البارت الثاني عشر.. فتحت تهاني الباب وهي حاسمه أمرها انها تدخل تشوف ادهم ليه مش بيرد..وبمجرد ما فتحت إتصدمت لما لقت أدهم نايم علي السرير لكن بإهمال ومش في موضعه الطبيعي ايده نازله من علي السرير ورجله واقعه وباين عليه انه مش في حالته الطبيعيه. تهاني....يالهوي ادهم باشا يا ادهم باشا حطت اليانسون علي التربيزه و جريت عليه تهز فيه عشان يصحي. تهاني...يالهوي ده جتته مولعه اعمل ايه يارب الدنيا عدمانه بره من المطر وسلامه مشي و الواد حمو كمان اعمل ايه ياباشا يا ادهم باشا...جريت بسرعه علي تحت تجيبله تلج عشان تعمله كمادات وطلعت تاني بسرعه رفعت رجله وقلعته الجزمه ورفعت ايده وفضلت تحاول تدخله لجوه أحسن يقع قعدت قدامه علي كرسي. فضلت تعمله كمادات وبمجرد ما حطت عليه الفوطه وهي متلجه جسمه أتنفض فضلت تعمله في كمادات وحرارته لسه عاليه والجو برضوا بره تلج والمطر مش بيسكت نزلت جابت تلج تاني وزودته وبقت تبدل فوطه بفوطه بدأ أدهم يهزي بأسم عهد وتهاني مش فاهمه أيه اللي بيحصل مع ادهم وليه حصل معاه كده وايه الكلمه اللي بيقولها دي... ادهم...عهد.........عهد.........عهد..........عهد تهاني كانت سامعه الكلمه بس مش فاهمه حاجه ياتري ده اسم حد ولا يقصد ايه بكلمه عهد تهاني...بحزن علي حالته ياتري فيك وايه اللي عامل فيك كده حد قريب منك مات ولا حد خانك ولا حد وجعك ولا حد فارقك اول مره أشوف راجل واصل للحاله دي والحاله اللي انت واصلها دي تقول انك حبيت اوي يمكن الست ديما بتتأثر وبتتجرح وديما الراجل بيبقي اجمد منها بكتير وبينسي بسرعه بس اللي في حالتك دي انا اول مره أشوفه لما دخلت عليا البانسيون مع سلامه شوفت في عينك نظره حزن ما شوفتهاش قبل كده في عيون راجل كسره ووجع وحزن وكأن في حد مات عزيز عليك حتي أبتسامتك البسيطه كانت طالعه غصب عنك أدهم....عهد.........عهد......عهد تهاني....ياتري تقصد ايه بعهد دي واحده بتحبها ولا حد عاهدك بحاجه وخذلك. أدهم....متسبنيش. تهاني...بحزن تبقي حبيبتك عيني عليك صحيح اللي يشوف الناس من بره يفكرهم كويسين لكن ربنا واحده اللي يعلم بالقلوب...رن موبايل تهاني بصت لاقته سلامه. فتحت بسرعه تهاني...ايوه يا سلامه سلامه...ايوه يا ست تهاني معلش اني بكلمك في الوقت ده بس عايز اطمن علي ادهم باشا رجع من بره ولا لا الشوارع متبهدله خالص في نوه جامده بره وبينها كده مش هتخلص علي خير تهاني...رجع يا سلامه اطمن انا مش عارفه اوصلك سلامه....الشبكات بتاعت المحمول بايظه خالص في حاجه ولا ايه طمنيني يا ست تهاني. تهاني....ده جه من بره تعبان اوي يا سلامه وسأل عليك قولتله انك روحت سألته عايز ايه قاللي عايز مسكن شكله جاله برد جاي هدومه عدمانه مايه عملتله يانسون وجبلته يانسون وطلعت أهبط محدش كان بيفتح الفار لعب في عبي رجعت تاني فتحت عليه لقيته في دنيا تانيه وبيخطرف في الكلام وجتته مولعه و اديني قاعده جمبه بعمله في كمادات لا عارفه اجيبله دكتور ولا معايا حد حتي الواد حمو مشي. سلامه...ياخبر ابيض طيب والعمل الدنيا بره غرقانه السيول مغرقه الدنيا ومش هعرف اجيله تهاني....خليك متقلقش انا مش هسيبه هفضل معاه لحد ما الحراره تنزل سلامه....طيب ولو متحسنش يبقي كده عايز دكتور هنعمل ايه تهاني....خليها علي الله انا نش هسيبه هفضل وراه بالكمادات ويفوق بس شويه هشربه حجات دافيه وعندي علاج كويس للبرد والسخونيه هديله منه سلامه.....يارتني ما سبته ومشيت تهاني....يوه هتفضل تأنب في نفسك كده كتير يعني انت كنت عارف اللي هيحصل وبعدين كنت هتسيب مراتك وبنتك لوحدهم في الجو ده سلامه...ايوه بس انتي مش متخيله الشارع عامل ازاي بره انا يمكن كمان معرفش اجيله بكره تهاني...ولا يهمك انا هفضل معاه وانت تابعني بالموبايل ولو حسيت اني مش عارفه اتصرف هكلمك بقي وخلاص ومتقلقش لو اتزنقت اوي معايا ناس هنا ساكنين هخبط علي حد فيهم يلحقني. سلامه...ربنا يستر حقك عليا يا ست تهاني هتعبك معايا تهاني...تعبك راحه متقلقش عليه. سلامه....ان شاء الله خير تهاني...سلامه بقولك ايه سلامه...ايوه يا ست تهاني تهاني....هو انت يا اخويا معرفتش ماله وايه اللي مشقلي حاله بالشكل ده. سلامه....لا والله مقالش اي حاجه تهاني...اصله قاعد يختطرف بالكلام ويقول حجات غريبه انا مش فهماها. سلامه...بيقول ايه؟؟ تهاني....معرفش يا اخويا قاعد يقول متسبنيش وشويه ويقول عهد وكأنه بينادي علي حد سلامه...بشرود عهد بيقول عهد تهاني...بتركيز ايوه ده قالها كذا مره ايه عهد دي سلامه....عهد دي بنت اعرفها كانت بتيجي معاه زمان اللي اعرفه انها بنت صاحب الباشا الكبير وجارتهم ومتربين سوا أدهم باشا كان دايما رايح جاي بيها ما بيسبهاش من ايده كأنها عيله صغيره تحسيها بنته كانت غاليه عنده جدا وشكلهم كده كانوا بيحبوا بعض انا طبعا مسألتهوش بس كان باين اوي من تعلقه بيها. تهاني....غريبه وياتري ايه اللي حصل سابته ولا اتجوزت ولا ماتت. سلامه....لا بعد الشر دي لسه في عز شباباها بس يمكن زعلانين من بعض شويه. تهاني...ربنا يريح باله يارب سلامه...يارب هكلمك الصبح اطمن عليه ولو حصل اي حاجه كلميني اي وقت حتي لو نايم ملكيش دعوه صحيني. تهاني...ماشي يا سلامه يلا تصبح علي خير. قفلت تهاني وبصتله بحزن وشالت من عليه الفوطه حطت ايدها تجسه حست ان الحراره نزلت شويه لكن مش كتير رجعت الفوطه في المايه المتلجه وعصرتها كويس ورجعت حطتهاله. تاني ...تهاني. ياتري عملت فيك ايه ولا ايه حكايتك م مع عهد دي. ..................... خبطت سهام علي الباب لقت عهد واقفه قدام الشباك واقفه ساكنه تماما بتبص عالمطر ودموعها نازله في صمت سهام...عهد....عهد هتفضلي لحد امته أكلمك ومترديش عليا يا عهد عهد....مبقاش في كلام سهام...ايه يا عهد هتقاطعيني هتقاطعي امك؟ عهد....عملتلك كل اللي انتي عيزاه وافقتك علي سواد حياتي وحيات ادهم وافقت اني اتجوز واحد معرفش عنه حاجه وافقتك علي كسره قلبي وم*وتي بالحياه...وكل ده مكفكيش روحتي تعرفيه ان انا خرجت مع عاصم اللي انتي عارفه اني خارجه معاه غصب عني أستفادتي ايه عيزاه يكرهني ويبعد عني وينساني تبقي غلطانه ومتعرفيش أدهم كل الحكايه انك كسرتيه ووجعتي قلبه حسستيه بالعجز مو*ت*ي*ه بالحياه زي ما م*و*ت*يني خلتيه شايفني خاينه وبياعه بعته عشان خاطر فلوس عاصم زي ما انتي بعتيني عشان الفلوس سهام....بصدمه بس انا مكلمتش ادهم ولا قولتله اي حاجه عهد ...امال الصور وصلتله ازاي جه. صورني وانا واقفه مع عاصم قدام العربيه. انتي عارفه انه سافر ومش هنا سهام....بقولك انا مصورتش انتي عارفه اني عمري ما اعمل كده واه يمكن هو اللي صورك ويمكن كنان مسافرش من الاساس بس لازم تفهمي اني انا لا يمكن اعمل كده. عهد....بسخريه من غير ما تبصلها وليه اصدقك وليه لا يمكن تعملي كده طب مانتي عملتي الاكتر من كده بكتير ده انتي كسرتي قلبي مش هتطلعيني خاينه عشان يكرهني سهام....بقولك مش انا يا عهد ورحمه بابا ما عملت كده عهد...بابي ياريته فضل عايش مكانش هيحصل فيا كده ابدا ياريته كان موجود كان بعد عني كل حاجه توجعني سهام...بدموع يعني انا اللي بوجعك يا عهد عهد...توجعيييني!!! يااااااه ده الوجع ده كلمه بسيطه اوي ماينفعش تتقارن باللي جوايا انا مهما وصفتلك اللي انا حاسه بيه الوقت مش هتصدقيني وحتي لو صدقتيني هتلاقي ميت مبرر عشان تكلعيني غلطانه وعشان تفضل ثابته علي موقفك ارجوكي سبيني في حالي سهام...بحزن حاضر يا عهد هسيبك بس لازم تعرفي ان مهما حصل انا أمك وهفضل طول عمري امك عهد....ويشهد ربنا ان اي وجع انا حاسه بيه الوقت كان عشان انتي امي عشان محبتش اغضبك جيت علي نفسي وعلي القلب اللي مايستاهلش مني غير التضحيه وبس. انا لو هتعامل معاكي نفس المعامله اللي انتي بتعامليهالي الوقت كان زماني سيباكي وبعدت عنك واختارته هو كنت اختارت القلب اللي عمره ما وجعني كنت اختارت القلب اللي عمري ما حسيت غير بالأمان معاه كنت اختارت القلب اللي عرفت معاه معني الحب والوفاء والتضحيه كنت اختارت القلب اللي عمره ما فضل نفسه عليا اللي كان بيفرشلي الدنيا تحت رجلي عشان أعدي عليها...صدقيني انا لو فضلت اعدلك القلب اللي انا رفضته وبقيتك انتي عليه عمل معايا ايه مش هوفيه حقه ابدا سبيني في حالي أرجوكي واوعي تفكريني تاني مره انك امي لو في حد فينا المفروض يفكر التاني بعلاقته هبقي انا عشان يظهر انك نسيتي اني بنتك مسحت عهد دموعها وقربت تاني من الشباك سندت راسها ورجعت من تاني لوقفتها..💔💔 وقفت سهام ثواني وهي دموعها نازله بحرقه علي حال بنتها وحال ادهم وخرجت وقفلت الباب واتمنت ان ادهم يشوف الرسايل. اللي بعتتهاله ويرد عليها عشان تخلص من كل الوجع ده وتقربهم من تاني لبعض لكن ادهم لسه ماردش. مكانتش تعرف انه تعبان🥺💔 ................................................ وقف ادم علي الشباك بحزن علي حال اخوه واقف يدعيله في المطر حس بحد حضنه من وسطه. ابتسم بهدوء وحط ايده علي ايدها اللي حضناه. ساره....حبيبي سرحان في ايه مش هتنام بقي أدم.....سرحان في ادهم قلبي واجعني عليه اوي ساره....هيبقي كويس يا ادم وبعدين لازم الانسان يجرب الوجع عشان يفوق ويبقي اقوي اظن اللي ادهم بيمر بيه الوقت ده درس عمره ما هينساه وسرحت وهي بتتكلم بقسوه وشماته. وجع كان لازم يحسه ويجربه مش ادهم بس اللي اتوجع يا ادم في ناس كتير اوي اتوجعت ومحدش حس بيها المهم ان الوجع ده يقوي ويخليك تعرف تتعامل وتحس بالقلوب اللي بتتوجع عشان تديها عذرها أدم...باستغراب تقصدي ايه ادهم عمره ما وجع حد يبقي ليه لازم يجرب الوجع ويحسه. ساره...بابتسامه لقت ايدها علي رقبته لا ياحبيبي مقصدش اقصد بس ان الوجع اللي ادهم اتوجعه ده درس هيقويه وهيعلمه وهيخليه يحس باللي أتوجه ويقدر يفرق بين الظالم والمظلوم ادم...وكان هيجري ايه لو حب من غير ما يتوجع وكان هيجري ايه لو طنط سهام وافقت علي جوازه من عهد خصوصا ان عهد كمان عيزاه زي ما هو عايزها. ساره...ومين قالك ان عهد عيزاه زي ما هو عايزها أدم....واضح اوي يا ساره انا اقدر افهم واحس باللي قدامي كويس وعهد بتحب اخويا اوي كمان ابتسمت ساره بسخريه يبقي متعرفش حاجه يا ادم عن الحب لو عهد قدرت تخدع طنط رقيه و انكل حسن وادهم كمان مكانش لازم تخدعك انت بالذات لان زي ما قولت يا ادم انت بتقدر تفهم في الناس اللي قدامك...وللأسف عهد خدعتك انت كمان زي ما خدعت الكل إلا انا ولا هي ولا امها كنت برتاحلهم وعشان تتأكد من كلامي هوريك حاجه بسيطه.. مسكت الموبايل بتاعها وفتحت الصور و ادتها لأدم اللي اتصدم اول ما شاف الصور وفضل يقلب فيها ساره....كنت واقفه في البلكونه بتاعت الاوضه لمحت من بعيد عربيه عاصم واقفه عند الفيلا بتاعتهم بصراحه حسيت ان دمي اتحرق لقيت نفسي بنزل كانت طنط رقيه قاعده تحت قولتلها هخرج اتمشي شويه وخرجت بسرعه وفضلت اقرب عشان اتأكد وفجأه لاقيته خارج بس عهد خارجه معاه مسكت الموبايل عشان اصورهم لقيته بيفتحلها الباب بتاع العربيه وطنط سهام واقفه تقولهم باي.. كنت عايزه الصور تكون معايا عشان لو جات اي وقت تتمسكن وتعيط زي ما جات قبل كده احط الصور دي في وشها واكسفها وفي نفس الوقت لما رجعت مقدرتش اوري الصور دي لطنط رقيه صعبت عليا حرام هي اللي فيها مكفيها ومش ناقصه ادم...بحزن لا يا ساره اوعي توريها الصور دي ماما ممكن تتعب هي مش ناقصه كمان بابا بيحاول يبان عادي ومتماسك بس انا حاسس بيه وعارف انه قلبه واجعه علي ادهم...حتي ادهم مش ناقص انا عارف ان اخويا تعبان اوي ساره ..متخافش طبعا مش هوري الصور دي لأي حد ادم....بحزن. مش مصدق اي حاجه من اللي بتحصل حاسس اننا في كابوس البيت بقي كئيب واليوم بيعدي ببطئ فظيع عارفه ياساره يمكن اول مره احس ان طنط سهام وعهد كانوا ماليين علينا البيت بالشكل ده حاسس انهم سابوا فراغ كبير ورغم اني مش طايق اشوفهم او اسمع سيرتهم لكن من جوايا حاسس انهم وحشوني وحاسس ان اليوم من غيرهم مش بيكمل. ربنا يسامحهم علي اللي عملوه فينا كلنا حاسس ان الحزن ماسك جسمي كله ومخليني مش قادر اتحرك ساره...بدلع طيب تعالي معايا أدم.... علي فين ساره....هفكلك جسمك ده خالص وهنسيك الحزن ادم...بابتسامه حزينه مش قادر ياساره ساره....تعالي بس بزمتك انا اشوف حبيبي زعلان كده واسيبه تعالي يلا ومسكته ساره من ايده وراحت بيه دنيا تانيه. ............................ عدت الساعات وتهاني قاعده جمب ادهم وهو رايح في دنيا تانيه خالص الصبح طلع وهي مسابتهوش لحظه كل شويه تنزل تشوف المكان تحت وتطمن ان كل حاجه تمام وترجع تاني تقعد جمبه وكل ما السخونيه تنزل ترتاح شويه تقلق وتحط ايدها عليه تلاقيه مولع تجري تجيب تلج قضت الساعات بتاعت الليل كلها وهي معاه وحزينه عشانه. ادهم.....اممممممم اااااه عهد انتي فين. تهاني....ادهم باشا ادهم باشا انت سامعني ادهم....امممم تهاني...انا تهاني قوم يا استاذ ادهم مسك ادهم راسه بوجع شديد وبدأ يفتح عينه واحده واحده لحد ما اتوعد علي الضوء وشاف تهاني قاعده جمبه وحس بحاجه ساقعه علي جبهته تهاني....لا خلي الفوطه سيبها انت جسمك مولع ادهم....انا عطشان تهاني...عيني يا اخويا قامت جري تهاني جابت مايه ورجعتله حاول أدهم يقوم مكانش قادر سابت تهاني المايه من ايدها وحطت ايدها ورا ضهره و الايد التانيه مسكت كفه كان تقيل عليها جدا لكن اتحاملت علي نفسها لحد ما قام شويه حطت المخده ورا ضهره وقربت منه المايه كان بيشرب زي اللي كأنه كان في صحراء او سباق زي اللي اتحرم من المايه عمر بحاله. كانت بصاله بحزن فظيع وعينها بتلمع من الدموع علي حاله تهاني.....بالف هنا حاول ادهم يقوم من السرير تهاني...علي فين بس انت تعبان ادهم...عايز ادخل الحمام تهاني....طيب وماله اتسند عليا تعالي انا هوديك ادهم...لا انا هروح وقفت تهاني بقله حيله شالت الكرسي عشان توسعله الطريق قام أدهم ببطئ رهيب زي اللي قايم من عمليه كبيره والجرح شادد عليه لا هو قادر يفرد ضهره ولا هو قادر يحط رجله علي الارض وكأنه واخد كميه بنج كبيره لسه سايبه أثر فيه وعملاله دوخه فظيعه..حاول ادهم يتسند براحه وهي واقفه بصاله بحزن وخايفه يقع وساعتها هتبقي مشكله مش هتقدر تساعده لانه تقيل عليها...فضل يمشي وهو بيتطوح حس أدهم بزغلله رهيبه في عينه وكأنه مش شايف اي حاجه وفجأه جسمه ساب وكان هيقع من تأثير النوم والسخونيه. جريت عليه تهاني بسرعه وهي بتمسكه مسك ادهم فيها وفضلت معاه لحد ما وصلته للحمام اللي هو مش بعيد اصلا لكن كان بالنسبه لادهم طريق طويل. دخلت تهاني قربته من الحوضه وهو ساند عليه بايده فتحت المايه وغسلتله وشه عشان يفوق شويه تهاني...المايه دي هتفوقك حبه انا هخرج استناك بره وانت خلص هتلاقيني مستنياك بره ماشي هز ادهم راسه بتعب سابته تهاني وخرجت وقفت علي الباب وهي بتدعي انه ما يقعش في الحمام.. خلص ادهم وفتح الباب لقي تهاني وقفاله. تهاني...انت غرقت صدرك كده ليه الجو برد وهتتعب مشي ادهم معاها وهو ساكت كأنه طفل صغير رجعته تاني علي السرير تهاني...استني خليك قاعد ثواني متنامش هجبلك غيار احسن تبرد الجو بره وحش وانت مش ناقص تعب راحت فتحت الدولاب ملاقتش هدوم. بصت عالارض لقت شنطته زي ما هي راحت فتحتها وفضلت تدور علي حاجه تقيله تلبسهاله لحد ما طلعت تيشرت داخلي وسويت شيرت تقيل. وقربت منه وهي محرجه جدا بس مفيش بديل محدش معاها ولو سابته هيتعب اكتر تهاني...معلش بقي انا اسفه بس لازم تغير وانت مش قادر انا مضطره اساعدك.. ادهم كان ساكت بيسمعها ومش بيرد او يمكن مش حاسس بيها كمان بدأت تهاني تقلعه بسرعه وثواني كانت ملبساه هدوم نضيفه رجعته لورا عشان ينام علي المخده. تهاني...انت مكلتش حاجه من امبارح وشكلك كده لما خرجت كنت ناوي تاكل وسبت الاكل زي ماهو هعملك ساندوتش سريع كده لحد ما اعملك شوربه وحاجه تسندك شويه وتقدر تقوم جريت تهاني عملتله الساندوتش ورجعت قربت منه الاكل عشان ياكل ممدش ايده ياخد منها الاكل. تهاني...لا ما انت لازم تاكل عشان تخف بسرعه وعشان اديك مسكن وحاجه للسخونيه دي ومش هقدر اديك وانت مش واكل قربت منه الاكل تأكله بايدها أتفاجئت بيه بيفتح بوئه زي الاطفال...ابتسمت تهاني بحزن وفضلت وراه لحد ما رفض يفتح بوئه تاني. تهاني....مش هضغط عليك كويس انك كلت الحبه دول خد بقي الدوا ده يلا عشان تفوق شويه انت بدأت تسخن تاني حطت في بوئه العلاج وشربته وعصرت الفوطه وحطتها علي راسه من تاني. غمض ادهم عينه بأستسلام وراح في النوم. نضفت تهاني المكان بسرعه ونزلت عشان تعمله غداء هو لازم ياكل عشان يقدر يخف بسرعه عملتله شوربه وسلقتله فرخه وأتفاجئت ب3 من اللي نازلين عندها في البانسيون كل شويه واحد فيهم ينزل يحاسبها ويمشي خايفين الجو يقلب اكتر من كده وهما بعيد عن أهلهم خصوصا بعد التحذيرات اللي سمعوها من الاخبار بسوء الاحوال الجويه اكتر من كده. تهاني...وبعدين الناس كل شويه يمشوا مبقاش فاضل غير واحد وانا اللي كنت عامله حسابي اعرفهم ان الراجل تعبان و يقفوا معايا لحد ما يشد حيله او الجو يتعدل ويرجع سلامه وحمو. طلعت تهاني بقله حيله تشوف ادهم وتأكله كان المغرب أذنت واتصل بيها سلامه كذا مره طمنته عليه وققلت خبطت تهاني قيل ما تدخل لا يكون صاحي دخلت لاقته نايم زي ماهو . تهاني....ادهم باشا ادهم باشا قوم يلا عشان تاكل حاجه شالت من علي راسه الفوطه وجسته لاقته دافي لسه فتح ادهم عينه بتعب تهاني .....قوم يلا عشان تاكل حوالت ترفعه شويه لكن مقدرتش ترفعه كتير كان نايم علي جنبه وحاطت ايده الاتنين تحت خده وحاله الشرود اللي هو فيها غير طبيعيه تبين ان الشخص ده بيعاني من حاله نفسيه صعبه...بدأت تهاني تقرب منه المعلقه يفتح بوئه زي الآله المبرمجه. تهاني...بالف هنا انت عارف الاكل هو اللي هيخليك تقوم وتعرف تدوس علي رجلك كان بيسمعها ومش بيعلق. قطعت الفراخ وقربتها منه كل براحه وفجأه حست ان قلبها اتقطع لما لمحت دمعه من عينه نزلت وهو بياكل بصتله تهاني بتأثر فظيع واتجمعت في عينها الدموع شيفاه بياكل ومش بيعارضها كأنه طفل مطيع لكن بدأت عينه تعترض علي اللي جواه ومش قادر يخرجه وبدأت عيونه تزرف الدموع بغزاره كأنها فيضان محمل بالوجع وبدون أي تعبير واضح علي ملامحه. نزلت دموع تهاني غصب عنها المشهد بالنسبالها غريب الحاله اللي عليها أغرب ايه اللي يوصل راجل لكم الوجع ده محستش بنفسها غير وهي بتقرب ايدها من خده تمسح دموعه كانت حاسه انه محتاج طبطبه محتاج حد يكون جمبه يمكن هو اختار البعد والوحده لكن اللي كان جواه كان عكس كده...بصلها ادهم من غير اي كلام وابتسملها أبتسامه بسيطه لما شافه دموعها هي كمان نازله.. نزل ادهم من تاني علي المخده حط ايده تحت راسه وغمض عينه وأثار الدموع لسه علي وشه. سابت تهاني الاكل جمبها مسحت دموعها ومسحت دموعه ورجعت حطتله الفوطه من تاني علي راسه لما حست انه بدأ يسخن من تاني كان هو راح في دنيا تانيه.💔😔
