لقاء كـ،ـ،ـ،ـارثي
عشري…..اقفلي السوسته للاخر
ليله….هي بتتفح لما بتحرك
عشري….طب اطلعي غيري
ليله….لا هقفلها مش هفضل طالعه نازله انا
عشري….تمام لو شوفتها مفتوحه تاني هتزعلي
ليله…..متقدرش
بصلها و بعدين دخل ياخد القهوه
………….
مسكت ايه كيس نفخته و خبت الكيس وراء ضهرها و مشيت بهدوء راحت علي سلامه كان بيظبط الدنيا بره مع الشباب و واقف مع عشري و رشيد و حسان و من غير ما ياخد باله فرقعت الكيس في دماغه اتخضوا و بعدين ضحكوا
سلامه….اااااه يا جزمه
ايه جريت و هي بتضحك ضحكتها العبيطه
ايه…..لو قربت مني هنتحر في المايه و اجيبلك مصيبه
رشيد…..طب اتكسفي علي دمك هتنتحري في حمام سباحه
ايه…..بضحك اه ما انا مش بعرف اعوم ممكن اغرق في حوض عادي
عشري…..والله شايفك و انتي جايه عرفت ان في نوش هيحصل بس بردوا اتخضيت
سلامه…..بضحك حلو اوي نكشتي فيا و انا كنت محترم و قولت بلاش مقالب معاكي قابلي بقي
ايه…..بضحك اللي عندك اعملوا
سلامه….طيب جميل الكلام ده اشهدوا عليا عشان لما تعيط محدش يقولي سامحها
ايه……بضحك سلامه لما فرقعت الكيس في دماغك شعرك وقف
فضلت تضحك بطريقه مضحكه و هما ضحكوا علي ضحكتها
سلامه…..بضحك ما لازم يقف خرج في قفايا شويه هواء عنب و الله لا اوريكي يا بومه
ايه….ميدوووووو ميدووووو
عسال…..هاااا
ايه….تعالي عيزاك
قرب منها و هو ماسك نادين في ايده و رايح جاي بيها مش بيسيبها لحظه كأنها حقيقي بنته
عسال…..نعم يا ايه؟
ايه….ميدو سؤال انت بتقول ديماً انك مع البنت صح ولا لا
عسال….حصل
ايه…..طب ولحد الوقت ولا غيرت رأيك
عسال…..لا مغيرتش رأي في ايه
ايه…..بطريقه مضحكه عملت نفسها بتعيط و مظلومه طب اخوك بيقول عني بومه يا ميدو يرضيك
سلامه…..بضحك يابت مش لايق عليكي المسكنه دي
ايه….شايف يا ميدو شايف اخوك
عسال…..بضحك شوفتك انا و انتي بتفرقعي في راسه الكيس
بصتلوا وابتسمت ابتسامه عبيطه
ايه….شوفتني بجد
عسال….بضحك اه قفشتك
ايه….طب و ده يخليه يقولي يا بومه يعني انا بهزر يعني و بعمل جو و كده يعني الحق عليا
عسال…..لا هو غلطان
ايه….طب هاتلي حقي من اخوك
نادين….بضحك يا مفتريه
عسال….ايه اللي يرضيكي
ايه….أحدفه في المايه يا ميدو
سلامه…..مااااايه طب تعالي
صوتت ايه و جريت و سلامه جري وراها
