لقاء كـ،ـ،ـارثي

في الخارج

تقي كانت بتكلم وليد.

تقي …ما انا بقولك مش عارفه هنوصل امته الساعه 12 ونص ولسه السواق موصلش و لسه مش عارفين هناخد وقت قد ايه في الطريق

وليد….يا بنتي بقولك الطرق مفتوحه بس محذرين من السرعه و حاطين حد ليها عشان موضوع الكلاب ده هتشوفي بنفسك الطريق يعني لو الطريق بياخد ست ساعات هتاخدوا اكتر فا اكيد مش قبل تسعه عشره تكونوا وصلتوا ان مكانش اكتر

تقي…..ليه كل ده و حتي لو زي ما بتقول ماهو بدري

وليد….انا انهارده عندي شغل كتير اوي ممكن مقدرش اجي اخدك روحي مع ليله و بكره اعدي عليكي اخدك و اشوف ليله كمان

تقي…..هفضل طالعه نازله بالشنطه انا عايزه اروح و بعدين خلاص خلبك انت انا هاخد اوبر و اجي

وليد…..انا قولت لا و بعدين هتبقي جايه تعبانه متركبيش اوبر لوحدك احسن تنامي

تقي…..مش هنام متقلقش

وليد….تقي متتعبيش قلبي خليكي مع ليله لحد بكره مجتش من يوم

تقي…..عندي مذاكره و بكره لازم انزل الجامعه و اجيب حاجتي

وليد….خلاص روحي

تقي….اروح من غير حاجه الكتب و الكشاكيل بتاعت المحاضرات كلها في البيت

وليد…..طب انا هشوف ظروفي عرفت عرفت معرفتش يبقي هتضطري تفضلي لبكره افرضي كان حصل حاجه و استنيتوا يوم كنتي هتقولي لا لازم اروح الجامعه

تقي….يا بابا انا لسه هقرف ليله تاني خليها بقي تشوف اللي وراها

وليد….هي اشتكتلك بقولك ايه اديني ليله كده

تقي……بابا خلاص تمام

وليد….هو ايه اللي خلاص تمام اديني ليله

تقي…..خلاص بقولك انا هتصرف هشوف لو حدوته فاضي يجي ياخدني

وليد…..ولو مش فاضي

تقي……يا سيدي هركل اوبر و ابقي معاك علي التليفون

وليد….طب معلش اديني ليله قبل ما اتعصب بس

تقي….اوووووف لحظه يا بابا

راحت تقي علي ليله كانت واقفه مع عشري و عدي عمالين يضحكوا قربت وهي متعصبه.

تقي…..ليله امسكي

ليله…..ايه ده

تقي…..ردي ده بابا

ليله…..الووو

عشري حط ايده علي كتف تقي و رفع حاجبه

عشري…..البلطجيه الصغيره متعصبه ليه

تقي…..مش راضي يجي ياخدني

عشري…..ياخدك منين

تقي….لما نوصل يعني بيقولي هتاخدوازوقت عشان محذرين من السرعه و حاطين حد ليها بسبب الكلاب و هو عنده شغل كتير انهارده مش هيقدر

عشري…..طب وفين المشكله خليكي مع ليله و بكره روحي براحتك

تقي…..عندي محاضرات يا عشري و بعدين هفضل طالعه نازله بالشنطه

عشري…..هو انتي يعني هتشيلي الشنطه انتي هتركبي الوقت و هتنزلي هناك و هتحطيها في الاسانسير

تقي…..ايوه بس انا ادام رجعت خلاص عايزه اروح بقي و اشوف اللي ورايا

عدي…..يعني اللي وراكي ده خلاص واقف علي بكره

تقي…..انا بقالي كذا يوم هنا

عدي…..ما انتي هتروحي بليل يعني مش هتعملي اي حاجه هتبقي تعبانه و هتنامي

عشري…..صح كده كده اليوم ضايع.

ليله……بصت لتقي سيبك منها خلاص و بعدين هي عايزه اذن و لا مستنياك تقولي عشان تيجي معايا بقولك ايه ملكش دعوه انت انا هتعامل شوف شغلك و يومك انت يا حبيبي و بكره تعالي الصبح نفطر سوا و ابقي خدها ولو معرفتش بردوا متشغلش بالك انا اكيد هنزل عشان عندي شغل و مشاوير كتير هوصلها لحد البيت

وليد….لا عادي هاجي عشان اشوفك

ليله……طيب عموما احنا مع بعض علي التليفون

وليد….ماشي يا قلبي خدوا بالكم بس من بعض و خلوا السواق يصحصح كده

ليله…..اطمن متقلقش يلا يومك جميل

وليد…..وانتي يا قلب اخوكي سلام

ليله….باي قفلت وبصت لتقي خيرررر مستنيه ابوكي ياخد الاذن عشان تروحي معايا وش كسوف يعني

تقي…..هو ايه اللي وش كسوف يا ليله انا عايزه اروح

ليله……بيقولك عنده شغل كتير ومعاه حق منعرفش هنروح امته هو فهمني

تقي…خلاص انا قولتلوا ميجيش و هاخد اوبر

ليله….خايف عليكي يا غبيه اوبر ايه اللي ترجعي من السفر و الطريق تعبتنه و تنامي معاه هو لو رضي انا مش هرضي اصلا

تقي….طيب تمام انا قولتلوا هقول لحدوته

ليله….هو حدوته سواق اهلك فاضيلك يعني خلاص فرقت من يوم

عشري…..ايه حدوته ده

ليله…..صاحبها

عشري….رفع حاجبه صاحبها !! انتي مصاحبه يا بت

تقي….بابتسامه زميلي و صحاب يا عشري

عدي…..بغيره واضحه هي تقي بتحب تحط حدوته ديما في جمله مفيده

ليله و عشري بصوا لبعض و ابتسموا بهدوء و بصت تقي لعدي و هي رافعه حاجبها

تقي……هو ايه اللي بحب احطه في جمله مفيده انا هقولوا عادي لو فاضي يجي ياخدني

ليله…..لا حتي لو فاضي لو الوقت متأخر مش هتروحي لوحدك

عشري…..صح يا تقي مجاتش من بكره

تقي…..طيب و محاضراتي بجد مينفعش اتأخر اكتر من كده

ليله….يا غبيه انتي جات من يوم

تقي….يا ليله المفروض كنا مشينا امبارح بليل و اجلنا بسبب الطريق و الكلاب و كده اليوم ضاع انهارده و بكره كمان هيضيع و انا الخميس معنديش محاضرات

عدي…..لو الدنيا واقفه معاكي كده علي يوم هوصلك انا يا تقي

تقي…..توصلني ايه يعني نرجع من سفر هتوصلني و ترجع تروح زايد انت اصلا مش معاك عربيه

عدي…..ملكيش دعوه انا اشتكتلك
هوصلك وابقي ارجع

عشري….بابتسامه اهو حلهالك يا ستي

ليله…..استني بس انت وهو بت هو لو الطريق اتقفل و حصل زي ما حصل في سفريتنا الاولي هتقدري تعترضي مفيش مرواح هنرجع علي عندي و بكره ابقي روحي مطرح ما تروحي

عدي…..سيبيها يا ليله لو فعلاً مش هينفع هروحها انا

تقي…..خلاص يا عدي مش رايحه في مكان

عشري…..لو عايزه تروحي هو يوصلك باوبر لحد البيت و يرجع

تقي….لا خلاص عشان الوقت ميبقاش متأخر

عدي….ما كنتي هتقولي لحدوته الوقت بقي متأخر

عشري…..بضحك اه صح ما كان حدوته هيوصلك

ليله….بضحك تعرف انت حدوته يعني علي الثقه اللي بتتكلم بيها دي

عشري….بضحك لا بس واضح انه حد مهم

تقي…..ضحكت غصب عنها عشري انت عايز تطلعني مسرح صح

عشري…..بضحك والله ابداً يا ليله يا صغيره بس بحاول ادخل في الحوار
الشيق ده

تقي…..حدوته مكانش مسافر يعني الموضوع معاه مش متعب لكن عدي معانا و هيروح يوصلني و مش معاه عربيه و لسه هيرجع

عدي…..هو انا اشتكيت انتي مالك

ليله….بابتسامه علي حق يا عشري يا صغير

تقي…..بابتسامه خير انتي و جوزك بجد

ليله….بضحك ايه بنحاول ندخل في الحوار الشيق صحيح يا عدي انت تعرف حدوته

عدي….لا و لا عمري شوفته بس تقي بتتكلم عليه اكتر ما بتتكلم عن نفسها فا عرفتوا من قبل ما اشوفوا

ابتسمت تقي و بعدت وشها عنه

عشري…..بابتسامه لا حدوته ولا قصه معندناش بنات تمشي لوحدها عايزه تروحي عدي معاكي ولا ايه يا ليله

ليله……بضحك علي حق يا بلطجي

تقي…..اممممم طيب انا هروح معاكي يا ليله و بكره همشي مع بابا مش راحه محاضرات و لا جامعه بس علي فكره بقي اخوكي بيرخم عليا كتير الفتره دي

ليله…..اتلمي يابت خايف عليكي يا جزمه

تقي…..عيله صغيره انا عشان يخاف عليا

ليله…..اه عيله صغيره

تقي…..طب ماهو عارف حدوته معترض ليه

ليله…..يمكن خايف عليكي منه عادي ايه مش حقه

تقي ….هو مش خايف عليا من حدوته طبعاً هو بيقولي ممكن ميبقاش فاضي و انا لو كلمت حدوته و قولتلوا حتي لو مش فاضي هيجي ياخدني

عدي….حلو خلاص يا ليله خليها تكلم حدوته و الراجل جدع هيسيب اللي في ايده و يروح جري لتقي

تقي…..بابتسامه انت بتتريق بصت علي عشري و ليله اللي كانوا باصين لبعض و ميتين من الضحك انتوا بتضحكوا علي ايه

عشري….بضحك لا ولا حاجه كملوا

عدي…..لا تكمل هي بقي انا رايح اشرب

عشري….بضحك خد يا لااااا راجع تاني

ليله….بضحك تمام بصت لتقي بابتسامه و غمزتلها خير

تقي….بابتسامه هو ايه اللي خير في ايه

ليله…..ايه الحوار حاسه كده في حكايه بينكم

تقي…..ااااا يعني ايه

ليله….هتصيعي عليا انا

تقي…..بضحك مش فاهمه بجد

ليله….لا فاهمه بس طالبه معاكي استعباط ايه الحكايه بينك و بين الغيران ده

تقي….بضحك لا بصي لا في حكايه و لا حدوته

ليله….طب ما بلاش حدوته دي عشان بتعصبوا

تقي…..بضحك انتي ايه ما صدقتي تركبيني مسرح مفيش اللي في دماغك ده انا و عدي صحاب مش اكتر

ليله…..علي عمتك يا اوطي من الرصيف

تقي…..بضحك بقولك ايه انتي و جوزك تلميحاتكم مش عجباني اه صحاب

ليله…..لا ما انا خدت بالي ان في صحوبيه و عشم بس انتي عرفاني مش رخمه و بحب اسيب اللي قدامي براحته و عامله فيها عبيطه بس يعني سؤال برئ الصحوبيه دي اصلا من امته

تقي…..بضحك عادي يعني شوفنا بعض كتير في اكتر من مناسبه و من وقت ما جيتاك و حصل الموقف ده و وصلني و قربنا اكتر كمان لما بروح اوصل الشغل بشوفوا و بيستلم مني و طبعا رقمي معاه و بنتكلم و كده يعني

ليله….ااااه قولتيلي طب و ده كفايه للعشم ده كله

تقي….بابتسامه والله اعرف واحده اتحبست مع واحد اسبوع رجعت اتخطبت و بقت مراته

ليله….بضحك اديييييييني في سرعه الاداء و انتي بقي ماشيه علي خطي عمتك

تقي…..بضحك لا احنا مجرد صحاب او بيست فريند

ليله…..طب كلميني علي غيرة البيست فريند من حدوته

تقي…..بضحك ااا يعني عادي غيره بريئه غيره صحاب علي بعض

ليله….قولتيلييييي اذا كان كده معاكي حق غيره الصحاب بتعمل اكتر من كده و بتطور كمان اسمعي مني

تقي….بضحك انتي عايزه ايه يا ليله

ليله…..انااااا ولا حاجه كل خير يا قلب ليله بس نصيحتي يعني نحترم غيره الصحاب دي و نقدرها

تقي…..بأبتسامه انتي شايفه كده

ليله…..بضحك انا شايفه اللي ابعد من كده

تقي…..شايفه ايه بقي ان شاء الله

ليله…..شايفه اني بفكر احط منشر غسيل من بره و انشر الغسيل غرقان و ينزل علي عروستنا في الدور الاول و هتبقي ليله و خناق و مشاكل ايه مقولكيش

تقي…..بضحك اااااه ده انتي روحتي بعيد اوي

ليله……والله ادينا قاعدين نتفرج و نشوف

تقي….خدي بالك انتي مش سهله هااا

ليله…..بضحكه جميله وانتي تربيتي يا واطيه و مستنيه اقول مبروك