ابن ليل

#أبن_ليل #صاحبة_البطل_الواحد #أميره_اسامه البارت الحادي عشر... ...................... في منزل زكريا حضرت دعاء الاكل علي السفره كانت عامله انواع اكلات كتير و أغلبها دره بتحبه. زكريا.....اتصلي علي دره يا دعاء عشان نتعشوا وشوفي ابنك اتأخر ليه ؟ كل ده بيقفل الدكان؟ دعاء....حالاً يابا هكلمهم اهو دره....ايوه يا دودو دعاء....هنستنوا كتير يلا الاكل هيبرد دره.....طيب حالاً هننزل بس اسمعي دعاء....اكيد هما عارفين اني هنزل دعاء....تاني يا دره يابت انزلي متوجعيش قلبي 😒 دره....بإبتسامه طيب ياستي يلا اقفلي قفلت دعاء ولتصلت علي حسن كنسل عليها دعاء....سوف الولا ميت مره نقوله متكنسلش عليا وبردوا بيكنسل🤨 زكريا....هو بيعمل ايه ابنك كل ده يا عبدالله عبدالله.....منعرفش والله يابا انا طَلعت وسيبته قال هيقفل الدكان ويجي ورايا تلاقيه واقف مع حد تحت دعاء.....سيبكم منه الوقت يطلع رن جرس الباب دعاء.....شكله طَلع اهو فتحت دعاء الباب لقتها دره وراها البنات دعاء....مش هو دي دره تعالي دره...احمم سلام عليكم رد عليها الجميع السلام بصت دره بنظره سريعه علي كل واحد فيهم عشان تلمح في عينهم إذا كانوا متقبلينها ولا لأ لقتهم عاديين خالص لكن مش بيتكلموا معاها زكريا بص علي البنات لقاهم واقفين لازقين في بعض و ساكتين زكريا....واقفين ليه يابنات كده اقعدوا دعاء.....لا يقعدوا ده ايه يلا بينا عشان الاكل ميبردش دره.....ااا هو حسن فين؟ دعاء....بيقفل الدكان تحت الوقت يطلع يلا ناكلوا احنا وهو لو مَلحقناش يبقي ياكل لوحده زكريا قام وقف وسمي الله وراح علي السفره وقام وراه عبدالله دعاء....يلا ياما 🙄 نبيله....🤨قايمه اهو بصتلها دره بطرف عينها وبعدين بعدت عينها بسرعه دعاء....يلا يا دره قربت دره من السفره هي والبنات وقفت دره مش عارفه تقعد فين ومش حابه تاخد مكان حد. زكريا كان قاعد علي رأس التربيزه وعلي جنبه اليمين نبيله وجنبها عبدالله وجنب عبدالله دعاء دعاء....بإبتسامه الكرسي بتاعك زي ما هو محدش بيقعد عليه بصت دره علي كرسيها اللي جنب زكريا وقدام نبيله وابتسمت ابتسامه حزينه هزت راسها وراحت قعدت جنبه من سكات دعاء....تعالوا هنا جنب امكم يا بنات راحوا البنات قعدوا من سكات وبدأوا ياكلوا قامت دعاء تقرب منهم الاكل دعاء....هتاكلوا بقي يابنات اكلة سمك مكلتوهاش في حياتكم دانه....هو ايه ده🙄 دعاء....دي صياديه نبيله.....😏ايه امكم مكانتش بتعملكم اكلنا ولا ايه دعاء....دي دره استاذه😉 ابتسمت دره لدعاء بحب نبيله.....بلا وكسه 😏 ولا عمرها وقفت في مطبخ🤨 ابتسمت دره وكتمت ضحكها وهي باصه في طبقها من غير ما تتكلم او ترد عليها وعجبها نكش نبيله ليها دارين....ماكي علي فكره بتعمل اكل حلو اوي وانا اتعلمت منها حجات كتير نبيله.....وهي كانت بتعرف تعمل غير بيض مسلوق يادوب ترميه في شويه مايه وهو يستوي😒 ديما.....علي فكره مامي بتعمل سمك حلو وكملن شوربه السي فود بتاعتها جميله جداً نبيله....شوربه ايه يا أختي😒 ديما....سي فود مش عرفتها حضرتك نبيله.....كفايه يا اختي امك تعرف قال زي فول قال😏 ضحكوا البنات وكتموا ضحكهم وضحكت دره غصب عنها نبيله....ايه قولنا نكته😏 دارين....ابداً يا بلبله بس هي اسمها سي فود يعني مأكلولات بحريه نبيله....طب ما تقولوا يا اختي مأكولات بحريه هتموتوا لازم عوجة اللسان ديما....هي اسمها كده 😂🙈🙈 نبيله.....خلاص عرفنا عموماً عرفت قصدك وشوفي شوربه امك اللي فرحانين بيها دي في كفه وشوربتي انا في كفه😏 دانه....يعني ايه كفه🙄 نبيله....بصت لدعاء وهي بتمسك طرف الجلابيه من علي صدرها لا ترجمي انتي انا ملياش خلق😒 دعاء....بضحك يعني اللي هي بتاعت الميزان اللي بنوزن عليها يا دانه دانه...اهاااا اوك فهمت خلاص ممكن تدخلوا تحدي ونشوف مين يكسب نبيله....احيه لا هي القوالب نامت والانصاص قامت عيزانا ندخلوا تحدي قال🤨 ابتسمت دره وبصت لبناتها دره.....اكيد هخسر يا دانه لانكم لو دوقتوها الاكل اللي بتعمله مش هتحبوا غيره❣️ ابتسمت نبيله ابتسامه بسيطه كلها سعاده وبعدين غيرت الكلام عشان متردش نبيله....وبعدين من قلة الاسامي راحه تسمي ولادك اسامي مبتتنطقش😒 دارين....بضحك ليه بس احنا اسامينا سهله خالص دارين وانه و ديما نبيله....والنبي اسم دواء الكحه اسهل من اساميكم😒 ضحكوا كلهم علي نبيله ديما....مامي حبت تسمينا كلنا بحرف الدال عشان نبقي نفس حرفها❣️ نبيله....مافي داليا وفي دينا وفي دعاء زي الفل 😒 دعاء....خلاص بقي يا بلبله دي اسامي قديمه هما اساميهم جميله ولايقه عليهم❣️ نبيله....طبلي يابت طبلي😒 الباب خبط في اللحظه دي دعاء....اهو الولا حسن طَلع اخيراً نبيله....هو مش معاه مفتاح دعاء....تلاقيه كسلان يطلعه قربت دعاء من الباب فتحتله فين مفاتيحك ياولا حسن....كسلت نطلعوها دعاء....قولتش حاجه انا ابني وحفظاه حسن....ايه الروايح الحلوه دي ❣️ سلام عليكم الجميع.....عليكم السلام حسن.....ده ايه اللمه الحلوه دي😉 نبيله....اتنيل واقعد 😒 حسن....حاضر يا بلبله😂😂 زكريا....انت فين كل ده ياولا دعاء....ايه باب الدكان تقيل عليك 😒 حسن....احلوي عليا اوي يا دعاء😒 دعاء.....مبنحلوش بس كل ده ببتهبب ايه حسن....اخوكي كان عايزني دعاء....عايزك في ايه يا ولا؟ حسن....والله يا دودو انا مبنفهمش اخوكي ده بس سؤال هو في عندهم عزومه ولا حاجه🤨 دعاء....عزومه ايه وبعدين لو في انا هعرف منين حسن....مش اخوكي دعاء....ياولا انا هنحقق معاه عازم مين ومش عازم مين وبعدين بتسأل ليه حسن.....كنت بنساعد معاه شاري هو وكرم حجات ياما كراتين مايه واكل وشرب ولا الخبيز اللي جايبه من الفرن بصت دعاء ودره لبعض وكتموا ضحكهم😂😂😂🙈 دعاء....ومسألتهوش انت ليه ؟🙈 حسن....اخوكي فاصل من كتر الضحك ومفهمناش منه حاجه بس كرم مش طايقه😂 دعاء.....يا خبر بفلوس😂😂 حسن....علي قولك صحيح يا بنات هتنزلوا بكره الجامعه ديما....لا بعد بكره عشان في حجات هنشتريها بكره دره....احنا ممكن نأجل مشوار بكره ده ونخليه احسن بعد بكره اخر النهار اخدكم تجيبوا كل حاجه دانه....هنروح بحاجتنا ناقصه في كتب مهمه مش جبناها لسه دره....مش هيحصل حاجه يعني روحوا بعد بكره جامعتكم ونشتري اللي ناقصكم بليل دارين.....هو حضرتك مش فاضيه يعني دره....انا قولتلكم اني هنزل بكره عشان اشوف الشغل حسن.....طيب خلاص روحي انتي مشوارك يا دره وانا هناخدهم يجيبوا كل اللي ناقصهم ونفضلوا معاهم دره....مش هينفع عشان جامعتك وشغلك دعاء.....جامعه ابه بلا وكسه يعني مجاتش من يوم حسن....سيبيها عليا يا دره ومتقلقيش وهنظبطهم كمان ونفرجوهم علي اسكندريه دانه.....الله وافقي يا مامي عشان خاطري😍 دعاء....خليهم يروحوا معاه متقلقيش عليهم دره....مش قلقانه والله بس مش عايزه اعطله حسن....لا مفيش عطله ولا ايه يا جدي زكريا.....سيبيهم مع ابن خالهم يا دره وانا هنديله اجازه حسن....المهم متخصمش🙄 زكريا....من امته وانا بنخصم منك ياولا حسن....بضحك بننكشوك يا جدي خلاص يا بنات اجهزوا وانا معاكم من النجمه زكريا......شغل ايه يا دره اللي هتنزلي تدوري عليه ناقصك حاجه؟ دره....لا خالص مش حكايه ناقصني بس اكيد مش هفضل قاعده في البيت من غير شغل نبيله....ومالهم يا اختي اللي قاعدين في البيت ماهم زي الفل 😒اقعدي انتي بس واعملي نص اللي بنعمله انا ودعاء بصت دره لدعاء....انا مقصدش يا دعاء والله انا بس دعاء....يابت عارفه مالك ؟ دره....كل الحكايه اني اتعودت علي الشغل واكيد لازم اشتغل عشان نعرف نعيش واقدر اوفر طلبات البنات زكريا....قولتلك كل طلباتك انتي وبناتك عليا ولا ابوكي مبقاش مالي عينك دره....كلام ايه بس يا بابا ربنا يديك الصحه بس يعني بعيداً عن الفلوس انا في الاول والاخر خدت شهادتي عشان اشتغل بيها دارين...بسعاده يعني حضرتك قررتي ترجعي للطب هزت دره راسها بإبتسامه زكريا.....ترجعي؟ ليه هو انتي سيبتي الطب دره....دي حكايه طويله بس انا مسبتهوش كل الحكايه اني خدت 3 سنين اجازه عشان وقتها كنت ماسكه فرع الشركه بتاعتنا ويوسف كان ماسك فرع تاني نبيله....😏 وياريتها دامت بصتلها دره بهدوء....مفيش حد بيتعلم ببلاش يا امي اخيرا عبدالله اتكلم...تسيبي الطب عشان تشتغلي موظفه في شركه😏 دره....انا مسبتش الطب يا عبدالله انا قولت خدت اجازه عشان نوقف الشركه علي رجلها لان وقتها الشركه كانت بتكبر جداً ومكانش في حد يمسكها وبعدين انا مشتغلتش موظفه انا كنت رئيس مجلس إداره وفي النهايه انا مكنتش شغاله عند حد انا كنت شغاله في شركتنا حسن....طيب وليه مفكرتيش تشتغلي هنا نفس الشغل ده ويعني ابدأي من الصفر واعملي شركه ليكي دره....يمكن كنت بفكر الفتره اللي فاتت في كده وحاولت اقارن بين الاتنين قبل ما اخد خطوه الشغل بس انا قررت ارجع لمهنتي الاساسيه اللي اشتغلت بيها سنين وتعبت في دراستها سنين اكتر. انا يمكن اقدر اعمل زي ما بتقول ابدأ من الصفر واكبر الشغل وعشان انا فاهمه فيه جداً عارفه انه هينجح بس بصراحه مهما كان حبي للشغل الخاص بالعقارات مش هيكون زي حبي لمهنه الطب عشان كده قررت اني ارجعلها زكريا.....خلاص اختاري العياده اللي علي كيفك ونخلصوا فيها دره....بإبتسامه تسلم يا بابا بس معلش مش هينفع انا يمكن معايا مبلغ بس اكيد مش هروح احط كل اللي معايا في عياده وانا لسه ببدأ شغل متنساش اني مشتغلتش هنا خالص ولسه محدش يعرفني وانا مش حابه اجازف زكريا....ومين قالك حطي اللي معاكي انا هجيبهالك دره....ولا دي كمان يا بابا تنفع انا لما هفتح عياده احب افتحها من مالي الخاص زكريا.....لو مش حابه تاخدي مني حاجه اعتبريهم سلفه دره....مش عيزاك تفهمني غلط الحكايه مش في اني مش عايزه اخد منك صدقني ربنا يخليك لينا واكيد لو في حاجه واقفه قدامي مش هلجأ لغيرك بس زي ما قولتلك انا لسه مش معروفه وكمان حضرتك صرفت عليا زمان بما فيه الكفايه جه الوقت اللي ابدأ فيه بنفسي زكريا.....ماشي يا دره يعني هتشتغلي عند دكتور دره...في البدايه اكيد هشوف مستشفي اتوظف فيها ويمكن اشتغل مع دكتور او دكتوره لسه مش عارفه خليني بس ابدأ وبعدين هشوف هعمل ايه حسن....هو انتي دكتوره في ايه يا دره دره....جراحه عامه يا حسن حسن....ايوه بقي 😉 ربنا معاكي ان شاء الله دره....يارب يا حسن ويوفقك يا حبيبي زكريا....بالتوفيق ان شاء الله وعموماً انا بعيد بس لو حسيتي انك محتاجه مساعدتي هتلاقيني دره....بحب بصتله وابتسمت ربنا يخليك ليا يا بابا. بعد وقت بسيط خلصوا اكل وقامت دعاء تشيل الاطباق وحبت تكسر الخجل والرهبه اللي فيها دره والبنات دعاء....يلا يابنات تعالوا ساعدوني والشي هنشربوا من ايد دره دره....بحب عيوني 😍 دعاء....وانت يا ولا قوم ساعدنا متقعدش زي خيبتها كده حسن.....ياساتر ما ترحميني شويه معاكي 3 بنات وبردوا مش سيباني في حالي دعاء....قوم ياولا اخلص😒 حسن....قومنا🤨 دره....بابا شايك من غير سكر وماما معلقتين وانت يا عبدالله 3 صح عبدالله.....ايوه كويس انك لسه فاكره🤨 ابتسمت دره ليه بحب.....منستش اي حاجه ليكم يا عبدالله سابته دره ودخلت وراهم علي المطبخ ابتسم عبدالله بهدوء وسكت. فضلت سماح ترن علي حسن وتبعتله وهو مش بيرد ولا حتي بيكنسل كانت هتتجنن وحست بغيره جواها من بنات دره اللي من وقت ما وصلوا وهو حسن ملخوم ومش معاها خالص. .................. هيما....بضحك😂😂😂😂 بيتهيألي لو فضل الوضع كده هتصرف اللي وراك واللي قدامك🙈 بكر....😂😂😂😂😂 كرم....ايه عجباك الحفله يا خفيف تحب نطلعوك مسرح🤨 بكر....والنبي اسكت المسرح انت اللي طَلعته واللي كان كان😂😂😂 محمد....انا بنقولوا تخف يابكر عشان كيرو ايده تقيله😂😂 كرم....قوله تصدق بالله انا محترمك عشان خاطر عيالك 🤨 هيما.....انا بس عايز نفهم حاجه ادام قررت تلاعبها ليه مبعتلهاش الحاجه اللي طلبتها كرم....انت غبي يالا قولتلك مش عايزين نبعتلها حاجه وخليها تدوخ لحد ما تجيبها من بره 😒 وبعدين انا قايل للبياعين كلهم ميبيعولهاش حاجه وانا هنظبطوهم عايزنا اول ما نشوفوا اللي طلبته نرجعوا في كلامنا قدامهم ويقولوا ان كرم الرفاعي مش قد الشيله ولا قد طلباتها🤨 بكر.....بضحك انا لو مكانك وشوفت الطلبات دي كلها عادي نرجعوا في كلامنا😂😂😂 او نقولك منرجعوش بس نرد حقنا وقتي و نبعتلها كل اللي طلبته و اللي يوصل الطلبات يقولها المعلم كرم بيمسي عليكي😂😂😂 ابتسم كرم غصب عنه وهز راسه شمال ويمين. كرم.....و نعرفوها ان انا اللي عملت كده واني بنردهالها عشان قفشت الحوار مش بنقولك غبي😒 بكر.....الله هو في احلي من اللعب عالمكشوف😂😂😂 هيما....بكر انا بنقول تاخدلك ساتر عشان كرم قرب يطلع نار من ودنه😂😂 بكر.....بضحك كل ما نفتكروا شنط الخبيز نفطسوا من الضحك😂😂😂 احمد.....كان لازم تقول للبياعين الضرب في خمسه كان كفايه صاج😂😂😂 كرم....اهو اتفضل يا عم الخلفه الوسخه🤨🤨🤨🤨🤨 دخلت مها عليهم مها.....وانا بنقول ايه الطلبات دي كلها 🤔🤔🤔🤔 اتاري كرم رَجع لأيام الشقاوه كرم....انتي يابت بتلمعي أوكر🤨🤨 مها....صراحه اه ضحككم مسمع الشارع وبيني وبينك مَدخلتش عليا حكايه انك جايب كل الحجات دي لينا كرم.....ليه يابت وانا مبنجبش ليكم حاجه🤨🤨 مها.....لا يا اخويا طول عمرك اللي في جيبك مش ليك بس اللي انت جايبه مش خزين بيت ده خزيز شارع😂 كرم....اضحك اضحك لما نرقدوك انت ومراتك وولادك واخويا الواطي في اي مستشفي ابقي افرح 😒 بكر....😂😂😂😂🙈والله ماقادر بطني وجعتني من الضحك وبعدين خد بالك انت مش سالك بربع جني😂 كرم....ليه ان شاء الله🤨 بكر....و ليك عين تسأل كمان 😂😂 دي مش عايزه سؤال ده ربنا فضحك قدام مها اللي مبتسترش😂😂 كرم....ودين محمد لو كلمه من اللي سَمعتيها خرجت لا نحدفك من البلكونه يا مها😡 مها....😂😂😂احيه هيوقعنا في بعض وبعدين لو خَسرت يا اخويا وخدت هي واحد صفر ليها متقلقش اختك هتعوضك الخساره دي امها داعيه عليها هنروقوها اتقل انت بس بكر....احيه دخلتي عالخط حطتيها في راسك🙈 مها....طلبتها و نالتها يا خويا تتحمل بقي اللي هيحصل فيها مني انا وسونه كرم...اللــــه هي سونه دخلت عالخط ايه حبتيها فجأه الوقت😒 بكر....اوباااا يعني سونه معادتش من اخصامك😂😂 مها.....وتبقي من اخصامي ليه ادام وافقت تبقي في صفي تبقي حبيبتي محمد.....وانا من موقعي علي الكنبه احب اقولكم اني شامم ريحه جواز سونه من كيرو😂😂😂 كرم....اظبط يالا🤨 مها....تف من بوئك انا معاها في اي حاجه إلا جوازها من اخويا وبنقولك ايه بلاش تسخني بدل ما نقلبوا عليها تاني😒 محمد....لا وعلي ايه😂😂 كرم....بأبتسامه رفع حاجبه ناويه علي ايه يا مها🤨 مها....بضحك كل خير يا ابن ابويا مش بنقولك طلبتها ونالتها هيما....شكلنا هنتسلوا الايام الجايه 😂 مها....حضر الفشار والتسالي ياولا عشان الفقره بتاعت مها هتعجبك😉 بكر....ربنا ما يحكمك علي ولايا😂😂 مها....هي مش اختي بس يتفات لها بلاد😂😂😂😂😂 كرم....وماله خلينا نتسلوا 😉 مها....بحب ابتسمت لكرم وغمزتله😉 بكر....عومت علي عومها يا كبير 😂 كرم....والشاطر اللي يوصل للشط يا خويا😉 عيشي يا مها و ادينا بنتسلوا معاكي مها....علي عيني يا كيرو😂😂 كرم....ولا يا ولااااا😉 بكر.....خربت😂😂😂 .............. في منزل سونه حضرت سونه العشاء وقعدت هي وسماح تتعشي بصت سونه علي سماح بهدوء لقتها ماسكه الموبايل ومشغوله وباين علي ملامحها الغضب. سونه....🤨 قولنالك بس انتي صوتك من دماغك زي امك ومَسمعتيش الكلام اهو زبلك لما شاف بنات دره حذرتك وقولتلك انهم عيله بياعه وقليلة اصل مصدقتيش واللي طَلع عليكي بنحبه يا سونه بنمونوا فيه يا سونه اشربي بقي يا بت سونه😒 بصتلها سماح 🤨...انتي قاصده تحرقي دمي يا سونه سماح....و هنحرقوا دمك ليه انا بس بنفكرك باللي قولناه ومعجبكيش سونه....علي فكره بقي حسن بيحبني 🥺 سماح....باين يابت انه بيحبك عشان كده هتتجنني ايه مش معبرك🤨 بصتلها سماح بحزن🥺 سماح....كل ما نكلمه يا اما يكنسل يا اما يرد ويقولي اقفلي هنكلموكي لما نفضي نعمل ايه يا سونه🥺 سونه...اتقلي يابت ومتبقيش مرميه طنشيه ولما يكلمك متعبريهوش سماح.....طيب ماهو ممكن بكون بجد مشغول سونه....اللي نعرفه اللي بيحب بجد بيفضي روحه للي بيحبه 😉 سماح....مش بنقولك انتي عايزه تضايقيني وخلاص ما طبعاً ما صدقتي يجي حسن تحت ضرسك سونه....يابت هو حسن ده ابن دُرتي 🤨 بس انا نعرفهم اكتر منك دي عيله واطيه يا بت اسمعي كلامي ومتبعتيلوش وهو لما يحس انك مطنشاه هيكلمك ووقت ما يكلمك متعبريهوش الراجل يابت بيحب الست اللي تدوخه سماح....احيييييه😒 سوف مين اللي بينصحني ومعملتيش كده ليه يا سونه مع كرم🤨 مدوختيهوش ليه سونه....بحزن يابت هو كرم ده زي اي راجل وبعدين في فرق كبير كرم لسه قلبه موجوع من الحدوته بتاعته مع اللي ما تتسمي انما حسن قلبه كان مشغول بيكي واول ما شاف غيرك حاله مال يبقي احنا نعملوا ايه نتقل ونخليه يلف حوالين نفسه عشان يرجع لعشه من تاني فَهمتي يا بت الموكوسه سماح.....فَهمت يا سونه وخلينا نجيبوا اخر حسن 🤨 ................... في صباح يوم جديد البنات جهزوا وحسن كان مستنيهم تحت قدام البيت جنب العربيه. محمد....🧐 هو الولا حسن متشيك كده ورايح فين احمد....منعرفش يمكن عنده محاضره مهمه محمد....هو بيروح الجامعه غير عشان يتسرمح ده بيروح لسماح اكتر ما بيروح لروحه احمد....امال رايح فين ده هيما....اه نقعدوا نرغوا و نسيبوا شغلنا وانا متمرمط بين تشطيب الدكان بتاعي وبين الشغل معاكم🤨 محمد....بنتفرجوا علي حسن هيما....ليه وماله لابس اللي عالحبل كده ليه 🤨 احمد....بضحك😂😂 بيصيع من غيرنا يا هيما يرضيك كده هيما....اه يا ابن الجزمه خارج مع بنات عمته ولا ايه🤨 محمد....😂😂ياعم بنات عمته ايه ده لوحده استني اما اكلمه حسن بص وراه وضحك اول ما رن عليه عرف انهم شايفينه حسن....😂😂 والله قولت هلف واشوفكم واقفين بربطه المعلم طبعا هتبيضوا عشان تعرفوا رايحين فين محمد كان فاتح الاسبيكر. هيما.....تصدق يالا لو خارج مع المزز من غيرنا هننفخوك🤨 حسن....ما تحترم نفسك يا هيما واه خارج مع المزز 😂 هيما....شوفتوا مش قولنالكم رايحين فين🤨 حسن.....هيجيبوا شويه طلبات نقصاهم للجامعه بتاعتهم عشان بكره اول يوم دراسه ليهم وبعدين هنفرجوهم علي اسكندريه وهنروقوا عليهم اتبسطت هيما....اه يا ابن الجزمه 😒 حسن....😂😂😂 محمد.....طب مقولتش ليه ياض🤨 حسن....عشان مكنت ش هتعرفوا تيجوا مش عندكم شغل يلا هيما روح اقف مع النقاشين بتوعك وروح شطب الدكان عشان تلحق تعمل افتتاح😂😂 هيما....انت بتغيظني تصدق هروح امشي الصنايعيه حسن....ولا يا حمو مش سامع صوتك ليه😂😂 احمد....ابداً بنركز معاك عشان نديك عين تمام والخروجه تبوظ😂😂 حسن....اعوذ بالله طيب بنقولكم ايه المشوار بتاع الطلبات ده اقل ما فيه ثلاث اربع ساعات انتوا عارفين البنات خليني اخلص معاهم وانتوا شدوا في شغلكم وبعدين تعالوا نتغدوا سوا علي البحر وتتعرفوا عليهم اشطا هيما....ده اشطا اوي😉 حسن...بس بنقولوا ايه محدش يعرف ولما تيجوا كأننا اتقابلنا صدفه عشان امي ولا دره لو عرفوا هينفخوني😂 هيما....يا جدع احنا ولا نعرفوك حسن.....اشطا اول ما نخلصوا طلبات هعرفكم اني رايح علي البحر هيما....تمام الحق يالا الموزز نزلوا😂 حسن....بضحك بص علي البنات لقاهم خارجين الله يحرقكم اتكلوا يلا😂 هيما....سلام حسن.....ايه يا بنات جاهزين دارين....ايوه جاهزين حسن....طيب يلا اركبوا دانه....انا مبسوطه اوي عشان هشوف البحر ونخرج اخيراً حسن....ليه مكنتوش بتخرجوا في امريكا دانه....اكيد كنا بنخرج بس يعني الفتره الاخيره دي مكانش الوضع احسن حاجه وكمان في امريكا الوضع مختلف عن هنا كل الخروج في اماكن مقفوله يعني مطاعم كافيهات وبوقت معينن حسن.....لا هنا بقي السهر صباحي صيف وشتاء في مصر محدش بينام وجو اسكندريه مش هتلاقوه في اي مكان في العالم ديما....بصراحه انا يمكن لسه مشوفتش فيها اي حاجه بس امبارح لما كنا مع مامي فعلاً الجو بتاعها مختلف حتي البحر بس مقعدناش كتير حسن....انهارده بقي هنظبطوكم سيبولي نفسكم هنعيشكم احلي يوم في حياتكم دانه....بحماس طيب يلا بينا😍 دارين بصت بطرف عينها لكرم كرم....🤨🤨 دارين....اه ياريت نركب عشان الراجل ده انا بصراحه بخاف منه حسن....بضحك كرم طيب يلا اركبوا😂 ديما....اعوذ بالله هو باصللنا كده ليه🙄 دانه...اركبي اخلصي بدل ما يجي يقتلنا بالسكينه اللي في ايده دي🙄 ركبوا البنات مع حسن واتحركوا اما سماح كانت واقفه في سباك اوضتها وشيفاهم وحاسه انها هتنفجر من كتر الغيظ والغيره😡 سماح....بقي كده يا حسن عايش حياتك ومروق طب وديني ما هنعديهالك وهنربيك 🥺 خرجت دره في الوقت ده من باب البيت مها كانت واقفه تنشر عند امها في اول دور اول ما خرجت بصت بطرف عينها علي كرم كرم....🤨🤨🤨 بعدت دره عينها بسرعه عنه وطلعت موبايلها تتصل علي حسن حسن....ايوه يا دره دره....بقولك يا حسن معلش حسن....قولي دره....انا جبت خط اول ما نزلت المطار بس مجبتش للبنات ممكن تبقي تجيبلهم عشان ابقي اكلمهم خصوصا بكره نازلين الجامعه عايزه اعرف اطمن عليهم حسن....تمام عندي انا دي هنجبلهم وهنخليهم يتصلوا عليكي وسجلي ارقامهم دره....متحرمش منك يا حسن خد بالك منهم عشان خاطري ومتخليهمش يغيبوا عن عينك هما مس عارفين حاجه هنا حسن....متقلقيش يا حبيبتي دول في عيني متحمليش همهم خالص انهارده وشوفي كل مشاويرك وكل شويه هنطمنوكي عليهم دره ...ماشي يا حبيبي اتبسطوا❣️ حسن....يلا سلام دره...سلام وبمجرد ما قفلت ولسه هتشيل الموبايل في شنطتها لقت في مايه بتقع عليها غرقتلها حرف البنطلون وجزء من السويت شيرت رفعت دره عينها بسرعه لقت مها بتضحك ورافعه حاجبها وبتغني مها..😉😉😂😂 جزت دره علي سنانها بغيظ وحاولت تتمالك اعصابها وبعدين بصت علي كرم لقته واقف مبسوط ومبتسم كرم.....معاااانا يااارب دره....لنفسها اوك اوك اهدي يا دره اهدي خاااالص محصلش حاجه هزت راسها شمال ويمين وطلعت تاني علي فوق تغير بسرعه كرم....😂😂😂 بكر.....بنقولك ايه صحيح انا مش طايقها بس صعبت عليا😂 كرم....ميصعبش عليك غالي يا حنين بكر...ملاقتش غير مها تسوحها عليها مش هتحلها اديني بنقولك اهو كرم....خلينا نتسلوا احنا ورانا حاجه😉 بكر....علي قولك بس عايز نقولك حاجه زمان دره ومها ودعاء لما كانوا بيحطوا راسهم في راس بعض كانوا بيبهدلوا الدنيا ودره متفرقش عن مها دماغها سم وزي ما مها اتفقت مع سونه دعاء ودره هيتفقوا واللي انت فرحان بيه الوقت ده هيتعك فوق راسك واديك شوفت جزء امبارح لما دبستك في الطلبات يعني مش هتعديهالك😂😂😂 كرم...الله وانا مالي هو انا اللي رشيت عليها دي مها تصطفل معاها ويارب تعرف اسد مع مها 😂😂 بكر....ياخوفي تسيب مها وتقفش فيك انت😂😂😂 كرم.....يبقي جات لقضاها 😉 بكر.....سترك ياااااارب كرم....بكر بنقولك ايه بكر...قول كرم....الشغل انهارده مريح وهادي هخلع انا اروح مشواري اللي قولتلك عليه ومش هغيب وكده كده معاك الشباب جوه بكر....تمام روح الشغل هادي زي ما قولت مش كتير متيشلش هم كرم....طيب انا هطلع اغير في السريع ونروح بكر....طيب يا صاحبي يلا روح ربنا معاك. كرم....يارب سابه كرم وطلع علي شقته عشان يغير فتحت مها الباب واول ما شافته ضحكت مها.....علي فين😂😂 كرم....😂😂😂طالع نغير يا مصيبه عندي مشوار وبعد كده ابقي نشني صح المايه جات عليا مها....المهم انها طالت اللي ما تتسمي😂 كرم...طالتها متقلقيش وكانت بتطلع نار من عينها 😂😂 مها....كنت مستنياها تتكلم عشان نسمعوها ربع بس سَكتت😂😂 كرم.....متقلقيش لو عالربع اكيد هتقوليه بس هي شكلها كان مستعجل ومحبتش تضيع وقتها😉 مها....الايام بينا وانا مش هنحلها كرم....طيب انتي رايحه فين مها....كنت طالعه نغسلك وننشرلك كرم.....طيب يلا تعالي عندي غسيل كتير وبالمره خدي اللي عليا دول مها....عيني يلا يا اخويا. ............... دعاء....و سكتلها ليه كنتي روقي عليها😒 دره....حظها اني مش فضيالها و مستعجله بس وديني ما هنعديها يامها🤨 دعاء....هي خلاص حطتك في دماغها هي وسونه زي ما قولنلك ركزي بس المهم الوقت سيبك منهم وركزي في شغلك اتوظفي انتي بس وانا هنقعدوا نتكتك في كام حاجه كده وناخدوا حقك 😉 دره....بضحك وماله مش هما اللي قرروا يبداوا اللعب يستحملوا هزاري بقي بس ميبقوش يعيطوا لما يلاقوا هزاري تقيل😂😂😂 دعاء....طيب يلا عشان متتأخريش دره....شكلي حلو دعاء....زي القمر وان شاء الله ربنا هيقف معاكي وهترجعي وانتي مبسوطه دره....يارب يا دعاء ادعيلي ❣️ دعاء....ربنا معاكي ويوفقك يا احلي دكتوره😍 دره...ويخليكي ليا يا احلي اخت في الدنيا باستها دره بحب يلا سلام دعاء.....سلام قفلوا الباب ونزلت دعاء علي شقه نبيله و نزلت دره علي تحت نبيله....كنتي فين يابت دعاء....كنت بنشوف دره دره...هي مش نزلت دعاء....اللي ما تتسمي مها حدفت عليها مايه وطَلعت غرقتها نبيله....بضحك رَجعت لايام زمان😂 دعاء....😂شكلها كده وحشتها المقالب بنقولك ايه يا بلبله نبيله...قولي دعاء....بالله عليكي يا اما ادعي لدره من قلبك دعوه حلوه عشان تتوفق في الشغل بتاعها بصتلها نبيله وسكتت دعاء.....دعوتك هتفرق معاها يا بلبله❣️ نبيله.....طول عمري بندعلها يا دعاء حتي وانا زعلانه منها دعاء...نفهم من كده انك دعيتلها نبيله....بحب دعينالها يا دعاء ومتقلقيش هترجع مجبورة الخاطر متخافيش عليها طول عمرها اللي في دماغها بتعمله وبتصمم علي اللي عيزاه عنديه زي امها😏 دعاء....بحب باستها من خدها والنبي ما في احلي ولا احن من امها ربنا يخليكي. ليها ويخليها ليكي ❣️ نبيله....ويخليكي ليا يا بنت الاصول دعاء...حبيبتي يا بلبله😍 ............ خرجت دره من البيت وقبل ما تخرج بصت علي فوق خافت مها تكون واقفه تاني واول ما لقت البلكونه فاضيه خرجت بسرعه علي بره مَنكش...يا صباح الحلويات😁 دره...صباح الخير يا مَكنش زكريا....خلاص رايحه دره....ايوه يا بابا زكريا....ربنا معاكي مش هتاخدي السواق بردوا دره....لا خليني اروح لوحدي عبدالله مش هنا بالعربيه وحسن كمان خد البنات عشان لو حصل حاجه يبقي في عربيه معاكم زكريا....هيحصل ايه يعني وبعدين في عربيه تانيه في الجراچ مَنكش.... بسم الله ماشاء الله كل دي عربيات😒 ضحكت دره عليه😂😂 زكريا.....عينك يا ابن الفقريه 😒 مَنكش.... هنحسدوك يعني يا معلم زكريا 🥴 زكريا....سيبك منه المهم لو احتاجتي حاجه كلميني دره....ربنا ما يحرمني منك ❣️ ابتسملها زكريا بحب وهز راسه فرحت دره بالتطور اللي بيحصل بينها وبين زكريا و سابتهم ومشيت. بدأت دره يومها ما بين نقابه الاطباء وبين اختيارها للمستشفيات اللي حابه تقدم فيها يومها كان طويل وصلت علي مستشفي خاص وكانت معاها توصيه خاصه من دكتور كبير في نقابه الاطباء رشحها بنفسه لما شاف الشهادات بتاعتها في امريكا وعرف ان اكيد المستشفي هتستفاد من خبرتها دخلت دره قابلت مدير المستشفي استمر الحديث بينهم حوالي ساعه الا ربع كانت مبسوطه جداً وكان نقاش مثمر بينهم انتهي بتعيين دره وبعد ما خلصت وسلمت علي الدكتور خرجت وكانت طايره من السعاده 😍 اول ما خرجت اتصلت علي دعاء دعاء....طمنيني دره.....اتعينت يا دعاء😍 سمعت دره صوت زغاريط فضلت تضحك وهي مبسوطه😍 نبيله....في ايه يابت فرح مين دعاء....فرح ايه يا بلبله دي دره بتقولي انها اتعينت😍 ابتسمت نبيله بسعاده وردت بهدوء نبيله.....مبروك دعاء....لا مبروك دي تقوليهالها هي وبسرعه حطت الموبايل علي ودنها بصتلها نبيله بغيظ🤨🤨 ضحكت دعاء وطبطبت علي صدرها بمعني عشان خاطري❣️ نبيله....ااا مبروك🥺 فضلت دره ساكته شويه وهي دموعها نازله بفرحه🥺 دره.....الله يبارك في عمرك يا امي🥺❣️ نبيله....ربنا يوفقك إن شاء الله دره....يارب ❣️ دعاء...هاتيها😍 ايوه يا دودو هتيجي امته دره....هجيب بس شويه حجات كده نقصاني وهرجع علي طول دعاء....متتأخريش عشان نحتفل 😍 دره....مش هتأخر يا حبيبتي يلا سلام دعاء....سلام❣️ قفلت دره الخط وشالت موبايلها ووقفت خدت نفس طويل بعد ما ممسحت دموعها مشيت خطوتين وفجأه وقفت مره واحده قبل ما تخبط في كرم 😳😳😳😳 بصلها كرم ورفع حاجبه 🤨 دره....ااا كرم🙄 انت بتعمل ايه هنا كرم.....نعمممم🤨 وانتي مالك بتسألي ليه ميخصكيش دره....😒براحه شويه اكيد ميخصنيش علي فكره كرم...ولما ميخصكيش بتسألي ليه🤨 دره...احممم يعني بشوفك لا تكون مراقبني كرم...انا و هنراقبك ليه إن شاء الله 🤨 دره....يمكن عشان تيجي تستخدم سلطتك و تدفع فلوس لمدير المستشفي عشان مشتغلش زي ما عملت كده مع البياعين😉 كرم....🙄🤨🤨🤨 دره....بس نحب نطمنك يا معلم كرم انا اتعينت خلاص يعني وفر فلوسك لحاجه تانيه للبياعين مثلا اللي انت خلتهم ميبيعوش ليا حاجه ولا هتقول مش انت اللي وراها🤨 كرم....ونقول مش انا ليه هنخاف اه انا 😒😒 ويكون في علمك طول ما انتي موجوده محدش هيبيعلك حاجه وابقي روحي بقي هاتي طلباتك من بره بحري😉 دره....بأبتسامه ثقه عادي مش مشكله نجيبها من اي مكان واهو رزق البياعين انا هنطلب وانت هتدفع😉 كرم.....وماله الفلوس كتير والحمد لله وخدي بالك بقي انتي من نفسك😉 دره....ايه بتهددني يا كرم هتقتلني مثلا ولا هتفضل ماشي ورايا زي ظلي تبوظ اي حاجه بنعملوها كرم....لا متخافيش قررت اني منوسخش ايدي بدم واحده خاينه زيك ولو عالصدفه اللي حصلت الوقت فاعادي دي صدفه متقلقيش انا لو عايز نراقبك مش هنتعبوا نفسي هريح في البيت واخبارك هتوصلي بس المشكله انك واخده في روحك مقلب كبير مش انتي اللي اراقبها واشغل روحي بيكي بصتله دره بغضب.....خد بالك من كلامك يا كرم انا مش خاينه 😡 كرم....بضحكه سخريه امال انتي ايه هاااا واحده استغلت سجن خطيبها وسابته وراحت اتجوزت كده فجأه بدون مقدمات عرفت اللي اتجوزته امته وازاي منعرفش ايه كنتي بتكلميه وانتي معايا كنتي بتقعدي تحبي فيه ومغفلاني 😡 زعلانه اوي اني بنقولك انك خاينه طب دي الخاينه انضف منك عالاقل بيبقي باين عليها ومشكوك فيها بس الوسخه 😡 اللي تبقي عايشه دور الملاك وهي مدوراها وبتلف علي حل شعرها😡 بصتله دره بغضب وبسرعه اتجمعت الدموع في عينها بس رفضت انها تنهار قدامه. دره.....ودين محمد يا كرم يا رفاعي لولا اننا في مكان عام لاكنت عرفتك مقامك ودفعتك تمن الكلمتين دول🥺 انا كنت متعاطفه معاك و موجوعه عليك زي ما موجوعه علي روحي من يوم ما جيت من السفر وانت جيت في قلب بيتي تهددني قدام ابويا واخويا وانا مستغربه جرأتك 😡 بس لما عرفت اللي انت فيه سَكت وقولت اسيبه يعمل اللي هو عايزه يمكن يرتاح بس اكتر من كده يا كرم واوعي تلومني كرم....هو اللي زيك يعرف يتوجع من امته وانتي بتحسي وبعدين مالي ما انا زي الفل تتوجعي عليا بأماره ايه شيفاني ماشي بنعرج ولا ماشي نقطع في هدومي عشان اتجوزتي دره.....اتوجعت لما عَرفت انك ضيعت حلمك اللي كنت بتحلم بيه 🥺 اتوجعت لما عَرفت من امي واخويا السر اللي كنتوا مخبينه عن الكل وان العاركه اللي اتحبست فيها مكانش ليك ذنب فيها وكنت بتداري علي عبدالله عشان خاطر ابويا كان تعبان🥺 اتوجعت اكتر لما عَرفت انك متجوزتش يا كرم🥺 اتوجعت لما عَرفت انك كنت بتحبني بجد زمان حبك عمره ما ظهر يا كرم كنت فاكره انك مبتحبنيش كنت فاكره انك راضي بالجوازه دي عشان اللي بين عيلتي وعيلتك وانك شايفني حد مناسب ليك ومش فارق معاك غير تعليمك وحلمك وبس بس مكنتش نعرف انك بتحبني🥺 عرفت اوتجعت ليه كرم...بصلها بغضب😡 وفري وجعك لروحك كل اللي بتقوليه ده لو فاكره انه هيشفعلك غلطتك تبقي بتحلمي انتي شكلك بتحولي تخففي من ذنبك دره....ذنب ايييييه اللي بتقول عنه انا معملتش اي حاجه 🥺 كرم....ذنب انك خاينه ورخيصه ذنب انك بايدك دمرتي كل حاجه كانت حلوه بين عيلتي. وعيلتك خدتي روحك وروحتي اتجوزتي وطيتي راسك ابوكي وعيلتك وسختي اسمك وعشان الناس متاكلش وشكم اخوكي الدكر راح معاكي ووافق علي جوازك😡 باع صاحب عمره اللي مرضيش يرميه في السجن طول عمري بخاف عليه وبحبه ورغم انه اكبر مني لكن كنت عارف انه مش حمل سجن وخوفت علي ابوكي وهو راقد لما يعرف انه اتسجن يروح فيها وكنت عارف اني طالع منها لانها عاركه ووارد يحصل فيها قلق ولما خدت السنه قولت مش مهم المهم انكم بخير بس مره واحده نتفاجئ ان خطيبتي اتجوزت وسافرت ورمت كل حاجه تحت رجلها قوليلي عَرفتيه امته وانا معاكي ولا لما اترميت في السجن😡قوليلي وقَعتي عليه ازاي؟ وازاي قدرتي بالسرعه دي تلعبي علي راجل تاني😡 مش بنقولك منخافش من الخاينه ولازم نخاف من الوسخه اللي متعرفش يعني ايه حب😡 دره بصتله ونزلت دموعها قدامه بوجع ومقدرتش تسكت اكتر من كده💔 دره....بغضب اخرس قطع لسانك انا اشرف من اي حد تعرفه وبنا انك مش راضي تشوف غير الحدوته اللي في دماغك دي انا هنقولك كل حاجه اوعي تفكر ان دره هي اللي ظالمه وان انا المذنبه الوحيده في الحدوته دي 😡 كبرت انا وانت واحنا مبنسمعش غير كلمه واحده دره لكرم وكرم لدره 💔 كنت فاكره انها مجرد كلمه بتتقال زي ما بيحصل في اي عيله بس بعد كده الموضوع دخل في الجد مش هنكدب عليك لما كنت بنسمع الكلمتين دول وانا بنت 14 كنت بنفرح وبنشوف نفسي زي اي بنت مراهقه في سني🥺 بس خليني بقي نقولك علي اللي انت متعرفهوش وافتكر ان انت اللي دوستلي علي طرف يا كرم🥺💔 ايوه مكنتش بحبك ولا عمري شوفتك الراجل اللي يبقي شريك حياتي ولما دخلت ثانوي حبيت يوسف واتعلقت بيه وهو كمان حبني 🥺 كرم....💔💔💔 دره....حاولت كتير نوقف الكلام والسخافه اللي بتحصل قبل ما تدخل في الجد وفجأه لاقيتني بنلبس دبلتك بس وقتها عشان انت كنت غالي عليا مقدرتش اني نلبس دبلتك وانا قلبي مع راجل غيرك قولت لامي انا بنحب و مش قادره اكمل معاك رفضت وشافت اني منعرفش مصلحتي قولت لعبدالله اتعارك معايا بدل المره الف عشانك مكانش هامه راحة وسعاده اخته زي ما كان بيفكر فيك وفي سعادتك🥺 طلبت من ابويا وهو كمان بعد ما كان عمره ما بيرفضلي طلب وقف قصادي وقالي كرم هيصونك ده متربي وسطنا وانتي متعرفيش مصلحتك وعشان امي كانت بتحبك اكتر ما بتحبني قدرت تسيطر علي عقل ابويا وتخليه يقف قصادي 🥺 لاقيت الدنيا كلها سوده في وشي ومحدش واقف معايا حاولت اني. اسمع كلامهم واحاول اشوف اللي هما شايفينه يمكن معاهم حق وانا اللي مش عارفه مصلحتي🥺 مش هقدر اقولك اني شوفت فيك اي عيب كنت قريب مني كنت سبب كبير في كل اللي انا فيه الوقت حبك لحلمك انك تبقي دكتور خلاني انا كمان اخدك قدوه ومثل اعلي ليا وبقيت اذاكر واجتهد واتشجع بيك كنت راجل كنت محترم ومؤدب وفيك كل الصفات الحلوه بس لما كنت بحاول ادي لنفسي فرصه معاك عشان اشوفك شريك حياتي. مكنتش بلاقي الجزء ده فيك خالص عمري ما شوفتك بتخبني غير زي مها اختك عمرك ما قولتلي بحبك عمرك ما قولتلي كلمه حلوه زي اي واحد وخطيبته🥺 مشاعرك كانت بارده ومقدرتش اعرف ليه عشان مثلا انا اخت صاحبك وانت مستعيب تظهر حبك ولا عشان انت اصلاً مبتحبنيش وانا بالنسبالك جوازه والسلام🥺 وكل ما كنت نفكر فيك يا كرم نلاقي معامله تانيه من يوسف اللي كان بيعلقني بيه يوم ورا يوم وكان ظاهر حبه ليا بكل الطرق وقتها قلبي قرر يختاره هو ولأني ملاقتش حد يقف معايا بردوا انت مهونتش عليا وقررت اني نروح لامك لجأت لنجوي يا كرم وقولتلها اني مش قادره نشوفك غير اخويا طلبت منها تقف معايا وتحاول تغير رأي امي وفكرها قالتلي ماشي ولما راحت لامي قالتلها نفس الكلام دره متعرفش مصلحتها دره بتدلع دره لسه صغيره 🥺 ونجوي سكتت وسمعت كلام امي وصدقتها🥺 ولما حصلت العاركه اللي عبدالله قتل فيها ابن منصور قبلها كان متعارك معايا فوق في البيت ونزل وهو مش شايف قدامه واتعاركوا سوا وحصل اللي حصل لو كان بس وقف معايا مكانش كل ده حصل مكانش العيلتين خسروا بعض زي ما قولت مكنتش انت اتسجنت وضيعت نفسك كل ده كان ممكن يخلص لو الموضع كان انتهي بهدوء بس لما انت أتسجنت انا فَضلت علي موقفي اللي كان موجود من قبل سجنك وابويا وقتها سكت وقرر بعد ما الدنيا خربت انه يوافق بس انا عارفه كويس ان هو مش وافق عشان صعبت عليه ولا زي ما انت فاكر عشان شافك رد سجون ابويا وافق عشان خاف اني اهرب مع يوسف واتجوز من وراه واوطي راسه زي ما قولت مع اني عمري ما كنت هعملها 🥺 بس عشان كان بيحبك وباقي علي عم رفاعي رفض يكون وكيلي وعشان ميرخصنيش قدام يوسف قال لعبدالله يقوم بالمهمه دي بداله عبدالله رفض ووقف قدام ابويا عشان بيحبك هو مباعكش زي ما انت فاكر يا كرم بس لما حس ان ابويا مش قادر علي المناهده دي وتعبان قبل وراح معايا وبعد ما الكتاب اتكتب مشي وسابني و مشوفتهوش تاني لحد ما رَجعت بعد عشرين سنه فضل مقاطعني عشانك 🥺 بلاش تحكلني ذنب مش ذنبي يا كرم انا لو في ذنب واحد غلطت فيه فحقك فا هو اني مسهلتش الطريق علي نفسي وعليك وجيت قدامك وصارحتك بكل ده وانا عارفه ان انت مكنتش هتقبل تتجوزني وانا في حد غيرك في حياتي وانت اللي كنت هتقف جنبي كرم....بوجع ومعملتيش ليه كده يا دره💔 دره....عشان مَقدرتش يا كرم كنت واثقه انك مش بتحبني بس كمان عارفه ان اي راجل كرامته هتوجعه لو اي بنت راحت قالتله انها مش بتحبه وانت كنت غالي عندي يا كرم كنت قريب مني وعمري ما شوفت منك حاجه وحشه كنت مستنيه الكبار يقفوا معايا وهما اللي يصارحوك بس كلهم اتخلوا عني وخصوصاً امي يا كرم يمكن هي اكتر حد غلط في حقك بس حبها ليك خلاها متحسش انها بتغلط في حقك جات عليا ومحبتش تيجي عليك🥺 انا اسفه يا كرم مكنتش حابه اوجعك بس انت اللي اضطرتني اعمل كده انا مس خاينه ولا واحده وسخه زي ما قولت انا حبيت زي اي بنت يمكن يا كرم لو كنت وقتها ظهرت حبك ليا يمكن كنت شوفت فيك اللي هما كانوا شايفينه بس ده محصلش وانا مقدرتش🥺 مش هقدر اقولك انسي وخلاص اللي حصل حصل بس يعني لو ينفع نصلح مع بعض اللي حصل من اهلنا ونرجع زي الاول ونرجعهم هما كمان لبعض خلينا نرجع يا كرم زي ما كنا صحاب واخوات واهل🥺 بصلها كرم بوجع 💔💔 كرم.....امشي يا دره 💔 دره....كرم 🥺 كرم....بغضب يعكس النار اللي جواه بنقولك امشييييييي😡 هزت دره راسها بخوف وبسرعه اختفت من قدامه حط كرم ايده علي قلبه 💔 كان حاسس ان في سكاكين بتقطع فيه مش قادر يصدق كل حياته ضاعت علي حلم عاش فيه لوحده معقول مكانتش بتحبه معقول فشل انه يظهر حبه ليها عاش طول حياته مستني اللحظه اللي ترجع و ينتقم منها وفي الاخر متطلعش هي المذنبه الوحيده ونبيله وامه والكل كان عارف انها مش بتحبه وخبوا عليه ظلموها وظلموه وضيع حياته علي وهم هو الوحيد اللي كان عايش فيه💔 خرج كرم من المستشفي وهو مش شايف قدامه 🥺 .................. خرجت دره من المستشفي وراحت علي البحر فضلت تعيط كتير ندمت انها اعترفتله بعد ما شافت في عينه كسره ووجع من معرفته للحقيقه دره....بوجع سامحني يا كرم بس كان لازم تعرف الحقيقه عشان ترتاح كان لازم تريح قلبك اللي اتملي بالوجع والغضب والانتقام انت اللي اضطرتني اسمعك كلام يوجعك💔🥺 .................. بعد ما فرغت دره الوجع اللي كان جواها رجعت علي البيت شافها زكريا كان باين عليها الحزن فكر انها متوفقتش زكريا....خير يا دره دره....بإبتسامه بسيطه الحمد لله يا بابا اتعينت وهبدأ من بعد بكره شغل زكريا....امال مالك شكلك مش مبسوطه ليه دره...ابداً بس تعبت من المشاوير اللي عملتها ومصدعه شويه زكريا....طيب اطلعي ارتاحي شويه دره....حاضر بعد اذنك طلعت دره علي السلم وهي دموعها نازله لمحت دعاء بتخرج الكيس في الباسكت ضحكت اول ما شافتها وبعدين بصتلها بلهفه دعاء....ايه ده انتي بتعيطي في ايه😳 خرجت نبيله علي صوت دعاء وبصت لدره وقلبها اتخطف نبيله....في ايه؟ 🥺 دره....بوجع🥺 ليه عملتوا فينا كده ليه حطتوني في الموقف ده نبيله....موقف ايه دعاء...في ايه يا دره حصل ايه دره.....اضطريت اقف قصاد كرم واقوله الحقيقه قولتله اني عمري ما حبيته قولتله اني طلبت منك ومن عبدالله ومن ابويا وحتي امه انكم تنهوا المهزله دي وانتوا رفضتوا قولتله كل حاجه توجعه🥺💔 نبيله....بغضب ووجع ليييييه عملتب كده ليه💔 دره....بانهيار عشان وجعني.💔 عشان قالي اني خاينه واني واحده وسخه ورخيصه عشان قالي اني كنت بغفله و انا لابسه دبلته وماشيه مع راجل غيره عشان قالي اني استغليت سجنه وروحت اترميت في حضن راجل تاني مقدرتش نسكت كان لازم نواجهه بالحقيقه مكنتش عايزه نوجعه بس انا اتوجعت وكفياني وجع لحد كده وكفايه عليه هو كمان وجع كان لازم يعرف الحقيقه عشان يفوق لروحه لو كرم كلن فاكر اني غفلته كان لازم يعرف انه عاش متغل عشرين سنه بسببكم كان لازم يعرف يا امي انكم ربتوني صح واني اشرف من الصوره اللي رسمهالي وحفرها جوه قلبه طول السنين دي سابتهم دره وطلعت بسرعه علي شقتها وفضلت دعاء ونبيله واقفين بصت دعاء علي نبيله لقت دموعها نازله دعاء.....بيتهيألي كده افضل لكرم يا بلبله حتي لو هيتوجع الوقت بكره هيفوق لنفسه بقي💔 سابتها نبيله ودخلت علي اوضتها واول ما دخلت اتصلت علي كرم بس مردش في المساء كانت الساعه 12 كرم مرجعش و موبايله مقفول ومحدش عارف يوصله وبدأ الكل يقلق عليه دعاء....في ايه يا حسن بتكلم مين في الموبايل ومين ده اللي مش لاقينه حسن....ااا ده محمد ابن بكر بيقول ان كرم مختفي من الصبح و مَرجعش وموبايله مقفول ومحدش عارف يوصله. بصت دره لدعاء ونبيله بقلق عبدالله هو عيل صغير اكيد هيظهر نبيله....او يمكن جراله حاجه🥺 بعد اللي عرفه عبدالله....عرف ايه انتي عارفه حاجه يا اما دره....بوجع💔 قولتله الحقيقه اللي خبيتوها عنه يا عبدالله عبدالله....😳 ايه وعملتي كده ليه ليييييه بصوله البنات بخوف بعد ما سمعوا صوته دره...بوجع عشان شاف اختك رخيصه ووسخه وخاينه يا عبدالله عَرفت قولناله ليه💔 بص زكريا وعبدالله لبعض بحزن وسكتوا عبدالله....بوجع تعالي معايا يا حسن دعاء....علي فين يا عبدالله عبدالله....ندوروا علي صاحب عمري يا دعاء💔 وللحديث بقيه.....

مقالات ذات صلة

لقاء كـ،ــ،ـارثي

لقاء كارثي

لقاء كـ،ـ،ـارثي

لقاء كارثي

لقاء كارثي

ابن ليل

اترك تعليقاً إلغاء الرد