لقاء كـ،ـ،ـارثي

عسال اتصل علي نادين تاني

نادين….ايوه

عسال……ايه يا حبيبي صحيتي

نادين….اه اه صحيت منمتش تاني اصلا و ليله صحتني اسكت بقي شويه

عسال….انتي بتزعقي

نادين….عايزه انام يا ميدو

عسال…..ايوه يعني بتزعقي

نادين….اه

هسال…..بأبتسامه رفع حاجبه اه و بتقوليها كده عادي

نادين…..عشان انت مزعج و ليله مزعجه و ريهام اختك مزعجه

ريهام بصتلها وهي لسه باين عليها النوم

ريهام…..يابت انا جيبت جنب و لا نطقت

عسال….بضحك هدي بالك هتاكلك اتقي شرها وهي صاحيه

نادين….بضحك علي فكره بتبرقلي يا ميدو

عسال…..مش قولتلك اشربي بقي

نادين…..ريهام انا حبيبتك

ريهام……و انتي حبيبتي بس بتدخليني في جمله مفيده ليه انا صحيت زيك

نادين….مانتي عماله تنكضي و تعملي دوشه

ريهام….بتتتتت انا لسه صاحيه و ملحقتش انام اصطبحي انا مش ميدو هاخدك علي قد عقلك

نادين….بضحك ميدو انا خايفه من ريهام دي اتحولت

عسال…..بضحك تستاهلي قولتلك ملكيش دعوه بيها هليها بقي تروقك و بعدين عشان تزعقيلي تاني

نادين……بابتسامه ريهام

ريهام….خير

نادين…..ميدو فرحان فيا عشان بتزعقيلي

ريهام…..اطلع منها يا ميدو ملكش دعوه

نادين….احسن سامع

عسال…..بابتسامه ماشي هطلع منها

نادين…..انت لبست

عسال….لا لسه هدخل الوقت

نادين…..اوك

عسال…..يلا يا حبيبي هخلص وانزل و سيبي شنطتك انتي وريهام هبقي اطلع اخدها

نادين ….حاضر

عسال….باي يا حبيبي

نادين….باي.

…………….

سمعت تقي صوت رساله فتحتها

عدي…..صباح الفل صحيتي

تقي…..صباح النور ايوه صحيت

عدي….تمام بتعملي ايه الوقت

تقي…..مستنيه نسمه تخرج من التويلت و هدخل اخد شاور و اجهز

عدي…..ماشي انا شويه و هنزل اشوفك تحت

تقي…..اوك هخلص و انزل علي طول

عدي…..تمام يلا باي

تقي….باي

…………….

جهزت ليله حجات كتير طلعت كل حاجه كانت موجوده الجبن كلها و عملت فطار حلو و قطعتلهم فاكهه و ظبطت الدنيا و حضرت الترمس بتاع القهوه لعشري عشان عارفه انه هيحتاجه علي الطريق هو وفضل و عملت واحد تاني شاي سابتهم علي جنب و بدأت تعمل نسكافيه و قهوه وعملت شاي تاني للي عايز يفطر بيه كانت واقفه تعمل الفطار وهي حاطه السجاره في بوئها

خرجت حنان من اوضتها

حنان…..صباح الفل يا قلبي

ليله….بابتسامه صباح النور يا ست الكل

حنان…..معلش نمت كتير انهارده سهرت معاكم كتير

ليله…..ولا يهمك نامي وارتاحي المهم جهزتي شنطتك ولا اساعدك

حنان….لا جهزتها قبل ما انام شويه بس هدخل اغير و اشيل فيها الغيار اللي هقلعوا

ليله….طيب تمام

حنان…..البنات صحيوا

ليله….اه صحيتهم كلهم و نزلت اجهز الفطار عشري قال السواق قرب

حنان…..اه ماهو ميدو صحاني اساعدك في ايه

ليله…..ولا اي حاجه اقعدي ارتاحي انا خلاص هعملهم بس البيض ده مش عايزه اعملوا الوقت عشان ميبردش و هجهز بس حاجه كده للسواق

حنان…..حاجه ايه ؟

ليله…..هعملوا فطار و هحطهولوا كده عشان الله اعلم جعان ولا لا لما يجي يرتاح بس شويه من الطريق ياكل يصلي يدخل الحمام عشان ميتعبش

حنان…..بابتسامه الله يرضي عنك يارب معاكي حق جهزيلوا و اديلوا كمان من الفاكهه دي عشري كان جايب كتير

ليله…..اه ما انا هحطلوا متقلقيش

حنان…..تسلم ايدك يا حبيبتي

ليله….بابتسامه الله يسلمك يا قمر انتي قوليلي بقي اتبسطتي في الرحله

حنان…..اتبسطت اوي الحمد لله كانوا كام يوم حلوين

ليله……تتعوض تاني ان شاء الله

حنان……ان شاء الله بصراحه انتي و البنات حلوين اوي ربنا يحفظكم

ليله…..انتي اللي جميله يا حنون و البت ريهام كمان سكر ربنا يخليهالك

حنان…..اللهم امين يارب ابقي اسألي عن ريهام من وقت للتاني يا ليله

بصتلها ليله و ابتسمت

ليله….ريهام وام ريهام هو انا هسيبكم خدي بالك انا مش بسافر و لا اخرج غير مع البنات حتي اخواتي كل فين وفين كده لما بنتجمع في سفريه مره لاني بصراحه مش متعوده غير علي السفر مع البنات بس انتي سفريتك تجنن و مريحه و جميله

حنان…..يا حبيبه قلبي

ليله….ريهام اختي زيها زي البنات خلاص و انا في السفريه دي خدت عليها والله

حنان…..ريهام طيبه اوي يا ليله و ملهاش حد ربنا يخلي اخواتها الشباب بس البنت بتحتاج صحاب بنات من سنها يمكن ريهام فرحت اوي بدخول ايه و نادين حياتنا بس كمان اول مره اشوفها مبسوطه اوي كده معاكم بتصعب عليا اوي يا ليله اوقات كتير بحس اني ظلمتها

ليله…..ليه بتقولي كده بس اولاً انا مش سهل اخد علي حد بسرعه و مش سهل انا والبنات ندخل حد وسطنا بس ربنا يعلم والله ان ريهام جميله وكلنا حبيناها اوي يمكن من قبل السفر كمان من كلام نادين وايه عليها و عليكي اينعم عرفتها في كل المناسبات اللي اتجمعنا فيها بس انا قربت منها اكتر لما سافرنا حسيت انها شبهنا فيها مننا يعني متقلقيش عليها خلاص بقت واحده مننا و بعدين تصعب عليكي ليه ماهي زي الفل اهي و علاقتك بيها انتي و الشباب تجنن يعني مظلمتيهاش ولا حاجه

حنان…..قعدتها في البيت علي طول بتوجع قلبي طول الوقت اخواتها في الشغل و مع بعض و هي قاعده في وشي طاوعت اخواتها في رفضهم للشغل و طاوعتهم في حجات كتير

ليله…..بصي في حجات لما بتحصل مينفعش نرجع نندم عليها انا يمكن عذراكي لان امي كانت زيك و زي سلامه و ميدو في تحكمهم و يمكن كنت ديما بعترض علي الاسلوب ده و بيحصل بينا مشاكل بس لما كبرت شويه فهمت ان ده خوف و يمكن انا حتي لما فهمت ده لسه ضد الاسلوب بس كمان هي ام و من حقها تخاف علي بنتها بالطريقه اللي تشوفها مناسبه كمان انتوا معاكم حق

حنان…..انا عمري والله يا ليله ما كنت ضد رغبتها في اي حاجه ولا عمري حكمت رايي او كنت شديده عليها بس لما بقولك اني ظلمتها كنت اقصد اني سمعت كلام سلامه و ميدو عارفه انه خوف بس متهيألي كان لازم تنزل و تتعامل و تشوف الناس و تشتغل و تجرب تنجح و تفشل

ليله…..بصي انا اتكلمت مع سلامه و ميدو بخصوص الموضوع ده من يومين كنا بنلعب مع بعض و اتسألنا و اتفتح الموضوع ده انتي كنتي نايمه يومها و يمكن انا جادلتهم كتير

حنان….بابتسامه ايوه ريهام قالتلي

ليله…..بصي يا حنون انا حتي لو جادتلهم او هاجمتهم او رفضت اسلوبهم عشان ريهام بس خليني اقولك ان اني مقدره اوي خوف سلامه بالاخص عليها سلامه عامل زي وليد اخويا يمكن شخصيتي تختلف شويه عن شخصيه ريهام لان انا مش سهل حد يمشي كلامه عليا و علي قد ما كانت امي شديده وكل اخواتي بيخافوا منها بما فيهم انا كنت بترعب منها بس كمان كنت بقف قدامها اعترض اجادل اناهد اصمم اعند فا دي شخصيتي و وليد كان بيتعب معايا اوي بس كمان وليد مختلف عن سلامه لان وليد كان لوحده و بطولوا ملهوش اخوات رجاله مش هقولك انه شخصيته ضعيفه بالعكس وليد لما بيتغابي بيتحول بس كان بيتلاشي اي مشاكل بيني و بينه لكن سلامه معاه ميدو و مصطفي ربنا يحيمهم يارب و زي ما قولتلك هي شخصيتها مختلفه فا هنا قدروا يسيطروا عليها بس سيطره مقبوله بالنسبه ليها لان هما علاقتهم فيها تفاهم.

و رغم كل ده انا مقدره اوي موقفهم من الرفض لانه خوف و بصراحه معاهم حق يمكن انا مكنتش معاهم و كنت مع ريهام اكتر بس كمان هما ليهم وجهه نظر ريهام طيبه اوي و عبيطه الشارع و الشغل مش سكتها بريئه و نضيفه و علي سجيتها و هتتعب اينعم الشارع و الشغل و التعامل مع الناس بيعلم بس صدقيني يا حنون الشارع صعب و الناس اصعب و المرمطه متعبه اوي أسألينب انا ربنا الوحيد اللي عالم انا حصل معايا ايه و مريت بظروف عامله ازاي و اتعرضت لمواقف مش اي بنت تقدر عليها

يمكن انا والبنات بنشتغل كلنا من زمان بس انا بدأت في الشارع بجد وسط الناس و في الاماكن الشعبيه قربت من كل الفئات اللي تتخيليها و احتكيت بناس يتصنفوا بشر بس للاسف هما شياطين فا ريهام مش هقولك متقدرش لا تقدر بس هي اتاخرت كتير فا عشان تقدر تواجه اللي فاتها ده كله يبقي تشتغل مع اخواتها او في حاجه خاصه بيها

لازم عشان تتعامل مع الناس تكون عارفه ان مش كل الناس زيها او زي القريبين منها فا انا مقدره خوف سلامه و ميدو عليها بس يمكن اعتراضي الوحيد علي انهم وصلوها لكده

حنان…..سلامه تعب اوي يا ليله انتي اكيد عارفه يعني ايه بيت من غير اب و اكيد شوفتي مامتك الله يرحمها كانت بتعاني ازاي و هي بتربيكم بطولها و يمكن من كلامك كانت شخصيتها قويه بس انا يمكن ريهام اقوي مني بكتير انا طول عمري بخاف من التعامل مع الناس اللي مريت بيه كان صعب عليا و مكنتش قادره عليه لوحدي اتوجعت علي اختي و جوزها و اتوجعت من اللي حصل في حياتي المسؤوليه كانت كبيره و انا مكنتش كبيره و كان معايا اربع اطفال بامي الست الكبيره كنت بخاف اكتر ما انا بخاف يا ليله فا سلامه و ميدو خدوا دور الاب و الاخوات الكبيره وقفوا في ضهري و ربوا نفسهم و ربوا اخواتهم موت امي بردوا كسرني و هلاني شلت الحمل اكتر مع انهم كانوا كبروا

فا خوفي عليهم خلاني قفلت الدايره اوي و سلامه قفلها اكتر علي ريهام لانه زيك هو وميدو من صغرهم في الشارع بيتشغلوا وطالع عينهم فا عارفين الشارع بره فيه ايه