لقاء كـ،ـ،ـ،ـارثي

عسال…..بضحك مسكها و ضمها و هي عماله تبعد فيه

نادين…..ابعد عني

عسال….والله بهزر

نادين….لا مش هكلمك

عسال…..وحياة نودي بهزر

بصتلوا وهي عماله تجسب عينها شمال ويمين

نادين…..بجد

عسال…..بضحكه هاديه و جميله و حياة البصه القمر دي بهزر و بعدين العبيطه لو فكرت شويه هتلاقي نفسها كسبانه الحب ده من كل مكان يعني انتي بنوتي القمر اللي بحبها و بموت فيها و بخاف عليها يعني لو حبيت بنتي القمر دي اكتر من مراتي ابقي معذور و لو حبيت مراتي اكتر من حبيبتي بردوا ابقي معذور انا بحبك بأشكال مختلفه يا عبيطه بنتي و مراتي و حبيبتي و صاحبتي و امي و اختي و كل حاجه في الدنيا

ابتسمت و سكتت و بصت قدامها

عسال….بضحك سكتنا الوقت

نادين….بصتلوا تاني بسرعه يعني مش هتحبهم اكتر مني

عسال…..اكتر منك لا بس هحبهم عشان منك يا نودي وبعدين تعالي هنا هو ايه اللي روح جيبهم من مكان تاني دي اجيبهم من السوبر ماركت يعني

نادين…..انا مالي بقي جيبهم من اي مكان يعجبك مش بتضايقني

عسال…..بنظره تجنن و جريئه غمزلها لا انا هجيبهم منك انتي هجيبهم معاكي انا و انتي هنشترك في منتج يجنن

نادين…..بابتسامه وشها احمر و اتكسفت علي فكره يعني انت مش مؤدب يا ميدو

عسال….بضحك انا طب ليه انا قولت حاجه ؟

نادين….بابتسامه اه بتقول كلام عيب

عسال…..طب هاتي كلمه واحده بس عيب قولتها انا اللي بنوتي بقت قليله الادب

نادين….ااا انا لا خالص انت اللي قولت

عسال…..بأبتسامه طب هتشتركي معايا

نادين …بابتسامه اااا انا رايحه اجيب مايه

عسال….لو قومتي هبوسك

نادين….بضحك ميدو خليك مؤدب اوعي تعمل كده كلهم قاعدين

عسال…..خلاص اقعدي و اياكي تقومي

نادين…..بابتسامه طيب متقولش حاجه قليلة الادب

عسال….بابتسامه لا انا براحتي علي فكره و هقول

نادين….بضحك ميدو هعيط والله خلبك مؤدب انت ايه اللي جرالك

عسال…..بابتسامه اقولك بصراحه

نادين……بضحك مش ضامنه صراحتك دي مؤدبه ولا قليله الادب

عسال….اقوووول

نادين….اممم قول

عسال…..عايز بوسه

نادين…..بضحك طيب وسع كده

مسكها من وسطها و هو بيضحك معرفتش تقوم

نادين…بضحك ميدوووو سيبني هزعل منك

عسال….مش هسيبك انا مش عارف اتلم عليكي اصلاً من وقت ما جيينا

نادين…..هو انا بسيبك يا كداب ده انت طول الوقت ماسك ايدي و مش بتسيبني غير علي النوم

عسال…..انتي مش عاجبك ولا ايه

نادين…..بضحك طب سيبتي و انا ارد عليك انت مطتفني و اكيد حتي لو مش عاجبني مش هعرف اقول

عسال…..بضحك ده علي اساس يعني اني لو سيبتك هتقدري تقولي مش عاجبك صح

نادين….بضحك طب سيبني و انا مش هقول

عسال…..ماشي اهو سيبتك عاجبك ولا لا

نادين….بصت شمال و يمين ااااا

عشال…..بضحك البصه دي وراها خيانه

قامت نادين جريت و هي بتضحك

نادين….مش عاجبني

عسال…….بضحك انا قولت في خيانه والله ما هسيبك.

قام جري وراها و هي عماله تجري و تضحك و تلف حوالين القعدات اللي بره

عشري…..بس يا حبيبي العبوا مع بعض

ليله…..هببتي ايه في الراجل كان قاعد عاقل

نادين….بضحك هو اللي بيجري ورايا

عسال……اه يا كدااااابه انا هوريكي

نادين…… بضحكه جميله ضحكتهم عليها عشري ابعد صاحبك عني

عشري….بضحك بره عني اتنين متجوزين مليش فيه

نادين…انا اختك يا عشري الحقيني يا ليله و النبي

ليله كانت نايمه في حضن عشري و بتشرب سيجاره

ليله…..بضحك بت كفايه لف قدامي انتي وهو دوخت و بعدين تستاهلي اكيد انتي اللي نكشتيه

عسال…..قوليلها يا ليله

نادين….بضحك والله كداب طب اقولهم كنت عايز ايه

وقف عسال مكانه و بصلها بصدمه وهو بيضحك عملت زي العيال الصغيره و فضحته من تلميح

عشري….بضحك بص وراه لعسال كنت عايز ايه ياض

ليله…..بضحك اااااااه شامه ريحة انحراف في الموضوع

ايمي ورشيد كانوا قاعدين قريب منهم و سمعوهم و ضحكوا

ايمي…..ما تسيبيه يا فوزيه

عسال….بضحك انتي بتطلعيني نسرح ده انتي يومك مش فايت

رشيد….جرستك

عسال….بضحك استنوا انتوا فاهمين غلط

عشري….بضحك نودي فاهمين غلط زي ما بيقول

نادين…..بضحك لا صح

عسال….بضحك طب والله ما انا سايبك

جري وراها بقت تضحك و تصوت و هو متغاظ منها و في نفس الوقت هيموت من الضحك

من ضحكهم و صواتهم الكل ركز معاهم و بقي يضحك عليهم جريت حوالين البسين

عسال…..بضحك اقفي اقفي هتقعي والله

نادين….بضحك طيب امشي بعيد

عسال…..طب خلاص والله هتتزحلقي

نادين……طب روح اقعد هناك

عسال……ريهام اقفي البت دي

نادين…..بضحك لا ريهام انا بحبك

عسال….لا حبيبي مش همسكها انتي عملتي فيه ايه

نادين…..معملتش والله هو اللي عمل

عسال….بضحك وهو بيجري عليها قبل ما تفضحوا باااااااس

جريت نادين و هي بتضحك

حنان…..يا ابني اسكت شويه هتقع اجري بعيد عن هنا

نادين…..بضحك حنون انا في حمايتك

حنان…..هاااا هتقرب منها و هي في حمايتي

عسال….بضحك لا خلاص بس مش هسيبك علي فكره

طلعتلوا لسانها و حنان فضلت تضحك عليهم عمل نفسه رايح يقعد

حنان….يلا اي خدمه

نادين….حبيبتي انتي يا حنون

راحت حنان عشان تقعد اول ما لمحها بعدت عنها جري عليها واول ما شافته بيجري صرخت و جريت

وبسرعه قبل مايمسكها نطت في البيسين كلهم فطسوا من الضحك و اتصدموا من المجنونه اللي حدفت نفسها بهدومها و اتصدموا اكتر من المجنونه اللي نط وراها

ليله…..بضحك هما مالهم

عشري….بضحك مش عارف الواد اتجنن

حنان…..يا ابني بطل جنان هتتعوروا من الجري ده

عشال……ابتسم و رفع حاجبه و هو بيقرب منها انتي بتنطي في البيسين فكراني هسيبك

نادين…..بضحك والله نطيت عشان خوفت و انت بتجري ورايا

عسال……بضحكه جميله طب تعالي

نادين….بضحك اسكت بقي منظرنا بقي مسخره

عسال…..بتفضحبني ده انتي يومك مش فايت

نادين….بضحك انا مقولتش حاجه هما اللي فهموا لوحدهم الحق حسان بيصورنا

عسال…..بص عليه و ضحك صورني بقي وانا بخنقها

حسان…..بضحك انا عايز اقولك اني مصوركم من وانتوا بتجروا وراء بعض انا وسلمي و جيبت النطه بالظبط

عسال…..بضحك صورتنا واحنا بننط

حسان….اه والله و الڤديو تحفه انتي عملتي ايه يا مصيبه

عسال….بضحك هو مفيش غير السؤال ده

نادين…..بضحك حسان انقذني منه و انا افتن عليه

عسال….بضحك لا انا مش هسيبك بجد راح بسرعه عليها و مسكها و هي عماله تصوت و تضحك

ايه…..جدع يا ميدو غرقها بقي

نادين…..يلا يا جزمه بعرف اعوم

ايه…..المايه ساقعه

نادين….بضحك لا حلوه و ده اللي فارق معاكي اصلا

عسال….بهمس مسك دراعها تعاليلي هنا بقي

نادين….بضحك طيب نتصالح والله خلاص

عسال…..هنتصالح بشروطي

نادين…..ماشي موافقه

عسال…..عايز بوسه

نادين….بضحك ماشي هبقي اديك

عسال….لا معلش بقي الوقت

نادين….بضحك و هي مصدومه انت اكيد مجنون جرالك ايه قدام كل دول

عسال….بضحك ما كنا عاقلين و قاعدين في حالنا بس بما انك فضحتيني خلاص بقي خربت

نادين…..بضحك ميدو بجد متبقاش رخم مش هعرف

عسال…..بأبتسامه تجنن طب خلاص صالحتك بس مش هتنازل عن البوسه

نادين…..يعني اتصالحنا خلاص

عسال…..بحب اه اتصالحنا خلاص

ابتسمت نادين و مسكت في دراعه

عسال….يلا هقول لحد من البنات يجيبلك فوطه و اطلعي غيري بسرعه عشان متبرديش

نادين…..خلينا شويه المايه سخنه اصلا و بعدين خلاص نزلت و اتغرقت

عسال…..بجد مش عايزه تطلعي

نادين…..خلينا شويه اه

عسال….ماشي يا قلبي خلينا بس مش كتير

نادين….ماشي طيب تعالي نلعب بقي

عسال…..يلا يا قلبي

………….

عند تقي و عدي

تقي…..انا عمري ما سافرت اصلا

عدي….خالص

تقي…..خالص والله بابا مش بيرضي اصلا يعني سافرت كام مره كده بس جوه مصر مره كان كامب بنات و مره مع تمارا و كام واحده من صحابي و مره مع ليله و طبعا سافرت مع بابا و ماما و اخواتي كتير

عدي….طيب ما الدنيا حلوه اهي عايزه ايه بقي

تقي….عايزه اسافر بره مصر عايزه اسافر مع صحابي علي الاقل مره في السنه بس هو مش بيوافق

عدي….طب ما انتي لسه قايله انك سافرتي معاهم

تقي….ايوه بنات بس

عدي…..طب وانتي عايزه تسافري مع مين ان شاء الله غير بنات بس

تقي….مع صحابي عادي يا عدي و بعدين احنا هنقعد في فندق و كل واحد ليه اوضه يعني

عدي…..لا مينفعش يا تقي هو صح

تقي…..طيب ليه صح و ليه مينفعش

عدي…..عشان مينفعش

تقي…..لا ماهو لازم يكون في سبب و بعدين ما انا موجوده هنا معاكم اهو فرقت ايه

عدي…..لا فرقت كتير اولا انتي هنا مع ليله و مع البنات و معانا حنون يعني حد كبير معاكي جوز عمتك معاكي شباب كلهم كبار و في بينكم معرفه اشبه للقرابه

تقي….اديك بتقول اهو اشبه للقرابه بس هما مش قرايبي

عدي….بس في بينكم معرفه عن طريق البنات اصلا و مثلا نادر و تامر و محمود انتي تعرفيهم من زمان

تقي….طيب ما انا اعرا ادهم و حدوته و صحابي من زمان

عدي…..بس صحابك يا تقي

تقي….طيب ماهما دول كلهم صحابي بردوا

عدي…..خدي بالك انتي راسك ناشفه و بتجادلي كتير

تقي…..خالص انت اللي معندكش نفس طويل للمناقشه و مش عارف تقنعني

عدي…..اقنعك بايه انتي عبيطه يعني ايه بنات و شباب يسافروا سوا

تقي…..وايه المشكله في عدم ثقه مثلا المفروض بابا عارفهم كويس و عارفني

عدي…..مش عدم ثقه يا تقي بس الفكره في المبدأ هو لو انا و سلبم و تامر و نادر و محمود و مصطفي روحنا قولنا لوليد اننا هنسافر و هناخد تقي معانا و معانا كمان نسمه و كام بنت كده ابوكي هيوافق

تقي…..ااااا مش عارفه

عدي…..مش هيوافق يا تقي حتي لو عارفنا كويس و واثق فينا هو وافق بس عشان عمتك معاكي و جوز عمتك اللي هو اخويا و عشان البنات يعني نادين معاها جوزها ايمي معاها جوزها امنيه معاها جوزها فا في ثقه لكن احنا بس اكيد لا

تقي….طيب ما ليله سافرت اول مره مع البنات و الشباب كانوا معاهم و بابا متكلمش يعني

عدي…..اولا اللي اعرفوا ان ليله مساقله بجياتها تماما و من زمان و وليد خد علي طبعها و موافق عليه ثانيا لو وليد كان عارف ان ليله هتقعد مع الشباب و عشري في مكان واحد مكانش وافق طبعا بس كلنا عارفين الظروف اللي اتقابلوا فيها يعني كان في حدث يجبرهم علي القاعده مع بعض ظرف قهري محدش فيهم ليه يد فيه بس هما من البدايه مسافرين بنات لوحدهم

تقي…..ماهو لو في ثقه المفروض اكون براحتي هو عارفني

عدي…..يا تقي افهمي في فرق بين الثقه و الخوف هو اب و من حقه يخاف عليكي

تقي…..طب ما انا لما اتكلمت معاه في موضوع السفر ده قالي لما تبقي تخلصي جامعه يعني هو مش رافض المبدأ بس اللي اقصده السنه اللي فاضله دي هي اللي هتخلي خوفه عليا يقل

عدي….لا هيفضل قلقان و خايف اكيد

تقي….طيب هو ده اللي بقولوا يبقي ليه الرفض ادام انت عارف ان عقليتي مش هتختلف في سنه يعني

عدي…..هو انتي فاكره اصلا يعني بعيداً عن ابوكي انه لو رضي يخليكي تسافري انا هوافق

تقي…..بضحك و انت اصلا مش هتوافق

عدي…..اه علي فكره

تقي…بضحك وانت مالك اصلا

عدي…..اااااااه لا خليني ساكت احسن

تقي….لا متسكتش قول اللي عندك توافق او ترفض بصفتك ايه ان شاء الله

عدي….اممممم صحاب و الصحاب بيخافوا علي بعض و بينصحوا بعض و المفروض يعني انهم يسمعوا كلام بعض

تقي…..اااا قولتلي بقي طيب الصحاب ينصحوا يخافوا و يسمعوا كلام بعض اوك بس محدش فيهم يرفض او يجبر حد علي حاجه

عدي….مين جاب سيرة الاجبار احنا هنتناقش وانا بقنعك

تقي….وانا مش مقتنعه

عدي….لا هتقتنعي غصب عنك

تقي…..بضحك اه ده العشم عندك كبير هو انت فاكر اني بسمع كلام صحابي و حد فيهم يقدر يقولي اعملي ده و متعمليش ده يعني انا اقرب حد ليا حدوته ميقدرش يقولي كده اصلا ولا انا اقدر اقولوا كده

عدي…..تمام بس كل واحد ليه دماغه

تقي….وانت دماغك بقي انك تجبرني

عدي….هو انتي ليه شيفاها اجبار

تقي…..امال هو ايه انت بتقول اني هناقشك و هقنعك و انا مش مقتنعه الخطوه اللي بعد دي ايه

عدي…..ولا حاجه

تقي…..يعني ايه ولا حاجه

عدي…..يعني هحاول معاكي اقنعك مقتنعتيش خلاص

تقي…..طيب وانا مش مقتنعه علي فكره

عدي….اوك بس مفيش سفر

تقي….بضحك هو اولا انا مسافرتش ولا باين اني هسافر بس يعني هحاول اقنع بابا لسه ده اولا ثانيا هسافر لو وافق

عدي….بصلها وضيق عينه و هو مبتسم امممم طيب لو قولتلك اني مش حابب انك تسافري لوحدك

تقي….ماهو انا مش هسافر لوحدي انا تمارا وصحابي هيتجننوا و نسافر سوا يعني لو قولتلهم ان بابا موافق ما هيصدقوا و هنسافر علي طول

عدي….ماهو انا مش عايزك تسافري لوحدك و لا مع صحابك

تقي…..اه بس انا مش هوافق

عدي….ليه

تقي….اديني سبب يخليني اوافق

عدي…..اني خايف عليكي مثلا اني مش حابب تكوني مع شباب لوحدك

تقي….بابتسامه بصفتك ايه بقي صديق

عدي…..بابتسامه غيظ اه بصفتي صديق يا تقي

تقي…..ما انا قولتلك اني مش بسمع كلام صحابي في حاجه عايزه اعملها
اسمع نصيحتهم ممكن لو عجبتني اخد بيها معجبتنيش هعمل اللي في دماغي

عدي….امممم طيب انتي بتجادلي كتير و ده كلام سابق لوقته لما يبقي يحصل و ابوكي يوافق هيبقي ليا كلام تاني معاكي

تقي…..بضحك لا بص قصه الصاحب اللي بيغير اوي كده دي مش جايه معايا خد بالك

عدي….لا هتيجي واتعودي عليها بقي عشان انا رخم بجد

تقي…..علي نفسك علي فكره

عدي….بابتسامه حلووووو يلا كملي خليها تيجي فوق دماغك اكتر

تقي…..بضحك اللي عندك اعملوا يا صديقي العزيز

ضحك عدي بغيظ و بصلها

………………

دخل سلامه يشوف مصطفي خلص ولا لا كان واقف يعمل كيك و يزينه زي التورته و قرر يعمل مفجأه لتقي بمناسبه عيد ميلادها و يغير المود العام بعد قلقهم عليها الصبح و شد ليله معاها فا حب يفرحهم و يحتفل بيها الشباب كانوا عارفين لما دخلوا وشافوا واقف بيعمل و عرفوا عدي كان عارف و حس بغيره من اهتمامه

و غيره ان هو هيعملها مفجأه في يوم زي ده و هو لا فا كان في غيره طبيعيه لمشاعره غصب عنه مع انه عارف ان مصطفي كام بيعمل ده بدافع انه يفرحها مش اكتر و بيتعامل معاها علي انها اخته بس في نفس الوقت كان مضايق شويه لانها مش هتجي منه هو.

سلامه….اوباااااااا ايه الحلاوه دي

مصطفي….ايه رأيك

سلامه…..تحفه والله تسلم ايدك فاضلك كتير

مصطفي…..لا خلاص قربت هكمل بس تزيين و هقولك عشان تشغل الاغنيه

سلامه….ماشي عرفني بس عشان اقول لعدي يجهز الالعاب الناريه دي اللي معاه هو قالي لما مصطفي يجهز يعرفني عشان هيروح يولعها

مصطفي…..اه تعمل اي منظر عشان مش معانا شمع بقي

سلامه….لا مش مهم اللي معانا كفايه و يقضي الغرض يلا انا بره لما تخلص رن عليا بس

مصطفي…..اشطا.

خرج سلامه و لمح ايه من بعيد واقفه و تامر رايح عليها و قف ثواني في مكانه عند الڤيلا بتاعتهم و لع سيجاره و راقب تامر

قرب تامر بهدوء و حط ايده علي كتف ايه و لمحوا بيبوس راسها النار اللي جواه كانت مش محتاجه انها تأييد بس زادت اكتر و اتحرك ناحيتهم بغضب بسيط حاول علي قد ما يقدر يسيطر عليه و طبعاً اللي كانت طول الوقت مركزه مع تامر سلمي و بمجرد ما تامر قرب من ايه بصت علي سلامه من بعيد

ايه…..ااا خضتني

تامر….ايه واقفه كده ليه؟ و ابه اللي خضك كده انتي سرحانه ولا ايه

ايه….لا بس سامع صوت الكلاب دي يا تامر

تامر…..بضحك ايه ميلو وسلامه و حشوكي

ايه….انا مش بهزر علي فكره في صوت كلاب

تامر…..كلاب ايه انا مش سامع حاجه

ايه….عشان صوتهم بس عالي و صوت الاغاني كمان عالي بس لو ركزت هتسمع قرب كده من الباب و غمض عينك

تامر…..يا حبيبتي

قرب سلامه و سمع الكلمه و بص بهدوء بس وهو من جواه خلاص مش قادر

تامر…..انتي بس عشان صوت الكلاب ديماً في ودنك

بصت ايه علي سلامه و ابتسمت بهدوء بس هو مكانش باصصلها

تامر…..سامع حاجه انت يا عم سلامه

سلامه…احمم حاجه ايه

تامر….بتقولي في صوت كلاب كتير

سلامه….بص لايه وابتسم صوت ايه يا قلبي

ايه….مفيش بس انا حاسه ان في صوت كلاب قوي جداً بتعوي و انا بقلق من الصوت ده اصلا

سلامه…..فين الصوت ده و حتي لو في اكيد كلاب بعيده رن موبايل سلامه

سلامه….ايه يا مصطفي

مصطفي….قول لعدي يلا عشان هاجي

سلامه….طيب لحظه هقولوا و هرجع ارن عليك عشان تيجي

مصطفي….متنساش الاغنيه

سلامه….اوك باي تامر بقولك ايه روح بهدوء كده نادي لعدي و قولوا مصطفي خلص خليه يجهز بسرعه

ايه….ماله مصطفي هو في ايه؟

سلامه….عمل تورته لتقي و عدي هيشغل العاب نـ،ـ،ـاريه عشان يحتقلوا بيها يعني تعالي نروح نشغل اغنيه

ايه…..بسعاده الله بجد طب يلا

و للحديث بقيه……..