جاسمين

في منزل فريد
فريد و بلال وياسر كانوا عمالين يبصوا لبعض پصدمه من الاسماء اللي سمعوها و خصوصا اللواء خيري
أمجد هو ده كل اللي حصل وكل اللي سمعته يمكن انا عشان متلغبط اليومين دول خدت قرار بحضوري الاجتماع مش عارف كان قرار صح ولا غلط حاسس اني بقيت اشك في كل حاجه بس في ناس بيتهيألي صعب اشك فيها في اكتر من لواء في ناس بتشتغل في الطاقه و حاسس اني ممكن اكون أتسرعت او شكيت فيهم و يمكن كمان الاجتماع ده يكون اجتماع شغل عادي
فريد لا يا أمجد انت متسرعتش الاجتماع ده لازم تحضره لانه مش اجتماع عادي و محدش فينا
—
هيقدر يعرف اللي بيدور جوه غيرك
أمجد لا ما انا هحضر خلاص انا قولت قراري انا بس بفكر بصوت عالي معاكم ثلاث لواءات و عضو في الوكاله الدوليه للطاقه الذريه و سفير سابق لمصر في الاردن غير رجال الاعمال اللي مشاريعهم مغرقه البلد الناس دي ليه يتجمعوا اصلا ايه الشغل اللي بينهم مش قادر افهم ليه رجال اعمال تجتمع برجال سياسه
فريد الموضوع اكبر من تفكيرك يا امجد بكتير لو مستغرب جمعتهم فا بقولك متستغربش خالص المصالح بتتصالح رجال الاعمال اللي انت شايفهم دول مشاريعهم مش هتمشي في البلد غير لما يقدموا فروض الولاء و الطاعه للسياسين دول و السياسين دول عشان ينفذوا كل بلاويهم لازم يلجأوا لرجال الاعمال عشان يلاقوا ستار يستخبوا وراه من غير ما اساميهم تتشوه دي دايره يا امجد وبتدور من زمان اوي و مش عايزك تستغرب لان وقت ما كنت انا في شغلي كان في ناس كتير من جوه الجهاز خونه فا عادي انك تلاقي سياسين في الاجتماع الغريب ده
ياسر بس فعلا يا فريد الاسامي و التوليفه دي غريبه و تخوف
فريد اه يا ياسر عارف بس اللي انا حقيقي مستغربهم و مصډوم فيهم اللواء خيري اكتر حد المفروض بيساعدني في قضيتي و اكتر حد كنت بعرفه كل خطواتي و حقيقي الشخص ده لو طلع خاېن يبقي اكبر عدو ليا الراجل ده كنت بعتبره ابويا لان هو اصلا كان صديق لابويا و حزن عليه من قلبه مستحيل يكون ده كله كان تمثيل بس انا مش هستغرب عادي كمان راجح الطوبجي ليه موجود معاهم العيله دي من انضف رجال الاعمال اللي في البلد حرفيا
عمري ما سمعت اسمهم في اي مصېـ,ـبه بتحصل في البلد و كتير اوي في رجال حاولوا انهم يوقعوهم و يضـ,ـربوهم في السوق بس كانوا بيخرجوا منها و كمان كانوا ديما بيساعدونا في القبض علي ناس فاسده فا بصراحه انا مصډوم
بلال يمكن وجودهم عادي يا فريد مش شرط كل اللي في الاجتماع ده يكونوا وحشين
فريد جايز يا بلال عشان كده يا أمجد لازم تحضر الاجتماع ده ولازم كل حرف يتقال جوه الاجتماع يتسجل في عقلك
امجد اطمن متقلقش
سهر كانت في دنيا تانيه مش معاهم عقلها مع والدتها مړ……عوبه عليها باصه في الارض وعماله تهز رجلها رن موبايلها في الوقت ده
بصت بسرعه عليه لقت مازن
بيري ده مازن
سهر مش هقدر ارد الوقت عليه
كنسلت وسابت الموبايل
بيري بقلق طيب ليه ما تردي يمكن في حاجه
مازن هيكون في ايه اكيد حابب يطمن عليكي هكلمه بس لما اطمن علي ماما و الجو يكون هادي
سكتت بيري وهزت راسها رجع الموبايل رن تاني
بيري سهر ردي احسن يكون في حاجه
ياسر ردي يا سهر شوفي عايز ايه
مسكت سهر موبايلها وردت
سهر ايوه يا مازن
مازن ايوه يا سهر انتي كويسه
سهر الحمد لله يا مازن
مازن بتوتر بص لمريم مكانش عارف يقول ايه
مريم قولها يا مازن قولها مستني ايه
سهر في ايه يا مازن
مازن بصراحه بقي يا سهر في حاجه سمعناها الوقت ولازم تعرفيها
سهر حاجه ايه
مازن لازم تطمني علي طنط امل يا سهر مريم سمعت خالد بيتكلم في الموبايل مهيب بيبلغه ان طنط امل اتخبطت بالعربيه
سهر بدموع ايوه يا مازن عرفت
مازن يعني ده بجد طيب طنط امل جرالها حاجه
سهر ايوه بجد يا مازن بس الحمد لله انا كلمتها و هي بخير ربنا نجاها و الوقت هتيجي و هشوفها
مازن هتيجي فين قوليلي يا سهر انتي فين وانا هجيلك فورا
سهر مش هينفع يا مازن خالص المهم اطمن يا حبيبي هي بخير و اكيد لما اشوفها هطمنك
مريم سهر قوليلنا لو في حاجه مخبياها عننا
سهر صدقيني يا مريم مش مخبيه عنكم حاجه انا لسه مشوفتش امي اصلا بس هي كلمتني بنفسها والله
مازن سهر مهيب وخالد هما اللي وراها كانوا قاصدين يخبطوها و بيتهيألي انتي كمان في خطړ مهيب قالها بنفسه ليا انه مش هيسيبك
سهر مهيب قالكم كده
مريم اه يا سهر وفي حاجه كمان لازم تعرفيها
بصت سهر ليهم باستغارب وفتحت الاسبيكر
سهر حاجه ايه اللي لازم اعرفها يا مريم
مريم خالد وانكل مهيب كانوا عندنا امبارح كانوا جايين عشان يعرفوا رأي بيري الاخير لان المهله اللي كان مديها لبيري خلصت ماما وبابا كانوا حابين يكدبوا عليه ويقولوا ان بيري نايمه بس مازن نزل و قالهم كل حاجه و عرفوا ان بيري مشيت ومش هقولك طبعا علي اللي انكل مهيب عمله و اكيد اكيد يا سهر مش هيسكت خدي بالك كويس لانه اكيد هيراقبك
مازن بس احنا علي اتفاقنا يا سهر هما عارفين ان بيري معايا انا وانا اللي مخبيها بس الامر ميسلمش خدي بالك لو روحتي لبيري في اي وقت لانه اكيد ممكن ميصدقش كلامنا ويراقبك خصوصا انه متأكد ان انتي وراء كل حاجه
مريم ايوه يا سهر ماما هي السبب
سكتت شويه وعيطت
مريم هي اللي قالتله ان انتي السبب في كل حاجه يا سهر كمان اللي خلي مازن يعمل كل ده ان ماما في نفس اليوم احنا رجعنا زي ما طلبتي مننا بس لما رجعنا و مازن راح الشغل الصبح ماما مدت ايدها عليا يا سهر و حپستني في الاوضه عشان اتكلم واقول بيري فين خدت مني الموبايل طول اليوم و قفلت عليا الباب و النور و كل حاجه حتي لما رجع بابا قبل مازن فضلت اصړخ و اطلب منه يفتحلي موافقش و سمع كلامها مازن هو اللي خرجني يا سهر
سهر حبستك
نزلت دموع بيري في الاحظه دي ومقدرتش تمسك نفسها
بيري مريم انتي كويسه
مريم بيررري بيري وحشتيني اوي
مازن بيري حبيبتي انتي كويسه
بيري ايوه يا مازن كويسه يا حبيبي طمني عليك انت ومريم
مازن متقلقيش احنا بخير يا حبيبتي المهم انتي طمنيني عنك فيكي حاجه محتاجه حاجه
بيري لا انا بخير و كويسه يا حبيبي انت وحشتني اوي انت ومريم
مريم بيري انا محتجالك اوي ماما حپستني يا بيري و اتحولت خالص صدقيني يا بيري انا خاېفه منها بجد
بيري مټخافيش يا حبيبتي مټخافيش خليكي ديما مع مازن و بعدين انا جنبك انا بس مش عارفه اكون معاكم عشان محدش فيهم يوصلي لازم بس نتحمل شويه لحد ما نلاقي طريقه نخلص بيها من مهيب وخالد
مريم مهيب وخالد مش هيسيبوكي يا بيري لازم تفضلي مستخبيه ماما كمان يا بيري بتساعدهم في ده و كمان لازم تعرفي انك اوعي تثقي في بابا لان هو مش بيعمل حاجه غير بموافقه ماما يعني اوعي تحاولي توصلي ليه و تفكري انه ممكن يساعدك او تأثري عليه
مازن مريم معاها حق يا بيري متحاوليش تكلميه و لا تحاولي تظهري خالص انتي فاهمه
بيري حاضر
سهر اطمن يا مازن و متقلقش علي بيري
مريم سهر لما تطمني علي طنط امل لازم تشوفي وقت مناسب نقابلك فيه عشان في حاجه مهمه تانيه لازم تعرفيها
مازن بهمس مسموع مريم اسكتي
سهر حاجه ايه يا مريم
مازن ااا مفيش مفيش يا حبيبتي هي بس عايزه تقعد معاكي وتتكلم عن اللي بيحصل
سهر لا يا مازن مش صح مريم عايزه تقول حاجه مخبي عني ايه يا مازن
مازن هخبي ايه بس يا سهر مفيش يا حبيبتي
سهر ماااازن كل حاجه تعرفها انا لازم اكون علي علم بيها عشان  اكيد هتفيدني و يمكن تمنع اي شړ يحصلي
مازن يا سهر صدقيني مفيش عموما اكيد هنتكلم بعدين
مريم انت مخبي ليه سهى لازم تعرف
مازن ممكن تسكتي شويه
سهر مااازن مخبي ايه خليها تتكلم ارجوك
مازن سهر انا مضطر اقفل عشان خالد جاي علينا و مش حابب انه يعرف اني بكلمك يلا هبقي اكلمك تاني
سهر مازن استني الووو الووووو قفل
بيري مريم عايزه تقول ايه
سهر مش عارفه في حاجه مخبينها عليا
فريد لازم نعرف في ايه اي حاجه او معلومه عندهم علم بيها لازم نعرفها عشان نبقي سابقينهم بخطوه
ياسر اكيد خايفين عشان عارفين ان سهر ممكن تتصرف غلط
سهر بس علي الاقل افهم
امجد خلاص سيبوها عليا انا دي انا هتكلم مع مازن واحاول اعرف منه
سهر ياريت يا امجد تعرف منه اي حاجه وتعرفني
امجد اطمني يا سهر انا هكلمه بعد ما امشي وهحاول اقابله
ياسر بس من غير ما يعرف انك كنت هنا ولا يعرف اصلا انك عرفت من سهر
امجد اكيد انا هتكلم معاه عادي و هو هيبان عليه انه مخبي حاجه اكيد عموما انا همشي بقي عشان متأخرش علي العياده
فريد لا معلش استني شويه يا امجد لحد ما والدة سهر توصل و تطمن عليها هو مش انت دكتور بردوا
امجد طيب تمام هستني
سهر هو انا المفروض الوقت اعمل ايه يعني ابلغ و لا اسكت ولا اعمل ايه و بعدين اخد امي وارجع عادي علي البيت ولا نروح فين انا مش عارفه
فريد بيتهيألي اول حاجه لازم نعملها ان والدتك تبعد خالص عن البيت عشان كده انا خليت الشباب يجيبوها هنا
ياسر تقصد يعني انها تفضل هنا ولا ايه انا مش فاهم
فريد مش عارف يا ياسر انا متلغبط و افكاري مش مترتبه لسه بس اللي عارفه ان والدتها لازم تبعد خالص عن الانظار
سهر ماما مستحيل توافق انها تقعد في مكان تاني غير بيتنا انا عرفاها كويس
فريد لازم تقنعيها بطريقتك ياسهر الهدف من خپطها بالعربيه انها تتصاب و تفضلي انتي معاها فتره و بكده هتبقي بعيد عن شغلك فتره اطول و كمان تخافي تتكلمي تاني بس بما ان اصابتها بسيطه فا كده انتي لا هتبعدي عن شغلك ولا هتبطلي تتكلمي فا اكيد هيرجعوا يكرروا اللي عملوا تاني و المرادي الامر ميسلمش
المره الاولي بالنسابلهم مجرد ټهديد او قرصة ودن بس الجايه هتبقي بفوره عندهم
سهر طيب ما انا ابلغ و كده كده احنا معانا ارقام العربيات هقول انهم كانوا بيراقبوني و هقول ان عربيه فيهم خبطت امي و اكيد هيعرفوا مين اللي وراها النمر باسم مهيب و رأفت يعني سهل يروحوا في داهيه
ياسر لا يا سهر مش سهل ولا حاجه هيلاقوا اي طريقه يخرجوا منها عملوها كتير قبل كده
فريد ياسر معاه حق بس مش ده المهم
سهر امال ايه المهم
فريد شوشوره زي دي عليهم في توقيت الاجتماع مش في صالحنا زي ما ياسر قالك هيطلعوا منها بسهوله بس لما يطلعوا منها مش هنبقي استفادنا اي حاجه احنا هنستفاد اكتر لما الاجتماع ده يتعمل و نعرف ايه اللي بيدور فيه بيتهيألي لما يقعوا
—
بسبب بلاويهم الكبيره مكسب لينا اكتر بكتير
سهر يعني اسيب حق امي لأجل غير مسمي
فريد محدش قال اننا هنسيب حقوقنا يا سهر بس والدتك بخير ودي اهم حاجه الوقت خلينا نعرف ناخد حقنا بطريقه صح لو فرضنا اننا اثبتنا غليهم حاجه ووقنا اللي عمل فيها كده تفتكري الكبار اللي وراهم هيسيبوهم و لو سابوهم وبعدوا عنهم هنستفاد ايه رأفت و مهيب يا سهر مجرد اداه بتنفذ المطلوب منهم وبس لكن التعليمات نفسها اللي جات ليهم بحاډثة والدتك والتعليمات اللي جات ليهم بالحاډثه بتاعت ابويا و مراتي واختي كانت من الكبار يا سهر و هما دول هدفنا الاساسي فهمتي
سهر فهمت بس انا مش عارفه ازاي هقنعها امي عشان تقتنع بجد لازم تفهم و مش عارفه انت هتوافق ان امي تعرف كل حاجه ولا لا كمان مستحيل امي تعرف اننا في خطړ و توافق اني اخرج واروح واجي عادي كده انا عرفاها كويس هتخاف عليا
ياسر خلاص سيبي الموضوع ده علينا احنا انا وفريد هنحاول نتكلم معاها
سهر تمام يا ياسر
رن موبايل امجد و هما بيتكلموا قام وقف بعيد عند الباب يرد علي ملك
أمجد ايوه يا ملك في حاجه ولا ايه
ملك اه يا امجد في
امجد طيب قولي سامعك
ملك اول حاجه اللي قولتلي عليه حصل مامي فعلا فضلت تتكلم معايا عن احداث اليوم عملنا ايه وروحنا فين و قضينا اليوم ازاي وكان واضح اوب انها بتستجوبني عشان تعرف بابي شكلهم لسه مش واثقين فينا
امجد عارف و هيفضلوا يدوروا ورانا عن اليوم ده لحد ما يطمنوا كويس اني عرفتك المهم تكوني كنتي هاديه وعاديه
ملك اطمن حكيت ليها كل حاجه بهدوء و هي صدقت انا واثقه
امجد طيب في حاجه تاني
ملك اه انا سيبتها و روحت المطبخ خرجت كان معاها تليفون كان بابي وقفت من بعدي من غير ما تسمعني كان شكلها مبسوط باللي بتسمعه واللي فهمته من كلامها وردها عليه ان في حاجه بتحصل او هتحصل مع سهر انا مفهمتش اوي من ردها بس انا قلقانه علي سهر اوي
امجد بحزن اه ما انا عرفت اللي حصل يا ملك
ملك پخوف وهو حصل ايه لسهر يا امجد
امجد مش سهر يا ملك دي طنط امل مامتها خبطوها بالعربيه
ملك اييييييه
امجد وطي صوتك عشان متسمعكيش
ملك لا انا في الجنينه طمني حصلها ايه
امجد الحمد لله جات سليمه انا سمعتهم امبارح بيتكلموا عن الموضوع ده بعد ما طلعت و قولتلك تدخلي اوضتك و سمعت كمان التسجيل اللي سجلته ليه علي الموبايل مكنتش عارف اتصرف و خۏفت اقلق سهر علي الفاضي كلمت استاذ فريد وهو قدر يتصرف والحمد لله لحقوا طنط امل هي مفيهاش حاجه اصابه بسيطه عدت علي خير يعني و الوقت هي هتيجي عند استاذ فريد انا هناك و هنشوف هنعمل ايه
ملك يعني ايه يعني هما بجد طلعوا قتالين قټله انا مصدومه ومش قادره اصدق اللي بيحصل ده بعني مش بابي بس اللي طلع خطړ دي مامي كمان هي كانت عارفه
امجد للاسف يا ملك ودي اكتر حاجه صدماني بجد انا مقدرتش اقول قدام سهر كده مع اني يعني اكيد هي واخده بالها ان امي كمان بتعمل نفس اللي بيعمله ابويا
ملك اللي مش قادره افهمه لو بابي بيعمل كده عشان شغله و عشان دي طريقته في الشغل مامي ليه تعمل كده ليه توافق ازاي تقدر اصلا تعمل حاجه زي دي دي ام يعني عاره كويس مشاعر الامومه ازاي تقدر ټأذي سهر و ازاي توافق علي اذية والدة سهر دي ست زيها
امجد مش عارف يا ملك و مش قادر افهم حاسي ان هيجرالي حاجه من كتر الضغط اللي بيحصل حواليا
ملك وانا كمان يا امجد و بجد بدأت اخاڤ اوي
امجد مټخافيش يا ملك انا جنبك وان شاء الله هنعدي الکابوس ده علي خير
ملك ابقي طمني علي طنط امل
امجد حاضر يا حبيبتي يلا انا هقفل الوقت ولو حصل اي حاجه بلغيني
ملك حاضر يا حبيبي سلام
امجد سلام
قفل امجد الموبايل بحزن في الوقت ده كانت قامت بيري وراحت عليه وطبعا عيون فريد عليها من بعيد
بيري ايه يا امجد في حاجه
امجد بحزن لا دي ملك كانت بتحكيلي اللي حصل
بيري حصل ايه
امجد يعني مامي كانت بتستجوبها قضينا يومنا ازاي امبارح وعملنا ايه
بيري بعد ما راحوا معاكم عند صاحب الكشك و اتأكدوا بنفسهم لسه مش واثقين فيكم
امجد طبيعي يا بيري وانا كنت عارف ان ده هيحصل لاني سمعتهم وعرفت ملك ترد تقول ايه الباشا مش هيثق فينا غير لما يطمن بأكتر من طريقه
بيري المهم ملك تكون أقنعتها
امجد اقنعتها المهم الباشا يقتنع  كمان كانت بتقولي انها سمعت امي وهي بتكلمه من شويه و بيبلغها اللي حصل بخصوص والدة سهر
بيري ملك عرفت
امجد بنبرة حزن وكسره و هو باصص بعيد اه عرفت عارفه اللي واجعني اوي يا بيري ايه
بيري ايه يا امجد
امجد ان امي عاره كل اللي بيحصل ده و بتساعد ابويا كمان حاسس اني مصډوم في كابوس صعب اوي مش عارف امته هتصحي منه
بيري واضح يا امجد اننا بنمر بتجربه كبيره اوي علينا مش انت بس اللي مصډوم يا امجد صدقني كلنا في نفس الدايره الناس اللي المفروض يكونوا مصدر امان لينا هما اكتر حد الوقت مصدر خوف وقلق و عدم امان ودي كبيره اوي يا امجد
امجد عارف و المشكله اني بقيت اشك في كل حاجه وبجد عقلي تعب من كتر التفكير انا نفسي انام كام يوم مش عايزه اصحي مش عايز افكر و لا افتكر كل الاحداث دي حاسس اني بعيش اسوء فتره في حياتي مش قادر ابص في عين سهر
بيري اوعي تزعل منها يا امجد انت عار سهر بتحبنا قد ايه بس ڠصب عنها دي امها و بعدين حصلها كده وهي مش معاها فا اكيد هي متوتره ومش عارفه بتقول ايه
امجد انا مستحيل ازعل من سهر و عار انه ڠصب عنها مهما كانت بتحبني في النهايه اللي عمل في امها كده يبقي ابويا و اكيد انا مقدر مشاعرها دي
بصتله بيري بحزن وابتسمت بهدوء من وسط دموعها وقربت منه حضنته
بيري اجمد يا امجد انت اقوي من كده انا عارفه انك تعبان وحاسه بيك صدقني بس انا واثقه ان كل ده هيعدي صدقني
امجد ياريت يعدي يا بيري بس انا حامل هم لما كل ده يعدي انا عار ان مفيش حد فينا هيبقي كويس من جواه
بيري لا هنعدي و هنبقي كويسين وهنقوي بعض وهنفضل ديما ايد واحده
طبعا فريد مكانش معاهم ولا مركز في كلامهم قاعد يهز في رجله جامد وعينه رايحه جايه علي المكان اللي هما واقفين فيه مش قادر يشوفهم كويس واقفين ناحيه باب البيت و هنا مقدرش يستني اكتر من كده قام وقف وراح عليهم وهو بيعدل التيشرت بتاعه بتوتر واضح من لغه الجسد بتاعته وطبعا بلال اكتر حد كان ملاحظ توتر فريد
بص عليه بهدوء و سكت
قرب فريد منهم وكان باين عليه الڠضب اللي حاول يداريه لقاهم حاضنين بعض بيري دموعها نازله و حتي امجد دموعه كانت نازله
فريد ايه خير
بعدت بيري عن امجد وبصت لفريد
بيري ااا لا مفيش
فريد امممم يعني اصل جالك تليفون قولت لا يكون في حاجه
امجد مسح دموعه لا خالص دي ملك اختي كانت بتقولي علي حاجه
فريد حاجه ايه ااا يعني في حاجه مهمه حصلت
امجد لا بس عرفت اللي حصل لطنط امل وسمعت ابويا يعني وهو بيعرف امي اللي حصل فكانت حابه تطمن
فريد طيب بيتهيألي ندخل بقي جوه عشان الست خلاص علي وصول ولا ايه يا بيري
بيري اه طبعا
سابهم فريد من غير ما يكمل كلامه وراح علي جوه بعض ما بصلهم بكل ڠضب
امجد هو الراجل ده يا مچنون يا اما انا اللي مش مركز
بيري تقصد فريد
امجد اه غريب اوي سعات بخاف منه والله
ابتسمت بيري وضحكت ڠصب عنها
امجد بتضحكي والله يخوف شويه احس انه بني ادم طبيعي و هادي و شويه يقلب من شويه كان بيدافع عني قدام سهر و الوقت حاسس انه مش طايقني
بيري لا خالص علي فكره هو طيب اوي و جدع هو بس اكيد متوتر من كل اللي بيحصل
امجد انتي شايفه كده
بيري اه هيكون ماله يعني
امجد يعني حاسس كده والله اعلم انه غيران
بيري غيران من مين
امجد مني
بيري منك انت ليه طيب
امجد عليكي
بصتله بيري پصدمه
بيري انت بتقول ايه عليا انا
امجد انتي مش ملاحظه طريقته ولا ايه كل ما اكون واقف معاكي يركبه مېت عفريت قوليلي بقي بصراحه كده في حاجه ولا ايه
بيري انت عبيط يا امجد حاجه ايه
أمجد هتخبي علي أخوكي
بيري يا ابني بطل عبط اخبي ايه بس الراجل ده اكتر حد محترم شوفته في حياتي من يوم ما اتعرفت بيه وعمره ما عمل معايا اي حاجه مش كويسه ولا حتي شوفت منه تلميح يخليني اقلق منه
أمجد وانا قولتلك انه وحش او مش محترم الراجل باين عليه انه فعلا محترم و جدع وراجل يعتمد عليه بس ميمنعش يعني انه معجب و باين انا واقع كمان
ابتسمت بيري بإحراج و أرتبكت
بيري بطل عبط قولتلك مفيش حاجه من الكلام ده انت واضح بس ان أعصابك تعبانه و بيتهيألك حجات غريبه
امجد بأبتسامه علي ارتباكها طيب هنشوف في اخر القصه دي هيطلع بيتهيألي فعلا و لا هنطلع بقصة حب قويه
بيري مش بقولك ان اعصابك تعبانه تفهم ايه انت عن الحب يا سي أمجد ايه بتحب من ورانا
أمجد بضحك لا من وراكم ولا من قدامكم انتي عارفه اني مليش في الكلام ده ولا فاضي اصلا دراستي خدت كل وقتي  و يادوب ببدأ طريقي
بيري خلاص ندورلك علي عروسه بدل ما انت ماشي تتوهم بحب الناس لبعض
أمجد والله لو عندك عروسه حلوه انا موافق و مش هتنازل عن عروسه قمر زيك انتي وملك ومريم بس قبل العروسه بقي ياريت ندخل وراء فريد احسن فاضل شويه ويجي يفجرنا
بيري بضحك ماشي اتفضل يا خواف
امجد في مثل بيقول من خاف سلم وانا عايز اطلع من القصه دي سليم مش هيبقي قلب مكسور وجسم مدغدغ
ضحكت بيري و دخلت معاه علي جوه لمحت فريد باصص عليهم بطرف عينه بيجز علب سنانه و بيهز رجله بقوه
لمحها فريد مبتسمه و باين انها مبسوطه اټجنن اكتر
—
راحت قعدت جنب سهر و قعد امجد جنب ياسر وبلال
وفضلت عين فريد علي بيري و كلها ڠضب
بيري بهمس سهر اطمني يا روحي طنط بخير والله
سهر قلقانه عليها اوي مش هطمن غير لو شوفتها
بيري زمانها علي وصول  و هتطمني عليها بنفسك
سهر ان شاء الله صحيح ماله امجد في حاجه ولا ايه
بيري دي ملك اتصلت عليه وكانت بتطمن عليكي
سهر طيب قوليلي هو زعلان مني صح انا عارفه اني عكيت الدنيا و نسيت نفسي مهما كان في النهايه هو ابوه ومن حقه يزعل
بيري لا اطمني انتي عارفه ان امجد بيحبك و بيعتبرك اخته الكبيره واكيد هو مقدر الظرف اللي حصل ومقدر ان اعصابك تعبانه انتي بس ابقي راضيه بكلمتين
سهر بحزن زعلان يعني صح
بيري والله ابدا أمجد مصډوم في انكل رأفت مش اكتر مش سهل عليه يا سهر يعرف ان ابوه مچرم و لا سهل عليه بتخيل ابه اللي ممكن يحصل في الاخر ليه يعني الموضوع صعب
سهر اكيد ربنا يكون في عونه هو وملك ويخلصنا من الفتره دي علي خير
قام فريد وقف و هو بيرد علي الموبايل
فريد تمام تمام با ماڤيا انا خارج حالا ليك اهو
سهر قامت وقفت بسرعه ايه وصلوا
فريد اه وصلوا خلاص تعالي معايا يا سهر وخليكي هاديه بره عشان محدش يلاحظ اي حاجه من الجيران
سهر حاضر حاضر
خرجت سهر وراء فريد جري علي بره وخرجت وراهم بيري وراحوا كلهم وقفوا عند الباب
نزل مصطفي و فتح الباب لأمل و حاول يساعدها هو وماڤيا
امل احنا فين يا ولاد وفين سهر بنتي
ماڤيا متقلقيش يا ماما هتطلع الوقت ده العنوان اللي كابتن فريد قالنا عليه
امل فريد مين
سهر مامااااا
امل سهر سهر حبيبتي
دخلت سهر علي حرف الباب حضنت امل وفضلت ټعيط
سهر حقك عليا متزعليش مني انا السبب مكانش لازم اسيبك لوحدك
امل وانتي ذنبك ايه يا بنتي بس بطلي عياط انا كويسه والله اااااه
سهر حقك عليا حقط عليا دراعك ماله
امل من الوقعه اكيد
سهر و ايه اللي في راسك ده انزلي انزلي تعالي براحه
امل مټخافيش ده چرح بسيط
بيري تعالي تعالي ارتاحي جوه يا حبيبتي
امل وحشتيني يا بيري
بيري انتي اكتر يا روحي حمدالله علي سلامتك تعالي يلا
سهر براحه براحه عليها با بيري
مصطفي اطمني يا استاذه سهر هي بخير والله
ماڤيا حمد الله علي سلامتها يا استاذه سهر
سهر بدموع انا مش عارفه اقولكم ايه بجد انا مديونه ليكم بعمري علي كل حاجه عملتوها لامي
ماڤيا احنا معملناش اي حاجه والله المهم انها بخير
فريد بابتسامه شكر تعبتكم معايا يا شباب و كنتوا قد الثقه اللي حطتها فيكم
ماڤيا معملناش اي حاجه يا كوتش و بعدين احنا معاك في اي حاجه
مصطفي اسفين يا كوتش مقدرناش نوقف العربيه خدونا علي خوانه ومدوناش فرصه اصلا
فريد بالعكس انتوا عملتوا اللي عليكم و زياده والله و انتوا ماكوش ذنب في اي حاجه كفيتوا يا وحوش اشكرولي اكمل و شاهين اوب لحد ما اشوفهم
ماڤيا طيب نمشي احنا ولا محتاج اي حاجه
فريد لا يا ماڤيا تسلم المهم مفيش حد وراكم صح
ماڤيا لا خالص اطمن ده اللي اخرنا اصلا وقفنا كذا مره عشان نتأكد و مكنتش ماشي اصلا جنب مصطفي عشان ملفتش النظر اننا مع بعض و لو في عربيه اشوفها بس مكانش فيه اطمن
فريد طيب تمام اوي بلا روحوا ارتاحوا بقي انتوا من بدري في الشارع
مصطفي تمام يا كوتش لو احتاجت اي حاجه تاني احنا معاك
فريد اكيد هحتاجكم يا مصطفي بس مش الوقت و اكيد هفهمكم كل حاجه المهم ان اللي حصل ده ميطلعش براكم انتوا الاربعه
مصطفي اكيد طبعا
ماڤيا اطمن يا كوتش اكيد محدش هيعرف يلا سلام عليكم
فريد وعليكم السلام
فضل فريد واقف لحد ما اتحركوا بالعربيات
دخلت سهر وبيري علي جوه و معاهم امل
خرج بلال بهدوء وقف جنب فريد وهو بيبص علي الشباب و حاطت ايده في جيبه وباين علي ملامحه انه حزين بص عليه فريد ورجع بص علي العربيات بعد ما اتحركت
بلال كانوا قد المسؤوليه
فريد اه والله معاك حق طلعوا رجاله و كانوا قد الثقه
بلال بنبره حزن بس كويس انك فكرت فيهم و قدرت تلاقي حد تثق فيه من بعد ما فقدت ثقتك فيا
بصله فريد بإحراج وحس بالۏجع اما شاف نظره الحزن في عين بلال
فريد بارتباك ااا انت بتقول ايه
بلال بأبتسامه بصله مش دي الحقيقه يا صاحبي مش انت شكيت فيا
فريد بلال انت فاهم غلط انت عارف انا بثق فيك ازاي
بلال عارف يا صاحبي بس اسمها كنت بثق فيك لما جيت الصبح و شوفتك متوتر انت وبيري استغربت سالتك مالك اتعصبت و لما بيري كانت هتتكلم بصتلها و هي سكتت بعدها جالك اتصال بعدت عشان مسمعش مكنتش فاهم حاجه و استغربت عصبيتك عليا ياسر كمان لاحظ انك مش مظبوط و لما قولتله كويس ان مش انا لوحدي اللي حاسس اتعصبت تاني و فضلت مش فاهم اي حاجه بدأت ترجع تاني فريد اللي انا اعرفه لما سهر قالت قدامك ان انا اللي انقذت موقف امجد واخته و هنا هسيت ان في حاجه غلط و بيتهيألي الصوره وضحت قدامي اكتر لما عرفت ان انت كلمت الشباب عشان يقوموا بالمهمه اللي كلفتهم بيها و عرفت انك كنت شاكك فيا
سكت شويه وبعدين بصله تاني و بعدين انا مستحيل اتخطي النظره اللي شوفتها في عينك اول ما سهر برئتني قدامك نظره راحه و اطمئنان ان بلال مطلعش خاېن انا مش زعلان منك با صاحبي ومقدر الظروف اللي بنمر بيها كلنا و عارف انك مضغوط و اللي بيحصل ده طبيعي يخليك تشك في صوابع ايدك بس انا بلال يا فريد بلال اللي ساب الدنيا بحالها عشان لما احتاجك في يوم انت الوحيد مديتله ايدك  وكنت مستعد ټمو…………….ت عشانه و انا اللي يمدلي ايده وقت ضيقه أمدله عمري تحت رجله يا صاحبي و يا أخويا
سابه بلال واقف مش عارف يقول اي كلمه ودخل علي جوه
مقدرش فريد ينادي عليه او حتي يدافع عن نفسه لان بلال كان معاه حق في كل كلمه مكانش لازم يشك فيه مكانش لاقي كلمه يدافع بيها عن نفسه خصوصا بعد نبرة الۏجع اللي سمعها من بلال
خد نفس طويل و دخل وراه علي جوه
وللحديث بقيه