چاسمين

بيري….وليه اه ليه حابب تصدق الجزء السلبي و رافض تصدق الجزء الايجابي انا واصله هنا وانا في حاله صعبه واكيد فريد قالك ان خالد كان مديني شوكلت فيها مخدر وانا معرفش كمان كان حاطت جهاز تتبع في الخاتم اللي قدمه ليا هديه و فريد اللي اكتشفه مش انا.
ياسر…عايزه تقنعيني انك طبيعيي تاكلي الشوكلت من غير ما تقرأي اللي عليها.
بيري….وهو طبيعي ان اي حد يقرأ اللي مكتوب علي اللي هياكله انا يوم ما افكر اعمل كده هعمل ده عشان اتأكد اذا كانت أكس باير ولا لأ
ياسر….جميل بس انا اضمن منين ان كل كلامكم ده صح و ان مفيش لعبه او اتفاق بينكم علي فريد.
سهر….شوف انا قولتلك في بدايه كلامك ان انت معاك حق تخاف علي صاحبك بس اسفه ده ميدلكش الحق في كم التشكيك اللي بتشككه في كلامنا.
فريد…سهرررر انا قولتلك كلام ياسر مش كلام شخصي موجهه ليكم ياسر قبل ما يكون صاحبي واخويا فا هو كمان المحامي بتاعي و اكيد خاېف عليا
سهر….تمام بس هو رافض يصدق اي كلمه بنقولها يعني بيتهيألي بما انك محامي شاطر و ليك مصادرك الخاصه تقدر بسهوله تعرف علاقتي بمهيب وخالد عامله ازاي و من زمان
بيري….سهر لحظه من فضلك بص يا استاذ ياسر حضرتك طلبت مني انا وسهر ضمان و انا تحت امرك ايه الضمانات اللي ممكن تخليك تثق فينا
سهر….استني انتي يا بيري انا كمان محتاجه افهم كلام ايه اللي بيري سمعته عن فريد و خبيته عليا.
ياسر…ماهو انا بردوا اضمن منين انها مقالتلكيش مايمكن ده جزء من اللعبه انك تعملي نفسك مش عارفه.
سهر….لا وعلي ايه ادام الموضوع كده يبقي هي تخلص لحد كده احسن لينا وليكم انا هاخد بيري ونمشي و نعتبر نفسنا لا شوفناكم ولا انتوا شوفتونا يعني انتوا مش مجبرين تتكلموا في اي حاجه ولا احنا وتخلص لحد كده.
فريد….انا قولت بيري مش هتمشي من هنا
سهر…وليه مش هتمشي واثق فيها مثلا مش يمكن قعدتها معاك تضرك
فريد….لا واثق فيها يا سهر و واثق فيكي و
—
مصدكم بس انا مقدرش اتحكم في ياسر ياسر بيتعامل بمهنته الوقت زي ما قولتلك مش بصفه شخصيه.
سهر….والله انا شايفه ان استاذ ياسر واثق فيا بس هو حابب يكدبني بدليل انه يعرفني كويس يعرفني من فتره طويله قبل ما بيري يحصل معاها كل ده صح يا استاذ ياسر مش طلبت منك انك تكون المحامي بتاعي في وقت من الاوقات و انت رفضت بشياكه وقتها اللي عرفته انك مكنتش حابب تشتغل معايا لان مشاكلي كتير يعني ده يثبتلك اني انا من زمان و انا بعادي الناس دي يبقي ازاي اكون متفقه معاهم الوقت ولا تكون فاكر مثلا اني انضميت للعبه دي مع بيري وخالد عشان انتقم منك انك رفضت مثلا تمسك شغلي.
بصلها ياسر وابتسم ابتسامه تركيز.
ياسر….لا محصلش انا مرفضتش عشان خۏفت انا رفضت لان كان عندي شغل اهم بكتير واخد كل وقتي وهو شغلي مع فريد مكنتش هقدر اركز معاكي وانتي كل حلقه عامله مشكله واسيب فريد في مشكلته الاكبر.
بلال…احمممم طيب انا من رايي بلاش نسخن علي بعض و خلينا نتكلم بهدوء لان واضح ان الوقت مصلحتنا بقت مشتركه
سهر….والله مصلحتنا مشتركه دي تتقال لما نكون في بينا صراحه وشفافيه زي ما المتر طلب في اول كلامه وقتها بقي هنتأكد ان مصلحتنا مشتركه ولا مصالحنا بعيده عن بعض
ياسر….تمام يا سهر وانا مستعد للمبادره دي .
بيري….قولي ايه الضمان اللي انت محتاجه وانا هثبتلك حسن نيتنا.
ياسر….تعرفوا ايه عنهم مثلا يعني بما انك يا بيري في وسط الناس دي من صغرك اكيد عدي عليكي معلومات كتير و بما انك يا استاذه سهر صاحبه بيري من سنين و صاحبه ملك بنت رأفت الباشا كمان مع شغلك و مصادرك الخاصه اكيد انتي كنان عندك معلومات كتير.
سهر….شوف انا ممكن اقولك حجات كتير عن مهيب وخالد الباز وغيرهم لو تحب لان مفيش بينا عمار من الاساس بس معلومه عن رأفت الباشا اللي هو والد صاحبتي مش هقدر لان دي خېانه ليها كمان مفيش بيني وبين الراجل ده اي حاجه او موقف وحش يخليني احطه في دماغي رغم انه حذر ملك مني اكتر من مره بس هو ميقدرش يجبرها تبعد عني لان رأفت الباشا من الناس اللي بتحب ولادها جدا وملك بالذات ميقدرش يرفضلها طلب فا صعب يجبرها تبعد عني و انا صعب اخون صاحبتي واسلم والدها.
ياسر….تسلميه ازاي يعني كلامك ده معناه انه شغله شمال مش كده.
سهر….والله مش هقدر اجاوبك بس الصدمه اللي اترسمت علي وشك انت وفريد بعد ما سمعتوا اسمه يخليني اقول انك عندك معلومات كافيه عنه و مش محتاج اني أكدها ليك.
ياسر….جميل اوي و ده معناه ان هو كمان شمال بس من غير زعل انا مستغربك
سهر….اشمعني
ياسر…يعني كلامك ده مينفعش يطلع من سهر العدوي الاعلاميه المعروفه بجرأتها و صراحتها و وقوفها في وش الفساد انتي بتقولي مش هقدر اخون مالك عشان صاحبتي و عشان مفيش بيني وبين الراجل عداوه وده معناه انك لو تعرفي حاجه عنه مش هتقولي عشان الاسباب دي مع اني يعني اللي اعرفه ان لو ابويا نفسه فاسد هقول انه فاسد كلمه الحق ملهاش علاقه بعدو او حبيب.
سهر….لا انت ممكن تكون فهمتني غلط انا مقصدش كده طبعا بس حقيقي الراجل ده من الناس اللي يمكن يكون احيانا عليه علامات استفهام كتير بس محدش قدر يثبت عليه حاجه و انا حقيقي ممكن اشك في حجات كتير بس لما بحاول ادور بطريقتي مش بلاقي علاقتي الوحشه بمهيب اساسها كان خالد و معرفتي عن بلاوي خالد كان اساسها في البدايه اللي. بيعمله مع بيري تقدر تقول اني حطيته في دماغي بسببها لانه طول الوقت پياذيها نفسيا و قتها عرفت عنه بلاوي و اكيد ابوه بيحاول يحميه بطرق كتير مني و هو كمان عرفت عنه بلاوي فا طبيعي بعيد عن عداوتي ليهم انا اعرف كتير عنهم بس لازم تكون متأكد اني لو اعرف او لو عرفت حاجه عن رأفت الباشا مش هخبيها
ياسر…جميل طيب خلينا الوقت في مهيب و خالد تعرفي عنهم ايه يا بيري انتي وسهر
بيري…..لا اعرف كتير مثلا اعرف الشغل الجديد اللي بيعملوا ودي اخر حاجه عرفتها.
فريد….شغل ايه
بيري….خالد بيعمل شركه انتاج كبيره يعني ناوي يدخل في انتاج افلام ومسلسلات و حفلات غنائيه لمطربين بحكم معرفته بالوسط الفني و اغلبهم صحابه يمكن انا استغربت لان ده مش مجاله بس انا مستبعدش حاجه عن خالد هو شخص عايز يكون في ايده كل حاجه
ياسر….باستغراب شركه انتاج !!
فريد…بص لياسر مستغرب ليه ده طبيعي امال مين اللي هيدس السم في العسل غيرهم
سهر….يدس السم في العسل تقصد ايه انا حاسه انك بتلمح علي حاجه معينه
فريد….يعني زي ما قالت بيري مش بعيد بعد حلقتك بتاعت امبارح يكون هو اللي وراها بمعني اصح اللي علي راسه بطحه . و لو حقيقي ليه يد في اللي حصل معاكي فا ده مش عشان اللي عملتيه في خالد ابنه لما جالكم الكافيه ده عشان كلامك في الحلقه نفسها
سهر…تقصد ان مهيب معاهم
فريد….اه اقصد جدا ومش مهيب بس ده خالد كمان
بيري…من مين تقصدوا ايه انا مش فاهمه و بعدين انتي ايه اللي قولتيه في حلقتك يعمل كل ده.
سهر….الموضوع اللي فتحته في الحلقه الاولي بتاع المنظمه العالميه اللي كلنا نعرفها
بيري بصت لسهر و سكتت وشردت شويه كملوا كلامهم وهي وقفت بعيد سرحانه تفتكر حجات كتير حصلت من خالد
سهر….بس انا عايزه اقولكم حاجه مهمه بخصوص شغلهم ده.
ياسر…قولي كل اللي تعرفيه
سهر….بيري و مريم و مازن وملك وامجد دول اخواتي الصغيرين بحبهم فوق ما تتخيلوا مبدايا كده هنا الخمسه يبعدوا عن اي معلومه حابين توصلوا ليها يعني بمعني اصح المعلومه اللي هتحتاجوها انا تحت امركم فيها بس المقابل انهم ميتأذوش
فريد….مين جاب سيره اذي ليهم يا سهر.
سهر….خليني بس اكمل كلامي عشان تفهم قصدي
فريد…تمام كملي
سهر…..اولا مازن اخو بيري بيشتغل معاهم في الشركه بتاعتهم وارد يكون متورط في حاجه هو مش فاهمها اصلا كمان امجد هو في حاجه غريبه حصلت بخصوص الشغل الجديد ده الحقيقه انا مفهمتهاش بس الوقت اقدر اقول اني فهمتها شويه.
ياسر….بمعني!!
سهر….امجد اخو ملك ويبقي ابن رأفت الباشا امجد دكتور يعني لسه يادوب دكتور جديد هو عنده 26 سنه بس امجد بعيد كل البعد عن شغل رأفت الغريب بقي ان رأفت عجبه كلام مهيب وخالد بخصوص شركه الانتاج وقرر انه يشاركهم
ياسر…رأفت الباشا هيشارك في شركه انتاج !! طب ازاي
سهر….ماهو ده الغريب هو رفض ان اسمه يتحط علي العقود بتاعت الشركه واجبر امجد ان هو يبقي الشريك الرسمي مع خالد طبعا امجد رفض لانه ملهوش علاقه بالشغل ده خالص وكمان مش فاضي بس رأفت قاله ان اسمه وشراكته هتكون مجرد شړاكه بالاسم و هو اللي هيتابع الشغل بنفسه مقدرش امجد يرفض و فعلا مضي العقود و بعدها عرضوا علي مازن اخو بيري ان هو اللي يمسك
—
شغل مازن بمعني ان هو اللي ينوب عنه في اي حاجه يعني مازن يشيل الشغل كله و امجد بيشارك بالاسم وحصته بالمبلغ اللي هيتعمل بيه المقر بقي وكل حاجه.
فريد…بص لياسر طبيعي مش عايز اسمه يجي في حاجه زي دي.
ياسر…بالظبط يعني راجل دبلوماسي ايه اللي هيخليه يشتغل في الفن هتبقي غريبه شويه.
سهر….طبعا انا بعرفكم التفاصيل دي عشان لو في اي قلق في الشغل ده تعرفوا ان امجد ومازن مجرد واجهه او ستار ورأفت ومهيب وخالد هما الاساس.
ياسر….سهر انتي هنا مش في تحقيق و لا احنا لينا علاقه اصلا بمازن او امجد انا محامي مش وكيل نيابه.
سهر….عارفه بس كمان واضح من كلامكم ان الموضوع كبير مش مجرد معلومه بتدوروا عليها و انا واجبي اعرفكم ان دول ملهمش ذنب في اي حاجه
ياسر….وانا مش عايزك تقلقي عليهم خالص مش هما هدفنا يا سهر
بلال….طيب مين تاني من الاسامي الكبيره قريب من رافت الباشا و مهيب الباز وابنه
سهر….لا ناس كتير اوي متنساش انهم ناس تقيله في البلد واكيد كل معارفهم من نفس الطبقه فا مش طبيعي ان اي حد قريب منهم يبقي متورط معاهم في حاجه انتوا بتدوروا عليها.
فريد….اكيد يا سهر بس احنا كمان بندور علي اسامي معينه ويمكن الاسامي دي تكون موجوده معاهم
سهر….طيب ما تقولي زي مين وانا اقولك.
بص فريد لياسر و بعدين بص لسهر.
فريد….سعد الدين رشدان تعرفيه
او تعرفي هو ليه علاقه بيهم ولا لأ
سهر….مش ده رجل الاعمال اللبناني
فريد…هو
سهر…انا اعرفه بس بصراحه معرفش هو علي علاقه بيه ولا لأ يعني ولا مره شوفته مع مهيب وخالد في اي حفلات كانوا بيعملوها حتي لو مكنتش بروح لان علاقتي بيهم زي الزفت بس كمان الصور اللي كانت بتتاخد ليهم مكانش بيبقي معاهم فيها كمان عمر ما ملك او امجد جابو سيرته يمكن يكونوا يعرفوا بس مجاتش صدفه اة مناسبه يحكوا عنه و ممكن يكونوا ميعرفهوش اصلا
ياسر….طيب عادل الغندور او محمد الرشيدي.
بص فريد لياسر باستغراب لان الاسامي دي هو مجابش سيرتهم قدامه قبل كده و ده معناه ان سالم عبيد المحامي هو اللي قاله عليهم.
سهر….اه اعرفهم و دول من الناس اللي هاجمتهم في حلقات الموسم اللي فات محمد الرشيدي ده بتاع معمار الرشيدي صح
ياسر….صح هو
سهر….ده يعتبر منافس قوي لمهيب الباز لان مجالهم واحد الاتنين من اقوي الناس في المعمار في مصر بس اللي اعرفه ان رغم المنافسة اللي بينهم و كرههم لبعض الا ان مفيش حد فيهم بيفوت للتاني مناسبه و بشوفهم مع بعض كتير
ياسر….وده معناه ان في رابط قوي اقوي من منافستهم في نفس المجال جابرهم علي التأقلم مع بعض
سهر….ده وارد جدا اصلا علاقتهم مع بعض معروفه في مجالهم و بيسابقوا بعض ديما لكن في نفس الوقت تحسهم مع بعض علي طول و يمكن زي ما بتقول في مصالح تانيه مشتركه بينهم
ياسر….طيب و عادل الغندور
سهر….قولتلك انه كان من الناس اللي انا هاجمتهم قبل كده و حاول كتير بشكل غير مباشر يهددني يوقف البرنامج بس معرفش
فريد…وايه نوع الټهديد اللي وصلك منه
سهر…..يعني في حد من الناس اللي شغاله معاه اتصل عليا بعد حلقه انا عرضتها اتكلم معايا بطريقه كانت كويسه جدا وجلها مبررات تثبتلي ان شغله سليم مع ان يعني انا مجرد اعلاميه ليه حابب توضحلي عكس اللي قولته انا في النهايه مش من رجال الشرطه يعني عشان تبررلي و طلب مني اني ابعد عن التلميح عليه لهجته كان فيها ټهديد غير مباشر ودي حاجه انا اقدر افهمها من اسلوب الكلام وبعدها بحوالي شهرين كان عامل حفله قويه و انا كنت من ضمن المدعويين مع اني مليش علاقه بيه ولا بوسط رجال الاعمال ده انا طبعا مروحتش بس كلها حجات شبه كده.
ياسر….وانتي يا بيري تعرفي حاجه عن الاسامي دي.
فضلت بيري ساكته وسرحانه مش معاهم خالص
فريد…بيري سرحانه في ايه
بيري….هاااا لا مفيش معاكم
فريد….لا مش معانا خالص
بيري…انا في حاجه افتكرتها بخصوص كلامكم عن مهيب و خالد و عن شركه الانتاج
فريد…..حاجه ايه
بيري…..انا ديما كنت بشوف ان خالد شخص غريب ومريض افكاره كلها غريبه وكلامه اغرب بس عمري ما فهمت يقصد ايه ولا ركزت اصلا في كلامه بس لفت نظر الوقت انك قولت انهم بيدسوا السم في العسل و ربطت كلامكم ده بالمكالمه اللي جات لسهر المره اللي فاتت.
فريد…..لا وضحي اكتر يا بيري