لقاء كـ،ـ،ـارثي
ليله….بتأثر حقهم رغم اني عارضتهم الظروف اللي عيشنا فيها بتزود الخوف بس انا عشان جربت ونزلت و انحديت خوف امي و اخويا لحقت نفسي بدري
حنان…..بس علي فكره هما حنينين بشكل ميتوصفش علي ريهام و بس يلاقوها زهقانه او جايبه اخرها ياخدوها كام يوم وراء بعض خروج و فسح و يجيلوا كل اللي هي محتجاه بس طبعا هما مش فاضينلها طول الوقت
ليله…..سلامه و مبدو وحتي مصطفي ماشاء الله عليهم ربنا يحفظهم يارب حلوين اوي و نضاف و حنيتهم دي انا لمستخا في مواقف كتير يعني ده مفيش فيه اي شكل بس جمله مش فاضينلها طول الوقت دي كانت سبب اعتراضي لان هما حقيقي مش فاضين طول الوقت و هيجي عليهم يوم و يتجوزوا و ده اللي كنت اقصده لما يسيبوها هي هتعمل ايه ريهام مش عارفه الدنيا الا من خلالهم و دي مش حاجه كويسه لازم تنزل و تشوف الدنيا لكن في حدود لازم تعرف تتعامل و تجرب
حنان…..عشان كده طلبت منك تسألني عنها انتي والبنات
ليله…..متخافيش عليها لو علي السؤال فا اكيد هسال عليها ديما و هتجيلنا و هنخرج و حتي لو حبت تشتغل هخليها تشتغل معايا انا و البنات ممكن تنزل مع ايمي في المطعم كنت لسه بتكلم امبارح مع ايمي في موضوع الشغل انا عيزاها ترتاح الفتره الاولي دي عشان الحمل و قولتلها اني بعد اجازه الجواز هنزل انا و اشتغل مكانها فا هي قالتلي لو انتي كمان حملتي هنعمل ايه خصوصا ان سلمي عندها عيادتها مش ديما فاضيه للمطعم وايه كمان في شغلها نعبمه ملهاش في اداره المطعم ولا ليها خلق اصلا و نادين بصراحه يعتبر شايله شغلنا كله غير شغلها هي و نعيمه فا ممكن ريهام تنزل و تشتغل و بعدين وقتها اخواتها مش هيخافوا عليها المطعم في مدينتي يعني في نفس النطاق بتاعنا كلنا يوم ما تحتاج اي حاجه اي حد قريب هيروحلها بسرعه منها تسلي نفسها و تخرج و تشتغل و تتعامل مع الناس و الكاتدري اللي هتتعامل معاه مناسب جداً و محترم
و هتشوف الناس والناس تشوفها
حنان….ياريت يا ليله ياريت تبقي عملتي معايا جميل مش هنساهولك
ليله…..جميل ايه بس متقوليش كده دي اختي و انتي زي امي
حنان…..طيب هتقدري بقي تقنعي سلامه و ميدو
ليله….سيبهم عليا انا وعشري متقلقيش و هما في العموم مش معترضين ولا قافلين دماغهم هما بس عايزين حاجه تطمنهم و متقلقيش جنبها بيت اهل ايمي و بيت سلمي و ايه و طبعاً احنا في التجمع يعني قريبين منها و كمان ايمي قريبه هتلاقي اي حد جنبها علي طول محمود حماده اب حد من الشباب متقلقيش و بعدين انا كمان مش هطول يعني اجازه الجواز و اكيد هنزل شغلي هبقي معاها و خدي بالك ده مش جميل احنا يمكن محتاجين ريهام اكتر ما هي محتجانا يعني انا عن نفسي خايفه علي ايمي من نزولها وشغلها عايزه اول كام شهر يعدوا بهدوء و من غير تعب
حنان…..صح اول ثلاث شهور دول بيحتاجوا راحه
ليله….بالظبط و ايمي بتحب شغلها اوي و عارفه انه هيبقي صعب عليها خصوصا ان الحمل جه مع توقيت جوازي فا انا واثقه انها شايله الهم خصوصا ان البنات مش هيقدروا زي ما قولتلك
حنان…..خلاص اتكلموا مع اخواتها وانتوا اقعدوا معاها فهموها الشغل بيمشي ازاي
ليله…..سيبيها عليا متقلقيش وانا بردوا هبقي معاها انا وايمي ديماً و هنتابعها
حنان ….ان شاء الله
ليله…..مش عيزاكي تخافي عليها ريهام بقي ليها اخوات و عيله كبيره
حنان……ربنا يسعدك و يرضي عنك و يريح قلبك وبالك انتي جدعه اوي يا ليله و جميله
ليله….بابتسامه هاديه حبيبه قلبي ربنا يسعدك يارب و تطمني علي ريهام واخواتها
حنان….يارب يارب يا ليله حلم حياتي اطمن عليها هي و مصطفي قبل ما اموت
ليله….بعد الشر عليكي ان شاء الله تطمنب عليهم و تشوفي احفاد احفادهم كمان
حنان….بضحك اشوفهم بس في بيتهم
ليله…..لا معلش بقي احفاد احفادهم ان شاء الله ده علي راي عشري هنجيبلك انتي كمان عريس
حنان….بضحك لا خلاص بقي كبرنا علي الكلام ده هلاقيها منك ولا من عشري
ليله….بضحك عشري بقي شغال خاطبه اليومين دول خدي بالك
حنان….بضحك ده حبيبي ده ربنا يسعد قلبه و قلبك يارب
ليله…..اللهم امين يا ست الكل
بقولك ايه انا هحط الاكل بقي و اروح اسمعهم ربع عشان البيض هيبرد
حنان……بضحك احسن يستاهلوا
وقفت ليله تحت السلم نادت علي البنات و راحت الڤيلا التانيه نادت علي الشباب دقايق بسيطه و بدا الشباب يجوا دخلوا و سلموا علي البنات رشيد حضن ايمي وحط ايده علي بطنها بسعاده
لمح عدي تقي كانت لابسه ترنج رياضي هي كمان زي ليله و باقي البنات كانوا لابسين لبس مريح شويه عشان الطريق بس كلن ليه سوسته و صدرها كان باين شويه.
بصلها بهدوء و مسك السوسته بتاعت الچاكت بتاعه فضل ينزلها و يرفعها براحه عشان تفهم
بس مفهمتش و لا خدت بالها اصلا و فضلت واقفه تتكلم مع نسمه و البنات مسك الموبايل بتاعه و بعتلها رساله بردوا مركزتش في الاشعار رن عليها طلعت الموبايل من جيبها و بسرعه بصتلوا قفل علي طول و لمحت الرساله بتاعته
عدي…..قاعد ارفع وانزل في السوسته عشان تاخدي بالك ولا هنا
تقي….مالها السوسته اجي اصلحهالك يعني ولا ايه
عدي…..انتي غبيه يا تقي تصلحيلي ايه
تقي….انت عايز ايه طيب مش فاهمه
عدي…..اقفلي السوسته بتاعتك شويه
ابتسمت تقي بصتلوا فا ابتسم بغيظ بعتتلوا رساله و ايموشن بيضحك كتير
تقي…..يعني انت متخيل اني بجد فهمتك لما فضلت تفتح وتقفل في السوسته بتاعتك انا فكرتها معلقه
عدي…..بابتسامه مش بقولك غبيه
تقي…..بضحك احترم نفسك والله ما فهمت
عدي…..طيب ارفعي السوسته
تقي…..اوك
قفلت الواتس و بعدين رفعت السوسته و فضلت تضحك زي العبيطه مع نفسها و هو ابتستم و بعد عينه عنها وراح قعد مع الشباب.
……….
عشري…عامله دوشه عالصبح ليه يا بلطجيه
ليله…..الفطار هيبرد يا حبيبي
عشري…يا ناس عالقمر ده
ليله…..بابتسامه والله انت اللي قمر امسك يلا ده و روح
عشري…..عيوني
…………..
قعدوا فطروا كلهم مع بعض.
حسان…..عشري هو الراجل اللي سلمنا الڤيلا مش هيجي يستلم ولا ايه
عشري….لا كلمتوا يا حسان امبارح و عرفتوا و اتصلت عليه لما السواق كلمني و شويه و هيجي
حسان….طيب تمام انا قولت هنسيب المفتاح زي السفريه اللي فاتت
عشري….لا هي شغلانه بقي موعودين احنا
فضل…..انتوا جهزتوا شنطكم يا بنات
ايمي….كلنا جهزنا خلاص
ليله….الشنط بره الاوض يا فضل نفطر و هننزلها
فضل….لا سيبوها احنا هننزل كل حاجه المهم بس ابقوا اتأكدوا انكم مش ناسيين حاجه
ليله…..هنبقي نبص تاني
رشيد…..بقول ايه يا شباب عشان نبقي علي نور كده واحنا جايين مكانش في شروط للسفر بس الوقت في شروط للرجوع زي الشاطرين كده اللي عايز يشرب سيجاره يشربها قبل ما نطلع و يستني يشرب في اي ريست ماشي الدخان ممنوع عن ايمي خلاص
سلامه……شكلنا داخلين علي مرار طافح
فضل…..اه بقي محدش هيجيب عيال غيرهم
رشيد….ايه مش عاجبكم
سلامه….لا يا عم عاجبنا
عشري…..بابتسامه رشيد بدأ خلاص و هيقرفنا
رشيد….بضحك هو مش الدخان غلط
عشري…..ماشي يا عم كله يهون عشان الاوزعه و ابنها
ايمي…مينفعش بنتها يا بلطجي
عشري…..بابتسامه لا ينفع طبعاً يا سلام
رشيد…..وتاني حاجه الحلوين اللي جريوا علي الكنبه اللي وراء واحنا جايبن يشوفولهم كرسي يقعدوا عليه
ايه…..ليه ان شاء الله هي هتنام وراء لا بقولك ايه متقرفوناش
رشيد….بضحك ايه مش عاجبك انتي كمان الكرسي هيتعبها يابت
ايمي…..بابتسامه انا مالي متبصليش انا مبحبش الكنبه اصلا
حنان….طيب بص بقي خليها في الكرسي بتاعها احسن من الكنبه
رشيد….ليه يا حنون عشان تبقي مرتاحه
حنان…..الحامل يا حبيبي غلط تقعد وراء لان اي مطب او حركه صغيره الخبط كله بتحس بيه و غلط لكن تقعد في النص في مكانها احسن بعيد عن العجل
ايه…..اسمع كلام الخبره
رشيد….بضحك ايه يا حنون بتضحكي عليا عشان خطيبه ابنك
حنان…..لا والله ده بجد الخبط كله هيبقي في ضهرها و هتتعب مش هتتحمل خليها قدام احسن مينفعش اصلا تقعد عند العجل كده
رشيد….علي ضمانتك يعني
حنان……بابتسامه صدقني والله مش هضحك عليك
رشيد….تمام خلاص خدوا الكنبه يا متشردين
ضحكوا و كملوا فطارهم و بعد ما هلصوا طلعوا نزلوا الشنط و ىاحوا خرجوا شنطهم و حطوا كل حاجه جنب الباب عشان لما السواق بوصل يبقوا جاهزين طلعت ليله و سلمي بصوا في كل الاوض و امنوا علي حاجتهم و الشباب كمان راجعوا علي اوضهم.
ايه قعدت جنب ريهام علي الكنبه و نامت في حضنها
قرب سلامه و هو بيضحك
سلامه…..الام الحنونه
ريهام…..متغاظ ليه يا غيار
سلامه…..وهغير ليه اشبعوا ببعض يا اختي وانتي خليكي نايمه كده
ايه….بابتسامه سلامه ايه سر الفوقان بتاعك عالصبح بجد
سلامه….انتي عايزه تنامي ولا ايه
ايه…..يعني حضرتك احنا ملحقناش ننام يعني
سلامه…..اطلعي نامي في الباص لما يجي
ايه….مانا اكيد هنام مش قادره والله حاسه اني مصدعه اصلا
سلامه……والله انا كمان مصدع شويه و سريري وحشني اوي بيتهيألي هروح انام مش هحس بنفسي
ريهام…..انت معندكش شغل بكره ولا هتأجز
سلامه…..لا هنزل طبعاً هي لسه فيها اجازه كفايه كده بس اكيد مش هنزل بدري اوي يعني
ايه…..انا كمان هنزل بكره مع اني مش عارفه هنزل ازاي بجد
سلامه…..طب ريحي بكره
ايه…..مش هينفع المكان مقفول بقاله كام يوم
سلامه…..هو الواد اللي شغال معاكي مبقاش ينزل ولا ايه
ايه…..لا قولتلك هو في طب و غالبا دخل في الجد بقي و خلاص صعب يشتغل و ينزل الجامعه
سلامه……طيب متنزليش بدري
ايه…..ما انا ممكن انزل بعد الضهر كده
