لقاء كـ،ـ،ـ،ـارثي
عشري….وانا
سكتت شويه و بعدين رشت تاني لفوق فا اكتر من حد اتغرق و بصوا تاني لفوق
ايمي….بتمطر شكلها اه
رشيد….طب ايه ندخل جوه احسن نتغرق ولا ايه؟
عشري…..لا هي مش بتمطر اوي يعني
رفعت ايه تاني ايدها فا لمحها عشري و هي بترش
عشري…..بضحك يا بنت اللذينه دي المصيبه اللي جنبك
سلامه…..بضحك قفشها من رقبتها وهي بتضحك وريني كده بقي
ايه…..بضحك خلاص والله بهزر يا رمضان
سلامه….طب اغرقك و لا اعمل ايه طيب
ايه….بضحك لا قلبك ابيض
حنان….انتي اللي بتنكشيهم اهو
عشري….عرفتي يا حنون اللي هي اللي حطانا في دماغها
ايه…..انت بتتكلم معايا ليه اصلا انا مخصماك
عشري….احسن
ايه….شايفه يا ليله ؟
ليله….تستاهلي بصراحه
ايه….بضحك ده ايه الوطينه دي
سلمي….ايه بطلي رش مايه انا بردانه بجد
ايه…..قومي من هنا لو مش عاجبك
حسان…..بضحك انتي عامله فيها بلطجيه ليه هو انتي محدش عارف يسطتك ما تشوف خطيبتك يا عم
سلامه….بضحك هنضرب انا وانتي
ايه…..محدش يقدر و بعدين ما تعلوا صوت الاغاني دي شويه صدعهم
ايمي…..بت بلاش صداع هو حلو كده
ايه….ايمي بتفكرني بالناس الكبار اللي في الافراح
نعيمه….بضحك اوي والله
ايمي…..ايه هتعومي علي عومها انتي كمان
مصطفي و الشباب كانوا عمالين يهمسوا و يضحكوا
رجع مصطفي ايده الاتنين وراء ضهره و لع بالولاعه صاروخ و حدف في الدايره اللي قاعدين حواليها بس من بره ناحيه ليله و ايمي و عشري و رشيد و سلمي و حسان
اول ما فرقع كلهم صوتوا و اتخضوا
ليله…..حرام عليك
عشري…..ياض اعقل ياض انت جاي ترازينا احدفك تاني
رشيد…..بضحك طول ماهما قاعدين جنب بعض كده هيتفقوا علينا
ايمي….اه قوموهم من جنب بعض والله
عسال….هو احنا قولنا ايه
حنان…..مفيش فايده فيه ده
مصطفي…..بضحك انا بفوقكم كده بس عشان متناموش مني احنا في رحله و الرحله معناها نشاط ايه كلتوا و هتناموا
عشري….بابتسامه خد بالك انتوا الجوز مش مريحني بردوا
سليم….بضحك وانا عملت ايه طيب
عدي…..بأبتسامه متبصليش انا مليش فيه مصطفي اللي مش ساكت
مصطفي…..بضحك علي فكره بقي الولاعه دي بتاعت عدي
فضل…..بضحك و عدي معاه ولا عه ليه ؟
ابتسم عدي و بص لبعيد
عدي….الله يخربيتك
نعيمه……انت بتشرب سجاير صح
عدي…..بضحك ياعم ما تكست انت وهي
