تعاهدنا

البارت الثالث عشر.. عدي يوم طويل جديد البلد كلها غرقت والسيول دمرت حجات كتير مطر مش بيقف و رياح شديده عامله صوت مرعب شبابيك بتترزع وابواب بتتقفل ..الحركه في الشارع كانت تقريبا معدومه تحذيرات كتير بتنبه علي عدم النزول في الجو ده. ادهم كان لسه علي حالته درجه حرارته عاليه بتهدي شويه من الكمدات اللي تهاني بتعملهاله وترجع تاني ترتفع كان محتاج دكتور لكن البلد كان صعب حد يخرج فيها . تهاني مكانتش بتسيبه لحظه اول يوم عدي وتاني يوم وجه تالت يوم عالتوالي . وهي مش بتسيبه لحظه وفجأه حست بالمسؤوليه تجاهه مش مجرد حاله إنسانيه ولا شفقه ولا عطف...كان بالنسبه ليها حالته مثيره للأهتمام كانت شايفه فيه نفسها لما جوزها م*ات كان حب عمرها ومستعده تعمل اي حاجه عشان يعيش لكن المكتوب اقوي من التمني.. لما م*ات دخلت في حاله صعبه جدا وكانت شبه قاقدها شغفها للحياه....واللي زاد و غطي م*وت أبنها اللي كانت لسه حامل فيه حاولت كتير تتخطي كل الوجع لكن خطوه البعد عن الوجع بألف خطوه....لكن قدرت مع الوقت انها تقدر وتقوي وتيجي علي نفسها....لحد ما أتعافت لكن لسه الذكري جواها كانت فكراها م*اتت مع اللي م*ات بس جه ادهم وصحي جواها الوجع من تاني من غير ما يقصد ...فضلت سرحانه في وشه كتير وغصب عنها غلبها النوم. ماهي مداقتش النوم بقالها كذا يوم عشانه. صحي أدهم كان احسن بكتير من الاول فايق وقادر يركز في كل حاجه حواليه من غير دوخه و زغلله في عينه. بص لقي تهاني قدامه قام بسرعه وفضل مركز في وشها جت ازاي دي هنا و أيه اللي منيمها معايه في الاوضه بص عالشباك الدنيا كانت نهار استغرب جه أزاي من علي الشاطئ ده كان لسه بيبعت لسهام كان لسه نازل الغضب ماليه لما شاف صور عهد وكأنه نسي تماما انه كان تعبان والثلاث ليالي مروا مرور الكرام وهو مش فاكر اي حاجه حصلت حواليه....قرب ايده من كف تهاني. أدهم...ست تهاني .....ست تهاني فاقت تهاني علي صوته بفزع ايوه يا باشا عايز حاجه انت كويس. حاسس بحاجه.. ادهم....بس بس ايه كل ده مسك دماغه بصداع شديد انتي ايه اللي جابك هنا وليه نايمه عالكرسي كده تهاني...باستغراب انا معاك مسبتكش ولا يوم من وقت ما تعبت ادهم...بصدمه تعبت وكام يوم انتي بتقولي ايه انا مش فاهم تهاني....بصدمه هو انت فقدت الذاكره ولا ايه؟؟ ادهم...ذاكره ايه اللي فقدتها وفين سلامه يا ست تهاني تهاني....سلام وتهاني يبقي انت فاكر الحمد لله ...اصل حضرتك تعبت اوي جيت من بره كنت غرقان من المطر ولبسك كان خفيف وسألت علي سلامه عشان يجبلك علاج قولتلك انه مشي وبعدها بساعه طلعت عشان اديك كوبايه يانسون واديك مسكن لقيتك في دنيا تانيه وجسمك مولع فضلت جمبك اعملك في كمادات والدنيا بره اتبهدلت الشوارع غرقت خالص وسلامه مقدرش يجي بس كل شويه يطمن عليك عشان عرفته انك تعبان والولا حمو هو كمان مش عارف يجي وسكان البانسيون مشي منهم 3 اول امبارح وامبارح مشي اخر واحد مكنتش هقدر اسيبك لا عارفه اجيبلك دكتور ولا عارفه الحقك وانا لوحدي فا فضلت قاعده جمبك وكل ما تفوق شويه اسمدك لحد الحمام وارجعك تاني أكلك واديك العلاج اللي عندي وترجع تنام من تاني . ادهم....انتي عايزه تقوليلي اني نايم بقالي 3 ايام تهاني....اه والله نايم بقالك 3 ايام ومش دريان بالدنيا بحالها ادهم مسك راسه بوجع وغير تصديق ازاي نام 3 ايام وياتري حصل ايه في ال3 ايام دول وياتري سهام شافت الرساله اللي بعتتهاله ولا لا وفين عهد وفين امه وابوه واخوه. بصلها ادهم باستفسار فين موبايلي. تهاني...في الدرج هنا. ادهم...ممكن تجيبيه تهاني....حاضر ......أتفضل. ادهم .....فاصل شحن. تهاني....اصله رن كتير اوي خصوصا اول يوم تعبت فيه وانا بصراحه مرضتش أرد علي اي حد عشان مكنتش عارفه لو رديت هقول ايه خوفت أقلقهم عليك. ادهم....هما اكيد قلقانين الوقت. تهاني...طيب كلمهم طمنهم عليك ادهم...ممكن تشوفيلي الشاحن تهاني....في الدرج برضوا اتفضل اهو ادهم....شكرا يا ست تهاني مش عارف اقولك ايه تعبتك معايا بجد تهاني....متقولش كده تعب ايه بس انا معملتش اي حاجه الناس لبعضيها وانا لو كنت اطول اوديك المستشفي ولا اجبلك دكتور مكنتش اتأخرت بس لو قومت شوفت الدنيا عامله أزاي بره هتعرف انه كان غصب عني. ادهم.....هي الدنيا بايظه اوي كده تهاني....بايظه دي كلمه صغيره دي الشوارع مش باينه كأن البحر خرج علي الطريق. ادهم....ربنا يستر عموما برضوا اللي عملتيه معايا ده جميل في رقبتي. تهاني....جميل ايه بس حضرتك بتشتمني ولا ايه ادهم...باين عليكي ست جدعه. تهاني...ده بس من اصلك الطيب بقولك ايه انا هنزل احط الغداء علي النار تكون طمنت الناس اللي قلقانه عليك وهطلع أغديك واديك العلاج احسن السخونيه ترد من تاني ادهم....بلاش مش عايز صدقيني كفايه تعبك لحد كده واضح انك مكنتيش بتنامي. تهاني...تاني هتزعلني وتقولي تعب ومش تعب طب ده انهارده عيد عشان فوقت وبقيت كويس ولا مش عايز تدوق اكلي وانت فايق عشان تستطعمه. أبتسم ادهم....تسلم ايدك مقدما. ضحكت تهاني وكأن الدنيا نورت ونزلت جري عشان تحضر الاكل.. حط ادهم التليفون في الشاحن واستني خمس دقايق وفتحه وبمجرد ما الشاشه ظهرت فضل يجي إشعارات كتير ورا بعض لقي اكتر من 200 رنه لاخوه ووالدته ووالده. ورسايل كتير ماشافش محتواها وبسرعه اتصل بامه اول ما شافت رقمه ردت وهي منهاره. رقيه...الووو ادهم رد عليا حبيبي وسمعني صوتك ادهم....ايوه يا حبيبتي رقيه...كده برضوا يا ادهم انا كنت بم*وت من الرعب حرام عليك ادهم....حقك عليا انا كويس والله رقيه....مكنتش بترد ليه حسن...هاتي اكلمه رقيه...استني بس اطمن عليه ادم ...طيب افتحي الأسبيكر رقيه....كنت فين يا ادهم وليه قلقتنا عليك بالشكل ده حسن...ينفع تعب الاعصاب اللي احنا عايشين في ده يا ادهم تدهم...بصوت حزين معلش حقكم عليا بس كنت تعبان شويه والموبايل كان فاصل شحن رقيه...تعبان مالك يا ادهم قولي في ايه يا حبيبي ادم....انت كويس يا ادهم. ادهم....أطمني يا ماما اطمن يا ادم تقرييا خدت برد وسخنت شويه وكنت تعبان ومش قادر أقوم بس انا الحمد لله أحسن رقيه....طيب أزاي تعبان وانت لوحدك كده يا حبيبي حسن...ارجع يا ادهم كفايه كده يا ابني خليك وسطنا ادهم....انا افضل من الاول بكتير والله يا بابا معلش انا محتاج أكون لوحدي حسن...يا ابني ارجع ومحدش فينا هيكلمك ادهم...معلش سبني علي راحتي من فضلك صدقتي لما احس اني قادر أرجع هتلاقيني عندك علي طول ادم....طيب اوعدني يا أدهم لو حسيت انك محتاجني كلمني انا اخوك يا أدهم وسرك ومحدش هيتمنالك الخير قدي أدهم...عارف يا حبيبي ربنا يخليك ليا رقيه....متوجعش قلبي يا ادهم انا مليش غيرك انت واخوك أدهم....سلامت قلبك يا حبيبتي انا بخير صدقيني بس طالب منك طلب.. رقيه....أطلب يا حبيبي انا عمري كله ليك. أدهم....بصوت مخنوق أدعيلي يا امي. رقيه...بدموع بدعيلك يا ادهم في كل صلاه قلبي مش بيبطل دعاء ليك يا حبيبي. أدهم...ربنا يخليكي ليا انتي وبابا وادم. حسن....خلي بالك من نفسك يا ادهم ومتقفلش موبايلك تاني أدهم...حاضر يا بابا يلا أشوفك علي خير حسن....في حفظ الله يا حبيبي ادم...سلام يا حبيبي. رقيه....لا إله إلا الله أدهم...سيدنا محمد رسول الله. ........... قفل أدهم وبدأ يشوف الرسايل اللي وصلاله. كان في رسائل كتير جدا ومن ضمن الرسايل دي 3 رسايل لعهد. لكن اللي لفت نظره هي رساله سهام اكيد ده ردها علي رسالته اللي بعتهالها عالبحر.. لسه هيفتح قلبه مطاوعهوش وبسرعه فتح رسايل عهد الأول...... أول رساله. عهد...بدموع عارفه انك ممكن تكون مش حابب تسمع صوتي ويمكن اكون في نظرك خاينه ومستاهلش الحب اللي انت حبتهولي يمكن تكون زعلان اني خرجت مع عاصم يمكن تكون فكرت اني مش عايزه ارد عشان مزعلهوش بس صدقني انا مقدرتش ارد لاني مكنتش عارفه اقولك ايه كنت خايفه من رد فعلك لما أبررلك السبب اللي خلاني اخرج عشان هتشوفني ضعيفه زي ما انت قولت علي فكره انا مش زعلانه انت مغلطتش انا فعلا ضعيفه يا أدهم رفضت اني اخرج معاه بس مامي أجبرتني و كالعاده مقدرتش أقول لأ يا أدهم كل مره بحاول أعترض مبقدرش اكمل مبقدرش اقول لا بحس اني خايفه اعترض بخاف أغضبها يا أدهم وكملت بدموع والله يا أدهم انا مقدرتش اقول كلمتين علي بعض كنت برد علي قد الإجابه كنت خايفه وانا معاه مش قادره احس بالأمان غير معاك متعودتش اكون مع راجل غيرك صدقني يا أدهم انا بم*وت والله ربنا بس اللي عالم بيا انا مش عارفه اعيش من غيرك ....انا مش خاينه يا ادهم ولا انا مبسوطه بوجود راجل غيرك في حياتي بس انا مجبره ومتقوليش انتي مش مجبره واني اقدر اقول لا واقدر اجيلك واسيب الدنيا انا لو عليا اعمل اي حاجه عشانك بس انا مش قادره اخد الخطوه انت السبب في كل اللي بيحصل معايا ده يا أدهم.. خلصت الرساله فتح ادهم الرساله اللي بعدها. عارف ليه يا أدهم عشان انت اللي عودتني انك موجود انت اللي عودتني انك تعمل كل حاجه بدالي انتي اللي عودتني اني اسألك أعمل ايه ومعملش ايه كل قرار في حياتي كنت بخاف اخده من غيرك عودتني علي وجودك يا ادهم وخلتني ابقي متأكده انك ديما هتفضل موجود ولما حصل كل ده لقتني لوحدي وانت مش موجود لقتني فجأه المفروض ان انا اللي اخد القرار اني خايفه ومفيش ادهم عشان يطمني زي ما كان بيعمل ديما لقتني لوحدي المفروض اني اتصرف اني اعمل كل حاجه لوحدي لقتني بطولي يا ادهم وانت مش موجود علمتني كل حاجه يا أدهم لكن معلمتنيش ازاي اقدر اعمل كل حاجه من غيرك ادهم انا من غيرك ضعيفه اوي حاسه اني خايفه من كل الناس الحمايه اللي كنت ضامنه وجودها مبقتش موجوده ضهري اتكشف يا ادهم الساتر الوحيد اللي كان في حياتي اختفي....ارجعلي يا ادهم ارجوك انا بم*وت من غيرك .🥺💔 خلصت الرساله نزلت دموع أدهم بوجع حبيبته بتستنجد بيه ومش قادر يعمل حاجه لان المرادي الحل في ايدها هي. شايف انها معاها حق هو عودها علي حجات كتير لكن معودهاش انها تواجهه الصعب من غيره عارف ان شخصيه عهد مش الشخصيه اللي تقدر تقف في وش الريح لان هو كان ديما السد المنيع ليها.. فتح الرساله التالته.. عهد....بكلمك كتير موبايلك مقفول هو انت زعلان مني اوي كده طيب انا اسفه بس كمان انت وعدتني انك هتفضل موجود وعدتني ان موبايلك مش هيتقفل متعملش فيا كده ارجوك اوعي يا ادهم تكون قررت تعاقبني بعدم وجودك انا لسه جوايا شويه أمل متخليش الامل يروح يا ادهم متم*وتنيش اكتر ما انا م*يته حسسني انك معايا ارجوك حتي لو زعلان مني طيب طمني عليك عشان خاطري متسبنيش كده يا حبيبي.😭💔 ادهم بوجع بتزودي وجعني ليه يا عهد مش قادر اشيل وجعي ووجعك قلبي مبقاش قادر يتحمل💔 خرج ادهم وبسرعه راح فتح رساله سهام اتفاجئ بصوره ليه هو وعهد مش فاكر امته. اتصوروا الصوره دي لكن الصوره شكلها مش مريح عهد واقفه وادهم واقف في ضهرها بطريقه قريبه جدا و موطي علي رقبتها الوضع مش تمام بسرعه افتكر الصوره دي كانت اول ما رجع من السفر وكان بيفك لعهد شعرها من السلسله اللي اتشبكت فيه لكن هو مكانش قريب منها بالشكل ده ياتري الصوره دي اللي خلت سهام تعمل كل ده طيب هي فهمت منها ايه انه ...لا لا طيب مين صورهم هي أسئله كتير دارت في دماغه وهو مصدوم فتح ادهم الرساله اللي بعتتها بصوتها. سهام...بدموع. عمري ما تخيلت اني اعيش الاحداث اللي بتحصل الوقت دي ومعاكم انتوا بالذات انت شايفني وحشه و قاسيه شايفني طماعه وجشعه حقك مش هقدر اقولك لا بس انت عارفني يا أدهم انا عمري ما كنت ولا هكون كده ولو عايز تعرف السبب اظن الصوره وصلتك يا ادهم قولتلي أنك هتحافظ علي عهد وتحطها جوه عينك قولتلي انك هتحميها وانا أمنت عليها معاك....عمري ما شكيت فيك لحظه كنت بحس ان بنتي معاك في ايد امينه يمكن اتفاجئت لما عرفت علاقتكم ببعض لانكم طول الوقت كنتوا اخوات عهد كانت بنتك قبل ما تكون أختك لما شوفت الصوره وعرفت بعلاقتكم صدقتها في الوقت اللي كان لا يمكن اصدق عليكم اي حاجه وحشه كنت بثق فيك وفي عهد ثقه عميا لكن بعد الصوره وبعد ما عرفتك انكم مرتبطين صدقتها يا ادهم استغليت ثقتي وقربت من عهد حتي عهد خانت ثقتي فيها وسابتك تقرب منها بالشكل ده وياعالم حصل بينكم ايه... ادهم كان بيسمع وهو مصدوم😳 سهام....لحد ما اتأكدت يا ادهم أنكم مظلومين اصل اللي بعت الصوره دي يا أدهم كان قاصد يصوركم بالشكل ده علي قد ما فرحت أنكم مخنتوش ثقتي علي قد ما اتصدمت عارف يا أدهم اتصدمت ليه عشان اللي صوركم الصوره دي هو اللي لعب فيها بالشكل ده واعترفلي بنفسه انه قاصد ده عشان يفضح عهد طبعا انت ممكن تكون الوقت عرفت مين يا ادهم . أدهم...كان بيسمع وهو مش مصدق ومستغرب مين اللي ممكن يكون عمل كده ... سهام....ساره يا أدهم أدهم...😳😳😳😳 سهام....ايوه ساره جاتلي في اليوم اللي خرجت فيه مع عهد وورتني الصور دي وههدتني اني أبعد عهد عنك وهي اللي عرفتني انكم علي علاقه ببعض . علي قد ما كنت طايره انك انت اخترت بنتي وحبتها من قلبك علي قد ما اتصدمت لما قالتلي اني لو وافقت علي طلبك ده هتفضح بنتي بالصور دي ولما قولتلها هعرفهم قالتلي انها هتكدبني وحتي لو مصدقتوهاش هتنشر الصور برضوا لكن مش معاك يا ادهم قالتلي هتركب صور راجل تاني ولو نطقت هتقول انها شافت عهد مع راجل تاني وأنها واجهتنا وانا هددتها لو نطقت هبوظ حياتها وبقول كده عشان اداري علي فضيحه عهد. يعني في كل الاحوال عهد اللي هتطلع خسرانه يا ادهم سألتها عن السبب اللي مخليها تعمل معاك انت وعهد كده قالت انها كانت بتحبك و اختارتك وانت رفضت الحب ده عشان اخترت عهد وهي حابه تنتقم منك انا ممكن ارمي كل كل كلامها ده في الارض بس ساره يا أدهم مش باقيه علي اخوك ولا باقيه علي اي حاجه..ولو ادم عرف وسابها هتفضح برضوا عهد عشان تنتقم منك ومنها. انا مستعده يا ادهم اوافق علي جوازك من عهد وصدقني هكون اسعد واحده في الدنيا بس بشرط تواجه ادم بحبها ليك وتعرفه بينك وبينه السبب اللي خلاني ارفض تعرف رقيه وحسن اني مش وحشه وان كل ده كان غصب عني. عشان بنتي تعيش في امان يا ادهم ادم لازم يسيب ساره ومش بس يسيبها عادي لازم اهلها يعرفوا السبب عشان متقدرش تعمل اي حاجه هستني ردك يا ادهم ولو مردتش هفهم ردك... بمجرد ما الرساله خلصت اتصل ادهم بسرعه بساره وهو زي المجنون ومن غير ما يفكر🙈🙈

مقالات ذات صلة

چاسمين

لقاء كارثي

چاسمين

لقاء كارثي

تعاهدنا

تعاهدنا

اترك تعليقاً إلغاء الرد