تعاهدنا

البارت العاشر يقولون ان لكل حريقٍ شيئاً يُطفئه فاللنار ماء يُطفئه ....والسم له دواء والفراق له العشق...و الحزن له الصبر أما نار الكُره والشر لا يُطفئها أي شئ تحرق كل من يقترب منها ولا تخمد أبداً إلا عندما تصيب الجميع....فالكراهيه. دائماً تكلف اكثر من الحب لأنها أحساس غير طبيعي إحساس عكسي مثل حركه الأجسام ضد جاذبيه الأرض تحتاج قوه إضافية وتستهلك وقوداً ......................................................................................... مرت ساعات طويله كان صحي ادهم وفضل علي نفس وضعه في داخل الغرفه لم يحرك ساكناً فاقد الشغف لكل شعور بداخله لا كلام ولا طعام ولا شراب حتي الحركه من يراه يظن انه م*ي*ت عيونه مثبته علي سقف الغرفه لا ترمش يجلس كالم*ي**ت الذي ينتظر يوم حسابه...حس أدهم بالملل اخيرا شعور مرهق لكن يكفي انه بدأ يشعر من جديد حتي لو كان هذا الشعور هو الملل.. قام ادهم من سريره كانت الساعه العاشره مساءاً فتح شباك البلكونه حتي ينعم بالهواء الخارجي ورائحه البحر التي يعشقها.. لمح ادهم بعض الأكياس التي أشتراها سلامه قام فتحها لكي يفرغها ابتسم ادهم بمجرد ما وجد شفرات الحلاقه والمعجون الخاص بها وبعض ادوات النظافه كالشامبو والصابون ومعجون الأسنان والمناديل..ابتسم برضا كيف يتذكر سلامه كل الأشياء التي يفضلها ادهم وهو اخر مره كان معه منذ ثلاث سنوات قبل ان يسافر .. افرغ جميع محتويات الاكياس وقام بتنظيف المكان وقام بأخذ حمام دافئ وبعد ان خرج شعر بالجوع فا هو لا يتذكر متي اخر مره أكل فيها.منذ بدايه هذا الكابوس اللعين..قام بأعداد قهوته المفضله وتحضير بعض الطعام البسيط وجلس امام التربيزه ولكن قبل ان يأكل مسك موبايله حتي يطمئن والدته عليه فاهو يعلم أنها بالتأكيد قلقه عليه..وبمجرد ما فتح الموبايل لمح رساله علي الفيس بوك من شخص مجهول فتح محتوي الرساله التي ارسلت منذ اربع ساعات تقريبا .كان محتوي الرسائل عباره عن صور ولكن تحتاج إلي تحميل لكي تظهر أمامه ضغط علي جميع الصور لكي تحمل ويري ما بها....وبمجرد ما فتحت اول صوره اصاب ادهم صدمه قويه قام واقفاً من مكانه وهو ينظر الي الصور بغير تصديق ..وظل يتنقل بين كل صوره و الاخري وهو يكاد يجن ...عهد امامه ولكن مع عاصم امام سيارته. أدهم....لا مستحيل مستحيل ياعهد ..وبسرعه اتصل بيها وهو فاقد عقله تقريبا... يلاااااا ردي يا عهد رديييييي ........................ عند عهد كانت قاعده مع عاصم في مطعم فخم جدا في أحد الفنادق التي تطل علي النيل. كانت شارده تماما وكأنها جسد بلا روح يمكن هي قاعده مع عاصم بجسمها لكن عقلها وقلبها مع ادهم ...من يوم ما حبت وقلبها دق وعرف معني الحب وحياتها اتعلقت بأدهم يمكن وجود ادهم في حياتها و شعورها الدائم بأنه موجود وقادر يبعد عنها اي وجع كان ديما مطمنها و محسسها بالامان أتعودت انها لما تحزن ادهم يفرحها لما تعيط ادهم يضحكها لما تحس بالزهق يخترع اي حاجه عشان يسعدها لما تخاف يطمنها لما تتعب يكون مسؤول عن علاجها..يمكن تكون عهد كانت بريئه لدرجه كبيره لكن مسؤوليه ادهم تجاهها خلتها بريئه اكتر وكأنها طفله مش قادره تعمل اي حاجه غير بوجود الاب اي مشكله كانت بتواجهها ادهم كان بيحلها من غير تشيل أي هم في الدنيا اتعودت ان في حد بيصد عنها اي حاجه وحشه ممكن تصيبها لحد ما بقت ضعيفه و مستسلمه مش قادره تاخد اي قرار لوحدها لاول مره تدخل جوه قوقعه الخوف والحزن والقلق ومتلاقيش ادهم ...لان باختصار المرادي خوفها وقلقها ادهم جزء منهم الضعف أتملك منها والاستسلام قيدها وأصبحت عهد طفله تايهه وسط عالم اول مره تكتشفه لوحدها. .......... لاحظ عاصم شرودها حاول يكلمها كتير لكن كانت بترد علي اي كلمه ليه بأختصار وترجع تسرح لاحظ الحزن الكبير علي ملامحها البريئه. عاصم...مش بتاكلي ليه ياعهد عهد...مش عايزه عاصم...ليه الاكل مش عاجبك انا طلبتلك علي ذوقي بس لو مش عاجبك نطلب غيره. عهد....لا انا نش عايزه اكل مليش نفس. عاصم...انتي كويسه يا عهد عهد....بحزن ايوه عاصم...امال ليه انا شايف الملامح الجميله دي حزينه بالشكل ده. عهد...مفيش انا كويسه. عاصم....عهد انا عارف ان ممكن تكوني محرجه مني يعني عشان اول مره نخرج مع بعض وتقريبا انتي متعرفنيش اوي كل اللي تعرفيه عني هو اسمي واني رجل اعمال معروف. فا انا مقدر انك محرجه ولسه مش قادره تتأقلمي اوي علي الوضع بس كمان احنا قدامنا تقريبا اقل من شهر و نتجوز و لازم الحاجز اللي بينا ده فا ايه رأيك اقولك علي حاجه كويسه عهد....حاجه ايه. عاصم...يعني اعرفك علي نفسي و تعرفيني عن نفسك ومبدأيا كده هبدأ انا. بصي ياعهد اسمي وسني وبشتغل ايه وبعمل ايه كل دي حجات انا عارف انك تعرفيها بس في حاجه انتي متعرفيهاش ..انا شوفتك كتير قبل كده واعرفك كل مره كنت بشوفك كنت ببتسم وببقي مبسوط لما اشوفك كنت بحسك حد برئ نقي شوفت بنات كتير اوي في مصر وبره مصر لكن عمري ما شوفت حد. زيك يا عهد بحس انك طفله من بره ومن جوه بس اخر مره شوفتك فيها يا عهد في الحفله اللي اللي عملها حسن باشا كنت حاسس اني بشوفك لأول مره ..يومها كنت واقف مع ادم وحسن باشا ورجال اعمال تانيين وسط الصحافه والتصوير فجأه وانا مندمج في الكلام اللي بسمعه منهم لمحت طيف من بعيد ظهر وسط الناس كنتي ماشيه لوحدك كأنك بتدوري علي حاجه..وكنتي وقتها بتتكلمي في الموبايل وشكلك حزين بالظبط زي ما انا شايف الوقت. سرحت عهد في كلامه وافتكرت اليوم ده. عهد....الوو ادهم...وحشتيني عهد...انت كمان وحشتني اوي ادهم...بنتي الجميله صوتها حزين كده ليه حد زعلك ولا مش مبسوطه بالحفله. عهد....هتبسط ازاي. وانت مش معايا يا ادهم انا ماشيه وسط الناس بتدور عليك ادهم...وانا هنا موجود يا قلبي عهد....انت ديما موجود يا ادهم بس انا عيزاك تكون جمبي هنا حاسه ان في حاجه نقصاني في حاجه ضايعه مني روحي مقسومه نصين نص معايا ونص بدور عليه ادهم...وبتدوري ليه وانتي عارفه ان النص التاني معايا عهد....ارجع بقي يا ادهم وحياتي انا تعبانه من غيرك اوي أدهم....هرجع يا حبيبي والله وعهد عليا يا اجمل عهد يوم ما ارجع مش هسيبك لحظه و هعوضك عن الفتره دي كلها.. عهد....خلاص هقطف ورقه شجر واكتب عليها العهد ده وهستناك ترجع عشان تكتب علي ضهرها تم تنفيذ العهد.. ادهم...بأبتسامه وانا موافق يلا اقطفي الورقه وانا هقولك تكتبي ايه. ابتسمت عهد بس انا مش معايا قلم الوقت اعمل ايه بقي. ادهم...بضحكه هاديه علي طفلته البريئه..خلاص يبقي اكتبي اللي هقوله ده جوه قلبك وانا عارف ان قلبك هيحافظ عالعهد اكتر من الورقه كمان.. عهد...موافقه يلا عاهدني. ادهم...بحب بعاهدك يا احلي عهد في الوجود اني قريب هكون معاكي وعمري ما هسيبك تاني ابدا ومن اول ما ارجع ايدك مش هتفارق ايدي وعمري ما هخليكي تدوري عليا تاني عشان ديما هتلاقيني موجود عهد...بابتسامه بحبك يا ادهم ادهم...وانا كمان بحبك يا عهد. فاقد عهد علي ابتسامه حزينه وسمعت باقي كلام عاصم عاصم....وقتها لقيت عيني وكل حاجه جوايا بتتشدلك وركزت معاكي انا ما كونتش شايف مخلوقه عاديه انا كنت شايف حور من الجنه قدامي تايهه بسن الناس لسه فاكر لحد الوقت الفستان الابيض وشعرك الاسود الطويل اللي كان بيطير وراكي كنتي بالنسبالي شبه اميرات الديزني كنت شايفك سندريلا...ومن اليوم ده شوفتك يا عهد وكاني بشوفك لأول مره قلبي اتخطف مع ظهورك المميز وسط الناس ومقدرتش اشيلك من عقلي طول الوقت كنت بفكر فيكي وانا نايم وانا صاحي وانا بشتغل وانا مسافر وقررت وقتها اني اطلب ايدك لاني حسيت اني مش هقدر اكمل من غيرك وفجأه لاقيت نفسي بحبك يا عهد صدقيني يا عهد انا مستعد أعمل أي حاجه في الدنيا عشان اشوفك مبسوطه وعشان تفضلي معايا. بس هي دي كل حكايتي مع الجنيه اللي قلبت حياتي كلها من يوم ما شوفتها. قوليلي بقي عهد...اقولك ايه. عاصم...اي حاجه المهم اسمع صوتك مش عايزك تعرفيني عن نفسك لاني تقريبا طول الفتره اللي فاتت وانا بعرف كل حاجه عنك...ولا كمان عايزك تردي عليا بكلام شبه كلامي لان عارف انك محبتنيش .بس ممكن تكلميني عن سر الحزن اللي في عينك ده. عهد....بحزن انا....وقبل ما تكمل رن موبايلها اسفه هشوف التليفون عاصم...بابتسامه براحتك. طلعت عهد الموبايل واتصدمت اول ما شافت رقم أدهم...وحست اول ما لمحت اسمه انها عايزه تهرب او تستخبي زي اللي عامله عامله ترد تقوله ايه تقوله هي فين ومع مين فضلت ماسكه الموبايل وباصه عالرقم بخوف قفلت الصوت وبصت لعاصم وهي باين عليها التوتر. عاصم...انتي كويسه؟ عهد...احممم اه تمام فصل التليفون ورن تاني وهي مش عارفه تعمل ايه. موقف صعب لا تحسد عليه ابدا شعور غريب بتكتشفه عهد ولأول مره تعيشه تشوف رقم ادهم وما تردش من اول ما يرن ومتبقاش عايزه ترد شعور بالخوف منه قاعده تايهه بين انها ترد علي حبيها ولا متردش عشان هي مع خطيبها. عاصم....مش هتردي. عهد....لا بعدين انا معاك. رن موبايل عاصم هو كمان ..لا ردي وانا كمان هرد عشان ده تليفون شغل مهم. هزت عهد راسها وفتحت الخط اول ما عاصم كمان فتح ...وفضات ساكته وباين علي ملامحها الصدمه. ادهم....مابترديش ليه هاااا انتي فين ياعهد مع عاصم صح مبترديش عليا انا ياعهد عشانه انتي ازاي تعملي كده ازاي تخرجي مت حد غريب عنك يا عهد ازاي تقدري تعملي كده فيا قوليلي يا عهد عارفه تقعدي معاه وانتي قلبك معايا.. طب قوليلي ياعهد انتي الوقت بتخوني مين فينا بتخوني القلب اللي اتخلق عشان يحبك انتي وبس القلب اللي ميعرفش يدق غير وانتي جمبه القلب اللي زاهد الدنيا دي كلها إلا حبك بتخوني اللي كان لك اب واخ وصاحب وحبيب بتخوني الضهر اللي عمره ما انحني غير ليكي ولا بتخوني عاصم اللي هو ولا حاجه بالنسبالك ايه ساكته ليه خايفه تتكلمي صح خايفه تردي عليا انا ياعهد انا اللي كنتي بتسمعي بس صوتي مابعرفش اوقف كلامك....قوليلي ياعهد لما كلمتك الصبح كنتي منهاره ليه كنتي بتمثلي عليا يا عهد بس انا عارف انك مكنتيش بتمثلي كنت حاسس بخوفك وقلقك كنت عارف انتي حاسه بأيه وانا قافل الموبايل لما قولتيلي انك عايزه تطمني عليا يا عهد كنتي فعلا قلقانه عليا..ازاي كنتي بتكلميني وانتي ناويه تخرجي معاه ...ازاي قدرتي تعملي كده فيا اول مره احس انك غريبه عني يا عهد انتي عارفه انا عامل ازاي الوقت او حاسس بأيه زي اللي جاب س*ك*ينه وض*ر*بها جوه قلبي و سابني أنزف من غير رحمه و مستكفاش بكده وبس لا ده كمان ض*ر**بني بحاجه قويه علي دماغي ومسك رقبتي وفضل يخنق فيها ...مش عارف أشيل الس*ك*ينه اللي اتض*ر**بت في قلبي ولا امسك دماغي من الض*ربه اللي خدتها ولا ابعد الايد اللي بتخنق فيا مش عارف ابعد الم*وت عني يا عهد واللي يوجع اكتر ان كل الاحاسيس الممي*ته دي بأيدك انتي...انتي ياعهد ردك وصلني يا عهد مش هقدر اصدق انك بعتيني عشان الفلوس ولا هقول انك اخترتي مصلحتك عشان عارف ان كل ده غصب عنك وعارف ان قلبك مفيش اب حد جواه غيري...بس هقولك كلمه واحده هتفتكريها طول عمرك....ضعفك و أستسلامك ده هيبقي نقطه سوده في حياتك وعمرك ما هتقدري تعيشي مبسوطه يا عهد سمعتي عمرك ما هتقدري تعيشي مبسوطه.حياتك هتفضل واقفه عندي عندي انا وبس ياعهد. قفل ادهم الموبايل. وفضات عهد حاطه الموبايل علي ودنها قلبها بيصرخ بوجع فظيع نفسها تصرخ بكل طاقتها حاسه انها لو فضلت ساكته كده هيجرالها حاجه عينها بتلمع وكان جواها بحر من الدموع لو رمشت هتغرق العالم باللي فيه..حاسه ان في غصه واقفه في حلقها... عاصم كان لسه بيتكلم لكن كان مركز معاها من اول ما فتحت الخط ما نطقتش وشكلها غريب ويقلق شالت عهد الموبايل وفضلت باصه علي النيل عاصم...طيب تمام يبقي علي معادنا بكره سلام. قفل الخط وبصلها وهي مش معاه ولا حاسه اصلا انه خلص. عاصم...عهد ....عهددد....عهددد عهد...نعم عاصم...انتي كويسه؟ عهد....ايوه عاصم....امال مالك وشك متغير ليه التليفون اللي جالك ده ضايقك. عهد...لا خالص دي رساله صوتيه لشركه كنت بسمعها عاصم...بابتسامه اه تمام ما انا استغربت برضوا انك ساكته...يلا كنا بنقول ايه. عهد...بابتسامه بسيطه معلش يا عاصم انا اسفه بس ينفع نمشي عاصم....في حاجه. عهد ..لا بس حاسه اني تعبانه شويه ومصدعه جدا معلش انا اسفه عاصم....بحب لا طبعا مفيش حاجه طيب يلا بينا حاسب عاصم وخروج ا مع بعض ركبوا وطول الطريق عهد سانده عالشباك ومش باصه لعاصم بتحاول تتلاشي الكلام معاه. ................................................................ نزل ادهم من الاوضه بتاعته بغضب ساب الاكل والقهوه. نسي جوعه ونسي كل حاجه كان عايز بس يخرج يمشي بعيد نفسه يصرح نفسه يحس بهواء الشارع حاسس انه بيتخنق في الاوضه . ................................................................. عند تهاني في البانسيون تحت. سلامه....كفايه كلام بقي انا رغيت كتير هطلع اشوف أدهم باشا اكيد صحي هشوفه قبل ما اروح عشان لو عايز اي حاجه. تهاني....هو صحيح الباشا بتاعك ده ماله يا سلامه حساه وراه حاجه. سلامه....لا وراه ايه ادهم باشا نضيف يابنتي ده والده من اكبر رجال الاعمال وهو كمان رجل اعمال ده برنس من يومه وطول عمره في السليم. تهاني...انا مقصدش وراه حاجه وحشه اقصد يعني ان شكله في حاجه يعني شاب في سنه وغني ومعروف كده ايه اللي يخليه جواه كل الحزن ده حاسه ان في حاجه جواه أسألني انا عن الوجع يا سلامه وده عينه مليانه وجع سلامه...بصراحه عندك حق ادهم باشا ده حكايته حكايه طول عمره مبتسم للحياه وجواه كميه حب تكفي العالم عمري ماشوفته مضايق او حزين وفعلا المرادي فيه حاجه غريبه حاسس انه مكسور. تهاني...طيب مش انت بتقول انك عارفه وهو بيحبك أسأله يمكن في حاجه ولا حصل لحد من اهله حاجه كلمه لو بتحبه يا سلامه يمكن يتكلم اوقات الكلام بيخفف الوجع اللي بنبقي شايلينه جوانا. سلامه....بصراحه انا عايز اعمل كده بس بقول اسيبه شويه يومين ولا حاجه كده لحد ما يكون احسن تهاني...مش هو ده اللي نازل بسرعه كده. سلامه...اه هو ادهم باشا ادهم باشا في حاجه ولا ايه ادهم.....خرج ادهم بسرعه من غير ولا اي كلمه تهاني...خير يارب في ايه سلامه....مش عارف اللهم اجعله خير تهاني...ماتروح ورا الجدع يا سلامه انت مش شايف شكله عامل ازاي. سلامه....لا سبيه لوحده باين عليه متعصب اوي تهاني...ربنا يريح قلبه يارب سلامه....بقلق يارب ..........................................💔

مقالات ذات صلة

لقاء كارثي

چاسمين

لقاء كـ،ـ،ـارثي

چاسمين

لقاء كـ،ـ،ـارثي

تعاهدنا

اترك تعليقاً إلغاء الرد