چاسمين

سهر….يعني لما كان بيحاول يقنعني بالجواز منه كان كل كلامه غريب يعني مثلا انه هياخدني مكان بعيد مكان في ناس مختلفه عن كل الناس اللي عرفتهم في حياتي هحس بالامان معاهم هقدر اكون حره هلاقي نفسي وسطهم هيبقي عندي افكار خاصه بيا و هما هيقدروا كويس الافكار دي
قالي هخليكي تجربي احساس العيشه في المدينه الفاضله لكن علي الارض كلامه اوقات مكانش بيبقي مفهوم لدرجه اني كنت بحس انه بيخترع كلام يبان انه حلو عشان بس اوافق عليه
ياسر….واضح انه مكانش مجرد كلام و شكلنا كده بندور في المكان الصح يا فريد
فريد…قوليلي يا بيري ايه اغرب حاجه كنتي بتحسي ان فريد بيعملها او مقتنع بيها ايه الحاجه اللي بيحبها ايه هي اهتماماته
بيري….يعني بعيدا عن خالد خلينا نتكلم في والده مهيب الباز اغرب حاجه كنت بحسها في كلامه و تصرفاته لو حصل بينا اي لقاء او عزومه مثلا انه مش مقتنع بالحلال والحرام يعني مثلا اوقات بحس ان لو الشخص اللي قدامه مش واثق ومؤمن بدينه ممكن بسهوله يصدقه و يقتنع بكلامه و الغريب ان رغم اني الحمد لله مؤمنه و متمسكه بديني بس اوقات كنت بحس ان كلامه بيأثر فيا و علي قد ما كنت بصدق كلامه اللي بيدخل عليك بسلاسه علي قد ما كنت برجع في طريقه تفكيري بسرعه
ياسر….ازاي يعني بيقول ايه
بيري…يعني في مره حصل مناقشه انتهت بالدخول في تفاصيل كان بيسأل اسئله غريبه و غير منطقيه كلها تشكيك مش بس كده ده كمان شكك في كل الظواهر الطبيعيه
كلامه كان مستفز بالنسبه ليا كنت بحاول ارد عليه بس انا لللاسف مش متعمقه في الدين ودي حاجه مش صح اكيد بس الدين اللي بندرسه في المدارس مش هو ده الدين اللي كان المفروض ارد علي كلامه بيه.
ياسر….طبيعي وللاسف هو ده السبب في ان شباب كتير تروح معاهم بسهوله.
بيري….يعني انا فاكره مثلا في القاعده دي قال اننا مسلمين بس بالوراثه و محدش فينا يفقه حاجه عن الاسلام في البدايه كلامه كان مقنع مش كلنا نعرف عن اسلامنا الكتير بس كلامه بعد كده كان صډمه بالنسبالي بسبب طريقه تفكيره وقتها سالنا كلنا انا الوقت لو واحد مش مسلم ولا بتبع اي ديانه و حابب اعرف حاجه عن كل دين تخليني مثلا اقول هو ده الدين الصح و انتمي ليه انت او انتي كا مسلم او مسلمه ازاي تقنعوا واحد ملهوش دين بالدخول في الاسلام.
طبعا كل واحد فينا اتكلم باللي جه في
باله يعني فاكره مثلا ان مازن قاله انا مش ضليع في الدين بالشكل اللي يقنع اللي قدامي اني اخليه يحب الاسلام فا ابسط حاجه ممكن اقدمها ليه هو اني اهديله القران الكريم بالتفسير بتاعه و هو يقرأ ويتعمق فيه.
رد عليه قاله مش كفايه مش كل حاجه اتكتبت في القران صحيحه في حجات كتير
استفزني كلامه وقولته لا طبعا مفيش الكلام ده
قالي طيب انا راجل حابب اعرف اكتر عن الاسلام اثبتي معجزه واحده علي الاقل من معجزات محمد عشان تقنعيني بالاسلام.
قولتله انشقاق القمر رد عليا وقالي مفيش حاجه اسمها كده دي مجرد ظاهره حصلت نتيجه تصادم مش عارفه ايه بايه و اتقال ان دي كانت معجزه من معجزات الرسول
قولتله لا هي فعلا معجزه قالي ده مجرد كلام
قولتله مرج البحرين يلتقيان دي معجزه من معجزات القران
فضل يشكك و يقنعني بكلام غريب لما تسمعه تحس انه صح و كل ما اقول حاجه يرد عليا بحاجه تانيه تشكك في اللي بتقوله.
حسيت وقتها اني ضايعه ويمكن كان كلامي معاه سبب في اني اقرا اكتر عن الدين بتاعي و بقيت ابعد عنه في اي مناقشه تخص الدين .
فريد…المشكله ان الناس دي طريقتهم في الاقناع فيها جذب وسحر غريب هو ده اسلوبهم للاسف.
بيري…..خالد كمان كان ليه نفس الاسلوب والمعتقدات كان غريب بجد و بحسه مريض
ياسر….هما مش مرضي علي قد ما هما حابين يمحوا كل حاجه في عقلك عشان يخلوكي تمشي وراهم وتصدقيهم هو ده المنهج الخاص بيهم
بيري….يعني ايه يعني هما بجد من الناس دي
ياسر…مش محتاجه سؤال يا بيري اكيد وواضح
سهر….علي فكره مناسبة رأفت الباشا يعني لما انك فكرت اني مش حابه اتكلم عنه عشان هو والد ملك
ياسر….خير ماله
سهر…يعني هو كمان تقريبا ليه نفس الدماغ يعني ملك انا فاكره انها اتكلمت معايا في حاجه زي دي قبل كده وقالتلي ان اوقات بتحس طريقه تفكيره غريبه مش بس هو والدتها كمان اوقات بتحس انهم بعيد عنها مش بعيد بمعني انهم مش علي تواصل او انهم وحشين لا بعيد في التفكير في الكلام بتحس بغربه وسطهم احيانا كده يعني.
بيري….هو انا ممكن اعرف احنا حاليا مطلوب مننا ايه
ياسر…حاليا انا كل اللي طالبه منكم التركيز في كل كلمه او معلومه او اسم بيتقال قدامكم وكمان اهم حاجه عايز اعرف كل حاجه بتتم في حوار شغلهم الجديد ده
بيري…بس هما لسه مقالوش اي حاجه عنه ولا حتي اعلنوا فا لو الكلام خرج هيبقي من مازن او امجد
ياسر…ماهو مفيش حاجه هتخرج هي مجرد معلومه تفيدنا احنا وهما بعيد متقلقيش.
بيري….طيب وانا اعمل ايه كلامك ده معناه اني ارجع.
سهر…لاااا انتي لا
فريد…بيري مش هتتحرك من هنا ولا هيبقي ليها علاقه بكل ده خالص
ياسر…طيب علي الاقل الوقت خليكي انتي بعيد بس اكيد هتقدري توصلي لاي معلومه من ملك واخوها او من اخواتك
فريد…بردوا مش الوقت بيري لازم محدش يعرف عنها حاجه خالص.
سهر….خلاص سيبوا الموضوع ده عليا انا
ياسر….اه بس انا عايز اقولك ان انتي كمان في نفس دايره الخطړ اللي بيري فيها ويمكن اكتر انتي عارفه كده ولا لا
سهر….انا اتوقفت من شغلي مؤقتا والبرنامج وقف هيحصل فيا ايه اكتر من كده اكيد مش هتجوز واحد بالاجبار يعني
فريد….لا يا سهر وقفك من شغلك مش هو الخطړ اللي بيدور حواليكي انتي حواليكي خطړ اكبر
ياسر….سهر انا كنت حابب اسالك سؤال هو شخصي شويه بس جه في بالي
سهر….اتفضل
ياسر….اسف يعني لو هفكرك بحاجه زي دي بس انتي تعرفي ايه عن حاډثه اختك
سهر….سالي!! وليه سالت السؤال ده
ياسر…مجرد سؤال جه في بالي مش اكتر يعني فضول ممكن
سهر….مفيش حاډثه عاديه قدام الجامعه حتي وقتها بيري وملك هما اللي كانوا معاها وطبعا لما وصلت المستشفي كانت اټوفت
ياسر…و قدرتوا تعرفوا مين اللي عملها
سهر…للاسف خپطها وجري مقدرناش نوصله خالص ولا حتي بنمره العربيه بس يعني اتقال ان المكان كان زحمه جدا وكان باين انه غريب او مستعجل جري و مهتمش بالزحمه و خپطها بس
هو ده كل اللي حصل بس يعني ليه السؤال ده بالذات اللي جه في بالك
ياسر…قولتلك امه مجرد فضول
سهر…بس انا مش شايفه انه مجرد فضول وحاسه ان سؤالك ده وراه حاجه هو انت تعرف اي حاجه عن حاډثه سالي
ياسر…بصي مؤقتا انا معنديش اي كلمه اقولها بس يمكن مع الوقت في حجات كتير هتوضح
سهر….بس كلامك ده هيخلي عقلي ميبطلش تفكير ودماغي هتوديني لاماكن عمري ما فكرت فيها.
ياسر…متستعجليش يا سهر
بصتله سهر وسكتت وهي شارده بتفكيرها و بتفكر في سؤاله.
فريد…اظن كده احنا تقريبا عرفنا هيحصل ايه
سهر….بس انا لسه معرفتش حاجه عنك يا فريد و لا عن الكلام اللي بيري سمعته ايه لسه مش قد الثقه.
و للحديث بقيه….