ابن ليل

#أبن_ليل #صاحبة_البطل_الواحد #أميره_اسامه البارت الأول ................. في محافظه الأسكندرية عروس البحر المتوسط وتحديداً في (بحري) الساعه 12 مساءاً. اصوات عاليه وصوت خناق في بنايه المعلم رفاعي في الدور الرابع . مها....والمرسي ابو العباس لا هطين عيشتكم انهارده لو ما نطقت منك له😡 بكر....ما تنطق ياولا منك له🤨 محمد....ايوووه انت مصدق كلامها يا بابا. بكر....اهو ادام قولت يا بابا تبقي عامل مصيبه انت واخوك🤨 ضحك احمد وحط ايده علي بوئه. مها.....شوف الولا بيضحك ازاي ولما أنسل شبشبي علي دماغتكم بتزعلوا😡 محمد....يا ست الكل والله ما جرا حاجه كل الحكايه ان سونه نادت عليا من الشباك وقالتلي انها عايزه ربع كيلو جبنه تركي روحت اجيبلها و رَجعت ناديت عليها نَزلت السبت بس الحبل اتعقد فا طَلعت ادتهولها ومخدتش خمس دقايق ونَزلت بسرعه🙄 مها.....بتريقه لا والله بقي الحبل اتعقد فا طَلعت تديها الجبنه التركي ومخدتش غير خمس دقايق ياولا انا شيفاك بعيني اللي هياكلهم الدود دول طَلعت و نَزلت بعد نص ساعه😡 انا قولت الف مره تبعدوا عن سونه دي خالص دي مره مُلعب وغيتها تصطاد العيال الصغيره احمد....احنا مش عيال يا مها🙄 مها....أتلهي بدل والمرسي ابو العباس اقطع من جسمك نسايل وارميهم لكلاب السكك😡 بكر....بالهدواه يا مها انتي اكيد حسبتي الوقت غلط وبعدين نص ساعه الولا هيلحق يعمل فيهم حاجه🙄 ضحك محمد واحمد وكتموا ضحكهم🙈 مها....بغضب 😡 انتوا ناوين تشلوني وبعدين انت مشكلتك في انه مَلحقش يعمل حاجه ولا في انه طَلع لسونه الزفت دي😡 بكر....اني معنديش مشكله يا قلبي انتي اللي عندك🙄 مها.....ماليك حق ماهم طالعينلك 😒 بكر....ايووووه انتي هتسيبي عيالك وتمسكي فيا ما انا مرزوع في وشك طول اليوم يا في البيت يا تحت في الدكان😒 بس انا عايز افهم انتي ايه مشكلتك مع سونه دي حطاها في دماغك ليه ومعكره مزاجك مها.....هو كده يا بكر مره مُلعب ومش سالكه بنص جني 🤨 لا بنطيقها ولا بنطيق بنتها سماح الوليه مطلقه خمس مرات و كيفها تحوم علي الشباب الصغيره وولادك مبيعتقوش ديلهم نجس😡 محمد.....احنا ديلنا نجس طب بزمتك شوفتي علينا ايه يخليكي تقولي كده احنا نمشوا نتسلوا لكن نرافق في الحرام محصلتش ولا هتحصل ولا انتي يا ست مها مش واثقه في تربيتك🤨 بكر.....هااا ارتاحتي مها.....🤨🤨🙄 انا واثقه في تربيتيي لكن مش واثقه فيكم يا ولاد بكر هي كلمه ومش هتنيها وديني يا محمد انت واخوك لو قربتوا يمة المره دي لا اكون مطلعه روحكم بأيدي او هعلقكم علي باب الدكان تحت زي الدبايح😡 أحمد....أمك شكلها مضايقه عشان عايزه تجوزها لخالك🤨😂 مها.....تف من بوئك ياولا سونه مين دي اللي تتجوز سيد الناس مبقاش غير سونه اللي تبقي مرات اخويا🤨 الباب خبط في الوقت ده بصوا لبعض كلهم. احمد....احيه شكل كده جدي سمع صوتك وطالع يروقنا🙄 محمد....عاجبك كده هو يوم مهبب اني عارف😒 مها....احسن خليه يجي يشوف ولاد بنته اللي طالع بيهم السما😡 راحت مها عشان تفتح. بكر....بضحك وصوت واطي لبستوا يا خرونج منك له اشربوا بقي جدكم هيرفعكم😉😂😂 احمد....بقولك ايه يا بكر خليك معانا بكر....انا؟!!! ولا اعرفكم🙄 فتحت مها الباب ووقفت ساكته طل عليها كرم بهيبته المعتاده وصوته الأجش🤨 كرم....صوتك عالي ليه يا مها؟ مها....بتمثيل العياط ألحقني يا اخويا ولاد بكر هيموتوني🙈🙄 احمد....احييييه امك قَلبت امينه رزق محمد....قول الحمد لله انه كيرو مش جدك🙄 بكر.....الوقت بقوا ولاد بكر 😒 تعالي يا كيرو ادخل. دخل كرم بهدوء ايده الاتنين وراء ضهره و السيجاره بين صوابعه وباصص علي احمد ومحمد. كرم.....في ايه منك له؟ محمد....ولا حاجه يا كيرو بس امي بصراحه بقت صعبه اوي مها....شايف يا اخويا الولا مبقاش طايقني. كرم....اتكلم مع امك عدل يا محمد وقول في ايه محمد....يرضيك يا كيرو امي تشك فيا ليه وليه سونه ناديت عليا عشان عايزه جبنه تركي حدفت السبت بس الحبل طَلع متعقد فا طَلعت ناولتها الجبنه ونَزلت والمرسي ابو العباس ماخدت خمس دقايق وهي مصممه اني فَضلت فوق نص ساعه🙄 كرم....بص لمها الولا حَلف يا مها🤨 مها.....بشهقه قالو للحرامي أحلف يا خويا😏 محمد....بقي كده يا مها انا حرامي؟ كرم....متسوقش فيها بدل ما اروق عليك كام مره قولت تبعدوا عن سكه سونه ومحدش فيكم يَجي يمتها🤨 احمد.....هي اللي نادت علينا يا كيرو يعني نقولها لا مش هنجيبلك الوليه قصدتنا في خدمه🙄 مها....وانتوا مبتقصروش كله إلا الخدمات بتاعت سونه😏 ضحكوا كلهم علي مها وابتسم كرم بهدوء وبص لمها. كرم....خلاص بقي روقي دمك عيالك صايعين اه بس متقلقيش دول تربيتي يا بت مها....والنبي ما حد بوظهم غيرك انت وابوهم😒 كرم....الله هتقلبي عليا انا كمان🤨 ضحكت مها و طبطت علي كتفه بحب مها.....وانا اقدر يا غالي ❣️ كرم.....ماشي ياستي المهم وطي صوتك شويه وبلاش الحمقه دي ابوكي لو سَمع هيطلع يروقك انتي وعيالك والراجل الغلبان ده بكر....قولها والنبي يا كرم 😒 مها....قولهم انت يبطلوا يحرقوا دمي المهم انت بتعمل ايه كل ده في الدكان ده بكر طالع من ساعتين. بكر.....صحيح انت روحت فين احنا مش قفلنا الدكان سوا🤨 كرم.....روحت عالكورنيش شويه مها....احيه عليك يا كرم كورنيش الوقت ده الدنيا بره كانت بتشتي. كرم....اتمشيت شويه واديني رَجعت اهو يلا انا طالع انام مش قادر. مها....طالع فين والمرسي ابو العباس ما هتطلع قبل ما ناكلوا سوا كرم....يابت بطلي تحلفي عمال علي بطال انتي عارفه اني ادام قولت طالع يبقي طالع😒 مها....ايوووه بتحلف عليا وبعدين اني عامله العيش بلحمه اللي انت بتحبه. كرم....بالف هنا عليكم اني مش جعان يلا تصبحوا علي خير وانت ياولا انت وهو متضايقوش أمكم وحبوا علي راسها بدل ما تغضب عليكم🤨 أحمد....حاضر يا خاااال😍 محمد.....حبيبي يا كيرو بقولك ايه سونه بعتالك السلام🙄🙈 ضربته مها علي كتفه سلم علي قلبك انت واللي ما تتسمي😡 بكر.....تصبح علي خير يا كيرو كرم....بضحكه هاديه وانتوا من اهل الخير. خرج كرم وقفل وراه الباب وطلع علي شقته في الدور الخامس واللي قاعد فيها لوحده. مها فضلت باصه علي الباب واتنهدت تنهيده حزن مها.....عيني عليك يا اخويا اللي يجازي اللي كان السبب💔 محمد....لا بقول ايه ياست الحبايب مش وقته خالص تفتحتي المندبه بتاعت كل يوم اني جعان🙄 مها....انا بفتح مندبه ياقليل الربايه 🤨 احمد....انا من يوم ما وَعيت علي الدنيا وانتي كل يوم تفتحي المندبه دي محمد مغلطتش مها....شايف عيالك🤨😒 بكر....بضحك معاهم حق انسي بقي يا مها دول عشرين سنه مها....انسي !! طيب ولو انا نسيت كرم هينسي يا بكر بكر....كرم لا نسي ولا هينسي هو بيحاول يعيش ويتعود فا منقلبش عليه المواجع احنا بقي. مها ...بتنهيده يلا جهزوا التربيزه هجيب الاكل💔 .......................... طلع كرم علي شقته حط المفاتيح وكل حاجته علي التربيزه دخل خد دش دافي وبعد وقت بسيط طلع وكالعاده اللي مقطعهاش من عشرين سنه شغل اغنيته المفضله ( لسه فاكر قلبي يديلك أمان) حط قهوته علي نار هاديه وراح لبس ورجع خد قهوته وفضل يلف علي الشقه يقفل في الانوار كلها ويعيش الجو اللي بيفضله مع قهوته و أغنيته المفضله وحالة الشجن اللي ملازمه قلبه وكالعاده خانته رجليه وراح بهدوء علي البلكونه حط فنجان القهوه علي سور البلكونه وولع سيجاره وسرح مع كلمات الأغنيه وهو باصص علي العماره اللي في وش عمارتهم. لسه فاكر قلبي يدي لك أمان ولا فاكر كلمة حتعيد اللي كان لسه فاكر قلبي يدي لك أمان آه ولا فاكر كلمة حتعيد اللي كان ولا نظرة توصل الشوق والحنان لسه فاكر كان زمان، كان زمان لسه فاكر كان زمان، كان زمان كانت الأيام في قلبي دموع بتجري وإنت تحلى لك دموعي وهي عمري كانت الأيام في قلبي دموع بتجري وإنت تحلى لك دموعي وهي عمري ياما هانت لك وكانت كل مرة تمحي كلمة من آمالي فيك وصبري ياما هانت لك وكانت كل مرة تمحي كلمة من آمالي فيك وصبري كلمه.💔 عينه كانت علي البيت وهو ملامحه بتتبدل في الثانيه الف مره ما بين تأثر وحزن وحنين وغضب 💔 اتنهد كرم بوجع وخد الفنجان بتاعه ودخل وقفل باب البلكونه وراه💔 ................ في صباح يوم جديد أتجمع كل أفراد عيله الرفاعي كالعاده علي الفطار. رفاعي هو كبير العيله تاجر مواشي وجزار كبير في بحري بيملك 6 محلات جزاره في شارعهم اربعه منهم تحت بيته فاتحهم علي بعض بعرض العماره كله محل كبير اوي كل حاجه تخص اللحوم بيبعها فيه والمحلين التانين علي اول شارعهم وعنده ارض عاملها مزرعه للمواشي خاصه بتجارتهم فقط. نزل كرم كان الكل متجمع علي السفره دخل كرم القي السلام علي الجميع وقرب من والدته باس راسها بحب. كرم....صباح الخير يا نوجا نجوي....صباح الفل والسعاده والهنا قرب كرم من والده باس ايده كرم....صباح الخير يا سيد المعلمين رفاعي....صباح الخير يا كرم. قعد كرم في الكرسي اللي قدام رفاعي إبراهيم....وانا مفيش صباح الخير يا هيما انا حتي اخوك يا كيرو😒 كرم...ما بلاش انت خليني ساكت🤨 إبراهيم....الله وانا عَملت ايه عالصبح كرم.....غَطست فين ياولا امبارح وسيبتني اتعك في قفل الدكانين اني و بكر🤨 بصلوا إبراهيم وهو بيغمزله🙄 رفاعي...مالك بتبرقله ليه قولوا انك كنت بتصيع🤨 إبراهيم....أنا يا حجيج الله يسامحك وانا بردوا ليا في الصياعه.🙄 مها.....حوش حوش اللي يسمع يقول مبيسبش السجاده بتاعت الصلاه🤨 إبراهيم.....اعوذ بالله سخان كهرباء عايش معانا😒 محمد.....انت لسه واخد بالك يا هيما اختك كده علي طول😒 مها....طبعاً ومين يشهد للعروسه ما انتوا التلاته راسكم في راس بعض 😒 نجوي....بضحك يابت مالك ومالهم ماتسبيهم بتعدي النفس عليهم ليه مها....عشان متربوش التلاته يا نوجا ابنك و ولادي هينقطوني🤨 نجوي....بعد الشر عليكي يا قلب امك😂😂 رفاعي....كفايه خوتت دماغ انتي وهما عالصبح خلونا في المهم بكر.....خير يا حاج رفاعي.....سَمعت امبارح ان في مزاد علي محل علي إمه الشارع اللي ورانا و عَرفت زكريا الجمال داخل المزاد ده عايزك يا بكر تجيبلي كل التفاصيل وتسجل اسمي في المزاد بكر.....عيني يا حاج بس يعني لو تسمحلي اقول رأيي؟ رفاعي....قول يا بكر بكر....يعني بيتهيألي المحل ملهوش لزوم كفايه الست محلات وبعدين هيبقوا كلهم في نفس المنطقه كتير اوي يا حاج بس طبعاً براحتك رفاعي....عارف يابكر انه ملوهش لزوم بس اني مش هسيب المحل لزكريا الجمال لو فيها رقبتي. مها....بسخريه ملاقتش يابا غير بكر اللي يقوم بالمهمه دي 😏 انت ناسي ان اخته الحيله مناسبه عيله الجمال🤨 بكر.....ايوووه عليكي ومال اختي بالموضوع الوقت وبعدين انتي لو مسمتيش بدني بكلامك عن اختي متعرفيش تكملي يومك🤨 مها....ومالك يا اخويا أتحمقت كده ليه😏 رفاعي....بس انتي وهو بلاش صداع اسمع يا بكر اني عارف انك ما بتقولش كده عشان نسب اختك من عيله الجمال زي المخبوله دي ما بتقول وعارف انك بتتكلم صح بس انت عارفني اي حاجه زكريا الجمال يحط عينه عليها انا حالف اني مهنيهوش عليها زي ماهو بيعمل معايا بالظبط🤨 نجوي...ايوه يا حاج بس هو انت عشان متهنيهوش عليها تشتري حاجه ملهاش عازه عندك. رفاعي....ومين قال انها ملهاش عازه عندي بس كرم وبكر ماسكين الدكان الكبير ومحمد واحمد ماسكين الدكان الصغير مع هيما لما ناخد المحل ده كمان هيما يقف فيه لوحده المهم زكريا الجمال مياخدش المحل😒 بكر.....ماشي يا حاج متقلقش انا هظبطوا كل حاجه اطمن واعتبر المزاد بتاعنا رفاعي....علي خيرة الله ساكت ليه يا كرم كرم....ابداً يا حاج اني معاك في اي حاجه تنكد علي عيلة الجمال🤨 رفاعي....عفارم عليك هيما....بصوت واطي العداوه دي مش هتخلص في سنتنا السوده🥴 ضحك احمد ومحمد 🙈 رفاعي.....بتقول ايه ياولا🤨 هيما....انا 🙄 بقول مبروك عليا إداره الدكان الجديد انا نازل افتح سلام عليكم رفاعي....خدني معاك اروح اطل علي المزرعه عايزه حاجه يا نوجا نجوي....عايزه سلامتك يا سيد الناس رفاعي.....عايزه حاجه يا مها مها.....اه والنبي يا حاج ابعتلي كام كيلو لبن من المزرعه رفاعي...بضحك يابت طب قولي سلامتك حتي😂 بكر.....مها 😒😒 مها....بضحك ومالها مها ياسي بكر سلامت ابويا دي مفروغ منها بس اللبن عشان احلي بوئه بأحلي طاجن رز معمر بكر...كام كيلو لبن عشان تعملي طاجن رز معمر ربنا عالظالم😒😒 ضحكوا كلهم وقاموا نزلوا علي المحلات فتح بكر مع كرم المحل الكبير وبعدين راح يشوف قصه المزاد ايه وخلص كل حاجه ورجع تاني يكمل شغل رجع رفاعي من المزرعه وقعد علي باب المحل الكبير يتابع الشغل في صمت الدبايح متعلقه وكرم مركز في شغله واقف واقفة معلم كبير ليه هيبه ابتسم رفاعي بفخر وحب وبعدين نادي بعلو صوته علي القهوجي رفاعي.....ولا يا منكش. جري منكش من القهوه وراح عليه بسرعه منكش.....حقك عليا يا سيد المعلمين عوأت عليك رفاعي.....طب يلا يا خويا ناولني الشيشه ظبط منكش الشيشه وقربها من رفاعي سحب رفاعي نفس وهو مستمتع رفاعي.....مفيش حاجه ياولا يا منكش بتعمر دماغي غير الحجر بتاعك يلا اجري هات القهوه منكش....بابتسامه هوااااا في التوقيت ده قربت عربيه مرسيدس سوده وركنت في الجانب التاني من الشارع قصاد رفاعي نزل منها زكريا الجمال بكل ثبات وتباهي بص لرفاعي بصه كيد وهو ماسك عصايته في ايده ليها رأس أسد من الدهب خد منه الصبي المفتاح ركنها بعيد عن محلاته وراح زكريا بكل فخر قعد قدام محلات الجزاره الخاصه بيه قعد علي الكرسي وحط رجل علي رجل قدام رفاعي ونادي بعلو صوته زكريا......ولا يا منكش الشيشه والقهوه ياولاااااا بص بكر لكرم 🙄 بكر....استر يا ستاااااار ابتسم كرم ابتسامه خفيفه وكمل تقطيع في اللحم جري منكش علي زكريا وهو معاه الشيشه وفي الايد التانيه صنيه عليها قهوه منكش.....احلي شيشه ليك يا سيد المعلمين رفاعي....بغضب ولا يا منكش🤨 فين قهوتي يالااااا مش تشوف طلبات المعلمين الكبار الاول وبعدين تروح تشوف طلبات عامة الشعب🤨 زكريا.....بضحكه كيد عفارم عليك ياولا يا منكش طلبي عمره ما اتأخر معلوم هو في طلب يتأخر علي المعلم زكريا الجمال. منكش.....حالاً يا معلم رفاعي قهوتك بتجهز رفاعي....حالاً تكون عندي ولو اتأخرت هقوم اطربق القهوه علي نافوخك😡 منكش....بخوف طياري يا معلم رفاعي ضحك زكريا بشماته عشان عرف يحرق دم زكريا وسحب نفس طويل من الشيشه وخرج الدخان بتجاه رفاعي. زكريا......بعلو صوته يا عبدالله خرج عبدالله من المحل بسرعه وراح لابوه في نفس الوقت خرج كرم و ووراه بكر وقفوا جنب رفاعي 🤨 عبدالله....نعمين يا سيد المعلمين زكريا.....تأمين المزاد اندفع عبدالله بأبتسامه بص لرفاعي اعتبر المحل بتاعنا و يافطه زكريا الجمال سيد المعلمين اتعلقت عليه😉 جري منكش علي رفاعي حط القهوه قدامه ضحك رفاعي بعلو صوته في قلب الشارع علي كلام زكريا وعبدالله ابنه. رفاعي.....ده لما تشوف حلمة ودنك ياواد يا منكش بصلوا منكش باستغراب انا مالها حلمة ودني يا معلم🤔 ضحك بكر وكرم علي منكش🙈 رفاعي.....مش عجباني يا منكش منكش....نغيروها يا معلم زكريا......ولا يا منكش جري منكش علي زكريا بسرعه زكريا....نعمين يا سيد المعلمين زكريا.....حلمة ودنك عجباني ياولا متغيرهاش واللي مش عاجبه مايبصش عليها ضحك زكريا وعبدالله بعلو صوتهم. رفاعي....ولا يا منكشششش جري منكش عليه منكش.....أوامرك يا سيد المعلمين🥴 رفاعي....عايزك ياولا تجهز أكبر كميه شربات عندك حلاوة الدكان الجديد اللي هيرسي عليا في المزاد من غير مقاطعه منكش....اعتبروا حصل يا سيد المعلمين زكريا....ولا يا منكششششس منكش...بصوت هامس الله يخربيت منكش علي اللي جابو منكش🥴 بكر....بضحك حلال فيك الدوخه يا منكش الكلب عشان متجبليش قهوتي لحد الوقت😂😂 منكش.....خدامك يا سيد المعلمين🥴 زكريا.....بدل الشربات بقهوه ساده عشان الدكان مفيش غيري هياخدوا منكش.....عيني يا سيد المعلمين رفاعي....بغضب منكششششش جري منكش عليه 🥴 منكش....ايوه يا معلم رفاعي😭 رفاعي......قول للمعلم القهوه الساده حسابها عندي اصل الدكان بتاعي وبعدين مش هيبقي موت وخراب ديار يعني خسران ويحاسب كمان ده اسمه كلام منكش....طول عمرك فهمان يامعلم🥴 خرج هيما ومحمد واحمد من المحل وراحوا عليهم لما شافوا الناس متجمعه وبتتفرج علي الخناقه اليوميه للقط والفار بتوع اسكندريه😂🙈 قام زكريا وقف وهو رافع حاجبه زكريا....ولا يا منكشششسس منكش....يارب خدني وريحني 😒 ايوه يا سيد المعلمين زكريا.....قول للمعلم جيب السبع ميخلاش وعمري ما اطلع خسران ولو كنت ناسي أفكرك بأخر دكان خدته منكش....ماهو سامعك لازم المشوره دي😭😭😭 قام رفاعي بغضب ولا يا منكششششس وقف منكش في النص وبص لرفاعي🥴 رفاعي....قول للمعلم اللي فاتح صدره صحيح انت خدت الدكان بس بعد ما لبستك في سعره ودفعت فيه الطاق طاقين يعني جاي عليك بخساره المعلم رفاعي عمره ما يخسر ابداً😂😂😂 زكريا....بغضب بص لرفاعي اتقي شري يا رفاعي😡 رفاعي....اعلي ما في خيلك اركبه يا زكريا😉 زكريا.....وماله هنروح بعيد ليه المزاد اخر الاسبوع وهنشوف مين اللي هيعيط رفاعي.....كويس انك فكرتني ابقوا فكروني اجيب كام كيس مناديل للمعلم زكريا عشان هيحتاجهم الفتره الجايه زكريا.....لو علي رقبتي يا رفاعي مش هسيبلك الدكان😡 رفاعي.....هاخده يا زكريا وهطير رقبتك لو اخر مليم في جيبي هاخده. زكريا....الساحه قدامك يا رفاعي والشاطر اللي يكسب في الاخر😉 رفاعي....خليك بس انت قد القول واكسب وانا يا سيدي هباركلك بكل روح رياضيه وهديتي ليك هولعلك فيه ومش ههنيك عليه😉 عبدالله.....متردش كتير يا معلم وتتعب قلبك الدكان بتاعنا كرم....بصلوا والله وطلعلك صوت يا ابن الجمااال🤨 عبدالله....🙄🙄 كرم.....والمرسي أبو العباس عشان كلمتك يا عبدالله الدكان مش هيبقي لحد تاني غير المعلم رفاعي وانت عارف لما كرم الرفاعي يحلف 🤨 عبدالله.....وانا مش هرد عليك بس هقولك زي ما ابويا قال الساحه قدامك يا كرم والشاطر اللي يكسب كرم....هكسب وهجيب جون بصباع رجلي الصغير😉 بعد مناوشات حاده بين المعلمين دامت اكتر من نص ساعه وبعد ما فرجوا الناس عليهم في الشارع والبلكونات اخيراً هديوا وكل واحد فيهم مشي من قدام التاني. دخلت نجوي ومها من البلكونه مها....انا حاسه ان المزاد بتاع المرادي هيولع نجوي....هي اول مره يعني ماهما علي طول نقرهم من نقر بعض وواقفين لبعض بالمرصاد مها.....مقصدش علي ابويا والمعلم زكريا اقصد علي كرم انتي مش شايفه يا اما كلامه كرم اول مره يتدخل في حاجه زي دي وحَلف ان المزاد مش هيطلع من ايد ابويا نجوي.....حَلف لما عبدالله اتكلم وانتي عارفه يا بت كرم محروق منهم ازاي مها....منها لله اللي كانت السبب مين يقول ان كرم وعبدالله وابويا والمعلم زكريا اللي كانوا اكتر من اخوات يبقوا اكبر اعداء لبعض بسببها😡 نجوي.....ماهي كانت اعز واحده ليكي وكنتي بتعتبريها اختك الوقت بتدعي عليها مها....حرقت قلب اخويا يا اما وبعدين ايه بتدافعي عنها ليه حنيتي يا ست نوجا نجوي.....بلاش انا اتكلم عشان كلامي بيعجبكيش😒 مها....يبقي احسن بردوا يا اما انا طالعه اشوف اللي ورايا.😡 نجوي....اطلعي يا اختي😒 ....................... رفاعي......بغيظ فضل رايح جاي في المحل اهص يا زكريا الكلب وديني ما هسيبك بكر.....ما تروق يا معلم الدكان هيبقي بتاعنا متقلقش رفاعي.....مش قلقاااان يا بكر الدكان ده مش هسيبه يعني. مش هسيبه 😡 انا بس متغاااظ من الثقه اللي بيتكلم بيها ومحروق علي الدكان اللي بيعايرني بيه انه خده منه بكر....هو صحيح خده منك بس بعد ما فَضلت تعلي عليه السعر وخده بالغلا يعني مَطلعش كسبان زي ماقال رفاعي...بابتسامه كيد ايوه خليته دفع قد تمنه مرتين😎 بكر....طيب يا معلم يبقي مين اللي كَسب رفاعي....انا😎😎 قدر بكر يضحك عليه بكلمتين ويحسسه بالانتصار عشان يتفادي الغضب اللي جواه كالعاده😂🙈 حس كرم بخنقه في المكان وحس انه حابب يبقي لوحده شويه كرم....بصوت واطي بكر بقولك اني هغطس شويه بكر....علي فين يا صاحبي؟ كرم....مش عارف بس مخنوق بكر....بابتسامه حزن علي حال كرم ماشي روح يا صاحبي انا مكانك خرج كرم من الدكان ومشي باتجاه البحر اللي بيبعد كام متر عن شارعهم. ومخدتش باله من اللي بتراقبه من البلكونه واول ما شافته خرج نزلت وراه بسرعه. نبيله....كيرو ولا يا كيرو وقف كرم وهو مش طايق نفسه وبص لنبيله 🤨🤨 كرم....عايزه مني ايه يا بلبله😡 نبيله....ايووووه في ايه ياولا مالك بتخانق دبان وشك ليه🤔 كرم....بقولك ايه يا بلبله انا مش طايق الهدوم اللي عليا ارجعي وسبيني فضلت نبيله تبص وراها وقدامها وبعدين بصتله. نبيله.....ما انا عشان كده نَزلت وراك ايه ياولا مش مقدر نزولي وراك كرم....أرجعي يا بلبله بدل ما انتي قاعده تبصي وراكي وقدامك زي الحرامي اللي سارق سريقه🤨 نبيله....بابتسامه جميله مش راجعه غير لما تروق مشي كرم كام خطوه وسابها راحت وراه بسرعه ومشيت جنبه نبيله....مالك مضايق نفسك ليه بس كرم.....البركه في ابنك وجوزك يا بلبله🤨 نبيله....ياواد يعني هي اول مره تقفوا لبعض بالمرصاد كده كرم....لا اول ولا تاني بس ابنك الحيله زودها وخدي بالك يا بلبله اني لو عامل حساب لحد في العيله دي فاهو انتي وفاضلي تكه من ابنك الحيله وحتي انتي مش هعملك حساب نبيله....ايووه عليك ما انت رديت عليهم يعني انت سَكت🤔 كرم....لا يا اختي مَسكتش بس خدي بالك انا خلقي في مناخيري واللي صبرني عشرين سنه عليهم مش هيصبرني ثانيه كمان وديني يا بلبله هرجعهملك البيت متقطعين في شوال زي ما ما بعمل في الدبايح وخصوصاً ابنك الحيله🤨😡 نبيله....بضحك يا ولا بطل حمقتك دي مين ده اللي يدوسلك علي طرف بس وبعدين بقولك ايه سيبك من الكلمتين الخايبين اللي زكريا وعبدالله قالوهم الدكان هيبقي من نصيبك انت يا ولا طب والمرسي ابو العباس لا هدعيلك في كل صلاه ان المزاد يرسي عليك❣️ بصلها كرم وهو رافع حاجبه🤨 كرم.....ايوووووه عليكي تصدقي بالله انتي لو بتشتغلي مرشد كان زمانك جايبه لعبدالله ومعلم زكريا مصيبه في ايه يا بلبله 🤨🤨 بتتفقي معايا علي جوزك وابنك نبيله....بضحك احيه عليك انت لا عاجبك كده ولا كده😂😂 كرم....ايوه يا بلبله بس مش كده يا شيخه عايزه تقنعيني انك بتحبيبني اكتر منهم🤨😒 نبيله....بحب❣️ يا واد انت عارف حبك في قلبي عامل ازاي انا بحبهم اه بس مقدرش اشوفك زعلان يا كيرو انت ابني يا ولا في الرضاعه كرم....والنبي يا بلبله بلاش نخع بقي😒 بقالك سنين قرفاني بالاسطوانه دي رضعتك رضعتك وطلع في الاخر رضعتي البت مها اختي علي اللي ماتتسمي بنتك😒 نبيله....مين ياولا اللي قالك كده اني رضعتك انا فاكره كويس🙄 كرم.....يبقي دي بوادر زهايمر يا بلبله😒 وامي اللي قالتلي انك رضتعي مها وهي رضعت اللي ما تتسمي نبيله.....وفي حد يصدق نجوي🤨 كرم....ايوووه عليكي امال كنت هتجوز بنتك ازاي واني اخوها في الرضاعه نبيله.....احيه عليك معرفش اخلص من كلامك ده ابداً وبعدين مالك ومال اللي ما تتسمي جايب سيرتها علي الصبح ليه حنيت يا ولا😡 كرم....لو انتي حنيتي يا اختي كنت انا حنيت🤨 بصتله نبيله بنظره حزن ولمعه في عينها اول مره يشوفها كانت ديماً واقفه في صفه ومقسيه قلبها علي بنتها عشانه 🥺 كرم.....🤨 ايه يا بلبله حنيتي ولا ايه؟ نبيله....بدموع قلبي واجعني يا كرم💔 بصلها كرم بنظره حزن وانكسار مش بتظهر غير قدام نبيله بس لان وجعهم واحد كرم.....قلبك بقاله عشرين سنه ما بيتوجعش عليها يا بلبله قلبك بقاله عشرين سنه حالف ما يدخلها عليه تاني ايه اللي جري. نبيله.....هتزعل مني🥺؟ كرم....بحب لو زَعلت من الدنيا كلها قلبي عمره ما يطاوعني ازعل منك يا بلبله. نبيله.....بنظره حزن من يوم اللي حصل وحتي منامي رافض يشوفها فيه بس بقالها كام يوم ملازمه منامي يا كرم بشوفها بتعيط وحزينه و بتطلب مني احضنها🥺 كرم....بوجع وحضنتيها يا بلبله؟💔 نبيله.....في سد يا كرم كأنها مسافة السفر اللي بينا🥺💔 كرم ....ولو المسافه اللي بينكم قصرت هتحضنيها يا بلبله؟؟ قلبك هيطاوعك تعملي فيا كده؟؟💔 نبيله....نزلت دموعها بوجع وبصتله🥺 كرم.....قولي انها وحشتك يا بلبله💔 نبيله....بإنهيار زي ما وحشتك يا كرم🥺🥺🥺🥺🥺 بصلها كرم بوجع 🥺وشدها لحضنه فضلت تعيط نبيله وفضل كرم حاضنها وباصص للبحر والموج العالي الغضبان اللي غضبه ميفرقش عن الغضب اللي جوه قلبه💔 ........................ رجع كرم علي الشارع بتاعهم و نبيله كانت سابقه قدامه بكام خطوه بتمد بسرعه قبل ما زكريا يشوفها. لمحتهم سونه واول ما شافته راجع ونبيله قدامه ماشيه بتتلفت عرفت انه كان معاها رفعت حاجبها وراحت كام خطوه عليه كانت لابسه عبايه سوده مجسمه عليها وصندل بكعب ورابطه شعرها بمنديل خفيف وباقي شعرها نازل علي ضهرها وحاطه مكياچ نادت عليه بدلع سونه...كرم يا كيرووو كرم....بتنهيده وخنقه اللهم اطولك ياروح وقف وبصلها ايوه يا سونه🤨 سونه....كنت فين يا اخويا؟ كرم.....في ايه يا سونه عالمسا انا مش ناقص سونه....الله وانا قولت ايه بس انا بنسألك كنت فين؟ كرم.....وتسأليني ليه مراتي وانا منعرفش🤨 سونه....بدلع ايووووه ده يبقي يوم المني طب والمرسي ابو العباس لو حصل تبقي أمي ماتت راضيه عني😉 كرم....😏اطمني يا اختي ماتت داعيه عليكي عشان مش هيحصل يا سونه واتكلي علي الله من وشي أحسن انا شياطين الدنيا بتتنطتت قدامي سونه.....يبقي احساسي صح يا كرم🤨 كرم....احساس ايه؟ سونه....كنت مع المره السوسه اللي اسمها بلبله🤨 كرم....بغضب بسيط سوووونه لمي لسانك لا اقطعهولك الف مره قولتلك بلبله خط أحمر بالنسبالي😡 سونه.....طبعاً خط أحمر مش ام السنيوره حبيبة القلب🤨 كرم....بغضب سووووونه متخليش غضبي يطلع عليكي انا مش عايز اسمع سيرتها ابداً وبعدين انتي مالك ومالي سونه.....بدلع قربت منه طيب خلاص متفورش دمك مش هنجيب سيرتها بس لازم تعرف يا كرم هتلف تلف ومش هتلاقي غيري مستنيك❣️ كرم.....يبقي هتفضلي مستنيه كتير يا سونه وبعدين يا مره هتعمليهم عليا ايش حال ان مكنتيش متجوزه خمس مرات🤨 سونه....الله ده نصيب وبعدين انا مهما اتجوزت مش هتمني راجل غيرك يا كرم اكمل معاه حياتي❣️ كرم.....وانا قولتهالك كتير يا سونه الراجل ده مش انا يا بنت الحلال كرم الرفاعي قفل قلبه بالضبه والمفتاح سونه....طيب جرب افتحه 😉وانا والمرسي ابو العباس ما هخليك تندم ابداً بس انت افتحه كرم....ايووووه علي الاسطوانه اللي مبتخلصش انتي مبتزهقيش يا سونه يا وليه ده انا زهقتلك سلف🤨 سونه....بنظره حب كلها حزن اللي بيحب بجد يا كرم عمره ما بيزهق من اللي بيحبه انت اكتر واحد جرب الحب واديك اهو واقف قدامي بقالك عشرين سنه مَزهقتش من الحدوته القديمه كرم....بتنهيده سونه افهميني انا لا حابب ازعلك ولا عايز أخسرك خلينا حبايب زي ما احنا يا سونه عشان اللي بتفكري فيه ده لا يمكن هيحصل سونه.....فيا ايه مش عاجبك يا كرم وانا نغيره فيها ايه مش فيا قولي؟ كرم.....يا سونه افهمي الحكايه مش فيكي وفيها انا مبنفكرش في الجواز والحب خلاص دي كانت صفحه و قطعتها من زمان والمشكله مش فيكي انتي ست الستات بس المشكله فيا انا بطلي زن في الحوار ده يا سونه بدل والمرسي ابو العباس هتخسريني خالص سابها ومشي رجع علي المحل وفضلت هي واققه في مكانها باصه عليه بحزن وبتحاول تخلي دموعها متنزلش لمحت مها جايه عليها وقفت تاني بثبات وابتسمت ورفعت حاجبها. قربت منها مها بتبصلها وبتبص علي كرم اخوها وققت قدامها ورفعت حاجبها مها.....انتي يا مره ياللي اسمك سونه مش ناويه تتلمي بقي🤨 سونه....بضحكه مايعه احيه طب مش ترمي السلام الاول مها.....اترميتي علي عربيه يا بعيده تاخدك وتجيب اجلك مالك يابت بولادي ايه تعبتي من جوازك مالرجاله اللي في سنك قولتي ألوف علي العيال الصغيره طب عيب عليكي دول حتي من سن بنتك🤨 سونه.....ما تلمي لسانك يا مها عيالك ده أيه اللي ألوف عليهم ليه من قلة الرجاله هبص لعيال😉 مها.....ايه تنكري انك ناديتي عليهم امبارح يجبولك سم هاري🤨 سونه.....احيه بقي انتي عامله الهيصه دي عشان محمد جابلي امبارح جبنه تركي ياوليه عيب عليكي ده حتي الجيران لبعضها مها.....وانتي حاسبه روحك من الجيران انا لو نطول نرميكي بره المنطقه كلها كنت عملتها سونه.....ايووووه عليكي مره بدل ما تفرحي ان ولادك رجاله ومهانش عليهم ينزلوا واحده ست بليل لوحدها😉 مها....بشهقه ستتتت وهي فين الست دي سونه.....بضحكه عاليه سلامة الشوف يا عنيا بقولك ايه علي اول الإمه في حكيم عيون ابقي اروح احجزلك تكشفي عنده😉😉😉 مها....سووووونه اتعدلي معايا بدل والله اتجنن واجيبك من شعرك ابعدي عن ولادي وعن اخويا اديني بقولك بالذوق اهو 😡 سونه.....طيب ولادك وفهمتها انما اخوكي ايه هتتحكمي فيه😉 مها....اه يا سونه لو طولت نتحكم فيه هنتحكم هو كده كده مش هيبصلك بطلي انتي بس تحومي حواليه زي الحيه 🤨 سونه....جبتي الكره اللي في قلبك من ناحيتي ده كله منين يا صاحبتي ايه نسيتي العيش والملح اللي طفحناه سوا مها.....انا يا اختي لا بنكرهك ولا بنحبك انا بس بنحذرك ولو عيزاني افضل فاكره العيش والملح اللي طفحناااااه سوا تبعدي عنهم يا سونه🤨 اوعي وسعي كده من قدامي بدل ما انتي عامله زي عروسة المولد😒 سونه.....ضحكت سونه بصوت عالي عقبال ما اشوفك عروسة المولد زيي احسن ما بكر يطفش منك يا صاحبتي😉 مها....بصوت واطي داهيه فيكي وفي شكلك😡😡 قال يطفش قال طب ده بيعشق التراب اللي بندوس عليه ....................... طلعت نبيله علي شقتها ومحدش لمحها لا زكريا ولا عبدالله ابنها شالت طرحتها رمتها بإهمال علي الكرسي وراحت قعدت بحزن علي الكنبه. خرجت دعاء مرات ابنها من المطبخ وراحت عليها بصتلها بحزن وقعدت قدامها. دعاء.....كنتي مع كرم صح؟ بصتلها نبيله وسكتت دعاء.....بعد ما عمي زكريا والمعلم رفاعي خلصوا خناقتهم فَضلت شيفاكي وانتي واقفه في البلكونه عينك علي كرم وبتراقبيه واول ما خرج من الدكان نَزلتي جريتي وراه. نبيله....انتي يابت بتراقبيني🤨 دعاء....بابتسامه وانا هراقبك بردوا ياما بس عارفه انه بعد ما شد مع عبدالله هيخرج وهو مضايق وعارفه كمان انك مش هتتحملي وهتجري وراه عارفه ياما اوقات بحس انك بتحبي كرم كأنه ابنك نبيله....طيب ماهو ابني يا بت🥺 عمري ما اعتبرته غير كده سبحان من زرع حبه جوه قلبي بس نقول ايه عاللي كلن السبب في اللي هو فيه دعاء....ياما بلاش تقسي قلبك عليها دي مهما كان بنتك معقول تحبيه هو اكتر منها نبيله....بغضب وهزه في صوتها كلها حزن مش بنتي ولا عايزه نعرفها 🥺 بنتي اللي كسرتني وكسرة الراجل اللي كان بيعشق التراب اللي بتدوس عليه اللي وطت راس ابوها واخوها🥺 اللي دمرت كل حاجه بتربطنا بأغلي ناس لينا دعاء....ياما طيب جربي تسمعيها ده انتي بقالك عشرين سنه مجربتيش وبترفضي نبيله......ولو عشت عشرين سنه زيهم مش هجرب يا دعاء هي اللي اختارت وهي اللي باعت نشتري ليه اللي باعنا يا بت🥺🥺 دعاء.....دي هتتجنن عليكي ياما نفسها تسمع صوتك وصوت عمي وصوت عبدالله 🥺 نبيله....بوجع🥺 بتضحكي علي مين يابت بالكلام ده عليا انا لو هتتجنن زي ما بتقولي ماكنتش صبرت كل ده كانت رجعت من زمان اترمت في حضننا لو بتحبنا بجد مكانتش صبرت عشرين سنه بعيد عننا لسه فاكره ان لها ام واب واخ تسأل عليهم لا وكمان نفسها تسمع صوتهم بقي صوتنا يا دعاء هو اكبر احلامها💔 دعاء.....اديها فرصه وردي عليها واني واثقه انها هتيجي وتترمي في حضنك نبيله....🥺بناقص الناقص هي اختارت حياتها واللي بيختار يشيل الليله كلها وميرجعش يعيط دعاء....طيب بزمتك يا بلبله لو لقتيها داخله عليكي الوقت مش هتاخديها في حضنك وهتنسي اللي بتقوليه ده بصتلها نبيله بحرف عينها وهي مرتبكه نبيله....انتي يبات عايزه تجبيلي جلطه اقفلي سيرة اللي ما تتسمي دي خالص ولو هي اللي مسلطاكي تحنني قلبي عليها عرفيها انا لو شوفتها قدامي مش حضني هو اللي هيستقبلها شبشبي هو اللي هيستقبلها قومي يلا انجري هاتيلي فنجان قهوه داهيه فيكي وفيها😡 ضحكت دعاء وقامت من قدامها بسرعه. قامت نبيله دخلت علي البلكونه لمحت نجوي بتنشر في البلكونه قدامها. نجوي.....بت يا مها ابقي هاتي معاكي بيرسول ألا الدبان ملا المكان😏 نبيله.....بت يا دعاء وانتي جايه هاتي معاكي اي حاجه ريحتها حلوه تترش في الجو احسن في ريحه مش حلوه منعرفش جايه منين🤨 خرجت مها لامها وخرجت دعاء لحماتها اول ما مها شافت دعاء رفعت حاجبها مها.....عندك حق يا اما الدبان مالي المكان🤨. دعاء.....ايوووووه ده فعلاً في ريحه عفشه في المكان 😉 نبيله.....دبان ايه يابنت نجوي اللي تقصديه قصدك انا يابت🤔 مها....احيه والمرسي ابو العباس ما اقصدك انتي يا خالتي انا اقصد دعاء نجوي....وانتي اللي يتخفي حسك تقصدي ايه بالريحه العفشه. دعاء.....انا و غلاوة حسن ابني ما نقصدك يا خالتي انا اقصد مها🤨 مها....انا ريحتي عفشه يا دعاء الكلب وديني لا هشوف شغلي مع اخوكي وهخليه يربيكي دعاء.....احيه هو انتي عايزه تبدأي تلقيح وانا نسكتلك وبعدين مالك ومال اخويا 😉 لا هو انتي فاكره انه يقدر يقرب يمتي طب ده انا اخته يابت حبيبته مها....بت يا دعاء اتلمي بدل والمرسي ابو العباس انط عليكي اجيبك من شعرك مسكتها نجوي بسرعه. نجوي.....بتعملي ايه يا بنت الهبله🤨 نبيله.....خلفتك اللي تعر يا نجوي😂😂 نجوي....خلفت مين اللي تعر يا نبيله خلفتي اني بردوا ولا خلفتك نبيله....منها لله اللي خلت اللي يسوي واللي ميسواش يلقح علينا بالكلام🤨 مها.....كده بردو يا خالتي انا خلفه تعر نبيله.....بت يا دعاء خدي القهوه علي جوه احسن البلكونه ريحتها مش عجباني خليني اشربها جوه بمزاج😉 نجوي.....إلهي تنكب عليكي 😒 نبيله....إن شالله العدويييين يلا يابت دعاء.....يلا ياما بت يا مها ابقي فكريني اجيبلك من الريحه اللي عبدالله بيجيبهالي يمكن ريحتك تتظبط😉 مها....مبقاش غيرك يا مره يا كسر اللي هحط من ريحتها 🤨 دخلت دعاء ونبيله ودخلت نجوي ووقفت مها تكلم نفسها مها....🤔 احيه واحده تقولي هحجزلك عند حكيم عيون والتانيه تقولي هجيبلك ريحه عشان تظبط ريحتك والمرسي ابو العباس اللي يحكمني عليكم لا هفرج عليكم الشارع الصبر عليا يا دعاء انتي وسونه الكلب 😒😒 وللحديث بقيه..........

مقالات ذات صلة

لقاء كارثي

لقاء كا….رثي

لقاء كارثي

چاسمين

لقاء كارثي

لقاء كارثي

اترك تعليقاً إلغاء الرد