا و يحكوا عن يومهم بس انا وابفه اخلص الاكل والبيت سيباهم يتكلموا وعقلي مش معاهم غلط غلط ده اهم وقت تنتبهوا ليهم و تركيزكم يبقي في اعلي حالته لما يرجعوا يحكولكم عن يومهم سواء في مدرسه دروس حتي لو في الجامعه لان في كلام او تفاصيل بسيطه ممكن بالنسبالهم تبقي بسيطه بس انتي كا ام ممكن تكتشفي كارثه من كلامهم ممكن تلحقي مصيبه قبل ما تحصل الام ودن بتسمع طول الوقت

حتي لو الطفل رغاي بطبعه متزهقوش لان دي و ظيفتكم و انتوا اللي اختارتوا تبقوا امهات فا واجب عليكم تركزوا و تسمعوا

ليله….بابتسامه جميله معاكي حق يا حنون بجد كلامك جميل اوي

حنان…..حبيبتي يا ليله دي تجارب انا عيشتها

نعيمه…..طيب مين تربيته اصعب يا حنون الولاد و لا البنات

حنان….بابتسامه انا قولت الجمله دي لنادين وايه تقريباً قبل كده و السؤال ده انا زمان سألتوا للست اللي كنت بشتغل عندها كانت ست مسنه بس كانت جميله اوي و في مره كنت تعبانه اوي و حاسه اني علي اخري كنت بعيط وحاسه ان المسؤوليه كبيره و خايفه مقدرش عليها و اتكلمت معاها كتير و من ضمن كلامي سالتها السؤال ده يا نعيمه قولتلها اركز مع مين اكتر البنت و لا الولاد مين فيهم اصعب ردت عليا وقالتلي جملة مشيت بيها طول حياتي في تربيتهم قالتلي…

تربية الولد أشق وتربية البنت أدق فانتبه للادق واصبر علي الأشق علموا البنات الا تكون مثل روما كل الطرق تؤدي اليها ولكن تكون مثل مكة لايستطيع الوصول اليها إلا من إستطاع اليها سبيلا..

ايمي….الله

ليله…..ده ايه الجمله القمر دي

سلمي…..بجد معناها حلو اوي

حنان…..انا عيشت حياتي و الجمله دي في ودني و عقلي بيرددها ديماً

التربيه مش سهله اني اجيب كائن صغير و افضل اربي واعلم واكبر لحد ما يبقي شاب قدامي او شابه مشوار طويل و رحله مش اي حد يقدر عليها صدقوني امال ليه الجنه تحت اقدام الامهات و ليه الرسول قال امك ثم امك ثم امك ثم ابوك

الاب بيتعب و يشقي عشان يشوف ولاده احسن ناس بس الام هي قائد الرحله هي اللي يا تجيب عيال تفتخر بيهم او تجيب عيال تقرف الدنيا بحالها

وانا يا ايه كنت بخاف علي ريهام من الثلاثه مش بس ميدو و الام الواعيه تخاف علي ولادها من الهواء الطاير و متثقش عليهم مع اي حد غيرها كنت بنصح ديما ريهام تحافظ علي لبسها عشان معاها صبيان تغير في اوضتها او في الحمام و هي متاكده ان الباب مقفول متجرأش حد فيهم عليها بالهزار و من ناحيه تانيه كنت بتكلم مع الولاد افهمهم ان البنت او الست عموما ليها خصوصيه و حرمه لازم يحترموها كنت بقعد اتكلم معاهم و اقولهم جسمكم ده ملككم انتوا بس مش من حق حد يشوفوا ولا يلمسوا دي حاجه غاليه ربنا رزقكم بيها حافظوا عليها و اوعوا تخلوا حد يقرب منها عشان ربنا ميزعلش منكم و لما كبروا شويه و عدوا مرحلة الطفوله كنت بتكلم بشكل اوضح اكتر كل سن ليه طريقه توصلي للبنت او الولد فيها اللي انتي عيزاه

ايمي…..حنون انتي جميله اوي و بجد كلامك جميل انا يمكن مش صغيره بس استفادت منه كتير

ليله….بابتسامه و انا كمان والله الكلام معاكي يجنن

حنان….حبايب قلبي ربنا يفرحني بيكم و اشوفكم احلي امهات في الدنيا

سلمي….اللهم امين

امنيه….بأبتسامه ايه ولادها هيكونوا مجانين

ايمي….بضحك هي و سلامه مطرقعين اصلا

حنان…..علي فكره الام و الاب مش لازم يكونوا جد مع ولادهم طول الوقت لازم يكونوا صحاب مرحين و دمهم خفيف يتجننوا مع ولادهم يلعبوا معاهم ينزلوا لسنهم و يعتبروا نفسهم قدهم مش عيب ده بيخلق روح حلوه و علاقه جميله بينهم

ايه….ايش فهمهم دول يا حنون

تقي…..علي فكره بقي ايه هتبقي ام فرفوشه

ايه…..قلبي يا ناس و الله انتي اللي هتبقي سكر عمتك بقي هتسحب سلاح علي ولادها هي و عشري

ليله…..بضحك انا يا جزمه كنت سحبتوا عليكم و كان هيبقي معايا حق كمان انتوا عايزين قطع رقبتكم و اصلا اللي تعاشركم المفروض يبقي عندها طولة بال علي الاطفال

نسمه….بضحك بس بحس انك ملكيش خلق علي الاطفال خالص يا ليله

ليله….اناااا

سلمي……بالعكس خالص ليله بالها طويل جداً

نعيمه…..صراحه ليله بتعرف تتعامل يعني علاقتها بولاد قمر الصغيرين و اميمه و حتي الكلبه دي و اخواتها ماشاء الله تجنن انا بحس ان انا اللي خلقي ضيق

ليله…..انا بحب الاطفال جداً علي فكره و ضعيفه جداً قدامهم انا مقدرش اشوف ولاد قمر زعلانين او تعبانين و ولاد اميمه دول حبايب قلبي و تقي واخواتها كمان لا بجد انا عندي طولة بال عليهم اكتر من امهم وابوهم و اساليها

تقي…..بابتسامه جانبيه مش بكلمك

ليله….بضحك هو انا مش صالحتك يا رخمه

تقي…..لا مش متصالحه انا

ايمي….بضحك دي واطيه دي زي القطط تاكل و تنكر

تقي…..مين يشهد للعروسه

ايمي….اشهدلها يا حبيبتي مشهدلهاش ليه دي قمر

ريهام……بس اعقلكم في موضوع الامومه ده بيتهيالي سلمي

نعيمه….لو علي التربيه معاكي بس العقل مفيش عقل

سلمي….بضحك اه يا جزمه ليه مجنونه

نعيمه….لا بس عندك ربع ضايع بردوا اللي بجد هتبقي حنينه اوي نودي

ريهام….اه و نادين بردوا بصراحه بس هي و ميدو هيبوظوا عيالهم من الدلع بكره عيالهم يمشوا كلمتهم عليهم

امنيه….بضحك نادين لو حد من ولادها عيط هتقعد تعيط معاهم

ايمي….بتقولي فيها و الله تعملها

نادين….بضحك انتوا بتتريقوا عليا

حنان…..كلكم هتبقوا امهات جميله ان شاء الله

ليله….يارب يا حنون

سلمي…..حنون بيتهيألي كفايه كده اقفل علي الاكل خلاص

حنان…..اه خلاص اقفلي هما الشباب فين صحيح سايبنا كده و محدش فيهم طالعلوا صوت

ايمي…..كانوا بره شكلهم في الڤيلا هناك

حنان…..طيب خلينا ننادي عليهم بقي عشان لو هيتغدوا الاكل خلص خلاص

ايمي…..ماشي هكلم رشيد يعرفهم

…………..

بعد وقت بسيط كانوا متجمعين اتغدوا كلهم مع بعض كان الليل خلاص بيدخل بعد ما خلصوا قاموا شالوا و نضفوا المكان و رجعوا تاني قعدوا بره مع بعض كل واحد فيهم كان واخد جنب مع حبيبته و الشباب الباقين كلهم مع بعض مصطفي كان مختفي من بدري و بيعمل حاجه جوه مع نفسه في الڤيلا التانيه.

عند نادين و عسال

كانت ناديت متأثره جدا بكلام حنان عن حياتها و المعاناه اللي عاشوا فيها سنين و كانت حاسه ان كل ما بتعرف حاجه جديده عنهم خصوصا عن ميدو حبها ليه بيزيد اكتر بيكبر في عينها اكتر بتحس ان اختيارها ليه كان صح مليون في الميه.

نادين….ميدو

عسال….بحب مشي ايده علي شعرها عيون ميدو

نادين….انا بحبك اوي

عسال…..وانا كمان ياقلبي بس اشمعني

نادين….بضحكه جميله هو ايه اللي اشمعني هو يعني لازم يكون في سبب عشان اقولك اني بحبك

عسال…..اكيد لا بس انا عارف القمر بتاعي امته بيقولها و بتبقي طالعه منه كدن و امته بيكون ليها سبب

ابتسمت نادين و نامت براسها علي كفه اللي كان ممدود علي الكنبه

نادين…..امممم يعني

عسال….بضحك شوفتي حافظك انا قولي بقي اشمعني

نادين…..مفيش بس يعني كنا بنتكلم مع حنون و احنا بنجهز الغداء و حكتلنا حجات كتير عنكم وانتوا صغيرين و سيرتك اتجابت كتير يعني و حسيت اني بحبك اكتر

عسال…..بابتسامه اااه قولتيلي بقي و انا اقول مختفيه ليه و بتعمل ايه اتاريكم نقطعين في فروتي مع حنون

نادين…..لا والله بس بالخير

عسال….طيب و قالتلك ايه بقي عشان بحبك اللي اتقالت دي

نادين…..لا ده سر

عسال…..رفع حاجبه و بصلها سر عليا

نادين….اااه

عسال….ااااه

نادين…..بابتسامه ايوه اه

عسال….وانا بقي عايز اعرفوا

نادين….وانا بقي مش هقولك

مسكها بهدوء من وسطها يزغزها فضلت تضحك ضحكه جميله

عسال….بضحك هتقولي ولا لا

نادين…..بضحك هقول هقول خلاص

عسال……يلا اعترفي كنتوا بتتكلموا عليا بتقولوا ايه

نادين…..كنا بنقول ان ميدو وهو صغرر كان ووووووحش اوي

عسال…..بضحك زغزها تاني مين ده اللي وحش انا كنت قمر

نادين….بضحك خلاص خلاص والله مش قادره بصراحه كنا بنقول حجات حلوه

عسال…..زي ايه

نادين…..يعني علي شغلك وانت صغير في الماركت و علي انك كنت طيب اوي و حابب تساعد حنون كده يعني

عسال…..بابتسامه رفع حاجبه اممممم رجل اعمال من يومي خدي بالك

نادين…..بضحك مش اوي كده

عسال…..بضحك مسكها تاني رجل اعمال صغير ولا لا

نادين…..بضحك رجل اعمال يجنن

عسال….ايوه كده ناس مش بتيجي غير بالعين الحمراء

نادين….بس بجد بجد انا بحبك اوي و يعني عايزه اجيب ولد شبهك و زيك في كل حاجه

عسال….مسك خدودها و هو بيجز علي سنانه يا خرااااابي انا اللي لازم اجيب بنوته قمر اموتها من البوس و تكون نسخه منك

نادين…..بصتلوا و هي مبرقه بطريقه مضحكه تموتها من البوس لا خلاص مش هجيب بنات

عسال….بضحك ايه هنغير

نادين….اه هنغير عادي مش هتبوس بنات غيري

عسال…اممم طيب نجيب نات و ابوسهم بوسه صغيره

نادين….لا مفيش بوس

عسال…..خالص

نادين…..امممم ممكن تديني انا اوصلهم

عسال….بابتسامه تجنن ده علي كده انا ههريكي بوس

نادين…..بابتسامه ماشي موافقه

عسال…..بس انا عارفك هتطمعي في البوس كله ليكي مش هتديهم حاجه

نادين….اممم يعني ممكن مضمنش بصراحه

عسال…..بابتسامه خلاص لو مفيش بوس للبنات هقتلك لو بوستي الولاد

نادين….بضحكه جميله انا هبوس كتير اوي و بعديني يعني انا ناويه اجيب ولاد قلبوظه و عندهم خدود عشان ابوس براحتي

عسال….بضحك ناويه قررتي يعني

نادين….بضحك لا يعني ان شاء الله

عسال…..ان شاء الله يا عمري بس يكون في علمك انا بنوتي مش هتبوس ولاد خالص ممنوع

نادين…..مفيش ممنوع دي هبوس براحتي

عسال…..مفيش براحتي دي هعلقك

نادين…..تعلق مين انا و ولادي هنضربك و سع كده بقي مش قاعده معاك خلي البنات ينفعوك

عسال….بضحك مسكها خدي يابت هنا اقعدي ايه البلطجه دي اصلا

نادين….بابتسامه هو كده و مش قاعده معاك يا بتاع البنات

عسال…..انا مش بتاع بنات انا بتاع تويتي و بس

قعدت تاني و ضحكت ضحكه عبيطه و طفوليه

نادين…..امممم ماشي

عسال….بضحك ايه بيضحك عليكي بسرعه كده بكلمتين يا عبيطه

نادين….بضحك طيب بجد بقي

عسال…..قولي يا عمري

نادين….انت هتحبهم اكتر مني صح

عسال…..اممممم يعني شويه صغيرين

بصتلوا بغضب طفولي و ضيقت بين حواجبها

نادين…..طب انا غلطانه بقي اني قاعده معاك

عسال….بضحك استني طيب يا مجنونه طيب بصي يعني هحبهم اكتر سنه صغيره

نادين…..ضمت شفايفها و كشرت مش هجيبلك بنات

عسال…..بابتسامه ماهو انا مش بتكلم عن البنات بس انا بتكلم عن الاطفال عموما يعني

نادين….هتحبهم اكتر

عسال…..شويه

نادين….طب انا بقي مش جايبه ولاد خالص و ابقي شوف مكان تاني تجيب منه